الدكتوره سليل والشيخ

البارتات ١٥___١٦___١٧

#دكتوره_سليل_والشيخ

البارتات 15____16____17

البارت 15
سجاد
شفتها بالفستان الابيض جانت حلوه حلوه هوايه ما كدرت ابعد عيوني عنها من لبسوها الذهب حسيت بتوترها جانت منزله راسها حتى بعيوني ما تباوع نسيت نسمه ونسيت كل مشاكلي من اكعد وياها احس ماكو احد بالعالم غيرها كمل العرس صعدت على غرفتي شفتها واكفه من حجيت وياها وعرفت انه سبب دموعها اهلها اخذت وعد على روحي انه ما أاذيها ولا اخليها تحس روحها غريبه وعدت روحي انه سليل متحتاج لأي بشر بعد ما عرفت اني دكتور تحمست هوايه متوقعت ردة فعلها انطيتها التقارير وتمددت شفتها شون تحجي بانطلاق والحماس عدها فول سويت روحي نايم ضلت هيه تقره التقارير واني اباوعلها ضليت صافن عليها حركاتها طفوليه كلش هيه وحاطه القلم بشعرها شفتها شالت الاوراق سويت روحي نايم غطتني وتمددت يمي شويه وحسيتها نامت فتحت عيوني شفت القلم براسها وشعرها ما فاتحته كمت على مهلي حتى لتكعد وشلت القلم من راسها شفت شعرها انفتح لزمت شعرها جان ناعم كلش وحلو رجعت تمددت بمكاني وضليت صافن عليها محسيت بروحي شون نمت فزيت الصبح عله دكت الموبايل باوعت شفته حسن رديت بسرعه قبل ما تكعد سليل
حسن/ سوي روحك تحجي ويه بنيه
سجاد باستغراب/ شنو
حسن/ سوي روحك تحجي ويه بنيه سجاد يله
سجاد/ شتريدين مني من الصباحيات متكولين عريس
سليل
جنت نايمه وحسيت على صوت موبايل سجاد رد ع الموبايل وتني كعدت فتحت عيوني بس ضليت متمدده سمعته كال شتريدين ركزت ويا ردت اعرف ويه منو ديحجي كتلني الفضول
حسن/ سليل نومتها خفيفه كلش واكيد هسه هيه كاعده ودتسمعك ولهذا سوي بيها مقلب وخلي نتونس شويه
سجاد/ هههههههه صدك تحجين انتي مين هاي الافكار مي وين جبتيها
سليل
منو هاي يلي كاعد يضحك وياها من الصبح لا والضحكه طالعه من كلبه اووف منو هاي ياربي
حسن/ اعجبك اني وهسه تغزل بيه
سجاد/ انتي تخبلتي مستحيل ما اكدر
حسن/ سجاااد لتكلي تخاف من مرتك
سجاد/ طبعا لا حبيبتي اني ميهمني اي احد وما اخاف من احد اي حبي ويلي اريده اسوي اسوي ماكو احد يمعني
حسن/ تعال عندي
سجاد/ اجي عندج؟
سليل
ننن ماكو احد يمنعني اووف واني شنو هنانه فزاعه ياربي اريد اموته عزاااا هذا راح يروح عدها منو هاي البنيه ديكللها حبيبي وحياتي غير راح اموت لحد ما تخلص هاي المكالمه
حسن/ ايي ابو علي راح تنجلط العروس
سجاد/ههه مجنت اعرف عندج هيج افكار والله ياريت تستخدميها وياي هم اعشق هاي الافكار
حسن/ هههه لا ابو علاوي من اسوي وياك هيج بكف واحد توديني لبيت ام احمد الخبازه
سجاد/ تدرين شكد احبج من تفهمني اموت عليج
حسن/ لك سجاد لتسوي هيج تره سليل من تعصب ابوها متعرفه
سجاد/ اي حبيبتي ادري وهو هذا يلي اريد اوصله
حسن/ ههه شكلها خطتي عجبتك
سجاد/ كلش يا بعد كلبي
حسن/ هههه والله وطلعت تعرف تغازل معرفتك شيخ
سجاد/ بعد كلبي انتي انشالله اليوم اجيج وتعرفيني زين من اجيج
حسن/ الفااااتحه على روح حسن قاسم حامد ال ** والله جان شاب جميل كل نيته يسوي خير بس انكلبت الامور علي
سجاد/ يصير خير حبيبتي يصير خير يله روح اني قبل ما تكعد مرتي
حسن/ هلا هلا النوب الحبيبه تعرف انه هو متزوج والله ولعبتها صح
سجاد/ انشالله يله الله وياج
حسن/ باي
سجاد
سديت الموبايل والتفتت شفتها فاتحه عيونها وصافنه بالسقف
سجاد/ كعدتي
سليل وهيه تكوم بدون ما تباوع لسجاد
سليل/ اي ليش مضوجتك كعدتي
سجاد/ لا بس خفت لا مكالمتي وصوتي يضوجوج
سليل/ لا عادي اصلا انت اخذ راحتك اعتبرني مموجوده
سجاد/ يعني عادي اذا احجي واخابر متضوجين
سليل/ اكيد لا ولتقيد نفسك بيه تدري انه انت تكدر تسوي يلي تريده انت حر لانه زواجنا اتفاق جان وراح يبقه
سجاد
كالت هيج وفاتت للحمام ضليت افكر بكلامها ليش مدتتقبلني ليش احسها تكرهني دائما اني اريد اقربها مني اريدها تحس انه اني صديقها مو عدوها بس البرود يلي بيها مجنني مخبلني طلعت من الحمام واجت وكفت كبالي واحس عيونها بيها عتاب ضلت ساكته وتباوعلي
سجاد باستغراب/ سليل بيج شي مضيعه شي بوجهي
سليل/ ها لا بس اكدر اطلب منك طلب تكدر تسوي
سجاد/ اكيد انتي بس كولي
سليل وعيونها مليانين دموع / احترم وجودي وياك بهاي الغرفه احترم علاقتنا حتى لو جانت بس على ورق لا تستخف بيه ولا تستصغرني ابدا
سجاد
صدمني كلامها والدموع دتلمع بعيونعا متوقعت هيج راح تأثر عليها هاي السالفه وصار يلي خفت منه سليل صارت تعتبرني عدو متملت اشوف اللوم والعتاب بعيونها كمت وحضنتها حضنتني حيل وصارت تبجي وتشهك استغربت ردة فعلها شبيها هاي بعدها مني ومسحت دموعها شربتها مي وكعدتها ع الجربايه وكعدت يمها
سجاد/ سليل شبيج
سليل/ سجاد اريد اموت اريد اروح ويه امي وابويه ليش عافوني ليش
سجاد/سلول حبيبتي انتي يمكن الله مخليج عايشه حتى تنقذين حياة الناس حتى تخلين غيرج فرحان حتى دائما الناس من تشوفج تترحم على اهلج
سليل/ سجاد وعد مني راح اسويلك العمليه وما راح اخليها تفشل اذا الله راد
سجاد/ اني متٱكد منج بدون ما تحجين سلمت روحي لايد امينه ادري ماراح تخون  وهسه يله كومي غسلي وجهج وبدلي ملابسج وخلي ننزل سوا
سليل/ حاضر كامن سليلووصلت ل يم باب الحمام و
سجاد/ سليل
التفتت سليل
سليل/ نعم
سجاد/ تره قبل شويه جنت دا احجي ويه حسن وهو كال سوي مقلب بيها
سليل بابتسامه/ شكرا
سجاد/ على شنو
سليل/ لانه ريحت كلبي بدون ما تدري
سجاد/ اوو رجعنا لسالفة الشكر يله مرتي روحي بدلي ملابسج وخلي ننزل جعت
سليل/ ههه حاضر رجلي (زوجي) من عيوني اني هم جعت
راحت سليل ارسلان جاف
سجاد
اووف شكد تمنيت اسمع هاي الكلمه بس تكون طالعه من كلبج مو من شقه طلعت سليل من الحمام مبدله ملابسها وكفت كدامي مثل طفله فرحانه بملابس العيد اول مره اشوف سليل هيج عدها حركات طفوليه كلش حلوه جانت لابسه
ما كدرت ما اباوع عليها ضليت فاهي (صافن) بيها لزمت التنوره ودارت التفت ورجعت وكفت
سليل/ ها شلوني حلوين لو ابدلهم
سجاد وهو صافن بعفويه/ انتي كل مره هيج حلوه لو هاي اول مره تصيرين هيج
سليل بخجل/ احم شكرا
سجاد صحه على روحه
سجاد بتوتر/ اي اي حلوين من رخصتج راح ابدل ملابسي
سليل/ اخذ راحتك
سليل
شفته فات للحمام شويه وطلع لابس دشداشه مثل كل مره وشماغ وكف كدام المرايه واني صافنه علي لبس ساعته والمحابس وتعطر وبده يشمط شعره ويباوع للمرايه ويحجي وياي
سجاد/ اي ست ايلول وين وصلتي بالبحث مال عمليتي
سليل/ انشالله باقل من 3 اسابيع ادرس الحاله كلش زين واسويها للعمليه ومتأكده راح تنجح
سجاد/ حلوو واي مساعده اني موجود
سليل/ شكرا متقصر
سجاد/ يله كملت تعالي
رحت وكفت ع المرايه شفت روحي اخر مره عدلت الشال والتفتت على سجاد كتله يله مد ايده لزمتها وابتسمت احسه دينطيني امل ما ادري ليش فتح الباب ونزلنا سوا شافتنا عمه ع الدرج هيه وبيبي كامو يهلهلون بعدها سحبتنا بيبي وكعدتنا اني وسجاد واحد بصف الثاني بالصاله واجو جدو وبيبي وعمه وعمو ورشا بوسونا وجابت عمه الريوك وما خلتني اشتغل اي شي شويه وفات حسن اجه كعد بيني وبين سجاد
الجده/ ولك محيسن كوم شمكعدك بين العرسان
حسن/ بيبي الكعده متحله الا بينهم من جهه اخويه الشيخ ومن جهه مرت اخويه الدكتوره
الجده/ والله اني من شفتهم اول مره گلت الدگتوره للشيخ
حسن بهمس/ سجودي اكلت كتله من حبيبة الكلب من الصبح لو لا
سجاد/ حبيبتي سلول
سليل بخجل/ نعم
سجاد/ حسن يكول ماكل كتله من الصبح صح هل شي
سليل/اكيد لا اصلا من الصبح كعدنا نسوالف اني وحبيبي وخططنا لمستقبلنا سوا
رشا/ واااااو اي عيني صاير بيها حبيبي وحياتي
حسن / اني عن نفسي اعلن الجفاف العاطفي زوجوني لا احرك روحي
الكل/هههههه
سجاد
مر شهر على عرسنا جان الكلام بيني وبين سليل رسمي كلش بالغرفه بس كدام الناس  چنا طيور حب التهيت بالديوان والفصول وكل يوم طلابه شكل  بديت قليل اشوف سليل لو بالغرفه تدرس التقارير لو تشتغل بالبيت وبالليل لمن ارجع الكاها نايمه ومن اكعد تكون نزلت حسيتها بدت تضعف وجهها اصفر سالتها اكثر من مىه كالت طبيعي ما بيه شي وبيوم خابرني مصعب
مصعب/ ولك بذات شو انت تزوجت نسيتنا
سجاد/ هاي اني لو انت من اخذت حبيبة الكلب بعد حتى للديوان ما تمرلنا
مصعب/ اذا هيج لعد تعالو انت وزوجتك معزومين ع الغده يمي
سجاد/ تتذكر بيت المزرعه مالتي
مصعب/ اي شبي
سجاد/ باجر من الصبح راح نروحله اني ومرتي وانت جيب نسمه همات ويانا خلينا نبقه فد 3 ايام شو رأيك
مصعب/ اي اي كلش خوش فكره لعد هاهيه اتفقنا باجر من الصبح اني هناك
سجاد/ زين يله من رخصتك عندي فصل مهم
مصعب/ اخذ راحتك شيخ
سليل
تعبت نفسيتي كلش صار املي الوحيد انه اسوي هاي العمليه وتنجح واتطلك من سجاد حسيت انه بديت اتعلق بي هذا الشي مو صح احنا طرقنا مختلفه ما اريد اعذب روحي جنت قليل اشوفه هو دائما بالديوان واني لو اشتغل باللبيت لو ادرس التقارير صرت ما اكدر اكل اضوج من الاكل بس اشوفه تنسد شهيتي اصعد فوك انام قبل ما يجي سجاد واكعد قبله وانزل جوه مع هذا مجنت مقصره ويا ملابسه دائما اغسلهم واكويهم واعطرهم الغرفه 24 ساعه تلمع اي شي يريده قبل ما يطلبه يلكا يمه وبيوم جنت بالمطبخ دا اسوي غده وعمه دتخيط وبيبي دتقره قران شفت سجاد اجه فات للمطبخ سحب كرسي وكعد علي استغربت جيته بهيج وكت مو من عوايده غسلت ايدي وكعدت كدامه
سجاد/ شونج شخبارج
سليل باستغراب/ زينه وانت
سجاد/ زين شوفي سليل حضري روحج باجر
سليل باستغراب/ وين؟
سجاد/ راح نروح للبيت يلي مره وديتج على من كتلج نتزوج تتذكري
سليل باستغراب/ اي بيت الغابه مدري المزرعه المهم شعدنا رايحين هناك
شفت نزل راسه جاوبني بدون ما يباوع بعيوني
سجاد/ عزمت مثعب ونسمه هناك راح نبقه 3 اياك ونرجع
سليل بابتسامه/ انشالله يله من رخصتك صاعده اقره البحث
عفته وطلعت قبل ما يجاوب بس صعدت فتت للغرفه قفلت الباب بيديت ابجي بدون صوت او بالاحرى جنت اخفي شهكاتي كله منج سليل انتي يلي وافقتي على هذا الزواج الله اليعلم شراح يصير باجر من يلتقون الحبيبين اكيد واحد راح يحن للثاني ياربي صبرني لحضه المن هاي الدموع (مسحت دموعي) اني ابجي من غيرتي على سجاد ههه ليش ليش اغار على شخص اصلا ولا معبرني ليش دا ابجي معقوله حبيته لهاي الدرجه لا مستحيل سليل اتذكري انتي راح تسوين العمليه وتتطلكين
كمت غسلت وجهي ونزلت كملت الغده وصبيته واني ما اباوع بوجه سجاد چنا كاعدين دناكل واني ببالي الف تفكير من جهه روحة باجر ومن جهه التقارير والعمليه ومن جهه ليش هيجي دا ادوخ دائما شديصير وجان اسمع صوت التفتت بصدمه والكل التفت انصدم من وجوده اخر شخص جنت متوقعه يجي لهذا البيت والاسوء انه حسن ماكو هو ببغداد بالدوام مالته يعني الضيف مالتنا راح بيها
السلام عليكم....
يتبع....
البارت 16
سليل
التفتت باوعت على سجاد احسه راح ينفجر من العصبيه اجه تيم كال السلام عليكم وكعد ويانا
ام حسن/ ها ولك تيم مدنشوفك حتى عرس اخوك سجاد ما اجيت علي
تيم/ والله عمه حقج بس سجاد اخذ مني شغله وضجت منه وتركته على راحته فتره حتى يهده وارجع احجي ويا
الجده/ والك تيم ليش دتحجي بالالغاز
تيم/ بيبي يا الغاز هاي ماكو شي
سجاد/ من رخصتكم صاعد ابدل ملابسي
الكل/ مرخوص
سليل
صعد سجاد بس جان متعصب كلش يس طلع سجاد كال تيم اي دكتورتنا شونج جنت راح ارد علي بس فتحت حلكي سمعت صوت سجاد ديصيحني اترخصت منهم وصعدتله بسرعه فتت للغرفه لزمني حيل من چتافي
سليل بخوف/ سجاد شبيك
سجاد بعصبيه/ اي عيني دكتوره كاعد يسولف وياج ويسرح ويمرح بكيفه والله ثم والله اذا شفتج دتحجين ويه هذا العار اكسرج هسه راسج اكسره فهمتييي
سليل بخوف/ حاضر حاضر بس عوفني دتأذيني سجاد شبيك وخر
سليل
دفعني بقوه وراح قفل الباب اخذ المفتاح وفات للحمام ضليت على كعدتي بالارض ولميت رجليه لصدري وحضنتهم وضليت ابجي ليش متعصب عليه لييييش اني اصلا ما حجيت ويه تيم يعني هو سالني وجنت بس راح اجاوبه بس هسه وبعد عملة سجاد هايه عرفت انه هو ما يوثق بيه هسه يا سليل صار لازم تقطعين كل خيوط الامل يلي جنتي بانيتها على سجاد وبعد ما اسوي العمليه مباشرهً راح اخلي يطلكني ضليت متقوقعه على روحي ودموعي تنزل طلع من الحمام ما رفعت راسي وضليت على كعدتي اجه كعد كدامي
سجاد/ سليل اني...
سليل بصياح/ انت شنو سجاد انت شنو اكرهك سمعت اكرهك ولا عبالك اني ضعيفه واكسر بسرعه لاا يا شيخ انت غلطان مو الدكتوره سليل يلي يكسرها احد سمعت
سجاد/ سليل بس اسمعيني اني اريد..
سليل بصياح/ شتريد سجاد شتريييد احجي اني مو خدامتك  اني ما اشتغل عندك حتى اسمع كلامك بكلشي فهمت انتي لازم تحترمني وتقدرني غصباً عنك فهمت
سجاد/بس انطي مجال خليني احجي..
سليل
دفعت سجاد وكمت وكفت على حيلي ورفعتله اصبع السبابه بتهديد
سليل/ ايااااك سجاد ايااك تفكر تذلني بيوم لا عبالك اني ماكو احد ورايه يعني ما اكدر احمي نفسي لا شيخ انت غلطان
عفته وفتت للحمام ضليت ابجي جوه المي حتى لا يسمع صوتي طلعت من الحمام شفته مموجود بالغرفه بدلت ملابسي واجيت افتح الباب شفته مقفول هه والله عرفت الشيخ سجاد راح يظهر على حقيقته بيوم رحت للجربايه تمددت واخذت الكلاده حضنتها وضليت ابجي ما حسيت بروحي من نمت
سجاد
جييت تيم صدمتني متوقعته يجي على بيته من سمعته يحجي ويه امي تخبلت لو مو ابويه جان كاعد جان لزمته موتته بيدي صعدت فوك حتى لا اسوي شي اندم علي جنت صاعد وسمعته يحجي ويه سليل احس سليل مالتي شي خاص بيه هيه مرتي ما ادري ليش متحملت فكرة انه تحجي ويه تيم صحتها وطلعت كل عصبيتي بيها قفلت الباب حتى لترجع تنزل ويحجي وياها فتت سبحت وطلعت احس نفسي ارتاحيت شويه وراحت العصبيه طلعت شفتها مكرفصه روحها ودتبجي انكسر كلبس عليها احس كل دمعه منها تحكركني حاولت افهمها انه اني خفت عليها من تيم بس للاسف ما انطتني فرصه وجان تحجي بصياح وتبجي كلامها جرحني كلش وخصتاً كلمة اكرهك احسها دمرتني فاتت للحمام طلعت وقفلت الباب ما ردتها تنزل وهيه هيج منهاره كدام اهلي طلعت للشط ضليت افكر ليش غرت عليها ليش تأذيت من كالت اكرهك ليش ليش معقوله حبيتها اكيد لا بس ليش حتى من اكون وياها احس روحي مراهق وبس اراقب تصرفاتها ياربي شسويلها احتاريت احس كلبي يمها يريد يطلع من ضلوعي بنفس الوقت احسها تكرهني ضليت كاعد ع الشط لليل تذكرت سليل مقفوله عليها الباب صعدت بالسياره وسقت بسرعه وصلت البيت فتت بس اريد اصعد جان لازم اتصرف بهدوء حتى اهلي لا يشكون بشي
سجاد/ ها يمه وين سليل
ام حسن/ يمه مريتك من صعدت وياك منزلت قافله الباب على روحها وكالت نعسانه اريد انام حتى اكل ما اكلت تكول مو جوعانه روح انت ابني شوفها
سجاد/ اي يمه يصير خير يله تصبوحون على خير
الكل/ وانت بخير يمه
سجاد
بلغتهم على روحتنا باجر وصعدت فتحت الباب شفتها نايمه تقدمت عليها بهدوء حتى لا تكعد فتحت عيونها وباوعتلي درت وجهي سويت روحي مجاي عليها شفتها دارت وجهها على غير جهه وغطت راسها حجيت وياها صارت تجوبني من جوه الغطه
سجاد/ باجر بل 6 الصبح نطلع من البيت
سليل/ انشالله  ابن الحجيه
سجاد/ اخذي احتياطاتج راح نبقه هنام 3 ايام
سليل/ اي
سجاد/ كومي حضريلي ملابس وبعدين نامي
سليل/ اي
كامت بدون ما تباوعلي وطلعتلي ملابس وطلعت الها همات رحت يمها اخذت الملابس يلي هيه طلعتهم ورجعتهم للكنتور وطلعت غيرهم لانه هناك البس سبورت مو لبس الشيوخ كملت الملابس خلتهم بالجنطه ووكفت ع المرايه اخذت عطري والساعه مالتي وخلتهم وسدت الجنطه وخلتهم ع الميز بعدها طلعت الجنطه مال لابتوب مالتي وخلت بيها اوراق هوايه والتقارير مالتي ولابتوبي باوعتلي ببرود وكالت اكو شي بعد لو تسمحلي انام ما رديت عليها طلعت من الغرفه رحت للسطح ما ادري شسوي حاير
سليل
كرهته كلش كل الحب يلي جنت احس بي انقلب لكره طلع من الغرفه ىجعت تمددت ضليت صافنه بالسقف يا ترى شنو يلي راح يصير باجر نمت وفزيت الساعه 5 الصبح على صوت باب الغرفه باوعت مكان سجاد مرتب معناها ما نام بالغرفه البارحه اووف اني شعليه وين نام ووين لا كمت غسلت وجهي وبدلت ملابسي شويه وطلع من الحمام مبدل ملابسه جان لابس قميص اسود وستره جاد سوده وبنطرون اسود ضل يباوعلي من فوك لجوه ودار وجهه محجه ويايه شي اخذ الجمطه ونزل نزلت وراه خله الجنطه وره وصعد كدام رحت صعدت يمه جان يحجي وياي بدون ما يباوعلي ويحجي بازعاج
سجاد/ اسمعي زين اني احب لون الاسود احنا تعرفنا بالمستشفى قبل 3 سنوات وخطبتج وتزوجنا عن حب عيد ملادي بيوم 3/7 انتي تعرفين بيه اني دكتور هاي اذا احد سألج فهمتي
جاوبت بدون ما اباوعله/ فهمت حضرة الشيخ
سليل
ضل طول الطريق ساكت بس وكف يم محل اشترى مواد غذائيه وباكيت جكاير وصعد وصلنا البيت نزلنا وكفت كدام الباب تقدم يمي ولزم ايدي حلوت اسحب ايدي منه لزمها اقوى ايست يعوفها واستسلمت وخليته لازمها وانفتح الباب وجان اشوف رجال نزلت راسي و تسالمو هو وسجاد يمكن هو هذا مصعب يلي كال علي سلم عليه الرجال كال مرحبا اختي كتله اهلا وسهلا وفتنا للبيت عيوني تلقائيا صارت تدور نسمه اريد اشوف اريد اشوف حبيبة زوجي وجان تجي نسمه بنيه مبينه بعمري حاطه مكياج بس خفيف كلش عيونها زرك كبار جانت تباوع على ايدينا اني وسجاد شون واحد لازم الثاني شفت الدموع تلمع بعونها اجت وكفت كدامي وكفت اجت حضنتني وبوستني
نسمه/ شونج حبيبتي
سليل/ الحمدلله انتي شونج
نسمه/ بأحسن حال لانه شفتكم صدك زميلي طلع يعرف يختار ماشالله تخبلين
سليل/ شكرا هذا من ذوقج
راحت من يمي كعدت يم زوجها
نسمه/ اي سجاد شونك شخبارك
سجاد/ الحمدلاه زين انتي شخبارج
نسمه/ والله طفرانه من الدوام اني ومصعب اذا مو بالعياده بالمستشفى واذا مو بالمستشفى بالعياده ابد ولا مرتاحين
مصعب/ اي و الله نرجع للبيت مكسرين
سجاد/ الحمدلله مخلص من هاي اللوعه اني
نسمه/ اني صدك شمخلصه مرتك هاي هم من عدكم القريه يعني للسادس وتبطل
سليل
حضني سجاد كدامها وكال
سجاد/ لا حبيبتي دكتوره مثلي
نسمه بصدمه/ دكتوره صدك تحجي
سجاد عقد حواجبه
سجاد/ اي دكتوره وليش متعجبه
نسمه/ مو مبين عليها على كل حال تشرفت بيج شسمج كلتي
سجاد/ اسمعا سليل
مصعب/ حتى مرتك اسمها معقد مثلك شفت الله انطاك على كد نيتك 
سجاد/ هااا عاد انت اخر واحد يحقله يحجي
مصعب/ ههه عمي والله الحب يسودن الواحد
سجاد/ والله بهايه اتفق وياك
نسمه/ انتو شون تعرفتو
سجاد/ احجيلها حبي
سليل/ قبل 3 سنوات التقيت بي بالمستشفى وهناك اخذ رقمي بدون ما ادري وضلينا نحجي فتره بعدها اعترفلي بحبه واني هم حبيته وضلت علاقتنه هيج لحد ما اجه وخطبني
مصعب/ سجاد منشلع كلبه مثلي ضليت مدري چم سنه الحك وره نسمه يله قبلت نتزوج كلما جنت احجي جانت تكول بعد وكت على هاي السوالف
سجاد/ هه تتذكر قبل عرسك بكم يوم شكتلك
مصعب/ اييي كلت نسمه الك الك متصير لغيرك لو الف واحد يخطبها وصدك طلع كلامك صح
سليل/ جان يحجي سجاد ولازم ايدي باوعتله وهو يحجي جان عادي كلش ولا باوع ل نسمه يلي اكلته بعيونها وكلما تنتبهلي اباوعلها تنزل عيونها دقايق وترفها وتباوعله احس كمت اغار علي ما اريد تباوعله ما اريد يباوعلها سجاد مالتي الي وبس مع هذا الحقد يلي بكلبي علي اكبر من انه اسامحه و يلي ديصير مسرحيه واحنا مجبورين نمثل بيها
مصعب/ ايي سجاد بعدك تريد تسمي اول ابن الك علي
سجاد/ شجاب هاي السالفه ببالك
مصعب/ والله هاي نسمه بس تكول اول ابن الي اسمي علي والليل كله من تنام تصيح ابو علي بالحلم هه سوتني ابو علي واني حتى ما راضي ع الاسم
سليل
انصدمت يعني بعدها تحبه ما نسيته اووف ربي صبرني يا الله
فهد/ لا عيني اني وسلول انفقنا اول ولد النا نسمي جلال مو صح حبيبتي
سليل/ اي حبيبي
نسمه/.......
يتبع.....
البارت 17
نسمه/ اني كايمه اسوي اكل
سليل/ راح اجي اساعدج
نسمه/ اوك
سجا بهمس/ انتبهيلي على زلات لسانج لانه نسمه راح تخليج تحجين بدون ما تحسين
سليل بهمس/ لا توصي حريص
سليل
رحت للمطبخ جنت دا اشتغل وحجت وياي نسمه
نسمه/ اكلج سليل انتي وسجاد صدك واحد يحب الثاني
سليل باستغراب/ اي ليش
نسمه/ امم لا ماكو شي بس انتي متسكين انه هو جان عنده علاقات قبلج يعني ما مقوله ما حاجي ويه اي بنيه
سليل
جنت دا احجي وظهري ع الباب ما جنت اعرف انه سجاد واكف يم الباب وديسمعنا
سليل/ ماكر رجال ما حاجي ويه بنيه قبل ما يتزوج بس سجاد كلبه دك لوحده وهيه اني واتزوجها وهو لو جان رايد جان تزوج القبلي الحاجي وياهم يعني
نسمه/ وانتي تعرفين سجاد دكتور لو هم مخبي عليج
سليل/ هه صدك تحجين اني اعرف كلشي عن سجاد لانه هو دائما يجي يشكيلي همه واشكيله همي
نسمه/ بس يلي اعرفه عن سجاد انه كتوم وما يحجي المضوجه لأي احد
سليل/ اي صح هو كتوم كلش بس مو وياي لانه هو يوثق بيه كولش
نسمه/ انتي تعرفين انه هو جان متزوج وحده قبلج
سليل
جان كلام نسمه بالنسبه الي صاعقه دمرت كلشي حرگت الاخضر واليابس سجاد جان متزوج ليش وشون واني ليش ما ادري ضليت اثرم البيدي ومنزله راسي حتى لا تشوف علامات الصدمه على وجهي شويه وحسيت روحي دايخه كلش جنت راح اوكع وحسيت على ايد سجاد لزمتني
سجاد بخوف/ سليل حبيبتي شبيج
سليل بتعب/ دايخه ونفسي دتلعب مدا اكدر اوكف
نسمه بصدمه/ يمكن حامل
سليل
باوهلي سجاد وكل علامات الاستغراب والصدمه على وجهه بس ما بينها كدام نسمه والاسوء انه اني جنت دايخه وتعبانه لدرجة ما كدرت احجي او ابرر لزمني سجاد وسندني علي
سجاد/ الله يسمع منج وانشالله حامل هاي الغاليه حبيبتي سليل
نسمه بحزن/ اي اي انشالله هاي حبيبتك
سليل/ سجاد فدوه لعبت روحي من ريحه الاكل بس. طلعني من المطبخ
سجاد/ من رخصتج اختي نسمه اني راح اخذ حبيبتي سليل فوك ترتاح شويه
نسمه/ ها اختك ها ها اي اي اخذ راحتك بس تره مبينه سليل حامل من لون وجهه وتصرفتها
سليل
لزمني سجاد وصعدني فوك فوتني على غرفه كعدني ع الجربايه وراح سد الباب واجه كعد يمي
سجاد/ سليل احجي شنو سالفة الحمل
سليل / من كل عقلك صدكت لك بابا شوف هاي التحليلات
رحت طلعت التحليلات من الجنطه
سليل/ اخذ يا دكتور اقراها زين
سجاد
اخذت التقارير واني مصدوم بديت اقره بيهم جان عدها فقر دم حاد هاي عدا الزائده مالتها ممكن بأي لحضه تنفجر
سجاد عقد حواجبه
سجاد/ هاي من يمته
سليل بتعب/ ما ادري سجاد لخاطر الله بطني دتوجهني مدا اتحمل
سجاد بخوف/ سليل تحملي بس دقايق اروح اشتري دوه واجي
سليل/ لالا اكو بالجنطه مالتي عندي جايبته
سليل
شفت الخوف بعيون سجاد جان مخبوص بيه كلش راح جابلي الدوه وانطاني ايا شربته وضل واكف يم راسي شويه وحسيت الوجع خف اجه كعد يمي
سجاد بخوف/ شون صرتي
سليل بتعب/ سجاد شنو سالفة انك جنت متزوج قبلي
سجاد/ اوووف يا الله جنت ناوي احجيلج والله بس متوقعت هاي الحقيره نسمه تسوي هيج وتحجيلج
سليل/ سجاد احجي تره گلبي طك منك ومن مشاكلك
سجاد/ سليل وعد رجال راح احجيلج كلشي بس مو هسه اني ما اريد نسمه تشمت بيج
سليل/ والحل سجاد والحل
سجاد/ شوفي راح ننزل هسه وانتي راح تتصرفين طبيعي وراح تكولين اذا سألتج انه انتي تدرين بزواجي القديم وانه انتي تدرين انه كنت مجبور علي و (سكت)
سليل/  و شنو سجاد و شنو كمل
سجاد/ تكوليها انه انتي حامل
سليل بصدمه/ شنوو بس اني مو حامل كافيچذبنا بسالفة زواجنا النوب نكملها بسالفة الحمل لا سجاد ما اكدر
سجاد/ بس اسمعيني انتي لازم تسوين هيج حتى تدمريها تقريها تخليها تموت بدمها افهمي عاد
سليل/ بس هيه حبيبتك شون يجي منك تعلمني أاذيها
سجاد/ سليل لخاطر الله فهمني لخاطر الحسين اني ما احبها اكرهها والله وغلاتج عندي اكرهها
سليل/ تدري شنو سجاد صرت ما افهم عليك صرت احتار منك ومن سوالفك واكاذيبك يلي مجاي تنتهي
سجاد/ سليل اني وعدتج انه راح احجيلج كلشي بس تخلص هاي اليومين على خير ونخلي نسمه تفك مننا والله والله راح اخليج ترتاحين راح اخليج تعرفين عني كلشي بس ساعديني اريد اكسر نسمه بس ما اكدر وحدي
سليل/ اوف سجاد اوف كلي شنو المطلوب مني
سجاد بابتسامه/ يعني افهم منج راح تساعديني
سليل بانزعاج/ اول شي لتبتسم هيج وثاني شي اي بس ما راح اسوي هيج علمودي راح اسوي هيج علمود ذيج النذله نسمه تعوفني بحالي
سجاد/ اوك اسمعي المطلوب منج انه تكولين انه انتي طلعتي حامل وتمثلين اعراض الحمل وبس
سليل/ ماشي اتفقنا بس والله يا سجاد اذا ما حجيتلي سالفة زواجك شنو الا اكلبها سوده براسك
سجاد بحده/ اكول سليل دا احسج بديتي تتجاوزين واني صب ي اله حدود لتشوفيني ساكت تره گوه لازم روحي ما احجي شي يأذيج
سليل/ عومن من تحس بشعوري ناقشني انت متعرف معنى انه يجيك واحد يكلك زوجج متزوج وحده قبلج سجاد رحمه لاهلك اسكت
سجاد/ امشي نزلي كدامي
سليل/ كايمه
سليل
نزلنا اني وسجاد شفت نسمه ومصعب كاعدين بالصاله من شفتها رحت لزمت ايدي سجاد باوعلي باستغراب لانه هاي اول مره اني يلي الزم ايده دائما هو يلزمني باوعت علينا نسمه بعدها نزلت عيونها على ايدنا شفت سجاد لزمني اقوى رحنا كعدنا كدامهم
مصعب/ ها خير سجاد شبيها مرتك
سجاد/ والله عاد الحمل واعراضه ما تعرفه
نسمه بصدمه/ شنوو سليل حامل
سليل بابتسامة نصر/ اي حامل يوم الج عيني نسمه
مصعب بفرح/ ها صدك الف الف  مبروك 
سجاد/ الله يبارك بيك اخويه اي اختي نسمه ماراح تباركيلنا
نسمه بصدمه/ صدك صدك يعني سليل حامل اخاف متوهمين
مصعب/ شبيج حبيبتي هيج مصدومه
نسمه بتوتر/ ها لالا مو مصدومه بس هيج دا اسال
سجاد/ اي سوينا تحاليل وتأكدنا سليل حامل مو صح حبيبتي
سليل/ اي عمري صحيح
نسمه بتوتر/ اني رايحه اشوف الاكل ع النار راجعه ما اتاخر
سليل/ اجي اساعدج
نسمه/ لالا ريحة الاكل مو زينه عليج اصلا اني ماراح اتأخر  ارسلان جاف
سجاد
راحت نسمه وشفت علامات الحزن والصدمه بعيونها بس هل شي ما أثر بيه يمكن بعد ما تزوجت نسمه بكد مو تناسيتها فعلا نسيتها صار همي كله اشوف سليل فرحانه واعتقد اني فعلا حبيت سليل  اني حبيت برائتها حركاتها العفويه الطفويله بس احتاج شوية وكت حتى اعرف اذا هيه تحبني او لا واول خطوه راح اخطيها انشالله من اطلع من هذا البيت شفت سليل ملتهيه دتخابر رشا ومصعب راح يجيب الاغراض من السياره كمت اروح للمطبخ حتى اشرب مي وتفاجئت من شفت نسمه دتحط شي مثل البودره فوگ واحد من الصحون ركزت زين على شكل الصحن ورجعت كعدت بالصاله شويه ونصبت الاكل وساعدتها سليل اجه خلت كدام كل واحد صحن وذاك الصحن يلي بي ذيج البودره كدام سليل تخبلت ما ادري شسوي خفت تشك بيه وتعرف انه اني شفتها وجان لازم انقذ سليل اجت ببالي فكره
سجاد/ حبيبتي سلول
سليل/ نعم عيوني كول حبيبي
سجاد/ انطيني صحنج يشهي اكثر
سليل باستغراب/ ها اي حاضر تفضل
نسمه بتوتر/ لالا لحضه ليش راح تاخذ صحنها ميصير
سليل / اني اصلا ما اكدر اكل شبعانه بس كعدت هيج علمود سجاد
سجاد/ انطيني صحنج حبيبتي وهاج صحني
بدل سجاد الصحون
سجاد/ اكلي حبيبتي
سليل/ ما اكدر شبعانه
سجاد/ اجبري نفسج اني اريد ابني يطلع سمين وحلو مو ضعيف
سليل بابتسامه / اي راح اكل
سليل
استغربت سواية سجاد لانه مستحيل ياخذ صحني بس علمود اشتها انتبهت على ردة فعل نسمه عرفت اكو انّ بالموضوع انطيت الصحن لسجاد شفته ياكل بهدوء وعيون نسمه علي بخوف معقوله حطت شي بالاكل لا مستحيل متوصل وياها لهاي الدرجه خلصنا الاكل ورحنا كعدنا جما دنسولف ونضحك ونسمه كل شويه تباوع للساعه وتباوع ل سجاد استغربت من حركتها رفعت راسي باوعت لسجاد خله ايده على راسه وصار يمسد علي عرفت راسه ديوجعه واكيد راح يوجعه لانه لازم نسوي العمليه باسرع وقت خفت احد يشك باوعت للساعه شفتها الساعه 9 لزمت راسي وكتله لسجاد
سليل/ سجاد حبيبي ساعدني اصعد فوك اريد ارتاح وانام كلش تعبت
سجاد باستغراب/ اي حبيبتي من رخصتك مصعب
مصعب/ لا ياخويه اخذ راحتك عود باجر نكمل سوالف ملحوك عليها يله كوم اخذ مرتك واذا احتاجيت شي اني ونسمه موجودين
سجاد/ متقصر اخويه
سجاد
دخت كلش احس الدنيا تفتر بيه وراسه صار وجعه مو طبيعي شفت سليل كالت تريد تصعد اجتني من الله بس اريد اكوم لانه شويه وراح اوكع كدامهم مع هذا استغربت من حجت لانه ما معقوله سليل تريد تكوم صعدنا فوك شفتها فاتت ورايه وقفلت الباب
سليل بخوف/ شجاد شبيك
سجاد بتعب/ ما ادري سليل ما ادري بس اريد ارتاح
سليل
خفت على سجاد كلش احس بأي لحضه ممكن يوكع من طوله ساعدته وتمدد ع الجربايه شويه وكام يضحك مثل السكران واني متت خوف عبالي فات بي جني لانه سجاد نادر ما يضحك هيج وكفت كدامه سحب ايدي حيل وكعدني يمه جان يحجي ويايا بثكل مثل السكران وبس يضحك
سجاد/ ههههه احبج والعباس احبج الله يشهد عليه احبج
سليل بخوف/ سسجاد انت شارب شي شبيك تخبلت
سجاد/ ولج هاي الكلبه بنت الكلب مدري شخلتلج بصحنج هههه وبعدين اني كشفتها واخذت الصحن واكلته هههه ولج طلع بي مخدر يخلي الواحد يفقد تركيزه بس مجنت اكدر ما اكل هههه خفت شتك بيه
سليل بصدمه/ عزه الغزاها انشالله وتالي سجاد هسه اني شسوي وين احير بيك
سجاد/ هههه تعالي نغني هههه والله صوتج حلو تعالي حبيبتي
سليل باستغراب/ انت يمته سمعت صوتي
سجاد/ههه من جنتي تعزلين غرفتي وتغنين من ذاك الوكت وكعتي گلبي بحبج اعشقج ولج اموتن بييج
سليل/ اشش اشش سجاد صوتك لحد يسمعك لخاطر الله اسكت
سجاد/ احبج مجنونتي انتي اي انتي خليتي الشيخ سجاد يلي الكل تخاف منه يخاف يحجي شي حتى لا يجرحج انتي خليتي يفكر ملوين مره قبل ما يخطي اي وه ممكن تأثر عليج بس للاسف چنتي ثوله وما فهمتي هذا الحب
سليل/ سجاد كوم نام كووووم يله
سجاد/ ما اريد انام اريد اضل اباوع لعيونج الحلوين
سليل/ بس كوم نام واني راح اجي يمك
سجاد/اوك هههه لحضه لحضه وعد؟
سليل بقلة حيله/ اي اي بس كوم
سليل
ما انكر انصدمت من كلام سجاد احس روحي طير وفتحو القفص مالته فرحت كلش بس حقدت على نسمه وحلفت الا انتقم منها جريت سجاد ومددته ع الجربايه وغطيته وكعدت يم راسه لحد ما نام وبعدها اني نمت
سجاد
كعدت الصبح على صوت الفون مالتي باوعت شفت سليل نايمه لزمت الفون شفت حسن ديخابر باوعت للساعه جانت 7 الصبح حسن هيج وكت نايم خفت وبسرعه فتحت الفون وهنا انصدمت صدمة عمري
يتبع.......لا تنسون متابعه او ارسال طلب صداقه حته يوصللكم اشعار النشر  وشويه كثرو تفاعلكم حته نختمها بساع لا نطول عليكم داده دوسي اعجاب وعلقي شكد متكدرين