يهزمني الحُب وانا جاهل بدرب المُحبين

البارت السادس عشر

دخلت للحريم ورعد طلع للرجال ورحبوا فيه كلهم وجلس في صدر المجلس
_______••______
عند لين كانت تسمع البنات يحشون في نزول رعد وهيام وابتسمت وراحت ونشرت الخبر عند البنات
سلمى تشمرت : اعنبوها م تستحي ذي فكونني علييها
هيام تشمرت بعد : والله لا ادق وجهها
حنين : هيام لعاد تطلعين رعد قدامهم !
هيام بعصبية : لا والله !! مو مني من اخوتس اقوله لا تطلع قدامهم ويحب يعاند يضغطني والله
سلمى ضحكت : رعد رجال واكيد بيطلع قدامهم
حنين بزهق : يغبية م فهمتي اقصد ان رعد كل شوي يولد وداخل ع الحريم وانا بعترف اخوي شششققق واخذ ملامحنا كلها
سلمى وهيام : والله صدقتي
هيام : طيب وش اقوله ؟
حنين : مدري والله بس حاولي تمزحين معه وعطيه مزحة برزحة ودقيه بالكلام
هيام : تمام فهمتتس
قاطع حديثهم رعد : يولدد شوفوا لي طريق
سلمى انفجرت ضحك : توونا نقوله
هيام بعصبية طلعت له : خير رعد وش تبي ؟
رعد ناظرها بحدة ودخلها داخل : ادخخخليي داخخل المقلط مليياان رجال
هيام تكتفت وقالت بعصبية : احلف ؟ يعني انت تغار وتدخلني ولا انا مخليتك ع راحتك كل شوي داخل طالع وعيونك ع البنات !
رعد سحبها ودخلها للمخزن وصرخ عليها : هيياااام اعقللييي قبل شوي يحلوتس شفيتس انقلبتي !
هيام ضحكت : انا اللي انقلب يا أستاذ رعد ولا انت !
رعد بدا ينفذ صبره وقال : م ابي اوجعتس لاتحديني ع شيء انا م ابييه !
هيام بجدية : طيب ابيك تشرح لي يمكن انا فاهمة غلط انت ليه كل ٥ دقايق تجي مدرعم وتصارخ لأخر البيت والكل يلتفت لك تبي اتنشن لذي الدرجة ؟؟ تموت ع الحريم انت !
رعد لف يده ع رقبتها وشد عليها وقال : ههييياااام سدييي  حلقتتتسس !
هيام شدت ع مكان الابرة اللي في يد رعد وقالت : اتررككنننيي يارعد انا عرفت شخصيتك انت مرريض ومهووس بس تحبني وقت كششختي ووقت روقانك مو طبيععيي !
رعد ابتسم وقرب من وجهها وقال : ايه انا مهووس فيتس بتمنعيني من شيء حلالي ؟
هيام بعدته بقرف وقالت : ايه بمنعك وتخسي تقرب مني
رعد ضحك وقال : لاتخليني اشيلتس الحين قدام الكل واوديتس لغرفتي ويصير شيء م يعجبتس
هيام لفت تبي تفتح الباب بس سحبها رعد لحضنه وقال : المصيبة انتس بس تتكلمين ولا افعال تعقبين تسوين شيء
هيام لفت وجهها لوجهه وقالت : رعد لاتتحداني واضبط لسانك !
رعد ابتسم وقال : اتحداتس طيب
هيام استغربت : رعد شفيك يرعد ! ترا صرت تخوفني منك وصرت ارتعب اذا شفتك مو طبيعي انت عندك انفصام !
رعد : ايه عندي انفصام عندي شخصيتين وكل شخصية تحبتس اكثر من الثانية
هيام : لاتحاول تجيب راسي
رعد ابتسم : والله انتس جايتني ع وجهتس
هيام بعدت منه وقالت : مسكين هل انت بكامل قواك العقلية وتصدق كلامي اذا مدحتك !
رعد بعصبية واحتدت نظرته : هيياامي
هيام كانت فاتحة الباب بتطلع : خير !
رعد : ارجعي داخل
طلعت هيام بدون اي رد وسكرت الباب وراها وعلطول نزلت الكعب وركضت بقووة ونزلته من يدينها ولبسته ودخلت بهدوء وجلست في نص مجلس الحريم
رعد اشتط وعصب طلع بسرعة وشافها مو موجودة وقال في نفسه ( هيين ياهيام هيين )
طلع رعد وهو يتحلف فيها وهو خلاص ناويها نية الليلة
منصور ابتسم اول م شاف رعد وقام : حمدلله ع السلامة حضرة العقيد
رعد كان بيدق له تحية بس تذكر انهم مو فالعمل وتقدم وحضن منصور وقال : الله يسلمك ي منصور قلبي
ضحك منصور وهو كان خوي رعد من ايام العسكرية وقال : ابشرك مسكنا اللي اطلق عليك امس
رعد سمع له بكل حواسه : قول من !
منصور : والله مدري بس اسمه طارق
رعد م كان يعرف طارق وقال : م اعرفه والله
منصور : المهم حكم عليه بالقصاص بتتنازل ؟
رعد احتدت نظرته : لا طبعًا !
منصور ابتسم : حسيت والله المهم تعال اجلس
جلسوا الاثنين واخذتهم السواليف لأيام الماضي ايام كان رعد رئيس ع راس منصور والحين انقلب الدور واعتلت ضحكاتهم
منصور ابتسم : يالرعد وين الحمام وانت بالكرامة
رعد وصف له مكان الحمام وطلع منصور
________••________
عند البنات حكت لهم هيام اللي صار
سلمى : وشفييه ذا غبي !
هيام بقهر : مدري يخي امرضني والله
حنين : خلاص قفلوا ع الموضوع
سلمى : بنات تخيلوا نسيت جوالي عند مغاسل الرجال وقلت لبشرى تدق ع ضاري او زايد ولا حتى ذيب بس كلاب اخواني م يردون
هيام ضحكت بخبث : خلينا نروح نجيبه الحمامات بعيدة من المجلس ترا
حنين : ايه يلا مشينا
طلعوا البنات وسلمى اولهم وكأنها الرئيسة حقتهم
هيام : فيه احد ؟
سلمى : لا
ركضوا كلهم للحمامات
حنين : واو مراياتهم كبيرة والله
هيام كانت تشوف نفسها وقالت : اييه تجنن المراية
سلمى شهقت : يسس لقيييته
حنين : تعالي نصور
وقفوا الثلاثة واخذوا كم صورة
فارس : يكاسر اصبر ابي الحمام
شهقت حنين : يوييللليي فاااررسس
البنات فزوا وهم محشوريين م فيه مفر
رعد جاء : فارس منصور فالحمام انتظر شوي
هيام مسكت وجهها : ررععدد بععدد !!
سلمى ضربتهم : الله ياخذكم منن منصصوورر
هيام وحنين : هااه وش منصورر !!
سلمى : مدررريي يقولونن منصورر
هيام : وش قاللوا عننهه
سلمى بعصبية : انه فالحممااممم
هيام : يييووييللليي
فارس : رعد تعال ودي امقلب منصور
رعد ضحك : وش عندك وش بتسوي
فارس ضحك : تعال بتشوف
حنين خافت ومن التوتر نطقت : فاااررس
فارس فز وارتعب هو ورعد
فارس : صوت حننيين !
رعد : طيب ادرري !
فارس : حنين وينتس !
البنات طاحوا ضرب في حنين
سلمى : الله ياخذتس يملعونه درينا انهم محارمتس بس م تنكبينا
هيام : يويلليي ويلاه يبنات اخاف منصور يطلع !!
حنين : فارس انا عند المغاسل بس لاتجون انت ورعد
رعد فز بعصبية : حننيين !!
حنين سحبت هيام جنبها وتوزت سلمى وراهم وقالت : تعال يرعد
دخل رعد وفااار دمه اول م شاف هيام معها وقال : نعمم انتتيي وياها !!
هيام : لاتقرب سلمى ورانا
رعد بعصبية : ببعععدد !!!
فارس : حنيني تعالي
حنين راحت لفارس اللي جهز شماغه وغطاها في وطلع معها ووصلها للمقلط وتفهم علطول هو كان يغار بس م كان يعصب وم كان دمه حامي
هيام : ماشاءالله يحنين والله فيتس يحقيرة
رعد بعصبية الارض : هيياااام اقصصرري حستس وعلميني كيف لبس سلمى طويل ؟
هيام ناظرت وراها وقالت : للأسف لا
رعد زفر بعصبية : ابيي اعرف وش جااببكم
هيام : جوال سلمى نسته هنا وحبينا نغامر ولقمنا
رعد قال بصوت عالي : منصور لا تطلع شوي حريمنا هنا
منصور من داخل الحمام : كويس قلت لي كنت بطلع
رعد : هيامي تعالي ونزل شماغه لها
هيام هزت راسها بنفي : لا والله م اخلي سلمى
رعد : امشي بسسرعة وخليها وراتس
هيام : ترا سلمى اطول مني بس عشانها جالسه وراي م تشوفها ولا هي اطول !
رعد : يالييلل صدق
رعد تقدم وراح للحمام وقال : منصور هات شماغك
منصور فتح الباب وطلع وهو يحسب انه خلاص م فيه احد وشاف ثنتين وحدة متغطية بشماغ وتوقع انه لرعد والثانية م كان يسترها شيء انفتن في سلمى علطول ودق قلبه لها وقال : ييووللد علمننييي
رعد فز ولف وجه منصور واخذ شماغه ورماه من وراه بدون م يلتفت اخذته سلمى ولفت نفسها فيه وقالت : رعد تعال معنا
منصور كان قلبه يدق بشكل مرعب وهو بعد اول مره يجرب الحب وقال : رعد شماغي ويينه ؟
رعد ابتسم : مع سلمى شوي واجيبه
منصور ابتسم وقال : سلمى ؟
رعد م سمعه وراح مع البنات وهو حاط هيام بين يدينه ويمشي ومغطي بطوله ع سلمى دخلهم وضربوا حنين كلهم
حنين رفعت جوالها : سسمممااييلللل
ابتسموا الثلاثه وهم كل وحدة معها شماغ وكانت الصورة تجنن وعفوييية
سلمى شمت ريحة الشماغ وقالت : اووووه اعنبو ريحته م احلاها
هيام ضحكت وقالت : انا كلها عود المشكلة اني م احب العود بس عشقته بعد رعد
حنين حضنت شماغ فارس وقالت : اف فارس ذوييق يتعطر بمسك رجالي اه يبنات ريحته هادية مو زي رعد
سلمى : تصدقون كل واحد عطره ع شخصيته !
هيام ابتسمت وقالت : اشرحي لنا م فهمنا
سلمى فتحت الباب بخفيف وشافت واحد طوييل كان قريب او اقصر من طول رعد وكان انحف بشوي من رعد بس كان يفتن كانت تتأمله وشافت رعد قريب منه وقاله : منصور شماغك راح شكله
منصور ضحك بصوت عالي وقال : جعله فداها
رعد وفارس بضحك : ععششنننااا
تكهرب جسم سلمى وهي تناظر فيه وفي شماغه اللي ع كتفها وقالت : يمه يبنات امسكوني
قربت هيام منها وقالت : وشفيتتس
حنين استغربت : سلمى انطقي
سلمى : منصور !
البنات : وشفييه
سلمى : هذا شماغه صح ؟
هيام : ايه صح
سلمى قالت لهم وش قال رعد ووش كان رد منصور وقالت : بنات يقول جعله فداها !!!
صرخوا البنات في نفس الوقت وقالوا : كذذاااببههه
سلمى كان قلبها يدق بسرعة وقالت : والله م يروح من يديني
ضحكوا حنين وهيام ودخلوها قبل تجيب فيهم العيد
رعد : ايه وشفيك اختبصت ؟
منصور : انا بكرا جايكم وبتقدم لها
رعد خاف يكون يقصد هيام وقال : من ؟
منصور : سلمى
رعد ضحك وقال : ابد الساعة المباركة بس اصبر
رعد لف وقال بصوت عالي : يا ابو ضاري جايب خطاب
فز ابو ضاري وقال : والله انها مرحبا
منصور ابتلش عشان شماغه مو معه وسحب شماغ كاسر ولبسه بسرعة ودخل وهو يشخص وقال : سلام عليكم يأبو ضاري
ابو ضاري : ارحب من معي
منصور : معك اللواء منصور عبدالرحمن ال ******
فز المجلس كامل بعد فخامة اسمه وهيئته وقالوا : اررححبب
منصور ابتسم : تبقون جميع استريحوا بدخل بالموضوع علطول انا طامع في نسب رعد وقرايب رعد وسألته وقال م عندنا احد نزوجك وقلت له م ابي خواتك ابي قرايبك وقالي اجيك وان شاءالله نكون قد الهقوة
ابو ضاري : ابد اي شيء يجي من رعد انشهد بالله ان كل رجال في ذي المجالس واثقين بكلمته ونمشي عليها
رعد قام : ماعلييك زود ياعم
ابو ضاري : وانا موافق والبنت رأيها من رأي ابوها بس تعال بكرا مع اهلك وان شاءالله تتيسر
منصور انلخم وهو م كان متوقع يصير كل شيء بسرعة وقال : ابشر ياعم
جلسوا وهم يسألون عن منصور وكان كل اجابة لأسئلتهم ايجابية وزود بعد
ام ضاري : ي سلمى جاتس خطاااب ووافق ابوتس
فزوا الحريم كلهم والكل قال : ميينن ؟
سلمى فزت : يمه تكلمي
ام ضاري : اللواء منصور بن عبدالرحمن
صرخوا الحريم كلهم : ماشاءالله
سلمى شهقت : يويلليي
ام ضاري : وشفيتس لايكون رافضة !
سلمى ابتسمت: لا لا شور ابوي وهداية الله
هيام وحنين : مسرع ! يهب يحظها
سلمى ضربتهم وهي مفجوعة وقالت : كله من رعد م يعرف يسكت
هيام : حبيبتي احمدي ربتس بس !
سلمى : الحمدلله يعني بس مرعب والله
حنين ضحكت : حب من اول شماغ
انفجرت هيام تضحك لدرجة دمعت وهي تقول : الله ياخذتس يحننييييننن
سلمى ماتت ضحك بعد وم ردت ع ذبة حنين بالعكس قامت وضربتها ضرب
حنين وسط دموعها : اه يبنات بطنننيي
هيام وسلمى : هههههههههههههههههههههههههههههههههههههههههههههههههههههههههههههههههههههههههههه
ام محمد : بس انتي وياها جعلتس تضحكين بدون سنون !!
سكتوا البنات وهجدوا صدق بعد م حسوا انهم مصخوها
بشرى : بنات
لفوا عليها كلهم
بشرى : محمد كلمني يقول انه حجز شالية مطل ع البحر في الخبر وبنروح كلنا بعد ثلاث ايام
هيام : م اظن بجي
كلهم : لييه ؟
هيام : بنسافر انا ورعد شهر العسل
حنين ابتسمت بضيق : اي والله روحوا مع بعض
هيام : منجد م بغى شهر العسل ذا يجي
سلمى ضحكت وقالت : وش عنددها هيام تبي تنفرد بين يدين رجل مثل رعد ؟
هيام : يشينتس ي سلمى زوجي زووجي شفيتس انتي
بشرى : هيام روحوا بعدها تكفون والله لتس حس فالقعدة
هيام : بقول لرعد ابشري مع اني اتوقع انه يعرف بس بحاول اقنعه
بشرى ابتسمت : تمام
جلسوا يسولفون ووصل العشاء وتعشوا وراحوا لبيوتهم
رعد وصل البيت وهو شابك يده بيد هيام وقال : يالله انزلي
هيام : اوه يقدمي يالبيت
رعد ضحك : شكلتس ساحبه علييه من قلب
هيام مسكت ذراعه ودخلت معه وهي تقول : تصدق عاد م اشتقت له صار عندي رعب منه
رعد : افا لييه
هيام تركته ودخلت داخل تنزل عبايتها وقالت : رعد لاتستغبي
رعد فهمها وقال : اييييه خلاص انسي الموضوع
هيام وقفت عن المراية وضبطت شكلها وقالت : البيت نظيف غرييب
رعد من الصالة : ايه جبت شركة تنظيف
هيام دخلت الحمام ورفعت شعرها واخذت شور تغسل فيه جسمها بس خلصت ولفت جسمها بمنشفتها وطلت براسها شافت رعد جالس ع السرير وعلى جواله قالت في نفسها ( ياللييلل يارب يطلع )
رعد : هيام خلصيني
هيام رجعت سكرت الباب بهدوء وقالت : وش تبي ؟
رعد : ابيتس
هيام شهقت وقالت : ايشش ؟
رعد : ابي الحمام خلصصي
هيام زفرت براحة وطلعت : ادخل يالله خلصت انا
رعد لف لها بهدوء وقال : تعالي عندي شوي
هيام قلبت وجهها للدولاب وقالت : اصبر البس ملابسي
رعد : انا ليه ناديتتس قبل طيب ؟ تعالي
هيام لقطت بيدها بجامة وملابس وقالت : طيب جيت
وركضت للحمام وسكرت الباب وعلطول لبست بسرعة البرق وفتحت الباب وكان رعد واقف عنده وقال : انتي غبية ولا وش ؟
هيام ضحكت : افا ليه ؟
رعد : لأنتس باقي م استوعبتي اني زوجتس
هيام : طيب واذا زوجي يخي انا استحي شفيك انت
رعد عصب : وشو له تستحيين !
هيام استغربت : انت ليه معصب طيب
رعد سحبها معه وجلسها ع السرير وقال : لأنتس تمنعيني من شيء وهو ابسط حقوقي وتبيني م اتزوج وتبيني م التفت للحريم انا ابي احط بصمتي عليتس ابيتس تسمحين لي وشوفيني استأذن تخليني انام معتس
وجه هيام قلب احمر وقالت : لا تكفى
رعد عض ع يده وقال بعصبية : ههيياام فيتس شيء ؟ احد لمستس قبلي !!
هيام فزت : لا لا بس م يصير
رعد قطب وم فهم : ايش وش اللي م يصير !
هيام نزلت راسها وقالت : عندي عذر شرعي
رعد : اشرححي وش ذا !!
هيام شهقت : م تعررف !!
رعد : لا م اعرفه وش ذا
هيام قربت وهمست له وحمر وجهه رعد وبعد عنها ولف واتجهة للفراش ونام علطول
هيام زفرت براحة وقالت في نفسها ( يارب اتعود عليه واتعود اخليه يشوفني ويقرب مني براحته وانا مرتاحه له ) ولفت ونامت علطول وهي مرتاحة
رعد فتح جواله وقرأ عن الموضوع كامل وعرف انها م تصلي ولا تصوم ولاتقرب من زوجها ولا شيء قفل جواله وهو يقول ( وانت غبي تسألها خلاص قالت عذر شرعي اكل تبن وابعد )
وحاول ينسى الموضوع وقرأ اذكاره وحط راسه نومة
صحى الصباح ع صوت هيام
هيام : ررععد قم صل !
رعد : طيب خلاص
قام وتوضئ وصلى الفجر وشاف الساعة باقي ٥ ورجع ينام بدون م يسأل هي ليش صاحية دامها م تصلي
هيام رجعت تنام وصحت الساعة ١١:٣٠ وم كان لرعد حس قامت ونزلت تحت وسمعته يكلم وقفت تبي تتسمع
رعد بأبتسامه : لا والله الله يسعدتس م قصرتي ي مشاعل يالله الله يحفظتس ردي لي خبر بعدين
سكر ونزل جواله وقال : هيام صحيتي ؟
هيام : ايه صحيت وش كنت تسوي
رعد : اشتغل روحي سوي فطور
هيام كانت متيقنه انه دوامه بدون حريم و عشان كذا شكت وقالت : رعد حبيبي
رعد لف لها : يعيون حبيبتس
هيام : رح جيب خبز من البقالة وبيض
رعد قام ولبس وطلع
هيام : اه الله يشلك ي ابليس اخذ الجوال معه
راحت فتحت اللابتوب حقه وشافت كلمة السر
هيام زفرت بملل : اف وشذا وش اكتب الحين !
سكرته وقالت : خلاص لا تشوفين وتوجعين نفستس اذا جاتس اسأليه من مشاعل الله يشعل راسها
رجع رعد بعد ربع ساعة ودخل : يهيامي خذي الاغراض
هيام قربت وخذتها ونزلتها وحاوطت رقبته وقالت بعصبية : رعد
رعد بدون م يلف لها وكان مشغول بجواله قال : يروحه
هيام انصدمت انها قريبة منه وهو م اهتم لها حتى وقالت بصوت عالي : رعععد م تسمع !
رعد ناظرها وكانت قريبة منه قال : تراتس لاصقة فيني يعني م يحتاج تصارخين
هيام : رعد مين مشاعل
رعد بعدها منه وقال : مالتس شغل
هيام اوجعتها حركته وقالت : رعد ناظرني يرعد
رعد لف لها وقالت : انا تبعدني عشانها ؟ انا م تطالع في عيوني عشانها !! رعد من مشااعل
رعد ابتسم : اولاً انا ابعدتس عشان عذرتس الشرعي ثانيًا شوفيني اطالع عيونتس ثالثًا السكرتيره حقتي الجديدة
هيام : ععشنناا سكرتيرك !
رعد : ايه وخلصيني جوعان ترا
هيام راحت تسوي الفطور وهي تدعي ان مشاعل تبعد عن رعد وقالت وهي تشتغل : طيب بسألك
رعد همهم لها
هيام : متزوجة هي ؟
رعد : لا باقي
هيام عضت يدها وقالت : اه يحسرتي صدق !
نزلت الفطور وقالت : رعد الليلة متى بتجي ؟
رعد : والله مدري بس اذا خلصت جيتتس ليه تبين شيء ؟
هيام بأبتسامه عذبة : ايه ابي نسافر شهر عسل
رعد ضحك وقال : راحت عليتس
هيام : ايش ؟؟
رعد : اقصد تأخرنا صار لنا خمس شهور متزوجين
هيام : طيب ؟ ترا مو يعني لازم يكون اول شهر يحلو
رعد : انا عارف بس مقدر الحين
هيام : ليييه
رعد : تغير مكان شغلي ولازم اباشر فيه دايمًا
هيام : رعد مشاعل ابعد منها !
هيام قالت كذا لأنها تشوف رسايلها ع شاشة جوال رعد
رعد قرب وقال : تغارين علي
هيام بحدة : ايه واموت بعد مو بس غيرة !
رعد ابتسم : قربي مني طيب
هيام : م ابي افطر بس
رعد قرب وهمس في اذنها وقال : اذا تغارين علي ليه تخافين مني
هيام عصبت : مين قالك اني اخاف منك
رعد : عيونتس تقوله
هيام : لا والله ؟ اجل تبيني اقولك وش صدق اشوفك
رعد : قولي
هيام : حقييير
وطلعت لغرفتهم وسكرت الباب
رعد ضحك وقال : يعطيتس العافية ويجي منتس اكثر
طلع لدوامه وهيام وراه تفووووور
:::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت قصيير يحزن بس والله خليت افكاري الحلوة للبارتات الجاية قربنا من النهاييية كثييرر استمتعوا وعطوني رأيكم ضروري فجروا الكومنتات كاتبتكم تحتاج افكاار عطوننيي 😩😩)