شــــــــــــمس لا تغــــــــــــيب

شمس اليوم الواحد و ثلاثين 💥

*نظر كريم الي الجالسه بجواره فى الكوشة♤مقعد العروسه♤عروسه المصون عابسه ولا تبدي أي قدر من التفاعل وها هما جالسان كل منهم عابس فى وجه الآخر وما يغيظه أنها تدعي البرود والا مبالاه وكل هذا بسبب انه رفض أن يكمل مهندس الديكور عمله لأنه باختصار لا يرتاح إلى نظراته وغمزاته ومن وقتها وهى على تلك الحاله....اقترب منها حتي تستطيع سماع صوته يقل غاضبا{مريم افردي بوزك ده انا مش خطفك ومتجوزك بالعافية}قالت بلا مبالاه{انا فرده بوزى ومش مكشره انت إللي لاوي♤متهجم الوجه♤وشك عليا}قال بحنق وغضب{يسلام تحبي أجبلك مرايا تشوفي وشك ده منظر عروسه وكل ده ليه عشان حتت المهندس المايع ♤المدلل♤إللي حضرتك مش عارف لقيتيه فين}شهقت تفتح فمها بتساع{انا لأقيه فين ليه بقا أن شاء الله شايفني لاقيته ع الرصيف ده يا استاذ مهندس فى شركه محترمة وبعدين انت عجبك إللي حصل لسه ستارة البانيو وعلقات الفوط{المناشف}وحاجات كتير}زفر كريم نفسه بغضب يهمس من بين اسنانه{أولا ستارة البانيو فى حمام اوضتنا ومظنيش حد من الضيوف أو أهلى أو أهلك هيجي مخصوص يستحمي فى حمام اوضتنا عشان الستارة تبقي باللاهميه ديه ثانيا انا اركبهم أو اجيب أي سباك يركبهم}فتحت عيناها الفيروزيه بتساع أكثر تغمغم بدهشه {سباك ..ايه اللي بتقوله ده وكمان انا بحب استحمي وأنزل ستارة البانيو}ووسط الغناء والرقص وسعاده الجميع صرخ كريم بغيظ{انا بقا مش بحب أنزلها وآيه رايك هفتح باب الحمام وانا بستحمي وعديها بقا يا مريم عشان انا اتخنقت} كان الجميع يتجمع بشكل دائرى حول ساحه الرقص كل ثنائي يرقص على أنغام الموسيقي الهادئة "لجين ومراد "وانسجام تام يكاد لايشعران بمن حولهم "وزينب وعدنان "وزينب المشغوله بمراقبة بشري الشبه عاريه وهى تجلس بطاولتها تكاد تنفجر من الغيظ وعيناها لا تتزحزح عن عدنان الغارق فى عشق زوجته باعذب الكلمات....."ونغم وطارق" كل منهم ينظر إلى الآخر بهيام وعشق اكبر ترعرع مع شبابهم ليصبح حب يسع الكون.... واخت كريم وزوجها ايضا....وقفت ناريمان مستنكره تنظر إلي الثنائيات فى ساحة الرقص لتهمهم قائله بهدوء{أكرم عايزه أرقص انا كمان}نظرت لها شمس الجالسه بأمر شديد الأهمية من حبيبها إلا تتحرك من مكانها خطوه واحده ولا تجهد حالها...ثم ابتسمت على ملامح أكرم المستنكره بشده لتقل نهله بمزح{يلا يا دكتور قوم رقصها حرام عليك}ضمت ناريمان شفتيها باغراء تداعب ياقه قميصه وبدلال انثوي رهيب وجمال ساحر همست{يلا بيبي مش انا بسمع كلامك فى كل حاجه اسمع كلامي انت كمان}اقترب يوسف من الطاوله الرئسية يعانق شمسه من الخلف يقبل عنقها المكشوف وجزء صغير منه من فتحت فستانها الذهبي بلون عيناها...ثم نظر الى أكرم يبتسم{قوم يابني انت هتزعل بنت خالى قدامي مش كفايه كريم إللي سايب الفرح هو ومريم ونازلين خناق}نظر أكرم إلى بطن زوجته البارزة بقله حيله ثم وقف يمسك يدها و يذهب بها إلى ساحه الرقص هاتفا بغيظ
{عقبال عندك أن شاء الله وانشكح♤ابتسم باتساع♤زي حضرتك كده}لكمته ناريمان بخفه وهى تغمغم أمام شفتيه{كده هتزعل مامت أحمد}وضع أكرم يده اليمن فوق بطنها البارزة بشكل كبير{اسمها أم أحمد}هتفت باعتراض{أم أحمد ديه لو قولتها تاني مفيش اي حاجه هتتنفذ من إللي قالها الدكتور}قبل أكرم وجنتها يقل باسف{لا لا اسف يا مامت أحمد باشا} .............
* التفتت نهله يمينا ويسارا تبحث بعيناها عن سيف لتسال يوسف الملتصق بزوجته كحارسها الخاص وبعينان شديده الانتباه يراقب ملك المنسجمه فى الرقص مع منه وكل منهم ترتدى نفس الثوب والذي أصرت مريم علي تفصيل ثوبين وردي اللون من التل ومنثور عليه بعض الورود الملونه مع طوق من الورد يزين شعر الجميلتان...{يوسف هو دكتور سيف فين}اشار يوسف على احدي الطاولات والتى تضم والد كريم الحاج عزمي ووالد شمس الحاج جلال ودكتور سيف مع بعض أصدقائهم المقربين يتحدثون ويضحكون بسرور وقد انتشر بقاعة الزفاف الملكيه والتي تعتبر من ارقي القاعات عناصر من الشرطة فى زي رسمي وغير رسمي وحراسة مشددة بسبب دعوه كريم إلى رئيسه بالعمل وكيل النائب العام وزوجته وعناصر الشرطه بزي الغير الرسمي أو المدني لحمايه عائله يوسف.......وقفت نهله بستقراطيه تهمس لشمس{ بعد اذنك ياشمس ياحبيبتى هشوف دكتور سيف}اومأت شمس برأسها مبتسمه ثم رفعت رأسها تنظر إلى حارسها الخاص وحبيبها قائله بمزحه{my Badyguard ممكن تيجي تعقد قدامي} ابتسم لها بعشق يجلس بجوارها وهو يملس على بطنها برفق من اسفل الطاوله يقرب شفتيه من شحمة اذنها جعل جسدها يقشعر وتبدأ جينات الحمل فى التفاعل بتوهج بشرتها الحليبيه وارتجاف شفتيها ليعلم انه ذات تأثير خارق على زوجته الجميله قال بصوت مرتفع قليلا وهو مازال يمسد بطنها باصابعه{مبسوط يابابا ده فرح عمتك مريم}جعدت أنفها الصغير تقل وهي مندهشه {مبسوط وعمتك هو خلاص قررت انه يكون ولد}مط شفتيه المغريه مبتسم يهز رأسه ثم نظر إلى ملك التي ترقص كاميرة صغيره حول مجموعة من الأطفال ويبدو عليها الانسجام على اغنيه شعبيه جديده وقد تحولت ساحه الرقص إلى حلبة لمسابقة الرقص يشترك فيها أصدقاء مريم وأصدقاء مراد وبعض من أصدقاء كريم وزوجاتهم حتى ناريمان قررت ببطنها المنتفخه الرقص... {الحمد لله عندنا ملوكه المره ديه نجيب مالك والمرة الجايه أخته}اقتربت منه تحيط بذراعه وانفاسها الساخنه تدغدغ بشرته السمراء بنشوه{انا عايزه اجيب منك ولاد كتير جدا}غمز لها بمكر وشقاوه يقل{وانا جاهز وعلى أتم استعداد}ثم اقترب منها أكثر يهمس بكلمه جعلت اذنها تحمر من الخجل وجسدها يشتعمل بنيران النشوه وتلبكت شفتيها بقوه تقل بصوت متقطع{انت قليل الادب}ضحك بقوه حتى ظهرت اسنانه الناصعة البياض واغمضت عيناه البنيه الساحره فزادته طله ساحره وهو يغمغم{انا مقولتيش حاجه لكل الكسوف ده انا قولت خير ربنا كتير}احتقن وجهها بالدماء تقف وهى تدمدم باعتراض{لا مقولتيش كده هروح أعقد جنب مني وداده وداد وخليك انت هنا لوحدك}غمز لها يغمغم{وانا هفضل ابص ع البنات الحلوه وخصوصا أم فستان اسود إللي هناك ديه}انتبهت شمس على بشري التي تقف بمنتصف ساحه الرقص ترقص باغراء وبعض الشباب يتجمع حولها وهى تحاول أن تجذب أنظار عدنان.....هتفت شمس بغيظ وهي تحجب الرؤيه عن يوسف تقف أمامه {سأفله ورخيصه قال دكتوره قال أمال الرقاصه تبقى ايه}اتسعت ابتسامته ورفرف قلبه وهو يرى غيرتها وحنقها عليه....ليقل بمكر وهو يحاول أبعادها عن مرمي نظرة{ابعدي كده يا شمس خليني اشوف ملك وهى بترقص}ليصدح صوت من خلفه يقل بانفاس متقطعه{لا مث بلقص♡برقص♡عايزثه اثرب يوثف}حمل يوسف ملك بقلق يمسح عرقها ويجلسها فوق الطاوله يقل{كده وشك أحمر وعرقانه مش قولتلك بلاش تجرى كتير كده ياقلب يوسف}ضمها لصدره بقوه يقبلها أما شمس فشربتها ببطء ثم اخرجت من حقبيتها الذهبيه الصغيره فرشاة صغيره بينك تقل بحنان{تعالى حبيبت ماما نغسل وشنا ونسرح شعرنا الجميل ده}رفعت ملك اصبعها الصغير وهى ترقص بجسدها{ورس بلفان♡برفان♡يوثف}أنزلها يوسف من فوق الطاوله لتقل شمس بضحكه صافيه وهى تمسك بكفها الصغير{لا انتى تحطي من برفان البنات علشان برفان بابا لرجاله بس}رفعت ملك كتفها حائره ثم قالت ليوسف الذي يتابع حديثهم{بث مامتي ثموسه رس منه}اتسعت عين شمس غير مصدقه تلك الصغيره ذات الشبر الواحد تأخذ بالها من كل صغيره وكبيرة تحدث ليقل يوسف بمكر{وانا اقول برفاني بيروح فين}اقتربت منه وقد قررت إعلان حرب العشق عليه تهمهم بجرأة لم يعتدها منها{بحب ريحتك تكون على جسمي دايما اعمل ايه يظهر بتوحم عليك}.تنحنح بارتباك وقد تحول مكره إلى دهشه وتحول جسده إلى بركان من النيران وهو يتمني أن يحملها بيده الآن إلى منزلهم تاركا كل شيء خلفه ولكن ليس هناك فرصة لاتمام تلك الخطه....لينظر إلى كريم من بعيد ويقرر التدخل بينه وبين أخته قبل أن يعلنو الحرب على بعضهم بتلك الليله ................
* ظلت فريده تمشي بغرفتها ذهابا وإيابا كالمجنونه تدخن سيجاره خلف سيجاره وتشرب من المشروب الذي تعلمت شربه مؤخرا بفضل فايز سعدان جلست فوق المقعد أمام الشرفة وبداخلها صراع قوي بينها وبين نفسها...تردد نفسها باصرار{قومي يا فريده ده فرح بنتك الوحيده ازاي تسبيها لوحدها فى يوم زي ده}لتبتسم بشر وحقد وهى تضيق بين حاجبيها{معاها أبوها وأخواتها كفايه أنها فضلت واحد من عيلة واطيه زي ديه عليكي}...لتجيب نفسها بلوم{بس حتي لو فضلت الشخص ده المفروض تبقي جنبها}صراع قوي بينها وبين نفسها كاد أن يفقدها رشدها..وضعت كفيها فوق اذنها تصرخ بغل{بس بسسس مش هروح خليها مع أبوها ومراته وجوزها إللي فضلته عليا}ضحكه بسخريه تردد{جوزها خلاص مريم اتجوزت ياخساره يا نادر مش لوكنت عايش كان زمانها بقت مراتك}شاردة قليلا ثم نظره إلى خزانة ملابسها تهمس بمكر{انا بقا خليني هنا مع الماظي ومجوهراتي وكمان فايز قد ايه شخص حبوب وظريف}فتحت خزانة الملابس بحذر وبداخلها فتحت الخزانه الحديدية الصغيره لتخرج منها الصندوق الخشبي الممتلئ بالمجوهرات الثمينة والالماظ حدقت بالصندوق تضمه إلى صدرها بقوه ونظرات عيناها توحي بالسعاده الحقيقه.....هرولت الخادمه خلف فايز فوق الدرج وهي تهتف{ثواني يا فندم أدي خبر للمدام}لا حياة لمن تنادي اقتحم فايز غرفه فريده وهو متذمر غاضب ووجهه الوسيم شاحب كالاموات نظر باعين متسعه إلى الصندوق بيد فريده لتدخل خلفه الخادمه وهي مذعوره{انا اسفه يا هانم لكن...}رفعت فريده كفها تقل بأمر وتعجرف{ روحي اعملي فنجانين قهوه بسرعه يلا يلا بسرعه}وضعت فريده الصندوق داخل الخزنه الحديدية دون أن تغلقها وعينان فايز تراقبها بتمعن اقتربت منه تسأله بحنانها{خير يا فايز مالك ومال شكلك مبهدل كده فى ايه طمني}ارتمي بين ذراعيها يتشبث بمازرها الأسود الحريرى وهو يكاد يبكي {خطف بنتي يافريده خطف نور حياتي كلها}رمقته فريده بنظرات تحمل التساؤل{بنتك انت عندك بنت ومين إللي خطفها}بدا فايز ينهار علي صدر فريده يقص عليها كل شيء حدث من البدايه وهي فى حاله من الذهول والصدمه وقد بدأت تتعاطف معه بل وبدأ قلبها يرق لفايز ويميل له...... همست فريده وهي تملس شعر فايز{لازم الحيوان ده يعرف مقامة بس الأول خد بنتك منه وبعدها اعرف شغلك معاه}نظر لها فايز بعينان باكيه يقسم{بس أطول بنتي وبعد كده هقطعه بايدي الكلب ده}ضحكت فريده بسخريه تقل{مرات يوسف ابني حامل حبيبته شوف بقا لما يعرف الخبر ده هيعمل ايه}لم يفهم فايز ما تقصده فريده ليسالها بوضوح{تقصدي ايه مش فاهم}وقفت فريد أمام فايز تقل بمكر{ابتزه قوله شمس قصاد رولا}فرك فايز ذقنه يفكر ثم ابتسم يقل{انتي مش ممكن ايه ده تقصدي شمس تبقي معايا وووو}همهمت فريده بمكر{ايووووه}فرك وجه ثم وقف أمامها مندهش يسالها{ديه مرات ابنك وحامل فى حفيدك ازاى تهون عليكي}جعدت فريده جبهتها تقل بغل واضح{انا هنت عليهم وكل واحد منهم اختار حياته وانا مش هأذي ابني بالعكس انا هاخد منه لعبه اتعلق بيها وكمان نستفيد فهد مستعد يدفع عمره مقابل شمس احنا بقا مش عايزين عمره ده احنا عايزين فلوسه ورولا ايه رايك}قبل فايز يدها بقوه يقل{انت مش ممكن تفكيرك شيطاني}رفعت حاجبها تهمس بغرور{تلميذتك} ............
*هزت مريم رأسها فى عناد لزينب ولجين تقل بتذمر {لا مش هقوم}ظهر التشنج على كل جزء بوجه كريم ينظر لها بإحباط ليقترب منه يوسف يقل ببتسامه {دبحت القطه من أولها سيطرت يابني}هتف كريم بود{ايوه انت هايل أتصرف مع اختك من الصبح ركبها عفريت البيت شويه علقات الحمام وشوية ستارة الحمام وآخر حاجه بتقولي لما نروح مش عايزه قله أدب اتفضل انت}ضحك يوسف بصخب لتلتفت اليه بعض الفتيات أصدقاء مراد من النادي وكل منهم عيناها على هذا الوسيم....عينان واسعه ذهبيه مثل سنابل القمح وشفاه صغيره كرزيه ووجه حليبي متورد يراقب من بعيد ما يحدث وفجأه وقفت شمس تقل لمني بقلق {انا رايحة أقف جنب يوسف تعالى معايا}لاحظت مني اضطرابها لتغمغم بهدوء{لا روحي انتي انا مش متعوده على فساتين كده ومكسوفه} ابتسمت داده وداد باعجاب{ده انتي زي القمر يابنتي ربنا يفرحك}لم تنتظرها شمس وتركتها بين المدعوين لتقف بجانب زوجها المبتسم تجذبه من ذراعه بقوه تتمتم من بين اسنانها{ايه عجبتك الوقفه هنا}............
*صرخ مراد بزينب ولجين{ايه فى ايه إللي حصل البت بترقص وتجاملني وبعدين انا عزمت الكل مش بشري بس}لكمت لجين مراد فى صدره بغيظ{خليك معانا هنا انت عزمت نص بنات الفرح وبشري ديه بنص التاني}قرصت زينب مراد بقوه وهى تتمتم بحنق{انت متأكد أنها دكتوره لا ديه اكيد حاجه تانيه}اغمضت عيناها تقل بتذمر طفولي{ديه عينها من عدنان هتاكله بعيونها إللي يندب فيها رصاصة}هز مراد رأسه يقل بسخريه{اه من الستات ومن غيرتها عشان البنت بتعرف ترقص كويس وفكه كده ومفرفشه تبقى خلاص قليله ادب ده فرح يعني خليكم ريلاكس}حدقت شمس حولها تفتح فمها وهى ترى فتيات الفرح كل منهم تحدق بزوجها خاصه حينما شارك أخته الرقص بكل مهارة لتبادله مريم الرقص ببتسامه أسعدت كريم بشده....بعدها سلم يوسف مريم لكريم بعد أن قبل جبهتها بسعاده يهمس لها{كريم بيحبك جدا متزعليهوش}اومأت مريم برأسها تبتسم لزوجها الذي وضع قبله هادئه فوق وجنتها قائلا بمزحه{حقك عليا انا اسف هركبلك ستارة البانيو بنفسي مبسوطة}أسندت رأسها فوق كتفه تهمس بدلال{بحبك جدااا }حملها كريم وسط تصفيق وتصفير الأصدقاء يدور بها وهو يهتف بجنون {بحبببببك}.......
*اطلقت كل من نغم وناريمان تنهيده طويله على هذا المشهد الرومانسي لتقل نغم بهيام{ماشاء الله حلوين جدا}لتوافقها ناريمان الرأي وهي تسند رأسها فوق يدها {اه ولايقين على بعض جدا}فى حين كان يسأل أكرم طارق بخفوت{مين أم فستان اسود إللي بترقص هناك ايه ده حاجه جامده}رفع طارق عيناه بحذر ناحيه نغم ليهمس{انا افتكرتها من عيله السلحدار وقولت لنفسي مشوفتهاش ازاي قبل كده}رفع أكرم كفيه يقل{لا مش من العيله اكيد تبع مراد ما نص البنت إلا فى الفرح يعرفهم مراد زي مانت شايف يوسف ملوش طول عمره فى صنف الستات وانا اتجوزت بدرى يبقي مفيش غير مراد}هلك طارق من الضحك يردد{احنا مخلصين بس مفيش مانع من بصه كده ولا كده}........
*رفع مراد حاجبيه بغيظ ثم قال{يعنى اروح اطردها ولا ايه وبعدين معاكم}قالت زينب بقله حيله وطيبه{لا طبعا عيب ديه ضيفه}صرخت فيها لجين بغيظ{ضيفه وعيب ايه ياهبله انتي ديه عينها من جوزك}تمتم مراد بغضب{لجين بلاش تحرضيها}حدقت فيه لجين بغضب تغمغم {بس انت انا الست واعرف نظام الستات ده وبعدين انت بقا ازاي تعزم شله النادى الفاسدة ديه جري ايه ياسي مراد حنيت لماضيك}اختنق مراد يسعل ثم قال متلعثم{اسالي زيزو مش كلهم صحبات مريم}تمتمت زيزو{لا مش كلهم}ليسعل مراد بشده أكثر لتنتبه زينب{اه اه كلهم فعلا}خطوات سريعه غاضبه اقتربت منهم وقفت أمام مراد تعقد ذراعيها{ممكن أفهم مين دول يا مراد طيب الست زفته بشرى وعرفناها مين الهوانم التانيين دول كلهم عينهم على يوسف}اشاح مراد بيده معترض{ايه ايه هو كله مراد مراد انتم إلا جوازكم عينهم زايغه البت هتبص لراجل ليه اذا كان هو بدأ وبصلها}وضعت زينب اصبعها فى فمها تقل{اه صح عنده حق}زفرت لجين انفاسها بحنق {يوووو انتي هتجننيني تعالى معايا ياشمس ولا اقولك فين ملك ومنه}....ضرب مراد على رأسه يقل{يا نهار ابيض فين يوسف يلحق مراته وانا اشوف حل مع الست لجين الفرح هيبوظ يخربيتكم}............
*صرخ فهد بغضب فى مصطفي{انت بتقول ايه ماتت ازاى انت متأكد انت والاغبياء إللي معاك} تلعثم مصطفي بالكلام يقل {منا قولتلك يا باشا البت تعبانه بالقلب قولتلي تموت}توهجت مقلتي فهد بنيران ليمسك مصطفى بقوه{يعني ايه كنت خليهم يتصرفوا بس انت اغبي واحمر منهم}قبض مصطفي على يده بقوه يقل باعتراض{كل إللي بعمله ابقى غبي وحمار}ألتفت إليه فهد بكل غضب يصفع مصطفي فوق وجهه ليذهل رجال مصطفى جعلهم يتهامسون بينهم وبين بعضهم مبتسمين شعر مصطفى بالإهانة أمام رجاله ليكتم غيظه وهو يتوعد لفهد أن ينتقم منه..........
ضيق فهد عينيه بتفكير ليقول{امسح الفيديو ده من على موبيلك مش عايز فايز يشم خبر لحد ما خلص كل حاجه كلها يومين وشمس تبقي معايا}اومأ مصطفي رأسه بطاعه وقبل أن يغادر من أمام فهد كان يدق هاتفه برقم فايز سعدان ليرفع الهاتف بوجه فهد قائلا{فايز سعدان على التليفون}سحب فهد الهاتف يجيب على فايز بكل برود {فايز بيه فى انتظارك}ضحك فايز باستهزاء يغمغم{وانا هاجي اكيد يا فهد بيه عشان متشوق اشوفك}اخذ فهد نفسا عميقا يقل بسخريه{طبعا لازم اوحشك مش بنتك معايا واكيد هى كمان وحشاك}زم فايز شفتيه بغضب ثم استجمع قواه وبروده أعصابه يغمغم{انا كمان هجبلك هديه حلوه وانا جاى هتعجبك جدا}قرب فهد بين حاجبيه بندهاش يسأله{بلاش تلعب معايا يافايز هديه ايه}غمغم فايز بضحكه مستفزة{شمس...شمس الحسيني سابقا والسلحدار حاليا لا وآيه لسه المفاجاه الأكبر شمس حامل}هز فهد رأسه نافيا بشده يقل بصوت صارخ {حامل شمس حامل}ثم انتبه جيدا لحديث فايز ليهتف بغضب{كله إلا شمس يافايز هقتل بنتك لو اتعرضتلها فاهم شمس لا لا}أجاب فايز بصوت هادر غاضب{حياه رولا بحياة شمس يافهد انا فى طريقي ليها وهعرف اخدها}ليغلق فايز الهاتف تاركا فهد يقفز من مكانه وهو يصرخ بمصطفى{لازم اروح لشمس فايز هياخدها لازم اروح الحقها}تصنع مصطفي الخوف وهو يقل يقلق{لا يا فارس بيه اكيد بيهددك بس .ده خطر على حياتك}ألتفت له فهد بعينان تكسوها الدماء{شمس اغلي من حياتى كلها بس لازم اعمل تليفون مهم دلوقتى عشان أخلص من فايز}امسك فهد هاتفه يطلب رقم خاص ليقل بصوت غادر{فايز سعدان انكشف فى مصر وهيقول على كل حاجه وكل شخصيتكم هتنكشف} ليحمل مسدسه ويخرج بكل سرعته إلى مكان شمس.............
في حين كان فايز سعدان يستعد للخروج من منزل فريده وصله رساله نصيه مع فيديو فتح الرساله الخاصة من مجهول ليقرا {فهد بلغ عنك المنظمه انك انكشفت وكمان بلغ البوليس خلى بالك والفيديو ده خلاص بنتك رولا البقيه فى حياتك}ارتمي فايز فوق الاريكه وقد شعر بصدره يضيق وانفاسه تنقطع وانسحبت الدماء من وجهه....هتفت فريده بقلق{فيه ايه يافايز حصل ايه اتكلم}اخذت الهاتف تقرأ الرساله بتمعن ثم فتحت الفيديو لتشهق بقوه وهى ترى رجال فهد يصورن جثه رولا وكل منهم يقل بخوف{البت ماتت نعمل فيها ايه دي ميتة من كام ساعه}ليظهر صوت فهد الغادر{ارموها من فوق الجبل بسرعه وامشوا من المكان ده بسرعه بعد ما تحرقوا كل حاجه}شهقت فريده بذعر تجلس بجانب فايز المتجمد فى مكانه كالصخر وفجأه صرخ بقوه وهو يبكي كالنساء {رررررررولا لا بنتي لا انا السبب انا السبب رولا}عانقته فريده بقوه تبكي معه وقد مر أمامها أولادها ومشهد يوسف بالمشفى وقت إطلاق النار عليه...عانقها فايز بحرقه يبكي فوق صدرها{ماتت يا فريده كل حاجه فى حياتي ماتت عمرى وكل احلامي قتلها الكلب لازم اموته}انتفض فايز ينوي الذهاب إلى فهد لقتله{حضرى جواز سفرك لحد ماارجع لازم نهرب مع بعض قبل ما يتقبض عليا سواء من البوليس أو المنظمه لازم اهرب بس اقتله الأول وفى أي بلد نبني حياتنا مع بعض انا وانتى}هتفت فريده بقوه {لا يا فايز مش هروح معاك لو نزلت دلوقتى من هنا مترجعش تاني إنا قررت ارجع لسيف تاني}تسمر فايز من الصدمه الأخرى وحدق فى فريده بدهشه يسالها{انتي بتستغنى عني يافريده بعد كل إللي عملته عشانك عشان خلاص وقعت يبقا مليش لازمه انا فايز سعدان فاهمه }هزت رأسها نافيا{انا مش بستغني عنك يا فايز بس انت حياتك دلوقتي فى خطر وانا لسه بحب سيف وعايزه ولادي انت ممكن تفضل لصبح هنا لحد ماتتصرف بس انا مش هقدر اجي معاك}اومأ فايز برأسه موافقا ليقل من بين اسنانه{انتى عندك حق انا كده فى خطر ومش لازم اعرض حياتك انتي كمان للخطر انا هفضل هنا للصبح وبعد.كده هتصرف}........
*اعترضت شمس بخوف{لا يا لوجي ملك صغيره بلاش انا خايفه عليها}غمغمت لجين بضيق{هو انا بعتها مهمه انتحارية يابنتي متقلقيش}تهجم وجه ناريمان ونغم وهم يستمعان إلى خطه لجين لتقل ناريمان{هى البنت عملت ايه ديه بترقص عادى وفرحانه}هتفت زينب بتلقائيه{شوفي كل الرجاله بتبصلها ازاى}ألتفتت نغم برأسها إلى الطاوله التى يجلس عليها زوجها وأكرم لتتفاجي بهم عيناهم معلقه علي ساحه الرقص بستمتاع لتقل نغم بغيظ{ياعيني علينا شوفي جوزك وجوزي} شهقت ناريمان مستنكره تهتف{أكرم}.........
هزت ملك ومنه رأسهم بفهم وهم يستمعان إلى لجين باهتمام لتقل منه بخوف{بس انا خايفه ماما تضربني يا طنط}قبلتها لجين تملس على شعرها{متخافيش وانتي كمان يا ملوكه}رفعت ملك كتفها بالامباله وهى تنظر إلى شمس بطمئنان{مث خايفه منه بث خايفه من طنط مني}هزت زينب رأسها بقلق وهى تراقب الأجواء لتهمس{لجين ربنا يستر والله قلبي مش مطمن}رمقتها لجين بسخريه{بس انتي يا هبله خليها تشتغل جوزك وانتي زي العبيطه انا مش مستعده تاخد مني مراد وده مش محتاج حد يرقص كفايه عليه وحده تضحك وانتي ياشمس مش شايفه الكام بت إللي هناك عيونهم على جوزك ازاى انتي حره}اومأت شمس برأسها{لا لا معاكي}ركض مراد على يوسف وعدنان يقل بقلق {الستات بتخطط لحاجه}ألتفت يوسف إلى شمس المشغوله بالحديث مع بعض أقارب كريم ليقل بجديه {خطط ايه يابني انا مراتي هناك بتتكلم مع أخوات كريم}ضحك عدنان على مراد المتوتر يغمغم بسخريه {خطط ايه زينب بتاعت خطط ديه بتخاف من خيالها}هز مراد رأسه بقلق {طيب والله كانوا كلهم مجتمعين دلوقتى وكان معاهم ناريمان ونغم وكمان ملك}ضربه يوسف بخفه فوق راسه{وكمان ملك فى الاجتماع يسلام وديه هتعمل ايه بلاش خيالك الواسع ويلا نقف جنب اختك}إعلن مقدم حفل الزفاف عن وقت تبديل الخواتم ليتجمع الجميع حول كريم ومريم مع اغنيه رومانسيه والكل يصفق وتتعالى صيحات الفرحه مع الزغاريط ليبدل كريم ومريم خواتم الزواج ويطبع قبله هادئه فوق جبينها ثم وجنتها لتتلقي مريم التهنئه من والدها بدموع الفرحه وكريم أيضا...وفى ذلك الوقت كان يدخل هشام برفقه فارس ومحمد إلى القاعه ليلمح منى تقف من بعيد بفستان اسود طويل مرسوم على جسدها يبرز جمالها ودلالها مع شال اسود من التل وبعض الزينه الرقيقه جعلته ينبهر بأكثر شيء يفضله بالمرآه وهو شعرها الطويل الأسود الذي ينساب بنعومه خلف ظهرها....التفتت منى على صوت محمد المتانق فى بدله سوداء وقميص ابيض مع ربطه عنق حمراء وفارس مثله ركض محمد بفرحه إلى أمه يقل {أيه رايك يا ماما شوفتى عمو هشام اشترالى البدلة إللي كان نفسي فيها زى فارس}قبلته منى بسعاده لتمشي بخجل إلى هشام تقل بتوتر دون أن ترفع عيناها الواسعه إليه تتمتم بشكر{شكرا يا هشام بيه تعبت نفسك}زم هشام شفتيه ببتسامه رائعه لم يبتسمها من قبل وهو شارد فى جمالهاورقتها{مفيش تعب ولا حاجه محمد أخو فارس}انحنت مني على فارس بحب تعانقه مما أسعد قلب هشام تقل{فارس زي القمر ربنا يحفظه}ابتسم فارس بعينان زائغه تبحث عن صغيرته الجميله{شكرا يا طنط}هتف هشام بلباقه {فين الحاج جلال}أشارت مني إلى الطاوله{هناك مع دكتور سيف}اومأ هشام برأسه يقل بعد أن تنهد بعمق {طيب عن اذنك اروح ابارك لدكتور سيف}ابتعدت مني قليلا تقل بارتباك و بخفوت{اتفضل} وهى تلمح عينان هشام تنظر لها نظره غريبه قشعرت بدنها وقلبها معا...........
*اطمأنت فريده على فايز بعد أن استسلم للنوم بعد نوبة بكاء على ابنته الغاليه والذى تسبب فى موتها لتقف بارهاق تمسد جسدها تقل {لازم اخد حمام دافي اهدي بيه اعصابي شويه بعد الضغط العصبي ده}دخلت إلى الحمام تملئ حوض الاستحمام بالماء الدافي وسائل الاستحمام لتخلع ملابسها وتجلس كعادتها بحوض الاستحمام تغفو....استرخي جسد فريده لدرجه انها غفوت لوقت طويل ....خرجت فريده ترتدى مأزر الاستحمام وهى تتفقد الفراش لكنها تفاجئت بأنه فارغ وفايز غير متواجد شعرت بالقلق لتركض إلى خزانة الملابس لتبدل ملابسها ولكن كانت المفاجاه الأكبر والصدمه القويه حينما وقعت عيناها على خزنه النقود مفتوحة وفارغه تماما من كل شيء مجوهراتها الثمينة والتى تقدر بآلاف الجنيهات ومبلغ نقدي كبير يصل إلى ربع مليون دولار بجانب الالماظات التى تقدر بأكثر من اثنان مليون دولار أصاب فريده حاله من هستيريا الصراخ والنحيب تركض عاريه بمأزر الاستحمام فى فيلتها تصرخ بفزع وجنون{سلوي سلوى انتى فين}بحثت بجنون فى الغرف المغلقة وهى تصرخ وتصرخ كالمجنونه حتى خرجت الخادمه بعينان مغلقة مفزوعه من صرخات فريده التى تملئ المكان وجهها الشاحب
{خير يا هانم فى ايه}أمسكتها فريده بقوه تهزها وهى تسالها بصراخ{فين فايز راح فين }قالت الخادمه بخوف خرج يا هانم من بدرى بسرعه ولما سألته قال إنه مسافر}انهارت فريده لتقع بارضها تسالها بوهن{كان معاه شنطة فى أيده}هزت الخادمه رأسها بخوف{ايوه يا هانم شنطة حضرتك الصغيره بتاعت السفر مالك يا هانم فى ايه}شهقت فريده عده شهقات بانفاس ضائعه ووجه أزرق وقد تحولت عيناها إلى اللون الأبيض وبعض الرغاوي تخرج من جانب فمها تلتقط انفاسها الاخيره بصعوبه بعد أن إصابتها نوبة قلبية حادة أدت إلى وفاتها فى الحال من أثر الصدمه....

يتبع