رمادي مخطط بالأبيض
ــــــــــــــــــــــــــــــــــــــــ
39
البارت التاسع والثلاثون
بقـــــــــــلم: بســــــــمة بــــدوي
*حازم: شمس انا بحبك*
نظرت له شمس بعدم استيعاب لتردف بتساؤل: اه يعني في ايه؟!
حازم: انتي فصلتي طيب ولا الطلق اثر علي دماغك ولا في ايه، بقولك بحبـك
شمس: و بعدييي...، احلف بالهندي كدا، احلف وحياة امك والنبي!!!
نظرت له في بداية كلماتها بملل و انهت كلماتها بصدمة بعد استيعابها لكلامه...
حازم: طيب امشي عما تستوعبي طيب ولا ايه؟!
شمس: حتي في دي فريزر ياربييي، فريزر اه بس قمرر، الا قولي صحيح، مين اللي قالك تعترف كدا؟!
حازم: بسمة و سما قالولي فاجئها، و انا مالقيتش مفاجأه اجمد من كدا.
شمس: لا جمدان الله اكبر عليك، وجايلي كدا من غير خاتم ولا وردة ولا حتي مصاصة توحد الله؟!
حازم: لا ما انا مالحقتش، انا جاي اعترف دلوقتي وبعدين نبقي نفكر في الباقي، وبعدين انتي هتعوزي ورد ليه مش من البنات الرقيقة انتي علشان اجيبلك ورد، ابقي فكريني المرة الجاية اجيبلك اتنين دمبل....
نظرت له شمس بلا ملامح لعدة لحظات حتي اردفت بحدة: امشي اطلع برا.
حازم: طب اصبري بس هقولك حاجه
شمس: براااا
حازم: والله انتي الخسرانه كنت هقولك تتجوزيني وكدا...
طردته شمس مغلقة الباب بينما تردف: يلا يا ديب فريزر يلا..
طرق حازم الباب بينما يضحك مردفا: بت افتحي طيب، بجد لسه هوريكي حاجه...
شمس: ايه؟!
حازم: افتحي بس..
فتحت شمس الباب لتردف بتساؤل: فين؟!
حازم: تحت.
ارتدت شمس لكلوكها لتسيير خلف حازم الذي ركض للأسفل وما أن وصلت حتى أضاءت انوار المنزل وركع حازم مخرجا علبه حمراء تحتوي على خاتمان صدمت شمس بينما تنظر الى عائلتها المجتمعه بينما يبتسمون بسعاده....
ابتلعت شمس ريقها بتوتر لتردف بتساؤل كبير: ببيجامه النوم واللكلوك طيب؟!
أومأ لها حازم بينما يضحك فنظرت شمس لملابسها بحنق لتوافق ساحبه خاتمه و ألبسته إياه والبسها خاتمها لتعم الزغاريد انحاء المنزل...
أنت تقرأ
رمادي مخطط بالأبيض «قيد التعديل»
Humorسيتم تعديل السرد في الرواية كاملة، كما الحال مع اضافة بعض التعديلات لأحداث الرواية، أرجوا ان تتطلعوا لتحديث أفضل ♥ رمادي مخطط بالابيض.... خلقت حكاياتنا من بين رحم الحياة بعسر ووجم، وما حملت تلك الحكايات إلا نبضات تتسارع للحصول على السعادة والحياة وا...
