رمادي مخطط بالأبيض
ـــــــــــــــــــــــــــــــــــــــ
24
البارت الرابع والعشرون
بقـــــــــــلم: بســــــــــــمة بـــــدوي
بسمة: وردة انتي كلمتي مامتك؟
وردة: لا نسيت.
سما: انتي حمارة يا ماما؟! دي حاجه تتنسي دي؟!
فنظرت لها بضجر مردفة: ايوه يعني اعمل ايه انا، اهو اللي حصل و نسيت، هبقي اكلمها انهارده.
بسمة: ابو برودك يا شيخه انا رايحه اشوف شغلي اوعي.
سما: خديني معاكي بدل ما اقعد مع عديمة الإحساس دي.
وردة: يلا يا ماما انتي و هيا برا.
بسمة ما تنسيش تشتري بربع جنيه من الأحمر علشان شكلو خلص من عندك.
سما: الإحساس نعمة والله يا بنتي.
انهت سما كلماتها لتنظر لهما وردة بغيظ و تلقي الدفتر من يدها لتشمر عن ساعديها و تسحبهما من شعورهما لتلقيهما امام الباب مردفة بغضب: الجدعة فيكو تخليني اشوف وشها طول ما انا شغاله، تمااام؟!
أغلقت الباب في وجه المصدومات أمام الباب.
سما: بريستيچي؟!!
بسمة: احمم شكل محدش هنا.
قالتها و هي تعيد تعديل شعرها الذي خرب بفضل وردة بينما تدور حول نفسها تبحث ان كان يوجد أحد في المكان.
سما: المهم هتعملي ايه انهارده؟!
بسمة: هروح لآسر.....
نظرت لها سما بخبث بينما تحرك حاجبيها مردفة: اوووووه، الحب الحب.
فنظرت لها بسمة بحسرة و هي تندب حظها: يا اختي بلا وكسه، انا رايحه اشوف ايه الشغل اللي عندو علشان نخلص، و انتي خلصي شغلك مع زهراء اللي الواحد معادش سامعلها حس دي، و بعدين ابقي تعاليلي نروح نتغدي سوا، و قبلها و بعدها كمان نبقي نضايق شويه في الخروف بتاعنا دا «آدم»، بس كدا، دا بروجرام انهارده.
سما: لا حلو بروجرام انهارده، يلا انطلقي، اشوفك لما اخلص.
بسمة: اوك باباي.
عند آسر
دخلت بسمة سريعا المكتب بدون طرق الباب لتجلس علي الكرسي امامه بدون اي حديث.
فنظر لها آسر بتعجب مردفا: بسم الله، في ايه؟!
أنت تقرأ
رمادي مخطط بالأبيض «قيد التعديل»
Humorسيتم تعديل السرد في الرواية كاملة، كما الحال مع اضافة بعض التعديلات لأحداث الرواية، أرجوا ان تتطلعوا لتحديث أفضل ♥ رمادي مخطط بالابيض.... خلقت حكاياتنا من بين رحم الحياة بعسر ووجم، وما حملت تلك الحكايات إلا نبضات تتسارع للحصول على السعادة والحياة وا...
