الدكتوره سليل والشيخ

البارتات٩___١٠___١١

#دكتوره_سليل_والشيخ

البارتات9____10_____11

ملاك/ بابي من كعدت الصبح رحت على غرفتك علمود ننزل اني وياك سوا  وشفت الموبايل مالتك  ديدگ جان مكتوب نسمه
سجاد بتوتر/ ها اي اي هاي وحده  فقيره اخذت رقهما حتى اساعدها من تحتاج شي تخابرني
حسن/ منو هاي شو اني ما اعرفها
الجده/ انت ما عليك محيسن هاي صدقه وحرام واحد يحجي بيها
حسن/ بيبي لخاطر الكعبه اسمي حسن حسن مو محيسن بس لو ادري منين طلعتي هذا الاسم
ام حسن/ تعالو تفضلو صار الاكل
سليل/ خاله هسه اجي بس ثواني
سجاد/ وين
سليل/ بس اكو حبايه لازم تاخذها بين الاكل حتى معتدك ما توجعك راح اصعد اجيبها واجي بسرعه
سجاد/ اي
سليل
صعدت فوگ واني دا افمر ليش توتر من سمع اسم همسه اكيد حبيبته اسم همسه اوو اني شعليه ليش دا افكر بي صعدت جبت الحبايه شفت رساله من همسه( راح يزوجوني غصب عني الله يوفقك رد) شفت الرساله انصدمت بس ما بيدي شي انقهرت سجاد خطيه حبيبته راح تتزوج اكيد راح ينقهر فكرت انه ليش ما اكله ع الرساله يمكن يروح يخطبها بس بعدين كلت لا اني شعليه وليش حتى اتدخل بحياتهم نزلت انطيته الدوه وكاعده دا اكل وكلما ارفع راسي اشوفه ديباوعلي خلصنا الاكل
سليل/ خاله اني انضف البيت
ام حسن/ لا يمه رشا تنضفه انتي ارتاحي
سليل / لا خاله لعد اغسل الصحون
ام حسن/ لا يمه نهر تغسلهم
سليل/ لعد اني اطبخ
ام حسن/ لا يمه اني اطبخ
سليل / انضف الحديقه
ام حسن/ سجاد ميقبل احد يطلع بره
سليل / خاله ما اكعد اريد اشتغل شي
الجده/ ولج غزاله استجني
سليل/ ههه بيبي ما اكدر ما متعوده لازم اشتغل
حسن/ اي والله بيبي لو تشوفيها بالمستشفى مثل الاعصار ما توكف حتى مرات ادوخ بكد مو امشي وراها
رشا/ تعالي ساعديني ادرس شويه
سليل/ من عيوني شعندج
رشا/ انكليزي
سليل/ ايي عشقي هاي الماده امشي
الجد/ سجاد ابني تعال للديوان عندي موضوع وياك
سجاد/ صار يابه
ابو حسن/ اني طالع اشوف الفلاحين وسكد صار محصول هاي السنه
الجده/ اي الله وياكم اني راح افوت لغرفتي اقره قرآن شويه
سليل/ تعالي بيبي اساعدج
الجده/ اي والله بعد امج
حسن/ يمه دايخ وتعبان راح اصعد انام
ام حسن/ يمه اخاف مريض
رشا/ لا يمه شبي چنه هايشه
الكل عدا حسن/ ههههه
حسن/ اني اشوفج الهايشه شتسوي تعالي ولج
رشا وهيه تركض/ اسفه اسفه والله ما اعيدها اسسسفه ولك راح اوكع اسفه
حسن/ راح اصعد انام بس والله ما اعوفلج ياها
راح حسن
ام حسن/ يمه نهوره نضفي البيت وانتي رشيوه تعال نضفي المطبخ اني اريد اخيط شويه
نهر/ من عيوني عمه
رشا/ اوف اوف حاضر ماما

في غرفة الجده
الجده/ تعالي غزاله كعدي يمي
كعدت سليل/ اي بيبي
الجده/ يمه وين اهلج
سليل نزلت راسها
سليل/ بيبي ميتين
الجده/ الله يرحمهم يمه عمامج وين خوالج
سليل/ بيبي عمامي اخذو الورث كله وسافرو للانبار وخوالي ما اعرف شي عنهم من ماتت ماماةبيبي ما فتحت الموضوع ابدا وكلما اسالها تكول تبرو من امج لانه تزوجت ابوج
الجده/ يا ساتر يا ربي شسمها امج
سليل باستغراب/ بيبي اكو شي ليش دتسالين
الجده بتوتر/ لا بويه ماكو شي بس سؤال
سليل/ امي اسمها زمرد
الجده بصدمه/ متأكده
سليل باسغراب/ اي بيبي ليش
الجده/ تعالي بعد گلبي ساعديني اروحن للديوان احجي ويه سجاد والحجي
سليل/ بيبي اكو شي
الجده/ لا بعد امج ماكو شي بس ساعديني
سليل/ حاضر بيبي
سجاد
جنت كاعد ويه جدي ودنحجي وفاتت بيبيتي وسليل استغربت جيتهم لانه بيبيتي ما تجي لهنانه الا اذا عدها موضوع خاص وياي او ويه جدي اجت كعدت وسليل ضلت واكفه
سجاد/ خيرج بيبي شو هنانه
الجده/ لا وليدي ماكو شي
سليل/ بيبي اني رايحه اذا ردتي شي صيحيني
الجده/ اي بيبي اي
سجاد/ دكتوره تكدرين تنضفين غرفتي
سليل/ من عيوني بس انت كمل وتعال اصعد حتى ابدل الضماد مالتك
سجاد/ انشالله
طلعت سليل
الجده/ ابو قاسم تتذكر زمرد
الجد بعصبيه/ ام قاسم لتفتحين هذا الموضوع
سجاد/ بيبي منو زمرد شنو السالفه
الجده/ زمرد بنتي قبل ما تجي انت للدنيا حبت واحد من غير عشيره واجه خطبها بس ابوك رفض لانه رادتها تتزوج واحد من ولد عمها بس هيه من عرفت هيج خابرت الولد التحبه وانهزمت ويا..
الجد بعصبيه/ وجابت العار لعائلتنه احنا صارلنا 22 سنه سادين هذا الموضوع ليش فتحتي ام قاسم
الجده/ ابو قاسم زمرد ماتت وزوجها هم مات
الجد/ الله يرحمهم شتريدين هسه
سجاد بصدمه/ بما انه سليل عمرها 22 واهلها هم ميتين يعني..
الجده/ اي سليل بنت زمرد سجاد الدكتوره تصير بنت عمتك
الجد بصدمه/ متأكدين
الجده/ اي ابو سجاد متأكده لانه تشبهها كلش
سجاد بصدمه/ وحتى فصيلة دمها مثل فصيلتي يعني هذا دليل ثاني بس شون كدرت تفوت لهذا البيت معقوله هيه تدري انه احنا اهل امها
الجده/ ما ابني ما تدري ولو تدري جان حجت بحذر بس هيه جانت دتحجي بحزن
الجد/ تحنا لازم نحمي هاي البنيه ونكللها انه هيه بنتنا
سجاد/ اعرفها عنيده مستحيل تصدك واذا عرفت ماراح تبقى هنانه حاليا لحد يحجي شي لحد ما اني اعرف شون اكللها
الجده/ بس هيه مقهوره واني مدااكدر اشوفها هيج
الجد/ ام قاسم سجاد  راح يحلها كافي تنوحين
سجاد/ من رخصتكم صاعد ارتاح شويه
الجد. الجده/ مرخوص ابني
سليل
صعدت على غرفته ونضفتها باوعت الشباك كله مضبب رحت دا انضفه وظهري ع الباب واجت ببالي اغنية راح الزين كمت اغني اني ودا انضف كملت والتفتت شفت سجاد واكف يم الباب ومتكتف ديباوعلي يبوو فشله ضليت مصدومه واباوعله وهو مبتسم فات للغرفه وسد الباب نزلت من الكرسي ووكفت كدامه
سجاد/ كملي ليش سكتتي
سليل بخجل/احم شوكت اجيت
سجاد/ من بديتي تغنين
سليل بخجل/ اها اني طالعه اخذ راحتك
سجاد/ لا ضلي
سليل/ عفوا؟
سجاد/ مو راح تبديلن الضماد
سليل/ ها اي اي تمام نسيت يله تعال اكعد
سجاد/ اي