يهزمني الحُب وانا جاهل بدرب المُحبين

البارت السادس

هيام سكرت في وجهه الثالثة رعد صد ووضحت عروق راسه وعيونه اللي احتد وضرب يده فالدركسون بقووة: اااه يالهياام تبيني اوجعتس تبيني اوريتس شخصيتي اللي اخفيها عنتس لكن ابشري بها
:::::::::::::::::::::::::::::::
مر شهر كامل ورعد يدق ع هيام وم ترد عليه وكانت مقفلة جوالها طوال الشهر وتستعد للملكة والزواج كانت جمييييلة تشلع الفواد وقصت شعرها طبقات وكانت محافظه ع لونه الاسوود وشرت فستان ابيض يفتن وماسك ع جسمها ويظهر مفاتنها
" اليوم المنتظر يوم الملكة والزواج  "
الكل كان مستنفر ويجهزون للملكة والزواج والعيال عند الحلاق مع رعد اللي كانوا يناظرون فيه ويغنون بصوت واحد : عريسنا يا بدر بادي
و عريسنا يا بدر بادي .. دامت لياليك السرور

و عريسنا يا عطر زاهي .. غلّب على كل العطور

جينا بمنقاش الأيادي .. نخرق بها عين الحسود

يمينها جات بيمينه .. بأسمى الهيام والشعور

و اخذتها يارعد و انتَ الموفق .. هيام من بلاد النور

و تعيشوا فيها بالسويّه .. عقبال من عندي حضور
___
رعد كانت البسمة شاقه وجهه وقال : عششتووا والله
فارس فز اول م شاف الساعة : يوووه تأخرنا يعريس امشوا يالله
ركضوا العيال للسيارات والموكب اللي مجهزينه واتجهوا للقاعة كانت كبييييرة ومليااانه معازييم عكس عرس سالم بمليون مره
______••______
عند هيام اللي كانوا البنات يغنون ويصفقون ويزغرطون
هيام انهت مكياجها ولفت عليهم : بنات ناعم ولا اوفر ؟
صرخت سلمى : وقسم بالله بيموت رعد اليوم اذا شافتس لا اله الا الله والجمال !
حنين : نااااعم مرره وحافظتي ع ملامحتس اشكر اختيارتس يشيخه
لين ووعد كانوا يدورون حولها
وعد : يالله وقت الفستان بنات تعالوا نساعدها تلبسه
فزوا كلهم وبدوا يلبسونها وانتهوا ودخلت ام هيام وام رعد
ام هيام وسط دموعها : بسم الله عليتس يبنتي الله يحفظتس ويحميتس من عيون الحساد
ام رعد بكت بعد : الله يجمع بينكم على البر والطاعة مبروك يبنتي ي هيام
هيام كانت تهف ع نفسها : يمه خالة تكفون خلاص م ابي ابكي
سلمى وقفت وطلعتهم : منجد خلاص
صوت الطقاقة طلع وهو اللي اعلن بداية الزواج وهي تقول :
مبروك مبروك يا رعد افرح وتهنى
مبروك مبروك جبنالك هيام غزال محنى
عروستنا هيام طلت وهي نور بدرٍ تجلى
يالله عسى السعادة والفرح بدربها تمنى
قاموا المعازيم يزغرطون ويرقصون
حنين جلست بتعب : اف الله ياخذ البزارين
سلمى كان معها خيزرانه وتصارخ : مناااك انت وياه وجع
جلست سلمى جنب حنين : وجع يوجعهم وامهاتهم حمير نقول بدون بزران وكل وحدة جايبه معها عشرة !
حنين ضحكت : اخ بس والله ي انتس طردتييهم كلهم
سلمى انهلكت : وش اسوي بهم لعنه مغثوني
جات وحدة من الامهات معصبة : سلمى وجع شفيتس ع البزران
سلمى قامت بغضب : تبيني اكمل عليتس معهم شلي ورعاتنس ومحد بحولتس
راحت الام تتحسب عليها
وحنين منسدحة ع الطاولة وميته ضحك : اه الله يسعدتس ي سلوم
سلمى زفرت : اقول قومي نروح لهيام
______••______
عند رعد والشباب كانوا متجمعين حوله ويباركون له
رعد مسك محمد بيده : الحين متى ادخل ؟
محمد ضحك : بعد دقايق ابس خلهم يكلموني وابشر
رعد ابتسم وهمس له : عاد اختك لي شهر م كلمتها
محمد استغرب : ليه ؟
( رعد رفع كتوفه بمعنى مدري )
محمد ابتسم : معليه بتدخل وتتصافون
رعد : والله وانت الصادز
ماهي الا دقايق ودقت ام هيام على محمد
محمد : لبيه جهزتوا ؟
ام هيام : ايه
محمد سكر ولف لرعد : يالله ي عريس
رعد تقدم ودخلوا وكانت ام هيام مانعه تزف هيام عشان العين والحسد
بس بعد كلام البنات اقتنعت وزفوها وخلصوا ورجعوها الغرفة
حنين كانت تحاول تاخذ نفس : اف تعبنا والله
هيام : ايييه الله ياخذ الفستان ثقيييل
سلمى تقدمت : اص مو وقتس رجلتس بيدخل الحين
هيام ارتبكت وهي م شافته من شهر ولا حتى سمعت صوته : امانه الحينن ؟؟؟
بشرى كانت تساعدهم : ايه الحين اجل بكرا ؟
هيام برعب : ههههههههه مره م تساعديني ترا !
بشرى ضحكت : شدعوة خايفة ؟
هيام كانت ترجف : لا بس متوترة
بشرى لفت للبنات : يالله يبنات امشوا
سلمى جات قبالها قبل تطلع : اثقلييي ولا عليتس فيها واخذ البخور وبخرتها وعطرتها وطلعت وسكرت الباب
كانت الغرفة هدووووء وفجأة سمعت اصوات العيال وميزت صوت اخوها محمد بس م سمعت صوت رعد
دخل محمد وابتسم : ماشاءالله تبارك الرحمن وشذا الجمااال يهيوومه
هيام كانت تحاول م تبكي : يعيوني والله ي محمد الله لايحرمني منك سند وذخر
محمد لف : ولا منتس ، ي رعععد تعال يولد
طلع محمد وسكر الباب ولاهي ثواني الا وسمعت صوت رعد كان مميز عن الكل وكان يسأل : ادخل ؟
محمد هز راسه بنعم
رعد فتح الباب ودخل وسكره وراه ورجع التفت : هييامي
هيام فعليًا كانت ترجف وخايفة وم ردت حتى
رعد قرب منها ووقف ومسك فكها ورفعه بحيث تكون تتطالع بعيونه وتكلم : اولاً مبروك لنا والله يجمع بيننا ع خيير وبركة ثانيًا وش القطعة الخايسة ذي ؟ مو معقولة شهر بدون جوال !
هيام صدت منه وقالت : الله يبارك فيك ويسمع منك
رعد ابتسم اول م سمع صوتها : وحشني صوتتس واجد
هيام م رفعت عينها : م يوحشك غالي
رعد صد وقام : تبيني اطلع ؟
هيام فزت وناظرته : هاه ليه ؟
رعد كانت ملامحة حاادة وتجذب : مدري عنتس م تتكلمين ولا حتى تطالعيني وفوق ذا تقفلين في وجهي كل م دقيت عليتس وقاطعتني شهر خير هيام شفيتس ؟
هيام قامت : رعد
رعد ناظرها بقوة : خير !
هيام قربت منه : شفيك مشتط ترا مالنا دقايق متملكين !
رعد قرب زيادة وحاوطها : انا مشتاق مو مشتط
هيام ناظرته وصدت وابتعد عنه وقالت : المشتاق م يسوي سواتك
رجع رعد يحاوطها وقال : اسف بس عن اي سواه تقصدين ؟
هيام بدون نفس قالت : بشرى !
رعد عصب وفكها وطلع ينادي حنين : جهزيها وساعديها بجيب السيارة وبجي
هيام بصوتها الناعم : يالرعد
رعد لف لها بكل قوته وعيونه حمراء : عيونه
هيام : لاتطلع بشكلك ذا
رعد استغرب وقال : اي شكل ؟
هيام : انت ادرى ( وكانت تقصد عصبيته )
فهمها رعد وتجاهل وطلع وفاجئته بشرى اللي طلعت بوجهه
رعد وقف وتأملها ولا صد ذي المره
بشرى : رعد
رعد : عيونه
بشرى بأبتسامه ساحره : قلت لها انك خطبتني ؟
رعد هز راسه بنفي : لا ادخلي انتي لحد يشوفتس
( طلع يجيب السيارة وهو وقت م كانت هيام قاطعته الشهر ذاك كان يفكر ببشرى واخذ امه وابوه واقنعهم وخطب عند ساره ام بشرى ووافقت علطول )
لين كانت تسمع كل شيء ونزلت دموعها وشهقت وقالت بنفسها ( والله وسوتها بنت الكلب )
رعد جاب السيارة ودخل : جاهزة ؟
هيام ناظرته : ايه الان بطلع لك
رعد ابتسم لها : لبى والله عيونتس اللي تناظرني
هيام استحت ونزلت راسها
طلع رعد وركب السيارة وشوي وجات هيام وركبت جنبه
رعد ناظرها وضحك : اخيرًا ركبتي قدام وين ام الليث تجي تشوفتس وتصدق انتس مرتي
هيام ابتسمت : وانت يروحي م يهمك الا ام الليث حمدلله اننا اجتمعنا وبس
رعد مسك يدها وباسها : اي والله صادقة
مشوا للفندق وانتهى الزواج ومحمد وراهم بأغراض وهدايا هيام
وصلوا الفندق ونزل محمد الاغراض وسلم عليهم ووصى رعد ع هيام : عاد م اوصيك كل شيء الا هيام ولا ادري انك مضايقها لعنت خامسك !
رعد ضحك : معليه لاتوصي حريص
محمد طلع ورجع رعد الغرفة
رعد : هيامي
هيام ناظرته بحب : لبيه يعيون هيامك
رعد انهبل من كلامها : ابوس عيونتس انا اسمعي بطلع اجيب العشاء وانتي بدلي تمام ؟
هيام هزت راسها بنعم وطلع رعد
هيام دق جوالها ومسكته وكانت حنين
هيام ردت : لبيه حنيني
حنين كانت تبكي : اسفه ي هيام اسفه اني م كنت ادري الا بعد زواجكم اسفه انتس حبيتي رعد
هيام فزت برعب : يمه حنين وشفيتس لا تخوفيني!!
حنين كانت منهارة : بشرى ورعد طلعوا خاطبين !
هيام م حست بنفسها الا وهي قاعدة ع الارض طاحت وطاح الجوال ورجعت تتمسك فيه وقالت ببكي : هااه وش تقولييين انتتيي !!!
حنين : اسمعي بسكر انا الله ياخذ بشرى
سكرت حنين وهيام ماهي قادرة تشيل نفسها كانت طايحة ورفعت نفسها بصعوبة وغيرت ملابسها وطفت الانوار ودخلت فالفراش وغطت نفسها وبكت وهي تحاول تكتم نفسها
______••_______
انتهى البارت ادعموني بنجمة وكومنت عشان اتحفز اكملكم
( البارت قصيير اسفه مرره ، ادعوا ع بشرى 🤌🏻🤣 )