يهزمني الحُب وانا جاهل بدرب المُحبين

البارت الثاني

حنين : معلينا بدخل اكلمه
ام رعد فزت : لا لا خلييه معصصب مرره اخاف يذبحتس
حنين استغربت وضحكت : يمه شفيتس ؟
دخلت حنين وهي م تدري وش بيصير لها داخل
اما بالنسبة للين وام رعد طلعوا متجهين لبيت سيف عشان الغداء
::::::::::::::::::::::::::::
في بيت ابو هيام
لين وامها وصلوا وقفت لين عند الباب لما سمعت صراخ وكان شبيه بصوت حنين : يممهه وشذا هذي مو حنين؟؟
ام رعد بخوف وهي تركض راجعه للبيت : الا هي الا اختس الحقيينني
ولين اللي دموعها سبقتها وصارت تركض ورا امها
طلعت ام هيام مستغربة : بنااات شفيكم !!
وركضت وراهم
::::::::::::::::::::::::::
عند حنين اول م دخلت الغرفة كانت ظلاااام م تشوف شيء شغلت اللمبة وكانت خافته وقالت بصوت مسموع : رعد قم الغداء ولا اذا م تبي قول لي وشفيك !
م حست بنفسها الا ورعد كاتم انفاسها بيده ويصارخ في وجهها : انننتتيي م تفهممييين كمم مرره اقولك لاتجيينني وانا معصصب وتعبان تبيننيي اذبحكك !!!
حنين اللي صدق كانت شوي وتموت م تتنفس وتحاول تفك يدينه اللي التفت حول رقبتها واقل م يقال عن رعد وحش !
حنين بكتمه : ررععد تعوذ من ابليس فكننيي ي رععد
رعد م زال م يشوف شيء قدامه وعيونه حمرااء
بعد يدينه وعطاها كف ضيع ملامح وجهها وصرختت بأعلى صوتها : ييمرريضض وشفيييك الله يكسر يددك يحييوواان !!!
رعد بغضب الارض صرخ عليها : بسس اقصري صوتتك واطللعيي برا قبلل ادفنك هناا !
ماهي الا ثواني وامه فاتحه الباب ولين وام هيام وراها
ام رعد بخووف : يمه يحنين وشفيتس يعيوني !!
حنين لفت لها بهدوء وبسمة عذبه : لبيه يمه م فيه شيء بس جلس يرميني بالمخدة م يبي يصحى بس م بخليه وبيجي معنا للغداء
انقلب وجه رعد لصدمة وجلس يطالعها طيب وعلامة اليد اللي بوجهها !
ام رعد بنفس البسمة : اف خوفتوني والله اني جايه اركض
لين اللي تقدمت وضربت صدر رعد بخفه : حسبي الله ودموعي
رعد وخرها من قدامه ومسك حنين من يدها وطلعها معه ع الشرفة
رعد : حنين خير وشذا اللي تسوينه ؟
حنين بعصبية : وش تبيني اقول قدام ام هيام ان رعد صفقني وخنقني !
رعد نزل راسه وتقدم وباس راسها وقال بهدوء وبصوته العذب : اسف ي حنين اسف اني اخوك واسف انك اضطريتي تهتمين بأحد مثلي
حنين قاطعته وباست راسه : شدعوة يخوي الكبير وتمون ع رقبتي معليه م صار شيء
ضمها ورجع داخل ولبس بدلته وتعطر وتبخر وطلع لدوامه يبي يبعد عن البيت كامل
::::::::::::::::::::::::::::::
ام هيام بشك : متأكدين حنين م فيها شيء ؟
لفت لها لين بنظره : خير وشفيها يعني تشوفينها قدامك واخوان يتمازحون
ام هيام بضحكه : ايه اشوا يالله امشوا
ام رعد : يالله ي حنين الغداء
نزلت حنين بعد م حطت ميكب ع مكان الكف : يالله ي ميمتي هذاني جيتس
وصلوا البيت وكانت هيام واقفه بجلال صلاة احمر : يمه الله يهديتس وين رحتي وانتوا يخاله ويبنات وشفيكم !
ام هيام : م فيه شيء يبنت ادخلي ادخلي فضحتينا
لين بضحكه : شدعوة وش سوت البنت
حنين : اقول ادخلي انتي بعد لحد يسمعتس
لين : م قلنا شيء
دخلوا وتغدوا وجلسوا فالحوش الخلفي جلسة عصرية وقهوة وقدوع
::::::::::::::::::::::::::::::::
في مجلس الرجال
محمد كان بس ينتظر اللحظة اللي يتكلم فيها ابوه عشان ينفجر ويقولهم اللي صار
ابو هيام : صب القهوة ي محمد وشبلاك انت
محمد صحى من غيبوبته : ابشر
بدا يصب لهم واحد واحد لين وصل لفارس وهمس له : ولد وين رعد ؟
فارس بأستغراب : في دوامه اكيد ليه تسأل ؟
محمد بأبتسامه زائفه : ابد ولد عمي وانشد عنه
فارس ابتسم له بحسن نيه : يزينك ي محمد
محمد في نفسه ( الله لايزين حياتك لا انت ولا الردي رعد )
محمد : هههههههههههههههههههه شعنده فارس يزينك
فارس انصدم وضحك معه : وش والله يزينك
قاطعهم اتصال فجوال فارس وكان المتصل رعد
فارس : ارحب هلا بالرعد
رعد ابتسم : من يرحب يبقى
فارس : مطول فالدوام
رعد شاف ساعته وكانت الساعة ٦ : ابدٍ طالع الحين ودك امرك ؟
فارس ابتسم : ايه بالله تعال انقذني من محمد انهبل الولد
رعد تنهد : يالله خلك جاهز
سكر وطالع محمد في فارس : فارس رعد جاي ؟
فارس بدا يشك : ايه شفيك انت تبيه بشيء ؟
محمد : لا لا سلامته بس اسأل ( الله لا يسلم من اسلمه اليوم والله لا افضحه عند اللي يسوي واللي م يسوى )
وماهي الا دقايق ووصلوا ضيوف ابو هيام وبدا المجلس يزدحم طلع فارس اول م سمع صوت سيارة رعد
فارس ركب وقال بخرشة : ووللد اززببن بسسرعة
رعد ضحك : علامك انت !
فارس يكح : ابد تعرف الربو لعب فيني والبخور والعطور داخل والضيوف ملؤا المجلس
رعد قطب : ضيوف ؟
فارس : ايييه ضيوف عمي سيف امش يالله
رعد : تم
حركوا من عند البيت وطلعوا من البوابات
:::::::::::::::::::::::::::::::::::::
عند هيام اتصلت ع محمد
محمد : نعم
هيام : محمد وجع نسيت السوق !!
محمد : هيااام مو وقتك كنسليه بكرا بكرا
هيام : اني والله دارية انك واحد م ينتخى فيك
سكرت بوجهه وم اهتم كثير كثر اهتمامه بخطته ع رعد واللي يبيها تنجح باللي يصير
هيام : بنات شرايكم نروح السوق
لين : والله م عندي مشكلة بس مين يودينا
حنين لفت بأستغراب : شعندها الحلوة تبي السوق
هيام : حنييين تكفيين انا طالبتتس
حنين فزت تدعي المرجلة : الاا تكفى تهزز الرجال
الكل :هههههههههههههههههههههههههههههههههههههههههههههههههههههههههههههه
هيام بضحك : دقي ع كاسر يودينا السوق اخوي رخمة رافض يوديني
حنين بأبتسامه : ابشري كم عندي هيام
هيام بأبتسامتها المُهلكة : الله لا يحرمني منتس ولا من ليين
لين ضمتها : ولا منتس يا اجمملل هيام
قامت حنين وهي تتصل ع كاسر اللي رد علطول
كاسر : لبيه حنين وش تبين ؟
حنين : لبيت في منى ابيك بشيء بس تكفى لا تردني
كاسر : ومن متى رديتتس ؟
حنين : كفو والله هذا العشم فيك وانا اختك ابيك تودينا السوق
كاسر : ابد حاضرين انتظروا شوي ع بال م يجي رعد واخذ السيارة منه
حنين تنهدت : اوه ننتظر رعد اظن م بيجي بس ابشر
كاسر ضحك : لا لا اتصل علي راجعين
حنين فزت بفرح : يلبييهه صدق
كاسر : يلا خليتس جاهزة انتي واللي بيجي معتس
حنين : جااهزييييين
سكر كاسر وهو يضحك وطلع ع صوت رعد اللي يناديه
رعد : ي كاااااسسرر
كاسر : يالبيه
رعد ابتسم له : هاك مفتاح السيارة بس بجي معك
كاسر رجع يعطيه المفتاح : اجل تكفى يخوي
رعد تغيرت نظرته لنظرات حادة : ابشششر والله بعزك
كاسر : تودي حنين ولين السوق
رعد ضحك : بس ؟ ابشر م طلبت شيء
كاسر : كفو والله المهم برجع المجلس انا
رعد : طيب وناد البنات معك
كاسر هز راسه ودخل ودق الباب وجلس ينادي بصوت شبه مسموع : حنييين
حنين جات تركض : لبيه جيت جيت
طلعت وشافته قدامها دخلها وسألها : شوفي لي طريق
حنين : ادخل م فيه احد
كاسر : المهم اسمعي انا كنسلت م بوديكم
حنين فزت : اعقب والله طلعت نفس محمد !
كاسر انفجر ضحك : تخسين انتي ومحمد وبعدين اسمعيني لين اخلص
حنين استغربت : هاه اسلم
كاسر : الله يسلمتس ابد رعد ينتظركم وتعرفين رعد م ينتظر احد اعجلوا عليه
حنين انفجعت : ايششش رعد !!!
كاسر قطب : وجع ان شاء الله اقصري حستس م تشوفين المجلس ملييان !
حنين ضحكت : يوه اسفه اصصببر هيام معنا ترا
كاسر طالعها قبل يطلع ورفع كتوفه : طيب ؟
حنين بعدت : لا ولا شيء بس اقولك
كاسر طلع بدون اي رأي وم كان يحسب حساب رأي رعد
:::::::::::::::::::::::::::::::::::
رجعت حنين بعبايتها : بناات بسرعة
هيام جات تركض وهي كانت عيونها تسحر بالنقاب : جييت جيت
حنين : بسم الله عليتس ي هيام انا وانا بنت انهرت من عيونتس
هيام خجلت واحمر وجهها : حنيين مو وقتس الله يصلحتس
لين جات : يالله يبنات
طلعوا وركبوا السيارة كانت حنين قدام ولين وهيام ورا
حنين بضحكه : السلام عليكم دار قومٍ مؤمنين
رد قطب وضربها بخفه : جعلتس تسبقيني وجع وانا استغفر الله
حنين انفجرت : يوه شفيك امزح
لين : سلام رعودي كيفك
رعد : هلا ليوني حمدلله بس اذا تبين تجلسين كويسه لعاد اسمع الاسم ذا منتس
لين ضحكت : ابشر بعزك
اما عند هيام بعد حرب نفسية قررت تسلم : سلام عليكم
فز رعد ودق قلبه وارتبك هو فعلاً انصدم كيف م انتبه لها يعني بالعادة يعرف مين اللي ركب معه ورد بصوت رخيم عكس المشاعر اللي تضاربت فجأة : عليكم السلام
هيام صدت بكرهه للشباك وجلست تتأمل الطريق
اما عند رعد اللي كان يسأل نفسه ( خير رعد وراك اختبصت ترا كلها السلام عليكم ، وبعدين ذي وش جابها وليه م قالوا لي لازم اعصب يعني !! ) بدت ملامحه تحتد وصار يستغفر م يبي يطالع ورا .
:::::::::::::::::::::::::::::::
انتهى البارت اتمنى تدعموني بنجمة وكومنت عشان اكمل ✨