الدكتوره سليل والشيخ

البارتات الاخيرات

#دكتوره_سليل_والشيخ

البارتات_الاخيرات

البارت 19 الجزء الثاني
" لن تعرِف متى ستكونُ المرَّة الأخيرة؛ افعل كُلّ شيء الأن "
يمان
ماكو اي خبر عنها لليل ودعنا اسد واصريت يسافر رغم رفضه لهذا الشي بس هو شنو ذنبه ينتضر؟ طلع اسد الفجر ع المطار واني طلعت على دهوك...
وصلت هناك هسه اني وين ادور وييين قابا اروح لدهوك كلها لازم افكر وين ممكن تكون وين وين خرررب حظييي حنين شطلعج...
بقيت افكر شويه وخابرني شهم....
يمان/ ها شهم
شهم/ وصلت
يمان/ اي بس وين ادور ويين
شهم/ حسب المعلومات يلي عرفتها كدرت اوصل لسكن خالتها
يمان/ صدك عفيه عليك وينه
شهم/ يمان هاي من كل عقلها تروح لبيت خالتها؟
يمان بأستغراب/ ليش شصاير؟
شهم/ خالتها عدها 3 شباب وال3 ممتزوجين هاي شلون تروح هناك
يمان/ لانه ثوله ولو تفهم متسوي هيج
شهم/ اني انطيتك هاي المعلومه حتى تعرف شلون تتصرف تره واحد من ولد خالتها عنده سوابق وحتى ديشكون عنده سلاح بالبيت ف خلي بالك لا تزودها بالكلام وترجع جثه
يمان/ فهمت كافي تلح
شهم/ تره الشافته حنين منك مو قليل خلي الك صوره عنك براسها حلوه
يمان/ عرفت شلون راح اتصرف خلص دزلي العنوان
شهم/ تمام ثواني ويوصل مع السلامه
يمان/ الله وياك
يمان
ثواني ووصلتني رساله فتحتها جانت العنوان رحت للعنوان المكتوب دكيت الباب طلعلي شاب مرتب مبين علي ثكيل خوش ولد...
حجه وياي بالكردي مفهمت شكال كتله...
يمان/ اني عربي
وليد/ اهلا وسهلا بيك تفضل اخويه محتاج شي
يمان/ نحجي هنانه ع الباب؟
وليد/ لالا العفو منك تفضل
التفت قبل ما افوت وصاح...
وليد/ سوو طريق يمه وياي ضيوف
بعدها دخلني لعرفة الضيوف واني اباوع ع الباب بس اريد المحها....
وليد/ تفضل اخويه اكو شي؟
يمان/ اجيت على حنين هيه هنانه
وليد بأستغراب وعصبيه/ وانت من وين تعرف حنين احترم روحك تره حنين متزوجه وجايه زياره هنانه
يمان / اخويه لتتعصب تره اني زوجها
عقد وليد حواجبه بأستغراب/انت يمان؟
يمان/ تريد اطلعلك الهويه؟
وليد/ لا مبين اجلح املح من وجهك عرفت
يمان/ وانت ماشالله صاك اذا اجيت للبصره راح يصير كتل عليك
وليد/ ههههه هيج اني حلووما ادري بنفسي؟
يمان/ ايي وواضح هم انت ابداً ما مغرور
وليد/ ههه ولو تصرفاتك مكروهه بس حبيتك راح اروح اصحلك حنين وكعدو احجو انت وياها
يمان/ ياريت والله متقصر
يمان
راح الولد شويه واجتي حنين فتحت الباب بهدوء اباوع على ايدها لازمه المي وايدها ترجف مدري خايفه مدري متوتره مجانت نضراتي الها حقد جانت كلها حب اني متوقعت بيوم احب حنين يلي انجبرت عليها....
حنين /تتت تتفضضل
اخذت المي من ايدها شربته اباوع الصينيه بأيدها وبعدها ترجف...
اخذت الصينيه وخليتها كدامي وسحبت ايد حنين وكعدتها...
حنين بخوف/ ليش اجيت شلون عرفت اني هنانه اني حتى موبايلي ما فتحته حتى لتحدد موقعي
يمان/ هسه انتي ليش خايفه اهدي بس جاي احجي وياج واروح
حنين/ وتعوفني؟
يمان/ هذا سؤالي اني انتي تريديني اعوفج لو ابقى وياج؟
حنين/ اني خربت حياتك و..
يمان/ واني عدلتها لحياتي هسه
حنين/ اذيتك كلش
يمان/ واذيتج راحت
حنين/ خليتك تترك حبيبتك
يمان/ مجان اكو حبيبه من البدايه
حنين/ يمان انت تحبني؟
يمان/لو ما احبج تتوقعين اجي طاير من الفجر لهنانه؟
حنين/ اني هم احبك بس مستحيل
يمان/ شنو المستحيل
حنين/ ارجع اعيش وياك
يمان/ ليش
حنين/ ما اريد انذل بعد كافي تعبت
يمان/ منو راح يذلج واني مووجود
حنين/ يلي شفته ببيت عمي ما اريده يتكرر وانت هناك ببيتكم ولا وحده حبيتني
يمان/ راح يحبوج بمرور الوكت صدكيني همه ماخذين عنج فكره سيئه
حنين/ اريد اطلع معززه مكرمه من هذا البيت
وكفت وكتلها...
يمان/ تمام حنين تمام سويلي طريق اريد اطلع
حنين/ اطلع ماكو بس خالتي مره جبيره والشباب واحد الدوام وواحد نام ووليد منتضرك بره
يمان/ شوفي حنين سةلفة تكعدين ويه شباب 3 ابببد ما حبيتها ف اني عايفج هنانه لانه واثق بيج اي حركه سالفه ضحكه زياده عن اللزوم ادفنج بصف امج زين حبيبتي؟
حنين/ جاي تهدد؟
يمان/ شلون متفهميها افهميها يله مع السلامه
حنين/ توصل بالسلامه يمان
يمان/ ع الاقل كولي توصل بالسلامه حبيبي
نزلت حنين راسها بخجل / روح يله
يمان/ باي احبج وراح اشتاقلج
يمان
سلمت على وليد وطلعت للبصره بذاك اليوم متت تعب بحيث من رجعت بس كتلهم هيه بخير وصعدت نمت ما كعدت لثاني يوم الصبح خابرت خالو سجاد وعزمته ع الريوك وخابر شهم ورزان وعمه سليل اكيد...
بعدها خابرت الكل كلت بوجودهم احسن...
عشق
كعدت من النوم على اتصال باوعت انور مموجود فتحت الخط...
عشق/ الوو منو؟
قمر/ اني قمر
عشق/ شتريدين قمر مو كافي المشاكل يلي سويتيها؟
قمر/ عشق افهمي عاد كافي غباء اني ماعندي شي رايده مصلحتج وبسس
عشق / ومصلحتي ما اريدها فهمتي تركني عاد مو مللتيني
قمر / هذا يلي يسوي زين؟ اذا ممصدكتني روحي شوفي موبايل رجلج روحي شوفي وشوفي ويه منو ديحجي
عشق/ ماراح الزم موبايله لانه اني واثقه بي ودروبج مو عليه وهسه هم راح احضرج من هذا الرقم ومره ثانيه لتحاولين تتصلين
قمر/ تمام عشق الله كريم
عشق
سديت الخط وحضرت رقمها تمددت وغمضت عيوني افكر بكلام انور البارحه زين اني شلون ما حسيت بي من جان يمسح الصور والمحادثات مال ريم و قمر معقوله بهذا الغباء جنت؟
خلت قمر الشك بكلبي اجه انور كعدنا شويه سولفنا وبينت السالفه طبيعي كلش راح للحمام يسبح واني فتحا الموبايل..
طبعا اعرف الرمز من خطوبتنا جان مواليدي ومواليده بس هلمره ما فتح وهلشي زاد الشك بكلبي....
حاولت مره ثانيه وهم ما فتح يعني مغيره خوشش..
تركت الفون وهو طلع راقبته من بعيد لبعيد شلون فتحه وحفظت الرمز جان تاريخ زواجنا بس هو شوكت مغيره؟ قبل ما يموت ابو جان نفسه القديم...
للعصر طلعنا للعياده وهو ملتهي ويه الزبائن اخذت الموبايل مالته بدون ما يحس ورحت المخزن فتحته ودخلت لسجل المكالمات مجان بي شي دخلت لكل البرامج اخر شي رحت للرسائل...
جان مكتوب ع الاسم الحارس رجب....
فتحت الرسائل وهنانه جانت صدمتي...
انور/ شتريدين لا كل شويه تتصلين عشق راح تحس
_ اريدك
انور/ كافي حجي جهال
_ بس اشوفك ولو مره مره وحده بس
انور/ بابا تره اني رجال متزوج ويلي دتسوي ميصير غلط تعرفين شنو يعني غلط واذا اني حجيت وياج او رديت عليج مو يعني احبج اصلا هسه اني دا اخونها لعشق وهمات اذا حجيت وياج يعني دا العب عليج لانه انتي مستحيل احبج
_ ادري ادريي فهمت انت تحبها بس انت ختنها بعد بس اريد اشوفك صدكيني بعدها راح اعوفك
انور / اليوم الساعه 7 المغرب انتضريني بنفس المطعم يلي التقينا بي اخر مره
_ لتتأخر عليه
عشق
اقره ودموعي تنزل .... يعني ديخونني يعني سواها صدك ولهذا بعدني عن البنات يعني ميحبني لانه يلي يحب يصون .... و راح يلتقي بيها اليوم ويباوع لعيوني وعادي عنده الموضوع ماخاف اكشفه لانه يدري بيه ثووله وغبيه وانلعب بسرعه...
طلعت من المخزن خليت الموبايل مالته بمكانه قبل ليحس وطلعت التهيت ويه الزبائن مدري شكو اليوم كوومه اجوي...
لل 6 حجه وياي...
انور/ عشق اني عندي شغل ب 7 امشي اوصلج للبيت
عشق/ انتضرك ترجع شسوي بالبيت وبعدين احنا كل مره نغلق الصيدليه ب 9
انور/ لتعاندين مو زين عليج تتعبين بالشغل هواي امشو اوصلج
عشق بهمس/ هواي خايف عليه انت
انور/ مسمعتج
عشق/ محجيت شي
انور/ زين يله امشي اوصلج
عشق
وصلني للبيت و ضل واكف الا فتحت الباب ودخلت يله راح...
رحت للصاله ذبيت اغاراضي وفتحت الشال احس روحي مخنوكه مخنوكه كلششش...
سبحت وبدلت ملابسي وبعدها الخنكه بيه...
كعدت ع الجربايه وبجيت بجيت هوااااي هوواي لحد ما تعبت ونمت حسيت على انور ديغطيني حجيت بدون ما افتح عيوني...
عشق / الساعه بيش؟
انور/ عشره ونص
فتحت عيوني وكمت من مكاني باوعتله بعده ممبدل ملابسه يعني مصارله هواي من اجه...
انور/ شبيج تباوعيلي هيج وبعدين ليش عيونج هيج جتني دتبجين؟
عشق/ انور طلكني وروح من مكان ما اجيت
انور بأستغراب/ شنوو؟ شدتحجين؟
عشق/ يلي سمعته انور روح
انور/ يعني حجيتي ويه قمر
عشق بصياح/ اي حجيت اي اييي وبفضلها عرفتك تخونيي
انور بعصبيه/ عششسشق كتلج ابتعديييييي عن ريييم وقممممر ليش تعانديييييينييي
عشق/ انور كول ويه منو دتخوني احجي لا تغطي على خيانتك الي بريم وقمر
انور بصياح/ نصييي صوتج اني لحد الان ممسويلج شي لانه حامل
عشق/ شراح تسوي انور؟ شنو يلي راح تسويي فهمني؟ تذبحني اجبيلك سجين اني تريديني اجيبلك سجييين؟ تضربني؟ هاك اني كدامك اضربني لحد ما تمل
انور بهدوء/ عشقي حبيبتي اهدي خليني افهمج
عشق بصياح/ ما اريد افهم انور ما اريييد
عشق
جنت منهاره وبنفس الوكت مصدومه حسيت بلويات ببطني بس غلست واني ودا اصرخ حسيت بدوخه قويه ووكعت بالارض بعدها فتحت عيوني اني بالمستشفى...
انور/ حبيبتي شلون صرتي
عشق بتعب/ اني مو حبيبتك وماالك دخل بيه وين اهلي
انور/ ما كلت لاي احد انتي هنانه
عشق بتعب/ حتى خوش تموتني براحتك
انور/ شايفه واحد يموت روحه؟ انتي روحي شلون اموتج؟
عشق/ ما اريد اشوفك اطلع بره
انور/ لهل درجه كارهتيني؟
عشق/ واكثر يله روح
ساره
حجيت ويه خالد ويوم عن يوم يزيد تعلقي بي...
وبيوم حجينا...
ساره/ والعباس بحياتي متعبانه هيج يممه
خالد/ ميصير تحلفين غير ب الله
ساره/ لا يصير
خالد/ انتي شيعيه؟
ساره/ اي ليش انت مو شيعي؟
خالد/ لا اني سني
ساره/ اهاا
خالد/ هسه تعوفيني مو ارسلان جاف
ساره/ دتستهزء؟
خالد/ ايي هيج شي
ساره/ زييين
خالد / تعوفيني؟
ساره/ طبعا لا وليش اعوفك
خالد/ اذا اخطبج توافقين
ساره /ليش ناوي تخليها رسائل ومطاعم وطبه وطلعه وماكو شي رسمي؟
خالد/ هههه حلوووو طلعلج لسان
ساره/ لا صدك مو قصة طلعلي لسان بس غلط هلشي ميصير
خالد/ زيين اليوم شنو من ايام الاسبوع
ساره/ الأربعاء
خالد/ السبت نجي اني واهلي
ساره/ ليش السبت؟
خالد/ لو ما ادري بيج مو تينج شي جان كلت هاي شبيها بس تريد تتزوج
ساره/ عزاا مو هيج قصدي
خالد/ ادري ادري
ساره/ زين تدري
خالد/ مااكدر اجي قبل السبت لانه اني مو بالمحافضه
ساره/ اها يعني انت مثل شهم تسافر
خالد/ ايي وهسه يا حلوه اني عندي شغل رايح وانتي احجي ويه اهلج وكليلهم جايين
ساره/ تمام يله اخذ راحتك
خالد/ مع السلامه
ساره/ الله وياك
يمان
جمعت الكل وحجيت وياهم...
يمان/ انتو كلكم تدرون الظروف يلي خلتني اتزوج حنين بس انتو متدرون انهُ اني بمرور الوكت حبيتها كلش وردتها زوجه الي وهيه يلي شافته مو شويه من ضلم وتعذيب واني اريد ارجع الها يلي خسرته بحياتها هسه هيه مموجوده راحت لبيت خالتها بدهوك كل يلي اريده منكم تجون وياي انتو سندي وعزتي ونروح نخطبها من خالتها رسمي حتى تطلع من بيتهم معززه مكرمه
سجاد/ كلامك صح خلص هاهيه حددو وكت ونروحلهم نخطبها
تيم/ عفيه عليك ابني هيج الحجي
حسن/ بأي وكت تريد كلنا وياك
اسد/ يعني رايح تخطب مرتك؟
شهم/ اسد اسكت لا يجيك بوكس طاير وانت يمان استعجل شويه امك تريد تشوفك عريس مو هيج خاله
رشا/ ايي والله فديته لشهومي بس هو يفهمني
عشق
طلعني من المستشفى رجعنا للبيت صعدني للغرفه وساعدني اتمدد وهو كعد كدامي...
ضلينا ساكتين فتره بعدين اني غمضت عيوني لانه مجرد التفكير بي يخوني يأذيني....
صاح اسمي اكثر من مره ما رديت عباله نمت وهو حجه....
انور/ عشق عشقي
عشق/... لا رد
انور/ ما خنتج والله ولا راح افكر اخونج عندي انتي تسويهن كلهم هشقي ما اريد اخسرج انتي سندي بعد امي الله يرحمها
طلع من الغرفه واني فتحت عيوني ونزلو دموعي بهدوء باوعت موبايله بالغرفه يمي...
هلمره ما لزمته ولا باوعت علي ولا اجيت يمه...
نص ساعه واجه انور كعد يم راسي فتحت عيوني جان ديباوعلي...
انور/ ديوجعج شي؟
عشق/ اي
انور بخوف/ شنو ديوجعج كولي حبيبتي
عشق/ گلبي
انور بحزن/ عشقي بس سمعي مني
عشق/ واذا ما عجبني كلامك؟
انور/ ع الاقل تسمعين
عشق / احجي
انور/ قمر وريم تعاركو لانه اثنينهم رادو يخربون حياتنا ويطلكونا ووحده هددت الثانيه تحجي وياج وتفهمج الخطه مالتهم يلي فشلت
عشق/زين؟
انور/ريم حجت وياي وكلتلي قمر راح تحجي وياج
عشق/ وانت بقيت تتواصل مع ريم وتروح تشوفها وعادي كلش ولا كأنه اني موجوده مو؟
انور/ اول مره رحت حتى اعرف شنو جانت خطتهم واذا راح يأذوج او لا
عشق/ وثاني مره؟
انور/ رحت حتى اكللها تبعد عني وعنج لانه حياتنا تدمرت
عشق/ كلش كلامك مو مقنع انور واني ما اريد تصيرلي مشكله وياك جبيره ولهذا راح ابقه وياك وما اروح لبيت اعلي بس بالمقابل ما اشوفك انور تجي للبيت بس بالليل والصبح تروح ما اريد اشوفك لحد ما تهده اعصابي
انور بتنهيده/ خلص عشق بكيفج يلي تريدي اسوي
شهم
خابرني صديقي ضابط متصاوب بالمستشفى كتله مسافة الطريق واني يمك...
اجيت اطلع وكفت كدامي رزان...
هلفتره صايره كلشش مزعجه هروماتنها كل ساعه شكل...
رزان/ متروح لمكان تكعد وياي بالبيت واذا رحت تاخذني
شهم/ بابا انتي تخبلتي
رزان/ اي تخبلت وطلعه من البيت ماكو
شهم/ عندي شغل رزان وخري تأخرت
رزان/ لو اني لو هذا الشغل
شهم/ حبيبي وخري
رزان/ما
شهم/ شوو وخرييي
رزان
تركني وراح...
بقيت افكر هسه الصوج مني لو منه؟ لالا اكيد منه قابل اني سويت شي؟
ساره
صار الوكت الوكت يلي منتضرته يوم السبت...
بس كتلها لامي راح يجون خطابه بسس ما كتله اعرفهم او لا ولا حجيت اي شي بس كتلها راح يجون خطابه...
اجوي اهله امه وخواته يلي شفتهم بالمستشفى...
وهنانه جانت صدمتي...
وره ما طلعو اجه ابوي وامي بس كلتله همه سنه كللها خابريهم وكليلهم ماكو قسمه...
بقيت واكفه مصدومه حتى ما سالني...
ساره/ بابا..
محمد/ ساره هلموضوع ينسد
ساره/ بابا خالو سجاد قبل يزوج بنته سني شنو الفرق ليش هاي الطائفيه؟
محمد/ اني حجيت على سجاد لانه زوج بنته سني اكوم اغلط غلطته؟ وبعدين انتي ليش هيج تتراجفين علي خاف عندج شي ويا
ديمه/ ساره صعدي لغرفتج
ساره/ لحضه ماما بابا ما عندي شي ويا بس اكره الطائفيه اكرهها سمعتني
ديمه بحده/ سسساره !
ساره/ صعدت صعدت
ساره
مرت ساعتين وخابرني خالد...
جنت كلش خايفه اجاوبه بس شجعت روحي...
خالد/ ليش ساره ليش
ساره/ شبيك خالد
خالد/ اذا انتي لغيري من البدايه ليش تخليني احبج
ساره/ اني؟ خالد شدتحجي
خالد/ اهلج خابرو وكالو انتي بأسم ابن ص. يق ابوج وماكو قسمه
ساره/ مو هيج خالد والقران مو هيج
خالد/ تعبت بسببج ساره كلش تعبت
ساره وهيه تبجي/ اسفه والله اسفه مجان قصدي يصير هيج
خالد/ حبيتج ليش بعتيني؟
ساره/ اسفه خالد بس اني ما بعتك
خالد/ اهلج؟ جاوبي ساره
ساره/ لا مو اهلي
يتبع...