كان الجميع ينظر الي فريده تلك الطبيبه المنتقبه بترقب شديد لتتحدث قائله وهيا تنظر اليهم: مين جوزها .
اقترب منها احمد بسرعه بعد ان أومأ لها فقد عقد الخوف لسانه لتنظر اليه قائله بحزن شديد : للاسف...
هنا سقط قلب احمد بين قدميه ليكاد ان يتهاوي فتكمل قائله: للاسف اضطرينا نشيل الرحم لان الرصاصه عملت فيه تهتك حاليا العمليه نجحت وهينقلوها لغرفه العنايه المشدده هتفضل فيها لحد بكره وان شاء الله هتخرج بعد اسبوع..اللي حصل موضوع صعب اتمني انك تقدر تتجاوزه وتساعدها انها تبقي احسن ...
ابتسم احمد ابتسامه بالكاد خرجت منه ليتحدث قائلا بقلب خائف: يعني دلوقتي انتي بتقولي انها عايشه مش كدا .
ضحك حسام واسر الذي تهاوت دموعه بشده لتبتسم فريده قائله: ايوا الحمد لله ليها عمر وان شاء الله تعيشوه وانتوا متهنيين يارب .
عانق احمد اسر بقوه وهو يبكي قائلا من بين شهقاته: الحمد لله يارب الحمد لله ...انا اصلا مش عايز ولاد انا عايزها هيا بس .
ربت اسر علي كتفه فقد علم ان احمد عاشق لشهد بكل جوارحه ليبعده قائلا: ربنا مبيعملش حاجه وحشه ابدا تاكد ان دا كان شر ربنا بعده عنهم
ربنا اكيد عارف ان الخير فانكم متخلفوش ربنا يهدي شهد ومتشيلش في نفسها .
ابتسم احمد ومسح دموعه بينما حسام رد قائلا: خلينا بس ندعي ليها ربنا يتم شفاها علي خير ونستني لم يخرجوها .
اوما اسر واحمد الذي انتبه سريعا وتحرك من مكانه بعد ان رأ الممرضات يدفعن سريرها باتجاه غرفه العنايه المشدده ليمسك بيدها بسرعه مقبلا اياها بحب شديد .
************
مر اليومين وشهد لم تستيقظ بعد واسر وحسام واحمد لا يزالون معها في المشفي ويتوافد عليهم اصدقائهم
يجلس اسر بجانب صديقه باسل الذي قدم بسرعه بعد ان علم بالامر فقد كان في مهمه اخري
باسل بحزن: كدا يااسر متتصلش عليا وتسيبني اعرف من رامي بعدها بيومين .
نظر اليه اسر بوجه شاحب قائلا: والله يااباسل انت شايف اهو احنا قاعدين من يومين متحركناش من مكانا حتي سلمي مطمنتهاش عليا ومجاش في بالي بصراحه اني اكلمك معلش متزعلش مني ياباسل
ابتسم باسل فهو يقدر وضع اسر فشهد اعز صديقه لديه وهيا تعده اخيها بحق .
