الدكتوره سليل والشيخ

البارتات١٤___١٥___١٦

#دكتوره_سليل_والشيخ

البارتات14___15___16 الجزء الثاني

- "كَيف حالُك؟
بِأحنَّ حال، فالسينُ سَقطت من فرطِ الأشتياق.."
رغد
توقعت يضوج ينقهر يتعصب بس يلي صار شفت لمعه بعيون ياسر بحياتي مشايفتها حسيته فرح لو مو فرح كلشش فرح باوع بعيوني وكال...
ياسر/يعني هسه ابني او بنتي بذرة حبنا اني وياج ببطنج؟ ارسلان جاف
هزيت راسي يعني اي...
ما حسيت الا ياسر شالني وصار يفتر بالغرفه...
ياسر/ واخيرا واخيرا واخييرا ولج ممصدك راح اصير اب
رغد بخوف وحذر/ راح اوكع راح اوكع ياسر فدوه عزا عمممه تعالي شوفي ابنج يمه يمممه
اجتي عمه نهر على صوتي فتحت الباب بخوف بس من شافت ياسر شايلني وديضحك وكفت يم الباب وبقت تباوعلنا وتضحك لحد ما نزلني ياسر..
راحلها وكف كدامعا باس ايدها وكللها...
ياسر/ راح ينور البيت حفيدج يمه رغد حامل
نهر بفرح/ رغد يمه حجي هذا المخبل صحيح؟
ياسر / خلف الله عليج يمه سويتيني مخبل
رغد/ ههه اي عمه اني حامل
نهر/ تعالي خلي احضنج ولج فرحتي هسه متنوصف
يمان
طلعت من البيت رايح لشهم مدري شبي هاي الفتره كلش ضايج ومتغير من سالته كال مينحجي ع الفون اتفقنا اليوم نلتقي اني ويا...
اني ودا اسوق حسيت اكو سياره ورايه حاولت اغير الطريق اكثر من مره حتى اتأكد دتمشي ورايه والا لا بس يلي صار تأكدت هيه ورايه...
مشيت سريع وهنانه همه عرفو حسيت بيهم مشيت لطريق مجهول جان شارع فارغ وكتعا وكفو سيارتهم كدامي ونزلو منها شفتهم 4 مثلمين واجوي واحد منهم ضربني على راسي بقوه وهذا اخر شي اتذكره...
عشق
كعدت من النوم كلبي ديكول اليوم راح يصير شي موزين...
انور/ كملتي حتى نطلع الصيدليه
عشق/ اي حبيبي بس اجيب الجنطه مالتي
باستي وطلع ينتضرني بالسياره...
جبت الجنطه وقفلت الباب وطلعنا اني ويا...
شويه واتصلت بي اخته فجأه وكف السياره بنص الشارع وباوعلي مصدوم ودموعه دتلمع بعيونه...
عشق بخوف/ انور شصاير
انور/ امي  عشق امي ماتت
عشق بصدمه /شنووووو
عشق
ساق انور بسرعه جنونيه وصلنا لهناك جانو الكل موجدين انور طلع بره ويه واخوته واني بقيت جوه ويه النسوان...
بجيت هواي عليها جانت طيبه وياي كلش ولا فد يوم اذتني...
خلصت الفاتحه..
مرت 3 ايام اطول 3 ايام بحياتي بعمري ما شفت انور هيج مكسور جانو ميبجي ابد كدامي بس جنت انام او اسوي روحي نامي جنت اسمع شهكاته وينزلون دموعي بهدوء مقهوره علي هو جان كلش يحب امه ومتعلق بيها مثل الطفل بحيث جنا كل يوم من نرجع من الصيدليه نروحلها ونبقه يمها شويه بس يتطمن عليها ونرجع...
بعد موتت ام انور دخل بحاله من البرود صار ميحجي هواي ما ياكل ما يسوي اي شي حيانه كله صافن حتى الصيدليه جنت اروح افتحها وحدي وهو يبقه بالبيت...
رزان/شهووومي
شهم/ ها حبيبي
رزان/ شبيك ضايج
شهم/ تعالي كعدي يمي
كعدت واني اباوعله مهموم كلش كعدت يمه بعد شعري عن وجي وحجه..
شهم/ رزونه حبيبي اني لازم اروح لبغداد خلصت اجازتي رزان وهيه تبجي/ عفيه حباب لتروح شهم والله ما اكدر بدونك
شهم/ ما اكدر ابقه اكثر رزان افهمي
رزان/ ليش رايح شوكت ترجع
شهم/ باجر الفجر الساعه 5 الصبح اطلع اسبوعين وارجع
رزان وهيه تبجي/ وهم ترجع تروح مره ثانيه وثالثه وتموت وابقه وحدي
شهم/ شبيج حبيبي لتخربطين يا موت يا بطيخ راجعلج والله وبعدين اني اريدج تشتاقيلي شويه ولهذا رايح
رزان/ والله اني اشتاقلك حتى لو جنت يمي هاك هسه مو كاعد كدامي شوف اشتاقيتلك
رزان
ضحك وحضني وبقه يحجي وياي انهُ هلشي عادي وهو كل مره يروح بس اني مقتنعت لحد ما كال...
شهم/ زوزه
رزان/ ها
شهم/ انتي مو كلتي اتحمل كلشي علمودك؟
رزان/ اي اتحمل كلشي بس ما اتحمل بعدك عني
شهم/ رزان حبيبتي لتعرضيلي
رزان وهيه تمسح دموعها/ زين يله رايحه احضرلك جنطتك
رزان
رحت حضرت الجنطه وكلشويه تنزل دموعي وارجع امسحها اخاف يجي و يتعارك وياي هو كلش يضوج اذا ابجي هواي واني اكو خزان بعيوني بس واحد يكلي هلو بطريقه مخلوه ابقه ابجي اسبوع...
راح شهم وكلي مضطر بس يوصل يقفل موبايله قنعني بكلامه وصلني لبيت اهلي وراح سلم على اهله وطلع...
وصلت لهناك سالت امي على يمان كالت بعده ماراجع صعدت لغرفتي بقيت ادعي لشهم بعدين نمت فزيت على صوت الفون باوعت شهم فتحت خط واني متمدده وبس اريد انام...
رزان بنعاس/ هلو وصلت؟
شهم/ هلا حبي اي وصلت هاي شنو بعد نايمه
رزان/ اي والله ميته نعس
شهم/ امم يله روحي روحي اني راح اقفل الفون بس ردت اطمنج وخابرت امي هم كلتلها
رزان/ زين شهومي حبيبي اني احتمال اروح لبيت خالو سجاد
شهم/ اي حبيبي روحي وين متريدين روحي بس اخذي اذن من عمو تيم
رزان/ اخذ اذن لو خشم؟
شهم وهو يحاول ميضحك/ بعدج فطيره متغيرتي
رزان/ لالا ما اتغير اني ابد
شهم/ عود اجي وكولي هيج بوجهي
رزان/ راح تجر خشمي وتكول زعطوطه وتضحك
شهم/ زين تعرفين يله حياتي اني رايح
رزان/الله وياك
سد الخط شهم واني رجعت نمت...
رغد
بعد الحمل رحنا اني وياسر ع الدكتوره وهيه كالت حملي مهدد كلش بالاسقاط كالت الحمل ضعيف الا ياسر تخبل رجعنا للبيت اني ويا واني احاول اهدي واكوله الموضوع عادي بس جان كلش قافل...
ياسر/ بعد ماكو دوام
رغد بصدمه/ تشاقه مو؟
ياسر/ طبعا لا رغد ماكر لحد ما تولدين بسلامه دوام ماكو
رغد/ ياسر تعرف شنو اموت اذا ما اروح للدوام هذا حلمي بعدني ممحققته
ياسر/ حققتي رغد كلت دوام ماكو وكافي
نهر / اهدو يا ولد استهدو بالرحمن يمه شيطان ودخل بينكم
رغد بهدوء/ ياسر
ياسر بصياح/كتلج لا رغد لا
رغد بصياح/ ياسر ما اكدر تعودت علي ما اكدر ما اوادم كتلك هلشي طبيعي لانه اني ببداية حملي والكل يصير عدهم هيج
ياسر بصياح/ لا رغد لا لا لا ما اريد..
رغد/ اني تعبت منك خليني اروح لبيت اهلي ارتاح شويه
ياسر/ ما اريد اخسرج
رغد/ انت خايف على يلي ببطني مخايف عليه
ياسر/ يلي ببطنج يتعوضون بس الدكتوره كالت انتو الاثنين بخطر
رغد/ اريد اروح لأهلي ارتاح شويه
ياسر/ تمام رغد بالليل اجي اخذج
رغد/ لا
ياسر/ شنو لا
رغد/ تريد ابقه كم يوم
ياسر/ شكد يعني هاي الكم يوم؟
رغد/ مو هواي
ياسر بعصبيه/ زين زين سوي يلي يريحج مال دخل بيج بس خلي ببالج دوام ماكو روحي لاهلج ارتاحي وفكري زين ورجعي
رغد/ فهمت
رغد
صعدت فوك اخذت ملابسي ونزلت وصلني لبيت اهلي بدون ما يحجي اي شي نزلت لهناك وهو راح...
اسد/ سجى سجى وينج
سجى/ هنا حبيبي بالمطبخ
اسد/ هاي شنو العسل واكف ديثرم بصل
سجى/ههه يله روح بدل ملابسك وتعال حتى ناكل
اسد/ يله هسه اروح
رحت بدلت ملابسي وكعدنا ناكل ونسولف...
اسد/ اي صدك خطيه هاي المره الويانه بالدوام زوجها مات شكد انقهرت عليها
سجى/صغيره لو جبيره
اسد/ مو هواي صغيره يعني ثلاثينيه
سجى/ امم وانت شكو من وين تعرف عمرها وشكو انقهرت عليها
اسد بأستفزاز/اممم وانتي شكو تغارين
سجى/ لا عادي اصلا ما اغار
اسد/ زين اسمعي وهذا المدير يكول بلكت واحد يتزوجها لانه هيه خطيه يتيمه وهسه طلعت العده مالتها
سجى بعصبيه/ روح تزوجها انت
اسد/ جاي افاتحج بالموضوع شنو رأيج؟
سجى/ يعني راح تتزوجها؟
اسد/ مو هذا يلي ردتي واني راح احققلج طلبج
سجى بعصبيه/ هاي صدك تحجي
اسد وهو يحاول ميضحك/ امممم ليش لا
سجى/ اني اعلمك اسد
اسد
كامت راحت للغرفه واني بقيت اضحك عليها بعدين كمت وراها شفتها لازمه مقص وقمصاني كلهم بيدها..
اسد/ خبال شدسوين
سجى/ راح اشكك ملابسك حتى ميبقه عندك شي تلبسه وتروح للدوام
اسد/ ولج والله دا اشاقه وياج ماكو هيج حجي لج تركي المقص يمعوده ملابسي
سجى/ لا جذاب راح تتزوجها
اسد/ خبله وين اكو وحده تكله لزوجها جذاب
سجى/ها شمدريني يله وخر
جر المقص من ايدي وحجه..
اسد/ اكو برأييي تتركين سوالف الاطفال وتحضرين روحج اليوم نروح لبيت اهلي
سجى/ اي زين واني مشتاقه لعمه كلش
عشق
انور تغير كلش و اني شكد حاولت ارجعه مثل قبل فشلت...
جنت بالدوام حسيت روحي حامل هواي اسباب تثبت هذا الشي اخذت تحليل وخليته بالجنطه من ارجع للبيت عود احلل..
اصلا سالفة الحمل راحت عن بالي من قطعت علاقتي باسراء وبعدها صارت سالفة خاله هسه يله انتبهت...
من رجعت للبيت جان انور كاعد وصافن كالعاده باوعلي ورجع باوع للحايط كدامه..
صعدت لغرفتي سويت التحليل وبدلت ملابسي ونزلت سويت اكل وخليته هو ما اكل كلشي ولا اني انقهر كلش من اشوفه هيج..
ضليت ساكته وافكر شنو الشي يلي ممكن يخلي انور يرجع مثل قبل ضليت صافنه بعدها تذكرت تحليل الحمل صعدت فوك بسرعه جبته جان بي خطين اثنين دمعت عيوني يعني اني حامل فرحت كلش ونزلت ركض بعدها تذكرت مالازم اركض هيج ضربت راسي بخفه وكملت نزلتي بهدوء شفته كاعد بالصالة وكفت وخليت تحليل الحمل كدامه باوعله ببرود رجع باوعلي...
انور ببرود/ هذا المن؟
عشق بفرح/ والله والله والله اني حامل
انور/ زين
تركني وراح للغرفه بقيت واكفه اباوعله ودموعي تنزل...
ليش هيييج اني اريد انور يرجع مثل قبل اني شفت الفرحه بعيونه بس البروده غطاها ليش هيج انور...
يمان
فتحت عيوني ببطئ شفت بنيه كاعده كدامي دتباوعلي وتبجي واني مربط من كل مكان بس عيونه مفتوحه...
حاولت افتح ايديه ورجليه او حلكي بس مكدرت اشرتلها تجت تفتح ايديه اشرت براسها لا حزرتها ورجعت اتحرك احاول اخلص روحي انفتح الباب باوعتلي وكالت...
_ اسفه والله جنت مجبوره اسوي هيج سامحني
ضليت صافن عليها هاي منو وين شايفها اصلا بحياتي مشايفها على شنو دتعتذر...
اجوي 3 رجال وخلو كدامي صوره باوعت صورتي ويه هاي البنيه ضليت صافن منو هاي هاي شنو الصوره...
فتحو حلكي وحجيت....
يمان/ شنو هاي الصوره
رجال/ يلي وياك بالصوره راح تتزوجها غصباً عنك مو احنا يلي يغلطون ويه بنت عمنا نعوفهم
يمان بصياح/ مو اني يلي وياها لتورطوني ما اتزوجها لو تبقى اخر بنيه بالعالم
الرجال الثاني/ يعني تعرفها
يمان بعصبيه/ لتتغابه اني بحياتي مشايفها شنو يعني اعرفها
التفتو عليها وهيه بجت اكثر وكالت...
_ جذاب يمان نسيت منو اني
يمان بصياح/ اني اسسسمج ما اعرفه تريديني اعرفج؟
يتبع...
البارت 15
‏”حتى حُزني لم يكن حزنًا بالطريقة المعتادة ، لم أبحث عن كتف لأبكي عليه ولا أذن لتسمعني ، كنت أتوسل العالم أن يتركني وشأني فحّسب.“
الرجال/ اجه السيد راح افتحك وتعقدون فاهم
يمان بعصبيه / صدك تحجي انت؟ شبيك بابا مخبل واعقد عليها لك ما اعرفها تفهم شنو يعني ما اعرفها
الرجال الثاني/ شوف باوع للشاشه كدامك منو اكو هنانه
يمان
فتح الشاشه كدامه باوعت شهم ضليت اباوعله وشفت واحد قنص علي...
الرجال/ ايي هنا الحجي عادي لتتزوجها احنا كل يلي راح نسوي نقتلها بتهمة غسل عار ونقتل ابن عمك ولا شخص راح يعرفنا و طلقه براسك واتحدى واحد يعرف وين جثتك
يمان بعصبيه/ شهممم شعلييي
الرجال/ مو زوج اختك هو؟ عاجبك تترمل اختك وهيه بعز شبابها
يمان بصياح/ لتجيب طاري اختك على لسانك حيوان
الرجال الثاني/ لعد عادي انت تلعب ويه بنت عمنا وتريدنا نعوفك؟
يمان/ لو تموتوها كدامي ما اتزوجها
يمان
جنت احجي ومتوقع ماراح يسوون شي بس من سكتت سمعت صوت طلقه باوعت بالشاشه ضربو شهم برجله هنانه تخبلت فقدت بس اصيح وحاول افتح ايديه رغم شفت شهم اصدقائه يمه وكلهم اجوي علي بس لهنانه وانقطع الاتصال مكدرت بعد اشوف شي...
يمان بصياح/ لو انتو رجال جان واجهتوتني ولكم فتحووووو ايديييه
الرجال/ وصل السيد اقعد واخذ حنين وروح شوف شهم ولو الطلقه جانت سطيحه ومدخلت رجله بس ع المره الجايه
يمان/ ماراح اتزوجها فهمت
الرجال/ خليني اسوي مكالمه صغيره ويكتلون شهم هو وبالمستشفى كدام عيونك شتكول؟
يمان/ كافي كافي كافيييي خلص راح اوافق خلص بس خلصونييي
يمان
طول الوقت هيه جانت كاعده وتبجي حقدت عليها كلش واني ما اعرفها ولا اعرف هيه منو...
فتحو ايديه ورجليه كمت حتى اضرب الرجال الكدامي راح الثاني لزم البنيه وخله السجينه على ركبتها وهيه تباوعلي بتوسل وتبجي...
الرجال/ اذا ضربت واحد مننا هسه اذبحها لحنين
يمان
دفعت الرجال وهمه تركوها واجه السيد عقدلنا وهمه راحو بقينا بس اني وياها بالبيت...
يمان/انتي من وين تعرفيني
حنين/من الجامعه من المرحله الأولى جنا سويا بس كل واحد بكروب وجنت معجبه بيك هواي ولحد ما تخرجنا وهم بقيت معجبه بيك وجنت اجمع معلوماتك لحد ما عرفت كلشي عنك بس صدكني نيتي مجانت سوء والله
يمان بعصبيه/ ليش سويتي هيج ليش ليشش
حنين/ والله جنت مجبوره جان لازم اختار لو يذبحوني لو اورطك وياي
يمان بصياح وهو يضرب الميز بقوه/ مو شغلي انتي مهووسه ب يمان طالب الكليه مو شغلي هذا سمعتي
حنين وهيه تبجي / ما اريد شي منك يمان بس يومين او 3 وطلكني بس خلصني منهم
يمان / اول شي راح اوديج لبيتنا واروح اشوف شصار ويه شهم وارجع اشوف شنو سالفتج
حنين/ اوك اوك
يمان
رحت وديتها للبيت باوعتلي امي باستغراب محجيت اي شي وقبل ما اطلع كتلها لحنين مدري منو لتحجي شي وطلعت رحت لشهم...
جانت اصابته خفيفه ومقبل يجي وياي كال بس يطيب يروح لشغله...
عشق/ انور
انور/ همممم
عشق/ عادي توديني لبيت اهلي شويه؟؟
انور/ تنامين هناك؟
عشق/ اي باجر ارجع
انور/ زين حضري روحج حتى اوصلج
عشق/ تمام
عشق
رحت لهناك شويه واجتي رزان وصلها ابوها قبل ميروح كعدنا نسولف اني وياها وخابرنا رغد هم كالت ببيت اهلها كلنالها تعالي نامي ويانا كالت هسه اشوف ياسر بعدين خابرت على سجى هم خطيه ما عدها احد وياها وبالاخير خابرنا صديقتنا واختنا الجبيره ساره...
رغد
كاعده ببيت اهلب وصافنه ما حجيت لاهلي متعاركه ويه ياسر احسن هيج حتى لا يتدخل احد بينا..
خابروني عشق ورزان كلت ميصير اطلع بدون ما اكوله ف خابرته...
ياسر/ هلا رغده محتاجه شي
رغد/ اريد اروح انام ببيت عمو سجاد ويه البنات
ياسر /زين حضري روحج هسه جاي اوصلج
رغد/ خلي بابا يوصلني
ياسر/ كتلج جاي
رغد/ منتضرتك لتتاخر
سد الخط واني تعصبت كلش اوف شسويله مللني..
سجى
هاي الفتره صرت احلم هواي كوابيس تعبت كلش واخرها نمت بعد بجي هواي وحلمت اني ببيت عمو سجاد ولازمه السجينه حتى اذبحه واجه اسد..
اسد / بعده براسج الانتقام سجى بعدها امج مسممه افكارج
سجى/ اسد؟ توقعت جايه لهنانه حتى انتقم؟
اسد/ وجودج هنانه بهذا الوقت وبدون علمي يثبت انهُ جايه تنتقمين وبس
فزيت من الحلم واني اصرخ حضني اسد وهو يحاول يهديني بجيت هواي هووواي بجيت وهو يسكتني...
سجى/ انت تشك بيه اسد؟
اسد/ صدكيني لو مجان عندي ثقه بيج مجان تزوجتج خلص حبيبتي اهدي كافي بجي
سكتي ودك الموبايل مالتي باوعت جانو البنات وكالولي اروح انام وياهم اجه اسد...
اسد/ ها منو خابرج
سجى/هاي البنات اليوم راح ينامون ببيت عمو سجاد وعزموني
اسد/ زين روحي غيري جو يجوز تتحسنين شويه
سجى/ تمام توصلني انت؟
اسد/ اي حبيبي بيت ما تبدلين وتحضرين روحج راح اروح اسبح
سجى/ تمام حبيبي
عشق
ساعه والبنات كلهم اجوي ضلينا كاعدين كل واحده بينا صافنه بمشكلتها باوعت النا ساره وكالت...
ساره/ هيو يا ارامل باوعولي
عشق/ عوووذه اسم الله شنو ارامل
ساره/ حجت بيبيتي
رغد/ ههه معليج منها احجي سارونه شكو
ساره/ ناقصكم بس تتلطمون ولكم سولفولي شبيكم
رزان/ هو كل وحده بينا عدها مصيبه معقوله راح تحليهم كلهم
ساره/ اي احلهم كلهم سولفو
سجى/ منو تبديي
ساره/ انتي
سجى/ اني؟
ساره/ اي شنو مشكلتج
سجى/ اريد طفل ومديصير والدكتوره كالت نسبة حملي كلش ضعيفه
ساره/ ببساطه سجى تكدرين تروحين ويه اسد للخارج وتتعالجين وتجيبون كومه اطفال
سجى/ تتوقعين اسد يواقف؟
رغد/ انتي تقنعي اسد واعرفه احجي ويا بهدواه ووزني كلامج وشوفي شلون راح يقبل
عشق /صدكيني اذا يحبج راح يسوي كلشي حتى يشوفج مرتاحه واحنا كلنا ندري اسد شكد تعب يلا كدر يتزوجج
رزان/ يلي ضرب ابن عمج وتعارك مع امج علمودج معقوله ميسافر بس حتى يسعدج؟
سجى براحه/ صح كلامكم كله صحيح انشالله باجر افتح ويا الموضوع وانتو ادعولي يقبل
البنات/ يارب يوافق
ساره/ وانتي شنو مشكلتج
عشق/ منو؟ اني؟
ساره/ لعد اني الحامل وضايجه وراح يطلع ابني مكشر
عشق/ ابني راح يطبع عسل يخبل وبس يضحك
ساره/ واضح واضح يله سولفي
عشق بحزن/ انور بعد موتت امه تغير كلش وصار بارد وحتى ما فرح بحملي يلي جان منتضره بفارغ الصبر
ساره/ حبيبتي هو هم حقه تره الام ما قليله وبعدين اني فهمت من كلامج قبل انور جان كلش متعلق بأمه والصار مو قليل وهيه مصارلها هواي من ماتت كلها شهرين
رزان/ صح كلام ساره عشق انتي احجي ويا طلعي من البيت غيري الجو علي
عشق / والله سويت كلشي ما يفيد ويا
ساره / هو محتاج ينصدم بشي يخلي يرجع لوعيه
عشق/شسوي يعني اكتل روحي واخلي ينصدم
رغد/ حتى يدخل بحاله نفسيه ويكتل روحه ويموت وراج ووره امه
عشق/شسوي يمعودين
سجى/ اشوف كلام ساره صح يحتاج لصدمه امم مثلا كليله تزوج وحده عليه اني راضيه
عشق بصدمه / عزا بعينج سجاى خلي اسد يتزوج عليج
سجى/ كتله تزوج عليه بس كلت اشكك ملابسه وهو مقبل
عشق/ههه خبال
ساره/ انتي راح تهتمين بنفسج وبأنبج لحد ما يصير انور زين وهلشي راح يخلي يصحه على روحه
رغد/ دوري
ساره/ شبيج مستعجله على رزقج
رغد/ مو صايره مصلحه اجتماعيه براسهم ساعديني اني هم
ساره/ يله عيني شعندج انتي ام المصايب
رغد/ ياسر مدا يقبل اداوم
ساره/ ليش
رغد/ علمود الحمل مالتي ضعيف
عشق/ اي لانه ثوله انتي
رغد/خبله ليش
رزان/ غير يخاف عليج ولمصلحتج سوا هيج
سجى/ اي رغد صح غير من خوفه عليج تره انتي هم زودتيها
رغد/ اني حلمي هذا ما اريد اتخلى عنه
ساره/ ولا واحد بينا كال تخلي عنه بس صبري شويه لحد ما تدخلين بشهرج الثالث او الرابع واحجي ويا وهو اكير راح يقتنع يعني هسه انتي ضايجه لانه هو يريد راحتج والله مخبله انتي
رغد/ زين زين كلكم طلعتوني اني الغلطانه
عشق/لانه الحقيقه انتي الغلطانه
رزان/ كلامهم صح
ساره/بقيتي بس انتي سولفي لشوف
رزان بحزن/ ما اريد شهم يروح لبغداد كلش دا اشتاقله
ساره/ حبيبتي هذا شغله وهو مجبور يروح بس انتي حاولي تحجين ويا بهداوه وكليله يحاول ينقل دوامه للبصره
رزان/ زين احاول
عشق/ ايي وانتي فيلسوفة زمانج سولفيلنا شنو قصتج
ساره /ها هههه يا سالفه ماعندي شي
رزان/الحب ديلمع بعيونج سارونه سولفي
ساره/ بالليل اسولفلكم سوالف الحب بالليل اطيب
رغد / يعني اكو سالوفه موو
ساره بخجل/ اي اي اكو انجبو عاد لحيتو
رزان
كاعدين دنسولف ووصلتني رساله من يمان كال هو جوه كتلهم للبنات كالو ننزل وياج نشوف شبي وليش اجه هسه شصاير...
نزلنا شفت يمان يمه بنيه تخبل باوعنا عليها كلنا وهيه من شافتنا لزمت ايد يمان بخوف..
رزان/ هيوو تره مناكل بشر
يمان/سكتي رزان اذا انتو نازلين مثل العصابه شتريدين تسوي زين ما اغمه عليها من الخوف
ساره/هههه هم صدك منو هاي البنيه ولك
يمان/بعدين اسولفلكم بس رزان امشي وياي لبيتكم انطيني ملابس لشهم
رزان بخوف/ شبي شهم فدوه اخذ ويا ملابس ليش اجيت انت وهو ما خابرني
عشق بخوف/ يمان لتجذب اخويه وينه
رزان وهيه تبجي/ شهم وينه هسه
يمان/ بالمستشفى اهله ويا لتخافين
رزان وعشق بصدمه / بالمستشفى؟؟؟
يمان بعصبيه وصياح/ ما بي شي اصابه خفيفه وامه وابو يمه اذا متصكون اسالوهم وملابس هم ما اريد اروحله اجبله من عندي واذا وحده دنكم بجت اضرب راس براس
ساره بهدوء/ هسه انت ليش دتصيح اهده يمان
يمان/ عصبوني ادري عيون لو خزان دموع
ساره/غير من خوفهم علي يا عيني
يمان/ ماكو شي والله بخير هو
التفت للبنيه وكمل كلامه..
يمان/ وانتي تبقين هنانه ويه البنات حجي زايد عن اللزوم ما اريد تمام؟
حنين/ تمام لتتعصب
رزان/ منو هاي
يمان/ مرتي
البنات/شنووووو
عشق
واكفه ويه يمان والبنات وخابرني انور ابتعدت عنهم وفتحت خط...
عشق/ ها حبيبي
انور /حبيبتي وين الاسعافات الاوليه
عشق بخوف/ عزا انور شبي صوتك شكو
انور/ ماكو شي شبيج
عشق وهيه تبجي/ والله اكو شي اتصل فديو يله انور
انور/ خبال ليصير شي للطفل لتبجين
عشق وهيه تبجي/ انور افتح كامرا والله هسه اخلي يمان يجيبني اذا مقبلت
انور/ اي اييي
عشق
فتح كاميرا شفت اكو نقط دم على بلوزته...
باوعت عليهم وبجيت هواي وحست نفسي حيل ضاك...
خليت ايدي على ركبتي واني اريد الهوه يدخل لرئاتي واتنفس بقوه...
انور بخوف/ عشق حبيبتي اهدي بس اهدي
عشق وهيه تبجي/ شنو هذا الدم
انور/ ولج والله ماكو شي انجرحت شوفي هاي ايدي
عشق/ شششكد عميق الجرح
انور/ استغفرالله اهدي حبيبي انتي بس اهدي اتنفسي بهدوء يله
عشق
تنفست بهدوء وهو يباوعلي رجعلي النفس...
انور/ وهسه مسحي دموعج يله عشقي
عشق بحزن/ كلش اشتاقيت لكلمة عشقي منك
انور/ اسف حبيبتي كل هاي الفتره تعبتج وياي
عشق/ لتعتذر اني هذا واجبي
انور/ كافي بجي عمري كافي خلصت
عشق
علمته على مكان الاسعافات الاوليه وخله الموبايل كدامه ولف ايده وشوفني اياها بعدين حجه وياي شويه وكلي روحي ويه البنات وباجر اجي اخذج العصر وراح...
يتبع...
البارت 16
‏ملامحكِ نجمَتين يضُمها قمر
عشق
راح يمان وترك هاي البنيه يلي منعرف عنها شي..
ساره/ يله بنات امشو نصعد فوك لغرفة عشق يله امشي ويانه انتي هم خلي نتعرف عليج
حنين/ اني؟
رزان/ لعد اني
حنين/انتي رزان مو
رزان وهيه تتصنع الشر/ امم يله امشي
حنين بأبتسامه/ كلش تشبهي حتى بالعصبيه
رغد/ ولكم امشو بطني وجعتي من الوكفه
سجى/ كون يشوفج ياسر واكفه هيج وبطنج وجعتج الا يتعارك ويخليج متوصلين هنانه
رغد/ هو يريد اكعد كدامه ويضل بس يتفرج عليه لحد ما اجيب
حنين/ انتي حامل؟
رغد/ امم اي وعشق هم حامل
حنين/ انتي عشق؟
سجى/ لا اني سجى هاي عشق
حنين/ اخت شهم؟
رزان بغيره / انتي من وين تعرفين شهم ولج احجي
حنين بخوف/ رزان والله ما اعرفه معرفه شخصيه بس اعرف هو اقرب واحد على يمان
ساره/ بنات كافي عيب امشو يله نكعد
عشق
كعدنا كلنا واني اضحك على غيرة رزان وخوف حنين جانت رزان دتغار على شهم ودتغار على يمان حسستني اني بلا مشاعر وكل شويه تخزرني واسكت وبس اباوع لرغد نضحك احنا الاثنين وساره تسكتنا كوه...
رزان/ شسمج
حنين/ حنين اسمي
رزان/ اممم بيبيتي اسمها حنين
ساره وهيه تباوع لرزان بنضرة كافي عيب/ احم رزونه هاي يا بيبيه
رزان/ متعرفيها بيبيتي من غير اهل
عشق
جانت رزان تحجي بانفعال بس احنا مكدرت نتحمل اكثر وضحكنا ضحك مصاير وساره خطيه وكعت بيها  جانت تحول تسكتنا بس بنفس الوكت تضحك ويانا والبنيه تباوعلنا مستغربه ورزان تخزر بيها...
حنين/ احم اني اخابر يمان اكوله تعال
رزان بعصبيه/ لا
حنين/ شنو لا عفيه خلي يجي والله اني استحي وحدي
رزان/ عود متستحين من يمان؟
حنين/ بلي بس مو هيج
ساره/ حبيبتي ماكو داعي تخابرين يمان نحنا دنتشاقه وياج ورزان هيج سوالفها مو صحيح بزوونه
رزان/ اممم صح صح
عشق بهمس/ اكوول ابو السوس مو ناوي تسولفلنا على حبيب الكلب
ساره بهمس/ مو كلنا لليل
عشق/ لااااا راح ارجع انام بالبيت يمعوده هذا انور جارح ايده واخاف ميكدر ياكل او شي اساعده
ساره/ اوووي عيني وهيج تخافين على انور قبل شويه جان بارد مستفز
عشق/ ههه اي صح هو بارد مستفز بس يبقه حبيبي
ساره/ ياعيني يا عيني راح احسدكم
عشق/ ههههه خرب يلا عاد سروشه سولفي والله كتلني الفضول
ساره/ كرصي الدوده مالتج وكعدي
رزان/ اكول حنين
حنين/ كولي
رزان/ هاي انتي نفسها يلي جان يمان يكضي الليل كله غزل وياها؟
ساره بهمس/ خرب رزان ليش هيج يمان بحياته ممخابر وحده اصلا الليل كله نايم
رزان بهمس/ششش انتي سكتي ولا بلعتها لهاي حنينو
ساره/ احم كافي
حنين بغيره وخجل/ ها ما ادري ليش هو يخابر الليل كله؟
رزان/ يووو لتكولين يخابر كولي يسولف كولي يتغزل كولي ينام على صوتها
حنين/ صدك؟ متعرفين اسمها؟
رزان/ اممممم اعتقد جان اسمها جنه وهيه جانت حلوه كلش تشبه الجنه
عشق
جانت الغيره وقلة الحيله واضحه بعيون حنين ف اخذت الفون وكعدت شويه بعيد عنا...
حنين
اتصلت بيمان..
يمان/ نعم منو وياي؟
حنين/ اني حنين
يمان / حتى رقمي عندج شكد جامعه معلومات عني ولج الاستخبارات مو مثلج
حنين/ احم يمان هذا مو موضوعنا
يمان/ شتريدين فضيني
حنين/ شسمه عفيه تعال اخذني ما اريد ابقه هنانه جنت ويه امك عمه رشا ليش جبتني
يمان بعصبيه وهمس/ امي اخذتها تشوف شهم يلي تصاوب بسببج شلون اخليج بالبيت وحدج ما اضمن تجيبين العصابه مالتج وتبوكين البيت ع الاقل هناك كدام البنات متسوين شي
حنين / عفيه ليش ماخذ عني هيج نضره والله اني مو هيج
يمان/ حنين شتريدين فضيني مو مال سوالف
حنين/ ما اريد ابقه هنانه
يمان/ اي اوامر ثانيه؟
حنين/ مدا أامرك دا اطلب منك يمان
يمان/ مو ما اريد اغلط واسب ليششش تجبريني
حنين/ هسه اني شسويييت
يمان/ روحي هسه من يصير بيدي مجال اجي اخذج
حنين/ لتطول عفيه
يمان/ اللهم طولج يا رووووح مع السلامه
حنين/ الله وياك
سد الخط يمان باوعت عليهم كلهم يباوعولي وكأنه اني كائن فضائي تمددت ع الجربايه وهمه كلهم جانو كاعدين بالارض وغمضت عيوني اريد اختفي من كدامهم  جنت تعبانه كلشش وما حسيت على روحي شلون نمت...
عشق
راحت حنين خابرت يمان ما سمعناها شحجت ويا جانت بعيده عننا وبعدين تجت تمددت ع الجربايه ونامت...
واحنا طلعنا بهدوء من الغرفه نزلنا جوه تأكدنا الباب مقفول حتى لا يجي احد...
وكعدت ساره واني راسي بحضنها جانت تلعب بشعري وتسولف وكدامي متمدده رغد وزران متربعه ويمها كاعده سجى...
عشق/ يله ابدي سولفي قصة حبج العظيمه
ساره/ تصنفين حضرتج؟
رغد/ معلييج منها ولج سولفي
ساره/ امممم من وين ابديي
رزان / من اول لحضه من اللقاء الاول النضره الاولى و..
ساره/ تره دا اسولف على حبيبي مو على شهم واول مره التقيتي بي
رزان/ هههه عابتلج احجي
ساره/اممم جنت كاعده مثل كل يوم بالمستشفى وفجأه اجتي سيارة اسعاف بيها ولد شاب اني انخبصت بي لانه جروحه جانت كلش عميقه دخلت للعمليه شويه وسمعت صوت صياح قوي كلت للدكتوره يلي وياي تكمل واني ثواني وارجعلها
رغد/ وبعدين؟
ساره/ وبعدين طلعت صار بوجهي ولد شاب كلشش يشبه الولد يلي سويتله العمليه وجان ديصيح ويه الممرضات والكل يريد يشوف اخو
سجى/ ياا خطيه وبعدين
ساره/ اني طلعت الممرضه كلتله هاي الدكتوره اسالها اني وكف كدامه باوع لملابسي يلي بيها دم اخو ورفهع عينه بعيني عيونه الجانت مليانه خوف خلاها بعيوني وكال...
_ اخويه عايش مو؟
ساره/ عايش صدكني وهو بخير
_ دكتوره لتجذبين
ساره/ ما الي غايه حتى اجذب نهائياً وهسه كل يلي اتمنى منك تهده بس خليني اكمل عمليته حتى تشوفه
_ تمام شكراً
ساره/ تكدر تروح تملي استمارة المعلومات؟
_ رايح
رزان/ شششكد مستفز وتالي شصار
ساره/ الصار كملت العمليه ورحت بدلت ملابسي وكعدت بالعياده انتضره يجيب استمارة المعلومات وصدك 10 دقائق واندك الباب كتله تفضل كعد كدامي...
ساره/ اني دكتوره ساره المشرفه عن حالة اخوك
_ واني خالد ضابط استخبارات
ساره/ تشرفنا
خالد/ الي الشرف دكتوره شنو وضع ماهر اخوثه
ساره/ حالياً وضه ممستقر هو بالعنايه المشدده بس تمو 48 ساعه ونشوف وضعه لانه الحادث يلي تعرضله مو قليل
خالد/ الف مره كايله لتسوق سريع متهور كلشش متهور من رخصتج دكتوره
ساره/ اخذ راحتك
ساره/ طلع هو واني ارتاحيت شويه وطلعت رحت لغرفة ماهر اتأكد كلشي تمام جان واكف خالد يم الباب وحده تركته ودخلت للغرفه طلعت على صوت صياح...
نور بصياح وهيه تبجي/ كله بسببك خالد كله بسببك صار هيج ويه ماهر
خالد بهمس وعصبيه/ نور اقسم بالله اذا ما نصيتي صوتج وانلصمتي هسه ادفنج هنانه بنص المستشفى بالمكان يلي انتي واكف بي ادفنج
نور وهيه تبجي/ يلي جوه اخويه اخويه تفهم شنو يعني اخويه
خالد/ مثل ما هو اخوج هو اخويه كافي نور
نور/خالد كله بسببك الف مره كتلك لتقفل الموبايل مالتك لا تقفله لااااااا تقفله بس انت اخخ منك اخخخ
خالد/ كلمه ثانيه اطردج كدام الكل كافي عاد
ساره/ عفواً بس اصواتكم ميصير هيج
نور بخوف/ انتي الدكتوره شلونه اخويه شلونه فدوه احجي
ساره/ حاليا زين لحد الان هو زين كافي فدوه لعيونج تعالي كعدي هنانه وارتاحي
خالد/ لا
ساره/ شنو لا
خالد/ راح تروح للبيت
نور/ ما اروح الا اعرف اخويه شلونه
ساره/ عادي تبقه تره
خالد/ خليها تبقه لعد اني يلي راح اروح دكتوره عادي احجي وياج على انفراد ثواني
ساره/ اي تفضل
رحنا للعياده مالتي اني ويا..
خالد/ دكتوره اني لازم اروح مضطر لانه عندي شغل ضروري والا مجان تركت اخويه هذا رقمي اي شي جديد يصير اتصلي بيه
ساره/ تمام
خال/ وديري بالج على نور اختي تره هيه كلش حبابه بس مصدومه علمود ماهو لانه هيه كلش متعلقه بي
ساره/ بعيوني
خالد/ شكرآ
ساره/عفواً هذا واجبي
عشق/ يمعود اخوك ديموت يا شغل همزين شهم مو هيج ايي وبعدين شصار
ساره / موت يومين والولد مختفي واخو صحه وطلبه ف اني خابرته...
ساره/ مرحبا اني الدكتوره ساره
خالد بهدوء/ ادري بيج ساره جنت منتضرج تخابرين
رزان/ يمه يمه يمه ههههه صدك والله
عشق/والله وطلع مو سهل خلودي
سجى/ ههههه صدمه
رغد/ يمممممه شيطان تالي شكلتي؟
ساره/ توترت كلش يمكن صخنت من التوتر وكتله..
ساره/ احم ها ليش منتضر اتصالي
خالد/ ضل بالي يمج ردت اسمع صوتج
ساره/ احم استاذ خالد اخوك صحه وطلب يشوفك
خالد/ اممم اليوم اجي اطلعه
ساره/ تطلعه؟ ممنوع يحتاج بعد راحه
خالد/ اجي ويصير خير من رخصتج عندي شغل
ساره/ تمام اخذ راحتك
ساره/ سديت الخط واجه و..
حنين/ بنات يمان خابرني وهو جاي هسه
رزان/ خرررب احتركت سمان على هاي البلوه يلي جبتلنا اياها
حنين/ ليش تحجين هيج تره والله اني احبكم
رزان/ زين زين حبيني براحتج
سجى
جانو ديحجون وخابرني اسد ابتعدت عنهم وحجينا شويه وسالني اذا متونسه بعدين فكرت احجي ويا علمود السفر والطفل احسن مما وجهاً لوجهه حتى لا ابجي وفعلا جان جوابه... ارسلان جاف
اسد/ صدك؟ ههه مخبل اني اسفرج واسافر؟
سجى/ هلشي مو ونسه اني اريدك تصير اب
اسد/ كتلج هذا الموضوع ميفتح بعد
سجى/ اسد انت راح تسفرني وتعالجني او..
اسد/ او شنو ست سجى او شنو؟
سجى/ تطلكني وتشوف حياتك
اسد/ سجى اني اريدج ما اريد طفل وخلينا نكون واقعيين وما نجذب على بعض انتي رايده الطفل علمودج مو علمودي
سجى/علمودنا اني وياك اسد
اسد/ روحي كعدي ويه البنات ويصير خير من ترجعين للبيت نحجي بهاي الامور
سجى/ اوكِ
اسد
فكرت بكلام سجى هواي بعدين رحت بحثت على النت طلعت دكتوره زينه حجيت وياها واتفقنا علمود علمود سجى..
بعدين خابرت صديقي يحجزلنا البطاقات علمود السفر وكملت كل الشغل وكلشي صار تمام بعد اسبوعين نسافر اني وسجى..
رحت لاهلي علمود احجيلهم وهمه ساندوني ووكفو وياي وهلشي خلاني ارتاح كلش...
سجى
رحت كعدت ويه البنات ضايجه كلش من اسد...
ساره كالت بالليل تكمل لانه تعبت وحنين راحت ويه يمان...
يمان وهو يسوق/ ايي ست حنين سولفيلي
حنين/ شسولف
يمان/ انتي شنو قصتج
حنين/ما اتوقع انت راح تحب تسمع قصتي
يمان / حبيت او لا اني مجبور اسمعها
حنين/ ليش دتسوي هيج وياي يمان بشنو اذيتك اني؟
يمان/ بشنو اذيتيني؟ صدك تحجين حنين؟ شنو هو الشي الزين يلي سويتي؟اصلا من دخلتي لحياتي كلبتيها كلها
حنين/ بس اني احبك
يمان/ حبج اذاني كلش حنين وبعدين اني احب غيرج وبأقرب فرصه راح اطلكج
حنين وهيه تبجي/ تحب يلي جنت تسهر الليالي وياها غزل وحب
يمان/ اي احبها
حنين/ يمان لتسوي هيج وياي
يمان/ شنو هو يلي ما اسوي لج حنين اول مره اشوف بنيه تذب روحها ع الولد وبعدين اول مره اشوف ولد عم يزوجون بنت عمهم هيج بالخطف والجبر ادري انتي ما عندج اهل ام اب اخوه يربوج
حنين/ ربوني قبل ميموتون
يمان بأستغراب/ شنو؟
حنين وهيه تبجي/ يمان انت لازم تعرف قصتي قبل متسوي شي قبل ما تأذيني وتحكم عليه غلط انت لازم تعرف اني شنو وليش صار هيج واذخلتك بحياتي
يمان/ وصلنا اول متنزلين صعدي لغرفتني انتضريني بس احجي ويه اهلي واجيج واعرف انتي منو وشنو
حنين/ تمام راح انتضرك لتتأخر
شهم
شهم/ رزان حبيبي وينج اجيت
تقدمت خطوه وشفتها كدامي واكعه بالارض اجيت عليها ركض واني احاول اصحيها شلتها واخذتها للمستشفى....
فزيت من الحلم على وجع برجلي قوي اخخ خرب شسالفه لازم ارجع للبيت بأقرب وكت خايف على رزان كلش كلبي ممرتاح...
يتبع...