الدكتوره سليل والشيخ

البارتات٨___٩___١٠

#دكتوره_سليل_والشيخ

البارتات8___9___10الجزء الثاني
.
‏السلام عليكَ يا من تواسي الجميع في مأساتهم وتعجز عن مواساة نفسك ، يامن تحدث أصدقائك عن الأمل وأنت غارق في عمق البؤس ، يا من تُطمئن الجميع وقلبك يرتجف ، يا من تنثر الحب كالورد وأنت تعانق الوحدة ، السلام عليك وعلى قلبك !
.
سجى بخوف/ اسد بس اسمعني
اسد/ يعني انتي مو؟
سجى وهيه تبجي/كتلك اسد كتلك خلصني كتلك تزوجني وخلصني من ضيم امي كتلك اسد لك امي هددتني لو تطردني من البيت لو اسوي هيج
اسد بصياح/ ليشش ما كلتيلي امج هييج رادت ليشش
اسد
انتبهت الكل ديباوع علينا لزمتها من ايدها وجريتها كعدنا بالسياره...
سجى وهيه تبجي/ اسد راح تعوفني مو؟
اسد/ لا اتزوج وحده جانت نايمه تحت نفس السقف ويه ابن عمي ووحدهم ولابسه من ملابسه همات
سجى وهيه تبجي/ اسد لتسوي هيييج
اسد بعصبيه/ شتريدين اسوي تشتريدييين اسسسوي
سجى بصياح/ ما اريد ماريد  شييي راح اروح اذب روحي جوه السيارات وخليني امووت اني عله عليكم انييي ولا واحد بيكم يحبني اني الكب ينبذني اني منبوذه لا امي حبتني ولا ابويه الله يرحمه جنت حقيره وانانيه وخربت حياة شهم وجنت انانيه وجلبه ونذله من خنتك خليني اموت خلي العالم ترتاح مني كافيي
اسد
فتحت باب السياره نزلت وركضت بالشارع ركضت وراها لزمتها وهيه تدفع بيه وتبجي جريتها على شارع جان فارغ ما بي اي شخص حضنتها حيل وهيه تدفعني وتبجي لحد ما هدت حضتني وبجت اكثر...
سجى وهيه تبجي/ اتركني اسد اتركني خليني اموت الله يوفقك عوفني
اسد/ لج سجى انتي حب عمري مو يوم ويومين اعرفج سجاوي صارلي 7 سنين اعرفج واعرف انتي شنو
ابتعدت مني باوعتلي وكالت...
سجى/ لعد ليش متتزوجني؟
اسد/ شلون راح اكوللهم اريد اتزوجج وانتي دازه صورج الهم
سجى/ ما معقوله كلهم حفظو شكلي
اسد/ ما اكدر اتخيلج مرتي وانتي جنتي ويه شهم
سجى/ والله جان محترم ما رفع راسه ولا باوعلي
اسد / امدحي بعد
سجى بحزن/ اسفه
اسد/ اووفف سجى اوف شسويتي بيه
سجى/ اسد اذا انت ما واثق بيه لتتزوجني مستحيل تكون علاقتنا ناحجه اذا انبنت على عدم الثقه والشك
اسد/سجى انتي تثقين بيه؟
سجى/ كلش
اسد/ انطيني مجال اسبوع اسبوع بس وبعدها اجي اخطبج
سجى/ اسد مصدك اكو شي بيني وبين شهم
اسد/ سجى حبيبتي رجعي ع البيت لتفكرين هواي
سجى/ اسد..
اسد بحده / سجى رجعي ع البيت فضينيي عندي شغل
بعد يومين...
عشق
كاعده ويه اهلي وشهم يباوعلي بنضرات وكأنه ديتفحص ردة فعلي...
شهم/ بويه اني سالت على هذا الولد انور يلي اجه وخطب عشق
باوع سجاد على شهم بتركيز..
سجاد/ اي شهم احجي
شهم/ الولد كلش زين المطنطقه والجامعه والسوك الكل مدح بأخلاقه هو طالب ويه عشق وبنفس قسمها و قاعتها هم
سجاد وهو يباوع لعشق يلي توترت فجأه..
سجاد/ اي كمل
شهم/ وو هو يشتغل بالشركه مال ابو شركة تجارة سيارات او هيج شي
سجاد/ يعني زين من كل النواحي
شهم/ بالضبط بسس اكو شي واحد يمكن انت مترضه بي
سجاد/ شنو هو؟
شهم/ انور سني  ارسلان جاف
سليل/ وشنو يعني ما اعتقد سجاد يفكر بهيج امور اعني اضن الاولويه سعادة عشق الا شنو رأيك سجاد؟
سجاد/ سليل امشي للغرفه اريد احجي وياج بموضوع شهم انتضرني راجعلك
عشق
راحو امي وابويه باوعلي شهم وكال...
شهم/ شوشه
عشق/ ها
شهم/ تحبي؟
عشق بصدمه/ عزا منو؟
شهم/ العزاج منو يعني؟ شوفي شوشه اذا تحبي راح اوكف وياج واخلي ياخذج غصباً عن الكل بسسس اذا متحبي
عشق/ ايي؟ اذا ما احبه ؟
شهم/ اها يعني انتي متحبي خليني اخابر اهله وارفض
عشق بعفويه/ لالالا مو هيج شهوومي
شهم بأستفزاز/ تحبي؟
عشق بخجل/ لا مو هيج مو احبه يعني بس هاي شسمه يعني اذا بابا وافق ما بيها شي اني اعرفه هذا ولد كلش محترم
شهم/ تعرفين شوشه لو ما سال علي وعرفت مابينكم شي لا بالجامعه ولا بالفون جان سويتها سدوه براسج بس تربات سجاد كفوو منج يالذيبه حافضتي على روحج وعلى سمعتج
عشق
فرحت كلش من كلام شهم ابتسمت واني اباوعله يحجي واجوي اهلي...
سجاد/ شهم كللهم ماكو نصيب
شهم/ لا بويه مو هيج الحجي اكو نصوب ونص همين
سجاد بأستغراب/ شنو يعني؟
شهم / اكوول دكتور سجاد انت شكد تعاركت وتأذيت ونسحرت بس علمود الاميره سليل
سليل / لك شهم تأدب شلون تحجي هيج ويه ابوك؟
شهم/ سلوله اغاتي اصبري اني جاي ادور راحة بنتج
سجاد/ هههه احجي احجي لشوف شكو براسك
شهم/ يلي براسي عشق تتزوج انور وهم نقضي ع الطائفيه وهم
سجاد/ هم شنو؟
شهم/ وهم بنتك تتزوج الشخص يلي تحبه لو شنو رأيج شوشه
عشق
فتحت عيوني بصدمه من كلام شهم عزا عزا هذا شديخربط يمممه...
باوعت عليهم ديباوعولي يبووو ركض صعدت لغرفتي واني اسمع صوت ضحكهم....
رغد
اسد هاي يومين مدري شبي طول الوكت صافن وبغير عالم طلع من الصبح مدري وين راح وامي وابويه راحو ع العيادات مالتهم...
جان المفروض اروح للجامعه بسس تعبانه كلش البارحه داومت واخذت اجازه لليوم...
كاعده وحدي وراسلتني عشق...
عشق/ انتي بالبيت لو داومتي؟
رغد/ بالبيت ليش شكو
عشق/ سلامتج
رغد
غلست عليها هاي طباكات من يوم الخطبها انور وهيه متخبله فرحانه ومصدومه وعدها خليط مشاعر...
كعدت بالحديقه صفنت الوردات مالتي كبرو ابتسمت واني اباوعلهم وتذكرت ياسر...
ما طلع من بالي هاي الايام كلها انقطع تواصنا و جنت منتضره خبر خطوبته...
اندك الباب خليت شال على راسي وصحت/ منوو
شهم/ اني فتحي الباب
رغد
فتحت الباب دخل شهم وعشق وراهم جان ياسر فتحت عيوني بصدمه واني اباوعلهم وياسر شجابه وياهم عزاا وعمه نهر همات...
رغد/ احم تفضلو تفضلو
نهر/ لا نعكد بالحديقه احسن
رغد/براحتج عمه راج اجيبلكم شي تشربو
نهر/ تعالي رغوده كعدي يمي هسه عشق تسويلنا شي نشربه
عشق/ لا هسه شهم يروح
شهم/ تكومين لو اكسر سنونج؟
عشق بأنزعاج/ كمت كمت
رغد
كعدت يمها باست راسي وكالت..
نهر/ اجيت اعتذر منج و...
رغد بصدمه/ لا عمه ميصير تحجين هيج العفو منج والله اني اعتذر بس ميصير انتي تعتذرين
نهر بأبتسامه/ الله يطوللكم بعمر حسن ومياس والنعم ما ربو والله
نهر/ رغوده اليوم اجينا اني وياسر حتى نفتح صفحه جديده وياج ونبدي من الجديد والحجي بيني وبينج اني عجبتيني واريدج جنه الي
رغد بابتسامه /فدوه لكلبج عمه خلص يلي تريدي يصير نفتح صفحه جديده نفتح صفحه جديده اني وياج بسس ياسر راح يتعب هواي لانه يا عمه تدرين اني طالعه جديد من علاقة حب فاشله ف لازم كلبي فتره تمر يله يرجع يحب مره ثانيه مو صحيح؟
نهر/عاد هاي حقج بيها وهو اذا يحبج راح يضل يحاول الا يكسب كلبج
عشق/ رغيدان تعالي ولج مدا اعرف اسوي شيي
رغد/ من رخصتج خاله
رحت للمطبخ
رغد/ هاي صدك تحجين هياتج مسويه الجاي وصافه الاستكاين
عشق/ يسوو
رغد بأستغراب/ شنو؟
ياسر/ دتحاول تكولج ياسر يلي رادج مو اني
التفتت على مصدر الصوت باوعت ياسر واكف وعشق اشرتلي باي 👋🏻 وطلعت من المطبخ...
رغد/ شتريد
ياسر بحب/اريدج
رغد بأستهزاء/ صدك
ياسر/ انجبي
رغد/ احترم
ياسر / احبج
رغد/ تأدب
ياسر/ تعالي نتزوج
شهكت بصدمه رغد/ عزاا
ياسر/ سويتيني بلا احترام وبلا ادب واخر شي عزيتيني
رغد وهيه تحاول تخفي ابتسامتها/ يسوو امشي اطلع بره لحد يجي
ياسر/ حبيبي ع الاقل ساليني شلون كدرت اجيب امي واجي
رغد بحماس/ صدك شلون
ياسر/ رحت على جدي وحجيت ويا وكتله اني ميهمني اذا امي تتبره مني لانه راح اخذ رغد واعيش خارج العراق ف هو تدرين بي ابو فليس حسبها وكال يعني نهر ترجع تعيش يمي ف كتله طبعا لانه البيت يلي كاعدين بي من فلوسي واني راح ابيعه ف هو كال روح تزوج يلي تريدها ما الي علاقه
رغد بفرح/ اييي فدوه وبعدين
ياسر/ وبعدين يا رغودتي من طلعنا منهم امي كالت يله ابني كدامي على بيت چنتي
رغد بخجل/ امم هيج الحجي يعني
ياسر/ اي حبي شوكت
رغد/ شوكت شنو
ياسر/ اخطبج
رغد/ انت مو كلت لو يصبوج ذهب ما اقبل بيج شنو اني ما عندي كرامه حتى اتزوجك
ياسر/ وانتي هم كلتي لو تبقى اخر رجال بالدنيا ما اقبل بيك
رغد/ يعني؟
ياسر/ لا انتي صبوج ذهب ولا اني بقيت اخر رجال بعد اكو كومه يعني كلامنا جان بلحضة عصبيه
رغد/ عمه نهر راح تحس علينا يله روح روح
ياسر/ ششكد جبانه
عشق/يسوو
ياسر/ احتركتي عشعوشه
عشق/ مو صوجك صوج الجاي يكولك امك اجت
رغد بخوف/ صدك؟
عشق/ ههه لا حبيبي
شهم
هسه ارتاحيت ياسر برد كلبه وباجر راح يخطب رغد من اهلها وعمه نهر واخيراً صف القدر وياها كل يلي صار بسبب خوفها من ابوها لو جان عدها شويه شجاعه مجان صار هيج بياسر والفطيره يلي بس تبجي رغد...
وعشق بنيتي مو اختي هسه تطمنت عليها ادري انور خوش رجال محترم...
بس هسه اجه دوري اوووف رزان اوف...
كاعد بغرفتي وصافن دكت الباب عشق ودخلت كعدت يمي...
عشق/ شهوومي
شهم/ ها
عشق/ تعال اني اريد اسولف وياك
شهم/ يين اجي
عشق/اووف شهم اصبر اريد احجي عل رزان
عدل شهم كعدته باوعلي بحماس وكال..
شهم/ شبيها
عشق/ تحبها؟
شهم/ معليج
عشق/ ابو المعليج اذا تحبها روحلها تره اليوم اجوها خطابه وحسب ما فهمت هيه مبدئيا موافقه
شهم بصدمه وعصبيه/ منو هذا ليش اجاها من وين يعرفها
عشق وهيه تباوع لاضافرها بغرور/ شمدريني
شهم بعصبيه/ نزلي ايدج وباوعيلي هيه موافقه؟
نزلت ايدي وكتله/ حسب ما فهمت هيه مبدئياً موافقه بسس
شهم/ بس شنو
عشق/ اتوقع هذا من الجامعه جاييها
شهم/ اذا اريد منج خدمه تسويلي؟
عشق/ اذا مو اني اسويلك منو يسوي؟
شهم/ عفيه شوشه اسمعي الخطه مالتي هيه
....
عشق
بديت بتنفيذ خطة شهم وخابرت البنات يجون يمي كتلهم اني مشتاقتلكم وراح اسافر وهمه ماكالو شي..
ساره رغد رزان...
كعدنا بغرفتي وضلينا نسولف...
عشق/ ولكم اشتريتلي فستان يمووووت
رغد/ صدك وينه شوفينا ايا
عشق / راح انزل اسوي عصير رظان فدوه روحي جيبي خليته ع الجربايه بغرفة شهم
رزان/ لعد شهم وين؟
عشق/ راح رجع لبغداد
رزان/ اها يله هسه اجيبه
عشق
دزيت رساله لشهم انهُ رزان راح تروح ونزلت جوه اسوي عصير وهم خاف احد يجي انتبهله...
رزان
رحت لغرفة شهم فتحت الباب باوعت الفستان ع الجربايه لزمته والتفتت حتى اطلع شفت شهم مجتف ايدي  وساد الباب ومنتجي علي...
شهم/ نورتي غرفتج المستقبليه
رزان وهيه تشهك بصدنه/ عزا بعينك شهم شلون تسوي هيج
شهم/ شسويت؟
رزان/ شلون تبقيني بالغرفه وياك وحدنا عزا راح يغمى عليه
شهم/ ههههه مو اكوول اني احب فطاريتج
رزان بخجل/ يله شهم افتح الباب خليني اروح
حجه وهو يتقرب عليه...
شهم/ مو قبل ما اخذ منج كلمه
رزان/ اول شي اثبت مكانك ثاني شي كلمه على شنو
شهم/ وكفت اوعديني متتزوجين غيري
رزان/ ما اوعدك
شهم/ يعني انتي متريدني اتزوجج
رزان/ لا روح تزوج هاي البنيه يلي جانت وياك بالصوره وخر انطيني مجال خلي اروح
دفعته حتى اطلع لزم معصم ايدي وكال...
شهم/ تغارين؟
رزان/ لا وخر شهم شبيك دتأذيني !
رزان
انفتح الباب ومحسيت الا يمان واكف فوك راسنا باوعلي بصدمه ورجع باوع ل ايد شهم يلي لازمتني...
شهم اول مشاف نضراته ترك ايدي وابتعد مسافه...
يمان بهدوء/ رزان طلعي وسدي الباب وراج وانت يا ابن خالي...
يتبع.....
البارت 9جزء الثاني
.
فلنكن معاً رغم بؤس الأيام وعناء الطريق، رغم الظروف التي تمنعني أن أسير معك كما أرغب .. فلنكن معاً لأنّ العالم فيه من القسـوة ما يكفي، ولأنّك أحن ما رغبتُ به أن يبقى إلى أمدٍ بعيد، فلتكن معي وبجواري فحسب، لا أريد شيئاً آخر غير هذا !
.
رزان
طلعت من الغرفه وسديت الباب شفت عشق واكفه وبملامحها الخوف مثلي...
نزانا اني وياها كعدنا بالبمطبخ ووحدنا صافنه بوجه الثانيه منتضرين يمان يطلع من غرفة شهم...
رزان بخوف/ راح يتعاركون
عشق/ ما ادري اتوقع شهم راح يفهم يمان الموضوع
رزان/ الف مره محذرني ما اكعد ويه الولد وحدي واني اضل ما اسمع كلمته اخر مره شافني واكفه ويه اسد سواها سوده مصخمه براسي
يمان/ اي يا ابن خالي سولف
شهم/ شسولف
يمان/ شعندك ويه رزان
شهم/ ماعندي شي
يمان/ حلووو
شهم
ما حسيت الا يمان ضربني بوكس بوجهي خشمي وشفتي طلع منهم دم مسحت شفتي وعدلت وكفتي..
شهم/ اهده
يمان بعصبيه وهو يضرب شهم/ليش ليششش هيج تسوي ب يلي يامن بيك لك هاي اختي تعرف شنو اختي تعرف شنوووو معنى هاي رزان هاي اكثر وحده فطيره وتوكع بسرعه لك هاي اذا احد ابتسملها تبجي اخاف عليها من ضلها وانت تكووول ماعندي شي وياها شجانت دتسوووي بغرفتك وليش جنت لازم ايدهاا ششششهم مو هييج موو اختيي
شهم
جان متهستر ويضربني بكل قوته... اني جنت اكدر اردله الضربه بأقوى بسس اني بقيت بس اصد ضرباته ادري هسه هو متعصب لانه موقفي ويه رزان جان كلشش مو حلو وحقه هيج يتعصب اني اول معرفت عشق يلي خطبها من نفس جامعتها بس مجرد شكيت بيها صعد الدم لراسي مو هلنوبه هو يشوفني يمها....
شهم بصياح/ كافيي عاد يمان شتريد اسوي؟
يمان/ تبتعد عنها فاهم تبتعد عنها لانه انت مو كفو تصيير زوجها فهمممت
شهم بحده/يمان احجي عدل واعرف ويه منو دتحجي
يمان/لو تموت شهم لووو تموت رزان متصير الك
شهم/ يمان !
شهم ابن الحجيه
ضرب يمان الباب بقوه وطلع من الغرفه كعدت ع الجربايه فكرت شسوي وشلون احلها...
اول شي اجه ببالي هيه فكرة ارجع لبغداد طلعت الجنطه مالتي خليت بيها غراضي الاحتاجهم لانه اني عندي ملابس هناك .. خليت الجنطه على جفتي ونزلت شفت عشق كاعده بالمطبخ...
عشق بخوف/ شهم لتكول رايح لبغداد
شهم/ اترك الشغل واكعد؟
عشق/ اجازتك بعدلها يومين
شهم/ رزان راحت؟
عشق/ اي اخذها يمان
شهم/ اذاها؟
عشق/ لا اصلا جان هادي كلش بس كللها بدلي ملابسج دا انتضرج بالسياره بس هيه جانت خايفه كلش حتى من بدلت ضلت تبجي
شهم/ ماراح يأذيها
عشق بصدمه/ شهم خشمك ديطلع دم وشفتك مجروحه
شهم ببرود/ ادري
عشق
طلع وتركني اوف اوف اوف كليوم مصيبه جديده...
بهاي الاثناء خابرني انور جنت كلش ضايجه بس فتحتله خط كلت خاف محتاج شي...
انور/ مرحبا شلونج
عشق/ هلا انور زينه وانت؟
انور/ من حجيت وياج صرت زين عشقي شبيج صوتج معاجبني
عشق/ لا ماكو شي
انور/ متأكده؟
عشق/ انور اريد ابقه وحدي
انور/ يعني تريديني اروح؟
عشق/ ايي
انور/بس اني ماراح اروح وانتي محتاجه احد يساندج ويوكف وياج مستحيل اخليج وحدج وانتي مكسوره ومجروحه فرغي قهرج بيه تعاركي سوي يلي تريدي بس ماراح تبقين وحدج وانتي ضايجه ومكسوره اني يمج فهمتي؟ ماراح اتركج
عشق/ انور...
انور/ اعتبريني الوحده يلي راح تنهزمين الها
عشق/ ما اعرف شكولك بصراحه
انور/ جنت مخابر حتى اكولج شوكت ادز امي بس هسه اريد اعرف شنو المضوجج
عشق / ظروف
ملاك/ ويننننننه بابي
عشق/ انور بس شوي واخابرك
انور/ مو تجذبين؟
عشق/وعد اخابرك
انور/ انتضرج
عشق
سديت الخط وباوعت للبلوه الجديده يلي اجتنا...
ملاك ... طبعا ملاك طول هاي السنين ما انقطعت عننا وتجي كلفتره وهيه مثل امها 24 ساعه تحجي ويه ولد وتعمل مشاكل بحيث من تجي يمنا لازم امي وابويه يتعاركون...
عشق/ شتريديين
ملاك/ احجي بأدب اني اكبر منج
عشق/ يووو ملاك مو وكتج شكو
ملاك/ وينه بابي
عشق / بابي بالعياده هو ومامي
ملاك/ ما سالت على امج اني
عشق/ شون تفكير مال اطفال شو وخري
عشق
تركتها وصعدت للغرفه ويه رغد وساره...
ساره/ عشق ولو ما اريد اضوجج بس انتي موافقه ب انور؟
رغد/ ليش هلسؤال سارونه؟ اني وانتي ندري كلش زين عشق تحب انور
عشق/ صح ساره ليش سالتي
ساره بحزن/ عشق ادري مو من حقي احجي بس امير تره..
عشق/ لتكملين ساره لا تكملين كلامج امير انتهى بالنسبه الي جان مراهقه وراح
ساره/ بس بعده يحبج
عشق/ واني احب غيره هو مو قسمتي
ساره/ ليش تروحين للغريب؟
عشق/ لانه هذا الغريب يلي دتحجين علي احبه وهذا الغريب ما امرني اتخلى عن احلامي وهذا الغريب ما هددني وهذا الغريب ما ضحك عليه سنين هو رأسا اجه من الباب
رغد/ ساره انت تدرين بأخوج ميستاهل عشق
ساره/ ادري والله بس اني ما اريد امير يتأذه من يشوف عشق تزوجت لو شكد ميكون هو يبقه اخويه
عشق/ اخوج؟ مو شغلي هذا ساره واتمنى مينفتح هذا الموضوع مره ثانيه لانه راح تصير مو زينه بينا واني ما اريد خوتنا تتأثر بهيج امور
ساره/ تمام عشق هسه من رخصتكم ابويه اجه عليه راجعه للبيت
عشق
راحت ساره وراحت وياها رغد وصلتها للباب ورجعت باوعتلي بعتب..
عشق/شبيج
رغد/ يصير اعرف شبيج تخبلتي ع البنيه
عشق/اوف رغد
رغد/ سولفي
عشق/ يمان شهم رزان بغرفة شهم وحدهم وشهم لازم ايدها
رغد بصدمه/ عزاا وبعدين؟
عشق/ يمان تعارك ويه شهم وضربه واخذ رزان وراح رغد/ وشهم؟
عشق/ ما ادري اخذ الجنطه مالته وكال رايح لبغداد
رغد/ عزا عزا عزا
عشق/ وملاك اجتي هسه
رغد/ يووو ام المشاكل بنت امها شجابها ناقصنا مصايب
عشق/ شمدريني
رغد/ وهسه
عشق/ ما ادري وانور ديريد يجي يخطب هسه واخاف اذا اجه امير يسويلنا مصيبه واني محاجيه لانور على امير
رغد/ خرب متكوليلي حظج وين كاعد
عشق/ ربيي
رغد/ كومي خابري انور بين ما اشوف حل لسالفتج
عشق/ تتوقعين اكو حل؟
رغد/ اكو اكو
عشق
كمت خابرت انور وهو حجه وياي وسولف خفف عني ضوجتي رغم ما حجيت سبب ضوجتي كلش فرحت من حجه وياي حسيته يفهمني....
رزان
رجعت للبيت و يمان محجه وياي ولا حرف ضعدت لغرفتي واني خايفه كلش من يلي صار اباوع ايديه ترجف ثواني ودك موبايلي باوعت شهم متت خوف بس رديت بسرعه...
رزان/ شهم
شهم/رزان راح تنتضريني
رزان
نزات دموعي واني اسمع كلامه بجيت وكتله...
رزان/ انتضرك ايي
شهم/ ماراح تحبين غيري؟ ماراح تتزوجين غيري؟
رزان وهيه تبجي/ لا
شهم/لا تحسين نفسج وحيده اني دائما وياج وحتى لو مدنحجي اذكر سوالفج صورج ببالي واضحك وحتى من اصلي تجين ببالي
رزان وهيه تبجي/شهم عفيه وينك هسه
شهم/ بطريق بغداد ديري بالج على نفسج لخاطري حبيتبي
رزان/ شهم عفيه..
رزان
دا احجي ويه وما حسيت الا يمان جر الموبايل من ايدي وكله لشهم بعد لتخابر وسد الخط باوعلي بعتب واخذ الفون مالتي وطلع بدون ميحجي...