انا لك وطن وانت لي امان

14

< انا لك وطن وانت لي امان >

ارتبكت شوق ولفت للباب الي اندق وفتح ودخل رشيد وعبدالملك
تقدم عبدالملك: وش فيك انت؟
مبارك : معليك انخفض ظغط الدم
عبدالملك: والله اني كنت داري
لف له مبارك : كيف سلطان ؟
عبدالملك ابتسم: بخير بخير بس باقي بيصحونه
مبارك الحمد لله
لفت شوق على رشيد وهي تغمز له ونزل الكيس الي فيه اكل للمبارك وناظره : الحمدلله على سلامتك واخر اوجاعك
هز راسه مبارك : ماقصرتوا
رشيد : ابد في الخدمه عن اذنكم
طلع رشيد ومن وراه شوق وطلعوا من المستشفى
وفي طريقهم للميتم لفت شوق بضحك على رشيد : اجل مي جايه يالغبي ولا تقولي ؟
رشيد عقد حاجبه: الحيوانه قالت لك ؟ وهي قايلة لي لاتقولهم
شوق ضحكت بعلو صوتها: محد قالي بس بختبرك
صد رشيد بغضب: ياشوق التراب
ضحكت شوق وصلوا باب الميتم وناظرت لميس جايه وتقدمت لها : فيك شي؟
هزت راسها بالنفي لميس : اتصلت علي خاله ساميه وجيت
شوق لفت لرشيد : وش السالفه؟
رشيد صد من تذكر : ادخلوا وتعرفون
دخلوا الميتم و صلوا لعند الخاله ام رشيد وجلسوا بعد ما سلموا عليها وعلى البنات وصب لهم رشيد القهوه وطلع وجلسوا البنات وام رشيد وارتبكو البنات من سكوت ام رشيد الي ماتعودوه وناظرتهم شوق ورجعت ناظرت : خاله فيك شي ؟
ام رشيد ابتسمت : لو طلبتكم طلب
تقدمت ناديا تقاطعها : عيوني لك
شوق : تبشرين
ريهاف : من عيوني
ابتسم ام رشيد تسمع ردودهم : انتوا بناتي وانا مقدر من دونكم وفهده اختي ومقدر من دونها
تقدمت لميس بهدوء : وهي شفيها
ام رشيد: بتسوي حفل زواجها
سكتوا البنات بصدمها وتكلمت ريهاف : مو حامل هي ومتزوجه الدلخ ذاك
ام رشيد هزت راسها: ايي كان زواجهم سر والحين علن
لميس تذكرت عناد وعقدت حاجبها: وولده فالسجن؟
لفوا عليها وبلعت ريقها من حست بنظراتهم وكملت شوق : ولدهم فالسجن وعسكري فالمستشفى والمصروعه حامل
ام رشيد قاطعتهم بهدوء: بس بس يا امي وش علينا فيهم علينا الحين تساعدوني ونقوم بزواجها
ناديا : على ما اعرف ان عندها اخوات
هزت راسها ام رشيد: عندها بس ماطرح ربي فيهم البركه
سكتوا يناظرونها ولفت عليهم تسمع سكوتهم , الارد : هاه؟
ابتسمت شوق: انا تم علشانك بس ولا هي ماتستاهل
ام رشيد ابتسمت : معليه يا امي معليه
لفت على البنات من نطقوا : تم , وابشري ياخاله
ام رشيد: الله يسعدكم
لفت تناظرهم : بتباركون لها
ضحكت ناديا : بدري
ضحكوا ولفت ام رشيد بابتسامه : قالت لي اذا تم كل شي وعدا على خير بترجع مي
شوق : ايي قالت لنا اساس قالت اخدموني وارجعها
وقفت ام رشيد: الله يرضى عليكم يابناتي
لفت لشوق : شوق امي فيه بطانيات زايده بعطيكم تدفون من البرد
ابتسمت شوق لها : ماتقصرين ياخاله
دخلت ام رشيد وطلعت البطانيات ودخل رشيد ولف لهم بابتسامة: بتحضرون زواج المصروعه
ضحكت شوق: علشان امك ولا هي تخسي
ام رشيد: بس ياشوق
سكتت شوق ولف رشيد لامه : امي خليها انا باخذ السياره ويوديها
لفت عليه ام رشيد : علشان تدوج وتسربت بعدها خلهم هم ياخذونها
همس رشيد للبنات : فزعتكم يالنشامى
ضحكت لميس وابتسمت شوق وهي زي كل مره تنقذه ولفت عليه وهمست : زي كل مره بنقذك بس علميني وين بتروح
رشيد بهمس : والله بروح للكشته مع اخوياي وبرجع اساسً لان مي بتجي
ضحكت ريهاف وهي دايم تنكبهم ولف عليها رشيد بحده : وجع ياريهاف
ضحكت ريهاف : يعني لو مي مابتجي كان ماجيت
ضحكت ناديا : كان بلغنا عليك فاقد
صد رشيد وابتسمت شوق وهي تناظره : ازهلني
لف عليها وابتسم وكملت شوق بضحك : اذا مانكبتك وخليتها تقول لا ما اكون شوق
عقد حاجبه رشيد وضحكوا البنات بصدمه ولفت تناظرهم ام رشيد الي جايه وهي مبتسمه : جعلها دايمه يابناتي
لميس ابتسمت وتقدمت : خاله
لفت عليها ام رشيد: لبيه
ابتسمت لميس : خاله تعرفين انا مقدر اشيل اشياء ثقيله وشوق لوحدها وبين الميتم والبيت مسافه يعني لو تخلين رشيد اذا فضي يجيبها لك
ام رشيد ابتسم وهي فاهمة حركات البنات وهزت راسها : تم وقولو له لايمسي عندكم
ضحكوا البنات وابتسم رشيد وطلعوا البنات ورشيد بعد ماباسوا راس ام رشيد وطلعوا ولف رشيد على البنات : يتسلمون على المصروعه ؟
شوق ابتسمت تناظره : تخسي ابارك لها
ناديا : اوفر شوق كله سلام لله
شوق لفت عليهم : والله مابسلم بروح للبيت
لفت للبنات : تجون ؟
ناديا بتفكير : لا لا خلينا بنجلس هنا وبكره نجيك مع مي
شوق : تمام
لفت للميس : بتسلمين
هزت راسها لميس باي
ولفت شوق عليها :تمام انتظرك بروح لابو رشيد
طلعوا ناديا ولميس وريهاف وريماس للفهده ودقوا الباب وفحتوه ودخلوا وابتسمت فهده : ياهلا
ناديا: ياهلا فيك
ابتسمت ريماس: جينا نبارك لك بزواجك
ابتسمت فهده : ياحلوكم والله
لميس : الف مبروك والله يتممه
فهده : امين يا رب
ناديا : مبروك
فهده : الله يبارك فيك
لفوا بيطلعون ونادت فهده لميس ولفت عليها : هلا
فهده : كيف وضعك مع الحمل
استغربت لميس سوالها : زين الحمدلله
فهده : اذا صار لك مشاكل او شي قولي لي بعطيك رقم دكتورتي حلوه
ابتسمت لميس : تمام ماتقصرين
فهده ابتسمت : ابد فالخدمة
طلعت لميس وناظرت شوق عند البوابه تنتظرها وابتسمت لميس : شوق
لفت شوق : عيوني
لميس : نمشي شوي
شوق وقفت تناظرها : وش عندك من المشي
ضحكت لميس : فصح للمشاعر
ابتسمت شوق: افصحي لمشاعرك وحدك انا ماعندي شي
لميس ابتسمت: ايي واضح مو كانه انتي الي بغى يموت يوم شاف الفارس المغوار طايح
لفت لها شوق بحده : الله لا يلعنك يارشيد البسه
ضحكت لميس : مابضغظ عليك بس انا موجوده اسمع لك
ابتسمت شوق: تعبت وانا اقولكم مابيني وبين اخو عنتر شي
لميس رفعت كتوفها: ماتدرين
لفت عليها وناظرتها لميس ببتسامة: يمكن يصير لك وطن و امان
شوق ابتسمت: يمكن ويمكن لا برضو
لميس ابتسمت ولفت عليها شوق : متى بيبان جنس البيبي متحمسه
ابتسمت لميس : معرف والله حتى انا متحمسه
وصلوا العماره وناظروا عيال مشبب ينزلون ولفت لميس بهمس لشوق : ماشاءالله عياله قبيله
لفت شوق للمبارك الي متنشط ومتغير حاله ولفت لميس تناظر مكان نظر شوق وابتسمت: اخيرا شفنا الفارس المغوار
لفت شوق بحده ودخلت من بين عايلة مشبب وراها لميس وطلعت المفتاح ولفت للميس : شفتيه من قبل
ابتسمت لميس : وقتها عيوني كانت متغورقه ماشفته زين من دموعي والثانيه كانت عمليتي يعني ماتاكدت
فتحت شوق الباب : وعسى تأكدتي الحين
لفت للميس وناظرت عزام الي جاي وهي تعرفه من صوره الي ترسلها مي لهم ورفعت صوتها تبيه يسمع  ولفت لشوق : عاد الحين بتفتكين مني بتجي مي الليله وانبسطي
لفت شوق باستغراب ورجعت تناظر عزام الي ورا لميس يسمع وابتسمت تمسك ذراعها : ادخلي ادخلي يالكلبه
ضحكت لميس : شفتي وجهه كيف صنم ؟
ضحكت شوق: شكلها كانت تبيها مفاجاة واحنا خربناها
لفت لميس تحط عبايتها : بس حقك حلو يابنتي
لفت شوق بحده : مو حقي
لميس بتافف : مو منجدك خلاص وبعدين كشوخي مرهه البس ثوب اسود وبيده عصا واشياء بدويه كيوت
ضحكت شوق : وعنده شاص وراعي كشتات كلها اجتمعت
ضحكت لميس وهي تجلس بالصاله : انكري مو جوك؟
ضحكت شوق وهي تدخل المطبخ: لا
ضحكت لميس تلحقها وتكت على الباب : والله انك كذابه
ضحكت شوق: واذا صادقه وش تبين
تقدمت لميس وضحكت : بدق على مي بسالها هو شاعر
ضحكت شوق: ماتوقع مايعرف يتكلم علشان يصير شاعر
ضحكت لميس : وانتي وش عرفك
سكتت شوق تتذكر الي صار اليوم : ابد ياحلوه كان يبي يسكتني وطردني
سكتت لميس : احاا جلف وقليل حيا
ضحكت شوق : بالظبط علشان كذا بسحب عليه
تقدمت شوق الدرج و طلعت مكرونه وهي الفتره الاخير صارت تعاني من لميس الي تتعب من الاكل رفعت المكرونه : مكرونه ؟
هزت راسها لميس: مكرونه ياحبي مكرونه
عند عزام الي صنم و ابتسم او ماسمع لميس ولف على الي حذفه بالمركى ولف له  : وجع يالخبل
ضحك ناصر : ماقد جات لاتتعب عيونك
لف عليه بحده و ضحكوا وتقدم يزيد : خذ راحتك ياخوي من يلوم قلبك
لف لهم عزام بحده : وجع انت وياه انثبرو لا يفهم ابوي خطاء
ضحك فهّاد وهو طالع مع الدرج ونزل راسه لهم مع الدربزان: وهو فيه شي صح اصلا ؟
ضحك ناصر من غنى يزيد : ترا راعي الهوى مفضوح
وكملوا ناصر ونيّاف وفهّاد : توصيني على الكتمان .. وتبغى حبنا مايبان
نزل عزام الاغراض الي بيده واخذ شماغه وهو يلّفه وبدا يضربهم فيه واعتلى صياحهم وهواشهم
فالمستشفى
عند  مبارك الي يناظر عبدالملك الي يبتسم : شفت سنونك والله
ضحك عبدالملك: وتقول ماتحبها اجل !
مبارك صد : ياخي اقسم بالله ماحبها مدري وش خلاكم تشبكوني فيها
عبدالملك ابتسم: الي خلانا نشبك فيها ابتساماتك لها
ضحك مبارك : يعني انا الي اجيب الشكوك لنفسي ؟
ضحك عبدالملك: تحبها صدق؟
مبارك ابتسم: ياخي ماحبها بس فيها شي يجذبني احسها بريئه عفوية كل شي طالع من قلبها
عبدالملك ابتسم من سولف مبارك عنها ولا جلست بقلبه : طيب صارحها
مبارك: ياخي مقدر
عبدالملك تقدم : ليه؟
مبارك اخذ نفس : مدري انا وياها فرق السماء عن الارض
عبدالملك: والله انك انت الي تحط الفروق ولا مافيه فرق
شف عزام اموره ماشيه
مبارك اخذ نفس: ياخي انا ماني عزام انا مقدر مقدر
عبدالملك: وش الي يمنعك
مبارك : اخاف اجرحها اخاف اخليها يتيمه مرتين اقسم بالله انه يردني عنها مخاوف ما احد تخيلها
عبدالملك: طيب لاتخليها في خاطرك دامك تبغاها
مبارك تنهد : دام حبي لها ماعليه شهود
قاطعه عبدالملك: اخطبها
تنح مبارك : هاه؟
عبدالملك ابتسم: وش الي هاه اقول اخطبها
مبارك لف له: صاحي انت اخطبها من من وكيف اقول لابوي !
عبدالملك ابتسم من شاف صملته : اقول ازهل ابوي اتركه علي بس قل انت تبغاها ولا لا
مبارك صد : مدري مدري
عبدالملك: مافيه شي اسمه مدري تبغاها ف
قاطعهم دخول فارس وفز عبدالملك : فارس سلطان فيه شي؟
ابتسم فارس : المعذره خوفتكم ؟ بس لمى لمى استجابت للعلاج
قاطعه مبارك : صحت؟
فارس : لا لا باقي بس حبيت اخبركم اننا بنطلعها للعنايه تكون تحت المراقبه
مبارك ضحك : اللهم لك الحمد
جلس عبدالملك بصدمه ومسك راسه وتقدم فارس يشد على كتفه: بتصحى بخير ان شاء الله
رفع راسه عبدالملك وابتسم : ان شاء الله, امي امي طمنتها ؟
هز راسه فارس وتقدم فارس لمبارك وضحك: حي الله الزميل
ابتسم مبارك : مسرع قالوا لك
عبدالملك تقدم : على ايش ؟
مبارك ابتسم: صرت دكتور رسمي وموظف حكومي
ضحك عبدالملك: يارب لك الحمد الاخبار الزينه بدت تمطر علينا
فارس : الحمدلله وجعلها دايمه
مبارك ابتسم: امين امين
لف فارس على عبدالملك: الي اطلقوا على سلطان مسكوهم ؟
هز راسه عبدالملك : دخلوهم التحقيق
فارس: كلهم ؟
عبدالملك: متى خليت نصهم؟ ومعترضين سلطان اخوي والله الي ابطوا ماطلعوا
فارس ابتسم وشال المغذي الي بيد مبارك وقفوا وطلعوا من الغرفه ودخلوا غرفة لمى وناظروا مهره الي تبكي وت وجنبها اختها ام البندري ولفت من شافت مبارك معه : ذا ولد الحيّه؟
عقد حاجبينه مبارك وتقدم عبدالملك بحده : خاله
سكت مبارك وتقدم للمهره : الحمدلله على سلامة لمى ياخاله
مهره ببكي : الله يسلمك
لف مبارك على عبدالملك: بطلع انا
مسك ذراعه عبدالملك وقال بهمس : امانه لاتزعل اقسم بالله انه ماينمسك لسانها حتى لو اربطه
ضحك مبارك يرد عليه بنفس الهمس : معليك منها حرم عمك وش كنت متوقع
ضحك عبدالملك: انشهد
وقف بيطلع وتذكر عبدالملك: بشّر بوي معك
مبارك: يوصل يوصل
طلع مبارك وهو مبسوط وفيه سعادة الدنيا وظيفه وزواجه من شوق الي بدا يدخل عقله و اخته و سلطان اخذ نفس براحه وهمس : الحمدلله
طلع للشقه وهو على امل يقابلها بس دخل على اغراض اهله الطايحه ولف على يزيد الي جايه وعزام وراه وبيده شماغه يزيد : في وجهك يامبارك
تقدم مبارك وهو يمسك عزام الي جاي : دخل في وجهي والله ماتجيه
عزام وهو يحاول يفك نفسه من مبارك : والله لا العن وجهك انت وياه فكني
لف مبارك على يزيد : وش مسوي فيه الله يقلع ذالراس
جاء نيّاف يضحك : لقينا يحرس باب الجيران
ضحك مبارك : اعقب يالدجاجه
ناظره عزام بنص عين ولفوا على يزيد الي قال : مبارك انت اخر واحد يتكلم لانك بتلحقه
مبارك فك عزام : عليك ويّاه لاتجيبه لي الا مذبوح
صاح يزيد : تكفى
هرب يزيد وضحكوا العيال يشيلون الاغراض ولف مبارك من حس ان فيه شي ماسكه وناظر ريماس الي تبكي بخوف وانحنى لها : فيك شي ؟ يوجعك شي
ماردت ريماس وهي شاده نفسها وترجف وتقدم عزام من شاف البنت الي مع مبارك : ريماس
تقدم لها يسرع خطواته وزادت في بكاها بخوف من تجمعوا حولها ومن اصواتهم المرتفعه ناظرها عزام ومد يده يحاول يشد يدها بس وقفه مبارك وهمس : لاتلمسها بتعطي نتيجه عكسية ناد وحده من خواتها
انطلق عزام لباب شوق يدقه
عند شوق الي بدت تسلق المكرونه تحت سوالف لميس عن مبارك وقفت لميس : والله شكل مافيه فايده
لفت لها شوق : قايله لك من البدايه لاتحاولييين عيتي
لميس ابتسمت: والله تحبينه بس تكابرين وبنشوف نهاية المكابره
سكتت شوق بابتسامة وطلعت لميس ورفعت صوتها : باخذ شور
شوق وهي للحين مبتسمه : اوكي لا تطولين
نزلت شوق من النار شوي وراحت تجلس فالصاله وهي تفكر فالحلو الي شافته يعني كل المواصفات الي تبيه فيها بدوي وكشوخي وكريزما ودكتور فاهم ومتعلم قطع تفكيرها صوت الجرس والدق القوي وقفت بركبه وهي متوقعه انه صاير فالبنات شي فتحت الباب وقالت بصدمه : عزام
عزام اخذ نفس : اختش الصغيرة
قاطعته شوق : ريماس !
زاد بكاء ريماس وهي تسمعها وتركت شوق الباب واتجهت لها وناظرت مبارك الي جالس جنبها تقدمت بسرعه شوق وجلست على ركبها ماقابل ريماس ومسكت شعرها ترجعه خلف اذنها وتكلمت بهمس : ريماس
ريماس حبيبي تسمعيني صح
تقدمت بتمسك شعرها بس ابتعدت عنها واشر لها مبارك ماتلمسها  نزلت يدها وتقدمت : وش صار يعيوني قولي لي
سكتت شوق وناظرت ريماس الي تبكي : فهده سوت شي ؟ عبدالعزيز سوا شي
بكت ريماس وقالت بصوت متقطع : ا بي مي
كانت متعوده ان مي تهديها اذا سمعت صراخ لان بالعاده شوق تحل كل شي بالصراخ وماتتعامل بالهدوء ابدا طلع جوالها عزام وهو يناظر شوق الي تقول : بتجي حبيبي الليله بتجي تبين تنامين معنا الليله ؟ لحد ماتجي
هزت راسها ريماس بالايجاب
عند مي
لمت اغراضها وصارت جاهزه وتسولف مع غايه وسمر لانها بعد ساعه اساسً بتطلع للمطار ناظرت جوالها الي يدق اخذت نفس محتار ماتدري ترد ولا تتركه وتشوف بيزعل اذا ردت له الحركه بس كان في صوت داخلها يقول ردي وردت مي وسكت تنتظره يتكلم بس الجمها عزام من قال : اختش تبيش
مي وقفت بصدمه : مين؟
مد عزام الجوال لريماس بس ماكانت معه ولا قدرت تبعد يدها عن اذانيها وتقدمت شوق واخذت الجوال : مي
مي بخوف : شوق شصاير
شوق وهي تناظر ريماس: هدّي ريماس دخلت نوبه
مي بخوف : اعطيني
فتحت شوق السبيكر ونطقت : مي تسمعك
مي : ريماس حبيبي تسمعيني صح ؟
ريماس بهدوء و صوت متذبذب : ايوهه
مي اخذت نفس: طيب ممكن تقولين لي وش صاير
ريماس بكت اكثر وقالت بكلام متقطع : كان .. فيه ..
سكتت شوي : صراخ .. عمي
بكت اكثر ريماس وصرخت مي : الله ياخذهم الله ياخذهم
تقدمت شوق تمد الجوال لعزام بعد ماقالت لمي بحده : ميّ اعقلي
وتقدمت ريماس تجلس جنبها بالطرف الثاني : عمك هنا ؟
هزت راسها ريماس : كنت بجيك بس سمعت صراخ
تقدمت شوق وحضنتها وهي تدعي من كل قلبها على عمهم الي ماخلاهم يرتاحون قبل الميتم وبعد مادخلوه الان يتألمون منه
اخذ جواله عزام وسمع مي الي تنادي باسم شوق ونطق : مي
بكت مي من سمعت صوته: عزام تكفى لايصير لهم شي
اخذ نفس عزام وهو للحين مايدري وش السالفه : ابشري بس امسحي دموعش وقويّ نفسش وابشري
مي مسحت دموعها : عزام تكفى ريماس ريماس بس انتبه لها يمكن ترتاح لك تكفى الين اجي بس
عزام ابتسم وهو يناظر ريماس : اقول ابشري بس هدّي انتي وماهو صاير شي ان شاء الله
مي : تمام طمني تكفى
عزام : على خشمي
قفل عزام منها وناظر شوق الي اخذت ريماس وقف : خليّها باخذها انا
شوق الي ماتبي تدخلهم بمشاكل عمهم : لا انا باخذها
تقدم عزام ومسك يد ريماس : مابيصير لها شيء
سكتت شوق وناظرت ريماس الي ابتسمت : عادي هو مثل مي انتوا تقولون يتشابهون
ضحك عزام: الله عليش بالظبط
همس مبارك: حرام ان كان صاحي ذا
نزلت شوق لريماس : لاتخافين حبيبي جوالك معك؟
هزت راسها ريماس وتقدمت شوق وناظرت عزام : بأمانتك
هز راسه عزام : ازهليني
دخلت شوق وهي تحلف مايسلم منهم احد اخذت عبايتها وجوالها ودخلت للمطبخ وقفلت على للمكرونه وتقدمت لغرفة لميس : لميس انا طالعه
لميس : صاير شي؟
سكتت شوق ماتعرف وش تقول بس ماتقدر تكذب عليها : بروح لفهده
لميس : تمام
طلعت شوق وهي تناظر مبارك الي متكي على الباب بس تجاهلته وقفلت باب بيتها وجات بتطلع مع باب العماره وقف بينها وين الباب : وين بتروحين
شوق ابتسمت: شرايك وين الواحد يروح؟
مبارك : انتي على ماسمعت مشاكلش واجد
قاطعته شوق بغضب وهي ماعندها وقت : ابعد ان كان تبغى السلامه
تقدم مبارك ومسك باب العماره بيقفله وناظرها بتحدي : فيش خير اطلعي
تافف شوق : اففف افف ابعد
قفل مبارك الباب وسند بظهره عليه : اطلعي الحين
مسكت راسها شوق : كيف اطلع قدامي جثه وخر تسمع ؟ اقولك وخر
مبارك : اذا قلتي لي وش بتسوين
سكتت شوق من دق جوالها وناظرته ورجفت كفوها واخذت نفس وردت تسمع الجوال وصوت البكاء : شوق عم ريماس وريهاف يبغاهم تكفين تعالي انتي يخاف منك
مسكت راسها شوق وقالت : جايتكم ناديا جايتكم
قفلت منهم ناديا وهي تناظر مبارك الي واقف ولا اهتز وقالت بصوت تحاول تخفي رجفتها : تكفى ابعد
مبارك بصوت ثابت : اذا تكلمتي
سكت شوق من حست انه يضغط عليها وصدت عنه تاخذ نفس وتقدمت له : ابعد عني بروح لهم يحتاجوني وخر
هز راسه بالنفي مبارك وتقدمت شوق بعصبيه تحاول تبعده بس ماتحرك صرخت بكل صوتها : وخرررر ابعد ابعد عني 
كانت تحاول تبعده بكل قوتها وتضرب صدره بس مسك كفوفها الي ترجف وقال : قلت لش علميني وابعد
شوق ناظرته : ليه وش الي يهمك وبسويه
تركها بسرعه من حس بسؤالها صحى على نفسه هو وش دخله ؟ ليش منعها وش الشي الي هي بكيفها تسويه انت تمنعها ابعد عن الباب وتقدمت شوق تفتحه وركضت الميتم واخذ نفس هو وطلع فوق للبيت فوق ودخل جلس فالصاله وابتسم من تذكر لمى وتقدم باس راس امه وابوه : ابشركم ان لمى صحت
وقف مشبب بصدمه : قول والله
مبارك ابتسم : والله
جلس مشبب بفرحه الحمدلله الحمدلله
هيله ناظرت عياله ومشبب وابتسمت : الحمدلله على سلامتها
مشبب ابتسم لها : الله يسلّمش
لف نيّاف لفهاد وهمس : الوضع فيه ابتسامات ودكم نقوم
توسعت عيون فهاد بصدمه ولف له وقال بهمس: وجع يالبقره وجع لا يسمعك احد انطم
سكت نيّاف وهو يتبسم ولف فهّاد من شافه ماسك ابتسامته وضحك فهّاد ولاقدر يتحمل نيّاف وضحك بهلول صوته وناظرهم مشبب وتقدم ناصر : جعلها دايمه وش سببها
يزيد الي حس انه لازم يسوي شي لانه سمع همسهم ودق مبارك بذراعه وهمس : اسمع اخوك كيف يعيشك فوق الغيوم
عقد حاجبينه يزيد : ابوي
لف له مشبب وابتسم يزيد : ابوي شرايك ننزل الحديقه تحت و نشوي وندعي عبدالملك ونعزم جيراننا
سكت يناظر مبارك الي لف له بحده ورجع يشد عليها يزيد : جيراننا يسمرون مع امي والبنات
تقدمت ساره وهي تعرف عن مي وعزام وحبت تتدخل : ايي والله يا ابوي حتى انا ودي اتعرف عليهم بنات ومن سننّا يعني وكذا شرايك
مشبب ضحك : والله تبشرون لو تبغون عيوني عطيتكم
وقف يزيد وحب راسه : جعلني فداك يالغالي اجل بروح ابشرّ جيراننا
ابتسمت ساره : بجي معك
هز راسه يزيد ولفت هيله على مبارك : من البنت الي مع عزام
جمد مبارك خاف ان امه شافته مع شوق بس كمل ابوه : ايي والله ذكرتيني كنت بساله جاء عزام واخذ نوف والنايفه
ابتسم مبارك وقال انها فرصته يصارحهم واخذ نفس وقال : هذي سلّمك الله من الميتم الي هنا واخواته جيراننا الي بتعزمونهم
سكتت مشبب وارتبكت هيله ناظرهم مبارك وشاف مافيه اي ردة فعل وكمل قال : وابشركم اني حصلت وظيفه وانقبلت
ابتسم مشبب : مبروك مبروك
وقف مبارك من وقفوا اخوانه يباركون له : الله يبارك فيكم
وسلم على امه وطلع للغرفه وهو قلبه وباله مع شوق
عند شوق الي طلعت تركض ودخلت للميتم  بسرعه وهي تسمع صراخ الحراس وابو رشيد وعم ريهاف وزوجته ودخلت بسرعه للسكن وفتحت وناظرت ناديا وريهاف الي يبكون بخوف وقفت ناديا : ريماس ريماس وينها
تقدمت شوق وهي تهديهم : اشش بخير بخير ريماس انتوا اهدو وقولوا لي وش صاير
ريهاف: يبي ياخذنا معه
شوق عقدت حاجبينها : سلامات ياكوكو حقه ثلاث فرص واخذها وش باقي يبغى
لفت لناديا : اتصلتوا على الشرطه؟
هزت راسها ريهاف : خاله ساميه اتصلت
شوق ناظرتهم : تمام انتظروني هنا
ريهاف بكت : شوق
شوق ابتسمت بهدوء : صديقني ماراح اسوي شي بس بشوف الاوضاع
دخلت وهي تناظر فهده الي واقفه والمكتب المحيوس والاوراق الطايحه والكراسي الي طايحه تقدمت وهي تناظر عم ريهاف وهي تعرفه زين هي الي كانت بتطعنه بقلم ومن بعدها كان يخاف منها لانها مجنونه ناظرته يناظرها : عسى خير؟
هو ريهاف بصراخ : كله منك انتي الي خربتيهم
صرخت شوق بصوت عالي : ياههههههووو احترم نفسك وضب لسانك ولك وجهه تتكلم بعد ! وانت محمل نفسك جرايم
زوجة عم ريهاف : اي جرايم ماسوا شي
لف عليها شوق بقرف : انثبري انتي اذا العقال يتكلمون تاكلين تراب
لفت على عم ريهاف : مع انك حتى انت خيل بس على الاقل اعقل منها
عم ريهاف بحده / اخلصي علي يالق
صرخت بعلو صوتها وضربت المكتب بيدها : اصحّك
تقدمت له بخطوات حذره : اصحّك تكمل كلامك والله لا اصير كابوسك سمعت؟
ناظرها عم ريهاف : بنات اخوي ياخذهم غصب عنكم
شوق : تراب بتاخذه ماعندك لنا شي والحين الله لا يهينك عوّض الدوله عن الممتلكات الي تهاونت فيها وكسرتها
وصوتك الي اعتلى على موظفين الدوله و دخولك لميتم بنات واعتداء وصراخ وتكسر في دارهم
لفت تناظر زوجته : احسب بعد كم جريمه بتطلع عليك ؟
سكتوا من دخل اللواء عبدالعزيز وناظر عم ريهاف : تفضل معنا المركز
عم ريهاف بحده : والله ماخلي
سحبه عبدالعزيز وسلمه العسكر ولف لزوجته : تفضلي ياختي
تقدمت تمشي معه وطلعت شوق بدون ماتلتفت لفهده الي واقفه مذهوله من شوق طلعت ودخلت السكن للبنات : اخذوه الخايس
ريهاف بخوف : لوين؟
شوق : السجن
ناديا: ان شاء الله يخيس
وقفت شوق وناظرتهم : تعالوا هيا وخذوا بجايمكم
لفوا عليها بأستغراب وناظرتهم: بنسوي بيجاما بارتي واذا قالت فهده شي بنقول السكن مكسر امشو
وقفوا وناظرتهم شوق : خذو لريماس شي مدري وينها
تقدمت ناديا : شوفي لريماس واحنا بنجي
شوق ابتسمت: تمام ينتظركم ونطلع كلنا
هزت راسها ناديا واخذوا ملابس وطلعوا ناظرت فهده الي جايه وارتبكوا البنات وناظرتهم شوق وتقدمت : السكن مكسر
قاطعتها فهده : عندي علم علشان كذا جيت بقول لكم ومي جايه بالطريق بتنزل عندكم وترا تقدمت رحلتها بيروح رشيد الحين
ابتسموا البنات وهزوا روسهم ونطقت ناديا تخفف توتر الجو والطفه : مع السلامه
هزت راسها فهده وطلعوا البنات من الميتم ومشوا ودخلوا العماره ودخلوا الشقه حقتهم وقفلوا الباب وقفوا ونزلوا عباياتهم ودخلت ناديا وريهاف وناظرو لميس الي جالسه بالصاله وتقدموا يجلسون معها
عند يزيد وساره الي نزلوا بسرعه من الشقه وصلوا عند عند شقة شوق ودقوا الباب وفتحت لميس وابتسمت تناظرهم : اهلاً
ساره ابتسمت: احنا جيرانكم
لميس فتحت الباب: ادخلي حيّاك
ساره ابتمست : لا تسلمين بس كنا بنشوي الليله بالحوش ونبيكم تكنون موجودين يعني ومنها نتعرف عليكم يعني اعرف مي بس ابي اعرفك
ابتسمت لميس : ياحبيبي انتي وانا لميس وشوق جايه بشوف لها وان شاء الله يسمح لنا وقتنا ونجي
ابتسمت ساره : نتشرف يعيوني
لميس : الشرف لنا والله
ساره: مع السلامة
هزت راسها لميس: مع السلامة
طلعت ساره مع الدرج و قفلت لميس الباب وتقدمت ساره تفتح باب بيتهم وناظرتها هيله : ها وش قالوا لكم
جلست ساره تناظر مبارك وفهّاد ونيّاف وناصر وابتسمت : مافيه الا ثنتين تحت وفتحت لنا وحده اسمها لميس
عقد حاجبينه مبارك بتفكير ولف على ساره الي ردت على سوال امها : تقول تنتظر شوق ترجع وتشوف
وقف مبارك وطلع برا الشقه ونزل للحوش العماره وجلس على عتبة الباب
عند شوق والبنات
بدوا يقولون للميس عن الي صار ورجعوا البنات ينهارون من جديد وقفت شوق وهي تكرهه البكي تحسه ضعف مع ان الي يبكي انسان طبيعي وقفت شوق وطلعت من الشقه رفعت راسها وناظرت مبارك الي واقف عند باب سيارته عدلت طرحتها ومشت من جنبه تتجاهل وجوده حتى طلعت جوالها ودقت على رشيد ولاد رد تاففت بقلق تحس بنظراته لها بس تتجاهل لان تحس نفسها مضغوطه اخذت الجوال ودقت على مي وردت مي بخوف وبكي : شوق صار شي لريهاف ؟
شوق تاففت : مي الحين ليش تبكين ؟
لف مبارك يناظرها صاده وكملت شوق ناسيه منه ومن وجوده حتى كملت شوق : وبعدين ماصار شي ولا بيصير ويخسي انه يصير حقهم ٣ واخذوه مالهم شي الحين
سكتت مي تمسح دموعها : قدموا الرحله وصلت للمطار باقي ربع ساعه ينادون اتوقع
شوق : تمام ياعيوني انتبهي لك وتوصلين بالسلامه
مي ابتسمت: الله يسلمش ياعيني
شوق ضحكت : برافوا مي صرتي تتكلمين مثلهم بالشين
ابتسم مبارك من عرف ان قصدها عزام
قفلت شوق الجوال ونقلته من يدها اليمين الى يدها اليسار بس صرخت بالم وطاح الجوال من يدها نزلت تاخذ جوالها وحركت يدها وكانت تتالم وقفت بخوف من حست بيده يمسكها وسحبت يدها بربكه وناظرها : يمكن يكون تمزق بالاربطة
شوق سكتت تناظره : تمام مافيني شي
مبارك صد واخذ نفس : ليش تناظرين كذا ؟
شوق صدت وردت بهمس مسموع : كيف تبغا اناظرك؟
مبارك حاول يفتح معها الموضوع : زي ما تناظرين لرشيد
لفت له شوق وناظرته وكانها تنتظره يفتح الموضوع وتصرّح بمشاعرها : بس رشيد اخوي تبغى اناظر لك اخ؟
مبارك ابتسم وهز راسه: ايي ناظريني ابوش وصاحبش واقرب اخوانش
ارتبكت اكثر تنتظره يقول الشي الي هي تفكر فيه وناظرته بخوف : مقدر
مبارك عقد حاجبه: ليش؟
شوق بابتسامة تخفي ربكتها : ماحس بأمان
مبارك هز راسه وهو حاس بخوفها ولا يلومها عليه : والله انّي لش امان وانّش لي وطن
ابتسمت شوق: اعطيك حق
مبارك ابتسم وكانه بدا يفهمها : في ايش ؟
ابتسمت شوق من ابتسامته: فرصه
ضحك وقال : في ايش ؟
عقدت حاجبها بضحك لانها عرفت وش قصده بس لفوا على الي يناظرهم ويصفّر : ياسلام على العشّاق يسلام
ضحكت شوق وهي تناظره : اول مره اقول لميّ احسنتي الاختيار
غمز عزام : كيف بس؟ اعجبش
تنحنح مبارك وضحك عزام وهو يناظره: بدري على الغيره يالطيب
توسعت عيون شوق بصدمه واخذت ريماس الي جايه وتضحك : هلا حبيبي هلا
صد مبارك وعض شفته بضحك وربت على كتفه عزام وهو يضحك
وابتسم ريماس وتأشر على نوف والنايفه : تدرين بيصيرون صاحباتي بالمدرسه
ابتسم شوق : والله ؟
مدت يدها النايفه تسلم عليها ونزلت لها شوق وباست خدها وخد نوف وبعدها اخذت ريماس الي سالت : مي بتجي
شوق ناظرت عزام الي يناظرها : اي بتجي قدّموا رحلتها
عزام ابتسم: اشكركم تدرون انها ماقالت لي انها بتجي
ضحكت شوق: اساس حتى لو ماقالته بتبيّن لك ميّ الوحيد الي ماتعرف تخبي شي
ضحك عزام وهز راسه ولفت نوف على مبارك : عادي ناخذ ريماس
لفت ريماس على شوق : او عادي تجون معنا صح شوق ؟
ابتسمت شوق: صح عيوني صح
لفت تناظر مبارك وعزام : عادي؟
عزام ابتسم: خلوهم يلعبون بالحوش بجلس معهم
مبارك : ايي ايي بجلس معك
عزام : وجع وش تبغى
مبارك ابتسم: بسولف معك
ابتسمت شوق وناظرتهم : عن اذنكم
هز راسه مبارك ولف لعزام الي يضحك وناظره بحده : ماتعرف توقّت فالمجي؟
ضحك عزام: افا ليه؟ عسى ماخربت شي
مبارك مسح وجهه بكفوفه : خطيت خطوه وتقدمت والله يستر
ابتسم عزام: ماجاك في وجهي
ضحك مبارك : قصدك بلعن وجهك
ضحك عزام وابتسم مبارك يناظر خواته الي يلعبون مع ريماس
عند شوق الي كانت بتطير من الفرحه ماتعرف ليش بس كانت تبغى كذا تبغى الكم الهائل من المشاعر الحلوه
ودخلت للبنات وجلست وناظرتها ريهاف : بتروحين ؟
عقدت حاجبها شوق : وين بروح؟
لميس : عند عزام واهله
شوق الي نست وش صاير وش قالت لها لميس : وش عندهم ؟
لميس ضحكت: حبيبي انتي مضروبه على راسك؟اعزمينا
شوق ضحكت : اها اي اذا بتروحون معي
لميس ابتسمت: انا بروح لموعدي وبتروح معي ناديا وريهاف رفضت
لفت شوق على ريهاف : ليش مابتروحين ؟
ريهاف ابتسمت : والله مانمت من امس وابغا ارتاح واذا جات مي تصحوني
اشرت لميس لشوق تتركها براحتها وابتسمت شوق : براحتك حبيبي
كملت شوق تتخيل مبارك وضحكت لفت للميس تناظرها تضحك ولفت على البنات الي يناظرونها : هيييه ياهووو
اشرت بيدها لميس وهي تضحك ولفت عليهم شوق وهي تضحك : خير ؟
لميس : شصاير
شوق الي حست انها بتفضح نفسها ضحكت : قلت لعزام ان مي جايه وطلعت مسويه له مفاجاة
ناديا : حيوانه شوق
ضحكت شوق وقفت لميس وناديا ولبسوا عباياتهم وخرجوا وقفت ريهاف ودخلت الغرفه تنام وقفت شوق وفكرت وش تسوي معها مافضلت انها تروح ويدها فاضيه اتصلت على السريع لام رشيد وقالت لها تسوي حلا بس ناظرت شوق الوقت وحست مامعها وطلبت حلا وجلست تلبس واخذت عبايتها
عند مبارك الي لازالت الابتسامه شاقه وجهه ومبتسم دخل اخذ شور وبدل ملابس لبس ثوبه الاسود وبخ عطره بتركيبة البرغموت و العود وعصب راسه عمامة واخذ عصاته وطلع ونزل للحوش يناظر اخوانه وضحكت البندري بهمس لساره : للدرجه ذي الحب يسوي كذا
ساره ضحكت : واكثر بعد بس ودي اشوفها
البندري : حتى انا تحمست لان مي احسها حلوه بس شوي خجوله
ساره ابتسمت : والله العلم منقول من نيّاف يعني خذي منه وبقي بس يقول جريئه البنت
لفوا على العيال الي اخذوا الكوره ونزلو الاغراض الي بيدينهم يلعبون مع ريماس ونوف والنايفه طلعت شوق وصلتهم بيدها الحلا الي طلبته ونزلت وسلمت عليهم وقفت البندري وهيله وساره وسلموا عليها وكانت شوق مرتبكه وغير كذا يدها الي توجعها ولان ماتدري وش سببها لفت تناظر ريماس الي تضحك وابتسمت لانها من زمان ماشافتها هالقد مبسوطه
لفت على ساره اللي قالت : دخلتي جامعه؟
هز راسها شوق: دخلت ادارة اعمال وتركتها
لف مبارك من سمعها وهو يلعب ولف يناظر امه الي تناظره وصد يسوي يلعب بس اذنه معهم ناظرتها البندري: ليش التخصص صعب؟
شوق : لا يعيوني ماكان صعب بس انا صارت لي ظروف واضطريت اني اتركه
هيله ابتسمت: وين خواتك ماجو؟
ابتسمت شوق لها : والله لميس عندها موعد مستشفى وناديا معها وريهاف داخل تعبانه
ابتسمت ساره ترفع صوتها : ومي بالشرقيه
ضحكت شوق وهي تناظر ساره توصل الكلام لعزيّم

صار نظام الواتباد بعد كل 4 ايام بارت علشان تنزيل الانستا
حسابي انستا sheismelife
حلويني الي عندهم تشبيهات يرسلونها على الانستا او التيك او تويتر كلها بنفس اليوزر💗