أحببت سادية 24
الفصل الرابع و العشرون
الأصدقاء
كتير بيقارنوا بين شعور المحبين و الأصدقاء ، البعض بيشوفهم متشابهين و البعض بيشوف إن مفيش شبه اصلا بين الأتنين . فتعالى أقولك إن الشعور بالمحبة إتوجد بين الناس من اول الخلق و مشترطش يكون لمين . فيه محبه الأم لأطفالها و الب لأولاده و الاخوات لبعضهم ، وفيه حب الحياة و حب الجمال وحب الفلوس و حب الغرايز و الشهوات كلها انواع من الحب بعضها صادق و بعضها كداب . زي الحب بين المحبين و العشرة و المودة بين المتجوزين . وفيه حب الأصدقاء و ده من غير هدف و لا مصلحة . حد مش من دمك لكن تحسه القرب ليك . ياخد بإيدك لو يوم ميلت و ينورلك الطريق و يكون ليك سند و ظهر و حماية من أي شيء . الوحيد إللي تقدر تحكيله كل ما فيك و أللي حتى بتخبيه عن نفسك و عن أقرب الناس ليك . تبقى واثق إنه حيقولك الصح و قبل ما تحتاجه حيسأل عليك . و يوجدلك بدل العذر ملايين . عمره ما يفهمك غلط حتى لو شاف بعينه حيكدب عنيه و يصدق أللي تقوله عليه .
صديق بجد يرد غيبتك و تحس إنك بتتحمي فيه و إذا كان الحب الحقيقي ممكن تقابله مرة فالصديق ممكن في العمر مرة أو أتنين. عشان كدا بقول إن المحبة انواع كتير و اصدقها بحق وجود صديق .
أحببت سادية ....... الراقي
ها يا طارق قولت إيه أنت أتمسكت بقضية كبيرة غير القضية أللي كنا عايزينك فيها .
حقول ايه يا باشا أنا عبد المأمور هاني هو أللي كان بيعمل كل حاجة و كان بيجبرني و يهددني أشترك معاه بالصور و الفيديوهات أللي ماسكها عليا .
عايز تفهمني إنه هو اللي بيهددك مش انت أللي كنت بتهدد البنات و تبتزهم على فكرة إنكارك مش حيفيد إحنا عندنا بلاغ من مباحث الإنترنت من واحدة قالت إنك بتبتزها و لما أخدنا منك التليفون لقينا عليه بلاوي كتير و مصايب توديك ورا الشمس فاحسنلك تعترف بكل شيء و أوعدك إعترافك و إنك تقول هاني فين ده حيخفف عنك الحكم شوية لإنك بتساعدنا قولت إيه ؟
ققولت خلاص يا باشا حقول على كل شيء .
*************************************
إيه الأخبار يا أستاذ إبراهيم
أهلا يا معلمة . الأخبار زي الفل ظبطنا المكتب و راجعنا ورقه و كله تمام و كمان كلمت ناس من أللي أعرفهم عندهم شغل على خفيف كدا حنبدأ بيه و بعون الله حنوصل للي عايزينه .
ما شاء الله كل ده في يومين . كنت عارفة إنك قدها يا غستاذ إبراهيم
البركة فيكي يا معلمة صفاء لولا وقفتك جنبي و غن الناس دي شايلة جميلك إنك مقطعتيش عيشهم حتى و المكتب مش شغال مخليهم عايزين يعملوا أي حاجة يخدموكي بيها .
متقولش كدا إحنا كلنا خدامين لقمة العيش .
صفاء لسه مش عايزة تسامحيني .
أنت تقرأ
احببت ساديه I loved a sadistic woman
Romanceماذا افعل لقد احببتها جدا ولم اقدر ان اعيش بدونها اصبحت لي مثل الهواء الذي اتنفسه كيف ساعيش معها وهي هكذا .... كيف ساقدر ان اعذبها واهينها كما تشاء هي ؟؟ انا الرجل الرومانسي الحنون من بين جميع نساء العالم لا احب الا تلك الفتاه التي تحب الالم وتتمتع...
