الدكتوره سليل والشيخ

البارت 1____2الجزء الثاني

#دكتوره_اسيل_والشيخ

الجزء الثاني البارتات1

قَابلنِي واقبلنِي وتقبلنِي بكلّ تَقلُباتي وتقليدي وتعقيدي، ولا تُقلبنِي وأَبقِنِي كَمَا قَابلتني..!
.
.
.
سجاد/ شلونك بويه
شهم/ زين يابه بخير انت شلونك امي وعشق شلون دوامها
سجاد/ كله بخير الحمدلله بس منتضرين رجعتك
شهم/إنشالله ارجع بأقرب وقت
سجاد/ شهم بويه هاي امك تريد تحجي وياك
شهم/ انطيني اياها
سليل/ شهم حبيبي اشتاقيتلك شوكت ترجع كم مره كتلك عوف هلي الشغله عوف السلاح وانت الا تصير ضابط هاي صرت ضابط وراح تروح بيها
شهم/ يمه على كيفج ليرتفع الضغط عليج حبييه والله ماكو شي كلها اسبوع واني يمج
سليل/ ابني والله اني خايفه عليك
شهم/ امي عيوني والله ماكو شي
شهم
سديت الفون بعد ما طمنت امي ادري بيها خايفه عليه بس هذا حلمي ما اكدر اتخلى عنه...
تمددت اريد انام تعبان صارلي يومين منيايم....
ياسر/ يمه افهميني احبها تعرفين شنو يعني احبها
نهر/ ياسر كافي اصحى على روحك حسن ومياس مستحيل ينطوك بنتهم ارسلان جاف
ياسر/ ليشش ليششش شنو الناقصني شنوو شو شهاده وعندي وبيت وعندي وسياره وراتب وكلشي ليش حتى يرفضون
نهر/ ياسر كافي سد هذا الموضوع وطلع رغد من راسك لانه مستحيل تنجمعون انتو الاثنين تخت سقف واحد
ياسر بحزن / راح يرفضون لانه ابويه طلكج مو؟ يرفضون لانه ابويه سكير مو؟ طبعا منو يقبل ينطي بنته لابن واحد خريج حبوس طلك مرته وترك ابنه وراه
نهر وهيه تبجي/ ياسر ابني..
ياسر بعصبيه/ ولج يمممه اكرههم اكرهه كل واحد تسبب بأذيتنا اكره جدي يلي هو ابوج لانه زوجج علمود الفلوس واكره ابويه يلي تركني واني بعز حاجتي اله يممه جان حلمي اطلع المعدل العالي يلي يخليني ادخل الطب يمه لحد هاي اللحضه اتذكر شلون محد قبل من اهلج ينطيج فلوس لدراستي
اكو اشياء ما اكدر انساها اني هسه معلم بس جان لازم اصير دكتور وماصرت بسبب جدي وابويه
نهر/ كافي ياسر كافي يمه لتحرك گلبي اكثر
رفع ياسر وجهه وباوع لامه يلي عيونها مليانه دموع
ياسر/ اسف يمه عليت صوتي عليج بس والله من حرگة كلبي يمه اكو شي اني ما اعرفه؟ ليش عمو حسن ممكن يرفضني؟
نهر/ مو حسن ياسو مو حسن مياس هيه يلي مستحيل تقبل بيك
ياسر/ لانه رغد طالبة طب واني معلم؟
نهر/ لا يمه لا مو هيج مو هذا السبب صدكني
ياسر/ يمممه لخاطر ربج فهميني اكو شي ما اعرفه؟
نهر/ لا يمه
ياسر
تركتني امي وراحت واني افكر ب رغد وشلون حبيتها من چنا نجتمع كلنا ببيت عمو سجاد هاي البنيه احتلت گلبي من جانت مراهقه ولحد هاي اللحضه...
ما ادري ليش امي مبتعده عن عمو حسن وخاله مياس وقريبه من الكل طول هاي السنين ما اذونا او سمعونا كلمه مو زينه بالعكس جانو دائما قريبين مني بس امي اخخ امي مدري شبيها...
يمان/يممه يممه
رشا/ ها يمه شتريد
يمان / اني طالع ويه اصدقائي تريدين شي؟
رشا/ لا يمه سلامتك
رزان/ اني اريد
يمان/ كولي ام لسان الطويل شتريدين
رزان/ يمان اني مو لساني طويل بس الف مره كتلك ما اقبل تصيح عليه
يمان/ صيحت عليج لانه لبستي ملابسي ادري ماعندج ملابس ابويه مقصر وياج بشي؟
زران/ ملابسك وبسس
يمان/ شوفي الخبال يمه
رشا/ ههه اخذها على كد عقلها يمه
زران/ يمان فدوه ارجع من وكت اليوم راح ابات ببيت عمو سجاد
رشا/ اي يمان خلي تروح لانه باجر الجمعه وانت تدري كل جمعه نجتمع هناك
يمان/ خلي تروح شعليه منها؟
رزان/ مو انت توصلني
يمان/ ابتليت على روحي تمام تمام ارجع من وكت عود يله مع السلامه
زران و رشا / الله وياك
يمان
طلعت من البيت وخابرت اسد ابن عمو حسن...
يمان/ وينك؟
اسد/ بالبيت ليش
يمان/ جاييك
اسد/ هلا بيك منتضرك
يمان
صعدت بسيارتي ورحت لبيتهم دكيت الباب فتحتلي خاله مياس..
مياس/ شلونك يمان شخبارك ليش مدتجي يمنا الك وحشه
يمان وهو يبوس راس مياس / حبيبتي خاله والله ملتهي بالعياده مالتي لازم مديسولفلج اسد
مياس/ بلي والله يكول تعال تعال تفضل ليش واكف بالباب
يمان/ اسد وينه؟
مياس/ فوك بغرفته
يمان/ من رخصتج خاله راح اصعدله
مياس/ اخذ راحتك ابني
رجعت خالتي تغسل الحديقه واني رحت للبيت اول مدخلت جانت رغد واكفه دتغسل الصحون بدون حجاب صفنت عليها شكد كبرانه وحليانه بعدها تعوذت من الشيطان هاي عرضي شلون اباوعلها هيج نزلت راسي
يمان/ احم ااحم
رغد
واكفه دا اغسل الصحون وحسيت صوت احد ورايه التفتت شفته يمان بسسرعه لبست الحجاب يممه كون يشوفني اسد هيج مفرعه كدامه..
رغد/ اهلا وسهلا يمان شوكت اجيت
يمان/ هلا بيج رغوده هسه وصلت اسد وين؟
رغد/ فوك بغرفته اصيحه الك؟
يمان/ لا شكراً اني راح اصعدله
رغد/ ماشي
يمان/ شخبار دراستج
رغد/ شويه صعبه والله بس مدبرتها
يمان/ درسي زين ماكو شي صعب اريدج تتخرجين حتى اجي اسوي سنوني يمج
رغد/ ههه يله ما باقي شي واجي افتح العياده مالتي يم العياده مالتك حتى تصير انت دكتور عيون واني دكتورة اسنان
اسد / هاي انت هنا صارلي شكد منتضرك
يمان/هسه وصلت
اسد/ رغد ولو اسوي زحمه عليج بس اريد جاي الي وليمان
رغد/ بعيوني ثواني والچاي يمكم
اسد/ تعال يمان نثعد فوك
يمان/ مشينا
يمان
صعدنا للغرفه كالعاده اسد الكئيب كعد ع الكرسي مالته وصفن بالشباك..
كعدت كدامه ع الجربايه وحجيت...
يمان/ اسد لشوكت راح تضل هيج
اسد/ شمسوي؟
يمان/ صارلك شهر على هاي الحاله وينه اسد يلي بس يضحك ويتشاقه؟
اسد/ يمان لتحاول ما احجيلك
يمان/ مو بكيفك غصباً عنك تحجي
اسد بصياح / لااا لااا لا
يمان/ شبيييك اهده وين كاعدين
اسد/ كتلك عوفني
يمان/ اسد انجب واحجي كافي عاد
اسد/ ما اكدر يمان افهمني
يمان/ لا افهمك ولا تفهمني احجي شصار وتغيرت
رغد
سويت الجاي وصبيته وصعدت لغرفة اسد بس قبل ما ادك الباب سمعتهم يحجون..
اسد/ ابويه وعمه نهر
يمان بأستغراب /شبيهم؟
اسد/ اووف اووفففف
يمان/ احجي اسد لتخبلني
اسد/ واحد يحب الثاني
يمان بصدمه/ لالا جذب اسد لتسمع الحجي انت نسيت شكد ابوك يحب امك وضحه علمودها ووكف وياها وتزوجها غصباً عن الكل
اسد/ يمان مدا استوعب يلي ديصير
يمان/ اسد اهده بسس اهده اكعد مع ابوك واسمع منه
اسد/تدري اني شايل هم ياسر شلون بي اذا عرف تدري هو اكثر واحد متأذي من جان صغير جيبها ضيم بضيم
يمان/ ياسر كدها وشوفه شلون كون نفسه واشتره بيت بزوده وعايشين هو وامه وممقصر وياها بشي
اسد/ ما ادري يمان ما ادري احس روحي ضايع
يمان/ عمو حسن اكيد عنده تبرير ل كلامك هذا
رغد
دكيت الباب وفتت انطيتهم الجاي وبسرعه رحت لغرفتي صافنه وافكر ب ياسر هسه شلون بي اذا عرف خطيه والله اني اعتبره اخويه وكلش مقهوره علي...
يعني من جهه جده يلي مخله طريقه ما أذاه بيها ومن جهه ابو السكير خريج الحبوس اووف من ما يجيبها عوجه...
عشق/ ماما ماما
سليل/ ها حبيبتي
عشق/ ها يمه شوكت رجعتي من العياده مالتج وبابا وين؟
سليل/ هسه اجينا اني ويا محتاجه شي حبيبتي
عشق/ لا يمه سلامتج بس كلت اخاف تحتاجيتي بالشغل لانه باجر الكل راح يجي يمنا
سليل/ لا يمه ما عندي شي
عشق/ زين يمه تره رغد و ورزان راح يجون يباتون يمنا
سليل/ اي يمه ادري
سجاد/ السلام عليكم
عشق/ هلا والله بالشيخ شلونك
سجاد/ ههه هلا بالشيخه
عشق/ يممه راح تتعصب مرتك عود تغار عليك
سليل/ لج عشق شو لسانج طايل وينه شهم يربيج
عشق/ اووي شبيج وياي اني مدللة هذا البيت اني الشيخه بنت الشيخ
سليل/ ولج..
سجاد/ لتضوجيها لاميرتي ولتحجين وياها
سليل/ ها هيج صارت لعد خلي اميرتك تفيدك
عشق
راحت امي وهيه ضايجه وابويه يباوعلها ويضحك
عشق/ يممه راح اكل كتله مرتبه روح صالحها بويييه
سجاد/ ههه رايح رايح
سليل
رحت لغرفتي ضايجه وبديت ارتبها حسيت سجاد اجه سويت روحي ضايجه وهو كعد ع الجربايه ويباوعلي..
سجاد/ اكو سليل
سليل بضوجه/ كول
سجاد/ ههه خبال اكو وحده تغار من بنتها
سليل بضوجه/ ما غرت عادي اصلا
سجاد/ اذا انتي من بنتج غرتي لعد اني شكول واني اشوفج كليوم الف واحد ووحده يجون الج للعياده؟
سليل
صفنت بي وابتسمت واني اتذكر قبل كم سنه من لما جان عندي شهم عمره 5 سنوات قبل ما احمل ب عشق...
سجاد/ هسه شبيج ضايجه متكوليلي
سليل/ اريد ارجع لشغلي سجاد مو هيج اتفقنا انت تدري اني عندي الاولويه شهادتي
سجاد/ انتي هسه كلشي عندج شتسوين بالوظيفه؟
سليل/ سجاد شفت شلون رشا وتيم عياداتهم واحد يم الثاني وحتى حسن ومياس وانت يمهم بس انييي ليش هييج
كعدت ابجي من صدك ما اريد اخسر شهادتي...
اجه يمي كعد باوعلي وجان يكول..
سجاد/ اغار !
سليل/ ما الي علاقه بعدين اني ماراح اكعد ويه الرجال وحدي وعود الشباب ادزهم الك
رفع حاجبه وكلي..
سجاد/ والنسوان؟
سليل بعصبيه/ انت تدزهم الي
سجاد/ خليني افكر بسالفتج
سليل/ اي عفيه فكر
ومر يومين واخذني سجاد شوفني العياده مالتي وهيج استمريت بدوامي وحتى من حملت بعشق هو رفض اكمل بس هم قنعته واستمريت...
عوده للواقع..
سجاد/ اي ضحكيني وياج
سليل بابتسامه/ماكو شي حبيبي
شهم
اوفف واخيراً خلصت اليوم ارتاح وباجر بوجهي للبصره بغداد تعبتني...
دا امشي حتى اروح للشقه مالتي احضر اغراضي وحسيت بنيه انضربت بظهري بقوه التفتت اباوعلها شكلها مطبيعي ما اقتنعت بيها كلشش جانت ملابسها مبينه راقيه بس مخربطه شعرها ما مرتب دتبجي والمكياج مالتها صاير خريطه...
_ ساعدني الله يوفقك ساعدني
شهم/ اساعدج بس بشنو
_ خطفوني خطفوني ذوله طلعني من هاي المنطقه فدووه فدووه اروحلك طلعني من هنانه
شهم
صعدتها وياي بالتكسي واخذتها للشقه مالتي كعدت وهيه ما وكفت بچي وانا كدامها اباوعلها مستغرب ضليت ساكت لحد ما هيه حجت..
_ انت مبين بالشرطه
شهم/ ضابط
_ اي اي عفيه ساعدني
شهم/ اساعدج بس بشنو؟
_ خلصني منهم عفيه
شهم/ اهدي بس
تركتها ورحت جبت مي وانطيتها جانت ايديها ترجف وعيونها ما وكفت من البجي...
تركتها ورحت للغرفه دخنت واني افكر هاي شنو سالفتها...
نص ساعه وطلعت شفتها نايمه غطيتها وطلعت من الشقه...
خابرني ياسر نزلت كعدت بالكفتريا ورديت...
ياسر/ شخبارك شهم
شهم/ زين بخير ياسر اكو شي
ياسر/ لا ماكو شي بس خابرت حتى أوصيك تخلي بالك يم امي تره ما عدها غيري واني راح اروح واني واثق بيك تكدر تحميها
شهم بعصبيه وخوف/ ياسر لتتخبل شنو هذا الحجي
ياسر/ شهم فات الاوان امي امانه يمك
شهم بصياح/ ياسر لتتهور انت ويييين
ياسر/ فوك الجسر
شهم/ بروح كل غالي عليك ياسر لتسوي شي ياسر انتضرني هسسه جاي
ياسر/ تطول يله توصل واني راح اتعب اكثر
شهم/ ياسر روح لاي مكان ارتاح صدكني مسافة الطريق واني يمك
ياسر/ يصير خير
شهم
صعدت بسرعه للشقه مالتي بدلت ملابسي واخذت اغراضي كلهم خليتهم بالجنطه باوعت هاي البنيه بعد مكعدت رحت فتحت الثلاجه شفتها مليانه واكو لحم ودجاج زين تكدر تسوي شي اذا كعدت...
باوعت اكو بيدها فون طلعت ورقه وكتبت عليها..
( اجاني شغل مهم واضطريت اروح اسف لانه راح اقفل الباب عليج بس العماره كلها عزابيه وما اكدر أامن عليج وانتي هسه امانه يمي وراح اكتبلج رقمي اذل متكعدين اتصلي بيه او دزيلي رساله اني اخابرج)
خليت الورقه يمها واخذت الجنطه وطلعت قفلت الباب وبوجهي ع البصره
يتبع...