يهزمني الحُب وانا جاهل بدرب المُحبين

البارت السادس والخمسين

تقفلت عيون ذيب مستسلم للنوم علطول
فالصباح الساعة ٥ الفجر
خالد بهدوء : ذيب
ذيب كان غارق بنومته ولا رد حتى
خالد : ذيييبب
ذيب فز وقال : ممننن !!
خالد ابتسم وقال : انا خالد قم صل
ذيب حك عينه ورجع ينسدح
خالد : لا يجيك العقيد ترا بيأخذ لفة ع السكن بعد شوي
ذيب م رد ورجع ينام
خالد لبلال اللي كان يصلي : بلال اذا خلصت صلاتك صحه معك والحقوني
طلع خالد وسلم بلال اول م خلص صلاته وسحب سلك الشاحن وجلد ذيب بكل قوته ع فخذه وفز ذيب من نومته مره ثانية وهو مفجوع وطار بحلق بلال وطرحه ع الارض وهو معتليه وصدره يرتفع وينزل من الرعب والعصبية والم اللسعة
بلال ابتسم وقال بجدية : واضربوهم عليها لعشر نسيتها وانت شوي وتدخل ٢٥ !
ذيب صرخ : ماااالك دخخلل فييننيي اصليي ولا م اصصللي بتحااسبننيي هذااا الللي نااقصص !!
بلال بعد ذيب عنه وقام وقال : قم صل بس والعن الشيطان بين جنوبك والحقنا !
طلع بلال وذيب وراه ينتفض من العصبية وقال : بللااالل اذذللف
مشى بلال وحصل خالد بسيارة تخص العساكر وركب جنبه وقال : نمشي ؟
خالد قطب وقال : وذيب ؟
بلال : مدري يخوي احس م بيجي
خالد نزل وقال : ماهو ع كيفه اول يوم لازم الكل يتواجدون
بلال صد وقال : بكيفك انت وياه
مشى خالد يركض ولف مع الجدار وصدم بجسم انثى وطاحت الصحون والحافظات من يدينها وقالت : سبعااااه م تشووف
خالد ابتسم وقال : ايش ايش ؟
اصيلة بحدة : وتسأل جعلك الماحي !
خالد قطب وقال : وش قاعدة تقولين انتي !
ذيب طلع وشاف بنت لابسة الزي الجنوبي والشال الاصفر وكانت متلثمة وعيونها تشلع القلب وقال : خالد شسالفة ؟
لفت اصيلة وشافت ذيب وانصعقت من جمال ذيب وطوله وعرضه كان يفتن وقالت بصوت حاد يعكس حقيقة انجذابها لذيب من اول لقاء : خويك ذا اعمى م يشوف الله لا يبلانا !
ذيب تقدم وشال الصحون والحافظات وحطها بالصينيه ورفعها ومدها لأصيلة اللي اخذتها وقال : حصل خير وبعدين من يشيل اكل الساعة ٦ الفجر وبالمنطقة ذي بعد ؟
اصيلة : الشرهة ماهيب علي الشرهة ع جدتي اللي خلتني اجيب لكم فطوركم جعله اسحق صدق
ضحك ذيب من لهجتها وقال : يعني ذا لنا
اصيلة اضطرت تعطيهم وتكسر كبريائها عشان م تتصفق من جدتها وقالت : ايه امسك
اخذها ذيب وصدت اصيلة ومشت وقرب خالد وقال : ذيب وشذا الزييين لا اله الا الله كل ذا الزين بالجنوب واحنا فالرياض محرومين !
ذيب طالع فيه وابتسم وقال : اذا خلصت ياللعاب الحقني
خالد قطب وقال : خير !
مشى ذيب للسيارة وركب عند مقعد السايق وقال : بلال تبي فطور
بلال : ماشاءالله من مين الله يجزاهم خير
ذيب : مدري وحدة جابته لنا وتقول جدتها مسويته
ركب خالد وقال : اااااه ي بلااال تهببلل
بلال ناظر فيه بقرف وقال : الله يمغصك ي خالد ياللعاب كم وحدة تعجبك باليوم !!
خالد : يخوي قلبي يحب البنات
ذيب وبلال ضحكوا بصوت عالي ومشى ذيب بالسيارة لموقع الميدان ..
....................
في بيت كاسر
كاسر صحى من النوم وم حصل وعد جنبه فرك عينه وقال : وينها ذي فالصبح ؟
قام ودخل واخذ دش سريع وطلع ولبس وصلى الفجر ونزل وم كان لوعد وجود سحب جواله ودق عليها ووصله صوتها وهي تقول : هلا كاسر ؟
كاسر : حلوتي وينتس ؟
وعد : طلعت مع لين لدوامها
كاسر قطب وقال : وش وداتس معها
وعد : كاسر انا مشغولة شوف فطورك بالمطبخ بالعافية يحبيبي
سكرت وعد بدون م تسمع اي رد من كاسر اللي كان مصدوم وعدل بدلته ومشى للمطبخ وحصل فطوره في صحن مغطى ووصله اتصال من خويه هزاع
كاسر : ارحب
هزاع : البقى تخييل وش صار
كاسر ابتسم وهو ياكل وقال : وش صار ؟
هزاع : يقولون داومت مديرة قسمنا الجديدة
كاسر : يكررهي هي اللي نشبت لي عشان الاجازة ؟
هزاع ضحك : ايه هي تعال بسرعة عشان م توقع متأخر تحت الخط الاحمر اظن م بتعديها لك
كاسر شهق وقال : كم السااعة
هزاع وكاسر ابعدوا الجوالات من اذانيهم وشهقوا بصوت واحد وقالوا : عششر دقاايقق
كاسر : الااان وانا عندكم خلك عند الباب
هزاع : اععججلل
سكر كاسر وطار للباب وسندويشته في فمه وسكر باب بيتهم وطلع ركض وركب سيارته وطار لدوامه ووصل في ٦ دقايق وباقي معه ٤ دقايق وتدق الساعة ٧ ويوقع تحت الخط الاحمر
هزاع شاف كاسر وقال : ااخخلصص
كاسر وقف قدام هزاع وقال : فمي وسخ ؟
هزاع م دقق وقال : لا امش
طلعوا الدرج ركض لأن المصعد بيطول وطلعوا للدور العاشر ركض ووصلوا ودخلوا وقال كاسر وهو يلهث : اي غررفه !!
هزاع بتعب : اخر وحدة
طاروا لها وقال هزاع بصوت عالي : ووصللنااا
وعد بحدة : م بغييتوا !!
كاسر فز ع الصوت وقال : هاااه !!!
هزاع بحدة : وش فيييك وقع بسررعة
كاسر وقع وعينه ع وعد اللي كانت مشغولة بأوراق واشياء كثيرة
هزاع : عينك زايغة يحيوان طالع فالدفتر
كاسر وقع وقال : اطلع وبلحقك ابي اكلمها بشيء
هزاع همس له وقال : تراك متزوج يعني م يحتاج تقولها انتي مرتبطة
كاسر ضرب هزاع وقال : اذلف بس
طلع هزاع وسكر كاسر الباب وقال : وعد !!
وعد تووها تستوعب ان كاسر اللي متأخر وضحكت وقالت : حبيبي وش عندك متأخر من اول يوم ؟
كاسر فز لوعد وحاصرها بين المكتب وبين جسمه وقال : وش تسوين هنا وانتي المديرة الجديدة ؟؟
وعد حاوطت رقبته وقالت : ايه يحبيبي انا المديرة الجديدة
كاسر ابتسم وقال : خلاص ضمنت نفسي حتى اذا تأخرت بتوقعيني فوق الخط الاحمر ولا بيصير شيء م بيعجبتس
وعد دفته بخفه وقالت : تراني اعلى منصب منك يالله بس ع طيارتك وبالسلامة
كاسر شال وعد بين يدينه وقال : اعلى منصب ع غير سنع لو اقولتس شيء تنفذينه غصب ولا نسيتي اني زوجتس ؟
وعد مسكت وجهه ومسحت المربى اللي كان ع طرف شفايفه وشنبه وقالت : فشلتنا م عرفت تغسل فمك قبل تطلع ؟
كاسر بخبث : بوسيني طيب وينظف
وعد رفعت نقابها وباست طرف شفايف كاسر وقالت : تم
كاسر نزلها ومثل انه يدوخ وقال : ااااه يحللووهاااا
دخل هزاع ولفت وعد ونزلت نقابها بهدوء وقال بصوت عالي : كاااسسر اخلصص وش تسوي ؟
كاسر ابتسم وقال : يخي الواحد م يجلس مع زوجته
هزاع م فهم وقال : هاه ؟
كاسر لف لوعد وقال : حلوتي انتبهي لتس
طلع مع هزاع وقال : زوجتي هي المديرة
هزاع شهق وقال : وعد بنت عبدالله زوجتتتكك !!!
كاسر ضحك وقال : وولدد لا تقوول اسم حررمتتي
هزاع ضحك وقال : يللعننمم الونااااسسة الحيين تتوسط لي
كاسر : مع الاسف شكلها بتكون اسوء مديرة فتاريخنا
هزاع : اما عاد روضها طيب مو هي مرتك ؟
كاسر : امش بس ظنتي انها اللي بتروضنا
هزاع ضحك وقال : تتععقبب
كاسر فز ومسك فكه وقال : لححييتتكك !
هزاع ضحك وضحك كاسر معه وطلعوا لمسار الطيران وبدأ دوامهم فالقاعدة الجوية وكاسر باله بوعد اللي داخل المباني في مكتبها وتقابل ١٠ رجال في الساعة ...
.......................
في المستشفى
لين دخلت مكتبها وشغلت النور وفتحت الستارة ودخلت اشعة الشمس من شباكها جلست ع مكتبها وبدأت تعرض ملفات المرضى ومواعيدهم وشهقت اول م شافت موعد احد مرضاها بعد خمس دقايق تجهزت وطلعت من غرفتها
فارس لف وشاف لين وكانت متحجبة ولابسة كمامة بس تقدم وقال : لين ؟!!
لين لفت وقالت : هلا فارس
فارس بحدة : وين نقابتس !
لين قطبت وقالت : شكلك ملخبط تراك نسيبي مو زوجي !
فارس انفجر عصبية وسحب لين من جاكيتها ودخلها مكتبه وقال بصراخ : نسيبتس وولد عمتس وغييرتي عليتس كأنتس اختي ساامعة والله م تطلعيين من مكتبي الا بنقابتس !
لين كانت مفجوعة وقالت بنفسها ( يويلي ذا مو صاحي !! )
فارس : ليين !
لين بحدة : اف خلاص رح جيب نقابي من مكتبي
فارس طلع وسكر مكتبه وراه عشان م تطلع لين وراح ركض لمكتبها وفتحه واخذه من الشماعة اللي كانت بأحد زوايا مكتبها وطلع راجع لمكتبه وصادف بيادر وصد علطول ولا كأنه يشوفها ودخل مكتبه وكان كل شيء صار بين فارس ولين قدام انظار بيادر اللي كانت تحترق وهي تحسب ان لين هي حنين
فارس دخل وسكر الباب ومد يده وهو صاد عنها اخذته لين ولبسته وضبطت شكلها عند المراية وقالت : وخر بطلع تأخرت ع مريضتي
فارس ابتسم وقال : ترا عادي تتأخرين هي اللي مفروض تلتزم بالموعد
قاطعهم دخولية بيادر للمكتب وهي تقول : فااارس !
فارس ولين لفوا بكل قوتهم وقال بصوته الرخّيم : خير ؟
لين قطبت وقالت بنفسها ( وذي مين ! )
بيادر بحدة : خير ؟؟
فارس : بيادر اخلصي وش تبين اذا م عندتس سالفة تفضلي بلا مطرود !
بيادر : خير خير وصلت معك انك تطردني !!
لين انفجرت وهي خلاص م تستحمل البنت اللي تجلس تتصرع عند الرجال وقالت بحدة : ههييييهه انتتيي شلليي البااقيي من كرامتتس هذا اذا بقى شيء وانقللععيي برراا
فارس ابتسم من صدمة بيادر اللي انخرشت وطلعت علطول
لين : يع مقرفة وبعدين من هي تعرفها ؟
فارس كان يبي يصرف لين وقال : مريضتتس ؟
لين : يووه صدق
طلعت لين ركض للطوارئ وفحصت ع مريضتها وبدأت بعلاجها
.........................
في بيت رعد
صحى رعد متأخر واخذ دش سريع وطلع ولبس بدلته وشاراته ونزل ودخل المطبخ وقال : وين هيامي بس
فتح الثلاجة وطلع اللبنة واغراض سلطة وقطعها وضاف لها اللبنة وسوا له شاهي وافطر وخلص وغسل مواعينه وطلع من بيته والشاهي بيده وركب سيارته ومشى لبيت ابو هيام ووصل بعد فترة ونزل وسمع صوت ايهم من ورا البيت مشى ووصل لباب الحوش الخلفي وفتحه وكان مفتوح دخل بهدوء وحصل ايهم لحاله ع بطانيته يتشمس ويلعب وصوته طالع وضحك اول م شاف ابوه
رعد بحب شال ايهم بين يدينه وحط خشمه عند رقبته واستنشقه وشم ريحة طفله وقال : اخ صباااحي بدأ
طلعت هيام تركض وهي م شافت ايهم وقالت : ييمهه اييهممي ويينهه
لف رعد لها وقالت بخرشة : ررععدد !!
رعد ابتسم وقال : ايهمي ؟ ورعّودتس وين ذلف !
هيام : اف مو وقتك خرشتني قلت وين طار الولد
رعد نزل ايهم يلعب وقال : تعالي تعالي
هيام ضحكت وتقدمت لرعد وحضنته وقالت : وحشتني
رعد حاوطها وقال : اكثر والله بس نسيتيني بعد ايهم يوسخة
هيام ضحكت وقالت : نساك موتك م نسيتك
رعد : يوه تأخرت ع الدوام سلميني ع عمتي وعمي
هيام توسعت عيونها وقالت : اما بس كذا ؟ بتروح
رعد ابتسم وطلع بدون اي رد وقالت هيام بنفسها ( اف م امداني افرح انه جاء ) بعدها تذكرت انها صارت بخير وتبي ترجع معه وطلعت ركض وقالت : رععدد
رعد كان بيقفل باب سيارته وقال : هلا ؟
هيام تقدمت وتأكدت ان م فيه احد وقالت : برجع معك اليوم اذا خلصت دوامك كلمني طيب ؟
رعد ابتسم : ابشري والله
هيام ابتسمت ولوحت له بيدها وهي تقول : تبشر بالجنة استودعتك ربي
مشى رعد من بيوت اهل قاضي ومشى متجهة لدوامه ووصل بعد فترة طويلة ونزل وحصل هادي قدامه
رعد : هااادي !!
هادي لف لرعد بقوة وقال : رععد وششفييك ؟
رعد : ويينك فيه من زمان م شفتك شكلك سحبت ع بنتنا
هادي تقدم وهو يضحك وسلم ع رعد " سلام الرجال " وباسوا خشوم بعض وقال هادي : لا والله م سحبت بس صعبة اتقدم وانتوا فاقدين جدكم
رعد : تقدم يبن الحلال وغير اجوائنا
هادي حك راسه وقال : تقوله ؟
رعد : سم بالله واقدم
هادي ابتسم وقال : ابشر اليوم العشاء اجي واتقدم ونكتب الكتاب
رعد : برسل لك لوكيشن بيت اهلي
هادي : ليه مو بيت ابو شوق
رعد : يخسي ماهو ساكن عندنا ولا نشوفه
هادي قطب وقال : وش العلم ؟
رعد : سالفة طويلة بيت ام شوق م فيه احد الكل ينزلون لبيت جدي عشان جدتي يونسونها بحدادها مسكينة م عندها احد
هادي هز راسه بمعنى " فهمت " وقال : خلاص تم
رعد مشى وهو ماسك كتف هادي وقال : وانت وينك غطست
هادي : كان عندي شغل فالشرقية ورجعت اليوم
رعد ضحك وقال : اووه عشان كذا مختفي بس اظلمت الرياض
هادي ضربه وقال : سد حلقك بس
طارق : اوووه هادي ورعد
هادي انفجع وقال : طااارقق اررححبب !!
رعد قطب وقال : هاه تعرفون بعض ؟
طارق ابتسم وقال : ابقه يالله
تقدموا وسلموا ع بعض وسلم طارق ع رعد وقال : شخبارك اليوم احسن ؟
رعد : حمدلله وانت ؟
طارق : بخير نحمد الله ونشكره
رعد : ايوه اشرحوا تعرفون بعض ؟
هادي ابتسم وقال : طارق ولد عمي
طارق : يييييببب
رعد مسك راسه وقال : يررااسيي وشذا محد فيكم فيه قبول ولازم بدايتي معه ملاطم ؟
هادي وطارق ضحكوا وقالوا : خيير
رعد : امشوا بس بيلعن شكلي منصور عشاني تأخرت
هادي : اي والله امشوا
دخلوا الثلاثة مع بعض واستوقفهم صوت منصور وهو يقول : ماشاءالله اشوفك بالرعد سحبت ع نسيبك ؟
رعد تقدم له وسلموا ع بعض وقال : والله اخسسي اسحب عليك
منصور : تقلع وقع تحت الخط الاحمر الثاني
رعد : لا تككففى
منصور : انت وهادي وطارق بسسرعة
طارق : خير اول يوم دوام لي مشها لي يخوي
منصور بحدة : الاااان
طارق : بسم الله طيب لا تنفخ يالنحيف لا اجي ادق وجهك !
هادي دف طارق وقال : ماهو وقتك امش
رعد : فشلنا
طارق وقف ومشوا قدامه وهم يضحكون وقال : بلا سنون ان شاءالله !
دخلوا ووقعوا تحت الخط الاحمر الثاني وهم يرجفون من الضحك
رعد تنحنح ومسح دموعه وقال : ببسس عاااد
هادي وطارق تغيرت ملامحهم وتحولت لملامح جديية ومشوا وكل واحد راح لمكتبه وبدأ شغله ...
......................
في مبنى احدى الشركات
حنين : البطاقة م تشتغل !!
السكيورتي : يمكن مو موظفة هنا وريني بطاقتك لو سمحتي
حنين بحدة : ايش ؟ م تعرف من انا !
السكيورتي بحدة : لا من انتي !
حنين قربت منه ورفعت بطاقتها وكان مكتوب عليها " المديرة التنفيذية : حنين بنت محمد بن قاضي ال******* "
السكيورتي فتح البوابات الزجاجية لحنين اللي دخلت علطول وقالت : اخر مره اشوف الاستهتار ذا سامع !
السكيورتي برعب : ابشري
طلعت حنين لمصاعد وركبت حق " VIP " ، " كبار الشخصيات "
ودخلت الدور ٢٣٠ وكان اخر دور في اعلى ناطحات السحاب وكان كله مكتبها لحالها نزلت عبايتها وشنطتها ولبست جاكيتها الاسود الجلد وجلست ع مكتبها وبدأت شغلها وكان محد يضغط زر دورها لأنه ببطاقة م احد يحملها الا حنين ...
......................
في القاعدة الجوية
وعد : شللوون ؟
سعيدة : حضرة المديرة وعد اسمعيني لازم ترافقين احد الطيارين لأنك موكلة بعمل وتقييم طويل لطياراننا
وعد برعب : بس انا فيني فوبيا من الطيران !
سعيدة : اسفه والله لازم ولا بيشيلونك من منصبك
وعد : خلاص تمام بس بسألتس اقدر اختار طيار ؟
سعيدة : لا للأسف بس عندك ثلاث طيارين
وعد : مين هم ؟
سعيدة : هزاع بن حمد و رائد بن تميم و كاسر بن محمد
وعد ابتسمت اول م سمعت اسم حبيبها وزوجها وقالت : بسرعة حطيني مع كاسر
سعيدة قطبت وقالت : ليه هو بالضبط ؟
وعد بحدة : وبتسأليني ؟
سعيدة : تمام ابشري
طلعت وسجلت اسم وعد مع كاسر
" في السماء فوق القاعدة الجوية "
بطيارة كاسر وهو لابس السماعات
كاسر لمقر القيادة : مين ؟
عزام : المديرة وعد اختارتك وبتقيمك
كاسر ابتسم وقال : تمام متى ؟
عزام : الان بتجي توجهة بطيارتك واهبط فالميدان
كاسر : الان
هبط كاسر بطيارته وكان المكان صاااخب وهذا اللي زاد وعد رعب ودقات قلبها كل ماهي تزيد
كاسر ابتسم اول م شافها واقفة بكل ثقة ووراها السكرتارية حقينها
كاسر : بسم الله عليها الرحمن الرحيم
عزام : من يوسخ !
كاسر : يخوي للحين تسمع تذلف
سكر مايكه ومشى بالطيارة ووصل للمدخل وركبت وعد وهي تقول : كااسسر يوييلك تسرع ترا عندي فوبيا
كاسر ضحك وقال : اما عاد !
ركبت وعد وربطت حزامها جنب كاسر وتسكرت الزجاج اللي فوقهم وقال : حبيبي جاهزة ؟
وعد كان صدرها يرتفع وينزل من الرعب وترجف بشكل كبير وقالت : لا لا لا
كاسر مسك يدها وشابكها بيدينه وقال : روقيي بسم الله عليتس
وعد شّدت عليه وقالت : يالله
مشى كاسر وهو يقول : امسكي الدفتر وابدي قيمي
وعد : م يحتاج بعطيك كامل
كاسر ضحك وقال : ووين راح الاخلاص اللي ازعجتينا فيه ؟
وعد بتوتر : انطم شفت تقييم كل الادارة السابقة فيك وكلها كاملة
كاسر : ايه لأني افضل طيار فالقاعدة جاهزة بقلع
وعد صرخت اول م ارتفعت طيارة كاسر وقالت : ييممهه كاااسسرر
كاسر : يروحه
وعد فكت حزامها وفزت وحضنت كاسر اللي انصدم وقال : وعّودي لا لا بتخربينها
وعد كانت حاشرة وجهها في رقبته وقالت : اسكت اسكتت
كاسر ثبت نفسه وحاوط خصرها بيد والثانية ع المقود وقال : ابشري هدي تكفين
وعد وهي تبكي : احس بيغمى علي تكفى يالكاسر
كاسر ابتسم وقال : لبى روحتس والله ارجعي لمقعدتس واسحبي كيس الاكسجين اللي تحت المقعد
وعد قامت وهي شّاده ع كاسر وجلست وربطت حزامها وسحبت كيس الاكسجين وبدت تتنفس بهدوء
كاسر ارتفع مرره ووصله صوت عزام فالمقر وهو يقول : حبيبي وين ناوي توصل
كاسر : خلاص بثبت الطيارة
عزام : انتبه لنفسك
كاسر : ابشر
سكر المايك وثبت طيارته وشغل القيادة الذاتية وفك حزامه ولف لوعد وقال : كيفتس يوعد الكاسر ؟
وعد فكت حزامها ونطت بحضن كاسر وهي تبكي وتقول : م ابيي اطااللع الشباااك رععبب فووبييااا
كاسر ضحك وحاوطها وقال : فوبيا وانتي متزوجة طيار تستهبلين ؟
وعد : اص تكفى
كاسر ابتسم وقال : ابشري هدي طيب والله م يصير الا كل خير
وعد برعب : كاااسسرر فييهه طيااارة متججهة لنا !!
كاسر لف وعرف طيارة هزاع ضحك وقال : معليتس منه
نزلت طيارة هزاع بعد م وصل صوته لمركبة قيادة كاسر وهو يقول : وش تسوي فوق يوسخ ؟
كاسر ضحك وقال : هزاع تقلع
هزاع ضحك وانقطع صوته بحكم انه نزل للأرض وانتهت مدة طيارانه
وعد جلست بمكانها وقالت : ننزل ؟
كاسر : اللي ودتس
وعد : ايه انزل ابي ارجع البيت خلاص بنسحب
كاسر ضحك وقال : حطي نفستس دايم معي عشان مستحيييل اخليتس تركبين مع غيري
وعد ابتسمت وقالت : يالغيور ماهو وقتك والله
ابتسم كاسر ونزل بالطيارة للمسار ووصل للمدخل ونزلت وعد وهي ترجف وتمسح دموعها وساعدوها سعيدة وريم
ريم : حضرة المديرة وعد انتي بخير ؟
وعد برعب : ايه ايه
ناظرت وعد بكاسر اللي نزل وشّد بدلته لتحت وبرز طوله وجسمه ابتسم وغمز لها وقال : وخروا بساعدها
سعيدة شهقت وقالت : ننعممم م تستحي ؟؟
ريم توسعت عيونها وقالت : مو صاااحي صح !
كاسر زفر بملل وسحب بوكيت دخانه وولاعته ومشى من قدامهم وقال : قدامتس العافية يوعد الكاسر
وعد ابتسمت وقالت بهمس : دزز
سعيدة كانت مصدومة وريم مو اقل منها وقالوا : وععد اشرحي ، شسالفة وعد !
وعد ابتسمت وقالت : مدري عنه شكله حبني
كانت وعد تحب الاكشن وقررت تسوي فلم عليهم ومشوا وصاروا صاحبات وجلسوا كلهم بمكتب وعد وتغدوا مع بعض واخذتهم السوالف....
:::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( فجعة غيييير متوقعة لكن قصيرة بكرا موعدنا ببارت ثاني وبعدها بتخفي لأني بسافر لمكة ❤️‍🩹 ، احبكم استمتعوا وعطوني رايكم بكل تفصييييل 🫀 )