انا لك وطن وانت لي امان

10

< انا لك وطن وانت لي امان >

ضربته ام رشيد بخفه وضحكت مي وهي تمسح دموعها: حيوان
ضحك رشيد وناظرها : اذا بغيتي شي عندك اخ هنا اتصلي عليه
ابتسمت مي وطلعت للسكنهم وناظرت ريماس النايمه على الكنب بالصاله وتقدمت لغرفتهم واخذت بطانيه وغطتها وتقدمت تمسح على شعرها وتبوس خذها واخذت شنطتها واغراضها وناظرت الغرفه الي كانوا يسولفون قبل النوم ويضحكون فيها لاخر المره وناظرت الصاله الي كانوا يبكون فيها قريب من بعض والمطبخ الي كانوا يطبخون مع بعض ودورت المياه الي يتضاربون عليها لكل زاويه يجمعها فيهم شي اخذت ورقه وكتبت : احبكم ولا تنسوني مي
طلعت وهي تمسح دموعها وناظرت سيارة فهده وسواقها تقدمت ونزل السواق يشيل شنطتها وركبت فالخلف بجنب فهده وسلمت وردت السلام فهده ولفت فهده لسواقها : حرك للمطار
حرك السواق للمطار وتنهدت مي بضيق من الوضع بس لازم تتحمل نتيجة افعالها
في ديار نجد
عند بيت مشبب الي واقف بضيق وناظر هيله وكانه يستنجد فيها ويطلبها تنقذه من الوضع اخذ نفس وناظره : ادخلوا المجلس وبجيكم
لفت البندري وهي احس نفسها غريبه بينهم : عمي انا استاذنكم بروح اشوف اهلي الحين انقلبت الدنيا عليهم
مشبب هز راسه بالنفي: لا لا اجلسي هنا وسط اهلك واخوانك ما انتي غريبه
ابتسمت البندري ولفت تناظر ناصر الي صاد عنها وتنهدت ولفت من شافت ساره متقدمه تسلم لها وردت السلام لها ودخلوا المجلس عياله كلهم والبندري ولف لهيله واخذ نفس : جاء وقته
ابتسمت هيله بهدوء : المفروض من زمان
اخذ نفس طويل مشبب ودخل وهو يقوي نفسه وقف بنص المجلس وهو يناظر عياله الي صارو رجال وشواربهم تخط وجيهم هو طلع ونجى من ظلم اهله وهم صغار مايذكرون بس عبدالملك ولمى مجبورين يتذكرون لانهم خوالهم وعمانهم بنفس الوقت اخذ نفس ولف يناظرهم كلهم من اكبرهم عبدالملك الى اصغرهم نوف ونايفه مهما كبرو هو مجبور يقول لهم بلع ريقه وقال : انا
سكت وهو يناظرهم مايبغى تغيب عن وجهه ملامحهم : ولدت بالحرام ابوي تحرش بامي وجيت انا وتزوجوا ويوم كبرت حطوا الملام علي وانا السبب بزواجهم وكرهوني اخواني وكنت ابغا ابوي يحبني مثلهم واخذت بنت اخوه
سكت ولف لعبدالملك الي رافع راسه وهو عارف كل شي: وجبت منها عبدالملك ولمى بس مارضوا علي حاولت اكسب رضاهم بس ماتركوا لي مجال طعنوني وضربوني وقلت مالكم الا الرضاء حرضوا اخواني اولادهم علي وخفت تكبر المشاكل وتتضررون انتوا منها ونقلت لهنا وعشت بعيد عنهم وخليتكم تحت جناحي ورفضت وظايفكم
سكت من نزلت دمعته ومسحها بطرف شماغه وفزوا له عياله وتقدموا يبسون راسه :خفت والله ان كل ذا خوفاً عليكم من انكم تسون فيني زي الي سويته فيهم
سكتوا يناظرون ابوهم ويشوفون انكساره وهو مايهون عليهم
اخذ نفس عبدالملك: وانا السبب الي خلاني اترككم واطلع عيال خوالي الي هم عيال عمكم خفت تصير بيننا مشاكل اذا هم طعنوا ابوي الي هو عمهم مابيرحمونكم
تقدم مبارك وهو يحط ذارعه على كتف ابوه وابتسم يبوس راسه : والله انحن لك اخوان وسند وعزوه وجعلك ماتشوف فينا غير كذا
هز راسه بابتسامة مشبب : والله اني جبت رجال
ضحك يزيد : امي الي جابت
لفوا له كلهم وضحك يزيد يعض شفته من لاحظ العيد الي جابه  : بس من ظهر رجال
ضحكوا كلهم ولف له نيّاف يحضنه : ليتك ترقد من بعض الكلام
ناظره يزيد وهو يضحك ولفت هيله للبندري : وانتي يا امي كيفك
جلس مشبب وعلى يمينه وشماله عياله ولفوا كلهم على البندري الي ارتبكت : بخير الحمدلله
ابتسم مشبب : البندري هذي بنتي هذي المنقذ بعد الله سبحانه
ابتسم البندري : ابد واجبي ياعمي والله ماني راضيه عن الي يصير بس مجبوره اتبعهم
وقفت هيله : اجل يبغى لها عشى كفو
مبارك : ودكم نشوي؟
مشبب لف للجو: ماكانه برد ؟
يزيد وقف : نجي من الزوايه الثانيه للحوش
مشبب : يالله اجل
وقفوا العيال وقفت البندري تناظر هيله : خاله اساعدكم بشي
هيله ابتسمت : نركب قهوه وشاهي والباقي العيال يقومون فيه ان شاء الله
ابتسمت البندري وجت بتطلع خلفه بس لفت على الي سحب يده ولفت له : شفيك ؟
طلع ناصر يناظر اهله الي طلعوا الحوش وتقدم لها يحضنها ارتبكت من حضنه شد عليها واخذ نفس من قالت : تكفى حرام مايجوز
ابتعد عنها وناظر عيونها : والله لو انك ذنب لا اتوب ولو انك توبه لا اذنب وارجع اتوب
ابتسمت البندري : اشتقت لك واشتقت اسمع لكلامك
ناصر ابتسم : لاتجيني بعدين تقولين ذنب
ابتعد عنه وضحكت : خلاص انقلع
ضحك بعلو صوته ورجعت تناظره : لا تنقلع بس اعقل
حط يده على خشمه : على ذالخشم
ضحكت وطلعوا مع الباب وهو يناظر عزام ومبارك الي كل واحد منهم ماسك تيس يوريه ابوي وفهاد ونيّاف الي يجهزون الفرشه ويزيد الي يشيل الحطب وساره الي واقفه بين امها وابوها وتسولف لهم ونايفه ونوف الي يلعبون بالكوره
ابتسم وهو يناظرهم تقدم لعبدالملك ولف عبدالملك يناظر وجهه ضحك من شافه يبتسم : رجعت القلوب لبعضها ؟
اخذ نفس ناصر يبتسم : مافترقت علشان ترجع
ضحك عبدالملك واخذ جواله الي يتصل وناظره : وجعلها ماتفترق
ناصر ابتسم : امين
رد عبدالملك على جواله : ارحب
سلطان : رواف بس سعد ال هياف اعتقل باقي اثنين
عقد حاجبه عبدالملك ولف لناصر الي يناظره : صالح ومن الثاني
سلطان : لا فيه غير صالح صالح بيجبونه الحين طلعنا امر  بالقاء القبض
اخذ نفس صالح : من فيه غيرهم ؟
سلطان ثنيان بن خالد ال هيّاف و مطلق بن سعود ال هيّاف
عبدالملك تنهد : تكفى طلعهم ياسلطان
سلطان : على خشمي ازهلهم قالك عبدالعزيز ؟
عبدالملك: عن ؟
سلطان : عبدالعزيز اعطاك اجازه ١٠ ايام
ابتسم عبدالملك: انت صادق
لف سلطان لصالح الي جابوه : اي والله بقفل الحين بدخل التحقيق
عبدالملك: ودعناك الله وانتبه
سلطان: على خشمي
قفل سلطان جواله ودخل التحقيق ولف ناصر على عبدالملك: وش في وجهك؟
اخذ نفس عبدالملك: والله مدري بس الله يستر من الجاي
شد ناصر على ذراع عبدالملك وابتسم وراحوا لمبارك وعزام الي يسلخون الذبحه : ذيابه ذيابه
لف عزام عليهم : تعالو عاونني
تقدموا يساعدونهم وانجزوا بسرعه ورجعوا يجهزون مع نيّاف وفهّاد الي يشبون الضوء وضحك عزام : والله مانسيت ياعبدالملك
عبدالملك: انسى ايش ؟
عزام ابتسم: علومنا
عبدالملك: وانتوا تحسبوني رايح هناك اعيش حياه ثانيه تراها نفسها
يزيد ضحك وهو يقصد نفسه يقلد ابوه وصوته : والله اعرف لك ناس عايشين بالديره وسط الغنم ولعبت فيهم الرباده
ضحك مشبب من تقليد يزيد له ومسح على شعره
مطار الرياض
نادوا وقفت مي وفهده وتقدموا للطياره واخذت جوالها مي وارسلت لقروبهم ولعزام : اقلعت الحين
لفت لفهده الي نامت وهي مستغربه شعور الطيران واول مره تجربه بالنسبه لهاشي غريب
فالمستشفى
وبعد مرور ٨ ساعات على عملية لميس طلعت لميس للغرفه وقفوا البنات يناظرون الدكتور الي يناظر الاوراق ويكتب تافف شوق من وضعه وتقدمت بغضب : كيف وضع لميس الحين ؟؟ العمليه نجحت ولا فشلت
في سكة جديد
عند اخوان مشبب
عند مطلق الي دخل مستعجل وقف من ناظر جدته الي تسال : علامك ياالخبل؟
مطلق وهو يلحق انفاسه : ثن ثنيا ن
جده ضربته : ولد علامك انرجيت ؟
مطلق اخذ نفس: ثنيان الشرطه تدورنا
شهقت الجده : ليه ؟ وش انت مسوي يا اسود الوجه
مطلق : ماسويت شي بس الزفت عبدالملك بلغ علينا
سكتت الجده من طاري عبد الملك : ادخل ادخل
تقدم مطلق يدخل ولف لجدته : دقي على امه وكلميها
الجده وهي تطلع جوالها من جيبها : طيب طيب
دخل مطلق للمجلس عمانه يركض : ثنيان وينه
لف الباب الي طلع من ثنيان : شصاير؟
مطلق : الشرطه تدورنا
وقفوا عمان مطلق ولف عليهم مطلق : عبدالملك مسك رواف وصالح وباقي انا وثنيان
ابو ثنيان: سكتنا لهم واجد ذولا مالهم نيه يعقلون
لف على اخوانه : انا بروح لهم
الجده دخلت : وين بتروح
ابو ثنيان : للمشبب
سكتت الجده وجلست على كرسيها وهي عارفه ان عمرها مابتقدر تصلح بينهم الذنب مب ذنبها الذنب ذنب الشايب الي كبر العداوه بينهم ناظرتهم يطلعون وهم يتحلفون في عبدالملك: كلمت مهره
ابو صالح : ترجيتها
الجده بغضب : وجع ماترجيت احد
عند مشبب
الي يشوون عياله ويسولفون وسط ضحكهم دق جوال عبدالملك وقف وابتعد من عندهم : لبيه
مهره : وش انت مسوي ؟
عبدالملك ابتسم عرف ان العلم وصلها : وش سويت
مهره اخذت نفس تناظر لمى : جدتك طلبتي تقول خليه يفكهم قبل تصير مجزره هنا
عبدالملك اخذ نفس : كانوا بيذبحون ناصر
سكتت مهره وهي تدري ان ناصر نقطة ضعف عبدالملك وكمل عبدالملك: ناصر يا امي ناصر تدرين انتي وش يعني ناصر عندي
سكتت وهي تسمعه وسكت هو يسمع سكوتها وكمل بعد ثواني : البندري هنا
عقدت حاجبها مهره : هربت؟
اخذ نفس عبدالملك: ايي وبتتزوج ناصر
مهره : ليه؟و ابوها ماقال شي ؟
عبدالملك: ولا بيقول حتى
سكتت مهره وقفلت الجوال بغضب تنهد عبدالملك وهو تعب من المشاكل وتعب من كل شيء وده يستريح ويترك كل شيء بس مايقدر رجع لاهله الي يناظرونه وابتسم : جايكم ضيفان
ضحك مشبب من فهمه : يالله حيهم
ولف لعياله : جاهزين تشوفون عمانكم
رجفت البندري بخوف ولفت تناظر ناصر الي غمض عيونه يطمنها انه مارح يصير شي
ولف مشبب للعياله وهو يوزع عليهم الشغل ودخلت هيله وساره والبندري المطبخ يركبون القهوه
فالمستشفى
وبعد مرور ٨ ساعات على عملية لميس طلعت لميس للغرفه وقفوا البنات يناظرون الدكتور الي يناظر الاوراق ويكتب تافف شوق من وضعه وتقدمت بغضب : كيف وضع لميس الحين ؟؟ العمليه نجحت ولا فشلت
الدكتور ناظرها ورجع ناظر الاوراق الي بيده : وضعها سليم
سكتوا وتقدمت ناديا : والبيبي ؟
اخذ نفس الدكتور : كلهم بخير نشكر الاخ الي تدخل والمفروض مايتدخل
شوق بغضب : لو ماتدخل الاخ ذا كان مت انا وتموت لميس
سكتت وهي تناظره يناظره وتقدمت للبنات بغضب : مي ارسلت لكم ؟
ناديا : اي تقول وصلت
هزت راسها شوق ولفت عليهم : معكم فلوس؟
ريهاف هزت راسها: ايي معي
شوق : تمام جيبي اي شي بناكل
تقدمت ام رشيد لهم : ولا تجيبون شي جبت لكم
تقدمت شوق بفرح وهي تحضنها : اهخخخ اشتقت لك مرهه
ام رشيد ابتسمت : حتى انا والله
ابتعدت عنها شوق ولفت ام رشيد للميس : كيف وضعها ؟
ابتسمت ناديا: هي بخير والجنين بخير
ام رشيد تنهدت براحه : يارب لك الحمد
لفت للبنات : كلكم الحين ترجعون تنامون وبدون اي اعتراض انتفقنا
هزوا راسهم باي وطلعوا البنات بجنب بعض ولفت شوق عليهم : طمنوا مي
ريهاف ابتسمت : قلت لها
طلعوا البنات من المستشفى ووصلوا الميتم وناظرت شوق رشيد و ابو رشيد الي انه يهزئه وتقدمت تضحك : عليك به ياعم
لف ابو رشيد بابتسامة: هلا هلا يابنتي هلا
لف رشيد على ابوه بصدمه ورجع ناظر شوق : تراه كان يهزئني بس مدري شصار
لف ابو رشيد عليه : انكتم
رشيد ضحك : سم
لف رشيد لشوق علشان يتهرب : الحمدلله على سلامتك
شوق ابتسمت: الله يسلمك
هرب رشيد من سال ابو رشيد: كيفك يابنتي ؟
شوق : والله شوفت عينك ياعمي بخير الحمدلله
ابو رشيد ابتسم : يالله الله يحفظكم
البنات : امين
تقدموا البنات ولفت شوق من ناداها ابو رشيد:شوق
شوق لفت له و ابتسمت: سم ياعمي
ابو رشيد ابتسم : تعالي بكلمك
تقدموا البنات يدخلون السكن وتقدمت شوق ولف ابو رشيد واخذ كرسي ومده لها وجلس على كرسيه وجلست شوق ولف لها ابو رشيد
جلست شوق ولف لها ابو رشيد وابتسم.: بكلمك ولا تقاطعيني اتفقنا ؟
هزت راسها شوق وكمل ابو رشيد بابتسامة: انتي تدرين ان السكن ماعاد لك فيه مكان وبيجون غيرك وغير مي وغير لميس تعرفين لميس صارت متزوجه ولا بتجلس هنا اكثر وانتي سجلك مايسمح لك تجلسين هنا فا انا اقترح اني اعطيك شقتي
قاطعته شوق :ياعم تكلمنا
ابو رشيد : شوق ابوي المكابر ماينفعك خذي شقه واذا لقيتي وظيفه اقسمي الراتب نصفين نصف لي ونصف لك بس الحين يابوي انتي مجبوره تاخذينها علشان اخواتك ولد اختك الجاي
أبتسمت شوق وهي تناظره : الله يطول بعمرك بس وعد من اول راتب اعطيك فلوس
ابتسم ابو رشيد: تم تم ترا مأثثه وجاهزه واذا صحيتي الصباح اعطيتك المفتاح
شوق ابتسمت: فيه جيران ؟
ابو رشيد ابتسم: ايه ايه البطل الي انقذك
شوق عقدت حاجبها : اخو عبدالملك ؟
هز راسه ابو رشيد: ايي هو وعائلته اخذو الشقه الي فوق لانها كبيره
هز راسها شوق وقفت : تصبح على خير يا عمي
ابتسم ابو رشيد: وانتي من اهل الخير يابنتي
كلمت شوق وهي تناظر الميتم اشتاقت له ولكل تفاصيله دخلت ناظرت البنات الي يمسحون دموعهم عقدت حاجبينها ودخلت : شصار ؟
مدو لها الورقه وضحكت من شافتها : حيوانه دايم حركاتها
لفت لهم وابتسمت : صار عندي بيت
لفو لها وضحكت شوق : من تتوقعون جاري ؟
لفت البنات الي ينتظرون اجابتها وضحكت شوق : عنتر والبطل الي انقذني
ضحكت ريهاف : بتموت غيره مي
ضحكت شوق ولفت لهم ناديا: ببكي بنات جالسين نتفرق
شوق لفت لها : ترا بيتي بعد شارعين يعني تعالوا لي بعد المدراس ونتغدا سوا ومع بعض
عند مي
وصلت الشرقيه ودخلت الميتم الجديد الي يختلف عن ميتهم وتقدمت تقفل جوالها ودخلت خلف فهده للغرفة المديره وسلمت المديره على فهده ووقعوا بعض الاوراق وطلعت فهده تاركه مي الي خافت من فكرة انها لوحدها وبدون احد وقفت المديره و تقدمت للباب : حياك الله يامي تعالي اوريك غرفتك
سكتت مي تمشي وراها وتسحب شنطتها للمكان الي وقفت فيه المديره : صاحباتك الجدد
وبدت تأشر بيدها وتعرفها عليهم : هذي سمر وهذي غايه وهذي نوره وهذي سدن
اخذت شنطتها المديره وحطتها عند سريرها : ارتاحي الليله بكره بتبدين مع اخواتك بالشغل
عند ال هيّاف
عائلة مشبب
بتوا الزل وجهزوا الدلال وبعدها لفوا على ناداء ابوهم لهم : تعالو تعشوا على بال مايجون
تقدموا وجلسوا جلسه وحده وتعشوا ولف مبارك لهم وهو يناظر ساعته  : غريبه بيجون الحين
لف فهّاد وهو يمسك يد مبارك يناظر ساعته : احااا الساعه 12:45 الليل باقي ساعه وننتصف الليل
عبدالملك ضحك : تدرون على طاري الوقت داهموا بيتنا يبغون امي الساعه 3 الفجر
يزيد ضحك : وهذا وهم شيبان سمارى وانا او اسمر للوحدة هبدني ابوي
ضحك مشبب : السهر للخبلان يابوك
ضحكوا من رد مشبب على يزيد تعشوا وشلّوا البنات العشاء وجلسوا بجنب فهّاد الي يبظبط لهم الشاهي وبدا يصب لهم وشوي وصلت اصوات السيارات وقفوا الحريم ودخلو داخل وقف مشبب وعياله يمينه عبدالملك و ناصر ومبارك وعزام ويساره فهّاد ونيّاف ويزيد من وقفت السياره منتصف حوشه ونزلت امه وارتجف كل مافي مشبب من وقفت امه بوجهه واخوانه وتقدم ابو ثنيان بشره : انت
اشر لعبدالملك: سكتنا لك كثير
تنحنح مشبب : خالد اقصر صوتك واقصر شرك دامك وسط حوشي ثمّن كلامك مع عيالي
ابتسم عبدالملك وهو يناظر ابوه ورجع يناظر خالد : عيالكم غلطانين والقانون بياخذ مجراه
الجده : بتتنازل يامشبب
مشبب ناظرها وده يعاتبها بس سكت وهو يشتت عيونه: لو ان الاذيه لي والله لا اتنازل لكن الاذيه كانت لعيالي والله ماسكت ولا اسمح للي ياذيهم يعيش حتى
سكتت تناظره الجده واخذت نفس : كم تبغى فلوس ؟
ضحك مشبب بسخريه : البندري
جمدو محلهم من نطق باسمها ولفوا عياله عليه بصدمه ورجعوا ناظرو جدتهم الي قالت : معصي
ابتسم مشبب : اجل خلوا ثنيان ومطلق يسلمون انفسهم قبل تزيد عقوبتهم
تقدم سعد : جاتك
لف الجده عليه بحده : ما اعطيت انا
سعد : امي انا ابغا رواف يطلع ابغا ولد وراي خليهم ياخذون البندري
مشبب اخذ نفس: رواف ماهو بطالع لكن بنتنازل عن الاثنين الي ماقد مسكوهم
سعد تقدم : مشبب خل النفوس بارده وتنازل برضاك
عبدالملك ابتسم: تراه يعد تهديد اذا ماتدري
عقد حاجبه ابو صالح : واذا؟
مبارك ابتسم : تسجن عليه
سكتوا كلهم وابتسموا عيال مشبب وهز راسه سعد : جاتكم البندري بس ماندري وينها 
اخذ نفس مشبب : بكره العصر تملك تعال
هز راسه سعد ورجعوا للسيارتهم بغضب وحركوا وطلعوا من الحوش وضحك يزيد وهو يبوس راس ابوه : الله الله على الهيبه يابو يزيد
ضحك مشبب وهو يناظره وهمس له : ترا كبدي بارده عليك من مده
ضحك يزيد وهو يبتعد وناظر عبدالملك الي يلعب بشعره
كان الوضع كفيل انه يهد حيل البندري الي سمعت ابوها بكت بقهر كيف انه باعها علشان رواف ويبي ولد يشيل اسمه وهو مافكر فيها بكت وتقدمت لها ساره بخوف : بندري فيك شي
بكت البندري اكثر وهزت راسها بالنفي وتقدمت ساره وحضنتها هي سمعت كلام ابوها بس ماتوقعت بكاء البندري البندري : صح ابي ناصر بس ابي ابوي يكون راضي ماكنت ابيه يرميني كذا
شدت عليها ساره : البندري محد رماك انتي عند ابوي وابوي ابوي مستحيل بيخلي ناصر يغلط عليك والله لا يمصع رقبته شفيك
البندري  بكت : اوجعني كلامه
سكتت من ناظرت مشبب واقف يسمع كلامهم واعتدلت بجلستها البندري ومسحت دموعها وتقدم مشبب وجلس بينها وبين ساره ومسك كفها وناظرها : اول شي وانتي بنتي وغلاتك والله انها من غلاة ساره والمكان والبيت بيت زوجك وبيت ابوك وانا لاتعديني الا ابوك وانا جيت ابلغك ان بكره كتب كتابك وبنعطيك مهرك كامل وحفله زيك زي البنات ولا ينقصك في بيت عمك شي انا ابوك وناصر زوجك وهيله امك وعبدالملك ومبارك وعزام وفهّاد ونيّاف ويزيد كلهم اخوانك من اكبرهم الى اصغرهم
لف لساره ورجع يناظرها : وساره اختك وصديقتك ونوف والنايفه كلهم خواتك
ابتسمت بامتنان لوجودهم وهي ماعمرها ذاقت الحنيه ولمس قلبها كلام وقفت وباست راس مشبب : الله يطول بعمرك ياعمي ويخليك ذخر لعيالك
مشبب ابتسم : الله امين
وقف ولف لهم : بكره بتطلعون الصباح مع عزام وتاخذون لكم فساتين عيا ناصر الا بشوفه ماكانه قد شافك
ضحكت البندري بحياء وضحكت ساره وهي تناظر حياها وقفت : تعالي نروح غرفتنا
ابتسمت من نطقت بغرفتنا وقفت معها ودخلت وناظرت غرفة ساره ولفت ساره عليها : بروح اجيب لك فراش خذي راحتك الغرفه غرفتك
هزت راسها البندري وجلست على سرير ساره تناظر نوف ونايفه الي نايمين بسرير واحد وسرير فاضي
عند ساره الي طلعت لمجلس الي ينامون فيه العيال وسمعت ضحكهم ودقت الباب ودخلت : نبي فراش زايد
ناصر ابتسم ودف فهّاد من فوق البطانيه : وخر
سحب البطانيه ناصر ولف لساره : اعطيها بطانيتي وقلي لها تصبح على خير
ابتسم ساره وضحك عزام : وتقول اني خفيف يالريشه انت
ضحكوا كلهم وهم يناظرون ناصر وناظرهم يزيد وقف : ساره دقيقه
وقفت ساره ولفوا عليه كلهم واخذ يزيد عطر ناصر : خليها تحس ان ناصر موجود
ضحكوا من تقدم ناصر وباس راس يزيد : ياخي عليك عقل ماشاءالله
ضحكوا وطلعت ساره من الغرفه وتقدمت لغرفتهم ودخلت بهمس : جبت لك فراش ناصر
وقفت البندري : ليش اخذتيه منه عادي كنت انام كذا
ساره بهمس : لا معليك ناصر بينام مع واحد من العيال بس هذا فراشك ويقول ناصر تصبحين على خير
ابتسمت البندري واخذت فراش ناصر وفرشته لها وتقدمت تنام ونامت ساره وناموا العيال
" يوم جديد "
عند العيال الي صحوا بانزعاج من صوت المكنسه الي عند روسهم
صاح مبارك : وجع يانويصر رح اكنس بعيد
ناصر ضحك : قومو قومو اليله بتزفوني عروس
ضحك عبدالملك الي قد صحى من قبل : اعقب ياعروس!
ضحك ناصر : عريس ياخوي عريس
ضحك عبدالملك وصحى عزام : عزيّم قم ابوي يبيك تودي البنات ياخذون فساتين
وقف فهّاد ولف لعزيم: تبغاني اوديهم؟
فز عزام : لا لا انا اوديهم وقف عزام وراح لدورة المياه وطلع ولبس واخذ اغراضه وطلع للامه وابوه الي يفطرون فالحوش تقدم وهو يسلّم على روسهم : صبحهم بالخير
مشبب : صبحه بالنور
هيله : اجلس افطر
عزام : بنفطر فالخط صحو البنات؟
هيله وقفت : ايي ايي صحوا بروح اناديهم لك
وقف عزام وراح السياره شغلها ونزل منها وقف عند بابها وتكى عليها وفتح جواله وناظر رقم مي واخذ يرسلها : صباح الخير, يمدي اشوفش ؟
قفل جواله وركب من ركبوا البنات وقف من دق ناصر الطاقه ابتسم عزام وفتح له : وين البندري ؟
لف ناظرها ورا : انزلي شوي
عزام ضحك : خفف خفف من ثقلك الله يهديك
ضحكت ساره : كل ذا وتبغاه يخفف من ثقله ؟
ضحك ناصر واخذ البندري وطلّع صرافته وناظرها : صرافتي فيها مهرك رمزها تاريخ ميلادك
ابتسمت البندري وهمست له : ماتقصر
ناصر ابتسم: ابد مابيننا وحلالنا واحد
دق عزام بوري وهو يناظرهم من المرايه : خلصنا ياخوي نبغى بنتنا توكل
ضحك ناصر وتقدم له : انتبه لا توديهم الشرقيه بدل الرياض
ضحك بعلوم صوته عزام وركبت البندري وحركوا وقف عزام عند محل فطور وطلب لهم واخده وركب السياره واعطى ساره الي عطت البندري فطورها ولف عليهم عزام : ابغاكم في خدمه انتوا قدها؟
ساره : وش
عزام مسح وجهه : اوديكم الشرقيه تتقضون ؟
وسعت عيونها بصدمه ساره : تستهبل وش نسوي فالشرقية الرياض اقرب
ابتسمت البندري : انا ماتفرق معي اي مكان
عزام ابتسم : بيض الله وجهش
لف لساره : تكفين سوير يالله
اعتدلت ساره بجلستها : بشرط تعلمني وش سالفتها
ضحك عزام : تم والله لا اقول لك
ابتسمت ساره : تمام
افطروا وبعدها حرك عزام للشرقيه

اتمنى تتفاعلون ياحلويني حسابي انستا انزل يومياً sheismelife