الدكتوره سليل والشيخ

١٨___١٩___٢٠

#دكتوره_اسيل_والشيخ

البارتات18____19_____20

حسن بصوت مخنوك/ سجاد وينك
سجاد بخوف/ حسن شبيك اكو شي احجي خوفتني
حسن/ اهدئ سجاد بس الله يخليك تعال للبيت
سجاد بخوف / امي وابويه احد بي شي احجي
حسن/ لا سجاد لا محد بي شي بس اني راح اموت الله يوفقك لا تتاخر عليه دا انتضرك بالبيت
سجاد/ مسافة الطريق واني يمك
سجاد
كمت بدلت ملابسي وكعدت سليل جهزنا نفسنا واعتذرت من مصعب كتله صار عندي ظروف ورجعت للبيت وطول الطريق امشي بسرعه واني الف فكره اكو براسي شبي حسن شرجعه من بغداد وشصار ويا وصلت البيت سلمت عليهم وصعدت بوجهي فوك واني ع الدرج التفتت شفت سليل ورايه ضليت اباوعلها كالت حسن مثل ما هو اخوك هو اخويه مستحيل اعوفكم الا اعرف شبي  كبرت بعيني كلش بعد كلامعا وصعدنا على غرفة حسن فتنا للغرفه جانو عينونه حمر دم مبينين انه جان ديبجي اول ما فتحت الباب اجه حضني بادلته الحضن بعدين بعدته عني وكعدته ع الجربايه ووكفت كدامه وهو منزل راسه ويحرك رجله بتوتر
سجاد / حسن احجي شكو شبيك
حسن/ من وين ايدي سجاد من وييين
سجاد/ من اول لحضه من البدايه احجي
حسن/  البارحه جنت ببغداد دا ادرس وخابرني عمي ابو نهر جنت بالمحاضره ف ما تكدر ارد علي وجانت هاي المحاضره كلش مهمه كملت وطلعت خابرته
حسن/مرحبا عمي شونك
ابو نهر/ ابني عوف السلام هسه واني اريد احجي وياك بشي مهم
حسن/ عمي اكو شي يلي بلبيت بيهم شي
ابو نهر/ لا عمي الكل زينين السالفه تخصك انت وحدك
حسن/ ابشر عمي مسافة الطريق واني يمك بالبصره
ابو نهر/ لا ابني اني ببغداد اجيت علمود البضاعه وكلت افض شغلتي وياك
حسن/ اي عمي وينك هسه اجيك دقايق واني يمك
ابو نهر/§§§§§§
حسن/ اي عرفت المكان جاييك عمي
طلعت واني ميت خوف يا ترى عمي شعنده وياي ليش رايدني شنو الموضوع جنت متوتر لدرطة انه سقت بأعلى سرعه وحتى جنت راح اسوي حادث بس ما همني الموضوع المهم اوصل  وصلت المكان نزلت شفته كاعد ع ميز وحده رحت كعدت كدامه
ابو نهر/ شونك ابني
حسن/ اهلا بيك عمو شكو تره خوفتني احجي
ابو نهر/ اسمه ابني انت كم سنه باقيتلك حتى تكمل جامعه
حسن/ سنتين
ابو نهر/ سنتين ولحد ما تتعين هم سنتين وانت هيج موگف قسمة بنتي نهر واني ما اقبلها تكعد البنيه تنتضرك 4 سنين
حسن/ عمو اني كتلكم نتزوج بس انتو ما قبلتو كلتو الا اتخرج
ابو نهر/ابني شون تتزوجون اول شي انت كل يوميه مسافر بغداد بصره يعني بنتي راح تضل معلگه وياك والشي الاسوء انه اني ما انطي بنتي لواحد ياخذ مصروفه من ابو باچر عكبه منو يصرف على بنتي واذا اجاكم ولد هم ابوك يبقه يصرف عليكم لو شون
حسن/ عمو كلامك على راسي لعد الحل شنو انطيني حل واني غصب عني انفذه
ابو نهر/ ابني الحل واحد وما اله ثاني
حسن/ اسمعك عمو احجي
ابو نهر/ انت مالك مره يمنا اليوم راح يجون يخطبوها لابن صديقي
حسن بصدمه/ عمو تتشاقه مو
ابو نهر/ يلي عندي حجيته وهسه يله ابني ارجع حسن الطالب الحباب وكمل دراستك يله
حسن بصياح / شدتحجي انت فهمني شدتحجي من كل عقلك اني احبها ولك شون ينطيك كلبك احجيي
ابو نهر بعصبيه/ اولا نصي صوتك وثانيا اياك تجيب سيرة بنتي على لسانك فاهم واني اصلا من البدايه دا ردتك زوج لبنتي وشكله رب العالمين سهلها عليه واني راح ازوجها لابن صديقي هو شبا عنده شركات هوايه وما ينعاب بشي
حسن بصدمه/ عمي بس انت دتبيع نهر مو دتزوجها افهم عمي افهم لخاطر الحسين
ابو نهر / يلي عندي كلته وهسه الله وياك يله
حسن
هذا كل يلي صار وعافني وطلع اني مدا اكدر استوعب يلي سوا شون سجاد فهمني شون شسوي هسه اني والله راح اموت
سجاد/ اشش حسن اليوم راح يجي عمك للديوان وافهم منه
سليل/ حسن اسمعني انت قوي مو كلمه تكسرك كوم ودافع عن حبك لاخر لحضه ولما تحس انه الشغله بدت تطلع من ايدك عوفها يمكن الله مخبي الك الاحسن حسن انت ما لازم تضعف انت قوي كوم غسل وجهك وجهز روحك حتى تروح للديوان ويه اخوك يله
حسن/ انشالله
سجاد/ اني راح اروح ارتاح وابدل ملابسي لحد ما يوصل عمك وباقي عمامك ونشوف شراح يصير يله سليل
حسن/ اخذو راحتكم
سليل
طلعنا من غرفة حسن ورحنا لغرفتنا بدلت ملابسي وسجاد فات سبح وبدل ملابسه وتمدد ع الجربايه وحط ايده على عيونه كمت احجي ويا جان يجاوبني بدون ما يشيل ايده من عيونه
سليل/ سجاد شربت الدوه
سجاد/ اي دوه سليل واني دايخ بسالفة حسن المشكله انه ما بيدي شي شسوي ما اعرف
سليل/ انت شيخ واكيد مار عليك مثل هيج مشاكل وراح تحلها بسهوله
سجاد/ انتي تعرفين انه زوج ديمه محمد هو اخو نهر يعني اذا صارت مشكله اختي هم راح تتبهذل وانتي لتنسين يمكن حسن يتحمل يفارك نهر بس ديمه عدها جاهل (طفل) وهسه هيه حامل يعني مين ما اجيبها عوجه راسي راح يطك من التفكير
سليل/ بس ديمه ومحمود شعليهم بمشاكل عمك وحسن كل واحد شكل
سجاد/ سليل محمد جان يحب ديمه واخذها غصب عن امه ومن يومها ام محمد شوفت ديمه الويل لحد ما محمد شاف تصرفات امه اخذ ديمه وراحو لغير محافظه ومن يومها مرت عمي ضلت تحجي براس عمي وصار يكرهنا ف اني متأكد انه هيه مراح تفوت هاي الفرصه حتى تفرگ ديمه ومحمد
سليل/ سجاد شراح تسوي
سجاد/ ما اعرف ياريت اختفي من الدنيا اموت ولا اشوف واحد من اخواني او خواتي تنزل دمعه من عينهم
سليل/ اسمعني انت شيخ ومار عليك الاف من هاي المشاكل انتي متأكده انه انت راح تحلها وبدون ما تطلع احد زعلان واذا انجبرت تختار  سعادة واحد من اخوانك اريدك تختار ديمه لانه حسن راح ينسى بمرور الوكت ويمكن يحب ويتزوج بس ديمه لا ديمه عدها جهال و هيه تحب رجلها ف يلي اريده منك ترتاح وتفكر زين
سجاد شال ايده من عيونه وضل صافن بيه شويه
سجاد/ شكرا  ارسلان جاف
سليل/ على شنو
سجاد/ لانه واكفه وياي ودتساعديني
سليل/ هذا واجبني مو المره لازم توكف يم زوجها بالزين والشين (السوء) لو اني غلطانه
سجاد/ لا مو غلطانه وياريت الكل مثلج ياريت اني مسوي الحادث من زمان وملتقي بيج
سليل/ يا ستار بعيد الشر يله سجاد اخذ دواك وانزل للديوان
سجاد/ انشالله
سجاد
نزلت للديوان واني مليون سالفه براسي فتت للديوان جان جدي وابويه كاعدين شويه واجو عمي ابو نهر ومحمد وحسن وتيم وعمي ابو خالد و خالد وباقي عمامي وولدهم بعد السلام كعدنا كلنا وبعده جدي يحجي
الجد/ ابني ابو محمد شنو سمعت تريد تزوج نهر
ابو نهر/ اي ابويه نهر بنتي واني اريد ازوجها ابن صديقي هو مكمل وعنده شهاده وشركات وخير من الله
ابو حسن/ بس حسن هم مكمل وعنده شهاده وخير من الله شسالفه اخويه ابو نهر
ابو نهر/ حسن بعده طالب وبعد اقل شي 4 سنين يله يكون روحه وهو لحد هاي اللحضه انت يلي تصرف علي باجر من يتزوج هم راح تبقه تصرف علي
ابو خالد/ اخويه ابو محمد انت تدري انه الحلال نصه مسجل بأسم حسن وهو يلي ياخذ فلوسه منه يعني مو من ابو اذا انت علمود هاي الشغله
ابو نهر/ بس حسن مديطلع هاي الفلوس من تعبه هاي من تعب سجاد وابو سجاد مو من عنده هو وكته كله دياحه وصياعه ببغداد والجامعات
سجاد بعصبيه/ عمييي لهنا وكافي اخوبه رايح يدرس رايح يصير دكتور حتى يرفع راسنا بين الناس مو رايح يخرب سمعتنا مثل ما كلت
ابو نهر/ اني العني حجيته وانتو ما الكم مره يمي
خالد/ عمي ابو محمد اسف ع التجاوز بس انت لحد هاي اللحضه ما انطيت اي سبب مقنع يخليك ترفض حسن
سجاد/ احجي عمي سبب واحد يخليك ترفض حسن واحنا نوكف وياك ونرفض هذا الزواج
ابو نهر/ باجر عكبه بنتي تتبهذل بين بغداد والبصره لو شون
حسن/ عمي بس انت كلت انه ما راح نتزوج الا بعد ما اتخرج يعني راح ابقه بالبصره وياها
ابو ونهر/ وبنتي تضل عندي بالبيت تنتضر حضرة جناب الدكتور حسن يخلص جامعته
الجد/ ابو محمد انت متثاقل من نهر ولكمتها وكعدتها وياك لو شون
ابو نهر/ ابويه البنيه صار عمرها 22 وانت تدري البنيه هنا بالسلف من يصير عمرها 19 وبعدها ما متزوجه تصير عليها السمعه مو زينه واني ما اقبل احد يمس بنتي بكلمه
ابو حسن/ وليش هسه يله اجت ببالك هاي الشغله ليش بيوم يلي خطبها ابن صديقك حجيت احجي اخويه اسمعك
ابو نهر/ من الاخير ما الكم مره عدنا و لا النا مره عدكم
الجده بصدمه/ شنو قصدك ابو محمد
محمد بصدمه/ بويه شنو السالفه ليش ربطت هاي المواضيع سوا حسن ما اله دخل بيه ولا اني الي دخل بي ليش سويت هيج
ابو نهر/ يلي عندي حجيته وانت يا محمد اذا رفضت كلامي راح اتبره منك ليوم الدين فاهم لا علمود المره تصير ابن عاق
حسن بصياح/ عمي انت شنو قصتك بعت بنتك علمود الفلوس فهمناها وهاي اني كدام الكل ما تريد نهر وزوجها للي تريده بس مال تخرب حياة اختي هاي واكفه كلش وما اسمحلك بيها
سجاد بصياح/ شون اجه من كلبك كلي فوك المصيبه انه انت عندك احفاد يعني ممرجع ديمه وحدها لا مرجع معاها جهالها وانت تدري بإبنك هاويها (يحبها) ويريدها وما يكدر بدونها ليش دتخرب بيوت الناس بيدك
الجد بحده/ اسكتو كلكم
سكت الكل
الجد/ ابو محمد شنو يلي تريده انت واتمنى من الكل يسكت ونطيني هدوء
ابو نهر/ بويه يلي اريده هو انه مالنا مره يمكم ومالكم مره يمنا
الجد/ بويه محمد انت راضي على كلام ابوك جدي انت لازم تختار ابوك وامك لو مرتك وجهالك
ابو نهر/ محمد لتصير عاق الوالدين علمود مره واطفال باجز ازوجك اغاتها وراح تخلفلك اغات هذوله البزر (اطفال)
سجاد
جان موقف محمد كلش صعب ما انكر انقهرت علي بس بنفس الوكت خفت على اختي يلي راح تتبهذل بسبب عمي وطمعه بالفلوس شفت محمد دنك راسه وحجه
محمد/ جدي اني شوري من شور ابويه ويلي يريده اسوي ولو على كطعان رگبتي
حسن/ متوقعتك نذل لهاي الدرجه ادري ابوك عاميه عيونه الفلوس والجشع انت ليش ادري بيك ابن اصول ومتسويها متعوف وراك الانسانه يلي حبتك وجهالك هيج
ابو نهر/ محمد جهز السياره طالعين وبنتكم وجهالها عدكم وعلمود سالفة طلاكهم هاي الها كعده ثانيه اليوم راح يجون يخطبون نهر ولازم عمامها موجدين اتفضلو لبيتي
الجد/ لا تحسبني يا ابو محمد راضي ع يلي ديصير اصبر انت بس وشوف شون مرجعك لهذا البيت تتوسل واني ادري بنهر صعيفه ومحد راح يكدر يحميها غير حسن بس اريد اشوف تاليتها وياك
سجاد بهدوء/ محمد اريد احجي وياك شويه وحدنا
ابو نهر/ دير بالك شيخ تفر راس ابني وتغيرله رأيه
سجاد/ صح هو ابنك جاهل واني رايد اقشمر علي
محمد/ بويه شبيك شايفني طفل وانجر بكلمه اتفضل شيخ
سجاد/ امشي نطلع للحديقه
طلعو سجاد ومحمد
سجاد/ اسمع محمد بيوم عطيتك اختي واني اعرف امك رافضه كلت راح يحميها ويدافع عليها من كلشي واني ما انكر انه انت جنت كفو بهذا الشي بس يا محمد ديمه جانت امي قبل ما تكون اختي والكلب الجبير يلي شايلته اني ما اسمحلك تكسره هيج
محمد/ سجاد شسوي خلي روحك مكاني اني لازم اختار مرتي لو ابويه بربك لو جنت بمكاني منو راح تختار
سجاد/ اني ما انكر انه الموقف يلي احطيت بي صعب وحقك بس لازم تعرف انه عندك اسبوعين يا أما تحجي ويه اهلك وترجع ديمه لبيتها معززه مكرمه او تطلكها وما الك اي جهال يمنا
محمد بصدمه/ شنو قصدك اذا طلكت ديمه راح تاخذ جهاهلها يمها
سجاد/ اي محمد مثل ما سمعت وهسه تكدر تروح واتمنى ما تتاخر اسبوعين وبسس
سجاد
راحو عمامي فتنا اني وابويه وجدي وحسن للصاله اول ما فتت شفت ديمه كاعده وابنها وبحضنها وبطنها واصله لخشمها وسليل كاعده يمها ولازمه ايدها وبيبي وامي ورشا وحده تواسي الثانيه من شافونا الكل اجه علينا فتنا وكعدنا كلنا بالصاله
الجده/ ها ابو قاسم شصار وياكم
الجد/ نهر اليوم يخطبوها وهيه وحسن ما الهم طريق سوا همه مختلفين
ديمه/ جدو لعد ليش محمد ما رجعني ويا احنا كلنا نروح سوا ونرد سوا قبل ما يطلع كال ديري بالج على روحج وعلى امير وانشالله اسبوعين ويخلص كلشي ما فهمت منه شي سالته كال اسالي سجاد
سجاد/ ديمه اني افهمج تعالي وياي لغرفتي
ام حسن/ ابني اكو شي
حسن/ لا يمه ماكو شي
سليل
راحو سجاد وحسن وديمه للغرفه اشرلي سجاد اروح وياهم فاتو لغرفة حسن وسدو الباب شفت سجاد كعد يم رجلين ديمه ولزم ايدها وحسن كعد بصفها ع الجربايه ولزم ايدها الثايه
ديمه/ خوفتونو شكو شصار
سجاد/ ديمه حبيبتي بعد بيتي صدكيني يلي راح يصير بي خير الج
حسن/ ولاتخافين ديمه احنا دوم بظهرج وعمرنا ما راح نعوفج
ديمه/ احجو وترتوني
سليل
بده سجاد يحجيلها كلام عمها وزوجها وحجالها من طلعو هو ومحمد وحجو على انفراد كل هذا وهو مندك وديمه عيونها صارت شلال من الدموع كمل سجاد ورفع راسه وباوعلها مسح دموعها وصار يحجي وياها
سجاد/ وحق يلي خلقني يا ديمه راح اندمهم على كل دمعه نزلت من عيونج على كل حزن زرعو بكلبج
ديمه/ سجاد افهم انه بعد اسبوعين يا اما يطلكني او يرجعني بس اني ادري ب محمد يحلل ويحرم ومستحيل يختارني على امه وابو
حسن/ طز بي خلي يطلك ويولي ما اله جهال يمنا
ديمه/ حسن انت مدتفهم احنا عدنا اطفال جهال 2 هذوله وين احير بيهم باجر عكبه من يكولولي وين بابا اكللهم والله نساكم وتزوج غيركم ومشيت حياته طبيعي جهال راح يضلون طول عمرهم بحصرة دلال الاب وحنانه
سجاد/ اني ابوهم وحسن ابوهم الثاني احنا ما راح نعوفهم ونبقه وياهم لاخر يوم بعمرنا وماراح نخليهم يحتاجون لذاك الناقص
سليل
رحت كعدت يم ديمه وخليت راسها على صدري وهيه تناشغ وتبجي حجيت وياها
سليل/......
يتبع....