يهزمني الحُب وانا جاهل بدرب المُحبين

البارت الرابع والخمسين

انصدمت بيان ودخلت علطول بدون م تعطي ذياب رد وطلع وهو يحس ان قلبه مو معه ابدًا وان بيان استحلت قلبه بدون اي سابق انذار
سلمى مسكت بيان وقالت : بنت شفيتس ؟
بيان بربكة : هاه لا ولا شيء
سلمى احتدت نظرتها وقالت : انطقي احد سوا لتس شيء !
بيان : اف سلمى لا يروحي واذا احد سوا لي تحسبين بسكت وانا اخت الذيب !
سلمى ابتسمت وقالت : وننععمم !
بيان ضحكت : معلييتس زوود سلومتي وين الكرك
مشت سلمى واتجهت للحمام ولفت لبيان وقالت : شوفيه فالخيمة مع بشرى
بيان دخلت وقلبها يدق وهي تشوف كيف جمال ذياب يشلع القلب والندبة اللي توسطت خده وامتدت لعينه وهيئة جسمه الضخمة كان عكس عن اخوانه
بيان : بيشو وين الكرك ؟
بشرى مدته لها واخذته بيان وقالت : شكرًا
بشرى ابتسمت : م بيننا يحياتي
بيان بهمس : بشرى تعرفين ذياب ؟
بشرى قطبت وقالت : هاه ولد خالتي عبير ؟
بيان هزت راسها بنعم وقالت : اييه ايه هو
بشرى : وشفيه ؟ وليه تسألين عنه !
بيان ارتبكت واسعفتها لميس اللي بكت وقامت بشرى لها وقالت بنفسها ( مدري احس بشعور تجاهه ! )
انسدحت بيان فالخيمة بعد م خلصت الكرك ونامت وهي متناسية العالم حولها وتفكر بذياب ..
.............
في بيت رعد
ام هيام بصوت عالي : هيومه تبين الشوربة الحين ؟
هيام كانت هلكانة ونفسيتها منتكسة وقالت بصوت مهزوز : يمه ابي اروح لبيتنا
ام هيام طلعت بالشوربة معها وقالت : ليه ي امي فيتس شيء ؟
هيام بكت وحضنت امها اول م نزلت الشوربة ع الطاولة وانهارت وهي خلاص معاد تتحمل وقالت : يمه معاد ابي اشوف رعد ولعاد ابي اجلس معه ببيت واحد يمه انا صبرت عشان ولدنا بس رعد م كان يهتم فيني بس اذا حس انه اشتاق جاء عندي وعطاني حبه وحنانه بس وقت اللي احتاج رعد فيه يكون بدوامه ومنشغل بالزفت اللي عنده معاد ابي اجلس ابي اروح لبيتنا !
ام هيام انصدمت من كلام بنتها وكيف انها كانت مكسورة وهي تقوله وقالت : يروح امتس وليه ساكته ! امشي يالله بنروح بيتنا
هيام هزت راسها بنعم وقالت : تمام يالله
" كانت نفسية هيام معدومة من الولادة وصارت تتقرف من رعد ومن كل شيء يخصه وقررت تروح وتبعد شوي وبعدها ترجع له بشكلها اللي عشقه رعد وبجسمها المثالي وبخصرها اللي اشتاق له رّعودها "
وفعلاً طلعوا من البيت ودقت ام هيام ع رعد ووصلها صوته وهو يقول : ارحبي
ام هيام : افا يالرعد كذا تصون الامانه
ارتعب رعد من كلمتها واحتد صوته وهو يقول : خير يعمة وش الحاصل ؟
ام هيام بجدية : وش الحاصل ! اعنبوك انت م تستحي وش مسوي ببنتي وشفيها انهارت علي فجأة وتقول كلام كبيير وكلام عكس افعالك قدامنا عند هيامك !
رعد تكلم بهدوء عكس العواصف اللي داخله وعكس عروقه اللي برزت وعكس صوته اللي تضّخم وعكس عيونه اللي احتدت وقال : وين هيام !
ام هيام : اخذتها للبيت ولا اشوف وجهك الا ذا رضت بنتي عاد وقتها نشوف وجيب ولدها عندها
سكرت ام هيام بوجه رعد وبدون اي رد ثاني تحت انفاس رعد الغاضبة وقال بحدة : ييعننيي م اجللسس يومم مرتاح !!
طلع رعد من مكتبه واتجهة لسجل التوقيع بعد م اخذ اجازته ووقع وخلص وطلع من المباني وركب السيارة واتجهة للمخيم وهو حالف م يرجع البيت ولا يفكر بهيامه حتى وكان برضو عارف ان اهله بيسألونه عنها
...............
في المخيم
كان الجد قاضي يكح بقوته وكان مرتاح لأن محد عنده اخذ المنديل وطلع دم من فمه بكثرة مسح فمه علطول وجلس بهدوء يعكس الالم اللي داخله
ابو رعد دخل بيت الشعر وقال : يبه عسى م شر صوت كحتك واصلنا برا بردت شيء ؟
ابو محمد بألم : لا يولدي م بردت معليه كحة بسيطة ان شاءالله
ابو رعد طلع ورجع يجلس حول النار مع الشباب كلهم
كان ابو محمد مخفي مرض سرطان الرئة عن اهله وكان يبي يموت ويكتشفونه بعد وفاته كان شايل حمل كبير ع ظهره وهو م يدري كيف بيعيشون بدونه انسدح ع جنبه ونام علطول بدون لا يحس بأحد
ابو هيام : وشفيه القائد ؟
ابو رعد زفر بتعب وقال : اخ والله اني مدري وابي اوديه المستشفى ويشوفون وش فيه كحته مو بطبيعيه !
فارس ابتسم : اوديه الحين ؟
الكل لف لفارس وهزوا رؤوسهم وقال ابو رعد : تكسب الاجر فينا م يرد لك طلب عشانك ولد نادر جعله بالجنة
فارس : ابشر يعمي وامين يارب
قام فارس ودخل بيت الشعر وشاف جده نايم وقال : يجدي م ينفع اللي تسويه بنفسك قم نوديك المستشفى
م كان يلاقي اي جواب من جده وتقدم ومسكه وطاحت يد قاضي ع الفرشة وكان الدم يجري من فمه وقف فارس بصدمة ونزل لجده وحط يده ع اماكن النبض وم كان يحس بشيء كان جده بااارد ومصفر لونه نزلت دمعة حارة ع خد فارس وقال بصوت متقطع : ج...جد...جددي مااات !!!
رعد وصل للمخيم بعد م راح لبيته وغير بدلته وجاب معه ملابس ثقيلة عشان البرد وكانت نفسيته بخشمه وقال بحدة : سلام يرجال وين فارس !
ابو رعد ابتسم : عليك السلام يالرعد شوفه عند جدك فبيت الشعر
اتجهة رعد لبيت الشعر بدون اي رد ودخل وشاف فارس يرجف وطايح ع ركبه فز له ومسكه مع كتفه وقال : فااارس شفيييك !
فارس كانت دموعه مأخذه مجراها والرجفة تلحمت بعظامه وقال : رععدد جديي مااات !!
رعد انصعق من كلمة فارس ورفع عيونه لجده اللي مات اثر السرطان اللي تأكل رئتيه وكان يصارع المرض بدون اي علاج وصرخ رعد بصوته الثقييل وهو يقول : جججدييي مااات
فزوا الرجال كلهم بفجعة وركضوا لصراخ رعد كان صوته عالي ولا كان يبكي بس تلطم وقال : يبه يبه تكفى يبه
ابو رعد بحدة : وش الععللمم !!
رعد مسك كتوفه وقال : ييبببهه ججددديي يببهه مااات يببهه جججديي يبببه تتككفىى ججديي مااات قبببل يششووف وللدديي تككففى ي ااببوويي
ابو رعد كان مصدوم والعيال مو اقل منه طاحوا كلهم وكان ابو هيام يبكي بحرقة والعيال كلهم حوله
ذيب بصوته الرخّيم قال : يخال م يصلح جعلني قبلك تكفى لا تبكي تصبر وهذا قضاء الله وقدر تكفى يخال لاتكسرنا
ابو هيام وسط انهياره وقال : ااه ابوي مات يالذيب ابوي !
ذيب حضنه وانهار خاله سيف بحضنه وكان ذيب شّاد ع نفسه م يبكي ابدًا وقال : ساعدوني يرجال شيلوه معي
فز ضاري وحمد وشالوه من ذيب اللي فز لخاله محمد وقال : خال محمد انت بالذات لا تبكي تكفون يرجال تصبروا !
رعد كان مصدوم وهو للحين مو مستوعب ان هيامه ابتعدت منه والحين جده اللي تربى ع يده كان رعد دايم مع جده واخذ طباعه وصار حاد الطباع منه وصار عصبي منه كان واقف ولا سوى اي شيء واتجهة له ذيب ومسكه وقال : رعد جدي يحتاج من ياخذه تكفى يالرعد ساعدنا
رعد تشمر وقال بصوت مهزوز : احسن الله عزانا في شايبنا مشينا تقسموا احد يجي معي وتأخذ جدي للجنازة وناس يأخذون حريمنا
فارس وسط بكائه قال : رعد يرعد كيفف بنققول لجدتتي وامهاتنا كييف !!
رعد بحدة : يتصرفون وانت تعال معي !
ذيب ورعد خذوا جثة جدهم تحت انظار عياله واحفاده اللي كانوا يبكون بحرقة ع فراقه
طلعت ام محمد بالدلة والبراد وهي تبي تصبح عليهم وشافت زوجها وعشير عمرها بين يدين احفاده طايح
طاحت الصينية من يدينها وصرخت بأعلى صوتها وهي تقول : وشففييه قاااضي !!
رعد فز وطاحت عينه ع عين جدته اللي ركضت وهي تعرج بعصاتها ووصلت عندهم وضربت ظهر رعد وقالت وهي تحاول م تصدق الفكرة اللي جاتها علطول وهي ان زوجها مات : الرعد ووجع يوجعك وراك ع جدك ياللي م تستحي !
ولفت لذيب اللي كانت عيونه حادة ويناظرها بصدمة وقالت : وانت بعد يالذيب !
رعد ابتسم بضيق وقال : جده تكفين لاتكملينها تكفيين
ام محمد نزلت دموعها وقالت بصوت مهزوز : وش اكمل يالرعد تكفى انت لا تقول ان جدك راح
رعد طاح ع ركبه ورأس جده بين احضانه وقال : ااااه يجده جدي راح للي ارحم مني ومنتس
ام محمد صرخت تبكي بحرقة وفزوا الحريم ع صوتها وطلعت ام رعد وام ضاري وام شوق يركضون وغيرهم من الحريم واقفين عند الباب يناظرون
ام رعد : عمتتتي وشففييتس !!
رفعت عينها ع جثة قاضي وشهقت وقالت : عممميي !!!
صرخوا بناته ام شوق وام ضاري بصوت واحد وهم يقولون : اااببووويي
رعد فك لطمته وقال : ضاااري حمممد سااامي كاااسر وش تنتتظظروون !!
فزوا العيال للحريم ومسكوهم تحت انهياراتهم وصرخاتهم ع فراق ابوهم
رعد شال جده مع ذيب وفارس وركبوا سيارة رعد الجيب وطاروا فيه لأقرب مستشفى
" عند الحريم "
بيان فزت من نومها ع صراخ الحريم وقالت بصوت مرتعب : لييين وش العللمم !!
لين كانت تبكي وحاضنه وعد وقالوا بصوت واحد : جدي مات
بيان صرخت : ااايششش !!!
لين فزت لها وسمت عليها وقالت : بيان سمي بالله م يصلح تصحين ع فجعة سمي بالله
بيان ودموعها تنزل قالت : بسم الله يااارب وشذذاا
سلمى دخلت وهي تحاول م تبكي وقالت : يالله بنات تعالوا برا بنطلع
وعد مسكت يدها وقالت : وين جدتي ؟
سلمى سحبت يدها من وعد وغطت اذنيها وقالت بصوت حزيين ومهزوز : مدري مدري لا تسألييني مدريي
وعد حضنتها وفزت من سلمى اللي دفتها وقالت : وخرروا مني لحد يجيني م ابي ابككيي
وعد تركت سلمى تطلع واتجهت لحنين اللي كانت حاضنه امها وتبكي وقالت وعد بصوت مهزوز : خلاص يعمتي خلاص يحنين
فزت ام رعد لوعد وحضنتها وبكت معها والكل كان منهار
طلعت سلمى من الخيام وانصدمت بجدتها قدامها وفتحت ام محمد يدينها لسلمى وقالت : تعالي يروح جدتتس
سلمى ركضت لجدتها وحضنتها وطاحت بحضنها تبكي بحرقة وقالت بصوت مهزوز : جدده جدي مااات وخلاانا وراه جدي رراح بدون م يودعنناا تركننا ولا انتظر يشوف زواج اخوي الذيب ولا انتظر يشوف ولد الرعد ولا بنت حنين ولا حتى انتظر جنيني اللي ببطني اااه يججده راااح وخلاااناا عسى مثووااه الجنة الباردة
ام محمد انهارت بعد كلام سلمى وقالت وهي تبكي : تكفيين يسلوم لاتزيدين مواجعي وانا جدتتس وقومي وقوميني معتس ولا تضغفيين تكفيين
سلمى شّدت ع جدتها وكملت تبكي بحضنها
دخلوا العيال ع الحريم علطول وفز كاسر اول م شاف سلمى كاشفه وصد وطلع ودخل ضاري
ضاري بحدة : خلااااص تكفوون تصبروا وهذا قضاء وقدر خلااص يمه ويخالة وانتوا يعماتي
كان الكل بحالة مفجعة وصعبة وخصوصًا سلمى اللي كانت تبكي ومنهارة في حضن جدتها اللي كانت اسوء منها
بشرى بحدة : قوموا يبناات لاننكسر ونخلي جدتي وخوالي قوموا
وعد قامت وهي مصدومة وتبكي وقومت لين معها اللي م كانت اقل منها الكل استنفروا واخذوا اغراضهم وطلعوا من المخيم وانتهى اخر يوم بأشنع طريقة ..
..................
في المستشفى
الدكتور : المريض صار له ساعة ميت
فارس كان منهار ولاهو قادر يشخص حالة جده وتقدم رعد وقال : حضرة الدكتور وش فيه جدي ؟
الدكتور : كان معاه سرطان فالرئة غريب م كنتوا تشوفوه يكح ؟
رعد بحدة : لو كنت اشوفه تتوقع م بجي اسعفه !!
ذيب تقدم واعتذر من الدكتور وخذوا اوراق جدهم وجنازته وقال بحدة : فاارس خلاااص تكفى !!
فارس مسح دموعه وقال : توو جرح ابوي م انبرى والحين جدي يموت وهو اللي سندت عمري عليه !
رعد شّد ع ظهر فارس وقال بصوته الرخّيم : انا معك وانت بوجهي وشنبي يالفارس من جور الايام شد حزامك والله م اخليك لحالك
فارس حضن رعد وانهار من جديد وكان يصعب ع رعد انه يشوف روحه الثانية تعاني كذا بدون اب والحين جد كان بحسبه ابو فارس
رعد اشر لذيب يسبقهم وفعلاً لبى ذيب كلمة رعد وطلع بجنازة جده للمغسلة عشان يخلصون وماهي الا ساعة وتجمعوا اهل قاضي وكل من له صلة بقاضي فالمقبرة وصلوا عليه وخلصوا وطلعوا بعد الدفن والكل كان يرد ع كلمة تمنوا انهم م يسمعونها واللي هي " احسن الله عزاكم في ابوكم ، رحمة الله عليك يقاضي ، اشهد بالله انه كان رجال ومن احسن الرجال وخلف رجااال ، تصبروا والله يرحم شايبكم "
كانوا من عيال واحفاد قاضي يردون عليهم بوجيه كساها الحزن والانهيار والضعف ومحد منهم كان مستعد لهاليوم ..
.................
في بيوت اهل قاضي
دخلت سيارات العيال بحريمهم
كاسر بهدوء وهو متلطم وماسك يد وعد بكل قوته قال : وعّودي انتبهوا تفجعون هيام وعمتي رهف !
وعد سحبت يده وباستها بهدوء وقالت وعيونها غرقانه دموع : ابشر يروحي
كاسر : توكلوا ع الله
نزلت لين ووعد من سيارة كاسر بحزن وانكسار وطلع كاسر يلحق الجنازة
حمد نزل اهله ومشى مع كاسر برضو
لين وحنين دخلوا بيت ابو هيام ودقوا الباب وفتحت هيام وهي مبتسمة وقالت : ارحببو..
تلاشت بسمة هيام اول م شافت وجه حنين الحزيين ولين اللي اسوء منها وحطت يدينها ع اذنيها وقالت : اااه بسم الله تكفووون الرععد فييه شيء !!!
حنين حضنتها وطاحت تبكي وهيام مصدومة ووجهها قلب لونه والرجفة مسكتها وقالت بصوت مرعوب : حنيني تكفيين تكلمي الرعد صار له شيء !
حنين بهمس باكي : جدي مات
شهقت هيام وصرخت بأعلى صوتها : للااااااا ككذااااببهه جدديي م مماات جدديي حيي وبيححضرر تماايم اييهم ججديي م مااات !!
لين بكت اول م شافت انهيار هيام ونزلت لها تبكي وحضنتها مع حنين وقالت : يهيام الرعد تكفيين تصبري قضاء وقدر يروحي
هيام م كانت قادرة تبكي ودموعها م هي راضية تنزل وبس تصارخ ومصدومة
ام هيام طلعت من المطبخ تركض وقالت : ههيياام وينتتس يمه !
لين فزت لعمتها وحضنتها وقالت : عمة جدي قاضي مات
ام هيام انفجعت وقالت : هاااااه !!! شللون لا اله الا الله
بكت لين وانهارت ام هيام تبكي بحرقة وقالت : شللون ي لين شلون عمي كان بخيير شللون !
لين وسط انهيارها : مدري وقسم بالله مدري بس راح عند اللي ارحم من الام ع ولدها عسى ذاك الوجه فالجنة
ام هيام عرفت انه خلاص العزاء بدأ ولازم تكون متواجدة مع اهل قاضي وطلعت مع هيام اللي كانت اسوء حالة فالبنات كانت ترجف بشكل مرعب ودموعها بعيونها بس م تنزل ...
....................
كان اول يوم عزاء يمشي ببطيء والكل منهار والحريم يحاولون قد م يقدرون يواسون بعضهم ويردون ع المعازيم والحضور بردود مختصرة كانت تتمحور عن " جزاكم الله خير " بس وانتهى حديثهم كانت اصوات البكاء تتعالى في زوايا بيت قاضي وكانت ام محمد جالسة في صدر المجلس و تحكي لهم حياتها مع زوجها وتفاصيلها اللي كانت تنسف بداخل كل من لها صلة ودم بقاضي البنات كانوا منهارين ومفجوعين والامهات م كانوا اقل منهم وكل م قالت ام محمد شيء انهارت تبكي والكل يرد عليها بكلمات معتادة في اي عزاء " تصبري ي مها ، رحمة الله ع زوجتتس ، الله يرحمه ، احسن الله عزاتس فيه "
ام محمد قالت ابيات حزن كسرت الكل فيها وهي تقول بصوتها الباكي :
امنت بالمقسوم لي من حياتك
‏وامنت بالفرقا لكن كيف بنساك
‏كل زوايا بيتي والاماكن كلها ذكرياتك
‏وش حيلتي لا جيتها عقب فرقاك
فجعوني يالقاضي بخبر وفاتك
وفجعوني بشيءٍ غير عن طرياك
وانكسرت يوم شفتك جثة عساك
بالجنة وقبرك ينور وعساني بدالك
اه وجع الفقد والمها يوم شفت جنازتك
ليتني اندفنت معك ولا رحت بلحالك
الله يجبر قلبي ويصبرني بلقياك
يوليف الروح والقلب يحضرة جنابك
-
انهت ابياتها وطاحت تبكي بحرقة ع فرقى زوجها وعشير روحها
اما بالنسبة لبطلتنا وبطلنا كانوا يصارعون الم فقد جدهم بعيد عن بعضهم وكانوا اثنينهم يتمنون م ينكسرون الا بحضن بعضهم كانت هيام مفجوعة بس م كانت قادرة تبكي وكان كل تفكيرها برعد اللي كان صامد مثل الجبل ولا بكى ولا نزلت دمعته وكان الكل مصدوم والكل يقولون بأنفسهم
" اكيد انه مصدوم ، الله يكون بعون الرعد ، المرجلة وصلت فيه انه م يبكي بعزاء جده ، اشهد ان قلبه قوي ! "
اما بداخل رعد كان اكثر واحد منكسر بس كان متمسك بنفسه وهو م يبي احد يشوف انهياره
فارس بصوت مبحوح : رعد تعال نجلس
رعد ابتسم بضيق وقال : ابد اسبقني انا بخلص الدلة ذي واجيك
مشى فارس للمجلس وجلس جنب عمانه وكمل رعد يصب القهوة للضيوف وللناس اللي تعنت وجات عشان جده كانت المجالس تعج بالزحمة والناس سواء قريب ولا بعيد
محمد مسك كتف رعد وقال : خلاص يولد ارحم عمرك
رعد : م فيني شيء ولو اجلس من بيقلط الضيوف
محمد بحدة : اللي غيرك وش كثرهم واصغر امش
رعد نزل الدلة ومشى مع محمد ودخل فوسط المجلس ووقف واستغرب محمد وقال : وشفيك !
رعد بصوت عالي : اول شيء الله يجزاكم خيير يرجال والله لا يوريكم مكروه بشخص تعزونه وتحبونه
الكل بصوت واحد : اميين
رعد : ثانيًا عيب بحقنا نبكي عليه جدي مات وسمعته الطيبة سابقته ويشهد الله علي اني م شفت مثله لا من طيب ولا من كرم واكرام للضيف ودلييل ع كلامي جيتكم لعزاه جعله بالجنة الباردة الله يجزاكم خير م قصرتوا والله
الكل ارتعد من كلام رعد اللي كان صادق فيه ومشى وجلس جنب ابوه وباس راسه وقال : وشحالك يبه ؟
ابو رعد بصوت مهزوز : والله ماني بخير يالرعد فقدت ابوي وتسألني عن حالي ماني بخيير
رعد شابك يده بيد ابوه وقال : تصبر جعلني قبلك واحتسب الاجر ولا تقنط من رحمة ربي
ابو رعد ودموعه تنزل : ابشر يالرعد
رعد صد من عيون ابوه وهو م كان ناوي يبكي ابدًا ويعرف لو جلس يناظر بحالة اهله بينهار
ابو سعيد دخل المجلس مع عياله بدون سعيد وقال بصوت عالي : احسن الله عزاكم ياهل قاضي جينا والله نعزيكم وابشروا بالمعونه ولو انه حصل بيننا شيء كبير نبقى اهل وجماعة
ابو رعد صد وقام رعد بداله وقال : الله يجزاكم خير اقلطوا
دخلوا وجلسوا ودخل كاسر بعدهم وهو يترنح وكان يحسب طرف الجدار قريب منه ومد يده وطاح بطوله مغمى عليه ع الارض
فز ذيب ورعد ومحمد له
ذيب مسكه وقال : بسم الله علييه امسكوه
رعد زفر بتعب وقال : يالله بوقت واحد
رفعوه وطلعوه من مجلس الرجال عشان يتنفس وماهي الا دقايق وصحى كاسر وكان راسه ع حضن ذيب وفتح عيونه وشاف رعد واقف متشمر ورافع ثوبه ويشرب ماء
ذيب ابتسم : صحيت يالحب ؟
كاسر ابتسم وقام وقال : ابي تمر يعيال
محمد طلع من المجلس ومعه فارس والتمر والقهوة معهم
رعد مسك وجه كاسر وقال : خطاك الشر يعيون اخوك
كاسر قرب اكثر وباس خشم رعد وقال : خطاك اللاش يالرعد
مشوا العيال وجلسوا ورا بيت جدهم وكانوا يسمعون اصوات الحريم وبكائهم
فارس بحزن : اااه يجدتي الله يصبر قليبها
رعد تنهد وقال : فارس يرحم والديك خلاص محد ناقص
ذيب : الله يجعله فالجنة وحرام بالله اني مدري كيف بندخل المجالس وهو ماهو قدامنا ويقودنا
كاسر : الله يرحمه ويغفر له
الكل : امييين
محمد : وش كان فيه ؟
ذيب : سرطان الرئة
كاسر ومحمد توسعت عيونهم وقالوا بصوت واحد : اايشش !
ذيب : والله العظيم عشان كذا كان يكح
كاسر بحزن وضيق : اه لو كنا ندري بس
رعد بحدة : استغفر ربك عادك محلك ! قضاء وقدر افهم ولو تفتح عمل الشيطان !
كاسر مسح شنبه واستغفر وقال : ابي ادخن
ذيب تنهد : اششهد بالله انك جبتها
رعد ابتسم وقال : وش بيسوي فارسنا ؟
فارس : ابلش صدق برجع للمجلس مع عماني واذا خلصتوا دقوا علي
محمد طلع بوكيت دخانه وسحبوا الاربعة اربع سيجارات وشغلوها وخذتهم السوالف بعيييد...
...................
عند الحريم
سلمى بحزن : بنات هيومتنا تكسسر الخاطر ماهي قادرة تبكي وبس تفكر برعد وبولدها ااخ ودي احضنها واخليها تبكي
حنين : الله يصبرها ويصبرنا كلنا
الكل : اميين
وعد : امشوا طيب نجلس عندها
الكل وافقوا ومشوا مع وعد لهيام وجلسوا
بشرى مسكت يده هيام وقالت : هيومه عادي تبين تبكين ؟
هيام ابتسمت بسمة مكسورة وهي اللي كانت محتاجة رعد وقالت بهدوء وصوتها يرجف وكل شوي تمسح طرف خشمها : لا م ببكي م ابي ابكي
وعد حضنتها وقالت : خف الم الولادة ؟
هيام ابتسمت وقالت : تكفين توو ثاني يوم وشوي وانهار وم كنت مستعدة لوفاة جدي
سلمى : محد كان مستعد والله والله يخفف عليتس يالدنيا
هيام حطت راسها بحضن سلمى اللي كانت تمسح ع راسها وصاروا يسولفون عن حياتهم مع جدهم ومواقف منها الحزينة ومنها المضحكة
حنين : ااييه صح سلومتنا حامل الوسخة
سلمى ضحكت وقالت : انهرت عند جدتي وخربت السبرايز
بشرى : يوسخة ليه تبينها سبرايز !
هيام قبصت سلمى وقالت وهي تضحك : اشتاقت لقبصتي
سلمى فزت وصرخت وقالت : ههيياااااام يززززقق
هيام والبنات طاحوا يضحكون عليها وقالت سلمى : قلييلات ادب !
لين : فيه ريحة دخان !
حنين : عندتس اربعة اختاري واحد منهم
لين طلعت راسها وشافت العيال بطرف الحوش تحت النخل جالسين وقالت : الله رعد وكاسر ومحمد والذيييب موجودين
هيام قامت وقالت : رعد ؟
بشرى مشت وناظرت وقالت : اف حمود لبى روحه
وعد : كاسر يبنات تعباااان مره
هيام ناظرت معهم وشافت رّعودها وابتسمت وقالت : اهم شيء انهم يطلعون انفسهم من جو الحزن والنكد بالتدخين الله يبعده عنهم
الكل ضحكوا وقالوا : امييين
دخلوا البنات وشوي وقاموا العيال وطلعوا للمجالس .
..................
مرت الثلاث ايام وتسكرت بوابات اهل قاضي معلنة بداية عدة ام محمد ع زوجها ومعلنة نهاية ايام العزاء
رعد : كاسر الذبايح شلها معي بنحطها ورا البيت والبنات يدخلونها
محمد : خل الذبايح ولدك صار له يوم ينتظرك
رعد ابتسم وقال : تروح تجيبه ؟
محمد : تم بس بيدخلوني ؟
رعد هز راسه وقال : خذ سيارتي وبطاقتي فيها اذا احتجتها واذا وصلت عندهم قول لهم انا خال الولد وصار عندنا عزاء وكذا
محمد ابتسم وهز راسه بنعم وقال : ابشر
رعد : تبشر بالجنة يحمود
طلع محمد ع سيارة رعد ودخل رعد وكاسر للحوش ونزلوا الصحون ولف رعد بيلحق كاسر اللي طلع واستوقفه صوت اشتاق له صوت هيامه اللي قالت : رعد
رعد لف لها وابتسم وقال : عييون الرعد يهيامه
هيام غطت وجهها وهي م تبي تبكي قدامه وقالت : اااخ بس
تقدم رعد وحضنها بكل قوته ونزل راسه ع كتفها وقال بصوت مهزوز : تسمحين لي انهار ؟
هيام علطول بكت ونزلت دموعها وحاوطت رقبته وارتفعت صوت شهقاتها وابتسم رعد بضيق ونزلت دموعه بحرقة ع خده وطاح بطوله ع ركبه وهيام بحضنه كانت هيام تشّد عليه كل م شّد عليها وقال بصوته الثقييل والباكي : اااه يهيااامي جدي رااح قدامنا وبيين يديينا ولا انتظظر يشوف ولدي جدي ماات بتاريخ ولادة ولدي الاول بصيير اتذكر وفاته كل م فرحت لأيهم بعمره الجديد اااه من بيشفي النار اللي بداخلي
هيام كانت شهقاتها اعلى من رعد اللي كان يبكي بكتمه وقالت بصوتها الباكي : رعّودي اترك نفسك لي طلع اللي فيك قدامي
رعد قام ومسك يدها وخذاها لبيت ابوه ودخل وطلع في هيام اللي م كانت تشوف الطريق كويس من دموعها وكل شوي تمسح خشمها اللي صار احمرر وخدودها اللي حمرت من الدموع ودخلت معه لغرفته وسكر رعد الباب وراه ومشى بهيام لسرير وجلسها وحط وجهه عند صدرها وحاوطته هيام وشهق رعد بأعلى صوته وهو يبكي كان صوته يقشعر ويكسر ويحززن شّدت هيام ع رعّودها اللي كان منهار ويبكي وصراخه كان منتشر بأرجاء الغرفة بكى رعد حتى حس انه شوي ويموت وانتهت دموعه وطلع كل اللي بخاطره بين احضان هيامه وقال بصوت مبحوح : الله يجعله بالجنة
هيام ابتسمت وباست راسه بقوة وقالت : امين اجمعين
رعد ابتسم ورفع راسه لها وكان قريب من مبسمها وقال : ودي ابوستس بس برجع انهار
هيام ضحكت وباست خده وقالت : بسم الله ع عمرك يحبيبي
رعد قام وانسدح ع فراشه ورجع هيام ع مخدته وارتاحت بمكانها وتقدم رعد وانسدح ع حضنها وحاوطته هيام بيد واليد الثانية تلاعب شعره وماهي الا ثواني وغرق رعد بنومة يعتبرها تجديد روح وحياة بحكم انه له ايام وليالي م ذاق طعم النوم فيها
هيام ابتسمت وقالت : بعد روحي اللي ناموا
رفعت راسه لصدرها وانسدحت هي برضو واستسلموا لنوم بعد تعب ٥ ايام من مخيم وولادة ووفاة جدهم كان كل شيء مهلكهم ..
.....................
بععييد جدًا فأحد الزنزانات ..
طارق بحدة : انطم وسد حلقك ولحد بيعرف اني هربت !
العسكري والسلاح ع راسه بعد م سحبه طارق منه وهدده فيه قال برعب : خلاص يطارق العن الشيطان وبطلعك انا بس لاتذبحني وراي اهلي وناسي لايغرك الشيطان !
طارق ابتسم : الان امش
مشى العسكري وفتح الزنزانة الانفرادية وطلع مع طارق وكان طارق ماسكه بكل قوته واللي لوى ذراع العسكري انه اصغر من طارق وانحف واضعف كان طارق وحش بالنسبة له
طارق : انتتببه يالبزر لا تفضحني !
غالب برعب : ابشر ابشر
طارق ابتسم ومشى معه ووصلوا للبوابات ولف غالب ع طارق اللي كان يناظر فيه بشكل مقرف وقال بخبث : ودي استمتع معك قبل اطلع من اول م انسجنت وانت تجذبني
غالب توسعت عيونه وقال : ااايششش !!!!
طارق ابتسم وشال غالب بيدينه تحت مقاومة غالب وصراخه المرعب وهو تووه متزوج وعمره صغير ولا يبي ينعدم مستقبله وشرفه من واحد قذر مثل طارق
شّد غالب يده وسحبها ورجعها بقوة ع وجه طارق اللي صرخ بألم وترك غالب اللي ركض علطول للسجن بس طارق كان اطول واسرع وسحبه من جديد وحطه ع كبوت السيارة واعتلاه وقال بحدة وبصوت مرعب : م ودك تسد حلقك !!!
غالب كانت عيونه ترجف برعب وتذرف الدموع وقال بصوت مهزوز : طارق تكفى لا تسويها طارق انا استغليت وظيفتي وطلعتك تكفى لاتدمرني
طارق ضحك وقال : طيب عادي عيش معي بصرف عليك وادلعك وشفيك نكدي كذا ترا بتستمتع معي وبيعجبك
غالب صرخ وقال : م تخااااف رببك انت يالشاااذ !
طارق حاوط بيده ع رقبة غالب وخنقه وقال بحدة : بسس عاااد !
غالب كان يحاول يقاوم طارق ويضرب فيه لحد م استسلم طارق وترك غالب يروح بعد م حاول يلمس شرفه وبعد م عيشه رعب وخلاه يعيش بشخصية مهزوزة
طارق بصوت عالي : اناا اورييك يبن الكلب !
غالب وهو يحاول يضبط بدلته وكان يركض للبوابة ويطالع وراه بكل رعب وهو يشوف هيئة جسم طارق العريضة وفز اول م صقع بعسكري
العسكري : غالب ؟
غالب طاح قلبه وصرخ بأعلى صوته وهو يقول : تكككففى الححقنننيي
العسكري فز برعب وقال : غاااللب شففيييك !
غالب طاح مغمى عليه بين يدين عيد
عيد بصوت عالي : يعععيياال تعععاالووا
فزوا العساكر وكان طارق يراقب كل شيء بأبتسامة خبيثة والدخان بين شفايفه وقال بصوت شبه مسموع : يحلوه ذا الصغير اغمى عليه هذا وانا م لمسته ولا حس فيني
سكت شوي وهو يشوف ٨ عساكر داخلين للسجن ومعهم غالب وقال : الان دور ولد رعد
مشى طارق حتى وصل للسيارة اخوياه وركب وقال بحدة : سللاااام يررججااال
تركي ابتسم : ارررححبب يالبططلل
حارث : هلا هلاا عليكم السلام طارق قلبي
طارق ابتسم وقال : يالله انزلوا وعطوني السيارة عندي مشوار سريع للمستشفى العسكري
حارث مشى بالسيارة حتى وصلوا لمحطة بنزين مهجورة وفيها سيارة ثانية نزلوا اثنينهم وتركوا طارق لحاله ومشى متجهة للمستشفى العسكري
وصل طارق بعد مدة طويلة من السجن للمستشفى ووقف بعيد من البوابة وشاف سيارة رعد اللي كان راكبها محمد وقال بصوته الثقييل : ررععد ههلاااا والله !!
وقف سيارته ونزل منها واتجهة للعسكري اللي عند البوابة وكان معطي طارق ظهره ودخل بسرعة بدون محد يشوفه ووقف بهدوء وكان مركز ع سيارة رعد اللي وقفت فالمواقف
" عند محمد "
تقدم محمد بسيارة رعد اللي كانت معروفة بين الضباط وفتح له العسكري علطول ودخل ووقف فالمواقف واستوقفه صوت يقول : افا وانا احسبك رعد !
محمد لف وانصدم من اللكمة اللي تسددت بوجهه وطاح محمد ع الارض وهو مصدوم وشذا اعتلاه طارق وقال : اهااا حمموودد
محمد فتح عيونه بألم وقال : من انت !! وش تبيي
طارق همس بأذنه وقال : انا موتكم يأهل قاضي
محمد ابتسم وقال : طيب مفروض اخاف الحين ؟
طارق ضحك وقال : ابد محد قالك تخاف بس مصيرك بتخاف
محمد كان يقاوم ويحاول يبعد طارق من عليه وقال بحدة : قمم مننيي طييب !!
طارق ابتسم وقال : حمود تزوجت صح ؟
محمد رد برد مختصر وقال : وشدخلك يخوي !
طارق ضحك وقال : ببشرى وعندك بنت اسمها لميس بعد صح ولا انا غلطان ؟
محمد اشتط وتوسعت عيونه وسحب يده وضرب وجه طارق بكل قوته وقال : تعععقببب تققوول اسم حرريممنناا !!!
طارق ضحك بصوت عالي وقال : وش الغيرة الخايسة اللي عندكم يعيال قاضي ؟
محمد قام ونفض ثوبه من التراب اللي ملاه وقال بحدة : انت من !
طارق قام وهو يمسح خشمه اللي نزفه وقال : انا اللي طيحت رعد بالعناية تتذكر ولا ؟
محمد توسعت عيونه وقال : شللوون طلعتتت !!!
طارق قرب ومسك فك محمد اللي كان اقصر من طارق وقال بحدة : محد يقدر علي الا رب العالمين وجيت اكمل اللي تركته ناقص
محمد ابتسم وقال : وش بتسوي يعني ؟
طارق : بذبحك وبذبح ايهم الصغير اللي نايم داخل وينتظر خاله الحلو يجي يأخذه
محمد خاف من طارق وكيف هو يعرف كل شيء وقال بصوت ثابت عكس الرعب اللي دب قلبه : والله انك تبطيي
طارق طلع سلاحه وحطه ع راس محمد وقال : ابطي ؟
محمد ضحك وقال : وش طيب اذا اطلقت علي تراك بمستشفى عسكري والعساكر يحفونك من كل جهة يعني قصاص من اول وقصاص الحين ارحمنا وارحم عمرك !
طارق : م يهم بس بعد عزاء جدك عزاءك ؟ الله يعينهم ويعين لميس الصغيرة بتعيش بدون ابوها
محمد : يرجال لو بتطلق اطلقت من اول بس م تقدر
طارق ابتسم ولف السلاح وضرب محمد من ورا راسه وطاح مغمى عليه واخذ بطاقته وكل اغراضه ولبس نظارة محمد الشمسية ع راسه ومشى ودخل للمستشفى بكمام اسود ووصل للنيرس وقالها : سلام عليكم
النيرس : عليكم السلام كيف اساعدك ؟
طارق : جاي استلم ولد اختي
النيرس : مين ؟
طارق بدأ يتنرفز ويتوتر وقال : يختي ايهم بن رعد
النيرس ابتسمت وقالت : ايييه ايهم يحلوه صدق ماشاءالله ابشر شويات واجيبه
طارق ارتاح وقال : امين واستعجلي عندنا عزاء ولازم اخذه لأمه لأننا بنرجع للديرة
النيرس : الان
مشت وطلعت للحضانة وجلس طارق ينتظر وماهي الا ثواني وطلع ايهم بالسرير وكان صغيير ويجنن فيه من رعد الكثيير واخذ كل ملامح ابوه وم فرق عنه الا بشفايف هيام وغمازاتها
النيرس : عطني بياناتك
طارق مد لها كل بيانات وبطاقات محمد وسجلت كل شيء وشافت تشابه الاسماء واتضح لها انه خاله صدق
طارق تقدم وشال ايهم بين يدينه وباس راسه وقال : بسم الله ع قليبه الصغييير اشهد بالله انه شابهه الرعد !
النيرس سلمت طارق كل شيء من بيانات واوراق ايهم وشهادة ميلاده كل شيء حرفيًا
طلع طارق وايهم بحضنه يبكي بهدوء ابتسم طارق وشال الكمام من وجهه ونزل نظارة محمد وقال بصوت عالي : يحبيبيي اللي يبكي لييه ليه ؟
ايهم زاد بكائه ومشى طارق للبوابات وشافه العسكري واستوقفه وقال : من انت وكيف دخلت ؟
طارق : وش اللي كيف دخلت كنت منوم مع ولد اختي !
العسكري : بطاقتك !
طارق سحبها من جيبه بهدوء وسوى انه مبتلش بأيهم وشاف العسكري البطاقة وقال : محمد ؟
طارق : ايه نعم محمد
العسكري : كيف بتطلع طيب ؟
طارق ابتسم : مع ولد عمي رعد ابو الولد
العسكري ارتعب من اسم رعد وقال : اللواء رعد بن محمد !
طارق ابتسم : ايييه هو
العسكري ضحك وقال : تفضل
طلع طارق وهو يضحك وقال بنفسه ( وشذا الغباء كلهم سبايك مشيتها عليهم يلعنم القوووة بس ! )
ركب السيارة ونزل ايهم جنبه ومشى فيه وقال : خلاااص ينونو ازعجت ام امي انكتم !!
كان ايهم يبكي برعب من صراخ طارق عليه
" عند العسكري "
كان من اكبر المعجبين بشخصية الرعد وتمنى انه يجي يوم ويكلمه فيه ووصلته الفرصة وقال : بدق عليه ابارك له المولود
رفع جواله ودق ع رعد ووصله صوته الثقييل وهو يقول : هلا ؟
واثق : ارحب اللواء رعد ؟
رعد : هلا ايه من معي ؟
واثق : انا الجندي واثق بن علي
رعد زفر بملل وقال : ونعم والله وش بغيت ؟
واثق كان يتراعد من صوت رعد الضخم واللي كان هيبة وقال : بس شفت خال ولدك وولدك قبل شوي طالعين من البوابة بيركبون معك تأخذهم وقلت ادق ابارك لك
رعد فز وقال : بيركبون معي ؟؟
واثق : هاه ؟ ايه هو قالي انه بيروح معك !
رعد احتد صوته وقال : طيب شوف عندك وين راح ! سيارتي عندكم كيف اجي اخذهم وكييف فاتك تفصيل كذا !
واثق اتجهة لغرفة السكيورتي وقال : عيال سيارة اللواء رعد عندنا ؟
العسكري : ايه دخل قبل نص ساعة او ساعة مدري
واثق فز برعب ع صوت رعد اللي يقول : ووييينك ووش صاارر ولدي مع مميين !!
واثق : مع خاله والله انا شفت بطاقته !!
سكر رعد اول م دخلت هيام الغرفة وهي طالعة من الحمام وقالت : حبيبي صحيت ؟
رعد : يروح حبيبتس ايه صحيت
هيام : بروح انا لبيت جدي طيب ؟
رعد استغل الفرصة انه ينفرد وم تشك هيام وقال : ايه يروحي روحي وشوفي جدتي وسلميني عليها
هيام قطبت وقالت : وانت ع وين ان شاءالله ؟
رعد : بروح استلم ايهم رفضوا يعطونه محمد
هيام ضحكت وقالت : تمام
لفت بتطلع بس سحبها رعد من يدها وباس مبسمها وقال : لبى الزييين حتى وهو زعلان يجنن يالبييييه يالهيام
هيام غطت وجهها ورفعت شيلتها ع شعرها ولفت بدون اي رد ورعد يتأمل خصرها اللي انحت علطول ورجع وكان يضرب وينسف بقلبه وقال بنفسه ( اااااه يويييل حااالي )
مشى ولبس ثوبه وعدل شماغه وطلع مستعجل ووقف وقال : يالفارس
فارس لف وقال : يالبيه يالرعد
رعد : مفتاح سيارتك الان
فارس اتجهة لسيارته وقال : والله اني معك
ركب رعد علطول ومشوا وقال : استعجل للمستشفى العسكري
فارس : عسى م شر !
رعد : ان شاءالله انه مو اللي ببالي
كان فارس يسوق ورعد جنبه يدق ع محمد اللي م كان يرد ابدًا وقلب رعد يتراعد ووصلوا بعد مدة للبوابات وطلع واثق واول م شاف رعد فتح البوابة ودخل فارس ونزل رعد ركض اول م شاف سيارته ووقف بعيد اول م شاف محمد طايح وراسه ينزف كان هالمنظر مرعب ومحد كان ناقصه من اهل قاضي
فارس صرخ وقال : محمممدد ؟!!
رعد ركض مع فارس والعساكر جاوا كلهم وبعض من الممرضين اللي كانوا برا وشالوا محمد داخل واسعفوه علطول
رعد بصراخ مرعب ع النيرس : ووولددييي مععع مييينن !!
النيرس بكت علطول وقالت : مع خاله سلمته له قبل ساعة من الان
رعد بحدة : خاله مصاااب عندكم وم استللم الولدد وقسسم باللي رفع سبع ونزل سبع لا يصيير شيء لولدي م احاسب الا انتي ساااامعة !!
النيرس بخوف : رعد مالي دخل والله بياناته كانت صحيحة وتأكدت منها بعد !
رعد توسعت عيونه وقال بصراخ : رعععدد !!!
النيرس : حضرة اللواء اسفه
رعد مسح لحيته وشنبه بيدينه وقال : اااه يالفارس ولدي ويينه
فارس برعب : مدري الله يستر بس
رعد لف عليها من جديد وقال : اوصفي لي شكل اللي اخذه
النيرس : مدري نفس طولك تقريبًا وعريض وفيه شامة عند عينه
رعد فز برعب وقال : طااارررق !!!!
فارس صرخ : ااايشش مسستححييللل !!!
رعد ابتسم وقال : وييميين بالله انه مو بهيين !
فارس : يرججلل مستححييل ناسي انه بالأنفرادي وحكم عليه بالقصاص !
رعد مسك وجهه وقال : هذا وجهي يالفارس اذا م هرب
فارس مسك راسه وقال : يويل قلبي عليك ي ايهم !!
رعد دخل ع غرفة محمد وكان صاحي وقال بصرخة : ررععدد وولدددك معع طاااررقق !
رعد : ادري الله ياخذك ادري انكتم
محمد : وقسم بالله انه ضربني ولا والله انه يخسي يقرب منه وانا خاله
رعد ابتسم : امحق خال تكفى
محمد : تنكت ! اذلف شوف وين الولد
رعد : سد حلقك طيب
محمد ابتسم وقال : العن ابوه يرجال والله انه قوي وعريض
رعد ضحك : خله يواجهني طيب وربي لا اشقه ذا اللي يهايط وكل هجماته لي من ورا ظهري العن والدينه رخخخممه م يقوى يواجهني وجه لوجه
فارس : رعد امش بسرعة
طلع رعد وقال : حمود بالسلامة اكتب بياناتك والحقنا
محمد هز راسه وقال : يسلمك ربي
مشوا فارس ورعد وفز رعد ع اتصال من " عضيدي "
كاسر : رعد وينكم ؟
رعد : انت وينك ؟
كاسر : فالبيت
رعد : كويس وذيب ؟
كاسر قطب وقال : وشففييك !
رعد : يخوي م فيه شيء علمني وين ذيب !
كاسر : في دوامه
رعد : طيب خلك عند اهلنا لا تطلع !
كاسر : ع خشمي
رعد : معسلامة
سكر رعد ومشى مع فارس وركبوا سيارة فارس وطلعوا من المستشفى وشوي ولحقهم محمد بسيارة رعد
.......................
في بيت ابو محمد
ام محمد : هلا هلا بهيومتنا
هيام تقدمت وباست راس جدتها وقالت : شخبارتس ي أم محمد ؟
ام محمد : بخييير جعل جدتس بالجنة
هيام ابتسمت بضيق وقالت : امين اسمعي جدة ولدي بيجي بعد شوي
الكل فزوا وضحكوا وفرحوا
ام رعد : ماشاءالله تبارك الله بنشوف من خذا ملامح من ابوه ولا منتس
سلمى : احسه نسخة رعد
هيام ضحكت : لاتحسين تأكدي
ام هيام : احلفي وانتي !
هيام : مدري والله م ركزت فيه بس كان نفس عيون رعد
لين : يالبيه يالرعد ويالبيه يولد الرعد
حنين ابتسمت وقالت : اي والله يالبييييه يالرعد
هيام تخصرت ورفعت حاجبها وقالت : شدعوة وانا يهودية !
ضحكوا كلهم وقالت ام محمد : معليتس منهم يبنتي اشهد بالله ان حظ رعد قام يوم خذاتس مرتن له " مرأة "
هيام : يالبيه يجدة
تقدمت هيام وحضنت جدتها اللي حاوطتها وفزوا البنات كلهم ودخلوا بالحضن
عهود : وعد تعالي
وعد قامت وقالت : هلا ؟
عهود : ابونا دق علي اليوم ويسأل عنتس من السجن
وعد زفرت برعب وقالت : وش قلتي له ؟
" عهود اللي كانت اخت وعد وشوق من ابوهم "
عهود : وش بقوله يعني ؟
وعد : مو مهم لعاد تكلمينه وبلكيه
عهود ضحكت : هو كويس معي ليش اخرب علاقتي فيه
وعد بحدة : ططيب ليه تعلميني !
عهود : وش عشانه سألني عنتس !
وعد : طيب م يهمني لعاد تقولين له شيء عني ولا ناسية وش سووا فيني جعلتس م تعيشينه
عهود حضنت وعد وقالت : اسفه ابشري
وعد حاوطت عهود وقالت : شدعوة تعتذرين مالتس ذنب !
مشوا ومسكت شوق ذراع وعد وقالت : وش تبين بعهود ؟
وعد : هي اللي نادتني
شوق : ايوه ؟ وش تبي
وعد : ولا شيء
شوق : لعاد تقربين منها انتي عارفة ان ابوي للحين معها
وعد : ايه ادري بس عهود مالها ذنب !
شوق : احسن خليتس يالدبشة
وعد : خليتس صدق مني انتي اللي وش صار ع هادي ؟
شوق : لعنته مدري
وعد ضحكت وقالت : طيب اسمعي معتس رقمه ؟
شوق استغربت وقالت : ايه
وعد : طيب دقي عليه
شوق : كم مر اصلاً ؟
وعد : مدري والله بس اسبوعين او ثلاث
شوق طالعت جوالها وقالت : يمه !!
وعد ضحكت وقالت : شكل العريس طار
شوق : لا لا يغبية هادي مرسل قبل ١٠ ايام !!
وعد شهقت وضربت راس شوق بخفه وقالت : انتي الدبشة والله
شوق قرت الرسالة وكان مكتوب فيها :
السلام عليكم حبيبة عمري وشوقي كله بتأخر شوي وكلمت حمد وراعاني فكتب الكتاب بس يويلك تفكرين اني م بأخذك احبك وانتبهي لنفسك يعيوني
والرسالة اللي بعدها كانت قبل يومين :
احسن الله عزاكم بجدكم وتكفين انتبهي لقلبك لاتحزنينه والله ان ودي انك بحضني واواسيك اشتقت لأحضانك الله يجمعني بك بالحلال يروح هادي
وعد صرخت : يونننس رومننسيي وبعدين قد حضنتيه ؟
شوق : ايه حضنته مره وحدة بس
وعد : يمه شوق وشذي الجرأة !
شوق عبست وقالت : اخ والله اني مدري الله يسامحني
وعد : امين ردي عليه وقولي له يجي بعد العزاء بشهر
شوق : تمام
مشت وعد ودخلت للصالة والكل كانوا فيها يسولفون مع ام محمد ويغيرون من جوها
وعد : لين وش تسولفون فيه ؟
لين ضحكت : مدري يقولون سالفة صارت لهم منزمان
ام رعد : عاد وقتها كان محمد يحبني بس م قدر يجي يخطبني عشاني من عايلة غير عنكم
لين : اييه فريدة ومميزة ناديه لبى روحها وجعلني قبلها
حنين : اميين الله لا يحرمنا منتس يمه
ام رعد ضحكت : ولا منكم يارب
وعد بهمس : صدق اهل امتس منهم ؟
لين : م تعرفينهم م تعرفينهم
وعد دقتها وقالت : فيه وحدة م هي عاجبتني كانت تناظر كاسر بيوم زواجنا
لين ضحكت وقالت : مين لاتقولين ختام ؟
وعد قطبت وقالت : وشعرف امي انا
لين : الا ختام تحب كاسر من وهي صغيرة
وعد : وكاسر ؟
لين : ايه يحبها كان بعلاقة معها اصلاً بس مدري للحين ولا لا
وعد شهقت وقالت : وررربييي م يسللم الوسسخ
مشت وعد ولين وراها تضحك وطلعت والبيوت م فيها الا الحريم وكاسر برا لحاله
وعد بصراخ : كاااسسر جععللك الكسسرر
كاسر فز برعب وطاح دخانه ع الارض وقال بصوته الثقييل : هااه يالوعد هاااه
وعد شهقت وقالت : اععقبب هوييت بنار جهنم وانا استغفر الله !
كاسر رفع ثوبه وطار لها وانفجعت ونزل كاسر وباس مبسمها وقال : اهجدي لا اهجدتس
لين صرخت : الله يققررففك
وعد صنمت بمكانها وقالت : وش سويت ؟
كاسر نزل يبي يعيدها بس صرخت لين ودفته وعد وقالت : ووولدد اسسستح ع وججهكك
كاسر ابتسم بخبث وقال : اااه لذذيييذه م اتحممل
وعد توسعت عيونها وقالت : يمه اخوتس يجذب
لين : يجذب !!! يقرف قصدتس ؟
كاسر ضحك وقال : لين اهجدي ترا ذيب اخس والعن مني
تذكرت لين ذيب بالسيارة وهم فالمخيم وكان جريء بشكل مرعب وقالت بهدوء : وشدخله الحين !
كاسر : اص بس وانتي وش بغيتي ؟
وعد : الزفت ختام للحين معك ؟
كاسر مسك قلبه وقال : اااه يختام
لين ضحكت وقالت : ععششششننااا للحين تحبها
كاسر ابتسم : الحب الاول مقدر اقاومها
وعد كانت تناظره بحدة وقالت : طيب ليه تبوسني قبل شوي ؟
كاسر : لأنتس مرتي وحلالي
وعد : اها يعني الموضوع مو عن حب ؟
كاسر : شددعووهه وعّودي ؟
لين : وعد امشي م يستاهلتس
وعد مسكت يد لين ولفوا وطار كاسر وحضنها من وراها ورفعها من الارض وقال : اهييييمتس يوعد الكاسر
وعد ضحكت وقالت : غصب علييك يكاسر الوعد
كاسر : عساني م اكسرها يارب
لين : ياللييييل الحبيبة تراكم مغصتوني فبيتكم والحين هنا بعد !
كاسر وعّوده طاحوا يضحكون بأحضان بعض قدام انظار لين اللي دخلت وقالت بنفسها ( الحين ليه ذيب مو موجود وجع وحشني مره ! )
كاسر : حبيبي كيفتس ؟
وعد ابتسمت وقالت : بخييير جعلك بخييير
كاسر : توو صرت بخير بعد مبسمتس
وعد مسكت خدودها وقالت : يخيي احبببك
كاسر : اهييمتس
لفوا ع صوت سيارة وشاف كاسر ذيب وقال : وعد ادخلي
دخلت وعد وطلع كاسر لذيب وقال : عساك ع القوة يبو عبدالله
ذيب : الله يقويك يالكاسر امش تخاويني ؟
كاسر ركب وقال : مشينا
ذيب : يالله
كاسر ابتسم : يويلي من رعد قالي اجلس بس ملل يخي
ذيب ضحك وقال : معليك بوجهي انت
مشوا من البيت وفضى البيت من العيال
..................
في برحة فاضية
طارق نزل واخذ ايهم معه ودق ع رقم هيام ووصله صوتها وهي تقول : الو
طارق ابتسم وقال : يالصوت اللي واحشني
هيام قامت من الصالة وقالت بحدة : ميين ؟
طارق بحدة : اللي كان بيضيع شرفتس قبل يلمستس رعد ومفروض ان الولد اللي بين يديني ولدي انا !!
هيام م استوعبت وقالت : طارق ؟
طارق هام بمنطوقها وقال : يروح طارق
هيام : وش صوت النونو اللي عندك !
طارق : ولدتس ايهم
طاح جوال هيام ع الارض وشهقت بكل قوتها وقالت : يووييلل قلببيي ع جننييننيي !!
طارق ضحك وقال : اسلمي طاح الجوال ههههههههههه
البنات والامهات فزوا ع صوت هيام وركضوا لها
ام رعد برعب : ووشش الساللفة !!
هيام بكت بحرقة واخذت جوالها وقالت : طاااررقق
طارق ابتسم وقال : يعيونه يروحه لبيه
هيام وسط انهيارها وشهقاتها قالت : انا ناخيتك م تسوي لأيهم شيء
طارق ابتسم وهو يشوف كيف البنات يخضعون له بسرعة وقال : من عيوني ابشري م بسوي له شيء
حنين بصراخ : طاارق اللي اطلق ع رعد !!
الكل شهقوا وفزت سلمى وسحبت الجوال من اذن هيام وقالت بحدة : ااسسممعع يوييللك تقررب من الولد سااامع !
طارق ابتسم وقال : من انتي ؟
سلمى بكل قوتها : انا موتك وانا يومك الاسود وانا اللي بجيب راسك واحطه تحت السيف انا سلمى اللي والله م تسلم منها !
طارق : اف اف وش الكلام ووش القوة ذي ولو حطيتك تحتي عرفتي القوة ذي
سلمى ضحكت وقالت : تخسسي يالكلب !
طارق : اااه ليتك بين يديني عشان اعلمك من اللي يخسى !
سلمى : المهم احسب لعمرك ساعة بالكثير وانت بالسجن
طارق : ايه صح وصلي للي عندك انهم غيروا حكمي وم بيقصون بي طيب ؟
سلمى ابتسمت : ابشر وصله لهم انت
كانت سلمى تكلم منصور من جوالها وعطته كل شيء وموقع المكالمة وطلع منصور مع فريقه ودق ع رعد واتجهة رعد وفارس ومحمد لهم ودقوا ع ذيب وكاسر ولفوا ورجعوا لهم علطول والكل اجتمع عشان يلحقون ع ولدهم
سكرت سلمى وابتسم طارق وكسر الشريحة اللي معه واخذ ايهم وركب السيارة وهو عارف ان سلمى زوجة منصور وطار علطول عشان يبتعد عن المنطقة
وماهي الا دقايق ووصلوا منصور وفرقته وشافوا الشريحة وقالوا لمنصور
منصور بحدة : معليه بنحصله قريب مستحيل انه ابعد
منصور لف وشاف سيارة فارس واشر له يكمل طريقة قدام ونزل رعد الشباك وقال : سلامات ليه ؟
منصور اشر له يكمل وقال بصوت عالي : كملوا قدام
مشى فارس ومحمد ومنصور بسيارة رعد وراه وقال محمد : منصور وش العلم ؟
منصور : م فيه الا كل خير ان شاءالله
محمد : ان شاءالله
مشوا كلهم ودقت هيام ع رعد ورد وقال : هلا
هيام بكت اول م سمعت صوت رعّودها وقالت : اه يالرعد ايهم ويينه
رعد مسك فخذه بقوة وقال : تكفين يهيامي لاتزيدين علي ان شاءالله انه بخيير وابشري بنحصله
هيام : ولدي لا يروح يالرعد
رعد بحدة : ولدنا !
هيام سكرت بوجهه رعد وقالت : كله من رعد كله من مصايبه وولدي اللي م كمل اسبوع هو اللي ياكلها وانا اللي اكلها !
لين بحدة قالت : هيام تعوذي من ابليس !
هيام : اعوذ بالله من اخوتس !
لين صرخت بوجهه هيام وقالت : ههيييه انتي وش ذنببه اخوي !!
حنين بحدة : هيام خييير ان شاءالله !!
ام رعد مسكت بناتها وقالت : اسكتوا هي خايفة ع ولدها وبتبديه علينا كلنا طبيعي ترا
لين : الله يقرفها صدق
قامت لين بقوة ومشت وحنين وراها
سلمى حضنت هيام وقالت : معليتس منهم والله يرجع ولدتس سالم وبخيير
هيام بكت وقالت : امييين يارب
بشرى حاوطت هيام وسلمى بحكم انهم بنات خالتها
بيان جلست عند ركبتها وقالت : معليه تصبري وادعي له يهيام
هيام مسكت بنات خالتها وقالت : اميين يارب امين يحلويني انتوا
لين كانت تشوفهم من بعيد قالت : شوفي كيف الكلبة مع بنات عمتي !
حنين ضحكت وقالت : لاتشيلين ع هيام الرعد
لين : وش هيام الرعد انتي بعد وقسم بالله انها م تستاهل رعد
حنين : يمه لين شفيتس
لين ضحكت وقالت : قهرتتننيي يختتيي
سلمى قامت ومشت لخوات رعد وقالت : بنات شفييكم البنت منهارة ع ولدها وانتوا تتحيزون هنا ؟
حنين : م تحيزنا وش الكلام ذا !
لين : سلمى تقلعي لا افصل عليتس !
ضحكت سلمى ومسكتهم بيدينهم وراحوا وجلسوا عند هيام وابتسمت هيام وتقدمت لهم وحضنتهم وحاوطوها حنين ولين وقالوا : مالتس الا خوات الرعد
هيام ضحكت وقالت : الرعد وبس وش ابي فيكم
لين : اص بعلمه وش قلتي
هيام : عادي بقوله له انا اصلاً
حنين قطبت وقالت : اعتذري
هيام ضحكت وقالت : اسسفه
حضنوا بعض كلهم وجلسوا حول بعض يدعون لأيهم يرجع بالسلامة ولجدهم بالرحمة..
....................
فالبر
رعد بعصبية : اعنبوه وين ذلف !
منصور : اخ مدري اختفى
ذيب : فيه خيام هناك نروح نشوف
منصور اشر لفريقه وتقدموا كلهم للخيام
واحد من الفريق : يولد !
طارق كان داخل الخيمة ورافع السلاح ع راس شايب فالخيمة مع مرته وقال بهمس : قول لاتدخلون حريمنا
الشايب : اصبر يولد حريمنا
فايز : طيب يعم اطلع لنا
طارق : وقسم لا اطلق ع زوجتك اذا فضحتني
الشايب طلع وشاف الشرطة كلهم وقال : هلا ؟
فايز : حضرة اللواء رعد واللواء منصور تقدموا
مشى رعد ومسك الشايب وسلم عليه وهو تذكر جده وخنقنه العبرة وقال : يعمي تكفى شفت واحد مع رضيع ؟
الشايب بصوت عالي : لا يولدي انا وزوجتي هنيا نعيش لحالنا !
تقدم الشايب وهمس بأذن رعد : كمل وقول طيب
رعد قطب وقال : ادخلوا !
دخلوا كلهم وطاح الشايب يدعي ان زوجته م يصير لها شيء
فايز بصراخ : طااارق وقف لاتطلق !!
طارق : م بطلق عليها بطلق ع ايهم
رعد دخل وقال : خلاص انتهى الفلم حقك سلم الولد وارجع للسجن قبل تتغير محاكمتك وتلقم سنوات زيادة !
طارق : يالله يالرعد م قدرت تواجهني لحالك ؟
رعد شمر ثوبه وقال : هات ولدي واخليهم يروحون كلهم واسلمك نفسي
طارق رمى سلاحه ع الارض معلن استسلامه وطار فايز وفرقته ومسكوه واخذوا ايهم وسلموه لرعد
رعد حضن ايهم بكل قوته وباس راسه وقال : اه يروح ابوك انت
مد ايهم لمحمد اللي خذاه وقال : وده لهيامي
محمد : وانت ؟
رعد : معليكم مني روحوا
منصور : متأكد !
رعد ابتسم وقال : اعقب تشك فيني !
ضحك منصور واخذ فرقته وطلعوا من الخيام وتوجهوا للقسم وقال منصور : يبو ايهم اذا طرحته سلمه للشرطة
رعد اشر بيده ع خشمه وقال : ع ذا الخشم
منصور اشر له ومشوا كلهم وم بقى الا سيارة رعد ورعد وطارق
.......................
في بيوت اهل قاضي
دخلوا العيال ومعهم ايهم
ذيب : يووننه صغغيير بسم الله علييه
كاسر : حبيب عمه هو
محمد : اقول لا تحتك حبيب خاله !
ضحك فارس وقال : محمد وكاسر اعقلوا م يبيكم كثر م يبي امه
محمد اخذ ايهم من حضن كاسر ودخل وقال : وين ام ايهم ؟
طلعت هيام تركض وقالت : الحمدلله يااارب
الحريم طلعوا وتقدمت هيام واخذته من يدين محمد اللي تقدم وباس راسها وقال : حمدلله ع السلامة وعساه من مواليد السعادة ويتربى بعزتس
هيام : اميين يروحي
بشرى شهقت وقالت : حمود وش ذا اللي براسك !!
محمد مسك رقبته وقال : طارق الله يكسر يده
فارس وقف عند الباب وقال بصوته الرخّيم : يولللد ندخل ؟
ذيب : يووولدد
كاسر ضحك وقال : يوولددد طرريييقق
هيام انفجعت ودخلت بولدها وبشرى مسكت محمد ودخلته معهم وقالت : بسم الله عليييك يروح بشرى !
محمد ابتسم وباس خدها وقال : يعيون محمد انتي
بشرى : تكفى انتبه لنفسك
محمد : من عيوني
بشرى : ابوسهم
ابتسم محمد وطلع للعيال اللي دخلوا مجلس جدهم اللي كان فاضي ولأول مره وقال فارس بعد م تنهد بضيق : جعله يسقى كل م دخلنا وشفنا جدي ينتظرنا يجعله فالجنة
كاسر : اميين يارب
ذيب لف وقال : شوي واجيكم
دخل محمد وقال : ع وين ؟
ذيب : بشوف ليني
كاسر ابتسم وقال : يلعن شكلك اثقل
ذيب : دز بس
مشى للمدخل وقال : يولد لييني وينها ؟
لين فزت وقالت : لبيه جايه
ذيب ابتسم : لبيتي في منى يروحه
لين وقفت عند المراية وفكت شعرها وضبطت ملابسها وعطرت نفسها وطلعت وقالت : ارحب يدهر قلبي ورجعانه
ذيب فتح يدينه لها وقال : الله يبقي اللي بالقلب مكاننه
لين تقدمت وحاوط ذيب خصرها وشّدها عليه وقال : وحشتيني
لين ضحكت وقالت : م يوحشك غاليي يالدنييييا
ذيب : كيفتس بعد عزاء جدي ؟
لين : حمدلله بس الحزن ذبحنا
ذيب ابتسم بضيق وقال : كلنا والله ي لينيي
لين ابتسمت وقالت : اااه يروح ليينك انت !
ذيب : بسم الله عليتس من الاه انتي
لين بعدت من حضنه وجلست وجلس ذيب قدامها وقالت : داومت اليوم
ذيب : ايه بالله دوامت م عندي اجازة بس ايام العزاء سمحوا لي
لين : عساك ع القوة يحبيبي
ذيب ابتسم وشابك يده بيدينها وقال : القوة وشهي عندتس ؟ القوة والرجولة والشهامة والثقل يطيح عندتس ي لين الذييب
لين استحت وحمر وجهها وقالت : كلامك المعسول مالي رد له ويعجز لساني اصلاً
ذيب تقدم وقرب منها وقال : مبسمتس لو يلعني بعتبره مدحه معليتس جايبة راسي من اقصاه
لين ضحكت وحضنته وقالت : الله يديمك لي يارب
ذيب حاوطها وقال : امين يارب
لين : ذيبي متى زواجنا ؟
ذيب ابتسم : ان كتب ربي بعد م تخلص جدتي حدادها
لين : ايه احسن م سويت
ذيب : يالله توصيين شيء ؟
لين : ايه تكفى نفسك انتبه لها
ذيب ابتسم : ابشري والله
قام ذيب وطلع من المقلط واتجهة للعيال فالمجلس ودخلت لين عند البنات
......................
فالبر
رعد : انتبه تستأمني ترا ممكن اقتلك بعد اللي سويته فيني !
طارق ضحك وقال : ابد بقرب وادعسك
رعد ابتسم وقال : ليتني ببدلتي العسكرية كان علمتك صدق
طارق : كلنا بثياب يعني م فيه غش بنلعب بنزاهة !
رعد تقدم لطارق اللي ضرب رعد بكل قوته ع عينه وانشق حاجب رعد من قوة الضربة والي عززها خاتم طارق
طارق تنهد وقال : ااااه يحللوها من ضربة
رعد حس ان راسه انفجر وقال بصوته الرخّيم : يدك قوية يالكلب !
طارق تقدم وضرب لحية رعد وطاح رعد بطوله ع الارض وتقدم طارق واعتلاه وقال : رعد تدري كم صار لي انتظر ذا الشيء ؟
رعد كان يقاوم م يطيح وقال وهو مغمض عين وفاتح الثانية : كم صار لك ؟
طارق سدد لكمة ع وجه رعد وقال : سسسنة !
وسدد الثانية وقال : واربع اشهررر !!
رعد ابتسم وقال : تبيني ابدأ ؟
طارق قطب وقال : ايش ؟
فز رعد وقلب طارق واعتلاه وقال : اكثر من ١٠ سنوات فالعسكرية تتوقع بخضع واستسلم لك علطول ؟
طارق ضحك وقال : يخي جوي وربي
رعد طاح بطارق ضرب وم كان يشوف شيء وعروقه بارزة والدم اللي بوجهه وثوبه وكان طارق يسدد ضربات تقضي ع رعد وقدر طارق يوصل لصدر رعد وضربه بكل قوته عليه وطار رعد وطاح وقام طارق يترنح ويمسح الدم اللي غطى وجهه وقال : رعد استسلم تكفى !
رعد : مستحييييل لو تكون جنازتي ع يدك !!
طارق : وهيامي كيف بتعيش ؟
فز رعد بعد اسم هيامه وكيف ان طارق نسبها له وضربه بكل قوته وانتهى كل شيء بأغماء طارق وطاح رعد وقال : يساتر كل ذا عشان هيامي ؟
انسدح رعد يراقب النجوم والقمر اللي توسط السماء وقال : اه بس يالهيام
غمض رعد عيونه واستسلم للتعب والنوم وهو يحس ان جمجمته منكسرة ..
" بعد ٤ ساعات تحديدًا الساعة ١١ الليل "
فز رعد ع صوت جواله وكان " فارس قلبي "
رعد بتعب : هممم
فارس : اشوى انت حي ؟؟ ويينك من جوالك !
رعد طالع وشاف طارق جالس ويتأمله وكان مرعب وقال بحدة : وجععاااه وش تطاللع فيييني كذا !
طارق ضحك وقال : يخوي وش حرام اتأملك ؟
رعد م فهم وقال : الله يشفيه
فارس شهق وقال : للحين طارق معك !!
رعد قام وقال : ايه تهابدنا ونمنا
فارس بجدية : انتبه تصاحبه يالرعد !
رعد : حشى لا سلامات !
سكر رعد وتقدم ومد يده لطارق وقام وسحبه رعد لسيارته وطلع الاصفاد وربط يدين طارق ورا ظهره وقال : انتهى الفلم صدق
طارق : تشرفنا فيك يالرعد
رعد : الله لا يشرفك يكلب انكتم لا اذبحك راسي ينبض واحس بحرارة !
طارق ابتسم وقال : ايه منشق راسك اشوفه انا
رعد ركبه وركب وطار فيه لأقرب قسم ونزل طارق وقال : كلموا اللواء منصور بن عبدالرحمن وبيقولكم كل شيء
العسكري : ابشر حضرة اللواء رعد
دقوا التحية لرعد وقال : استريحوا
طلع رعد لبيت اهله بحكم ان هيام هناك وولده والعيال ..
::::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( سلااام يحبااااني وحشتتووننييي جدًا 🥺 ، نزلت البارت قبل اختباري الاخير وبرجع اختفي عشان اختباراتكم والله ودي ابثركم بارتات شدوا حيلكم والله يوفقنا وياكم 💞💞 ، البارت طوويييييل حييلل وكسرنا حاجز الثمان الاف كلمة استمتعوا فيه وعطوني رايكم ع كل بارت 🫀 )