الدكتوره سليل والشيخ

البارت٤

#دكتوره_سليل_والشيخ

البارت 4

اذا لكيت تفاعل انزللكم بارت هديه بليل
سجاد/ ليش وافقتي
سليل/ افهم منك انه متدريدني

سليل/ مو دا احجي ويلك وين صفنت
سجاد/ لا وياج وياج خلص روحي حضري نفسج باجر الصبح نطلع للبصره
سليل/ ماشي

سجاد
فكرت انه هاي فرصتي هيه ما عدها فلوس وحاليا ما عدها مكان تعيش بي خلي تجي لبيتنا لحد ما ترتب امورها وتروح
سليل ارسلان جاف
طلعت من غرفته واستأذنت من المدير ورجعت للسكن جنت دا احضر ملابسي واخليها كلها بالجنط ما ادري ليش دموعي تنزل احس هذا بيتي المكان يلي عشت بي 7 سنين اني ما ادري شنو يلي مخبي القدر الي بالبصره بس كل يلي اعرفه انه اني لازم احقق غايتي واخلي سجاد يسوي العمليه كملت تحضير غراضي خابرت حسن
حسن/ هااا سلول شونج
سليل/ هلا حسون شدسوي
حسن/ هسه اني بالمستشفى سويت الاوراق مالتج حتى تروحين للبصره وشويه واهلي راح يطلعون للبصره
سليل/ وسجاد شخباره
حسن/ حاليا نايم وباجر نروح بسيارتي اني وانتي وهو
سليل/ ماشي يعني هسه ميحتاج اجي للمستشفى
حسن/ لالا ماكو داعي اني كملت كلشي يخصج وباجر بل 6 الصبح اجي اخذج ونطلع للبصره
سليل/ ماشي يله روح وجعت راسي
حسن/ سلوله سؤال
سليل/ اي كول
حسن/ سجاد بي شي اني ادري بيج مستحيل تجين للبصره اكو شي خطير
سليل/حسن لو اكو شي جان كتلك صدكني ماكو شي وهسه يله روح كافي دوختني
حسن/ ولو ممصدكج بس اوك يله روحي باي
سليل/ باي

سليل
باوعت الساعه 9 بالليل طلعت تمشيت شويه يم السكن بعدها فتت للسكن باوعت ع الجنط وتمددت ياترى شنو يلي منتضرني غمضت عيوني ونمت فزيت من النوم الساعه 5 كمت صليت وبدلت ملابسي لبست 👇🏻
شفت الساعه 6:6 خابرني حسن كال اني واكف يم الباب ودعت المديره والبنات يلي وياي وطلعت جان حسن مصعد الجنط مالتي بالسياره رحت كعدت وره لانه حسن يسوق وسجاد كاعد يمه كدام صعدنا بالسياره وبدينا نمشي
سليل/ حسن كالعاده متأخر
حسن/ يا ربي اني شمسوي بحياتي حتى الله ينطيني اثنين سجاد
سجاد/ ولك حسن انت شبيك بس تنگ مثل النسوان
حسن/ لا هاهيه سكتت
سليل. سجاد/ احسن
حسن/ سجاد تعرف منو جاي ينتضرك بالبصره
سجاد/ منو
حسن/ خالتي وبنتها وبتك
سجاد/ ههه حبيبتي بنيتي اجت من النجف كلش مشاقلها والله
حسن/ اي عيني اي شوفي سلول هذا شيخ سجاد شكبره من يشوف بنته ملوكه ينسى كلشي
سليل/ الله يحفضها الك
سجاد/ تسلمين اكلك حسون شكد يبقون
حسن/ مثل كل مره اسبوعين
سجاد/ امم ماشي وام ملاك اجت
حسن/ شعلينا بيها يمكن ما اجت ليش تسال
سجاد/ لا ماكو شي بعد شنو الاخبار منو جاي منو لا
حسن/ عمي ابو عمار هو وولده ومرته طلعو لكربلاء زياره
سجاد/ اووف ربي بس لو جانو باقيين جان شافو شيخ سجاد على اصوله
حسن/ هسه سلوله تخاف منك مو
سليل/ اكيد لا
حسن/ والله احس اني عندي كلب بنيه وانتي عندج. كلب رجال ولج شنو هذا
سليل/ حسن اول شي ماكو داعي اخاف من اخوك لانه حاله حال اي واحد وثاني شي والاهم اني كتلك هل كلام من زمان كلبي دفنته من جان عمري 19 سنه
حسن/ قصدج بعد ذاك الحادث
سليل/ بالضبط
حسن/ اووف
سجاد. سليل/ شبيك
حسن/ سلوله بعيد احجيلج
سجاد/ حسن شعندك
حسن/ احم بعدين
سجاد/ خير انشالله بس تره نهر نا راح تجي
حسن بصدمه/ شنووو نهر لك ليش ما راح تجي
سجاد ابتسم بمكر / هيه هاي السالفه يعني
حسن بخجل/ احم سليل
سليل/ نعم ابن الحجيه
حسن/ نهر بنت عمي
سليل/ ايي وشنو سالفتها؟
سجاد/ اي حسن احجي ليش سكتت كللها انه انت..
حسن/ سجاااد تسكت لو اذبك من الشباك
سجاد/ ههه سكتت
سليل/ حسن انت تحب هاي البنيه مو؟
حسن بخجل/ لالا مو حب اعجاب وهيج شي
سجاد/ اي هو الاعجاب انه تصيح عليها كدام الكل لان شويه من شعرها طالع وانه ما تنام الليل كله اذا هيه زعلانه منك والاعجاب هم يخليك تصيح عليها اذا كالت اخويه مو صح؟ اذا كا هذا اعجاب چا الحب شنو؟
حسن بخجل/اخويه حبيبي صديقي ابوعلي الورده كافي فضايح لخاطر ربك
سليل/ هاي وحده عليك حسوني تخبي عليه
حسن/ وداعت حبنا سلوله جنت ناوي احجيلج
سليل بخجل/ احم ممكن ما تكول بعد بداعت حبنا لانه ممكن ننفهم غلط
سجاد/ اي صح حسن شويه الزم روحك
حسن/ والله انت والاثنين واحد راهم للثاني
سجاد. سليل/ اسكت
حسن/ حاضر
سليل
ضلينا طول الطريق الباقي ساكتين جنت دا افكر معقوله سجاد عنده بنت واسمها ملاك اممم زين ليش سال على ام ملاك معقوله منفصلين اوو شعليه بس لحضه حسن ما كال انه هو متزوج اوف شنو قصته اني شعليه ليش اتدخل دوخت نفسي ع الفاضي طولنا بالطريق 3 ساعات ووصلنا لهناك جان بيت جبييير كلش لا جان قصر مو بيت اول واحد جان سجاد ووراه اني وحسن لما دخل ذبحو ذبايح يم رجله بعدها فتنا ل جوه جانو ناس هوايه كلش بعد ساعه تقريبا قلو الناس طلع سجاد للمضيف واجه عليه حسن كال تعالي اعرفج عليهم
حسن/ هاي بيبيتي
سليل
رحت بست ايدها وراسها
الجده/ الله يرضه عنج بنيتي
حسن/ امي
رحت بستها من راسها
ام حسن/ الله يحفضج بنتي
حسن/ هاي عمتي سهيله
بست راسها
سهيله/ الله يرضى عنج بنتي
حسن/ هاي بنت عمتي لمار
مديت ايدي حتى اسلم عليها بس هيه لزمت ايدي وعافتها بسرعه
لمار بعدم اهتمام/ اهلا بيج
حسن/ هاي مرت نواره زوجها عمي محمد
بست راسها
نواره/ الف الف اهلا وسهلا بيج دكتوره
حسن/ هاي بنت عمي نهر
سليل/ اممم اهلا وسهلا
بوستها وهيه هم جانت مبينه كلش حبابه
نهر/ نورتي عيوني
سليل/ نورج حبيبتي
حسن/ هاي خالتي صبيحه
بست راسها
صبيحه/ هلا بيج بنتي
حسن/ هاي بنت خالتي نوران
سليل سلمت عليها بدون ما تباوع عليه جني كاتله ابوها
نوران/ هلا بيج هلا
حسن/ وهاي الحلوه ملوكه
شفتها بنيه صغيره يطلع عمرها سبع او ثمن سنين
بوستها من خدودها
ملاك/ فدوه شكد حلوه
سليل/ تسلمين يا عمري انتي احلى
ملاك/ دكتوره انتي عالجتي بابي
سليل/ اي حبيتي وهسه هو كلشي ما بي يجي وتشوفي
ملاك/ ماشي
حسن/ وهاي الزيبك رشا اختي
اجت رشا حضنتي وبوستني عبالك اختها
رشا/ فدوه حبيبتي نور البيت شونج
سليل/ تسلمين كلبي منور بوجودكم
رشا/ تعرفي ع الباقي وتعاليلي ما اعوفج خلص صرتي اختي
سليل/ هه انشالله
حسن/ هاي الدب ااا قصدي ديمه اختنا الثانيه
جانت حامل وبطنها جبيره رحت اني يمها لانه متكدر تكوم راسا بوستني من كل كلبها
ديمه/ حبيبتي والله عذريني ما كدرت اكوم
سليل/ عادي كلبي الله يكومج بالسلامه
حسن/ وهذا الحلو امير ابن ديمه
امير/ هلو خاله
بوسته من خدوده
سليل/ هلا بيك حبيبي
حسن/ هسه ما ضل شي الباقي بعدين تعرفيهم صعدي ارتاحي رشا صعديها على غرفتها سلول هسه اني اصعد الجنط مالتج
سليل/ حاضر بس من يخلص سجاد صيحني حتى انطي الدوه لانه صار وكته
حسن/ ماشي
رشا/ تعالي حبيبتي
سليل
صعدنا اني و رشا لغرفه كلش حلوه
....
فاتت رشا وكعدت ع الجربايه وكالت تعالي يمي رحت كعدت يمها
رشا/ شسمج
سليل/ سليل
رشا/ شوفي اكلج شغله ديري بالج من نوران ام ملاك ومن لمار هم
سليل باستغراب/ بس ليش
حسن/ لانه يريدون شجاد
رشا/ شوكت اجيت
حسن/ هسه اجيت
سليل/ ممكن تفهموني ليش ادير بالي ع نفسي منهم
حسن/......
يتبع......لا تنسون متابعه او ارسال طلب صداقه حته يوصللكم اشعار النشر  وشويه كثرو تفاعلكم حته نختمها بساع لا نطول عليكم داده دوسي اعجاب وعلقي شكد متكدرين