الدكتوره سليل والشيخ

البارتات٢٦___٢٧

#دكتوره_سليل_والشيخ

البارتات26_____27

اتفاعلو حبايب اعجاب وتعليقات  انطونه حقنه

سليل بخوف / سجاد
سجاد/ مات جدي سليل مااااااات
سليل/ سجاد اهدئ بس فهمني شصار
سجاد/ سليل ما اكدر احجي هسه مع السلامه
سليل
انصدمت وباوع على حسن كاعد بالكاع مصدوم مثلي ويمكن اكثر اني عشت بس سنه وحده ويه جدو وتعلقت بي كلش همه عاشو عمرهم ويا خصوصا سجاد ارتبه وكبر على ايد جدو رحت يم حسن متخبل ودموعه تنزل حجيت ويا ما رد عليه شويه وكام مثل المجنون اخذ غراضه وجنطته لزمت ايده توسلت بي ياخذني كال ثواني سليل ثواني ونطلع فتت للغرفه مياس كالت اجي وياج مكدرت ارفض لانه متكدر تضل بنيه وحدها وهنانه صح صارلنا 6 اشهر رواح يصيرون 7 بس متعودنا اخذت جنطه صغيره وخليت بيها شويه ملابس ومتمسكات وطلعنا اني ومياس جان حسن كاعد على اعصابه بس طلنه صاح بينا صارلكم ساعه وينكم طلعنا من البيت وبوجهنا للمطار طولنا هناك 5 ساعات وكوه حصلنا طياره عالعراق مطار بغداد صعدنا 3 ساعات ووصلنا ومن بغداد للبصره ساعتين تدمرنا بالطريق ومن هناك وصلنا للبيت جان وجه الصبح جان ديطلعون التابوت من البيت راح حسن ركض ويه الرياجيل حتى بدون سلام ودموعه مثل الطفل يبجيها فتنا اني ومياس للبيت ماكدرت اشوف سجاد وهناك شفت بيبي وعمه مدمرين بچي وكومة نسوان هذوله شوكت اجوي ما ادري من شافتني بيبي حضنتني وزادت بچي هنا متحملت بديت ابجي وياهم شويه وكمت ويه رشا اساعدها بالمطبخ البيت جان مليان اوادم وهيج مرت ال3 ايام مشفت سجاد ولا حتى لمحته تيم جان يجي ياخذ ملابس لسجاد وحسن ويروح راحو الناس بقينا بس اهل البيت بيبي اتدمرت نفسيتها وضغطها كل شويه صاعد احتاريت اواسي منو واله منو وبالي كله يم سجاد جدو هو يلي ربه سجاد وجان متعلق بي حتى اكثر مما متعلق بعمو خلصت ال3 ايام صعدت على غرفتنا اني وسجاد حتى ابدل ملابسي وانزل اساعدهم بالشغل كملت وجنت راح افتح الباب وفتحه سجاد باوعت علي مصدومه لحيته طويله ضعفان كلش احسه گوه واكف على حيله باوع بعيوني ببرود جانو وفات تمدد ع الجربايه ما فتح حلكه بكلمه سديت الباب ورحت كعدت يمه مغمض عيونه وحاط ايده على عيونه وايد الثانيه على صدوه ضليت اباوعله مصدومه من شكله ما ادري شسويله او شنو يلي احجي ويا ادري لو شما اسوي ماراح يبرد كلبه ولا راح يريحه
سجاد
خابرت حتى اشوف حسن وصل لو لا و حجيت ويه سليل افتهمت من طريقة كلامها وياي انه حرحها بعد ما طاب بعدها متوجعه مني وحقها يلي صار مو شويه رحت على جدو لانه ابويه كال جان تعبان الصبح رحت كعدت يم راسه لزم ايدي وحجه وياي
سجاد/ سلامتك جدو مو الك التمديده كوم
الجد بتعب/ ههه الله يسلمك ابو شهم
سجاد/ هاا جدو مو جنت ابو علي شو صار شهم
الجد/ اي وليدي بعد ابنك وابن سليل سمي شهم
سجاد بقهر / شون جدو شون يجي شهم وسليل مجارعتني اليوم حجيت وياها ضلت تصيح وتبجي تكول اكرهك وعوفني ومن هل كلام
الجد بتعب/ ههه ابني هذا لانه جرحها بعده اخضر انت اوكع بمصيبه وشوفها شون تركضلك ركض ولك كلبه رهيف عليك
سجاد/ ههه جدو ليش احسك واثق من كلامك
الجد/ ولك هاي غزاله چي واكعه بحبك متكدر تعوفعك
سجاد/ ابو قاسم عوف هذا الموضوع للوكت واحجيلي انت شبيك
الجد/ ما بيه شي بس هاي اليتيمه وصيتي الك
سجاد/ جدو الله يطول بعمرك لتحجي هيج انشالله تشوف احفاد احفادك
الجد/ سجاد تره اني ادري انت دكتور
سجاد بصدمه/ شنو جدو منين تدري
الجد/ ههه ولك غير من جنت تروح لبغداد جنت اراقبك حتى محد يغدر بيك چي انت شيخ عشيرتنا
سجاد/ والله جدو متوقعت تدري وبعد شتعرف عني اصدمني بعد جدو اصدمني
الجد/ ههه ماكو شي بعد
سجاد/ اووه الحمدلله هه
الجد/ ولك سويجد سليل امانتك من تفوت لهذا البيت مره ثانيه لتخليها تطلع منه بعد
سجاد/ صار جدو
الجد/ گوم عاد كاعد تتمعشك وتعبتني كوم جيبلي ماي عطشان كلش
سجاد/ ههه من عيوني جدي هسه اجيبلك
سجاد
ومن طلعت اجيب المي رجعت شفته نايم غطيته جان جسمه ثلج خفت علي وتقربت خليت ايدي على وريده ماكو نبض صيحت تيم وشلنا واخذنا للمستشفى ومن وصلنا جان ميت طلعنا من المستشفى وخابرت حسن كلت لازم يكون موجود بفاتحة جده بس متوقعت يوصل للبصره الصبح ويه تشييعه طلعنا للنجف دفننا جدي واجراءات الفاتحه والعزا وهاي السوالف جنت كلها اسويها كلبي جان محروك وكوه لازم دمعتي خلصو ال 3 الايام جان حيلي مهدود تعبان من كلشي صعدت على غرفتي بس اريد ارتاح من التفكير اول ما فتحت الباب صارت سليل بوجهي مجنت اعرف انه هيه جايه من امريكا مهتميت لوجودها جنت تعبان موتت جدي كسرت ظهري ماردت احجي وياها وازيد همي هم اجت كعدي يمي ع الجربايه وما حجت كلشي ولا اني حجيت بعدها كامت من يمي وقفلت الباب وطفت الضوه واجت شالت ايدي من فوك عيوني جانت الغرفه ضلام بس اكو شويه ضوه من خارج الغرفه ديبين لمعة عيونها
سجاد/ شتريدين عوفي ايدي
سليل/ احجي
سجاد/ شحجي
سليل/ ما ادري سجاد احجي فضفض بالضلمه اعتبر روحك وحدك محد وياك واني وعد مني بس اطلع من هاي الغرفه انسى كلشي حجيته
سجاد/ متأكده
سليل/ احجي
سليل
خليت ايدي على شعره الطولان وهو سحب نفس وبده يحجي حرك كلبي بكلامه كل شويه تخنگه العبره ويسكت يجر نفس ويجر يكمل
سجاد/ تدرين انه جدي جان يحبني اكثر من الكل من لما جان عمر 7 سنين جان يكول انت الشيخ بعدي انت حفيد حجي حامد ميستلم غيرك المشيخه واني جنت ما افهم شنو معنى كلامه وصلت بي انه يتعارك ويه عمامي ويطردهم من البيت اذا واحد بيهم ضربني او خلاني ابجي تخيلي انه اني متراهقت سوالف المراهقين كلها مسويتها لانه جان وكتي كله بالديوان جنت امل واضوج واشوف ولد عمي بره يفترون براحتهم ويحجون ويه بنات ويرجعون متأخر للبيت جنت اريد اجرب شعور انه احجي ويه بنيه او اسوق سياره وارجع متاخر بس چان جدي ميقبل ويكول خلي صفحتك بيضه حتى تستحق تكون شيخ وهيج لحد ما صار عمر 20 انطاني المشيخه وعمامي كلهم تعاركو وكلهم يريدون ولدهم يصيرون شيوخ مو اني ومع هذا جدي مقبل الا اني لج ابويه مرباني وتعب بيه بكد مو جدي تعب بيه موتته كسرت ظهري هسه فعلا حسيت انه ماكو احد لهذا العالم راح يسندني بعده
سليل
جان يحجي ودموعي تصب ما اعرف شون اواسي والصار مو شويه رفع راسه باوعلي شويه وجان ساكت بعدها رجع راسه عدل وكال
سجاد/ تدرين شكالي قبل ما يموت بدقايق
سليل/ شگال؟
سجاد/ كان ابنك انت وسليل سمو شهم كتله سليل تكرهني وبعد ما تريدني كال بس توكع بمصيبه راح توكف وياك ومتعوفك واذاك الوكت تدري هيه شكد تحبك الله اليعلم شكد جنت عزيزه علي يلي كالي هاي اليتيمه امانتك
سليل
خليت ايدي ع المخده اريد اكوم ما اكدر اسمع بعد كلامه حرك كلبي مردت يشوفني ابجي وازيد همه شفت المخده مبلله خليت ايدي على عيونه شفت دموع معقوله سجاد ديبجي متحملت ما احجي ما اكدر اشوفه هيج ضعيف ما اريده يضعف اكثر هو عامود هذا البيت بعد جدو
سليل/سجاد
سجاد/ تدرين انتي اول شخص يشوف دموعي انتي تدرين انه هاي اول مره ابجي
سليل/ ومحد غيري راح يشوفهم سجاد انت قوي لتضعف شوف انت شكد عشت مع جدو بيبي اضعاف هاي السنين عاشت ويا سجاد انت سند هذا البيت اذا صعفت البيت كله يوكع هسه نام وارتاح ومن باجر لازم ترجع الحياة لهذا البيت لازم ترجع كلشي مثل مجان جدو موجود هو انطاك مكانه لانه يعرفك قوي وراح تكدر ترجع كلشي لأصله
سجاد / تعبان سليل تعبان وحق الله
سليل/ ياروحي والله ادري بيك تعبان ودا احس بوجعك بس ما بيدنا شي اليوم هو باجر اني انت اي واحد هاي امانه وربي العالمين رادها هلشي موبيدنا
سجاد/ اريد انام مدا اكدر هاي 3 ايام دا احاول انا ماكو ما اكدر النوم مديجيني
سليل/ شسويلك كول شسوي حتى تكدر تنام
سجاد/ ما ادري
سليل
تمددت يمه ولزمت ايده وضليت صافنه بالسقف مر وكت ما ادري شكد حسيت نفسه ثكل معناها نام كمت غطيته ورجعت فرشتلي بالكاع ونمت
سجاد
مدري شون نمت البارحه كعدت سليل مموجوده يمي باوعت للكاع جانت نايمه غطيتها وفتت للحمام سبحت وطلعت شفت ملابسي محضرات ع الجربايه والغرفه معزله وسليل ماكو بدلت ملابسي ونزلت شفتها متمدده بحضن بيبي بالصاله وامي و رشا كاعدين
سجاد/ صباح الخير
الكل/ صباح النور
كامت سليل
سليل/ هسه تجي ديمه راح حسن يجيبها ونتريك سوه لتطلع لمكان
سجاد/ اي
سليل
اجه كعد يمي شويه وفاتو حسن وديمه جان حسن شايل امير وديمه شايله ساره جان عمرها بس كم شهر اجت ديمه يمه
ديمه/ واني اكول شو البيت منور اثاري الكمر عدنا
سليل/ بعد كلبي دودو حبيبتي شخبارج الحمدلله على سلامتج
ديمه/ الله يسلمج حبيبتي عفيه بس اخذي ساره اروح ابدل واجي
سليل/ اذا اكلج اخاف اشيلها متصدكين مو
ديمه/ ههه اصدك والله بس لازم تتعلمين يله لشوف اخذيها يله يله
سليل
اخذتها منها جان اول مره بخياتي الزم طفل بهيج عمر ضليت شيالتها واباوع عليها نايمه مثل الملاك دمعت عيوني رفعت راسي باوعت لسجاد ديباوع عليه بقهر كام راد يطلع رحت يمه
سجاد/ انطيني مجال سليل اريد اطلع
سليل/ لا سجاد اخذ ساره مني اريد اساعدهم بالمطبخ
سجاد/ انطيها لغيري سليل وخري من طريقي
سليل / اني اريد اشوفها بيدك
سليل
سكت شويه وباوعلي بعدين كال
سجاد/ ليش تريدين تعذبيني ليش دائما مصره تحسسني انه يلي صار جان بأرادتي
سليل/ اعذبك؟ صدك تحجي سجاد
سجاد/ لعد شتسمين هاي حركاتج
سليل/ هه الضاهر انت لحد الان ما فهمتني ولا مقرر تفهمني
سجاد/ انطيني مجال طالع
سجاد
طلعت وصلت للباب جان تحجي صدمتني بكلامها جاوبتها بدون ما التفت عليها
سليل/ اسبوع وراجعه لامريكا
سجاد/ ما تطلعين من هذا البيت غير بتابوت
سليل/ مو بكيفك انت بصفتك منو تتحكم بيه
سجاد
يمكن هسه صار الوكت صار وكت انه الزمها من الايد التوجعها ما اكدر بعد اتحمل تطلع من هذا البيت وجودها هنا وبهذا الوكت انقاذ مو بس الي للبيت كله طلعت بدون ما ارد عليها ورحت بوجهي للمحكمه
سليل
طلع بدون ما يرد عليه عصبني كلش فتت لللبيت وضليت اباوع لساره بحضني يا ربي شكد شكلها كيوت تريكنا وبدينا ننضف وبيبي بالغرفه تقره قرأن كل شويه اروح يمها واصبرها وارجع اكمل شغل صار الظهر خلينا الغده واجه سجاد جان شكله مو طبيعي وكل شويه يباوع للساعه كعدنا ناكل هو ما اكل شي بس يكلب بالاكل رفع راسه باوعلي واشرتلي براسه اصعد فوك كمت استأذنت منهم وصعدت شويه واجه فات ورايه وسد الباب وكفت على حيلي
سليل/شكو شبيك
سجاد/....
يتبع....