الدكتوره سليل والشيخ

الجزء الثاني البارتات٦____٧

#دكتوره_سليل_والشيخ

البارتات6____7الجزء الثاني

البارت 6 الجزء الثاني

‏كأنّها تُشبه ملاكاً خبأَ جناحيهِ و وردةً خجولةً غرقَ النَّدىٰ في عينيها
شهم
مدري شلون مر الوكت ونمت كعدت من النوم سبحت ونزلت للمطبخ جانت امي كاعده وعشق يمها وابويه اول مشافني طلع وكللها لامي رايح للديوان...
كعدت كبالهم ع الميز خلت عشق الچاي كدامي وضلو ساكتين همه الاثنين...
ضليت صافن شلون راح ارجع صورتي كدام الكل مثل قبل دك موبايلي باوعت هاي سجى ايي واخيراً
تركتهم وطلعت للحديقه...
سجى/ الوو
شهم بهدوء/ هاي جزاتي؟ هيج تجازين يلي ساعدج ووكف وياج؟
سجى/ فدوه ضابط...
شهم/ لج سجى انتي حتى اسمي متعرفي شلون كدرتي توصليلي وتأذين هيج؟
سجى/ بس اسمعني ضابط اني محتاجه حب امي الي انت تدري شنو يعني وحده تحتاج حب امها؟
شهم/ ليش اني سجى بشنو اذيتج؟
سجى/ انت مو اذيتني اصلا انت ما اذيت احد بس امك يلي اذت
شهم بصدمه / امييي؟؟سجى لتخربطين بالحجي امي شلون اذتج امي اصلا متعرفج
سجى/ ما اذتني اني شهم دكتوره سليل اذت امي
شهم/ سجى ابوج وين؟
سجى/ مات مات من زمان
شهم/ وبعد ما مات قررت امج تنتقم من امي لانه امي كدرت تتزوج الشيخ والدكتور سجاد يلي جانت تحبه نسمه مو؟
سجى/ يعني انت تعرف القصه
شهم/ لج سجى مدتحسين تأخر الوكت عالانتقام؟ سجى امج هيج دتخون ابوج حتى وهو ميت تره حرام عليها وحتى انتي حرام عليج تأذين امي بيه
سجى/ اصلا من اول مره شفتك بيها جان كلشي مخطط حتى جيتي الك وكعدتي ببيتك كلشي جنت مخططه امي اله بس من سافرت للبصره واني ضليت بالشقه مالتك خابرتني امي وكالتي اخليلك سم واموتك بس ما كدرت شهم ما كدرت اموتك انت ماتستاهل والله
شهم بصدمه/ شنو هلجرأه يلي عندج؟سسسسسجى انتي ردتي تكتليتي لج ردتي تموتيني شلوون كدرتي تفكرين مجرد تفكير تقتلين روح؟ لج تدري هاي بيها سجن مؤبد اذا مو اعدام؟
سجى وهيه تبجي/ افهم ضابط افهممم اني احتاج ام تسمعني ام تحبني ام متأذيني
شهم بهدوء/ يلي سويتي مو قليل سجى واني طول ما عايش ماراح انسى سوايتج هاي واذا بيوم التقينا صدكيني راح تشوفين شهم الثاني شهم يلي راح تكرهي طوول عمرج
شهم
سديت الخط واني صاير نار منها شكد حقيره نسمه جايه بعد كل هاي السنين تدورين انتقام...
رغد
كعدت من النوم راسي ديوجعني البارحه شكد بجيت
باوعت ما اريد اروح للجامعه كلش تعبانه ومالي خلكها اليوم...
كمت وكفت كدام المرايه كون يشوفني ياسر هيج الا يخاف ويكول اني شورطني حبيت هاي..
افكر بي ومبتسمه ثواني وراحت الابتسامه واني اكول ليش اجه ياسر ببالي؟ من شوكت اني افكر بمظهري كدام واحد؟...
غسلت وجهي وبدلت ملابسي باوعت شعري ما الي خلك اسوي وهو كلش طويل ومزعج تركته مفتوح ونزلت ادري بيهم كلهم بالدوام هسه بس تفاجئت من شفت امي كاعده بالحديقه...
مردت تشوفني نرجع نتعارك ضليت بالمطبخ سويت جاي وبديت اشربه بهدوء بلاعيمي كلش توجعني..
كملت وصعدت لغرفتي رتبتها و تمددت ع الجربايه واباوع للسقف ثواني واجت امي لزمت المشط بيدها وكعدت ع الجربابه واني ساكته...
اشرتلي اكعد يمها بدت تمشط شعري بيدها مثل ما جنت صغيره دمعت عيوني بس مجيت ضلينا ساكين شويه وحجت...
مياس/ رغد انتي تتوقعين اني اكره نهر لو ياسر؟
رغد
ضليت ساكته محجيت ولا حرف...
ضلت تسرح شعري وتحجي...
مياس/ نهر ام كلب الطيب وياسر الولد يلي عاش كل انواع الاذيه؟ رغد اني احبهم بس احبج انتي اكثر انتي قطعه مني واخاف على اذيتج اني ماعندي غيرج صرتي الي الصديقه والاخت والبنت ما ردت ابداً تعيشين شعور التخلي عنج ماردت تعيشين شعور الخذلان رغد مو لانه حسن ابوج جان يحب نهر دا ابعدج عنهم بس رغد اكو اشياء انتي متعرفيها اكبر بهواي من حب ياسر الج ومن حبج اله اذا جتني تحبي
رغد
نزلت دموعي واني اسمعلها كملت كلامها وهيه تضفر بشعري....
مياس/ رغد اني احب ياسر كلشش واني متأكده نهر راح تكون افضل عمه الج بس مستحيل رغد انسي ياسر ما اريد تعيشين الوجع
رغد
كملت شعري التفتت عليها مسحت دموعي وحجيت..
رغد/ يمه ليش
مياس/ رغد ماراح تفهمين هاي الامور
رغد/ ماما فهميني اياها انتي
مياس/ انتي تحبين ياسر؟
رغد/ ما ادري
مياس/ رغد اني ما اوكف بطريقكم اذا جان حبكم صادق
رغد/ ماما ليش تريدين تبعدين ياسر عني
مياس/ صدكيني لو اجيتيني قبل اسبوع وكلتيلي احب ياسر جان فرحتلج بس هسه لا يمه اني ادرى بمصلحتج
رغد/ يمممه
مياس/ صدكيني رغد راح اني اخاف عليج
رغد/ ماما اريده
مياس/ رغد خلي يجي يخطبج بس خليها ببالج انتو الاثنين راح تتأذون وراح تتعذبون كلشش
رغد/ شنو قصدج؟
مياس/ رغد اذا تريدين تحمين ياسر وفلا تحبي وتتمنيله الخير ابتعدي عنه واذا جنت رايده تأذي وتدمرين حياته كوليله تعال اخطبني
رغد
ضليت ساكته واني اوزن كلام امي براسي ضعت اكثر مما اني ضايعه...
ثواني ولزمت امي وجهي مكان الضربه مالتها دمعت عيونها وكالت...
مياس/ مجنت اريد امد ايدي عليج بس رغد انتي عليتي صوتج و قللتي ادب كلش
رغد
حضنتها وبجيت اعتذرت منها بعدها هيه سكتتني نزلنا اني وياها. سوينا اكل ولا كأنه صار شي ولا فتحنا الموضوع مره ثانيه....
عشق
باوعت امي ماكو اكيد راحت للعياده وبابا هيج وكت بالديوان دورت على شهم لكيته كاعد بالصاله وصافن كعدت يمه... 
عشق/ احم احم اني هنا
باوعلي وكال
شهم/ شسويلج
عشق/ باوع حبيبي هو سؤالين ما الهم ثالث
شهم/ وشنو همه بله؟
عشق/ انت حبيت مصلح السيارات؟
شهم بأستغراب/ شنو؟ يا مصلح شدتحجين؟
عشق/ شهوميي عليناا؟؟
شهم / اها فهمتج
عقد حواجبه ورجع كال..
شهم/ وانتي شكو مركزه هيج وياي؟
عشق/ كلشيي اعرف عنك وهسه يله جاوب
شهم/ لا ما حبيتها
عشق/ شسمها هيه؟
شهم/ سجى
عشق/ حلوو مار عليه هذا الاسم بس وين وين وين مدا اتذكر
سجاد/ سجى مصعب
التفتنا اني وعشق لمصدر الصوت باوعنا بابا جان يم الباب ديسمعنا...
وكفنا اني وشهم واجه بابا كعد واشرلنا نكعد...
سجاد/ مو صحيح كلامي شهم؟
شهم/ صحيح يابه
عشق/ هاي مو بنت نسمه؟؟
شهم/ اي هيه
سجاد/ وليش حمييتها؟ ليش مكلت هيه بنت منو؟
شهم/ مردتها تتأذه بسببي
عشق/ حبيتها؟
عشق
خرزني شهم بمعنى سكتي نزلت عيونه عنه وسكتت
سجاد/ اني عندي فصل كوم وياي نحله
شهم/ صار بس ابدل ملابسي
سجاد/ انتضرك
شهم/ بس اول شي عن شنو كعدتنا؟
سجاد/ واحد داعم عمي ابو محمد زوج ديمه
عشق/ ياا ابو عمه نهر تأذه؟
سجاد/ لا بس عمي وادري بي عيونه متشبع من الفلوس وسوه كعده بس حتي يفصلهم كم مليون
شهم/ خررب ادري هذا ميشبع من الفلوس
شهم
بدلت ملابسي ولبست ملابس الشيوخ ونزلت ويه ابويه رحنا للديوان...
اجوي اهل الولد جان مبين عليهم ناس مساكين ومن اهل الله...
بدت كعدتنا وجان المفروض عم ابويه يطلب فلوس بس طلب منهم فصليه...
ضلينا اني وابويه واحد صافن بوجهه الثاني منعرف شنسوي...
ومع الاسف اهل الولد واقفو لانه عم ابويه هددهم يشتكي عليهم ومثل ما كلت واضح همه من اهل الله وماعدهم هاي السوالف...
كلشي جان فوضى بس الصدمنا كلما هو كلام عم ابويه لما كال....
ابو محمد/ هاي الفصليه غير ياسر ميتزوجها
ومن هنا بدت تنفتح النا ابواب المشاكل.....
يتبع...