الدكتوره سليل والشيخ

البارتات الاخيرات من الجزء الاول

#دكتوره_سليل_والشيخ

البارتات28____29 والاخير من الجزء الاول

البارت 28
أعلم ان الحياة خدشت يداك بما فيه الكفايه؛ وانا هنا لأقبّلها... 🖤🥀
.
.
.
حسن / سجاد
سجاد/ هاااا
حسن/ والله ما بيها شي وين نلكه مثل تيم
تيم/ كفو والله انت ابن عم ع الراس
محمد/ اي صدك وين تلكه واحد مثل تيم
سجاد/ اي صح وين الكه واحد لاعب على بنات الكليه كلهم
تيم/ يووو سجاد مو كتلك عفت كلشي شبيك انت
سجاد/ شوف هو اني لو اريد ارفض جان كتلك انت مرفوض وفوكاها چك بوكس يعدل خلقتك بس هذا الشي مو اني الاقرره هذا الشي رشا تقرره واني لازم اول شي اسالها وبعدين اردلك خبر
تيم/ ايي هذا الحجي الزين
حسن/ بس تره اني راح اصير فاعل خير واحجيلها  على مكسراتك عسى ولعل ترفضك
تيم/ والله تيم اذا حجيت اخرب سجاد عليك علمود ذيج السالفه
محمد/ هةاا ولكم اكو سوالف اني ما اعرفها
حسن / انجب لتهدد اني اسوي يلي اريده اني اخو الشيخ سجاد اني دكتور حسن على سن ورمح
سجاد/ والله والي خلقك اذا شفتك تمشي اعوج الا اعدلك الطريق بچم كف على بوكس على..
تيم/ على چم ليله بالمستشفى ماكو داعي اني اكمل
الكل/ ههههه
سجاد
حسيت ببرود تجاه كلشي صرت احجي قليل واشتغل هوايه كل يلي اريده هو انه انسى موتت جدي بس وين اكدر الليل كله افكر بي وما اكدر انام وافكر ب سليل وشنو نهاية علاقتنا اني انطيت لهاي العلاقه 4 اشهر اما تستمر او تفشل واذا فشلت راح اتاكد انه اني خسرت سليل الطيبه بسبب افعالي الطايشه مرت شهرين وما حجيت وياها كلامنا كلش رسمي وقليل جنت اريد بهاي الشهرين ارجع واحجي وياها عسى ولعل ترجع تحبني مثل قبل بس يلي شفته من برود سليل انه هيه لحد هاي اللحضه مدتكدر تنسى الماضي واني مدري شبيه مدااحاول احس روحي صرت بارد تجاه كلشي حتى سليل وللاسف دا احس هذا البرود راح يخليني اخسر كلشي كعدت شويه ويا الشباب وبعدها طلعت للديوان رجعت للبيت متٱخر مثل كل مره سليل كاعده بس تسوي روحها نايمه شكد تحبني بس رافضه كلش انه تعترف وبهذا الوكت بالذات اني محتاجها بس مستحييل انزل من كرامتي واروح عليها واحجي وياها مره ثانيه حطيت راسي ع المخده وبديت اتذكر سوالنا وضحكنا قبل ما يسوون السحر صح جانت مجرد ايام بس جانت احلى ايام عشتها بحياتي
كعدت الصبح شفتها محضرتلي ملابسي ونازله جوه مثل كل مره بدلت واخذت الفون ومفاتيح السياره ونزلت كلهم ديحضرون حتى نطلع
سجاد/ صباح الخير
الكل/ صباح النور
ام حسن/ يمه شون نصعد بالسيارات
سجاد/ يمه حسن ورشا ومياس ويه تيم
تيم/ كفو منك يالحبيب
سجاد/ راح اجي تحط الچيله براسك من الصبح
تيم/ سكتت
سجاد/ زين وديمه ورجلها بسيارة محمد
محمد/ امير هم راح ناخذه ويانا تبقه بس ساره ويه ام شهم
سليل
لما كال محمد ام شهم ما ادري حسيت بأحساس غريب شي بداخلي كال باوعي لسجاد رفعت راسي شفته يباوع لمحمد ببرود بهاي الشرين جان سجاد كلش مو طبيعي وهذا الشي خوفني علي كلش ولهذا قررت بعد ما يرجع من الزياره ارجع احجي ويا واسولف واطلعه من الجو يلي هو بي
سجاد/ اي براحتكم بس مايضيع او شي
ديمه/ لالا الزمه كلش زين
سجاد/ هاهيه لعد وامي وبيبي وابويه وياي بسيارتي
رشا/ كملنا
سليل/ رشاوي حبيبتي خلي مياسه يمچ لانه هيه تستحي ومتعرف شي
رشا/ من عيوني ام شهم بس الشغله يلي كتلج عليها سويها وابقالج ممنونه طول عمري
مياس/ كملت
سليل/ انشالله رشاوي
ديمه/ حبيبتي سوس عينج على ساره اني مخليتلها الحليب والحفاضات بهاي الجنطه واي شي تحتاجي اتصلي عليه
سليل/رووحي ولتخافين أني يمها
سجاد/ بيبي احتمال نبات هناك ليله ونرجع اذا عندج ادويه او شي جيبيهم
الجده/ جبتهم بس اذا نمنا هناك غزاله شون تضل وحدها بالبيت
سليل/ بيبي عادي متعوده يله روحو تأخر الوكت
سليل
طلعو الكل وسجاد ضل واكف واني بيدي ساره اجه تقدم عليه وكف كدامي ما رفعت راسي وباوعتله ضليت منزلته مسويه روحي دا العب ساره كال
سجاد/ سليل
سليل/ نعم
سجاد/ رفعي راسج
رفعت راسي
سجاد/ ديري بالج على نفسج ولتفتحين الباب لاي احد
سليل/ حاضر
سجاد/ راح اروح اطلبج من الأئمه راح اكللهم اريد بس مرتي ترجع مثل قبل تحبني وتسمعني
سليل بتوتر/ تروح وترجع بالسلامه ان شاء الله
سجاد/ اييه اييه يله اودعناكم
سليل/ الله وياك
سليل
وطلع سجاد باوعت على ساره نايمه مثل الملاك خليتها ع الجربايه وبديت انضف البيت كله سويته يلمع حتى نسيت اكل باوعت للساعه صارت 12 شفت ساره بدت تكعد سويت الها الحليب وكعدت اشربها وطلعت بيتزا مجمده خليتها بالفرن شغلت التلفزيون وكعدت اتفرج والعب ساره وهيه ميته ضحك يمه فدوه اعشقها لهاي الطفله شويه ورجعت نامت ساره اني هم تعبت من وجه الصبح كاعده غفيت يمها
سجاد
طلعنا من البيت واني تفيكري كله يم سليل بس اريد ارجع وصلنا لهناك متاخر وزرنا وكملنا طبعا مثل ما توقعت اضطرينا نبات هناك لانه اجت موجة مطر قويه باوعت الساعه 8 المغرب ذبيتهم بالفندق وكتلهم راح ارجع للبصره ما اكدر اخلي سليل وحدها بعد ما رجعت من الزياره احس شي بداخلي جان ميت ورجع عاش احس حب سليل تجدد بداخلي صرت مشتاقلها بس اريد اشوف عيونها طلعت لهناك كوه وصلت الساعه 12 بالليل جان صوت برق بس ماكو مطر مشيت على مهلي وفتحت الباب و..
سليل
كعدت على صوت ساره دتبجي شلتها وبدلتلها ملابسها وكعدت العبها بعدها نامت مليت كلش شسوي رحت جبت مكياج وكعدت اتمكيج وسويت شعري ورتبته وخليته على طوله بعدين رحت سويت كيكه وشوية حلويات وكعدت گليت بتيته صارت الساعه 9 اكلت وغسلت الصحون وكعدت العب ويه ساره لل 11 نامت ضليت كاعده اتفرج ع التلفزيون بس صارت 11 ونص طفه الكهرب وصار صوت الصواعق قوي اني متت من الخوف منّا كاعده وحدي بالبيت منّا ضلام ومنّا ساره كل شويه اباوع للبواب وللشبابيك اخاف يطفرلنا حرامي هسه اني شورطت نفسي وبقيت هنانه الله يصخم وجهج سليل ضليت لل12 وسمعت صوت مفتاتيح والباب دينفتح باوعت للساعه مستحيل يجون بهذا الوكت هذا اكيد حرامي خليت ساره ع الطخم بالهول ورحت ركض للمطبخ جبت طاوه وسجين كلت اذا حوامي رأسا اضربه ووكفت وره الباب حتى من يفتحه ما يشوفني و...
سجاد
وشفت الكهرباء منطفيه مو بس ببيتنا بكل البيوت معناها صار عطل بالمولد علكت الضوه مال فون مالتي  وشفت خيال مشى بسرعه خفت كلش كلت خاف هذا حرامي وسليل نايمه ومحست فتت للبيت بهدوء وحسيت حركه ورايه وكأنه راح انضرب بأي لحضه التفتت بسرعه وشفت سليل لازمه بأيد طاوه وبأيد الخ سجين وجايه دتضربني بسرعه لزمت ايدها اثنينهم حتى لتضرب رفعت راسها وباوعتلي بصدمه رأساً ذبت البيدها وحضنتني قوي...
سليل
انعلك ضوه وانفتح الباب مشفت وجه يلي فات بس ظهره وتقدمت علي ببطئ حتى اضربه التفت بسرعه ولزم ايديه باوعت علي بصدمه الفون مالته وكع بلكاع بس من لمعة عيونه عرفته سجاد ضليت صافنه بي وهو لازم ايده ذبيت الغراض من ايدي بسرعه وحضنته حسيته اجه امان لهنانه شويه وسمعت صوت ساره دتبجي عفته ورحتلها بدون ما اباوعله رجع شال الفون مالته وعلك الضوه واجه كعد بصفي
سليل/ليش ماكو كهرباء
سجاد/ هو منو لازم يسال منو
سليل/ شمدريني قبل شويه طفت
سجاد/ وليش البيت سندس ضلام معالكه بي ضوه
سليل/ الفون مالتي فوك بغرفتي وخفت اصعد اجيبه
سجاد/ ومن شنو خفتي بله
سليل/ استغفرالله العظيم واتوب اليه
سجاد/ ههه شبيج
سليل
استغربته جاي كاعد يمي ويحجي وياي ويضحك اخر فتره سجاد جان مجرد جثه ويانا
سجاد/ الوو وين صفنتي
سليل/ ها وياك وياك
سجاد/ لحضه خلي اخابر ابو المولد اشوف شكو
سليل/ جوعان اسويلك شي تاكله
سجاد/ والله اني اي جوعان بس شتسوين بهاي الضلمه اكعدي ماحاجه
سليل/ اممم تاكل كيك مسويته العصر
سجاد/ اي جيبي ليش لا واني راح اخابر
سليل/ تمام وخلي عينك على ساره
سجاد/ بعيني
سليل
رحت للمطبخ صار زمان ما حاجيه ويه سجاد وهسه من احجي ويا احس كلبي راح يطلع من مكانه عبالك هاي اول مره احجي ويا رحت جبت الكيك وسچين وسويت حليب ل ساره واخذتهم بيدي واني لازم الجداحه مال سجاد لانه بيها ضوه رحت وكعد يمه وهو بحضنه ساره
سليل/ شصار ويه الكهرباء
سجاد/عطل عام ماكو لباجر الظهر
سليل/ شون حظ يله همزين تجيت جان اليوم ما كدرت انام
سجاد/ لا عاد جان شوفتينا بطولاتج انتي مكلتي اني ما اخاف اضل وحدي
سليل/ هاي شبيك انت اكلك اخذ هذا الكيك اكل وانطيني ساره اشربها حليب خلي تنام
سجاد/ اخذي وامري ل الله
سليل
ضلينا اثنينا ساكين ساره نامت بس خليتها بايدي خفت تفز وماكو ضوه وتخاف شويه وكلت هاي فرصتي حتى احجي ويا بموضوع رشا جنت صافنه وهو حجه كال
سجاد/ عندج موعد غرامي ويه نفسج
سليل باستغراب/ عفوا؟
سجاد/ متكيجه ومسويه شعرج وطابخه كيك المن كل هذا بله متكولين
سليل/ احم مو لاحد
سجاد/ گلبج علمج راح اجي؟
سليل/ لا او اي لالا بلي اووو ما ادري
سجاد/ هه مثل كل مره من احجي وياج تتوترين
سليل/ شونك
سجاد/ زين
سليل/ امم مو الشيخ شلونه دا اسال على سجاد
سجاد/ تعبان ضايج مختنك
سليل/ شون صرت
سجاد/ اسوء
سليل
جان يحجي بهدوء عجيب ولا مره شفته هيج هادئ يعني هو صح هل فتره صار بارد بس مو هادئ فتح الباكيت دا يطلع چكاره
سليل/ لا
سجاد باستغراب/ شنو
سليل/ مو زين على ساره لتعلك دخان يمها
سجاد / تدرين شي
سليل/ شنو
سجاد/ كلما تسوين هيج اكره روحي اكثر كلما تسوين هيج تخليني ارجع احمل روحي ذنب يلي صار بيننا
سليل/ بس اني مدا اسوي شي
سجاد/ هو لانه مدتسوين شي صيحي اضربي تعادكي سوي اي شي لتصيرين هاديه ومطيعه
سليل/ بس اني..
سليل
جنت دا احجي وطلع صوت موبايله وطفه ماضل بي شحن واني كلش اخاف من الضلمات رحت نقربت يمه اكثر وبيدي ساره
سجاد/ شبيج؟ خايفه؟
سليل/ لا عادي
سجاد/ ااااخ ربي
سليل/ شبيك سجاد
سجاد/ ليش دتسوين هيج تدرين اني شچنت مقرر
سليل/ شمقرر
سجاد/ مقرر بعد ما تخلص هاي ال 4 اشهر اسوي يلي تريدي اطلكج وكل واحد يروح بطريقه
سليل
جان كلام سجاد صاعقه بالنسبه الي ما ادري شكول او بشنو اجاوب اني دا اسعى حتى نرجع مثل قبل وهو مخلي الطلاك براسه اني نسيت نسيت انه سجاد ممكن بأي لحضه يرجع ينسى حبنا وينسى كلشي غمضت عيوني بقهر حتى امنع دموعي انه تنزل شويه وسحب نفس وحضني وبده يحجي اني من سمعت كلامه بعد ما اتحمل صارن دموعي شلال وهو يحجي مكسور وكانه خسر 
سجاد/ دا اعذبج ادري بنفسي صاير اناني وما افكر بس بروحي ادري مليت من يلي انتي بي اني هسه عرفت انه صدك ما استحقج بعمرها الدكتوره سليل ماراح تفهمني ولا راح تحس بيه وبوجعي او يمكن تحسين بوجعي بس تكابرين ومتجين تعالجي حقج ويلي صار مو شويه بس اني هم تعبت ارحميني ع الاقل انتي  سليل اني قررت بأي وقت تريدي اني جاهز اطلكج والج يلي تريدي ووين متسافرين ووين متعيشين اني ادفع كل التكاليف بس اريد تكونين بخير وترتاحين لانه انتي شفتي الويل بسببي
سليل
وبعد ما سمعت كلام سجاد وعرفت هو يحبني لدرجة انه يتحمل بعدي بس في سبيل راحتي قررت انه اني ماراح اترك سجاد وراح ابقه ويا وارجع كلشي مثل قبل الانسان يغلط مره واثنين واحنا مالازم نعوف كلشي لا لازم ننطي فرصه ثانيه واني شفت انه سجاد يستحق هاي الفرصه الثانيه
سجاد/ الوو وين صفنتي
سليل/ وياك
سجاد/ احجي شكو براسج
سليل / ما اريد اعوفك
سجاد/ مو بكيفج سليل اني قررت
سليل/ لتخبلني شنو قررت كتلك ما عوفك
سجاد/ ليش
سليل/ شنو ليش شنو اني احبك ما اعوفك
سجاد/ راح اعذبج
سليل/ اني اريد اتعذب
سجاد/ اني مقرر بس تخلص هاي ال4 اشهر اطلك مو بكيفج سليل يلي صار وياج بسببي كافي كلش حتى يخلينا ننفصل
سليل/.......