الدكتوره سليل والشيخ

البارتات٢١___٢٢___٢٣____٢٤____٢٥

#دكتوره_سليل_والشيخ

البارتات21____22

سجاد
شفت روحي بغابه وكوه اتنفس باوعت سليل من جهه تصيحني وتبجي ومادتلي ايدها ومن الجهه الثانيه عمتي وزوجها لابسين ابيض ومادين ايدهم جنت اريدهم يساعدوني حتى اتنفس بس ماكو شفت سليل حاوطوها عكارب وحيايا كمت اركض عليها لحد ما سمعتها كالت (سجاد اني احبك لازم تسمع هاي الكلمه مني) حسيت كدرت اتنفس
سليل
جنت منهاره لحد ما حسيت علي سحب نفس بقوه مثل واحد جان مختنك ورجعله الهوه التفتت اباوع للدكاتره يلي وياي بفرح مسحت دموعي وكملت العمليه جنت اشتغل كلشي حسب الملاحضات يلي كتبتها طول ذيج الفتره ضل اخر شي لازم اسد الخياط سديته على مهلي ولفيت علي الضماط وطلعت حتى يحولو على غرفة العنايه الخاصه اول ما طلعت من الغرفه شفت حسن وتيم ومحمد اجو عليه بسرعه
سليل/ حسن حجيت لاحد
حسن/ لا بس محمد وتيم
تيم بخوف/ شون صار حياته بخطر لو لا
محمد بخوف/ عملية شنو سويتيله ممكن تفهميني
سليل/ بس اهدؤو شويه
حسن/ سليل احجي مو كلبي طك
سليل/ شوفو سجاد جان عنده ورم بدماغه وهو يدري بي بس مجان يقبل احد يعرفه وسجاد يعرف انه هذا المرض مميت بس هو جان راضي لحد ما قنعته انه يسوي العمليه وجنا متفقين انه بيوم الخميس يسوها بس صارت عنده مضاعفات واضطريت اسويها اليوم
تيم/ يعني سجاد جان يعرف بالمرض مالته
سليل/ بالضبط
محمد/وشنو يلي خله سجاد يرفض يكول لاي احد على سبب مرضه
سليل/ هذا الشي من يكعد سجا سألو علي هسه يلي اريده منكم انه محد يعرف بسالفة العمليه غير نحن ال4
حسن/ بس ليش
سليل/ علمود لحد يخاف واصلا جيتعم هنانه ما العا اي فائده ادري بي من هسه ولبعد اكثر شي 3 ايام ماراح يفتح عينه يعني راح نخوفهم عل خالي
محمد/ وشنكللهم
سليل/ مثلا كولو سفرة شغل على بغداد واني وياكم حتى سجاد ينقل اوراقي
تيم/ سليل العمليه من اي درجه
سليل/ من الدرجه الثالثه دكتور تيم
محمد/ هاهيه خيتي انشالله اندبرها ويه اهل البيت
سليل/ حسن روح للبيت وخلي رشا تنطيك ملابس الي وجيب هم ملابس لسجاد
حسن/ انشالله يله محمد امشي وياي للبيت تيم ابقه ويه سليل
تيم/ انشالله
راحو الشباب
سليل/ انت ضل هنانه هسه راح ينقلو على غير غرفه اني بس ابدل ملابسي واجي
تيم/ اوك
سليل
رحت بدلت ملابسي ورجعت شفت تيم كاعد منزل راسه ومخلي ايدي فوك راسه بس وكفت يمه عدل كعدته رحت وكعدت يمه
تيم/ يمته راح يفتح عيونه
سليل/ 3 ايا اذا زادت معناها دخل بغيبوبه
تيم/ اخ منك سجاد اخ شكد كتلك شبيك شنو سالفتك سكتت ومحجيت عن مرضك اااخ
سليل/ ادعيله تيم ادعيله لانه ماراح يفيده شي غير الدعاء
تيم/ سليل انتي تدرين انه لو فشلت هاي العمليه راح تخسرين مهنتج بالطب
سليل/ اي ادري
تيم/ لعد ليش خاطرتي يعني سنين انتي تحملتي الفقر واليتم والجوع بس في سبيل توصلين للطب وهيج بعمليه وحده تخسرين كلشي
سليل/ الحب يخلينا نسوي كلشي علمود الشخص يلي نحبه اني هسه مستعده مو بس اخسر حلمي اني مستعده اخسر حياتي كلها علمود سجاد
تيم/ انشالله يرجع مثل قبل واحسن
سليل / انشالله
حسن. محمد/ السلام عليكم
الكل/ وعليكم السلام
الجده/ تعال حميد تعال اكعد يمي كومي رشيوه صيحي ديمه
رشا/ حاضر بيبي
كعدو محمد وحسن
ام حسن/ يمه وينهم اخوك ومرته طلعو من الصبح
حسن/ها اااحم همه بل ااحم
محمد/ عمه سجاد ومرته طلعو على بغداد
ابو حسن/ وشعدهم ببغداد وحسن ليش هيج متوتر
محمد/ عمي طلعو علمود ينقلون اوراق سليل تعرف من مستشفى بغداد وكذا وحسن اجه ياخذ غراضه ولاحكهم لبغداد علمود دوامه مو صح حسن
حسن/ ها اياي تمام كلام محمد اني صاعد احضر اغراضهم ويه رشا واروح
الجد/ حميد گلبي ممرتاح اكو شي
محمد/ لا جدو وداعتك لا تخاف
ديمه/ السلام عليكم
امير/ هييي بابا
محمد/ تعال يا روح بابا وعليكم السلام شونج ديمه
ديمه/ الحمدلله انت شونك
محمد/ زين
امير/ بابي يمته نرجع على بيتنا اريد العب بالسيارات مالتي هنانه ما جبت العابي
محمد/ حبيبي بعد كم يوم ونرجع لبيتنا
محمد/ عمي من رخصتكم عادي احجي ويه ديمه شويه
ابوحسن/ اي بعد عمك كوكي ديمه اخذي رجلج وروحي لغرفة الضيوف
ديمه/ حاضر بابا
راحو للغرفه
محمد/ شونج حبيبتي اشتاقيتلج
ديمه/اني هم اشتاقيتلك حبيبي
محمد/ لتخافين گلبي محد يكدر يفركنا لو الدنيا كلها وكفت ضدي مستحيل اعوفج
ديمه/ واني واثقه بيك حبيبي
محمد/ شونها بنوتتي
ديمه/ زينه الحمدلله ما باقي شي وتجي للدنيا كلها ايام
محمد/ واخيرا راح يصير عندي ديمه صغيره مالتي وبس
ديمه/ هه اكول حبيبي اني مقطعت عقلي سالفة سليل وسجاد اكو شي تره كلبي ممرتاح
محمد/ لا ام امير ماكو شي وانشالله لهل اسبوع نرجع لبيتنا
ديمه/ انشالله حبيبي اهم شي انت مرتاح
محمد/ ااااا ديمه اريد اكولج شي بس ما ادري شون
ديمه/ شكو حبيبي احجي لا تخوفني
محمد/ العقد مال نهر الاحد الجاي انتي كولي لاهلج لانه اني بصراحه ما اكدر
ديمه/ يعني ابوك وافق وراح يزوجها
محمد/ للاسف اي واني شكد حاولت امنعه لانه نهر رافضه بس ما كدرت
ديمه/ لتضوج حبيبي قسمتها مو ويه حسن
محمد/ الله كريم يله اني اروح بعد ورانه طريق وانتي شتحتاجين خابريني ارسلان جاف
ديمه/ وين راح حبيبي طريق شنو وراك
محمد بتوتر/ ها ماكو شي يله اخذيلي طريق طالع انتضر حسن بالسياره
ديمه/ انشالله حبيبي الله وياك
سليل
ومرو 3 ايام جانت اطول 3 ايام بحياتي جنت اعد الدقائق والثواني واني انتضر سجاد يفتح عيونه تعبت كلش ما اكدر اكل اي شي وجهي صار اصفر وشكد حاول حسن وياي اكل مجنت اقبل لحد ما علگولي مغذي جانو ويانا محمد وتيم ما عافونا لحضه عرفتهم شكد يحبون سجاد ورغم الزعل يلي بينهم بس اجوي وبقو ويا اليوم صباح اليوم الرابع فتت على غرفة سجاد ومثل كل مره الزم ايده وابجي حسيت ايده دتتحرك يعني اكو استجابه كمت بسرعه وسويت الفحوصات شفته فتح عيونه رحت وكفت كدامه لازم اشوف اذا فقد الذاكره او لا
سليل/ اني منو
سجاد بتعب/ انتي منو شمدريني
سليل / سجاد ركز وياي اني منو متعرفني
سجاد بتعب/ اااخ راسي لا ما اعرفج منو حضرتج
سليل/ اني مرتك سجاد
سجاد/ اني ممتزوج وعفوا دكتوره اني شجابني هنانه
سليل
ما رديت علي طلعت من الغرفه وسديت الباب وكعدت بالارض ابجي اجو عليه الشباب بسرعه
حسن/ سجاد شبي صارله شي
سليل/ لالا
تيم/ فتح عيونه كعد يعني
سليل/ اييي
محمد/ اختي لعد ليش هيج منهاره
سليل/ فقد الذاكره ماديعرفني
تيم/ خلي نفوتله نحن ونشوف
سليل/ لازم ننتضر ساعه وبعدين حتى يقل تأثير البنج
ومرت الساعه فاتو الشباب واني راهم اباوعله ضعفان يحجي بتعب وكل شويه يخلي ايده على راسه اني واكفه بعيد عنه بالزاويه واباوعله ودموعي تصب ما ادري فرحانه بشوفته ما ادري مقهوره لانه فقد ذاكرته
حسن/ شنوك سجاد
سجاد بفرح/ هلا بحسوني شونك حبيبي
حسن/ زين انت شونك ما ديوجعك شي
سجاد/ شويه راسي صداع هسه يروح
سجاد/ هاااا هاي منو هنانه ابو امير
محمد/ هه شونك ابو علي
سجاد/ مشتاقلك والله شجابك هنانه
محمد/ ها اي اجيت بشغل
تيم/ واني ولم ما مشتاقلي
سجاد بفرح/ تيومي تعال ضلع شونك
تيم/ بخير اذا انت بخير
سجاد/ دكتوره اني ليش اجيت لهنانه
سليل/ ها اي حادث سياره
سجاد/ههههههه هاي شبيج حبيبتي ليش هيج واكفه بعيد وخايفه مني صدكتي اني فاقد الذاكره وبعدين حتى لو افقد الذاكره راح يضل كلبي يذكرني بيج
سليل
من سمعته كال هيج وكأنه انطاني فرصه اعيش حياة جديده رحت ركض حضنته وابجي نسيت الشباب نسيت المكان يلي احنه بي نسيت كلشي اريد بس يرجع سجاد القديم
سجاد بهمس/ اني عادي ابقه من هسه ولبعد سنه حاضنج بس فشله من الولد واكفين
سليل بهمس/ ما اريد اعوفك اخاف تروح مني
سجاد بهمس/ وعد ابقى وياج لاخر يوم بعمري
سليل
ابتعد عن سجا شفت الولد بعدهم واكفين ومنزلين راسهم استحيت منهم كلش ورأساً طلغت من الغرفه ساعه واجاني حسن كال اروح اوكل سجاد لانه همه رايحين يرتاحون رحت للغرفه منزله راسه كلش خجلانه من سجاد لانه حضنته كدام الشباب فتت وسديت الباب ورايه
سجاد/ تعالي گلبي احجيلي ليش هيج انتي انتي ضعفانه
سليل/ ها لا مو ضعفانه هيج بس شويه تعب
سجاد/ امم يعني حبيبتي ضلت طول فتره ما اني نايم هيه يم راسي
سليل/ اي ومو بس اني حسن ومحمد وتيم ما عافوك ولا اي لحضه
سجاد/......