انا لك وطن وانت لي امان

12

< انا لك وطن وانت لي امان >
فالشرقيه -
عند مي الي بعد ماخلصت شغلها اخذت شور ودخلت الغرفه ناظرت سدن ونوره وشمقت لهم ولفت لها سدن : هيي انتي ترا كلها ايام وبتذلفين
ابتسمت مي: ابركها من ساعه مفارق وجهك
نوره : انتي على من تستقوين
عقدت حاجبها مي : انتي ما استقوي انا قويه
اهتز جوالها بجيبها وهي حاطته صامت وتجاهلت كلام نوره وطلعت وسحبت عليها دخلت دورة المياه وطلعت جوالها من جيبها وناظرت اسم عزام وهمست بيتها وبين نفسها : صباح الخير
تجاهلت ورفضت المكالمه وقفلت جوالها نهائياً وحطته بجيبها ورجعت اخذت نفس ودخلت الغرفه ولفت على الي غطت فمها وابتسمت غايه: تجين معنا ؟
مي : لوين؟
غايه ابتسمت :نطلع نشرب شاهي ونسولف
سمر : شرايكم نسوي بيتزا؟
مي ابتسمت: انا طبخي فاشل من الحين اقولكم
ابتسمت سمر : خلوها علي بس بتساعدوني
مي ابتسمت: اوكي
نزلوا مع الدرج للمطبخ ودخلت سمر وراها غايه ومي ولفت غايه الباب وقفلته بالمفتاح ولفت لهم سمر : طيب انا بعجن
ولفت لغايه : قطعي طماطم وسوي الكشنه
ولفت لمي : قطعي الفلفل رومي وابشُري الجبن وسوي الشاهي
مي : تم
لفت غايه: بنات
لفوا عليها وكملت : نشغل اغاني
ابتسمت مي: الله يالله
سكتت شوي: بس الصوت ؟
سمر ابتسمت : نرخيّ محد بسامع
ابتسمت مي : تم تم بشغل بجوالي اوكيه؟
هزوا روسهم وبدؤ يشتغلون وطلعت مي جوالها وناظرتهم : وش اشغل؟
ابتسمت غايه ونطقت مع سمر بصوت واحد : مجيد , مجودي
ضحكت مي: تحبون عبدالمجيد ؟
لفت لها غايه وهي تقطع الطماطم : ماتحبينه
هزت راسها بالنفي مي : ماسمعت له بس احب طلال لان شوق تحبه ولا تسمع الا له وتجلس تغني وتسمعني اغانيه الين احفظها واحبها غصب
ضحكت سمر وهي تحط المكونات العجين : شكلك تحبين شوق كثير
ابتسمت مي: شوق انعكاسي بالمرايه تعرفني اكثر من نفسي واعرفها اكثر منها
غايه وقفت تقطيع و لفت لها : ليش ماتقولين لها تجي ؟
ابتسمت مي وهي تناظرهم يناظرونها : ليته بالسهوله ذي بس الحين اكيد منشغلين مع لميس ولا ودي اشغلهم فيني بعد
سكتت وقاطعها اتصال جوالها وعقد حاجبينها تقفله بسرعه وناظرت رسالة عزام لها " اطلعي لي انا برا , بتفاهم معش اخرجي لي "
" في احدى قرى نجد "
تجاهله عبدالملك وتقدم لساره يسحبها بذراعه ودخلّها : وش طلّعك انتي ؟
ساره ببكي : تستهبل كان بيذبحك كنت خايفه
عبدالملك سكت من شاف دموعها وتقدم يمسحها
مسح دموعها وناظرها : لاتخافين انتي مابيصير لي شي
ماردت ساره وهي تبكي بخوف : خايفه ماني قادره
تقدم عبدالملك وحضنها وشد عليها : يعقب تخافين منه
تقدم يمسح عليها وتطمن عليها الين هدت وطلع مع اخوانه وابتسم يشوفهم صافين وتقدم ببتسامه من مد له سلطان سيفه وتقدم يلعب مع اخوانه مقابل ابوه وبقية اخوانه وانتهت ليلتهم بفرح تعشوا الناس وبدؤا يطلعون ويغادرون شوي شوي وغادروا المكان اخوان مشبب ولف يزيد وابتسم لهم : سجلوها اطلق ليله بالتاريخ
سلطان ابتسم : جعل افراحكم دايمه
ابتسم له مشبب وشد عبدالملك على كتف سلطان وابتسم يناظر عبدالملك: تخاوي الرياض؟
لف عبدالملك لاخوانه : نضُبّ المكان معهم ونطلع ؟
هز راسه سلطان وتقدم يفتح سيارته ويحط شماغه وقف مع عيال مشبب وهو يشل الزلّ ويناظر العمّال الي امتلوا بالمكان ويرتبونه وانتهوا ولف عبدالملك لابوه وتقدم يبوس راسه : متى بترجعون للرياض ؟
مشبب ابتسم: بكره بعد الغداء ان شاء
هز راسه عبدالملك: اجل انا بسبقكم مع سلطان وراي شغل ينتظرني
ابتسم مشبب : الله يوفقك وانا بوك وانتبه منهم
هز راسه عبدالملك: على خشمي
لف عبدالملك لسلطان : شغل سيارتك ببارك لعمتي وبجيك
هز راسه سلطان وشغل سيارته ونزل منها يسلّم على ابو عبدالملك واخوانه ورجع سيارته ينتظر عبدالملك
تقدم عبدالملك وهو يدخل البيت ورفع صوته ينادي : عمّه
خرجت هيله و ابتسمت له : لبيه
تقدم عبدالملك يبوس راسها : جعل افراحك دايمه
ابتسمت هيله : امين يأمي وعقبال مانفرح فيك
ابتسم عبدالملك وهو يناظرها : بغيت ابارك للبندري وساره
هزت راسها هيله وتقدمت للغرفة ساره والبندري وناظرت البندري: عبدالملك بيبارك لك
وقفت البندري خلف الباب وناظرته هيله من نطق : الف مبروك يا البندري واعذريني على الي صار والي سويته لكن والله ماهو الا خوف عليك وعلى ناصر وما انتي الا بحسبة ساره عندي والله يوفقك وانا اخوك
ابتسمت البندري : امين , ماتقصر
لفت هليه على ساره الي جالسه وناظرتها ورفعت كتوفها ساره تناظرها : قومي سلّمي على اخوك
وقفت ساره وتقدمت لعبدالملك وناظرها عبدالملك واخذ نفس وتقدم يحضنها ويبوس راسها وهمس : لا احد يدري عن الي صار اتفقنا ؟
ابتعدت عنه ساره وناظرها وهزت راسها ساره تطمنه وغمض عيونه وشدت على كفّه وناظرته : طمنّي عليك ان وصلت
ابتسم عبدالملك واشرّ على خشمه : على خشمي
ابتسمت ورجع يبوس راسها وطلع من عندها وطلع للحوش وناظر اخوانه وسلّم عليهم وسلّم على ناصر
واعطى عزام مفتاح سيارته : اذا جيت الرياض جبها معك هز راسه عزام وطلع عبدالملك يركب يمين سلطان وحرّك سلطان متجهه للرياض ابتسم سلطان ولف عليه : حيّ الله عبدو
ابتسم عبدالملك: البقى
سلطان : والعلوم والاخبار ؟
عبدالملك ناظره : اخلص قول وش عندك
سلطان ابتسم وضحك بخفوت : ابغا منك فزعه
لف يناظره عبدالملك وابتسم : ابشر بسعدك
سلطان ابتسم: ابغاك تروح معي
عقد حاجبه عبدالملك وكمل سلطان : لفارس اخوي بيخطب ونبغى شهود وانت عارف وضعنا مافيه الا انا وفارس وغزل
ابتسم عبدالملك وربت على كتف سلطان : ابشر بسعدك وانا اخوك
ابتسم سلطان : لاعدمتك
ابتسم عبدالملك وصد للخط وهو يسولف ويضحك مع سلطان خويه ورفيق دربه وسلاحه
في ديار نجد
عند عزام اخذ جواله وهو يشوف جواله واتصالات مي ورسالتها ودق عليه ولاردت ورجع دق ولا ردت وارسل لها ولا ردت ودق عليها لاخر مره ولقي جوالها مقفل تنهد من عرف انها زعلت منه لف لسيارة عبدالملك ورجع ناظر اهله الي يدخلون داخل البيت ورفع صوته : يزيد
لف عليه وكمّل عزام : ناد مبارك
يزيد ابتسم وهو يناظره : بتطلعون ؟
عزام عقد حاجبه بعصبيه : بتروح ولا اجيك؟
ضحك يزيد ودخل وهي يناظر مبارك الي يبت فراشه وناظره : ابو وصل
لف عليه مبارك وناظره بحده : ودك تتصفق انت صح؟
ضحك يزيد : واحد يصفقني اختار يا انت يا عزام
لف له مبارك: اخلص وش عندك
يزيد : عزام يبغاك برا
طلع مبارك وناظر عزام الي جالس وسط سيارة عبدالملك ويهز رجله بتوتر وناظره بقلق : شفيك؟
عزام اخذ نفس : بطلع للشرقيه
عقد حاجبه مبارك ورفع يده يناظر ساعته : مهبول انت ؟ توك جاي العصر منه وش يرجعك له
عزام تافف بعصبيه : بتجي ولا لا
ناظر عصبيته مبارك وعقد حاجبه : اعصابك يالطيّب وقم اركب يميني
ابتسم عزام وهو يناظر مبارك الي تقدم وركب وحرك خارج نجد للشرقيه
كملوا الخط وكلً منهم ساكت وناظر مبارك عزام : وش صار باهل الشرقيه؟
عزام صد لدريشه وعض شفته : زعلّتها
ضحك مبارك ولف عليه بحده عزام : وجع
ضحك مبارك : ياخي ياحظها تقطع خط ثلاث ساعات من نجد للشرقيه والله محظوظه
سكت عزام ولف عليه مبارك يهز راسه باسف من وضع عزام وتقدم يشغل المسجل وارفع صوت الشيله الي حطها مبارك وضحك من قال : ويلي على حبنا مدري وشهي تاليه
لف عزام بحده وضحك مبارك
وبعد مرور ساعتين وانتصف الليل وصل عزام وهي يرسل لمي ودق عليها ولاردت وتافف بعصبيه من الوضع ورجع حاول الي ردت من دق عليها
عند مي
توسعت عيون مي بصدمه وابتسمت من حركته جاها ركض من اقصى نجّد للشرقيه رفعت جوالها من دق وردت بدون صوت عزام اخذ نفس : اطلعي اطلعي ادري انش زعلتي مني وجيتش برضاش
مي ابتسمت : مقدر اطلع
عزام ابتسم من سمع صوتها : اجل انا اجيش
مي بصدمه : تستهبل وين تجي يسجنونك
عزام : اطلعي لي طيّب
مي : تمام بس انتظر بطول عليك
عزام هز راسه: انتي اخرجي علّي بس
قفلت منه ولفت البنات الي يناظرونه : بنات
غايه ضحكت : اطلعي بدلي بسرعه
مي بغباء : ليش؟
سمر ضحكت: ريحتك كشنه ياغبيه بينحاش
ضحكت مي : خليه بس بروح البس عبايتي
لفت غايه : اتركيها يركض انا اجيبها لك
ابتسمت مي وهي فرحان قطع كل المسافه وجاها ؟ علشانها هي اخذت نفس من الم بطنها الي يتناثر فراشات  ولفت على غايه الي دخلت واعطتها العبايه وطلعوا من المطبخ للغرفة الغسيل وساعدوها تطلع لفت مي تناظر المكان ماكان فيه احد وعقدت حاجبها ولفت تتقدم
نزل عزام من السياره من شافها واقفه تدور وقفت تناظره وتقدمت تبتسم تشوفه جاي وقفت وتكتفت تناظره وتقدم لها وتكلم بهدوء  : كم اسف ترضيش؟
ناظرته وردت عليه بنفس هدوءه : ماترضيني اسف
اخذ نفس عزام : كان كتب كتاب ناصر اخوي ونسيت من جوالي
مي صدت عنه : تقدر تقول لي ليش خليتي افكر
قاطعها عزام وابتسم : فكرتي ؟
عقدت حاجبينها وهي تناظره يبتسم : اي
ضحك بخوف وهز راسه : ايي اجل فكري فيني دايم
مي تنرفزت : اجل ناوي تسحب علي دايم؟
ابتسم عزام: اذ بتفكرين فيني اييه يختفي
ابتسمت مي: هي مره وحده فكرت بس اذا بتنعاد لي بفكر انك تزوجت وبكرهك
ضحك بخفوت عزام : لا معليش زوجتي ماهي فاضيه الحين جالسه تفكر فيني
رفع حاجبه بضحك: ولا ؟
ضحكت مي : للحين تحت التقيم ما بنعطيك امل
ضحك عزام ولف عليها بجديه : جد زعلتي علي ولا لا ؟
هزت راسها بالنفي مي : لا مازعلت بس خفت يكون صار لكم شي فالخط بس
ابتسم عزام: لا لا الحمدالله
لف للسكن ورجع ناظرها : كيف اوضاعش هنا؟ بدون شوق
اخذت نفس : يعني حلو بس فيه بنات يفقعون القلب الجوالات ممنوعه واخاف يشوفون جوالي ويشيلونه بعدها تعال دورني
ضحك عزام: لا لا معليش مابدورش اذا بغيتش جيتش
مايوقفني شي
مي لفت الي تدق الباب ولف عليه وميلت راسها تناظره وهز راسه يطمنها : لاتخافين علي وانتبهي لش
مي ابتسمت: طمنّي عليك علشان لا اجيك للرياض
ضحك عزام: على كذا بختفي
عقدت حاجبها مي وضحك عزام وهو يبتعد ورفع كفه : استودعتش ربي
ابتسمت تناظره وقف يناظرها الين دخلت ورجع هو السياره يركب يمين مبارك وحركوا راجعين للنجد
ركب عزام وحرك السياره مبارك ولف على عزام : ودك ناخذ شاهي ؟
عزام ابتسم: علشان؟
ضحك مبارك : تسولف لي
هز راسه عزام وقف مبارك عند الفود ترك الي تبيع شاهي ونزل ياخذ كوبين ورجع ركب ومد لعزام الكوب وحرّك للطريق وبعد دقايق لف لعزام ورجع لف للطريق : ايه هات علومكم
عزام لف عليه : هات علومك انت واعطيك علومي
لف عليه مبارك ورجع للف لطريق وعقد حاجبه : وش علومي وشعندكم كلكم تلمحون؟
عزام ابتسم: مافيّ قلبك شي للشوق ؟ يعني اهتمامك الزايد فيها مايدلّ على شي
مبارك عقد حاجبينه: لا مايدلّ على شي ولا فيّ قلبي شي ومستحيل
قاطعه عزام : ليه مستحيل !
مبارك لف عليه : صاحي انت ؟ مستحيل مقدر سوالف الحب ذي ماتزين لي ولا اقدر احبها
عزام : ماهو شرط تحبها اخطبها وخذها حلالك
لف عليه مبارك : صاحي انت ولا تستهبل علي تكفى قل استهبال
عزام عقد حاجبينه: ولد علامك انت خبّلتني وانا صاحي
مبارك نزل الشاهي الي بيده حطه بينهم ولف للطريق وتنهد : ياخي مقدر مقدر احبها وهي كذا لا اهل ولا تربّت وسط عايله ولا تشبهنا في شي شوف
قاطعه عزام وهو عرف ان مبارك حاط حواجز كثيره : انت تخاف تحبها ولا البنت مافيها شي
تنهد مبارك ولف له عزام وابتسم : بس قل الصدق تحبها ؟
لف عليه مبارك: ما احبها يعني بس تجذبني معرف يوم عملية اختها جلست اتأملها احلف لك بالله اني جالس اتامل ولا وعيت الا على صراخ عبدالملك
ضحك عزام وخبط كتف مبارك : الله يعوضك في قلبك وانا اخوك الحين بياخذك يمين ويسار ويلعب فيك لعبة السبلة
ابتسم مبارك ولف عليه : انت عطني علومك ؟
لف للطريق ورجع للف له : ما اتوقع انك بتطول وبتعلق البنت
ضحك عزام: من قال بعلّقها ؟ انتظر نرجع الرياض واقدم على وظيفه واخذها
ابتسم مبارك وهو يناظر عزام وتنهد عزام : تهقى ابوي بيرفض لو قلت له؟
مبارك : لا مابيرفض اذا انت صادق وبتخطبها عندهم عمهم كلمه
ابتسم عزام من تذكر : ابو رشيد
هز راسه مبارك ولف عليه : وانتظر الين تطلع من الشرقيه
ضحك عزام ولف له : يبغى لها اربع شهور
ضحك مبارك: حاسب لها ؟
ضحك عزام ولف مبارك يضحك ورجعوا يناظرون الخط ومد يده عزام للمسجل يشبكه ويشغل "الحكم السعودي"
ومسكوا الخط وهم يرددونها وبعد ساعتين فالخط اذن الفجر وقفوا يصلون الفجر ولف عزام على مبارك: ارجع بكمل انا
هز راسه مبارك وركب عزام : باقي عشرين كيلوا على الديره
كلموا حطهم وصلوا الديره وابتسم عزام من شاف ان كلهم نايمين ولا فيه حس تقدم مبارك وفتح الباب وشاف هدوء البيت وتقدم المقلط وفتحه وناظر اخوانه النايمين ولف من دخل عزام وشاف فرشهم جاهزه وهو يعرف انه يزيد يفرش لهم دايم ماينساهم : اهخخ جعلني ما اعدم يزيد
تقدموا ونزلوا ثيابهم وانسدحوا جنب اخوانهم وناموا
" عند مي "
الي من امس ماشالتها رجولها من الفرحه دخلت المطبخ واخذت جوالها تدق على شوق ولاردت تنهدت وعرفت انها نايمه لانه تأخر الوقت رجعت تشتغل مع البنات وهي فرحانه ومبسوطة خلصوا من الطبخ وجلسوا ياكلون ويسولفون وانتهى بهم الوقت وقاموا وغسلوا صحونهم وراحوا افرشهم وهي بالها مع عزام وضحكت من تذكرت كلامه "زوجتي مشغوله تفكر فيني " اخذت جوالها وفتحت الواتس حقه وكتبت : طمنّي عساك ماتزوجت
ابتسمت و قفلت جوالها ونامت
" يوم جديد "
صحت شوق من بدري وهي لها اسبوع تنتظر هاليوم وقامت اخذت شور ولبست واخذت عبايتها وطلعت تغادر العماره للمستشفى ودخلت وقفت عند الباب براحه خلاص بتجتمع مع اخواتها وكلهم بخير وتعرف ان مي بخير صح اتصلت عليها ولاردت بس اعرف ان جوالها مقفل تقدمت ادخل المستشفى وقفت تناظر لميس لامه شنطتها وجاهز وضحكت شوق وتقدمت تحضنها : ردت روحي
لميس ابتسمت تشد عليها :  اهخخخ اخيراً 
ابتسمت شوق ولفت لميس تناظرها : طلعت الحمدلله كان خانقني المستشفى
شوق ابتسمت: انتهى كل شي الحمدلله بنرجع زي قبل
لميس اخذت شنطتها وسحبتها منها شوق وهي تمشي معها وطلعوا من المستشفى وتقدمت للميس للعماره ودخلت شقة شوق ونزلوا عباياتهم
وتقدمت شوق تاخذ جوالها وارسلت لناديا " اذا رجعتوا قولو لي "
ولفت تناظر لميس الي تناظر البيت : قلت لابو رشيد بحاول الاقي لي وظيفه
لميس ابتسمت اجلس على الكنب : كلنا بنلاقي
جلست جنبها شوق : لا حبيبتي مو كلنا انا بس
لفت عليها لميس وعقدت حاجبينها شوق وهي تناظرها بحده وهز راسها لميس : سمعاً وطاعه
ضحكت شوق وقفت اخذت جوالها الي يدق ولفت تناظر لميس : ياعيوني انتي
ام رشيد ابتسمت : بشريني يا امي كيف صارت لميس ؟
شوق ناظرتها وضحكت : ابد كانها حصان
ضحكت ام رشيد : جهزت لكم الغداء بنتظر البنات يجون واعطيهم واخلي رشيد يوصلهم
ابتسمت شوق بامتنان لوجودها : اخ ياخاله وش بنسوي بدونك , الله لا يحرمنا
ابتسمت ام رشيد: ولامنك ياحبيبتي بنتي انتي بنتي
ابتسمت شوق وقفلت الجوال وناظرت لميس : خاله ساميه بترسل لنا اكل
لميس ابتسمت : اخيرا اكل يشبع تعبت من اكل المستشفيات
رجعوا من المدرسه ودخلوا السكن وبدلوا ملابسهم ودق الباب وقامت ناديا تفتح وناظرت رشيد: شفيك؟
رشيد ناظرها  : مابتروحون لشوق؟
ناديا : اوهه نسيت تمام انتظرنا بنلبس عبيّنا وبتجي
هز راسه رشيد وردت الباب ودخلت ناديا ولفت تناظر ريهاف وريماس : هيا بنروح نتغدا عند شوق
ريماس ابتسمت: الله اشتقت لها
ابتسمت لها ناديا وهي تلبس عبايتها ولبست ريهاف عبايتها وطلعت ريماس وطلعوا هم من وراها وطلعوا كلهم للعماره وصلوا
ولف رشيد عليهم : الشقه الي تحت دقوا عليهم
هزت راسها ناديا ومد لهم الغداء واخذته من يده وراح هو راجع ودخلوا هم ودقوا باب شقة شوق وفتحت الباب تناظر البنات وابتسمت : هلا ياهلا  ادخلو
لفت تناظر ريماس ابتسمت: ارحبي انتي ياكل حياتي
ابتسمت ريماس وتقدمت تحضنها وشالتها شوق وهي حاضنتها وقفلت الباب برجلها ودخلوا يجلسون بالصاله وجلست شوق وبحضنها ريماس ولفت عليهم : ندق على مي ؟
هزوا راسهم وتقدمت شوق تجلس ويمينها ريماس ولميس ويسارها ريهاف وناديا
عند مي
الي صحت وقامت تغسل وجهها وجلست ماتبي تفطر وقفت تقفل الغرفه الي مافيها احد غيرها اساس بس تقدمت تفتش فالغرفة احتياط اذا كانوا موجودين ولا لقت احد وطلعت جوالها تبغى تشوف رسالتها وصلت للعزام ورد عليها ولا بس مالقته راد وتنهدت ولفت تناظر اشعار الرساله وجمد وجهاا بصدمه وقطع عليها اتصال شوق وابتسمت تتدارك الوضع وردت وهي تناظرهم بالكاميرا : ياهلااا
ابتسمت ريماس : مييي
ابتسمت مي : ياعيونها انتي
ريماس زمت شفايفها بزعل : واحشتني
مي تنهدت : حتى انتوا وربي واحشيني
شوق ابتسمت : ايي وشصاير بغيابنا
غمزت ريهاف : صار بعنتر شي
ضحكت مي من شافتهم بدو يطقطقون عليها : ايي ايي صار تخيلو
تربعت فوق السرير وهي تثبت جوالها واخذت شوق الفاين وقفت الجوال عليه وهي تناظر مي الي تثبت الجوال وتربعت : تخيلوا جاني امس
لفوا عليها بصدمه وضحكت : تخيلوا انه قالي جيت لانه مارد علي بنات جاء جاء من نجد على الى الشرقيه
ضحكت ريهاف : مافهمت شي
ضحكت ناديا : مي تو
ضحكت مي وتقدمت تشرح لهم وقالت لهم كل الي صار وضحكوا وضحكت شوق : الحب افعال حبيبي
ضحكت ريهاف : زين ماحضنتيه
ضحكت مي : بالقوه ماسكه نفسي
ضحكت شوق : خفيفه خفيفه
ناديا ضحكت تناظر شوق : مستحيل شوق مابتصير ثقيله اوفر
ضحكت مي وهي تشوف شوق تناظر ناديا بحده وضحكت شوق وهي تناظر مي :هيي انتي لاتاخذين راحتك بزياده تراك في فترة تأديب
ضحكت ريهاف : غلطه وحده بس ياخت مي يطير عليش
ضحكوا وضحكت مي ولفت للباب الي يدق واخذت جوالها وقربت من السماعه وهمست : لازم اقفل بايي احبكم
قفلت الجوال كامل واخذت نفس تخبيه وفتحت الباب وصدت من شافتها سدن وتأففت وناظرتها سدن وتكتفت تعقد حاجبيها : مانزلتي خير؟
تجاهلتها مي وتقدمت سدن تمسك ذراعها ولفت عليها مي وهمست وهي تسحب ذارعها : اللهم طولك ياروح
سدن : انا قلت لك مارح اخليك صح ؟
تقدمت مي وصفقتها بكف : وانا قلت لك فكيني شرّك صح؟
سدن وقفت قدامها وهي ماسكه خدها وهي تناظرها بحده وهزت راسها تتوعد فيها وتجاهلتها مي وجلست على سريرها تفكر فالرسالة مسكت راسها وهي تفكر لو درت شوق عن الي هي سوته يتفرح ولا بتزعل؟ هي قالت لها لا ومي سوّته بدون اذنها بتزعل ؟ ولا بتفرح لانها بحاجتها الحين! تكررت الاسئله براسها واخذت نفس تنسدح على سريرها من جديد
في ديار نجد -
عند مبارك واخوانه
صحوا عيال مشبب وتقسّموا يشوفون اشغال حلالهم عدا مبارك وعزام الي ماناموا الليل امس وناصر الي جالس عند امه وحاط راسه على فخذها وقدامه ساره والبندري رفع راسه لامه الي تمسح على شعره واخذ كفها يبوسها وناظرته تبتسم : الله يحفظك يا امي
ابتسم ناصر : امين يارب
لف يناظر ساره الي من امس متوتر وترجف وتقدم يجلس ومسك كفوفها وناظر عيونها : سوير
لفت عليه وابتسمت وكمّل ناصر : فيك شي من امس وانتي فيك شي شفيك ؟
ساره هزت راسها بالنفي ولفت لها البندري : ترا لاحظت عليك امس مانمتي
صدت ساره عنهم وهي تحس بظغط وتقدم ناصر وهو يحس انها انظغطت وتوترت وشد على كفوفها : ايًا كان الي صار قولي لي تمام؟ اهم شي لا يكدر خاطرك شي ولا تزعلين
ابتسمت ساره وهزت راسها ولف ناصر على امه : ابوي قال لكم متى بنطلع
هزت راسها هيله : قال بعد الغدا
هز راسه ناصر : اجل بطلع اشوف العيال
هزت راسها وقف يطلع للعيال وقلبه مع ساره
طلع ناصر وهو يناظر ابوه الي عند خزان المويه واخوانه عنده : شصاير
نيّاف : انكسر الدينمو
ناظر مشبب الي جالس ويهندس فيه ولف لهم : مبارك ماصحى؟
هز راسه فهّاد بالنفي وناظرهم : اجل بصحيه لازم يطلع يسبقنا للمستشفى
لف له مشبب : ليه
ناصر : علشان المستشفى قالوا يبغونه
هز راسه مشبب وهو يشتغل : رح صحّه
انسحب ناصر من عندهم ودخل للبيت ودخل المقلط وناظر مبارك الي صاحي ويمسح على راسه : زين صحيت كنت جايك
مبارك ناظره : علشان؟
ناصر : المستشفى مابتروح لهم
مبارك مسك راسه : اوهه نسيت منهم اقسم بالله مالي حيل لهم
ناصر ناظره : تبغاني اوديك
وقف مبارك: لا لا معليك بطلع انا وباخذ الشاص وبطلع
هز راسه ناصر وطلع من عنده وطلع مبارك للحمام وبعدها طلع وسلم على اهله وركب سيارته وطلع متجهه للرياض
بيت جدة ال " هيّاف "
عند ثنيان الي ما نام من امس يفكر كيف الحلوه ذي تكون اخت عبدالملك هو يتذكرها وملامحها لازالت في باله وكل شوي يلمح طيفها شعر كيرلي اسود مثل سود ليالي نجد عيون وساع وشفايف كماللؤلؤ وخدود تتورد باللون الاحمر وعنقاء مستحيل ينسى تفاصيلها ونظرتها صح عبدالملك حجب عليه شوفتها وناظرها لثواني بس مانساها مانسى كيف طلعت تبكي خايفه وقفت بينه وبين عبدالملك وخباها عبدالملك خلفه مانسى بس مانسى بعد انها مستحيل تكون له دامها اخت عبدالملك الي يعرف كل اعمال ثنيان للغير قانونيه وينتظر الدليل بس ويفنيه تنهد ولف على مطلق الي جاء وتكى معه وناظره مطلق وهو ينفث دخانه : بتوصل بكره ولد عمك مابيسوي شي صح؟
لف عليه ثنيان وصد وعدّل جلسته مطلق : ولد علامك؟
لف عليه ثنيان وكمل مطلق : اكلمك انا
ثنيان مسك راسه: مدري مدري
مطلق رمي دخانه وقف يدعس عليها برجله ورجع جلس على ركبته يساوي طوله بطول ثنيان وناظر ثنيان : وش الي مدري لازم بكره نوصل الاغراض للرجال ولد عمك الزفت ذا لايسوي شي سمعتني تسمع انت انا الي بوديها الرجال يبغى يقابلني وجه لوجه لاتخليه يقرب سمعت؟
ناظره ثنيان وكمل مطلق : ثنيان لايقرب عبدالملك سمعت؟ اذبحه سو الي تسوي بس لايقرب بطلع بعد شوي وابغاك تأمن لي
هز راسه ثنيان وكمل مطلق: تكفى ثنيان
فز ثنيان واشر على خشمه : على خشمي بس ابغا لي سلاح ولا اي شي يمنعنا عنه
مطلق : كلها جاهزه فالسياره بس هيا نحرك لازم اقابل الرجال