رمادي مخطط بالأبيض
ــــــــــــــــــــــــــــــــــــــــ
41
البارت الواحد والأربعون
بقـــــــــــلم: بســــــــمة بــــدوي
بسمة أحمد ابن خالك اتقدملك واحنا وافقنا
اردفها سليم بينما ينظر لطعامه بعدم اهتمام، غير مراعيا تلك القلوب التي ارتعبت خوفا من فقدان احداهما للاخر...
بسمة: احنا اللي هوا مين؟!
سليم ومازال محتفظا بجموده: انا واعمامك ومامتك وجدك.
نظرت بسمة سريعا لوالدتها التي نظرت للسقف فجأة متجاهلة نظراتها الحادة.
ليكمل سليم بلا مبالاة: شاب كويس ومحترم ومتربي وسطنا وشغلو كويس وشركته مستقرة، ايه يخلينا نرفضه!
ابتسمت بسمة بسخرية لتردف بحدة: يخليكو ترفضوه اني مش شايفاه اكتر من اخ كبير ليا.
سليم: بعد الجواز تشوفيه كزوج، عادي
بسمة«بحدة»: بابا!!
نظر لها سليم بجمود مردفا: انا اديتهم كلمه...
نظرت له بسمة بعدم تصديق لتترك طاولة العشاء وتستدير ذاهبة لغرفتها.
اردف سليم ببرود: بكرا بالليل هييجو..
لم تنظر له بسمة التي صعدت الي غرفتها سريعا..
في اليوم التالي
تجلس بسمة في غرفتها بينما تمسك احد الكتب بعدم اهتمام وحولها الفتيات.
سما: يا بنتي خالك جاي هوا ومراتو وأحمد كمان نص ساعه.
بسمة: سما، أنا مش هغير هدومي..
اردفت كلماتها بحدة لتردف نور محاولة اقناعها: يعني هتنزلي بالبچامة يا بسمة، ما ينفعش يا حبيبتي غلط.
بسمة: مش هنا ناويين يجوزوني غصب عني، تمام جدا هلبس براحتي بقى واعلى ما في خيلهم يركبوه.
اسيل: طيب عدي انهارده خير وابقي اعملي خطوبتك بالبچامة عادي..
بسمة: لا.
شمس: يا بت ما تجننيش أمي، خالك مشافكيش بقالو سنه و لما ييجي تطلعيلو بالبچامة، ومش اي بچامة دي عليها بطابيط!!
اسيل: يعني انتي اللي مضايقك دلوقتي البطابيط ولا البچامة؟!
تأففت شمس بضجر بينما تربع قدميها على السرير: مش هتفرق يا جماعه، مش متخيلة نفسي ابدا انزل ب بطابيط لضيوف نهار ابيض...
أنت تقرأ
رمادي مخطط بالأبيض «قيد التعديل»
Humorسيتم تعديل السرد في الرواية كاملة، كما الحال مع اضافة بعض التعديلات لأحداث الرواية، أرجوا ان تتطلعوا لتحديث أفضل ♥ رمادي مخطط بالابيض.... خلقت حكاياتنا من بين رحم الحياة بعسر ووجم، وما حملت تلك الحكايات إلا نبضات تتسارع للحصول على السعادة والحياة وا...
