الدكتوره سليل والشيخ

البارتات ١٧___١٨

#دكتوره_سليل_والشيخ

البارتات17___18الجزء الثاني

مليت أضل أنچوي وأتعلعل بنارك .
يومين يمي ، وشهر ماعرف أخبارك
يمان
بس وصلنا جانت امي محضره الغده كعدنا ناكل غمزتلها وحجيت...
يمان / يمه شوكت راح تخطبيلي؟
رشا/ ابني شوكت اتفقت ويه البنيه انت؟
حنين/ احم من رخصتكم
رشا/ وين رايحه بنتي بعد ما اكلتي شي
حنين/ لا عمه شبعت شكرا
يمان/ ثالث غرفه على ايدج اليسره اول متصعدين
حنين بأستغراب/ شنو؟
يمان/ غرفتي
حنين/ احم تمام صاعده
يمان/ اكمل اكل واجي
راحت حنين...
رشا/ ابني شصار منو هاي البنيه وشنو سالفة زواجك
يمان/ ما ادري يمه خلي احجي وياها وافهم
رشا/ ابوك سألني اكثر من مره واني ما اعرف شنو اجاوبه وكال هو راح يحجي وياك
يمان/ فهمت حبيبتي فهمت بس خلي اكل والله جوعان
رشا/ الدنيا محتركه وانت كليوم جايبلك بلوه شكل وتكول جوعان اكل حبيبي اكل
يمان/ شبعت
رشا/ ما اكلت شي ولك اكعد
يمان/ ولا ازعلج راح اكل
يمان
كملت اكل واستأذنت من امي وصعدت فتحت الباب بدون ما ادكه اصلا نسيت حنين...
هيه جانت بلا حجاب من دخلت رأسا لبست شالها نزلت راسي حتى متنحرج...
حنين/ تفضل
يمان/ اسف نسيت ادك الباب
حنين/ عادي ماصار شي
يمان/ تعالي كعدي كدامي
كعدت حنين..
يمان/سولفي
حنين/يلي اريده منك متقاطعني ابداً
يمان/ ماراح اقاطعج بسس احجييي
حنين/ يمان مو الكل مثلك ولدو وبحلكهم خاشوكه (ملعقه) من ذهب مو الكل مثلك ولدو بوسط حب امهم وعز ابوهم مو الكل مثلك يمان اني ولدت وابويه ميت ابويه مات قبل ولادتي ب4 اشهر وامي هيه ودتولدني ماتت
يمان/ الله يرحمهم
حنين/ يمان عشت ببيت عمي يلي تفننو بأنواع التعذيب يمان لحد هاي اللحضه اثار التعذيب موجوده تزيد تشوفها
يمان/ ششش كافي شنو هذا الحجي
حنين/ لتتوقع دا اجذب عليك يمان اني عشت يلي محد شافه جنت انضرب وانذل وانهان بس في سبيل ادرس يمان الوكت يلي جنت بي انت دتدرس سم احسن المدرسين بالبصره ومسجل يم احسن المعاهد اني جنت اروح للمدرسه بالضرب وارجع اشتغل واكرب حالي حال الخدامه وتالي انتضر الكل ينام حتى الزم كتابي واقره
يمان
نزلو دموعها وهيه تحجي سكتت ثواني وكملت كلامها.....
حنين وهيه تبجي/ جنت بحصرة الاكل بحصرة النوم الونسه الملابس كلشي كلشششي مشفت بحياتي يمان لتكول اني طمعانه بيك او بفلوسك بس اني حبيتك
يمان/ ماكلت هيج شي
حنين/ ما كلت يمان بس راح تكول اني حبيتك حبيت يمان يلي يسولف ويتشاقه ويضحك يمان يلي بعز حزنه يسولف ويضحك يمان التصرفاته موزونه جنت وياك وكدامك ولا يوم باوعتلي جنت انطيك محاضرات واخذ منك جنت اشوفك واحجي وياك كلي امل انهُ يجي يوم ويحبني طالب الكليه يمان مثل ما حبيته بس للاسف هلشي ماصار ... يممكن انت متباوعلي لانه جان واضح عليه الفقر بملابسي بكلامي وبكلشي بيه ... اكيد هسه دتسال روحك اني ليش ورطتك وخليتك تتزوجني
يمان/ بالضبط
حنين/ جنت احبك وبعدني احبك رغم شفت وجهك الثاني الوجه يلي متوقعت اشوفه منك نهائيا بس شفته يلي صار جان عندي صوره الك جنت ساحبها من صفحتك على الانستكرام ووديتها الاستيديو وكبرتها بس مو كلش جبيره اجوي وشافوها بغرفتي بنت عمي كلتلهم عليها وهمه كل ضنهم اني عندي علاقه بيك واني نكرت
يمان/ بس نكرانج مجان واضح
حنين/ نكرت وهمه هددوني يموتوني ويموتوك لانه كالو انت دتنكر علاقتنا
يمان/ شنو يلي صار؟ ارسلان جاف
حنين/ يلي صار انطيتهم معلوماتك لانه حنت واثقه راح توكف وياي والباقي تعرفه
يمان/ حنين اني انجبرت اتزوجج تتوقيعن راح احبج هيج؟
حنين/ بالبدايه اي بس هسه لا يمان كل يلي اريده منك تصبرلي فتره بس ارتب اموري واروح اسافر لدهوك
يمان/ شكو بدهوك؟
حنين/ خالتي هناك همه جانو ومنعوني منها وجانو يأذوها ويطردوها حاليا اني بس ارتب اموري واسافر طلكني وعيش حياتك ويه يلي تحبها واني كلش اسفه دخلت حياتك
يمان/ ارتاحي اني طالع
حنين/ شراح تسوي يمان
يمان/ ما ادري حنين ما ادري
ساره/ اكمل؟
البنات/ اييي
رغد/ الفضووول كتلنيي
عشق/ ابني راح يموت من الفضول
سجى/ اسم الله ولج شوشه وانتي سارونه يله
رزان/ لج يلاااا
ساره/ سديت الخط واجه وجايب ويا وحده بنيه..
خالد/ سمر  مرتي دكتوره ساره دكتورة ماهر
ساره بصدمه/ مرتك؟
خالد/ امم
سمر/ تشرفنا حبيبتي خالد وين ابني مجد ويه
خالد/ تعالي حبيبتي  نروح نرجعه من الروضه من رخصتج دكتوره
بقيت مصدومه واباوعله شنو هذا !
رغد بصدمه / عزااااا
عشق بصدمه/ هاي صدك لو تشاقين
سجى بصدمه / متزوووج؟
رزان/ اياااا ابن ال..
ساره/ اشششش لا تكملين ميصير
رزان/ ولج شلوون
ساره/ اسمعي عاد خلي اكمل
رغد/ احجيي
ساره/ اخذ البنيه وطلع مدري وين دزها ورجع دك الباب وكعد كدامي واني اباوعله بنضرات حاده رفع عينه بعيوني وابتسم...
ساره بحده/ شكو استاذ خالد
خالد/ هاي شنو نضراتج دكتوره غيرانه عليه لو شلون
ساره بحده/ عفواً احد كايلك قبل اني اغار على مرافقين المرضى مالتي؟
خالد/ يمكن اني غير مثل ما انتي صرتي عندي غير
ساره/ اذا عندك سؤال بخصوص اخوك اتفضل واذا ما عندك اطلع بره ورايه مرضى
خالد/ حلووو تطرديني يعني
ساره/ اي نعم
رغد/ خليييي
سجى/ عفيه عليج والله
رزان/ يستاهل الحيوان
عشق/ زين منج وسويتي هيج ويا
ساره/ اسمعوو عاد
سكتو البنات...
ساره/ ثواني وانفتح الباب واجه ولد صغيرون
مجد/ خالوو ماما تكول تعال نشوف خالو ماهر
خالد/ مجودي حبيبي تعال
اجه مجد..
خالد/ روح سلم على عمه الدكتوره
ساره/ اجه مجد باسني ششكد حبيته لهذا الطفل..
ساره/ شتريد تصير من تكبر حبيبي
مجد/ اصير شرطي مثل خالو خالد
ساره/ متخاف
مجد/ لا اني رجال ما اخاف من شي هيج يكول خالو خالد مو هيج خالو
خالد/ اي صح مجد رجال ميخاف بس من الخلقه
رغد/ يعني ذاك الولد ابن اخته
عشق/ لتكوليلي متفقين تمثل على اساس هيه مرته
رزان/ اياا خبيث
سجى/ شلءن افكار عنده يمه
ساره/ بالضبببببط هذا يلي صار
عشق/ وشسويتي؟
ساره / طلعت من العياده ورحت لماهر...
ساره/ الحمد لله على سلامتك ماهر
ماهر/الله يسلمج دكتوره
ساره/ شلون صرت
خالد/ ماهر قوي اكيد زين
ماهر/ههه اي صح كلام خالد اني زين
ساره/ صير قوي اكثر وديربالك من السياقه بسرعه
نور/ والله هو سياقته هاديه بس بسبب ناس ساق بسرعه 
ماهر/ نووور
نور وهيه تبجي / والله اني احبك واحبه واخاف عليكم
خالد/ ادري بيج مخبله متشوفيني ما ازعل منج
ام مجد/ عود اني بنت البطه السوده
ساره
باوعلي خالد وكال...
خالد/ ام مجودي حياتي اختنا الصغيره شلون ننساها
ساره/ تركتهم وطلعت بره شويه واجه للعياده مالتي..
ساره / شلون بله اليوم ما نخلص؟
خالد/ اجيت اكولج شغله واروح
ساره بحده/ كول
خالد/ جانت هاي التمثيليه حتى اشوف تغارين عليه لو لا
ساره/ شنو استفاديت هسه؟
خالد/ احبج
البنات/ عزااااااااااا
ساره/هههههههه
رغد/ وبعديين؟
ساره/ ما ادري راح ومحجه شي بعدها وباليوم يلي طلع ماهر من المستشفى مجنت مداومه
رزان/ يعني راح الحبيب
ساره/ههه هو شوكت صار حبيب
عشق/ صوت الباب لحضه اشوف منو
عشق
طلعت شفت امي وابويه اجوي سلمت عليهم وكتله لبابا يوصلني للبيت وهو محجه شي خطيه رحت سلمت على البنات واخذت اغراضي وطلعت...
وصلني بابا ومن شافه انور بقه يلح بي بس بابا كال تعبان وما بقه يمنا....
نزلت باوعلي انور وما حجه شي صعدت لغرفتي بدلت ملابسي واخذت الاسعافات الاوليه ونزلت...
جان كاعد وبيده الجكاره جريتها من ايده وذبيتها وسحبت ايده فتحتها وبديت اعقمها...
عشق/ هاي شلون انجرحت
أنور /ليش رجعتي
عشق/ جاوبني
انور/ كملتي ايدي؟
عشق/كملت
لزم وجي وباوعلي وكال...
انور/ احببببببببببببببببج
عشق/ ههههه عزا انور صوتك
انور/ لج اني شمسوي بحياتي حتى الله ينطيني وحده مثلج
عشق/ شبيك شغيرك
انور/غيابج عني حسسني بقيمتج عشقي حبيبي احبج
سجى
رجعت للبيت مفتحت الموضوع ويه اسد وهو هم محجه شي راح حتي يسبح واجتي رساله على موبايله مدري ليش ولأول مره ياخذني الفضول حتى افتح موبايله فتحت الرساله جان من ولد اسمه ابو محمد وجان مكتوب بيها...
(اتفقت ويه الدكتوره واوراقك كلها صارت يمي خلال اسبوع انتو بتركيا وبأقل من 3 اشهر مرتك حامل)
بقيت صافنه بالرساله ودموعي تنزل اجه اسد وكف يمي باوع للرساله وباوعلي...
اسد/ لو ما فضولج جان صارت احلى مفاجئه
سجى وهيه تبجي/ خلص يعني تحقق حلمي
اسد وهو يمسح دموعها / تحقق حبيبي تحقق
سجى/ راح اصير ام
اسد/ واحلى ام
رزان
جنت ضايجه كلش خابرت شهم رد عليه فرحت لانه صارلي فتره...
بعد ما تسالمنا وعرفت هو بخير وسولفنا شويه...
رزان/ ابو ورد
شهم/ ابوو منوو؟؟
رزان/ ابو ورد انت
شهم/ انتي حامل؟
رزان/لاا من وين وانت ماكو
شهم/ شمدريني هيج اجه ببالي لعد شنو ورد
رزان/ دوم احلم بمره جبيره تكولي سمي بنتج ورد
يتبع....
البارت 18الجزء الثاني
حنيت‬ الك صوت وشكل
و دمعه وقصيده وسالفه
حنيت الك بواهس طفل
والدمعه حد شفايفه
مرني ولك شوف‬ شحصل
تلگاني كلش مختلف
وعيوني ذبلهه السهر
واصبحت كلش ناشفه‬
.
رغد
فكرت بكلام البنات هواي بعد ما رجعت للبيت ضليت افكر وافكر يمكن كلامهم صح وياسر لوما يحبني ويخاف عليه مجتن سوه هيج...
فتحت النت اتصفح طلعت هاي كدامي...
تقول إحداهن:
"رفضتُ فتاة يحبها إبني وزوجتهُ بأخرى، في ذلك اليوم قبل خمسة عشرَ سنة كسرتُ في عينيهم شيئاً لايمكن إصلاحهُ أو ترميمهُ، يا ليتهُ تمرّد على الأعراف وأخذها رغماً عن أنفي، يا ليته عصاني وحاربني بها، لم أستعد ابني منها أبدًا، إنها تقف كالجبل بيني وبينه إلى اليوم، أراها في عينيه، أراها في حسرتهِ على أعتاب صالات الأفراح، أراها في لهفتهِ وسعيه الدائم لزواج الأحبة، أراها في نظراتهِ لي كلما جاءَ غاضبًا من زوجتهِ.. مارستُ سلطتي، كرهني ابني وما زال يحبها"
بقيت صافنه بيها عجبتني ما ادري ليش شاركتها بصفحتي ثواني ودزلي ياسر رساله...
ياسر/ عود انتي زوجي ابنج يلي يحبها حتى لتتندمين بالمستقبل
رغد/ طبعا اخلي يتزوج يلي يحبها
ياسر / الا اكول لتزوجي يلي يحبها
رغد/ ليش؟
ياسر / لانه اني تزوجت يلي احبها عافتني وكعدت ببيت اهلها ف هو شلون لا خطيه ابني
رغد/ هههه يعني هسه اني عايفتك؟
ياسر / انتي شتكولين؟
رغد/ اممم صح كلامك
رغد
فكرت شلون اكوله تعال رجعني للبيت بس بدوون ما اكولها بطريقه مباشره صفنت شويه لكيتها...
رغد/ تدري ظهري حيل ديوجعني هم من الحمل وهم لانه تعودت على جربايتي هناك هنانه ممتعوده
ياسر/ صدك والله متأذيه؟ كافي لعب جهال رغد اني اصلا اشتاقيتلج ساعه واجي اخذج رجعي لبيتج
رغد/ تدري اني ما اكدر ارفض كلامك لانه انت زوجي ف اوكِ راح انتضرك
ياسر/ حلوو صايره متعاندين
رغد/ ابنك مقبل اعاند
ياسر / ههههه اروح فدوه لابني وامه يله جاي بس مسافة الطريق
رزان
نضفت البيت وسبحت وطبخت وبقيت كاعده انتضر شهم يرجع صارله اسبوعين ما اجه...
مدري شلون نمت اني ودا انتضره فزيت شفته كاعد كدامي ديباوعلي...
فتحت عيوني وسديتهم ابتسم كمت حضنته...
شهم/ صح النوم حبيبي
رزان/  شوكت اجيت
شهم/ صاولي نص ساعه
رزان/ صدك محسيت عليك
شهم/ امم شكلها حبيبتي تعبانه
رزان/ كلش كلش كلش
شهم/ ليش حبيبي
رزان/ ما ادري هسه. عوفك مني كوم اسبح وبدل ملابسك بين ما اكمل الاكل
شهم/ تمام
راح شهم خابرتني ساره فتحت خط و...
ساره بفرح/ حامل ولج حاااامل
رزان بفرح وصدمه/والله؟
ساره/ لج اييييي
رزان/ راح اروح اكوله لششهم
ساره/ روحي كوليله بين ما اشوف الورطه يلي تورطت بيها
رزان/ خير ليش شصار
ساره/ سالفه طويله بعدين اسولفلج
رزان/ تمام حبيبي من رخصتج
ساره/ اخذي راحتج
ساره
اتفقنا اني ورزان تجي المستشفى تسوي تحليل  علمود نعرف هيه حامل لو لا لانه هاي الفتره صايره تلعب روحها من كلشي...
اجتي قبل ما يرجع شهم وسوت التحليل ورجعت للبيت واتفقنا اذا طلع اني استلمه...
رحت للمختبر شفت خالد واكف هناك اعتقد جان منتضر تحاليل ماهر تطلع لانه اليوم موعدنا...
باوعلي وابتسم سويت روحي مشفته ورحت اخذت التحليل...
الدكتوره / مبروك انتي حامل
ساره بفرح/ صدك والله؟
الدكتوره/ الف مبروك
جنت فرحانه كلش لرزان منتبهت للدكتوره من كالت انتي...
رفعت راسي شفت خالد ديباوعلي وعاقد حواجبه بأستغراب...
تركته ورحت للعياده مالتي شويه واجه فتح الباب بدون ما يدكه...
ساره/ اعتقد اكو باب
خالد/ شوفيلي تحاليل ماهر بسرعه رايح عندي شغل
ساره/ اتفضل اكعد بين ما اقراهم واغير العلاج...
جان كاعد بس على اعصابه وبس يحرك رجله وترني اني اتنرفز من شخص يحرك رجله...
ساره/ اهده
خالد/ نعم؟
ساره/ كافي تهز رجلك وترتني
خالد/ فضيها عاد واقري التحليل
ساره/ حلو الصبر
كملت قرايه وكتبت الدوه اخذه ووكف يم الباب التفتلي وكال...
خالد/ مبروك الحمل وبعدين جان تكدرين تكولين انتي متزوجه ماكو داعي تعلقين الناس بيج
تركني وراح...
بقيت مصدومه اباوعله هذا صدك يحجي يا زواج يا بطيخ...
بعد ما مرت كم ساعه واني افكر بأنور حتى بوسط للمراجعين فكرت ادزله رساله....
ساره/ انطيت الدوه لماهر؟ ضروري ياخذه ع الوكت علمود ليصير عنده مضاعفات
خالد/ اذا ما عندج شي عازمج اليوم ع الغده
ساره/ بس اشوف الجدول مالتي واردلك خبر
خالد/ تمام
ساره/ ماعندي شي بس ما اكدر اتأخر
خالد/ تمام مطعم **** الساعه 1 انتضرج هناك
ساره/ اتفقنا من رخصتك
خالد/ اخذي راحتج الله وياج
اسد/ سجى كملتي الجنط؟
سجى/ اي حبيبي كملت
اسد/ زين باجر الساعه 4 الفجر نطلع
سجى/ تمام مانروح نسلم على اهلك؟
اسد/ العصر الكب راح يجتمع ببيت عمو سجاد و عود نودعهم كلهم
سجى/ زين
اسد/ مرتاحه حبيبي؟
سجى/ كلششش مرتاحه وفرحانه تدري اني كلش احبك
رزان
متحملت الفرحه ورحت دكيت الباب على شهم وهو بالحمام رد عليه بدون ما يفنح الباب ...
شهم/ ها رزان
رزان/ شدسوي؟
شهم/ اركص اني كليوم اروح للحمام حتى اركص
رزان/ شهمممم مو وكت سوالفك
شهم/ مو كتلج رايح اسبح هاي شبيج رزان
رزان / اطلع يله طولت
شهم/ اطلع والشامبو براسي؟
رزان/ اي عادي بس اطلع
شهم/ حبيبي نزلي انتضريني شويه وطالع ما اتاخو وداعت عيونج الحلوه
رزان/ تمام لعد وعد؟
شهم/ وعد والله وعد بس روحي
رزان/ رحت رحت
رزان
شويه وطلع شهم واني كمت اكمز من الفرحه حتى نسيت مو زين عليه وكفت كدامه واني اكمز وهو يضحك..
شهم/ تخبلتي حبيبي؟
رزان وهيه تكمز/ حامل حامل والله حامل اني
رزان
باوعلي بصدمه ولزمني من جتافي يثبتني...
شهم/ راح اصير اب
هزيت راسي يعني اي
شهم بفرح/ الحمد لله والشكر ياربي الحمد لله
رزان وهيه تحضن شهم بقوه/ فرحااااااانه
شهم/ قبل لنتزوج جنت دوم اشوفج فطيره واكول عليج فطيره بس اليوم اثبتتي فعلياً انهُ انتي فطيره ولج شلون تكمزين وتركضين هيج وانتي حامل
رزان
ابتعدت عت شهم تخصرت وكتله...
رزان/ يعني اني فطيره؟
شهم/ اممم بالضبط
رزان/ وتعترف
شهم/ اي نعم
رزان
دمعت عيوني واني اباوعله ابتسم رأساً بجيت حضني وهو يضحك....
شهم/ شبيج يمعوده
رزان/ جنت تشوفني فطيره ولهذا ما حبيتني مو؟
شهم/ شلون ما احبج واتعارك ويه واتزوجج؟
رزان/ اي بس انت بالدايه تخليت عني ولو ما اني رجعت الك جان هسه اني يم غير رجال وكاعده ببيته مو صح كلامي..
شهم بعصبيه /شنو يم رجال ثاني شنو هذا الحجي رزان صايره هواي تمسلتين بالحجي تره
رزان/ كول ما احبج يله كول وبعدين لتباوعلي هيج اخاف من هاي النضره
شهم/ الصبر يا رب الصبببر مو هسه جنا دنحجي شكد حلو شبيج خبال كلبتي
رزان/قصدك اني مخبله
شهم/ اي وكلش مخبله روحي صبي الاكل جعت
رزان/ ما اكدر تلعب روحي
شهم/ كعدي هسه اني اروح اصب
كعدت رزان
رزان/اي وصبلي بطريقك
شهم/ مو علساس تلعب روحج من الاكل؟
رزان/ بس اذا صبيت تلعب روحي اذا اكل عادي
شهم / ولو ادري بيج دتجذبين وسوالفج كلش قديمه وهم ادري غايتج تخليني اني اكوم وانتي كاعده عود حس بيه من اشتغل بس راح امشيها واكوم
رزان/ عفيه برجلي البطل عفيه
شهم/ تنجبين وتسكتين لو اجي ابتلي بيج
رزان بأبتسامه/انجب واسكت
شهم وهو يهز ايده/ ههه ربي انتي مو صايحه
خالد
طلعت من المستشفى اعصاب الا شويه واسوي حادث شكد حاولت اهدء روحي ما كدرت احبها حبيتها خررررب حظي ما لكيت غير ساره احبها....
وصلت البيت فتت للغرفه انطيت الادويه لماهر وتمددت بالغرفه كدامه وخليت اييديه على عيوني كلما اتذكر كلام الدكتوره وهيه تكللها حامل ونضرات ساره الفرحانه اشيط من الأعصاب....
ماهر/ اكول خلودي
خالد بدون ما يشيل ايده عن عيونه/ كول
ماهر/ شفت الدكتوره
خالد/ امم شفتها لعد منو كتبلك الدوه الجديد
ماهر/ هسه غير اعرف اذا شفتها ليش ضايج
خالد/ بربك يعني اذا شفتها لازم ما اضوج لو شلون؟
ماهر/ هسه اني من اشوف حبيبتي ابقه النهار كله فرحان
خالد/ زين زين
ماهر/تحبها؟
ماهر
تعدل خالد وباوعلي بحيره وكال...
خالد/ لا
ماهر/ليش لا؟
خالد/عنيده وراسها يابس تحجي قبل لتفكر ما تعرف شتكول صريحه زياده اوقات احسها لئيمه ممكن تصرخ بنص الشارع وتلم علينا العالم كله اذا تعصبت تبجي بسرعه وتضحك اسرع مو مفهومه مزاجها ينكلب بلحضه بس..
ماهر/ بس شنو؟
خالد/بس هيه ناعمه وبريئه وتسوي من مأساتها ضحكه وتحجي بطريقه تخليك تضحك على مشاكلها عايشه علمود غيرها ما تعرف تفكر بنفسها حنونه حيل تحسها ماخذه دور الامومه ويه كل يلي تحبهم ما تعرف تضم ولا تجذب كد ما حاولت ملامحها تفضحها عيونها اه عيونها دائما احسهم يحجن هيه انسانه غريبه حيل
ماهر/ يالعاشك كل هذا وما تحبها؟
خالد/ اي لانه مشاعري اتجاهه وارتباطي وتعلقي  بيها فاق مرحلة الحب ماهر
ماهر/ ها
خالد/ اني مجنون بيها
ماهر/ يالعاشك هسه اني يلي مدوخني شلون حبيتها وعرفت كل هذا عنها باسبوع بسس
خالد/ راقبتها من بعيد جنت اشوف تصرفاتها كلامها وكلشي بس الشي الوحيد يلي ما شفته هو الحلقه بيدها
ماهر بأستغراب/ اي حلقه؟ شدتحجي
خالد/ حامل
ماهر بصدمه/ ساره متزووووجه؟ خالد انت حاب وحده متزوجه؟
خالد/ اسكت ماهر كافي اني ضايع مناقصك
ماهر/لتعلب بالنار خالد ابتعد
خالد/ عيونها جانت دتكول شي وتصرفاتها يلي شفته كالت شي ثاني
خالد
جنت دا احجي ويه ماهر وراسلتني اتفقت التقي بيها حتى اعرف شسالفه واذا متزوجه او لا....
يمان
جنت ضايج ومحتار كلش خابرت شهم كلت اسولفله واشوف شيكول انتفقنا اروحله للبيت...
رحت لهناك دكيت الباب طلعلي هو سلمت علي وفتت للبيت شفت رزان كاعده وايديها على خدودها ودتباوع لشهم بحقد مثل الاطفال وهو يباوع عليها ولازم روحه كوه حتى ميضحك...
يمان/ هاي شصاير وياكم
شهم / راح تصير خال
يمان بفرح/ والله؟
التفت لرزان يلي جانت ضايجه...
يملن بفرح/ بزوون راح تصيرين ام
رزان بضوجه/ اي
يمان/شبيج ضايجه
رزان/ماكو شي
رزان
اجه يمان كعد يمي وحضني واني بجيت...
يمان /هاي شكو شبيك لك شهم شمسوي
شهم/ ياخويه والله مسويت شي
رزان وهيه تمسح دموعها/ بلي سويت
يمان/ شسوه؟
رزان/ يكول قبل ما نتزوج جنت اكول رزان فطيره وطلعتي صحيح فطيره
يمان غمز لشهم/ ولك شلون تحجي هيج ويه اختي
شهم/ههه اسفين يابه اعتذر عيني بزونه
رزان/ بس يلي احبهم مسموحلهم يكولولي بزونه انت لا
شهم/ يعني ما تحبيني
رزان/ لا انت وحنين اكرهكم
كعد شهم..
شهم/ على ذكر حنين يمان شنو سالفتة هاي البنيه
رزان/ ولا حبيتها
يمان/ بزونه حبيبتي روحي سويلنا جاي راسي ديوجعني
رزان /خو كول ما اريد احجي كدامج من يوم يومك ما تحجي شي كدامي
شهم بحده/ رزان چاي
رزان/ جاي ماراح اسوي ووياكم ماراح اكعد راح اصعد لغرفتي انام
راحت رزان..
يمان/ مخبله شلون متحملها
شهم بأبتسامه/ احبها
يمان/ عوفني من غرامك واسمع هاي حنين....
بعد ما حجه يمان الموضوع كله لشهم..
شهم/ والله ما ادري سالفتك فد مره تحير
يمان/ اريد ابقيها بس كلش واكفه سالفة انخطف وانجبر اتزوجها لو بغير طريقه جان يمكن حبيتها بس هسه ما ادري واني من تثوبت انت بسببهم عرفت ولد عمها كلش مؤذيين وكلشي يكدرون يسوون واخاف يذبحوها واني ابقى طول عمري ندمان
شهم / هيه شكالت؟
يمان/ كالت اصبرلي فتره ارتب اوضاعي واروح لبيت خالتي بدهوك
شهم/ وانت تريدها تروح؟
يمان/ ما ادري
شهم / تحبها
يمان/ ما احبها بس ما اريدها تروح اكو تناقض بداخلي
شهم/ انطي روحك فرصه فتره يجوز تحبها وكتها روح للمحكمه وتزوجورسمي وسويلك احلى عرس وخليها تبقى يمك طول عمرها
يمان/ هو هم هيج
عشق
كاعده بالصيدليه والملل كاتلني انور دينطي الادويه للمرضى واني كاعده اباوعله...
باوعت فرغت الصيدليه باوعلي وكال...
انور/ شبيج حبيبي
عشق/ ضاييييجه
انور/ ليش
عشق/ ما ادري
انور/ عشق انتي مخبيه شي عني؟
حاولت عشق تتهرب من نضرات انور...
عشق/ لا
انور/ صدكيني عشق اذا عرفت مخبيه شي عني تصير مو زينه وياج
عشق/ هسه اني شمسويه وحجيت هيج وياي؟
انور/ عيونج دتسولفلي وانتي ساكته
عشق/ اممم وبله شدسولف عيوني؟
باوع للساعه مالته وكال..
انور/ امشي نتغده واسولفلج شتكول عيونج
عشق/ تمام بس العصر لازم نروح لبيت اهلي بابا عازم الكل
انور/ اي ادري ما نسيت امشي عازمج ع المطعم
عشق/ ايي والله كلش مشتهيه البيتزا
انور/ كومي يله
في المطعم...
انور/ اي عشقي سولفي
عشق/شسولف
انور/ الفتره يلي جنت بيها فاصل عن العلم شصار
عشق/ شصار
انور/لتتغابين حبيبي سولفي منو راسلج مو خابرج طلعيهن لسوالفج احسن مما اني اسولفهم وتصير مو زينه
عشق/ قصدك ريم وقمر؟
انور/ بالضبببببط ذوله الصديقتين يلي بوكت الخطوبه كتلج تعوفيهم
عشق/ همه خابروني
انور/ ايي وانتي رديتي وسوالف وشقه وضحك ورجعتي علاقتج بيهم
عشق/ اني لحد هاي اللحضه ما اعرف انت ليش ضايج
انور/ لا عشق تعرفين وكلش زين
عشق/ ادري انت ضايج لانه مسمعت كلامك
انور/ عشق ذوله البنتين اخلاقهم مو زينه عششق هاي قمر يلي انتي واثقه بيها بفترة خطوبتنا اني وياج جانت دوم تخابرني وتكولي عوفها عشق متناسبك عشق تحب غيرك والثانيه ريم حتى بعد زوجنا بقت تخابر وتدز رسائل وصور واني جان كل همي شلون امسحهم بأيرع وكت وما اخليج تشوفيهم حتى لتنصدمين من صديقاتج مو كتلج همه يخربوج؟ مو كتلج بالجامعه لتمشين وياهم بعدين تصير سمعتج مر زينه مثلهم؟ عشق انتي ليش تحسسيني اني دا اسوي هيج حتى اضوجج؟ تره اني احبج وكل غايتي ادور راحتج وسعادتج !
عشق
سكتت واني مصدومه من صديقاتي ليش هيج سوو دمعت عيوني واني اتذكر سوالفنا وضحكنا وشقانا سويا....
غمضت عيوني واني اتذكر اخر مكالمه النا وشلون حاولو بكل الطرق يخلوني اطلب الطلاق من انور لانه هو جان بحاله سيئه بعد وفاة امه... اتذكر شلون زرعو بكلبي الشك اتجاه انور وشلون ساره منعتني افكر بهاي الطريقه والبنات تعاركو وياي...
فتحت عيوني على انور ديباوعلي...
انور/ مجاي اعاتبج ولا اضوجج واقهرج بس اني دا اسولفلج و اوعيج على اشياء انتي ممنتبه عليها
عشق/ انور اسفه والله مقصدي هيج اسوي اصلا اني مستحيل اعوفك
انور/ ادري بيج حبيبتي وهم بعد لتعتذرين ما اقبل بس يلي اريده منج متكررين هذا الغلط
عشق/ وعد ميتكرر
انور/ زيين اليوم راح ناكل على ذوقج شراح توكلينا
رغد/ يسوو
ياسر/ ها حبيبي
رغد/ عادي اذا بعد كم شهر رجعت لشغلي؟
ياسر/ نسال الدكتوره اذا كالت اي ليش لا داومي براحتج
رغد بفرح/ صدك والله
ياسر/ اي طبعا
رغد/ ويكوليلي ليش تحبي عيني وين اكو هيج رجال عسل
ياسر/ههه لوكيه
رغد/ اكول يسو
ياسر/ كولي
رغد/ اريد فراوله والله كلش مشتهيتها
ياسر/ وين اكو فراولة هسه مو موسمها
رغد/ راح تطلع بعين ابني فرولايه
ياسر/ لج والله ماكو بس هم وعد اليوم ما انام الا وجايبلج كومه فراوله
رغد/ اييي فديييتك اكول يسو مو تنسى اليوم عازيمنا العصر خالو سجاد وخاله سليل لبيتهم
ياسر/ لا حبيبتي ببالي
ساره
طلعت من المستشفى ورحت للمعطم شفت انور كاعد رحت كعدت كدامه....
ساره/ مرحبا
خالد/ اهلا وسهلا شلونج
ساره/ زينه الحمدلله انت شلونك اخبارك احوالك امورك
خالد/ شلونك زين ... اخبارك ماشيه اخباري ... احوالك بخير احوالي ... امورك  اموري كاعد وساكت
ساره/ احم كلت رايد تحجي وياي بموضوع
خالد/ اي نعم بس مو هسه اول شي شتحبين تاكلين
ساره/ بكيفك
خالد/ تمام
ساره
طلب اكل وجان كلش هادي ولا فتح اي موضوع وكلما ارفع راسي اشوفه دياوعلي ويبقى مركز بعيوني واني اتوتر كلش من نضرته...
جان يباوع لايدي ويباوع بعيوني مدري شبي..
حتى معرفت اكل شويه بس وكعدت....
خالد/معجبج الاكل تريدين ابدله الج؟ اجيبلج شي ثاني؟
ساره/ لا بالعكس الاكل كلش طيب بس اني شبعت
خالد/ ما اكلتي شي
ساره/ لا شوف اكلت هواي
خالد/ دامج خلصتي اكل راح اروح اغسل بين ما يجبون الجاي ونسولف
ساره/ تمام اخذ راحتك
ساره
راح خالد شويه ورجع...
جنت حذره ويا كلش ومنتبهتله صح اني حبيته بس بعد ما وثقت بي...
من توثقين بشخص لازم يكون كدها مو توثقين بالرايح والجاي وتنخذلين...
كعد كدامي باوعلي وكال....
خالد/ ساره تدرين بيه احبج مو
نزلت راسي وكتله...
ساره /اي ادري
خالد/ واني مجنت ادري بيج متزوجه
رفعت راسي بصدمه وباوعتله وكتله...
ساره بصدمه/ شنووو متزوجه؟
خالد/ وحامل
ساره/ لحضه لحضه انت فاهم غلط هاي التحاليل مجانت الي جان لرزان ااا قصدي لأقاربي
خالد/ اقاربج؟
ساره/ اي يعني اني لا متزوجه ولا حامل ولا اي شي
خالد/ تحبيني؟
ساره/ خالد...
خالد/ تحبينيي جاوبي ساره
ساره/... لا رد
خالد/ وصلني جوابج خلص واقفي ع العريس يلي اجاج والله يوفقج
ساره بحده/لحضه لحضه من وين تعرف انت اني جاييني عريس؟ انت مراقبني؟
خالد/ اي مراقبج
ساره/ وانت منو سمحلك تراقبني هيج
خالد/ اني سمحت لنفسي اني ممنتضر احد يسمحلي
ساره/ صدمتني بيك الصراحه كلش انصدمت
خالد/ ليش لانه احبج واريدج هيج تسوين بيه؟
ساره/ تحبني على عيني وراسي بس مال تراقبني لا هاي كلش واكفه انت هيج دتثبت انهُ مستقبلا هم راح تشك بيه وتراقبني مستحيل افكر بيك وانت متوثق بيه
خالد/ ساره هاي غيره مو شك
ساره/ وين تريد توصل
خالد/ خلص ما اريد شي ساره ما اريد
ساره
جنت راح ارد علي ودك الموبايل مالتي رزان...
رزان/ وينج
ساره/ شصار شكو
رزان/ يمعوده حنين مختفيه ويمان كالب الدنيا
ساره/ صدك؟ اجيت انتو وين؟
رزان/ بالبيت والكل يمنا حتى خالو سجاد
ساره/ مسافة الطريق واني يمكم
خالد/ خير إنشالله
ساره/ ماكو شي من رخصتك اني لازم اروح للبيت
خالد/ خلص اخذي راحتج
ساره /شكرا ع العزيمه
خالد / ماكو داعي للشكر تريدين اوصلج؟
ساره/ لا شكرا تعبتك هواي هسه اروح بتكسي
خالد/ يا تعب امشي
ساره
صعدت ويا بالسياره علمته وصلني راس الشارع مخليته يدخل للشارع خفت احد يشوفني نزلت ورحت لبيت خاله رشا....
دخلت للبيت جانو بس النسوان رحت كعدت يم رزان
ساره/ شصار؟
رزان/اجيت هنانه حتى اشوف امي ونروح سويا دخلت سلمت عليها و...
رزان / لعد هاي الغثيثه وين
رشا/ عيب ماما هيج تحجين
رزان/ ما حبيتها
رشا/ اشش لتسمع عيب
رزان/ يووو ميمه كله عيب وعيب  هسه شسويت
رشا/ انتي شلون راح تصيرين ام ما ادري
رزان/ يمه فديتني
حنين/ احم
رشا/ تعالي يمه تعالي كعدي
حنين/ لا عمه اني رايحه بس كولوله ليمان اني جنت كلش متمنيه اعيش وياك حياة حلوه مجانت نيتي  اخرب حياتك
رشا/ ليش دتحجين هيج يمه
حنين باست راس رشا...
حنين/ عمه اني كلش حبيتج ابقي ادعيلي فدوه
رزان
طلعت حنين وتركتنا بحيره وراها...
اجه يمان مباشرةً صعد لغرفته شويه ونزل...
يمان بصياح/ حنيين وين وييين راحت جاوبونيييي
رزان/ كالت سلمولي على يمان وكولوله جانت كلش متمنيه تعيش وياك حياة حلوه مجانت تينها تخرب حياتك
يمان بصدمه/ يعني راحت
رشا/ اهده يمه
يمان بعصبيه/ وين راحت ويييين وييين
ساره/ يممه
رزان/ اي والله وهسه الشباب كلهم راحو يدورون عليها
ساره/ خطيه يمان
رزان/ متوقعت هيج يحبها والله صدمني
ساره/ هو هيج الحب يجي بأوقات منتوقعها او يمكن نحنا نقنع روحنا انهُ منحب هذا الشخص بس لمن نفقده نتأكد انهُ نحنا منكدر بدونه
شهم/ وين راحت
يمان/ خسرتها
شهم/ شلون؟
يمان/بسبب تصرفاتي اهمالي جانت دوم تحاول تسعدني بس بالمقابل اني كل مره اخليها ضايجه وحزينه جانت تحاول تحجي وياي هواي وما تمل وكل كلامها جان حلو تسولف وتهتم لهمي وضوجتي بسسس ما قدرت هلشي وخسرتها ابن الحجيه
شهم/ اصبر يمان راح ترجع وين تروح
يمان/ انت متعرفها صدكني هلمره اذيتها وجرحتها كلش ماراح ترجع
شهم/ رقمها شي يخصها ماعندك
يمان/ بلي عندي خابرتني مره بسس ماكو مغلق حاولت شكد وماكو
شهم/ دهوك
يمان بأستغراب/ شنو؟
شهم/ هيه مو كالت راح تروح على دهوك
يمان/ اي اي صححح بس شلون تروح وحدها هيه حتى فلوس ما عدها
شهم/ ما ادري اول شي خطر ببالي دهوك راح اخابر جماعتي اذا شافوها بسيطره او بمكان يوكفوها
يمان/ اي اي زين راح اطلع هنانه يجوز ما ابتعدت هواي
شهم/ تمام روح دور
يتبع....