يهزمني الحُب وانا جاهل بدرب المُحبين

البارت الثالث والستين

دخلت العنود وطلع سالم لمجلس الرجال وبشرهم والكل صاروا يباركون ويدعون لهم بفرحة عظيمة عكس نظرات ابوه المخيبة للأمال بس تجاهله سالم وصار يشوف فرحة اهله فيه واللي عوضته كل شيء ..
" بعد صلاة المغرب تحديدًا المجلس الرجالي "
رعد جلس بهدوء واصوات الاستغفار والدعاء كانت ماخذه الجو وتكلم رعد قاطع للصمت السائد اللي كان موجود : يبه
ابو رعد وهو يستغفر لف لرعد بهدوء وقال : لبيه يالرعد
رعد عدل جلسته والكل صاروا يسمعونه وقال : لبيت حاج والله يبه جيت اعلمك اننا بنسافر للجنوب تحديدًا ابها بحكم الاجواء الزييينة ونغيير جو هناك
ابو رعد ابتسم وقال : الله يستر عليكم انا بجلس عند امي
رعد قطب وتقدم وجلس جنب ابوه ومسك يده وقال : يبه اقصد العايلة كلها نفداك حتى جدتي
ابو رعد ترك يد رعد وقال : وانا يولدي اقصد اننا كبرنا ع السفر روحوا انتوا وحريمكم وخواتكم وانبسطوا وعينوا من الله خير
كاسر وذيب ناظروا بعض بحماس وقالوا بصوت هامس ومع بعض : اخييييرًا !
ضحكوا وكان محمد يناظرهم بحدة بمعنى " سد حلقك انت وياه " سكتوا العيال وشوي وقال رعد : يعني اخر كلام
ابو هيام بحدة : رعد م تسمع ابوك ؟ الله يستر عليكم م بنجي لا حنا ولا امهاتكم ولا جدتكم وقدكم ماشاءالله تبارك الله الواحد الشنب يخط وجهه ولا عليكم خوف
ذياب دق فارس وفهمه فارس وقال : وسالفة ذياب يعم عبدالله ؟
ضاري كان بيتكلم بس قاطعه رعد وهو يقول : ضاري سد حلقك قلنا ابوك !
ابو ضاري بهدوء قال : يبشر ذياب ببيان
ذياب فز وقال : لا اله الا الله !!!
ضحكوا العيال وقاموا كلهم يباركون له الا اثنين كانوا يحترقون من سامي لضاري اللي انصدم وكان يطالع في ابوه بحدة
ذياب تقدم علطول لأبو ضاري وباس راسه وقال بصوته الرخّيم : ابشر بعزك يعم والله انها بالحفظ والصون والله مدري شلون اشكرك انك م كسرتني فيها ابششر ابشر
ضحك ابو ضاري وشّد ع كتف ذياب وقال : لا اوصيك يولدي انت منا وفينا وبنتنا معك ماهي مع احد غريب علينا
ذياب ابتسم وقال : يالبييييه صدق تكفون يعيال احس اني فوووق السحاااب
ضحكوا وقال رعد : مبروك يذياب الله يتمم ع خير وانت واحد شليت نفسك وجاتك ثمار مجهودك يالشيخ
حمد دخل مستعجل وهو بالبشت وانصدم من اهله محد متكشخ ولا متجهز ولا شيء وصرخ فيهم وقال : لاااااااا ووششش تسووونن لييييه مححدد متججههزز بنررووح نمملكك ونتزووج وانتووا كذا ووش الاههلل ذوول عااادي صارحووني م تبوون تفرحوون فييني صصح !!!
فزوا كلهم وهم تووهم يستوعبون اللي صاير وفز ذيب وقال : والله انك تبشششرر
طلعوا الرجال كلهم ركض ودخل حمد المقلط وحصل امه وخواته متكشخين ومتجهزين ابتسم وقال : ااااه انتوا اللي تبردون الخاااطر
وعد ضحكت وقالت : شسالفة وشفيك تصارخ فالمجلس ؟
حمد تكى ع الباب وقال : تخيلي العيال وخوالي محد فيهم مخلص !
عهود وهي تتكشخ ابتسمت وقالت : يالله عوضناك
شوق ابتسمت وقالت : اي والله
ام شوق : يالله يحمدون مشينا
حمد ابتسم ولف وقال : انتظري شوي يعيونه
طلع حمد للحوش وشاف خواله جاهزين وواقفين عند السيارات ومعهم منصور
حمد ابتسم وقال : ارحب منصور
منصور ابتسم وقال : ابقه يالله
تقدموا وسلموا ع بعض وقال منصور : الله يتمم ع خيير يعريس
حمد رفع يدينه بصدق وقال : اممييييين يارب !
ابو رعد بحب قال : ان شاءالله خييير ولا فيه احد صاحي يفوت حمد ؟
حمد تقدم وباس راسه وقال : الله لايحرمني منكم يخوالي والله م عمري شكيت وانتوا جنبي ولا احتجت لحنان ابوي يعساني م افقدكم
ابو هيام وابو رعد قالوا بصوت واحد : اميين ويخليك لنا
" عند العيال "
طاروا كلهم لبيت ابو رعد ودخلوا وهم مستعجلين وقال رعد بصوت عالي : اسمعوونني
وقفوا كلهم وكمل رعد وهو يقول : الان انا بطلع غرفتي واللي ع مقاسي يجي معي وترا عندي ثياب قديمة يعني والباقيين مع كاسر يالله !
الكل فهموا واللي يحس انه نفس مقاس رعد مشى وراه لغرفته واللي كان يطابق تفاصيل جسم كاسر لحقه وم اخذوا ربع ساعة الا وهم مخلصين وطلعوا ركض وقال فارس : حنيني الجمر
حنين جات من ورا الحوش واعطت فارس الجمر وراح يركض وهو يسمعها وراه تقول : انتبه !
ابتسم وقال بصوت عالي : معليتس يحبيبي
نزله فالصالة وحط العود عليه وفاحت ريحة العود ونزل رعد بكل عطوراته وقال : جربوا عاد !
ذيب وهو يفتح ويشم قال بقرف : لعنة كلها عود !!!
كاسر انفجر يضحك وقال : اييه ويلعب علينا ببراندات مختلفة
ذياب اخذ واحد حس انه خفيفف وقال : هذا حلو عود وخشب الصندل مرره خفيف يجنن !
تقدموا كلهم وصرخ ذياب فيهم وقال : ههيييه عسى م شر كلنا نفس العطر !
دخل منصور للبيت وقال : عييال ؟
محمد لف وقال : ادخل هنا
منصور دخل ووقف مصدوم من الحوسة وقال : وش العلم ؟
رعد تعطر وخلص وسحب حزامه وسلاحه ولبسها وقال : يالله ؟
العيال تعطروا وخلصوا ونزلوا كل شيء وراهم وطلعوا وكانوا البنات واقفين ينتظرون
رعد سحب محمد وقال بهمس : حمود خذ هيامي معك
محمد بحدة وهو يهمس : يبوووي ترا امرضتني !
رعد توسعت عيونه وقال : اعقب وانا ولد محمد !!!
كاسر من بعيد سمعه وقال بصوت عالي : ووننعممم
محمد : يكرهي
تقدم محمد وقال : بشرى وهيام امشوا
بشرى تقدمت مع محمد ومسكت ذراعه وهي شايلة لميس وقالت : حمودي تاخذها ؟
محمد ابتسم وقال : هاتيها حبيبة ابوها
ركبوا السيارة وكانت هيام واقفة بمحلها ومصدومة ومشت لسيارة رعد بكل ثبات وقوة وفتحت الباب وركبت ولف رعد لها وهو يتكشخ وقال : خير ؟
هيام لفت بجسمها لوراء وضبطت مكان ايهم وربطت حزامه ورجعت وربطت حزامها وقالت : توكلنا ع الله
رعد ابتسم وقال : تنزلين ولا انزلتس غصب ؟
هيام بعصبية وهي خلاص معاد صارت تتحمل قالت : خلاااص عااد زووجي بالاسم انت !! تععبتت وتفششلت من بشرى ومحمد وانت كل شوي حاشرني معهم لمتى ناوي الزعل ؟؟ حتى اسم هيامك يالرعد معاد تقوله !
رعد مسح وجهه وشنبه وقال بحدة : انزلي
هيام ارتخت ونزلت يدينها وقالت بصوت مهزوز : رعد !
رعد : الان
هيام تقدمت ومسكت بيدها الصغيرة فك الرعد وقالت : خلااص عاد انكتمميي ولا اسمع لتس حس !
ومسك يدها وبعدها من فكه ورفعها لمبسمه واستنشق ريحتها اللي اشتاق لها رعد بالحيل وابتسم بهدوء وتركها وكانت هيام ساكته وتناظره وتحلل اسلوبه وتصرفاته وابتسمت وقالت بنفسها ( بدأ يلين اه يالرعد ليتك تحس باللي احس فيه صار لي ليلتين بدونك واحس انها عامين ! ) سكتت وابعدت منه ولفت بنظرها للشباك ومشى رعد وقال بهمس : شكلتس نسيتي وين مكان يدتس يكون دايم ؟
هيام بضيق قالت : وش اسمي طيب ؟
ابتسم الرعد وقال : حطي يدتس مكانها طيب
هيام احتارت وخافت تنصاغ له ويكون يستغلها لمصلحته يكون مقصده مسامحة وتخاف تتجاهله ويصير ينقد عليها واخذت شهيق وزفرته بتوتر ومدت يدها وحطتها فوق يد رعد اللي كانت ماسكة القير وابتسم وارتعش جسمه من لمستها ولف يده وشّد عليها وقال : حلوتي اللي تسمع الكلام حلوووتي
هيام ابتسمت وقالت : ماش هيامي احلى من حلوتي
سكت رعد ومشى متجهة لبيت ابو هادي ...
" عند منصور سلمى "
سلمى طلعت مستعجلة وقالت : هلاا بحبيبي
ابتسم منصور وتقدم وباس راسها بقوة وقال : يعيون حبيبتس
سلمى ابتسمت وقالت بهمس : تصدق عاد ؟
منصور ضحك وقال : وش ؟
سلمى ضحكت وقالت : خيير ليه تضحك قبل السالفة !
منصور وهو يضحك : مدري حسيتها تضحك امشي اركبي وسولفي علي
سلمى تقدمت وركبت وركب منصور وقالت : اليوم حسيت بطلق وبغيت اموت بس طلعت تقلصات
منصور ابتسم وقال : الله يهونها يعيون ونظر منصورتس
سلمى ابتسمت وقالت : منصوووري اححببك !!
منصور ضحك وقال : اهيييم فيييتس !
مدت سلمى يدها وشابكها منصور بيده ومشوا لبيت ابو هادي ..
" عند وعد الكاسر "
كاسر ركب سيارته وقال : كوويس ركبتي
وعد ابتسمت وقالت : اييه شسالفتكم مع حمد ؟
كاسر ابتسم وتقدم بيده وفتح طرف عبايتها وشهق وعض ع اصبعه وقال : يييوووييلل حااااالي والاحمر !!!
وعد ضحكت وغطت وجهها بيدينها وقالت بصوت خجول : كاااسرر تكفى مو من الحييين احرااج !
كاسر ابتسم وقال : مقدر والله لازم اشوفتس ! اول م نوصل بنزل معتس اعتبريني وحدة من البنات
وعد انهارت تضحك وقالت : يخخيي احبببك بس عييب بيت الناس وكذا واخاف ينقدون
كاسر طلع لسانه بمعنى " استهبل " وقال : جاتس اللي بيسويها الحين وبيدخل ؟
وعد رفعت نقابها وباست خده وقالت : يحبي لك
كاسر ابتسم وقال : اهيمتس لكن برضو اوريتس !
ابتسمت وعد وعدلت جلستها ومشى كاسر لبيت ابو هادي ...
" عند لين الذيب "
لين طلعت وقال ذيب : اااه عروستي اخييرًا اعتقوتس
لين ابتسمت وقالت : وش امداك تشتاق ؟
ذيب حضنها وقال : اعنبوتس لو تغيبين ثانية اشتقت !
لين حاوطته وقالت : سم طال عمرك نمشي ؟
ذيب همس بأذنها وقال : وش يهجد حماسي لكشختتس ؟
لين ضحكت وقالت : م كشخت مررره بس بوريك اذا رجعنا الفندق
ذيب تركها ومد يده ومسكتها لين ومشى لسيارته وركبها وقال قبل يسكر الباب : اسكر ي انستي ؟
لين ابتسمت وقالت بحب : سكر يعمرها
سكر ذيب واتجهة للباب حقه وركب ومشوا لبيت ابو هادي مع الجماعة الباقيين ..
" عند حنين الفارس "
حنين تقدمت وقالت : فارسي ليما وين ؟
فارس كان معطيها ظهره ولف وقال : بحضني
حنين ابتسمت وتقدمت وركبت وتجاهلت فارس اللي قطب وقال بنفسه ( ليه م غارت وسوت اكشن ؟ خير صدق ) مشى للسيارة وركب ليما ورجع لمكانه وركب وقال : حنيني زعلانه ؟
حنين لفت بأستغراب وقالت : لا وليه ازعل ان شاءالله ؟
فارس بخجل قال : ليه م غرتي علي من ليما
انفجرت حنين تضحك عليه وقالت : وه حبيبي اللي يبيني اغاار وشدعوة اغار من بنتك ؟
فارس قطب وقال : خييير كنت ابيتس تغارين طيب
ضحكت وضحك فارس معها وشابكوا يدينهم ببعض ومشوا مع الباقيين ..
..................................
في بيت ابو هادي 
كان الكل موجودين ومتجهزين لملكة وزواج غدي من حمد
حمد بحماس : يمه انا بتزوج ؟
ام شوق ابتسمت وقالت : ايه واجمل عريس يدنيتي
حمد باس راسها وقال : يالله ادخلي يعيوني
مشت ام شوق مع بنتها شوق وقالت بصوت شبه مسموع : عهود يالله ؟
عهود كانت تضبط كعبها اللي كان ملتف حول ساقها ولفت تبي تمشي وتعثرت ومسكها سعود وطارق جنبه داخلين وقال : بسم الله علييس !
عهود انصدمت وتركته بسرعة ورجعت بسرعة وكانت بتتعثر بس مسكت نفسها وتوازنت بصعوبة وقالت بهمس : اسسففه
مشت ركض وابتسم سعود وقال : شدعوة
ولف لطارق اللي كان يناظره كذا 😑 وقال : يمه شفيك ؟
طارق ضرب راسه بخفه وقال : امش بس يالخفيف
سعود ضحك وقال : جنتل مو خفيف
طارق ابتسم وقال : ارحمني يالجنتل خرشت ام البنية وتقول جنتل
دخلوا للمجلس وسلموا وردوا السلام اهل هادي وقال طارق : تأخرنا يعم ؟
ابو هادي ابتسم وقال : لا يطارق
طارق تقدم وسلم ع حمد وقال بهمس : هلا بعريسنا
حمد وهو للحين م تقبل طارق ابتسم بكلافة وقال : هلا هلا
جلس طارق جنب سالم وقال : سالم سمعت انك تنتظر مولودك ؟
سالم ابتسم وقال : ع خييير ان شاءالله
طارق : ماشاءالله تبارك الله الله يتمم ع خير
دخلوا رعد وكاسر وفارس ومحمد ومنصور وراء بعض وسلموا وقاموا الرجال وردوا السلام وسلموا ووصل رعد عند طارق وقال : اف اف طااارق هلااابي من اللي طلعك من قبرك ؟
طارق سلم عليه وقال : يشيييينك ابد تزوجت والله وافلحت
رعد توسعت عيونه وقال : افاا عيييب علييك ك..
قاطعه طارق وقال : قبل تقول شيء الزواج عائلي بيني وبين اهلها
رعد ابتسم وقال : اجل موفق والله ومنك المال ومنها العيال
طارق ابتسم وقال : اميين
رعد بهمس : بس مين ؟
طارق : والله كانت غدي الخطة بس عمي فجأة استبعدني ورجعت لبنت عمتي حلا
رعد : موفق يحبيبي
جلس رعد جنب طارق وصاروا ياخذون علوم بعض ومن هالكلام ومرت الدلال والبراريد والسواليف رايحة وجاية ...
" عند الحريم "
دخلوا اهل قاضي كلهم مع بعض ودفعة وحدة وهم كانوا ينتظرون هيام وسلمى وبشرى وحنين ودخلوا وسلموا وفزوا اهل هادي وردوا السلام وكانت غدي مبسوطة وتحس انها طاحت ع الشخص والاهل الصح وكانت مررره متفائلة وابتسامتها شااقة وجهها وتسولف مع البنات وتضحك وتاخذ وتعطي
هيام بهمس لحنين : ماشاءالله عليها تجنن البنت وواضح عليها مبسوطة وفرحااانه !
حنين ابتسمت وقالت : اييييه مرره تهبلل وبعدين احد ياخذ زي حمد ولا ينبسط ؟
هيام بمزح : وش عندها اهجدي لا اعلم ولد خالتي !
حنين انصدمت وتلاشت بسمتها وقالت : هيام خيير ؟
انفجرت هيام ضحك وجلست جنبها سلمى وقالت : وجعااااه فشلتيييينا اصه !
سكتت هيام ولفت وقبصت سلمى وعلطول لفت سلمى وغطت وجهها بيدينها وصرخت صرخة مكتومة وقالت : العن ابوتس يبنت الكلللبب !!
انهارت حنين تضحك عليهم وهيام تهاوش سلمى وتقول : كييف تقوليين كذا لعمتس يالعااقة !
سلمى علطول مدت يدها وقبصت هيام بكل قوتها وشهقت هيام وقالت : ييحييوواااانه !!!!
حنين بحدة اول م سكتت : خلاص فضحتونا !
وقامت وجلست فالنص وفصلت بينهم وقالت سلمى : حسيبها ربي صارت زرقاااااء !
هيام بحدة وهي تهمس : ووررربي م اعديييها لتس !!
حنين ناظرت في لين اللي كانت تأشر بمعنى " وشفيه " ابتسمت وقالت بلغة الاشارة : ولا شيء
صدت لين وقالت : انهبلوا
بيان ابتسمت وقالت : مين ؟
لين : السلمى والهيام
بيان : ومتى عقلوا تكفين ؟
لين : صح والله وحدة عندها ولد والثانية حامل وشوي وتولد !
بيان لفت لبشرى اللي دقتها وقالت : لبيه يبيشو ؟
بشرى بصدمة : ذياب خطب فيتس وابوي وافق !!
بيان غصت بالقهوة وصارت تكح والكل ناظر فيها وقالت برعب : تستههبليييين صصصصح !!
بشرى وهي تبتسم لهم وتقول لبيان " صحة " وتضرب ظهرها بخفه تكلمت وقالت : والله اني صادقة
بيان كانت مصدومة بس ابتسمت وقالت بنفسها ( والله وطلع يحبني وراح وخطب عند ابوي الله يجعل فيه الخيير ... ) كملوا جلستهم وشوي وارتفع صوت محسن وهو يقول : غغغدي
غدي قامت وقالت بتوتر ورعب : لبيه ؟
محسن ابتسم وقال : وقعي يعيوني اذا موافقة طبعًا وترا خلاص الرجال بياخذس معه
غدي ابتسمت ووقعت وصارت رسميًا زوجة لحمد وتقدم هادي ومحسن وسلموا عليها وباركوا لها وردت عليهم بفرحة عظيمة ورجعت لمجلس الحريم واعتلت اصوات الزغاريط المجلس والضحكات والتباريك لغدي وهي ترد وفرحانة وجلست بين خواته وقالت عهود : مبروك يقمر ودخلتي عايلتنا وزدتيها جمال والله
شوق بفرحة : الان ضمنت هادي م يطير من يدي
ضحكت غدي وقالت : يروحي يشوق عاد انتي طولتي مررره
وعد ابتسمت وقالت : مبروك يغدي وخذيتي الغااالي علينا وانتي والله تستاهلينه ويزهاتس
غدي : يبارك فيس وفي عهود يارب وعقبالها
عهود علطول تذكرت ملامح سعود اللي توجع القلب وصدت وهي تستغفر وقالت بنفسها ( خلاااص موقف ومر وراح وعدى لعاد تتذكرينه ) وسكتت شوي وقالت ( يويييل قلبيي يهبببلل من ذا ولدده ! ) ابتسمت وصدت وصارت تصفق للبنات اللي قاموا يرقصون وفرحانين بغدي وحمد ....
" عند الرجال "
دخل محسن وقال بصوته الثقييل : مبروك وجاتك غدي وعساك عند الهقوة يبو هادي
ابتسم حمد وهو متقرف من اسم ابوه لكن تجاهل وقام وقال : ابشروا والله بسعدكم بنتكم عند رجّال من رجال قاضي والله انها في وجهي وشنبي من جور الايام وتضرب الارض ولاتسمي
فزوا عيال واحفاد قاضي وقالوا بصوت واحد : ووننعمممم !
طارق فز وقال : يوييللليي شااااش راسي
رعد كان واقف جنبه وقال : شففت ؟ اجل وش تقول عني
طارق ابتسم وقال بهمس لرعد : ولد سعود شفيه هاجد ؟
رعد لف لسعود وقال : صدق كنت بقوله
طارق ضحك وقال : معقولة عشانها ؟
رعد لف لطارق بقوة وقال : وش تزوج هو بعد بذبحكم !!
طارق انصدم وطاح يضحك وقال : لا لا وحدة من اهلكم تعثرت ومسكها سعود مثل ذيك لين اللي قالي سالفتها وطلعت خطيبة ذيب
رعد كان شّاد ع نفسه وهو يفكر في كل الاحتمالات من هيامه لخواته وقال بحدة : منن ؟
طارق : مدري كانت لابسة كعب ابيض ونزلت من سيارة حمد
رعد شك بين شوق وعهود وقال وهو يضحك : اوهو اجل طاح ع نصيبه بس م شفتوا شيء ؟
طارق بجدية : لا يرجال يدوب كعبها ولونه بس اصلاً بعدت من سعود بسرعة وكانت بتطيح بس ركضت وهي متفشلة مسيكينة والله رحمتها
رعد ابتسم وتقدم لحمد وقال : حمودي شكل سعود طاح ع عهود
حمد ابتسم وقال : لا عاد ؟
رعد : ايه اتذكر كانت شوق لابسة كعب بني ومحد مع خالتي غير شوق الا عهود
حمد : اجل جاه نصيبه لعنده
قاطع حديثهم سعود وهو جاي وقال : اول شيء مبروك
حمد ابتسم وقال : الله يبارك فيك
سعود : انت قلت بجيك اذا جيت اخطب عندكم وانا والله للحين طامع بنسبكم
حمد دق ذراع رعد اللي ضحك وقال : ابد وصلت لنصيبك
سعود قطب وقال : وش ؟
حمد : اللي اليوم تعثرت ومسكتها يالوسخ هي اللي كنا مخططينها لك
سعود فز قلبه بفرحة وقال بهدوء ورزانة تعكس مشاعره : اوه قول والله ؟ اجل كلامي مع ابوها وشدخلني فيك ؟
حمد : ابوها ميت
سعود استغرب وقال : ابوك يعني ؟
حمد هز راسه بنعم وقاطعه رعد وهو يقول : ماهو ميت بالمعنى الحرفي لكن يعتبر ميت عندنا
سعود م حب يدخل بالعميق وبأشياء حس ان ماله دخل فيها ابتسم وقال : اجل تم يبو هادي اذا خلصت اموري جيتك
حمد : ابد حاضرين
رعد ابتسم وقال : حمد يالله ؟
حمد استأذن هو واهله بعذر انهم بيسافرون وطلع وركب سيارته وشوي وطلعوا غدي عليه وركبت بهدوء وقال حمد : هلا باللي تلت قلبي من اوله لأقصااااه ارحبي يغدي
غدي بخجل ابتسمت وقالت : من يرحب يبقى وله بالخافق مكانته
حمد شابك يده بيدها وصار يعتذر عن كل شيء وانه صار بلحظة بس كانت ردة فعل غدي ايجابية وكانت تقول : لا والله عادي انا عاذرتك وابد خير البر عاجلة انت رجال من ظهر رجال وشايل نفسك وان شاءالله ان حياتنا خييير وبركة وحب واخذ وعطاء يارب
حمد باس يدها وقال : اللهم امين يارب وابشري باللي يطيب خاطرتس يبنت عارف
غدي ابتسمت وشّدت ع يده وقالت : وين رايحين ؟
حمد : والله بنروح الجنوب
غدي فزت بفرح وقالت : والله ؟ م عمرري سافرت للجنوب
حمد ابتسم وقال : يالله اول سفرة معي
مشوا عرساننا لبيوت اهل قاضي وقفوا داخل الحوش والكل يتقسمون ع الجمسين
رعد بصراخ وبصوته الرجولي : خلااااص يبزررراان !!
سكتوا كلهم وقال محمد : خيير شتقصد ؟
رعد : سد حلقك انا بقسمكم
فارس ابتسم وقال : اسلم يالرعد
رعد ابتسم وقال : الله يسلمك يالفارس
تقدم رعد وكمل كلامه وهو يقول : كاسر وذيب وسالم وذياب وسامي وضاري بجمس ابوي بحكم انه كبير ومعهم من الحريم شوق وعهود وحنين وسلمى وصالحة وبشرى وجيهان وغدي
ضاري تكتف وقال : وانتوا ؟
رعد : اصبر يبن الحلال بكمل وبجمس جدي انا ومحمد وفارس ومنصور وزايد وحمد والبنات لين ووعد وبيان وجميلة والعنود وسلامتكم
محمد ابتسم ع جنب وقال بصوته الرخّيم : وهيامك يالرعد ؟
رعد بعدم اهتمام : مع كاسر
هيام كانت واقفة وتناظر رعّودها اللي حط براسه الزعل والتغلي والمكابر ولعاد لف لها منجد وكان هالشيء يكسرها كل شوي ابتسمت وركبت مع سلمى وقالت لها بهمس : معليتس منه يالهيام
هيام ابتسمت وقالت : م همني حبيبي
سلمى شّدت ع كتفها وقالت : كفوو بنتي تعجبيني !
هيام بهمس : هو يبي التغلي ؟ والله ان يبشر به
سلمى بفخر : يوييلليي يهيياااميي كففووو
هيام ابتسمت بضيق وقالت : انتي بتخلين خطتي تفشل من هيامي !
سلمى : اوه صح اسفه
سكتوا وبدؤا البنات يركبون فالسيارتين وقاطعهم صوت كاسر وهو يقول : حقيير رعد فرقنا عن حريمنا
فارس بجدية : احسن م سوا والله
محمد : يالله م معنا وقت
حمد تقدم وقال لغدي وبالعكس دخلت معهم بقوة وكانت شوي وتطير من الفرحة وقالت : عاااادي بروح مع البنات سلمى وهيام وبشرى معلييك
حمد بفرحة عظيييمة : يالله اجل انا انسحب
غدي ابتسمت ومشت وركبت جنب بشرى اللي صارت تسولف عليها وغدي متحمسة وترد عكس هيام اللي كانت تقاوم وكل شوي تتذكر كيف ان رعد منزمان م نطق بأسمها انقهرت وقالت بنفسها ( وقسم بالله م يستاهل مسكت يدي قبل شوي اخ يالقهر ياررب متى بيستوعب ع نفسه ! ) سكتت اول م مشت الجموس وام محمد ع الباب تودعهم وتدعي يوصلون بالسلامة ...
" بعد ثلاث ساعات تحديدًا برودان "
وقف رعد للمسجد عشان الحمامات والبقالة ولحقه كاسر وكانوا عيال محمد هم اللي ماسكين الطاره
رعد بحدة : اسمعوني كل وحدة تكتب اللي تبيه من البقالة ترا معاد بوقف
لين فزت وحاوطت كتوفه من ورا وقالت : ابشر يحبيبي ابشر
رعد ابتسم وباس يدينها وقال : تبشرين بالجنة يالله
رجعت لين وبدت تسجل طلبات البنات كلهم وخلصت وارسلتها واتس ع رعد وقال : يرعد الهيام ارسلتها لك
رعد ابتسم اول م سمع اسمها وقال : كويس
نزل رعد ومشى لجمس ابوه ودق الشباك وفتح ضاري وقال : خير يبو مضيع ؟
رعد ابتسم وقال : شفيك مشخصن اليوم ولا عشاني سكتك ؟
ضاري : زيين عرفت
رعد ابتسم وباس راس ضاري وقال : ولاتزعل يولد العمة
ضاري فز وباس راس رعد وقال : يخوووي امزح شدعوة !
رعد لف لكاسر وقال : يالله يالعضيد ؟
كاسر ابتسم وقال : اصبر م ارسلتها حنين للحين
حنين ابتسمت وقالت : تم ارسلتها
كاسر : تم ارسلتها لك يالرعد
رعد دق تحية واستراح بعد م سمع كاسر يقوله : استترررح
ضحكوا ومشى رعد للبقالة والبنات نزلوا للحمامات
لين دخلت وسدت خشمها وقالت : اااففففووووه !
هيام دخلت وسدت خشمها مع لين وقالت : لا يارررب !
دخلت وخلصت وخلصوا البنات وبعدها رجعوا للسيارات علطول وكانت الساعة " ١١:٤٠ " رجع رعد واعطى كاسر الكيس حقهم ولف علطول وطاحت عينه بعين هيامه ابتسم ع جنب وصدت هيام علطول واخذت الكيس من حنين وصارت توزع بدالها وركب رعد الجمس حق جده ومد الكيس لفارس وقال : يالله وزع
فارس بحماس صار يوزع ويسأل وينفجع من تشابه الصوت اللي بين لين وحنينه وهو للحين عجز يستوعب وخلصوا ومشى رعد ولحقه كاسر متجهين لأبها ...
" بعد ٧ ساعات تقريبًا تحديدًا بيشة "
رعد بتعب نزل وقال : بننام هنا
فارس بتعب : يالله نزلوا الفرش
البنات نزلوا وكانوا في برحة فاضية وقالت لين بحدة : تستهبلون صح !!
رعد : وش ؟
لين بجدية وبرعب : معليش مستحيييل انام هنا الله يسلم الفنادق
كاسر تقدم وقال : ولين صادقة
رعد : تدور لنا فندق يبو محمد ؟
كاسر : اززهل بس !
مشى رعد وركب ومشى ووصلوا لفندق كان افخم الموجود ونزلوا واستأجروا سويت كامل ينقسم لأربع غرف ونزلوا كلهم وتقسموا بالأربع غرف نعست هيام وقالت بتعب : محمد تشيل ايهم ؟
محمد لف وبيده لميس وقال : يروحي والله ودي لكن بنتي اثقل
هيام لفت تدور رعد بعيونها وشافته جاي ودخانه بين شفايفه وكان يبي يصحصح ويروق تقدم وقال : وش تسوين ؟
هيام صدت وقالت : ابعد الزفت ذا من ولدي !
رعد بحدة : ولدتتس ؟
هيام زفرت بملل وقالت : اللي م يبيني م يبي ولدي
مشت وقال رعد من وراها : تراتس معي بغرفة وحدة
هيام لفت له وقالت : شلون ؟ كلنا بسويت واحد
رعد تقدم وشال ايهم من يدينها وحضنه بيد وحدة وقال : كلهم لكن انا اخذت غرفة وحدة وبدور غير ودي ارتاح شوي
هيام : تمام اجل لاهنت انتبه لأيهم واشوفك بكرا
مشت هيام وكان رعد مضطر يناديها وقال بحدة وهو يصر ع اسنانه : هيااامي !
هيام لفت بلهفة بس كانت تخفي كل شيء وقالت : الحين صرت هيامك ؟
رعد وعيونه حمراء قال بعصبية : امشي قدامي بسرعة !
هيام دعست ع كبرياءها ومشت وراه ومد يده لها وشابكت هيام يدها بيد رعّودها وقالت : طاح الحطب ؟
رعد سحب يدها لمبسمه وباس يدها وقال : امشي وبس
وصلوا لغرفتهم ودخل رعد ونزل ايهم ع السرير ودخل واخذ دش ومشت هيام ونزلت عبايتها وانسدحت وقالت بألم : اااااه ظهرري يويلي والخط الطوييييل !
انسدحت وغمضت عيونها وماهي الا دقايق وفتحت طرف عينها وشافت رعد واقف ع جواله وبمنشفته وقال : هيامي جبتي لي ملابس
هيام بنعاس : ايه بتحصلها فالشنطة
رعد تقدم وغمضت هيام عيونها وهي تحسبه بيتجهة للشنطة بس فزت اول م حست بقطرة ماء ع وجهها وكان رعد معتليها وقريب من وجهها وشعره المبلول يقطر ع ملامحها الفاتنة ابتسم رعد بخبث وقال : اشتقت للخمري الحلال
هيام كانت تناظره بحب وقالت : شوفه قدامك
رعد ابتسم وقال : بضيع فيتس وممكن اشّد شوي والله مشتاااق
هيام ابتسمت وقالت : انا لك
رعد ابتسم وباس خشمها وقال : اهيم انا
وقرب منها وفزت هيام من النوم ع صوت سلمى وهي تصارخ وتهز هيام وتقول : بنت هييااام يالله بنمشي لأبها !!
هيام كانت مصدومة وقالت : طيب طيب ايهم مع ميين ؟
سلمى : مع لين برا
هيام بتعب : كم الساعة ؟
سلمى : ٧ الصباح
هيام تجاهلت وقامت بتعب وغسلت وتوضت وخلصت صلاة وسلمت وقالت بنفسها ( كل ذا حلم ؟ وقسم بالله ماني بصاحية ! ) مشت ولبست عبايتها وطلعت وركبت نفس الجمس وهم م خربوا ترتيبهم ومشت الجموس متجهة لأبها وكانت هيام تتجاهل رعد وهو م حس ولا فرقت معه بحكم انه اسوء منها ..
" بعد ساعتين ونص تحديدًا أبها " ( جاوو لأبهتنا 😢 )
رعد وهو يتمدد من التعب والسواقة : حمدلله ع سلامة الوصول هذا فندقنا وبننام ونريح اليوم وكل واحد واهله ومن الليل بنروح للأسطبل تجهزوا طيب ؟
الكل بصوت واحد قالوا : طيب
فزت هيام بنفسها وقالت : حلمي بيتحقق
مشت وراء رعد وقالت بهمس : انا معك ولا للحين متبرئ مني ؟
رعد لف لها وقال : م تبرينا لكن نأدبتس شوي
هيام بكل قوتها قالت : انت اللي تستحق التربية والله المهم انت بغرفة وانا بغرفة ماهو انا اللي اخضع بسرعة !
رعد : م فرقت دايم تتهربين وعذرتس م اخضع ومدري وش
مشى ووصلوا للغرفة وقالت هيام : الحين وش تبي مني ؟
رعد : سلامتتس
دخل وانسدح وقال : اذا اذن الظهر وانتي صاحية صحيني
هيام صدت ونام رعد وجلست ع طرف السرير وبدأت تغير وتلاعب ايهم وصوت ضحكاته كانت ماخذه الجو وصوت سواليف هيام الرعد برضو ..
" عند لين الذيب "
دخلت لين ونزلت اغراضها وعبايتها ودخل ذيب وراها وشالها بين يدينه وقال : وحشتيينيي
لين ضحكت وقالت : اكثثررر
انسدح ذيب وحط لين بين احضانه وقال : تعرفين تركبين خيل ؟
لين بحماس : الصدق متحمسة لكن م جربت منزمان
ذيب بنعاس : اسمعي اذا صحيتي قبلي وانا باقي نايم صحيني
لين : تمام
ذيب تقدم وباس راسها بقوة وهو يستنشق عطرها ونام علطول ونامت لين بحضنه ..
" عند بيان "
بغرفة ضاري كانت بيان معه هو وخولة وعيالهم وكانت مبسوطة وتلاعب مشاري وثريا وايلاف وطفشت وتعبت منهم وقالت : يالله روحوا لبابا وماما اللي خلوني جليسة اطفال عندهم !
طلعوا عيال ضاري لهم ودخلتهم خولة وقالت بحب : اسفه بيان اشغلتتس معهم
بيان ابتسمت وقالت : شدعوة روحي م بيننا !
اول م سكرت خولة الباب طلعت بيان وهي تعرف ان غرفة بشرى بنفس دور غرفتهم وتجرأت وطلعت بدون عباية وبس كانت متغطية بجلال صلاتها وسكرت باب غرفة ضاري ولفت وارتطمت بصدر ذياب اللي ضحك وقال : ع وين يحلو ؟
بيان صرخت برعب وكتمها ذياب بيده وقال : انااا ذياااب شفييتس تصاارخيين !!
بيان طاحت لثمتها وكان ذياب يلامس شفايفها وخشمها ويناظر داخل عيونها ابتسم ع جنب وقال بتخدر : يوييل قليبي الرهييف ع الزييين ذا كله !
بيان عضت يده وسحبها بسرعة ولفت تبي تدخل بس انصدمت ان الباب ينفتح ببطاقة وم يمديها تهرب من ذياب اللي كان يهز يده بألم وقال بضحك : ايييه ؟ وييين بتروحيييين الحيين ؟
بيان غمضت عيونها وقالت بهمس : اسفه والله م اعيدها
ذياب قرب وحط راسه ع كتفها وقال : لبيه ؟
بيان لفت بقوة وقطعت المسافة بينهم وقال بحدة : انا تقدمت لتس ووافق ابوتس لا يجي الرفض منتس يحبيبي
بيان قالت : ابعد ابععد
ذياب ضحك وقال : بتصيرين حلالي ليه ابعد ؟
بيان دفته وبكت وهي تقول : اببعععدد
ذياب انصدم وهو م توقعها تبكي ابدًا وقرب ومسك يدها وقال : ليييه ي بياااني الدمووع ليييه ؟
بيان برعب وهي ترجف وتبكي : ابي ادخل ابي ادخلل الغرفة
ذياب طلع بطاقته وكانت بيضاء وبدون رقم وفتح الباب وقال : ادخلي يالدنيا ادخلي استودعتتس الله يالقلب والروح والبيان كله
دخلت بيان وسكرت الباب وراها وقلبها يدق وقالت بهمس : شلون في احد يحبني شلووون ؟ اول مره احس بالشعور ويخوف ولا ابي اجربه وخوفي اكسر ذياب !
دخلت علطول غرفتها وسكرت الباب بالمفتاح ونامت
" عند سلمى ومنصور "
سلمى شهقت ومسكت طرف الطاولة وقالت بألم : ااااااه اهلكني اهلكني الحمل
منصور طلع من الحمام وقال : الله يتمم لتس ع خير ويقر عيوننا بشوفه ولدنا
سلمى ابتسمت بألم وفتحت يدينها لمنصور اللي تقدم وحضنها وقالت : منصور قررت اسمه
منصور : فداتس لبى روحتس
سلمى بعدت وجلست ع فخوذ منصور اللي سحبها لحضنه وقالت : بسميه قاضي بن منصور بن عبدالرحمن
منصور : ع جدتس ؟
سلمى : ايه او جدي ابو امي قايد اسمائهم لها هيبتها ويستاهلون السماوة
منصور بحب قال : ابد حبيبي خذي راحتتس واي شيء يعجبتس قولي لي
سلمى ابتسمت اول م تذكرت تعامل ذيب معها هي وخواتها وكيف كان قريب منهم وواقف بصفهم دايم وقالت : بسميه ذيب
ضحك منصور وقال : بنتظر ليوم الولادة وبشوف لأنتس كل شوي تغيرين
سلمى بجدية : لا خلاص ذيب يعني ذيب
منصور ابتسم وقال : ابد يبشر بالسماوة الذيب
سلمى حضنت منصور بكل قوتها وقالت : احس اني بولد بعد ٤ ايام
منصور حاوطها وقالت : الله يجيب الخير
سلمى : امين يروحي
انسدح منصور وصرخت سلمى وهي تقول : يخخيي شفيييك
منصور ضحك وحضنها ونام ونامت سلمى معه والكل ناموا وهم متحمسين للأسطبل فالليل ..
:::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( اخ يحباااااني ان شاءالله يوصلكم البارت واستمتعوا فيه احبكم ونشوفكم ببارت قريييب عوضوا بارت ٦٢ السبع الاف اللي خسرناها😢 )