الدكتوره سليل والشيخ

البارتات١٢___١٣___١٤

#دكتوره_سليل_والشيخ

البارتات12____13____14

سليل
رحت لغرفتي ضليت افكر شنو شرط سجاد ومنو اهل امي الحقيقين وليش وافق يسوي العمليه باجر عرس حبيبته اني ادري بس وين ماخذني اووف تعبت من التفكير ونمت كعدت الساعه 8 بدلت ملابسي ونزلت الكل كاعدين ع الريوك بس سجاد اشوفه صافن وبغير عالم حقه اليوم عرس حبيبته على غيره منو يتحملها رحت كعدت يمه
سليل/ صباح الخير
الكل/ صباح النور
سليل/ شيخ اكلت شي
سجاد/ اي
سليل/ زين لعد اروح اجيب الدوه مالتك
سجاد/ ما اريده
الجده/ چا هيه بكيفك متريده گومي غزاله جيبي
سليل/ حاضر بيبي
رحت جبت الدوه واجيت
سجاد/ مو كتلج ما اريد
الجده/ ولك سويجد اخذ دواك اريدك تطيب واخطبلك يلي ببالي چا هيه موش غريبه
سجاد بكلبه/ اويلي منج بيبي فهمت قصدج تريدين اتزوج سليل بعد ما تأكدي هيه حفيدتج
سجاد/ بيري اني شگلت
الجد/ بويه سجاد اليوم عندك فصل مهم
سجاد/ شنو بويه شنو سالفته
ابو حسن/ واحد متزوج دخيله عدهم بدون علم اهلها ولا اهله
سجاد/ شكد عمرها الدخيله وشون وصلت لبيتهم
الجد/ بويه عمرها 19 سنه امها وابوها مريضين وراحت تشتغل ببيت الولد يعني تنضفه وهيچ شي ف هو قشمرها وتزوجها
حسن/ ليش تكولون قشمرها يمكن حبها وحبته وتزوجو تره مو شغله
ابو حسن/ محيسن اسكت خلي اكمل السالفه للشيج
حسن/ سكتنا بويه سكتنا
الجد/ شيخ بعد ما عرفو اهلها رادو يكتلوها حتى يغسلون العار والولد اجه واسنجد بيك وهو يكول انه هيه حامل وهو مستعد يرجع يسوي زواج ثاني بس حتى تبقه ويا
سجاد/ خير انشالله اني اشوفن اهل البنيه وانشالله كلشي ينحل بالفصل
رشا/ عزاااا لك سجاد هذوله اعرفخم اني تره اذا انت حليت المشكله راح ينطوك هديه
سليل باستغراب/ وشبيج ضايجه عادي الرسول قبل الهديه الشيخ راح يرفضها
نهر/ ولج مو هديه هديه هاي هديه من غير نوع
سليل/ شون يعني
حسن/ يعني هنانه الشيوخ ينطون بناتهم هدايا
سليل بصدمه/ شنوو وبعدين شيصير
رشا/ الشيخ عيب يرد الهديه ويصير لازم يتزوجها
سليل/ صدك والله مجنت اعرف
الجد/ بويه اذا انطوك هديه عيب تردها شراح تسوي
سجاد ببرود/ ازوجها ل حسن
حسن
من سمعت اخويه كال هيج واني جنت مقرر اليوم اخطب نهر اختنكت وباوعت على نهر خانكتها الدمعه شويه وتنزل
رشا/ شبيك اختنكت اشرب مي
حسن/ اااحم لا ماكو شي ما بيه شي
سجاد ببرود/ اي عبالي اكو شي
سليل بهمس/ صدك تحجي سجاد لا تخرب فرحته البارحه الليل كله يفكر شون يعترف لنهر بحبه واليوم تريد تزوجه وحده ما يعرفها ولا شايفها
سجاد بهمس/ انتي بس اتفرجي اني اصلا دا اسهل علي المهم ادري بأخويه ما يدبرها مو شكول رومانسيه
سليل بهمس/ مخلين الرومانسيه الك شيخ
التفت وباوعلي ابتسمت وهو ابتسم ورجع دار وجهها
الجده/ ولكم سويجد و غزاله شجنتو تتهامسون وهيج ابتسامتهم وثلت لأذانكم
سليل/ بيبي هو...
سجاد/ بيبي جانت تكول شون يتزوجها حسن وهو يحب غيرها
ام حسن/ عزه بعينك حسن تحب منو
سليل بهمس/ خربت ام الدنيا
سجاد بهمس/ لا عمرتها
حسن بتوتر /ها يمه لالا مو هيج ماكو هيج حجي
رشا/ صدك سليل حسن يحب
سليل/ ها ها لا اي ما ادري سألو سجاد قصدي الشيخ هو يدري يله من رخصتكم
راحت سليل
حسن/ احم شبعت الحمدلله من رخصتكم يمه البارحه منو نضف غرفتي
ام حسن/ ليش يمه
حسن/ جانو السماعات مالتي يم راسي ما لكيتهم
ام حسن/ نهر يمه انتي نضفتي الغرفه وبن خليتيهم
نهر/ عمه موجودين بمكانهم
حسن/ ماكو ما شفتهم
ام حسن/ صعدي يمه انطي اياهم هذا مسودن هيه يكلب الدنيا على راسنا اذا ضيع غراضه
نهر/ اي عمه حاضر
الجد/ يله ابو سجاد يله شيج مشينا للديوان