يهزمني الحُب وانا جاهل بدرب المُحبين

البارت الثامن عشر

ركب رعد وباس راسها بقوة وضحكت وهامت فييه وحمدت ربها انه م سحب عليها
رعد : هييااام
هيام فزت : شفيييك
رعد ابتسم: وين وصلتي ؟
هيام بضيق : موجودة
رعد : والله م ظنتي بس يالله
مشوا متجهين للبيت ورعد شابك يده بيد هيام وقال : هيامي
هيام كانت خايفه من مشاعل لدرجة انها صارت تتخيلها تخطف رعد منها وقالت : عيوني
رعد : وشفيتس ضايقة ؟
هيام فزت : مين قالك
رعد : عيونتس
هيام قالت بكل قوة : رعد غير سكرتيرتك بسرعة
رعد : ليه ؟
هيام بعصبية : منغير ليه غيرها الان !
رعد : اسمعيني م بيني وبينها شيء والبنت كويسة بشغلها وتساعدني والله
هيام ضحكت وقالت بجدية : انا معي شهادة جامعية ليه م توظفني عندك ؟
رعد بحدة : مستحيييللل
هيام عصبت : ششفتت كييف عصبت اجل انا رعد ارفق بي خلاص يخي انت م تشوف حالتنا كل يوم هواش وكل يوم تجي وحدة تخرب علي خلاص ارففق
رعد ابتسم ع جنب وقال : خليني انام معتس طيب ! خليني احتويتس خليني اقرب منتس واخليتس حلالي
هيام بعصبية وتهور قالت : اعنبوك والله م اردك انا لك بكل حالاتي رعد انا جاهزة !
رعد لف لها بقوة وقال : الله لايحرمني منتس يالهيام
هيام في نفسها ( ههيييهه كأني استعجلت يوييلليي )
هيام بجدية : بس حبيبي بشرط
رعد كان حاط يدها عند شفايفه وقال : امري وتدللي
هيام بحدة : معاد ابي اشوف مشاعل مدري الزفت ذي غيرها ولا تخسي تقرب مني وانت عارف صملتي كيف وصلنا ٥ شهور مع بعض وانت م قربت مني ولا حتى شفت جسمي !
رعد : بس ؟ تم والله انه تم
هيام : م عندي تم الان كلم منصور وطيرها !
رعد اخذ جواله ودق ع منصور وبارك له بخطوبته من سلمى وقال : مشاعل شيلها من عندي
منصور ضحك : المدام هددتك ؟
رعد : يووه وبقوة بعد
منصور : خلاص بحولها لصالح
رعد : ايه والله خلها تولي
ضحك منصور ورعد بعد وقال : يالله م طلبت شيء يالرعد
رعد : جعلك تسلم م تقصر يالله فمان الله
منصور سكر وعلطول كلم صالح وافق وحولها بدون يستشيرونها بحكم انهم اعلى منها مناصب
رعد ابتسم : تم وخلصنا منها في خاطرتس شيء بعد
هيام : ايه نبي نحضر الشالية عشان عيون بشرى
رعد اشر بأصبعه ع خشمه وقال : على ذا الخشم انتي تستاهلين عيوني والله
هيام بفرحة : اصبر باقي فيه شيء
رعد كان يتراعد قلبه بحب وم كان قادر يرد هيام وقال : عيوني لتس عييووني
هيام ضحكت : جعلها تسلم عيونك بعد م نخلص نبدأ رحلتنا فشهر العسل ؟
رعد : ايه والله انتس صادقة تم ابشري
هيام : باقي فيه شيء
رعد ضحك بقوة وقال : خلاص عاد مصختيها
هيام انفجرت ضحك وقالت : شيء لك يغبي
رعد لف لها وعيونه تدمع من الضحك : هاه وش
هيام : بصراحة يرعد م ابي احمل فالفترة ذي والله م اضمن اجلس معك كل يوم تطلع لنا مشكلة
رعد : يغبية لو تحملين بتجلسين معي غصب لأنتس شايلة ولدي او بنتي بين احشائتس فاهمة
هيام : هو صح بس اخاف ابوي يجبرك وانت رخمة علطول تطلق
رعد انفجر ضحك وقال : اعقبي انت رخمة !
هيام : الصراحة اذا انت رخمة وذي هيبتك وطولك وعرضك وحلاوتك اجل الرخمة الحقيقي كيف ؟
رعد : حبيت الترقيعة بس والله م اعديها لتس
هيام : يوه خلاص محد يمزح معك بس ترا مو الحين
رعد انحرج وقال : ايه ادري عندتس عذرتس
هيام ضحكت وقالت : اي
رعد صد وكمل سواقته للبيت
______••______
فالشرقية تحديدًا الخبر
بشرى : وااااي المكان يجنن !!
سلمى : اييييه يهبببلل
العنود : بنات تعالوا نساعد امي
ام ضاري بعصبية : لاتجون مامنكم فايدة اصلاً
سلمى ضحكت وقالت : يمه شفيتس صايرة حساسة
ام ضاري ضربتها : وخري مني
سلمى شلت معها الاغراض هي والعنود
ام ضاري : خير بشرى وراتس م تساعدين خواتتس
بشرى تتصنع الألم عشان م تخرب مفاجئتها هي ومحمد وقالت : يمه مقدر علي عذر و اول يوم بعد
ام ضاري : اها روحي اشربي لتس شيء حار
بشرى قامت وراحت
حنين دخلت : هااااايي بنات
لين فزت : اف اخيرًا جيتي
حنين ضحكت : باقي هيام وجع يارب تجي
سلمى : والله لو م تجي لأذبحها هي ورعد
بشرى وهي جالسة تشرب قهوة : يارب تجي صدق
العنود : حمدلله اننا بس اللي جينا م ابي بنات عماتي الباقيين
بشرى : ايييه حسبت انا لحالي م ابيهم
حنين ضحكت : تخليتهم يجوون
سلمى انفجرت : امم شششوق لاتجي هيي بالذااتت م ابيييهاا !
ضحكوا البنات ع ردة فعل سلمى
عند العيال
فارس : ماشاءالله تبارك الرحمن يجنن المكان تسلم يدينك يمحمد
محمد : ابشروا بي
كاسر : يعيال رعد بيجي ؟
فارس : ايه ومن فوق خشمه بعد
زايد ضحك : يخي م اظن انه بيجي
ضاري ضربه : الا يارب يجي والله احب اذا عصب عليكم صدق يغسل شراعك انت وياه
ذيب : عشششناا يعني بأختصار تحب تشوفنا نتلطم
ضاري ضحك : اييه نعم
الكل قاموا ع ضاري يضربونه
فارس بصراخ : اااصص رعد يددق
الكل اجتمع حول الجوال ورد فارس
رعد بعصبية : ييحمماار ويينك من جواللك
فارس : شفييك تنافخ كنت العب مع العيال
رعد : ماشاءالله وصلتوا ؟
الكل بصوت واحد : ايييه
رعد : اعوذ بالله خرشتووننييي
الكل : هههههههههههههههههههههههههههههههههههههههههههههههههههههههههههههه
كاسر : رعد بتجي ؟
رعد : لعيونك يالكاسر بجي
كاسر : كففو يخووي
فارس : ياليلل بيزعجونا ذول المهم يولد متى بتمشي ؟
رعد ضحك : الان
الكل : عععززز واللي يقول كفففووو
رعد ثقل صوته : معلييكم زود
فارس : يالله طمني اذا وصلت
رعد : ابشر يالفارس
سكر رعد وفارس اتجهه يلعب مع العيال كورة طايرة
رعد : هييام خلصي
هيام جات بشنطتها : يخوي شفييك انت هذاني جيت
رعد : يالله طيب
هيام نزلت شنطتها فالأرض وقالت : خيير لايكون تبيني اشيل شنطتي ؟
رعد نزل علطول وطار لها واخذ شنطتها وركبها مع الاغراض وقال : ماهو رجال اللي يخليتس تشيلين شيء وهو قاعد
هيام : كفو عليك
رعد ركب وقال : كفوتس الطيب
مشوا متجهين للخبر
بعد ساعة ونص تذكر رعد انه م صلى العشاء وقف ع جنب وقال : بنزل اصلي خليتس فالسيارة
هيام بأرتباك : يالله
راح رعد يتوضئ ويصلي
هيام : ييوويلليي كيف اصلي الحيين !!
رعد خلص صلاته ورجع يركب وكان بيمشي بس وقفته هيام وهي تقول : اصبر ابي الخلاء
رعد وقف : طيب ورا م نزلتي يوم كنت اصلي
هيام : مدري توو انحشرت
رعد : يالله روحي ولاتبعدين
هيام : معك ماء ؟
رعد : ايه شوفيه ورا اخذي اللي بيكفيتس
هيام هزت راسها وركضت للشنطة واخذت منها علب ماء وسكرت باب الشنطة وانطلقت وبعدت كثير وساعدها الظلام وتوضت وصلت ورجعت وركبت
هيام : يالله ؟
رعد ابتسم : يالله
مشوا مكملين مشوارهم وكان رعد مشغول بجواله
هيام كانت دايخة تبي تنام وقالت بعصبية : رررعععد نزل جواللك وركز بالسيارة
رعد : معليتس مركز
هيام مسكت يده ولف لها رعد وقالت : ابعد الجوال لا والله ان ارميه من الشباك طول يدي !
رعد ضحك وقال : طيب
سكر جواله ونامت هيام براحة
رعد : افا نمتي وين الخوية اللي بتجلس معي للخبر
هيام م ردت وغطت في نومها علطول
رعد فتح جواله وهو خلاص شوي ويفجر في مشاعل اللي معاد سكتت
مشاعل : انا تطردني من عندك !!
رعد عصب وبدون اي رد بلكها وحذف رقمها وقبل يسكر جواله شغل شيلات وقصر ع الصوت وسكر جواله
بدأ يندمج مع الشيلة وارتفع صوته وهو يقول :

عطرك الباهي ليا مر الخيال يمر فيني
كيف ما اشمه على خدتس ليا شفتتس واحبه

للقلوب اعمار وانت العمر يا غالي سنيني
ليه اقضي عمري الباقي بدونتس يا مربه
_
هيام صحت ع صوته وقالت : يجعله صوتٍ ابطي م فقدته
لف لها رعد بأبتسامه عذبة وقال : ويجعله وجهٍ ابطي م فقدته
هيام ضحكت وقالت وهي تتمغط : كم باقي ع الخبر
رعد : خلاص شيء و ٣٠ كيلو
هيام شهقت : يووه وانا وجهي مفقع
ضحك رعد ومسك فكها وقرب وجهها له وقال : الزيين زين لو انه صاحي من النوم وباس خشمها
هيام ابتسمت وبعدت منه وشربت قهوته السوداء وقالت : يوييلليي مرررّه
رعد : سوداء تبينها حالية ؟
هيام : لا بس مو كذا
رعد ضحك وهيام فتحت المراية اللي قدامها وطلعت شنطة صغيرة وفتحتها وطلعت مكياجها وحطت ميكب خفيف ورعد يراقبها بحب طلعت روجها الأحمر اللي كان سلاح ضد رعد وحطته وطبطبت ع شفايفها وقالت : حمدلله خلصت بسرعة
رعد : بالله عليتس وش تغير ؟
هيام زفرت براحة وهي كانت خايفة يشوفها بالميكب احلى والطبيعي لا وقالت : والله ؟
رعد : والله ان الطبيعي احلى بس ماش
هيام ابتسمت : رعد
رعد : لبيه ياهيام الرعد
هيام : احبك
لف لها رعد وقال : ايش ؟
هيام ضحكت وقالت : سمعتني
رعد : امااانه قوليها مره ثانية
هيام قربت من اذنه وهمست : اهييمك
رعد تكهرب بعد صوتها وقال : اه يالهيام ودتس تذبحيني انتي ؟
هيام ضحكت : شدعوة ؟
رعد بحب : والله اني احبتس واعشقتس واهواتس واهيمتس واتنفستس واموت عليتس وعلى الارض اللي تمشين عليها
هيام : ااننن اسكت مو كثري وتخسي توصله
رعد ابتسم : حرام م توصلين مواصيلي اعنبوتس انا ضعت فيتس
هيام : طيب اسمع
رعد : قولي يروحي اسمعتس بكل حواسي
هيام بخجل : ادري سؤالي غريب بس وش فيك ع خصري
رعد كان هيمان وقال :  خصرتس الطاغي تمايل بالدلال
و ثغرتس المرسوم يجبرني اميل
هيام صرخت وقالت : صح لسسااانك طلعت شاعر
رعد ضحك : صح بدنتس واللي يأخذتس حلاله م يصير شاعر !
هيام : اه تكفى يجنن عطني بعد
رعد : وش تبين طيب ؟ عن ايش
هيام : اللي ودك
رعد تنحنح وقال :
ما دمت انا حي في دنياتس لا تقلقين
انتي بوجهي من الدنيا ومن جورها
اغليتس وانتي لحالتس بالحشى تسكنين
لا والذي يعرف الانفس ومستورها
ان غبتي الليل يدمس والكآبه تحين
وانت جيتي الشمس يشرق بالسماء نورها
ياهيامي والله اني من قديم السنين
اشوفتس الهيام كله في عيون رعّودها
__
هيام م تحملت وفزت لحضنه وهو يسوق وم ردها بالعكس مسك الدركسون بيد وخصر هيام بيد وقال : يووه يالهيام وشكثر الحب
هيام باست فكه وقالت : انشهد بالله اني هيامك هامت فيك يالرعد
رعد ابتسم بحب وقال : ثبتي وجهتس
هيام فهمته وسبقته وباست مبسمه بهيّام وقالت : م يحتاج اثبت وجهي
رعد كان متخدر وم نطق وكان يناظرها
هيام تحركت تبي ترجع لمحلها وسحبها رعد مع خصرها وقال : حبييت الجرأة تعطيني مبسمتس وتروحين ؟
هيام تورطت وقالت : يخي شفيك م تبيه خلاص
وحطت يدها ع شفايفه ومسحت بوستها
رعد عض يدها وباسها علطول وقال : قومي قبل اسوي حادث قومي ضيعتتينيي فيتس
هيام فزت : يوهه الله لايقوله
رعد ضحك وقال : غطي وجهتس يالله باقي ٦ دقايق وندخل عليهم
هيام هزت راسها بموافقة وهي تضبط شكلها وتنتظر بحماس يوصلون وتشوف البنات
::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت قصييير مره بس والله م ابي اروح وانتوا زعلانين هذا تصبيرة للبارت الجاي المليااان اشياء عسوله وحلوة ، مشاعل م افتكينا منها باقي باقي بس خفايف مو زي اول يوم لها ، عطوني رايكم وييويلكم تسحبون 🫶🏻 )