انا لك وطن وانت لي امان

20

< انا لك وطن وانت لي امان >

عند مبارك واخوانه الي صحوا ومرو على بيت عبدالملك واخذو لمى وبعدها طلعوا لبيت ثنيان وافطروا وجلسوا لليل ومرت الايام والليالي بنفس المنوال بتغير زواج البندري وناصر الي قررو انه يكون عشاء عائلي فقط وسافرو شهر عسل لجده
بعد ثلاث اسابيع وبالتحديد " يوم الخميس "
كانوا البنات في غرفة شوق ويرتبون شناطها معها وكانوا يرتبونها ويغنون (عزوبيه عزوبيه وداعاً للعزوبيه ) جهزوا البنات وقررو انهم يطلعون يحتفلون بشوق طلعوا وصلوا الكوفي الي اتفقت معاه مها نزولوا البنات وجلسوا وبدأو الموظفين يتقدمون لشوق بالورد والبالونات والشموع والكيكه المكتوب عليها Bye Bye Single life تقدموا البنات يقدمون هداياهم لشوق وبعد نوبة بكاء تقهوو البنات وطلعوا ياخذون عشاء ويرجعون للبيت تعشوا البنات وشيكوا على اخر حجوزاتهم وتجهيزاتهم وبعد مُعاناه مع النوم قدرو ينامون
وبالمثل عند مبارك واخوانه رجع ناصر بعد ما اخذ اسبوعين وطلعوا العيال ومشبب يحلّقون وياخذون ثيابهم الي فصلّوها وحلف عبدالملك بهذي المناسبه ان يعشيهم واتصل على سلطان وفارس يجون وينزلون غزل عند هيله ولمى وساره والبندري وبالنسبه لثنيان صار مايمرّ يومه الين يتطمن على ساره وهي ولا همّها ومافكرت فيه حتى ومي وعزام كنسلت مي خطوبتهم وطلبته الى بعد الاختبارات النهائيه وافق عزام طلعوا العيال من المطعم وحرك عزام ومبارك للصاحب الشَبِّكه
وشيكوا عليها وطلعوا متجهين للبيت ودخلوا العيال ونزلت لمى لعبدالملك وناظرها سلطان وهو يحلف انها ماتمشي على الارض انها تمشي على ضلوع صدره نزلت غزل وسلّم عليها عبدالملك وركبت مع اخوانها وحرّكوا الكُل متجهين لبيوتهم يستعدون لبكره وعند مبارك الي حاول ينام وماقدر من فرط سعادته وطلع فالصاله وحصّل هيله وتقدم يجلس عند رجولها وحط راسه على فخذها وبدت تقرا وتسمي عليه وتدعليّه بالحياه الحلوه والهنيّه ويرزقه بـوِصال
قامت هيله ودخلت تنام وهي تستودع الله قلوب عيالها وحياتهم

يوم الجمعه
_ زواج الأبطال _
~ مبارك بن مشبب ال هيّاف & شوق ~
بعد ماطلعوا العيال من صلاة الجمعه ابتدو يجهزون لان الشيخ بيجيهم بعد صلاة العصر ويملّكون ويطلعون للقاعه
عند الباب
طلعت مها وهي تصاخ : مييييي
مي بصراخ من الغرفه : نعععم
مها بصراخ وهي تلم الشناط الي البنات حاطين فساتينهم فيها : اتصلي على الميكب ارتست حقت شوق قولي لها الساعه خمسه تكون موجوده
مي صرخت: خلاععصص يابنتي اتصلت عليها عشر مرات
طلعت لميس بالم وهي ماسكه بطنها وتوسعت عيون بصدمه : تكفين لا تقولين بتولدين بأنهار
ضحكت لميس: نهاية شماتتك في فهده
ضحكت شوق وتقدمت تمسك بطن لميس : ماتسوونها فيني صح ؟
بدا بطن لميس يتحرك بسبب ركلات البيبي وضحكت شوق : ياعيون خاله انتوا اصبرو شوي
ناظرتها لميس : خايفه؟
هزت راسها شوق بالنفي : متحمسه بس
ضحكت لميس وهي تجلس وطلعت ريهاف الي قد فحمت من كثر صراخها وتقدمت تجلس : انا تعبت كلمت حقت العشاء وكلمت المطربه وكلمت الصبابات وكملت حقت الحلا وكلمت حقت الفطاير سويت كل شي حرفياً بنهار
دخلت ناديا المطبخ وفتحت الثلاجه وطلعت علب مويه وتقدمت تمدّها للبنات وضحكت ريهاف : كسبتي اجري
رفعت راسها ريماس الي كانت على الايباد : ايوه ترا يقولون من سقى كلبً دخل الجنه
ضحكوا البنات ورمت ريهاف قارورة المويه وهي فاضيه على ريماس : انا كلب يالحيوانه
ضحكت ريماس وتنهدت شوق : كيف اترككم الحين؟
مي جات وهي تصارخ : وحده منكم تقوم تساعدني
ولفت علي شوق : حبيبي مو لانك عريسه تجلسين قومي معي حبيبي شيلي شناطك ذي
ضحكت شوق وقفوا البنات ولفوا كلهم على لميس وضحكت مها : انتي بالذات لا تتعبين
ريهاف ابتسمت : الدكتوره قالت امشي كثير علشان تولدين بدري
ضحكت شوق: تكفين اجلسي صار عندي فوبيا لا تولدين
ضحكت لميس وهي تجلس وبددت تتعب كثير من الحركه وصارت حركتها ثقيله
عند ام رشيد لبست فستان وبخرت رشيد وابو رشيد وطلعو متجهين للشقة شوق لان الشيخ بيجي يخطب في الشقه ويطلعون بعدها للقاعه وصلوا ابو رشيد وعائلته وفتحت لهم ريماس باب الرجال وتقدم رشيد وابو رشيد يدخلون المجلس ودخلت ام رشيد عند البنات وسلمت وتقدمت : طيب مها خذي سيارة ابو رشيد لانها جمس وحمّلوا شناط شوق وشناطكم وخذي البنات معك ونزليهم هناك علشان يشيكون على اخر شي وتعالي علشان اذا خلصنا نطلع على طول تمام؟
هزت راسها مها ولبست عبايتها والبنات من خلفها واخذت ام رشيد مفتاح السيارة من ابو رشيد واعطتهم وبدو البنات يحملّون الشناط والاغراض وفستان شوق وركبوا البنات وطلعوا متجهين للقاعه
وبعد صلاة العصر
ومع زحمة الرياض وصلوا البنات ونزلوا وبدأو يشيكون على كل شيء وكل شي كان مكتمل ابتدوا يسون ميكبهم وشعورهم ومها رجعت للشقه ودخلت بسرعه : وصلو؟
هز راسها شوق: وصل مبارك وابوه واخوانه باقي الشيخ
ابتسمت مها تشد على كفوفها الي ترجف: لاتخافين اوكي؟
هزت راسها شوق واخذت جوالها تناظر صور البنات ورفعت راسها من سمعت ابو رشيد ينادي : شوق يابنتي
وقفت شوق وقربت من الباب وسمعت الشيخ : يابنتي موجوده
هز راسه شوق من خلف الباب وهي تناظر مها اللي تصورها : موجوده
كمل الشيخ : رددي معي
هز راسها شوق ورددت خلفه : قَبِلتُ به زوجاً
وهز راسه الشيخ : بارك الله لهما وجمعا بينهما في خير
وتقدم ابو رشيد يمدّ البصمه لشوق وبصمت شوق وتم اعلان " شوق زوجه لمبارك ومبارك زوج لها "
وبعدها جلست ام رشيد مع ابو رشيد وضيوفه وطلعت شوق ومها وركبوا سيارة مها وتقدمت مها لاستار بكس واخذت اكواب قهوه وطلعوا للقاعه ودقت مها على مي تأكد عليها للمره المليون ان الارتست وصلت والمصوره وارتبكت شوق اكثر بقي اقل من 6 ساعات وتقابل مبارك وهي زوجته علن وحالياً وام عياله مُستقبلا 
تقدمت مها وقفت عند باب القاعه ونزلت شوق ومها وتقدموا يشيلون الاكواب وسمعوا صوت الاغاني وتقدمت شوق تدخل وناظرت المكان المزين بالورد الازرق والديكور الازرق واختارت انه يكون ازرق لانه الشي الوحيد الي اجتمعت هي ومبارك على حبه اللون الازرق تقدمت شوق للبنات الي صرخو بفرح وتقدمت تجلس الميكب ارتست وبدات تحط لها الميكب وتقدمت تسوي شعرها واختارت انها تكون تسريحه خفيفه وتقدموا البنات الي خلصو يطلعون يتاكدون وصرخت ريهاف : باعععنت
مها بنفس الصراخ من الغرفه الي فيها شوق طلعت للبباب : هلا؟
ريهاف بصراخ : نسيت المسكه على السرير
مها بصراخ : ايش؟
تقدمت ريهاف تركض لهم : نسيت المسكه على السرير دقي على خاله ساميه
شوق بخوف وارتباك : اوف ريهاف اوف
لميس ناظرتها متوتره : هدّي معليك بنجيبها
ردت ام رشيد وضحكت : معي معي اخذتها
عقدت حاجبها مها : وشهي ؟
ضحكت ام رشيد: مانسيتو شي؟
مها : الا ياخاله نسينا مسكة شوق
ضحكت ام رشيد: اخذتها لقيتها فالصاله جايه
ابتسمت مها: احبك
قفلت ام رشيد وضحكت مها : اخذتها لقتها بالصاله
جلست ريهاف واخذت نفس براحه : اوه الحمدلله
ناظرت ريهاف شوق وابتسمت : طالعه تهبلين
شوق ابتسمت وكملت مها : ياحظ مبارك
ضحكوا البنات وتوترت شوق ودخلوا مي وناديا يضحكون: بنات باقي فطاير زايده تاكلون؟
ريهاف مدت يدها : ايي انا اعطيني
تقدموا البنات ياكلون وقدمت مها لشوق : افتحي فمك
شوق هز راسها بالنفي : مابي
مي ناظرها : يابنتي تدوخين
تقدمت مها : شوق بسرعه افتحي فمك
فتحت فمها شوق واعطتها مها الفطاير وضحكت مي : شاطر النونو
جات المصوره وصورت البنات الي بفساتينهم وشوق الي بروبها وخلفها مكتوب " شوق "
وتحتها بشوي " حُرم مبارك "
صورت المصوره كم صوره وبعدها خلصت شوق وطلعوا البنات والميكب الارتست ودخلوا العاملات يساعدونها في فستانها كان باكمام طويله كتفه مفتوح وكان بقماش الستان الثقيل مزيّن من الصدر الى الخصر بورد من خرز ماسك من فوق واسع من تحت و بعدها ركبوا الطرحه الطويله وشوي طلعوا البنات ودخلت ام رشيد وهي ماسكه مسكة شوق " الورد " ومها وراها بجوالها ومي ماسكه البخور وناديا بالعطر وتولة المسك
وقفت ام رشيد والبنات خلفها وماكان من ام رشيد الا انها تبكي فرحه لانها بتزف بنتها لو انها ماحملت فيها لكن دايم كانت تقول " مو شرط ان الام تكون الي حملت ولدت بس الام ممكن تكون الي ربت وشافت اول خطواتهم واول منطوقهم واول يوم لهم بالمدرسه واخر يوم لهم بالثانوي ويوم الي تزف فيه بنتها هذي هي الام الحقيقية وهذا الكلام انطبق على " ام رشيد " ناظرتها شوق بعيون متغورقه وتقدمت ام رشيد تمسح دموعها وتقدمت تحضنها : ام انتي وعيوني الثنتين
بعدت عنها ام رشيد من حست برجفتها : شوق امي ليش الدموع ؟
ضحكت ريهاف : طيب انتي ليش تبكين
ضربتها ام رشيد بخفه وضحكوا البنات : الله يوفقك ياعيوني ويتمم لك على خير ويرزقك بـوِصال
ضحكت شوق وضحكوا البنات وتقدمت المصوره : دقي على العريس يا عروس علشان نبداء تصوير
هزت راسها شوق واتصلت على مبارك وتقدمت ريهاف الي اخذت العطر من يد ناديا وضحكت ويهاف وهي تبخ العطر لشوق : من الحين مسميته ابو وِصال
ضحكت شوق لانه طلبها تغيره واتفقوا يغيرونه هي يسميها " ام وِصال وحُرم مبارك " وهي ابو وِصال "
رد مبارك الي يضحك : لبيه ياحُرم مبارك وعيونه الثنتين
شوق ابتسمت : تجي ؟
مبارك : اجيش بس وين؟
شوق عقدت حاجبها: نتصور
عض شفته مبارك وهو ناسي واردفت شوق من بعد ماسمعت سكوته : مبارك
مبارك ابتسم : عيونه وابوه واهله كلهم لبيه؟
شوق ابتسمت وسكت وكمل : افتحي لي الباب
هزت راسها شوق: مبارك عند الباب
هزت راسها ناديا وتقدمت للعامله تقولها تفتح له وتدخله القاعه وكلمت المصوره تروح للقاعه وتقدمو البنات بالعوده والمسك والبخور واعطوها المسكه وتقدمت شوق ونزلت مع الدرج وهي تناظر مبارك وابتسمت
ناظرته المصوره : اعطها بظهرك ياعريس
مبارك : والله ماقفّي عنها وهي جايتني ولا ارد وجهي عنها وهي جايه
المصوره:  لو سمحت
مبارك: جاش العلم
تاففت بغضب المصوره وهي عارفه ان النقاش معه باطل ولفت تصور شوق من ابتدت شوق تنزل مع الدرج وعينها على مبارك نزلت وهي ترجف وشاده على مسكتها مد يده مبارك من قربت شوق ومدت كتفها وتقدم مبارك يحضنها ابتعد عنها وتقدم يقبّل جبينها وابتدت المصوره تعطيهم وضعيات وتصورهم وتقدم مبارك وبعد مانتهوا لفت شوق بتطلع وقف مبارك : على وين؟
ابتسمت شوق : بطلع للغرفتي الين انزف لهم
مبارك اخذ نفس: ليت مافيه عرس رجال كان دخلت معش
ضحكت شوق وتقدمت المصوره من شافتهم طولو : تبغون تتصورون زياده ؟ ولا امشي
كانت شوق بتهز راسها بالنفي بس قاطعها مبارك الي قال :صورينا فيديو
عقدت حاجبها شوق وتقدمت مبارك ومسك خصرها ورفعت شوق ذراعها على عنقه وتقدم مبارك يدور فيها دار فيها الين صرخت شوق : بس بس
ضحك مبارك ونزلها وتقدمت شوق تمسك راسها : عاجبك الحين انزف دايخه؟
ضحك مبارك: بدري على الدوخه
عقدت حاجبها شوق وصدت عنه وتقدم مبارك وطلع من جيبه حليب فانيلا : يرضيش
ضحكت شوق وتقدمت تاخذه وطلعت فوق لغرفتها وتقدمو البنات يضحكون وناظرتهم وضحكت مي : ياراسي شوق
ريهاف : اوفر شفيك منفسه
وهنا كبت عفشهم مها : ليش تصارخين عليه لو كنسل الزواج؟
عقدت حاجبها شوق ولفوا البنات على مها وكملت شوق : كنتوا تراقبوني ؟
مي بتصريفه : بنطلع حبيبي جو المعازيم واهل المعرس
ضحكوا البنات وقفلوا الباب وتقدموا يوقفون جنب ام رشيد ويرحبّون معها وصلت فهده ولدها وسلمت ودخلت وهنا انفجروا البنات ضحك وام رشيد تسكتهم وبعدها تقدمت شاهره والصدمه كانت لمي ناظرت " غايه وسمر " جايين يسلمون عليها وضحكت مي تحضنهم وبعدها جات هيله والبندري وام البندري ومهره ولمى وساره وام ثنيان وام رشيد ناظرت خواتها وضحكت وضحكوا البنات بفرح من قالوا : الف مبروك زواج بنتك
وهنا تقدمت عجوز كبيره فالسن ومحد عرفها غير مي وتقدمت مي تساعدها تدخل ولفت تناظر ام رشيد والبنات الي يناظرونها ينتظرون منها اجابه : جدة شوق
تقدموا البنات يسلمون عليها ودخلوها تجلس وبعد دقايق وصلت شخص ما احد كان منتظره وكانت سلوى ام عناد
وبعدها اكتمل عدد الحظور وابتدوا الصبابات بالقهوه والحلا وتقدمت المطربه تشيل المسرح وتقدموا البنات يرقصون باستثنا لميس
الساعه 11
ابتدت زفة وابتدو الحريم والبنات يلبسون عباياتهم ودخل مبارك وابوه وبعدها انفتح الباب العلوي وتثبت النور والاضاءه على شوق ونزلت من الدرج وكان مبارك يناظرها ويذكر الله عليها : ماشاءالله تبارك الرحمن
وابتدت شوق تنزل وهي تناظر الكوشه وابتسمت تناظر الحظور وكملت تمشي بخطواتها الين وصلت عند مبارك الي منتظرها وماد يده لها وابتسمت شوق من قبّل جبينها وسألته بخوف سكن قلبها فجاءه : بتنتظرني دايم؟
سكت مبارك واكتفى انه يهز راسه وابتدت تطلع على الكوشه وكفها بكفه وطلعوا وتقدمت هيله وساره ولمى يسلمون على مبارك وشوق وتقدمت هيله تعطيهم الدبله وابتدت لمى تصورهم والمصوره جنبها وتقدم مبارك يمسك يد شوق الي ترجف ولبسها الدبله ومدت هيله دبلة مبارك لشوق ومسكت كفه شوق ولبسته وابتسمت شوق وبعد دقايق استأذن مبارك : عن اذنكم باخذ ام وِصال ونطلع
هزت راسها هيله : اصبر اشوف لك درب
تقدمت هيله تناظر الدرب وهزت راسها لهم وتقدم مبارك يمسك يد شوق وشد عليها وتقدموا يطلعون وتقدمت ام رشيد تطلع ودخلت لشوق وتقدمت هيله تساعد ام رشيد ولبسوا شوق عبايتها وتقدمت ان رشيد تنادي العاملات ياخذون شنطها وتقدمت ام رشيد تطلع لمبارك : تعالي اخذ عروستك
ابتسم مبارك وتقدم لشوق ومسك كفها ولفت ام رشيد بدموع : ياويلك يامبارك لو تبكيها ياويلك
ماتحملت ام رشيد وبكت وتقدمت شوق تحضنها وهي تبكي وقف مبارك وهو مبتلش بدموعهم وماله الا يطمنها : على خشمي ياخاله والله ياشوق انها بقلبي قبل عيوني والله لا يهنيني بدنياي كان بكيتها ولا زعلتها
هزت راسها ام رشيد وتقدم مبارك ياخذ شوق الي تمسح دموعها وطلعت شوق وركبت السياره وتقدم مبارك يفتح الشنطه واخذ شنطها وركبّها ورجع ركب جنبها وحرك ولف مبارك يمر من قاعة الرجال وضرب بوري لاخوانه الي يلعبون وتقدم عبدالملك وابو رشيد واطلقوا بالنار ثلاث طلقات فالسماء وضحك مبارك وحرّك متجه للشقة في بيت ابوه الجديد تقدم ومسك كفها بشده
بالقاعه
تقدمت سلوى الي كانت مشبهه على لميس وجلست جنب لميس ولفت عليها وتنحنحت : زوجة عناد؟
هز راسها لميس وهي ماسكه بطنها ولفت ام عناد تناظر بطنها لميس : متى ولادتك؟
لميس : نهاية رمضان
هزت راسها ام عناد : طيب تجلسين معاي؟ الين تولدين
لميس سكتت بتفكير وكملت ام عناد : ابو عناد ولدت زوجته ومشغول معها وعناد معروف وينه وانا بكون لوحدي تجلسين معي ؟
لفت لميس لمها وهزت راسها مها وتقدمت ام عناد : بربي احفادي معك
ابتسمت لميس وهزت راسها وابتسمت ام عناد : اذا يمديك بكره تجهزين اغراضك وتجين عندي
لميس هز راسها : ان شاء الله
بعد الرقص والردح طلعوا الضيوف يتعشون وجات مي تضحك نازله من المسرح كعبها بيدها : اخخخ يوم يجننن
لميس ابتسمت وهي مشغوله تفكر في ام عناد وطلبها وجات ريهاف تركض : بنات اذا طلعوا الضيوف يبي لنا نشيل الاغراض والهدايا افف
وجلست على الكرسي : مالي حيل
مي ناظرت فيهم من تذكرت : اسمعوا ينفع غايه وسمر ينامون عندنا قبل رحلتهم للشرقية ؟
هز راسها لميس : احس ايي عادي وانا صراحه حبيتهم
وبعد دقايق جات لمى وساره والبندري وغزل وتقدموا للبنات لمى : بنات حبيتكم
ضحكت مي : وانا بعد
ساره بضحك : سناباتكم؟
ضحكت لميس وابتسمت مي : من عيوني
بدوا البنات يتبادلون السنابات وتقدمت غزل تعزمهم على زواجها الي قررت هي وعبدالملك يكون بعد اسبوعين وابتسموا البنات وبداو الضيوف يطلعون شوي شوي الين فضيت القاعه وصار مافيها الا ام رشيد ومها ولميس ومي وناديا وريهاف وريماس وسمر وغايه
بعد ماتعود البنات على بعضهم ضحكت سمر : زين اخذت سيارتي معي
ضحكت مي : كيف صارحتي شاهره
غايه ضحكت : اوهه صار فلم انطردت انا وهي من الميتم واسلم اسلم يالاحداث
ضحكت مي بتفكير : طيب ليش ماتسكنون بالرياض
غايه بسرعه : الرياض حلوه بس مافيها بحر
ضحكت سمر : سمكه ماتتنفس الا ببحر
ضحكوا البنات من كشرت غايه وابتدوا يشلون الاغراض بسيارة سمر وسياره مها جمس وابو رشيد وطلعوا متجهين للبيت بعد ماسلموا العامل مفتاح الشقه وصلوا البيت وبداو ينزل الاغراض بالمجلس مع سرير بيبي لميس ودخلوا الاغراض لانها اكبر غرفه خلصوا البنات وضحكت مي : سريع سريع نبدل وناخذ الحلا الي بقى
طلعت لميس وهي تضحك : انا بدلت وخلصت بسوي القهوه
ريهاف : الله الله على ام عزوزي خلصت بسرعه
ضحكت لميس وضحكوا البنات وتقدمت لميس تركب القهوه وهي لازالت تحس بنغزات ببطنها وتجاهلتها وكملت تركب القهوه وبدأو البنات يبدلون ويمسحون ميكبهم ويربطون وتقدمت ناديا وريهاف يشيلون الطاوله الي بنص وجلسوا البنات على شكل دائره يفصلون احداث اليوم ويحللون وطبيعي انه موضعهم ٩٠٪؜ عبارة عن " فهده و شاهره"
وانتهوا لبنات ولملموا الاغراض بعد ماقالت مي للسمر وغايه لازم تشوفون الميتم حقنا وقفوا وشلّوا الاغراض وصلّوا الفجر وراحو ينامون
عند ام عناد الي من رجعت من القاعه وهي تبكي وفارشه سجادتها وتدعي الله انه يخرج عناد ويشوف عياله تنهدت بضيق وكبّرت تصلي الفجر ونامت
عند لمى الي اصرت على اخوانها يجون البنات للشقة عبدالملك بعد ماعطتهم مي صحون الحلا علشان " يستلمون الحفل " وافق ناصر على البندري وساره مايحتاج تاخذ رأي ثنيان اساس وغزل وافق سلطان من سمع لمى وهي تكلم عبدالملك وقال جُمله اربكت لمى وجلست تفكر فيها الليله كلها : ابشري بسعدك يا اخت عبدالملك
عند ابطالنا ؟ 😉
عند ابطالنا وصلوا الشقة وفتح مبارك الباب ودخلوا ورجع مبارك يشيل الشنط ويدخلها ولف للشوق : اي وحده بتاخذينها للشهر العسل؟
رفعت شوق يدها واشرت على الشنطة الوسط وهز راسه مبارك وحطها عند الباب واخذ شنطته وحطها جنبها ولف عليها : بكره رحلتنا الساعه ٥ العصر
هز راسها شوق وتقدمت تبدل وفكت فستان وبدلت ملابسها وفتحت الباب وهي تحاول تطلع فستانها وقف مبارك : خليه خليه
تقدم مبارك واخذ معلاق وعلّق الفستان وحطه بدولاب ملابس شفاف ماكان فيه غير بشت مبارك حق اليوم ولحين حط فستان شوق وطرحتها واخذ كعبها وحطها ابتسمت شوق بوسع ثغرها من ناظرت الفستان وكيف ان مبارك رفض ان شوق تستأجر الفستان وطلبها تشتريه اهتم بتفصيل حتى لو انه صغير اعجبتها الحركه وكيف فكر ناظرها واقفه تتأمله ومبتسمه بوسع ثغرها تقدم يضمها لصدره : تبغين تسمعين جوابي على السوال الي سألتيني اياه؟
ابتعدت عنه شوق وهي من الربكه نست وش قالت كمل مبارك : انتي قلتي دايم بتنتظرني ؟ ولمست في كلامش خوف اجل اسمعيني زين ياحبيبتي والله أني في انتظارش لين اصير ضمن الاموات
تقدمت شوق وهي تحضنه وشد مبارك عليها وميّل راسه وتقدم يقبّل عنقها ................ وانتهت ليلة من اجمل الليالي على ابطالنا 👰🏻‍♀️🤵🏻‍♂️
( شعندكم تبتسمون ؟ عسى خير 🤨)
يوم جديد
عند شوق الي صحيت بعد ما تاكدت ان مبارك طلع ودخلت تاخذ شور ولبست بجامتها الي من حرير وطلعت لصاله تجلس وتفتح رسايل البنات وضحكت اقراها وارسلت تحت ( افا حش بفهده بدوني )
ضحكت مي بعلو صوتها وتقدمت تسجل فويس : الحين انتي وش مصحيّش ارجعي نامي شوي لا يحسبش مبارك قرده
ضحكت شوق بعلو صوتها ولفت من انفتح الباب وابتسمت تناظره وضحكت من شافت كرتون حليب فانيلا وتقدم مبارك يجلس جنبها : ياجعل من ضحكّش مع ذالصباح بالجنه
ضحكت شوق وابتسمت : مي ّ
ضحك مبارك: هي اجل الله يرزقها بعزام
ضحكت شوق: امين
ضحك مبارك وتقدم يفطرون ومهما مشت معه شوق بالسوالف والضحك لازال يحس ومتاكده انها خايفه بس الي مطمنه انها تغلب خوفها وتحاول
عند البنات فالشقه
حلفت سمر ان تغديّهم وطلعوا للمطعم يفطرون ويتغدون و من حسن حظهم ومن اجمل الصدف ناظرو لمى والبنات نازلين من السياره وتقدموا يسلمون عليهم وجلسوا البنات وتغدو بعدها طلبوا قهوه وكملوا حش بالعرس
عند هيله الي حاولت في مبارك يجي للغدا بس رفض وحلف مايتعبّهم بشي بس بيجي يسلّم عليهم وبطلع للمطا
من جهه ثانيه تراقب الاحداث
وفي الاستراحه
صالح ورواف ومطلق وثنيان الي يحاول يعرف موقع عدنان لان ساره بدت تدخل فالدائرة الحمراء
دق ثنيان على عبدالملك ورد : هلا
ثنيان : تعال
عقد حاجبه عبدالملك: امي فيها شي ؟
هز راسه بالنفي ثنيان : خالتي مافيها شي بس تعال شوف مواقع عدنان
حرك عبدالملك راجع واتصل على سلطان يبلغه يمسك عنه لحد مايشوف وش السالفه دق باب الاستراحه ودخل للمجلس وتقدم يناظر عيال عمه وعيال خالاته بنفس الوقت بالبدل ماتوقع ولا واحد بالميه انهم عسكر الا ثنيان لانه كان معه بالدوره تقدم يسلم عليهم وجلس وابتداء مطلق يعلّمه انه كان خلف مجموعه لعدنان وعدنان كان يراقب الزفه وانجلط عبدالملك من كّمل رواف يقول احتمال ان ام عدنان دخلت القاعه وعرفت عن ساره او شافتها انجلط عبدالملك بس كان ثنيان اخس منه وماكان منهم الا انهم يبلغون الجهات المُختصه ويبلغونهم وكان كلامهم ( ساره تُنقل لبيت ثاني مع تغير الشريحه والمواقع وهي في حماية ثم في حماية زوجها ثنيان بن خالد ال هيّاف ) ودقايق وصل اللواء عبدالعزيز
وهنا انصعق عبدالملك يعني كلهم يعرفون عنه الا هو ؟ وهز راسه عبدالعزيز يطمنّه : لاتخاف ماكنت ادري ارسلوني لان عناد كان جزء من هذي العمليه
هز راسه عبدالملك وقف وطلع مع ثنيان متجهين للبنات والمطعم دخل عبدالملك ودق على ساره تطلع وطلعت ساره وارتبكت من ناظرت ثنيان وتقدمت وتقدم عبدالملك يطمنّها وقالها انها بتروح مع ثنيان وبتتغير شريحة جوالها هزت راسها وركبت مع ثنيان وحرك ثنيان وبدا الخوف يسيطر عليها من شافت السيارات من يمينها وخلفها واما عبدالملك دق على لمى تطلع هي وغزل والبندري طلعوا وتقدم عبدالملك لشقته ونزّل لمى والبندري وقالهم ينتظرون ناصر بيطلع من دوامه وبيجي
رجع يركب ولف على غزل : تنزلين معهم؟
هزت راسها بالنفي وحرك عبدالملك للبيت سلطان وتقدم ينزل معها الين دخلت وسلّم على فارس ورجع يطلع للمركز وهو في خوف
واما عند البنات
طلعوا من المطعم ووصلوا الميتم وبدوا البنات يضحكون ويقولون لهم عن مواقفهم وتقدمت ام رشيد وحلفت يتقهوون معها
فالعصر عند مبارك الي حمّل الشنط وركبت شوق وحرك متجهه لاهله يسلّم عليهم وعصبّ شوي علشان موضوع ساره وكمّل يسلّم على اهله وطلع بغضب الدنيا ركب مع فهّاد وحرك متجهه للمطار الملك خالد الدولي متجهه للدولة قطر
ركبت الطياره ماسكه كفه وحاطه راسه على كتفه وابتسمت : مدري اتأملك ولا اتأمل الغيوم
ضحك مبارك : الي يزين لش
ابتسمت شوق تشد على كفه وتناظر الغيوم وفرحانه ومبسوطه انها ماخلت خوفها يسيطر عليها ويبعدها عن مبارك بعد ما اعلنوا الاقلاع اعلنوا الان الهبوط ودقايق نزلوا من الطياره متجهين للمطار أخذوا شناطهم وطلعوا
ركبوا مع السواق الي حجزه مبارك وركبوا متجهين للفندق بعدها بيطلعون يتعشون وصلوا الفندق ونزلوا اغراضهم وتقدمت شوق تعدل ميكبها وحجابها وطلعت للمبارك الي ينتظرها بالصاله تقدمت له: طمنت اهلك ؟
هز راسه وقف يناظرها : خلصتي ؟
هزت راسها شوق: ايه
تقدم يفتح لها ذراعه وتقدمت تحضن ذراعها ولف يناظر خُصل شعرها من ورى باينه وقف وناظرها : شعرش
مدت كفها شوق تتحسس ضهرها تحاول تلاقيها تقدم مبارك وشال الخصل حطها تحت العبايه وعدل حجابه من ورا وتقد يمسك كفها وطلعوا متجهين لاحدى مطاعم قطر
عند البنات فالميتم
بعد ماتقهوو مع ام رشيد طلعوا غايه وسمر متجهين للمطار بيرجعون الشرقيه وبقى في بيت ام رشيد ناديا ولميس وريهاف وريماس  وقفت ريهاف وناظرتهم : فهده موجوده صح؟
هز راسها ام رشيد وكملت ريهاف : بشوفها
هزو روسهم البنات وتقدمت ريهاف تطلع ودقت الباب ودخلت وابتسمت فهده الي كانت شايله ولدها الي سمته "عُدي بن عبدالعزيز " : تعالي ريهاف
تقدمت ريهاف تجلس وناظرتها فهده : انتي عارفه ان عمانكم صار لهم فتره يطلبون فيكم ويبونكم وانا ماقدر امنعكم تبون تروحون بتروحون تحت حماية الدوله ماتبون شي راجع لكم اذا تبين دقيت على عمك وخليته يكلّمك
هزت راسها ريهاف : خليه يجي بشوفه
هزت راسها فهده : تمام الي يريّحك
طلعت ريهاف تنزل لهم وجلست وهي تقولهم عن كل شي وبكت ريماس ولفوا عليها : كلكم بتروحون شوق تزوجت وانا وريهاف بنروح ولميس بتروح مين بيجلس
وقفت ام رشيد وجلست جنبها تحضنها وناظرت البنات بعيون متغورقه : والله ان الود ودي ماتكبرون اذكركم صغار الحين صار عند كل وحده منكم حياه
بكت ام رشيد على دخول مي ومها الي طلعوا ياخذون عشاء لهم وتقدمت مي : افا افا ياخاله ليه
مها لفت على ريماس: رموس شفيك حبيبي
ريماس: كلكم بتروحون مابيجلس احد
بدأو البنات يهدؤن وبعد ماهدؤو وتعشوا اتصلت عليهم شوق وضحكت مي : يع حتى الزواج مامسكها
لميس عضت شفتها: تراه مفتوح من اليوم
ضحكت شوق: سمعتك يالحيوانه
ضحكت مي وبدت شوق تسولف معهم ودقايق حلفت ام رشيد تقفل وتجلس مع زوجها وقفلوا البنات بعد ماطقطقوا عليها وقفت شوق وطلعت من الغرفه للصاله ناظرته وانتظرته يناظرها ولمحها وضحك : ارحبي
"243 "
ابتسمت وتقدمت تجلس جنبه وميّلت راسها على كتفه وضحكت من تذكرت ام رشيد
وناظرها وضحكت بعلو صوتها وعدلت جلستها تناظره : خاله ساميه قالت والله ان تقفلون علشان تجلس مع زوجها
ضحكت مبارك : يعني تذكرتني خالتش ساميه وانتي ناسيه مني
ضحكت شوق تهز راسها بالنفي وتقدم مبارك يقبّل خدها .........
( كم مره بقول لاتبتسمون يالخفيفات 🤨)
عند عبدالملك
الي اتصل عليه عبدالعزيز يجون للاستراحه وتقدم عبدالملك ودخل ناظر الضباط واهل الرتب ومن بينهم عيال عمه بأستثناء ثنيان تقدم عبدالملك وبدوا رحلة البحث عن عدنان رواف بغضب : يعني الكلاب الي مسكناهم للعدنان؟
هز راسه احد العسكر : اي نعم طال عمرك يشتغلون تحته
صد عبدالملك بغضب وطلع وهو يتصل برقمه الجديد على رقم ثنيان الجديد واعطاه ثنيان الموقع وطلع محرّك للموقع الي يبعد عنه ساعتين بالظبط
عند ثنيّان وساره
اخذ ثنيان بيت في ديره وكان عباره عن صاله وغرفتين ومطبخ وكانت غرفه للساره وغرفه له تقدم يدق باب ساره وفتحت له وناظرته وكمل : عبدالملك جاي سوي له القهوه والشاهي
عقدت حاجبها ساره : جاي علشاني ؟
ثنيان هز راسه بالنفي : موضوع يخص الشغل
قفلت ساره الباب في وجهه ورفعت صوتها : اييه سو القهوه والشاهي انت
ثنيان استغفر بغضب : الحين انا متزوج علشان ينقفل الباب بوجهي؟
ساره ابتسمت وكملت : لا حبيبي علشان تنفتح لك كل الابواب
كان المفروض يكمل ثنيان بس داخ من كلمت " حبيبي " وتنهد وطلع ساحب عليها متجهه للمطبخ
ودقايق دق الباب وتقدم ثنيان بيفتح بس ناظر ساره الي تسلّم على عبدالملك ورفع راسها عبدالملك يناظر ثنيان الي وأقف بالمطبخ كتم ضحكته ولف للساره وهمس : من دخلّه المطبخ ذا؟
ساره ضحكت وكمل عبدالملك: كفو العني خيّره يأخت عبدالملك
ثنيان من المطبخ المكشوف يناظرهم : ايه ايه عب راسها علي ماكانها قفلت الباب بوجهي
عبدالملك وهو يجلس بالصاله : ايه احسن تستاهل
ثنيان تقدم ينزل القهوه ويصب لعبدالملك: لانك ضيف وفبيتي بسكت لك
عبدالملك: غصب عنك ماخذ اختي
ثنيان رفع حاجبه : زين يعني تقبلت ؟
لف عبدالملك: ورع ترا بالورق بس
ضحك ثنيان : اجل احتزم اول ورعاني بسميه عبدالملك
ناظر ساره كان بيصب لها فنجال وضحك من تذكر الباب وسحب عليها وشرب فنجالها وناظره عبدالملك: ترد حركة الباب يالبزر؟
وقفت عبدالملك وصب لها وابتسمت ولفت لعبدالملك معطيه ثنيان بظهرها : كيف اهلي كيف مبارك ؟ قلتوا له
ثنيان بصدمه : يعني كل ذا انا ماعلمتك اياه
ساره وهي تناظر عبدالملك الي كاتم ضحكته وكملت تناظره : قول له لا يكلمني وينثبر
شرق ثنيان بالقهوه وضحك : اعقبي يابنت مشبب انا انثبر؟
لفوا عليه ساره وعبدالملك وضحك بعلو صوته ثنيان : بسم الله عليكم ماقلنا شي
ولف يناظر ساره : الحين قومي ياحبيبتي خلينا ما اخوك نشوف علمه
لفت ساره بخوف لعبدالملك ومسك كتوفها يطمنها : لاتخافين مافيه شي
وقفت ساره بدون ماتناظر ثنيان وعبدالملك ودخلت الغرفه وهي خايفه
وتقدم عبدالملك يقول لثنيان كل شي جاهل الي جالسه خلف الباب بخوف وماكان من ثنيان الا انه يعصب كيف كذا وقف عبدالملك من وصله اتصال سلطان وتقدم يطلع وطلعت ساره من شافت عبدالملك طلع وطلعت الصاله بسرعه ولفت تناظر ثنيان ماسك راسه وتقدمت تبكي بكاء خوف ورفع راسه ثنيان وقف : اخو فهد شفيك فيه احد ؟
ماردت ساره الي تبكي بخوف وتقدم ثنيان يحضنها وشد عليها لان ماعنده اخوات فكان جاهل للبعض التصرفات وكان يحاول يهديها بحضنه وتقدم يجلس وجلست جنبها ورجع حضنها بذراع : قولي لي وش صاير لك ؟
ساره ببكي وخوف: الحين بذبحوني ؟
ثنيان شد على اسنانه : يعقبون الشرطه في كل مكان
رجفت كفوفها بخوف وتقدمت تدفن راسها في حضن ثنيان وتقدم يمد ذارعها لظهرها يشد على حضنها وكملت ببكي : ليه ماقلتوا لي ليه ماحد قالي ليه ماقلتو في احد ناوي يذبحك ليه ليه
تنهد ثنيان بضيق: والله انهم يعقبون لاتضيقين ولايضيق صدرك
ساره كملت بكي وبعد دقايق رفعت راسها عن صدر ثنيان ومسحت دموعها : آسفه
ولف عليها وعقد حاجبينه بعدم فهم : على ؟
ساره ناظرت صدره ورجعت تناظر عيونه وكمل ثنيان يتنهد بضيق: ابد ياحبيبي
" كلما ضاقت بك الدنيا تعال
تدري ان قلبي لجيّاتك وسيع "
ابتسمت ساره وشتت نظرها وقفت ولفت له : العشاء عليك اليوم
ضحك ثنيان واشر على خشمه : على خشمي
تقدمت ساره بخوف ولخطبت مشاعر ودخلت تاخذ شور وتهدى فيه
وبعد دقايق طلعت وحطت من كريمها ولبست بجامتها وطلعت الصاله تناظر ثنيان الي مختبص بتقطيع البصل وضحكت تتقدم : وخر وخر
ضحك ثنيان وهو عيونه تتغورق من البصل : احضنيني
رفعت حاجبها ساره : المناسبه؟
ثنيان ضحك : جالس ابكي
غمضت عيونها ساره : يالليل الذل صدق تراه حضن بس
ضحك ثنيان وهو يجلس على طاوله قريب منها ويناظرها : امانه مو اريح وادفى حضن
ساره تبي تغيضه : لا
عقد حاجبه ثنيان وكملت : فيه غيرك ادفى
وهي كانت تقصد اخوانها وهو راح تفكيره بعيد
شد على اسنانه بغضب وكمل : فيك خير عيديها
لفت تناظر غضبه وكملت : شفيك؟ ترا اخواني مابتجلس زعلان كذا
ناظرها بعدم فهم وكمل وترقيع : واذا اخوانك؟ الحين انتي زوجتي يعقبون يحضونك
ساره رفعت حاجبها بتحدي : انت الي تعقب

اهلا اعزائي معكم ضعيفة الاراده نزلت وانا كنت ناويه اسحب فعلاً الختام بس مدري شصار🫣
حسابي انستا sheismelife