رمادي مخطط بالأبيض
ـــــــــــــــــــــــــــــــــــــــ
25
البارت الخامس والعشرون
بقـــــــــــلم: بســــــــــــمة بــــدوي
نظر لها مروان بتعجب و عدم فهم لموقعه من الإعراب في هذه المرة بشكل أكبر، هل تم رفضه الآن أم ما الذي يعنيه هذا...؟!
ركضت سما بعيدا عنه بسرعة كبيرة.
ذهبت لمكتب بسمة التي صدمت من منظرها المضطرب.
بسمة: بسم الله، في ايه؟!
قالتها بينما تترك ما في يدها لتذهب حيث سما المضطربة.
دفعتها سما بعيدا عنها لتذهب لشرب الماء.
سما: اعترفلي، يخربيت كدا، ايه التوتر دا، دا توتر ولا توتر امتحانات الشهادة الثانوية، جالي هبوط حااد في الدورة الدموية هبوط حاد، الحقيني، لا لا دا شكلو ضغطي علي، ولا وطي دا، ولا إيه، لا خلاص شكلي هموت، الحق اروح اكفر عن ذنوبي طيب ولا اعمل ايه، اتصرفييي....
قالتها بينما تلهث و تدور حول نفسها أمام بسمة الواقفة أمام الباب بدون فهم لما يحدث حولها، هي مدركة تماما ان الموضوع يبدو مهم، و لكن ما الموضوع؟! هي لا تعلم، و لكن يبدو مهم.
أغلقت بسمة الباب بقوة لتقوم بسحب سما و دفعها إلي أحد الكراسي بينما تنظر لها بسخط: هبوط حاد و ضغط متنيل علي عينه يبقي نقعد يا بابا، نقعد مش نلف حوالين نفسنا، بدل ما نقع من طولنا و انا اساسا معنديش مايه بسكر و التليفون اللي عندي في المكتب بايظ و محدش هيعرف يلحقنا غير لما اطلع اصوت و اقول الحقونا الحقونا، تمام لحد كدا، دلوقتي بقي افهم في ايه، فهميني.
فنظرت لها سما برعب من شكلها الغاضب و هي تبتلع ريقها بصعوبة من شدة التوتر.
سما: مروان اعترفلي و ماما مش هتوافق و مش عارفه اعمل ايه انا.
نظرت لها بسمة بعدم فهم مردفة: ايوه بردو ايه اللي يجيب هبوط حاد في الموضوع؟!
سخرت سما بعدم اهتمام: لا دا هبوط حاد ليا انا، انتي اساسا معندكيش احساس و الموضوع مسلم بيه.
فنظرت لها بسمة بسخرية بينما تعيد شعرها المتناثر علي كتفيها مردفة: لا يا عنيا، احاسيسي سايباها للي يستحقها، مش هبحترها عليكو.
سما: يا اختي اتوكسي.
بسمة: المهم دلوقتي، ايه اللي المفروض يحصل؟!
أنت تقرأ
رمادي مخطط بالأبيض «قيد التعديل»
Humorسيتم تعديل السرد في الرواية كاملة، كما الحال مع اضافة بعض التعديلات لأحداث الرواية، أرجوا ان تتطلعوا لتحديث أفضل ♥ رمادي مخطط بالابيض.... خلقت حكاياتنا من بين رحم الحياة بعسر ووجم، وما حملت تلك الحكايات إلا نبضات تتسارع للحصول على السعادة والحياة وا...
