نظر الجد وسالم الي فارس الذي هب واقفا مقاطعا كلامهم ليتحدث قائلا: انا قررت اني لما اتجوز مش هعيش هنا ياجدي وهنقل شغلي مصر ... انا هعيش في شقتي اللي اشتريتها في المدينه اللي اسر عايش فيها ...مبقاش ليا نفس اني اعيش هنا .. انا عايز اعيش حياتي ويبقي ليا كياني المستقل ..
هب سالم واقفا هاتفا به بحده شديده : انت اتجننت ولا ايه ياواد يعني ايه عايز تعيش في المدينه وارضنا وبيتنا مين هيقعد فيه ...
نظر اليه فارس بقوه غير عاديه قائلا: انا اسف ياابوي بس انا قررت قراري ومش ناوي ارجع فيه
اما ه وح مصر واعيش فيها انا اصلا سبق وشوفت
ليا شغل هناك في شركه كبيره وقررت اني اروح استقل بحياتي هناك .
غضب سالم بشده حتي انه همان يمد يده علي عليه الا ان صوت الجد قاطعه بقوه قائلا: ساالم
بدك ترفع يدك عليه وانا قاعد ...عقلك راح فين ياولدي .
نظر اليه سالم باسف قائلا: انت مش سامع بيقول ايه يابوي دا اتجنن .
الجد بهدوء : وعايز ايه كمان يافارس ...
نفسك تعمل ايه كمان .
صمت فارس قليلا ليتحدث قائلا: مفيش ياجدي انا بس عايز امشي من هنا ... راحتي مبقتش في البيت دا ..
دخلت كريمه تهتف بحسره: وهتفوتني لوحدي ياولدي ..هتفوت امك لابوك وحدها ...لا يافارس علشان خاطري ياولدي متمشيش ...خدني معاك انا وليلي.
نظر اليها الجد بضيق ليتحدث قائلا: خلاص يافارس بكره تطلع علي دمياط تحمل عفش كامل لشقتك وتجيب بدل العامل عشره
لاني عايز الشقه دي تخلص علي نهايه الاسبوع مش اكتر من كدا ياولدي
وعروستك اعمل دخلتها هنا وبعدين ابقي خدها وروح علي شقتك في مصر .
ابتسم فارس باتساع واقبل علي يد جده يقبلها ثم نظر الي والدته وقال بهدوء : اسف ياامي بس انا خلاص تعبت ...بيتي مفتوح ليكي وانتي وليلي في اي وقت تقدري تيجي وتقعدي براحتك
.
نظرت اليه كريمه بغضب ثم تحرك من امامه دون ان ترد عليه ليبتسم فارس بحزن فهيا لطالما لم تكن تهتم الا بنفسها ومؤامراتها لم يشعر بحنانها ولا اي مره .
خرج الجيمع لينظ سالم الي والده ويتحدث قائلا بحده: يعني ايه يابوي ...يعني ايه ...هتسيبه يعيش في مصر ..هيبقي هو واسر فاضل لينا مين بقي هنا عشان يراعي ارضنا وحالنا ومحتالنا .
نظر اليه الجد بهدوء قائلا: يعني اقعده هنا غصب عنه ياولدي ، سيبه ..سيبه يروح ويجرب عيشه مصر وياخد راحته شويه ..هو هيرجع لوحده بعدي ميكون شم نفسه ..مش عايز اضغط عليه علشان ميزهقش ويهج مننا ياولدي.
