ساد الصمت مرة أخرى حتى أردفت بسمة فجأة: جماعة تعرفوا إن آسر متجوز؟!
توقفت الفتيات عن الأكل بيننا تنظرن لها بصدمة لتقترب سما من بسمة بينما تتلفت مردفة بهمس: آسر أخو نور دي؟!
نظرت بسمة لنور التي كانت تنظر لها بينما تفتح فمها بصدمة.
أشارت لهن بسمة بالاقتراب حتى اجتمعت رؤوسهن مشكلين دائرة أثارت الشك في قلوب المتواجدين حولهن لتردف بهمس: وأنا داخلة المكتب انهاردة لقيته بيبص في صورة وبيقول وحشتني أيامنا مع بعض أوي ونفسي نرجع تاني.
شهقت الفتيات بدرامية لتبتعدن بينما تضع كل منهن يدها على فمها بصدمة، أشارت لهن بسمة بالاقتراب مرة أخرى لتهمس مكملة: ولما دخلت المكتب خبى الصورة بسرعة وكان شكله زعلان، فكرت إنهم انفصلوا بقى فقولت أكتشف الموضوع علشان أعرف أساعد ولا حاجة، جيت أفتح المكتب بعدها لقيت دبلة وخاتم مرميين كدا في الدرج، وصورة لواحدة حلوة أوي شكلها عشرينية كدا، بس لقيت معاها صورة واحد حليوة كدا، فسيبتها وقولت أكيد مش هيحب في الراجل يعني، وبعدين بقى وأنا ماسكة صورة البنت الحلوة دي بقى قام داخل عليا وقالي ما تفتحيش الدرج دا تاني وعان الصورة وقفل الدرج بالمفتاح، فقولت أكيد البنت دي ليها علاقة بالخاتم والدبلة.
أنهت حديثها بفخر لتردف أسيل بحنق: اسم الله عليكي وعلى أهلك يا اختي، ما طبيعي صورة لبنت بيقولها نفسي نرجع تبقى ليها علاقة بالخاتم، ولا كان جايب الخاتم للشاب يعني؟! هتجيبي للراجل إعدام وإحنا قاعدين حرام عليكي.
نظرت لها بسمة بحنق لتتكتف مردفة: دائما مش عجباكم كدهو، خلاص يا اختي روحي اكتشفي انتي فضيحة ابن عمك اللي هيجيبلنا العار على آخر الزمن.
نظرت نور لبسمة لتردف بينما تقف ساحبة يدها: دلوقتي محدش في المكتب علشان آسر عند حازم، تعالي نشوف الصورة.
نفت بسمة سريعا بينما تتشبث في مقعدها مردفة: انسي، دا كان هياكلني بعنيه لما شافني فاتحة الدرج، مع نفسك يا حب.
نظرت لها نور بتوسل لتردف سما بينما تقف بحماس: ما إحنا ممكن نفهم الموضوع ونعمل خير ونجمعهم مثلا؟! أو نهون عليه مثلا؟! مش هوا زي أخونا بردو ولا إيه؟!
نظرت لها بسمة بحنق لتردف بهمس بينما تحاول استصاغة الكلمة: أخونا؟! لما أبو عيون زرق دا أخونا أمال نتجوز مين إحنا؟!
سحبت سما ونور يدها لتردف نور: هنروح على السريع نخلص الموضوع ونرجع قبل ما نتمسك، يلا يلا.
أومأت أسيل معهم بينما تقف مردفة: ويلا يا شمس انتي كمان معانا، كل ما كان عددنا كتير كل ما كانت المهمة أسهل ولو اتكشفنا نعرف نطلع بعض منها، يلا.
أنت تقرأ
رمادي مخطط بالأبيض «قيد التعديل»
Humorسيتم تعديل السرد في الرواية كاملة، كما الحال مع اضافة بعض التعديلات لأحداث الرواية، أرجوا ان تتطلعوا لتحديث أفضل ♥ رمادي مخطط بالابيض.... خلقت حكاياتنا من بين رحم الحياة بعسر ووجم، وما حملت تلك الحكايات إلا نبضات تتسارع للحصول على السعادة والحياة وا...
