يهزمني الحُب وانا جاهل بدرب المُحبين

البارت الثاني والثلاثين

وبعد ساعة الكل جلس والكل كانوا يتكلمون عند هيام وكيف شكلها وفعلاً مهما حاول احد يجذب الناس كانت هيام محتواهم ومستحيل م يسولفون عنها اما هيام خلصت وجلست بصدر المجلس جنب ام رعد وام محمد وكانت تشّد الواحد لها والكل يناظرها بأعجاب والبعض بحسد
هيام بهمس اشرت لحنين : حنيني
حنين : لبيه ؟
هيام قامت : امشي معي
حنين قامت وراحت مع هيام وطلعوا برا المجلس
حنين بتوتر : هيام الرعد انطقي !
هيام ابتسمت : يهووه شسالفة كلكم نفس المصطلحات
حنين م فهمت : وشو ؟
هيام : اقصد انطقي كلكم تقولونها
حنين ضحكت : اييييه كله من رعّودتس
هيام : الله ياخذني قبله رعّودي
حنين : اخلصي وشفيتس ؟
هيام : ابد والله وعد اليوم اخر يوم بتشوف كاسر فيه
حنين خافت : بسم الله بعييد الشر وشسالفة !!
هيام ابتسمت : لا لا عشانها بتسافر الشرقية تجهز لزواجهم فهمتي
حنين : اها بس وش معنى بتسافر شهر كامل ؟
هيام : ايه بتسافر شهر كامل وهي ذي خطتها
حنين : طيب وش عندتس ؟
هيام : ودي اجمعهم بمكان قبل تسافر
حنين ابتسمت : شرايتس ورا فالحوش حق جدي لأنهم اول مره تقابلوا كانوا فحوشنا
هيام ضحكت : قدااااام
حنين اتجهت لكاسر وقابلت رعد قدامها
رعد بحدة : خييير وين رايحة ؟؟
حنين : شفيك ابي كاسر
رعد اشر بيده : اررجععيي داخل
حنين بملل : رعد لاتصير حيوان ورح ناده لي قبل اطلع له
رعد بعصبية : حننيييين !!
حنين : يوووه خلاص
دخلت حنين ودخل وراها رعد وهو يقول : يوولددد جاااكم ضييوف
فزت حنين من صوته وقالت : مين ؟
رعد قبل يطلع : جدي ابو جيهان واهله
حنين بقرف همست : يع
رعد سمعها وتجاهل وطلع علطول للرجال
دخلت ام جيهان وبنتها جيهان والكل فزوا ويسلمون ويرحبون فيهم
ام جيهان : وين سلمى ؟
سلمى قامت : هنا يجدة
ام جيهان اتجهت لها واعطتها مبلغ وقدره وقالت : اعذريني يبنتي م قدرت اعطيتس امس
سلمى فزت وباست راسها وقالت : م تقصريييين يجدة وابشري نردها لتس بالأفراح
جيهان تقدمت وسلمت ع سلمى واعطتها هدية وقالت سلمى : الله يسععدتس ي جيهاان وعقبالتس
جيهان ابتسمت : يعيوني امين وانتي حاضره يارب
ام جيهان : والله جينا قبل نرجع للشرقية...
قاطعتها ام ضاري : الله يحييكم يارب وحنا والله طامعين في نسبكم يخالة ونطلب بنتكم ع ولدنا زايد
ام جيهان فرحت انها تكلمت قبلها وقالت : والله انها الساعة المباركة يا ام ضاري
ام ضاري ابتسمت : والله اني فرحانة وين بلاقي لزايد نفس جيهان
الكل فز وزغرطوا وقالت سلمى : يكبر حظه زايد دام خذاتس
جيهان بفرحة : الله يسلمتس
ليلى همست لأمها : واااه يمه اللهجة تجنن !!
ام منصور ضحكت : يعيوني ي ليلى اعجبتك لذي الدرجة ؟
ليلى بضحك : مررره
........
فمجلس الرجال
ابو ضاري فز : والله يعم مالك فالطويلة واحنا طامعين بنسبكم وطالبين كريمتكم لولدنا زايد
ابو جيهان : والله انها الساعة الطيبة يولدي
رعد : بس م علمتنا يجد من الرجال اللي معك ؟
ابو جيهان اشر بيده لولده عادل وقال : هذا ولدي الثاني عادل من مرتي الثانية رحمة الله عليها
رعد بصوت عالي غطى ع اصوات الرجال وهم يقولون " ونعم " وقال : ونعم فييه دامه منك وفيك وهو منا وفينا بس ليه توه يجي ؟
عادل : والله يالرعد انه ودي اجيكم من اول بس م حصلت فرصة
فارس ابتسم بخفه ودق رعد بقوة وقال : لا والله انها الساعة الطيبة شوفتك ي عادل
رعد لف له بقوة : خييير ؟
فارس جلس وسحب رعد يجلس وقال : اص فضحتنا وش تبي بالرجال !
رعد ابتسم : وش م قلنا شيء
فارس : خلاص اصه
رعد : نسيت من الاكبر شكلك ؟
فارس : تراك ذليتني وهي اشهر يورع
رعد بحدة : من الاكبر ؟؟
فارس بقلة حيلة : انت خلاص ؟
رعد ضحك ولف لكاسر واشر له وفز كاسر وجاه
كاسر : لبيه
رعد : لبيت حاج حنين كانت تبيك
كاسر استغرب وقال : طيب
وطلع من المجلس ركض وفارس ابتسم لطاري حنين ولف له رعد : خير يبو وش التبسم له ؟
فارس سكت ولف له بقوة : يخوي شتبي !
ضحك رعد واستحقره فارس وكمل سوالفه مع محمد
ابو جيهان : يالرعد
رعد لف له بهدوء : سم يجد
ابو جيهان : سمعنا انك تنتظر ولدك الاول
رعد ابتسم : ابشرك
ابو جيهان : ماشاءالله تبارك الرحمن الله يتمم يولدي واشوفه بين يديك
رعد : امين امين
محمد : خير انا بعد انتظر بنتي وشذا التعنصر !
عادل سمعه وضحك وقال : وسمعنا بعد بمحمد
ابو جيهان : ايييه ماشاءالله علييه الله يتمم يولدي محمد
محمد شهق : بسم الله صدق
رعد لف له بقوة وقال : وجع رد زي الرجال ولا انطم !
محمد رفع صوته : الله يتمم ويسمع منكم جمييع
ورجع يهمس لرعد وقال : سد حلقك لا اقوم عليك
رعد صغر نظرته وقال : والله م كسر ظهري الا انك اخو هيامي
فارس : اوووحح جحدك !!
محمد احتد صوته : رعد اعقلل يرعد !
رعد : واذا م عقلت ؟
محمد : بقوم وادق وجهك
رعد ابتسم ع جنب : جرب حظك
محمد قام وقال : اطلع معي اذا انت على رجال
وطلع وطلع رعد وراه ووراهم فارس يركض
...........••...........
عند الحريم
كاسر ارتفع صوته : حنيين
حنين فزت : لبيييه
وعد فز قلبها اول م سمعت صوت كاسر الرجولي والثقيييل وقالت بنفسها ( اه يالكاسر والله لا اصير لك حنين لو تبي )
كاسر ابتسم : لبيتي في منى يعيوني وش بغيتي ؟
حنين تذكرت وشهقت : اييييه نسيت
كاسر : وشفيتس ؟
حنين : اليوم اخر يوم تشوف وعد فيه صح ؟
كاسر فز وعصب : هااااه ؟؟؟
حنين ضحكت : بتسافر هي عشان كذا
كاسر بحدة : وليييه انا اخر من يعلم !
حنين : اسمعني بخليك تشوفها لأنها م تبيك تشوفها
كاسر : طيب طيب يوعد
ضحكت حنين وطلع كاسر وقبل يروح لف وقال : وين ؟
حنين : بحوش جدي تعال الساعة ٧ الليل
كاسر تلطم وطلع لمجلس الرجال وشاف رعد ومحمد يتهاوشون وفزع لأخوه وهو يقول : اععقببب وانا ولد محمد
محمد : البلشششة صدق تكففى يبو نادر
فارس ارتفع صوته : اححتتزززمم لعنبوو غيييرك
وتقدم فارس وضرب رعد في صدره بقوة ورجع رعد بسرعة وطاح ع ظهره واشتط كاسر وقال بصوت حاد : تحاااميي ع محمد ضد رعد ونسييت ان اخوه موجود !!
فارس ابتسم وقال بحدة : والله م تلمسون محمد وهو في وجهي منكم يعيال محمد !!
كاسر فز وقوم رعد اللي كان الشرار يطلع من عيونه وفنفس الوقت كان راكد وهذا شيء مررعب اذا سواه رعد وقال كاسر : رعد يالله ؟
رعد نزل عقاله واخذ شماغه وتلطم فيه وتشمر وسوا كاسر نفسه وقال : يالله
كاسر طار ومسك فارس برقبته وطيحه ع الارض وثبته عشان م يفزع لمحمد اما محمد رفع ثوبه اول م شاف رعد متجهة له وطار ركض وقال بصوت عالي : تكفففوونن يعييااالل عبدالله
طلع ذيب وزايد ركض وقالوا : اححتتزززمم
وركضوا ورا رعد اللي كان يلاحق محمد وفز محمد ورا ذيب وزايد وقالوا : والله م تلمسه وهو ورانا
رعد كان يمشي بهدوء وقال بصوت هز ارواحهم : اذا تبي تعيش انت وياه وخر من وجهي وامنعوني من الحماوة
زايد بحدة : اعنبوك والله م نخلييه وهو تعزوى فينا
رعد اتجهة ورفع يده وكان بيكسر وجهه زايد بس وقفته يد ضاري وقال : رععدد احتررم ان الرجال في وجيهنا !
محمد ضحك وقال : يللااا بسس
رعد ابتسم : الوضع حميّا ؟
ضاري وزايد وفارس وذيب مع بعض قالوا : اييه حميّا
رعد : تكفى يالكاسر
كاسر فز ووقف جنب اخوه وقال : والله اني معك يخوي اضرب الارض فيهم ولا تسمي
رعد طار وضرب ذيب وزايد في نفس اللحظة وطاحوا ع الارض ومسك محمد مع رقبته وصرخ في وجهه : هاااااه وييييننن الحمّييياا !! اعنبوك تتحدى الرعد صاحي انت
محمد كان يرتعد وقال : لاتخليني اتعزوى فيها واكسر ظهرك
رعد كان م يشوف شيء من العصبية وشاش راسه بعد كلام كاسر وقال بصوت عالي :تعززووى !!
محمد ابتسم وقال بصوت عالي : تكفييين يالهيااام تكفييين يسند اخووتس
كل الحريم سمعوا صوت محمد وفزت هيام وقالت : ييمهه شفييييه يتعزوووى !!
ام هيام فزت مع بنتها وطلعوا للباب ركض وقالت هيام بصوت عالي : شدد ظهررركك يخوووي والله اني ورااك ضددهم
رعد لف بحدة لصوتها وقال بصوت هز البيت : ادخخلييي دااااخلل لا اادخخلل واخذ روحتتس !
هيام بحدة : اععقب وانا اختت محمدد !
الكل : وننعممم
رعد دف محمد بكل قوته واتجهة لهيام وهو ناويها وفز محمد ووقف بوجهه وقال : حرام حرم الدم انك م تلمسها اررجع !
رعد : انت قد عزوتك فيها !
هيام بحدة : ايييه قدها وانا اخته
محمد مسك يدين هيام وكانت وراه وقال : اشهد بالله اني قدها
رعد : وانتي قد عزوتتس فيه ضدي ؟
هيام ابتسمت : لاتلوي ذراعي فيك يالرعد
رعد بحدة : انططقيي قدهاا !
هيام وخرت من ورا محمد وقابلت رعد وقطعت المسافة بينهم وقالت بقوة : ايه قدها
رعد لف يده ورا ظهرها وشّدها عليه وقال : طيب يحلوه خليتس عند اخوتس اللي تعزويتي فيه وانتي ع ذمة الرعد وتعزويتي فيه وانتي في وجه الرعد وشنبه
هيام باست خشمه وقالت : ونعمم فالرعد
رعد فكها وراح وقبل يبعد قال بحدة : معليتس زود
ومسكت يده هيام وقالت : وش سالفتكم يروح هيامك رعد م رعد وفك يدها بقوة وتلطم وركب سيارته وطلع من بوابات البيوت
اما هيام لفت لمحمد : ولد وشسالفة
محمد ابتسم : نرفزته وانفجر علي وتعزويت بعيال عمي وفيتس
هيام : اف خوفي يزعل لكن يهون لعيونك يخوي
محمد قرب وباس راسها وقال : جعلني م اتبدل فيتس يهيام الرعد
هيام ابتسمت ودخلت داخل وقالت لحنين وسلمى السالفة
حنين : غبية انتي !
سلمى صفقت : الله ياخذتس يحماااره
هيام خافت وقالت : شفيييه
حنين بحدة : رعد اذا صد من احد يصد من قلبه ولعاد يناظر فيتس
هيام : تستهبلين صح ؟
سلمى حطت يدينها ع وجهها وصرخت : يههيياام يغبييية
هيام بخوف : خلاص بيني وبينه وش صار ع وعد وكاسر
حنين : قلت له معليتس
هيام ابتسمت وهي تحاول تنسى رعد بس كل م شافت نظرته الخالية من المشاعر لها يوجعها قلبها واتجهت لجوالها ودقت عليه ووصلها صوته الرخّيم وهو يقول : هاه يا هيام
هيام استوجعت من كلمته وقالت : وينك ؟
رعد : وش تبين ؟
هيام : رعد لايكون زعلت
رعد : من انتي عشان تزعلين الرعد ؟
هيام بزعل : لاتلوي ذراعي يالرعد
رعد : خلصتي ؟
هيام بحدة : رععد شفيييك اخوي ترا مثل م انت تفزع لكاسر انا بفزع لمحمد تكفى يالرعد محمد م عنده اخو يفزع له لاتكسر خاطري عشاني فزعت له
رعد سكر في وجهها وبدون اي رد ومسكت هيام دموعها وقالت بحدة : يوييلتس تبكيين والله ان اخليه يجيني ع وجهه !!
وطلعت وقابلت وعد وقالت : وعد وينتس من اليوم ؟
وعد كانت واقفة عند المراية وتضبط شكلها وقالت : موجودة بنت وش صار عند العيال طلع كاسر مع رعد وراحوا كلمتيه شيء ؟
هيام بضيق تكت ع الجدار وقالت : ايه كلمته وزعلان
وعد : افا ليه ؟
هيام : عشاني فزعت لأخوي ضده
وعد ابتسمت : يحلوكم صدق بس معليش يعني وش ينتظر رعد افزع معه واخلي اخوي ؟
هيام ضحكت : شفتتيي جلطنني
وعد : وشدخل كاسر الحين يزعل ؟
هيام : امااا عاد زعل !
وعد ضحكت : لا مدري انا اخمن
هيام ابتسمت : دقي عليه وجربي حظتس
وعد هزت راسها بموافقة وراحت هي وهيام للمجلس
.............••..............
عند العيال
كاسر بصوت عالي : رععدد ويين بتروح !
رعد م رد وركب سيارته وركض كاسر وفتح الباب وركب معه وانطلقوا برا البيوت
فارس ابتسم بضيق : جعلني قبله زعل الحيوان
محمد : ايييه كلب م توقعت يزعل
ذيب ضحك : عاد حنا قلال حيا نتعزوى ونحامي في بعض واذا زعل قمنا نقول وشفيه زعول بجييحييين
انفجروا العيال ضحك وقال فارس : معليه يبشر بالرضاوة
محمد : مسكينة هيام كيف بيرضى عليها الحين
ذيب : والله مالك لزوم مسوي اتعزوى فيها الحين كسرت ظهر رعد فيها وفنفس الوقت لويت ذراع هيام في رعّودها
محمد بضيق : يساتر صدق م توقعت يصير ذا كله
فارس : امشوا ندخل
زايد شهق : ووصللل الشيييخ !!!
فارس فز : وجع بتخطب اليوم !!!
الكل فزوا ركض للمجلس بعد م هز زايد راسه بنعم
اما حنين طلعت تسأل فارس واخذت جوالها ودقت عليه
فارس : لبيه يعيون فارس
حنين : لبيت حاج تعال بكلمك شوي
فارس سكر وقام متجهة لحنين اللي كانت بنص سيب الرجال وتلتفت يمين يسار عشان تتأكد محد يشوفها وهي م تركت هالعادة وكانت واثقة دايم بس كسر ثقتها طلوع عادل من العدم وقال : اعنبووتتس والزييين !
حنين شهقت وكانت بتصرخ بس كتمها عادل وهو يقول : اصصص لاتفضحيينناا
كانت كل خلية بحنين ترجف برعب وقالت بهمس : صد صدد م احلل للك وابععد عننيي
عادل كان قرييب منها وهمس بأذنها : بروح بس تقولين لي اسمتس
حنين برعب استسلمت وقالت : حنين
عادل لف وباس خدها وقال : اشهد بالله انتس حنيين
حنين فزت ودفته بكل قوتها ورجع لها ودفها وطاحت وضرب ظهرها دولاب خشب قدييم وطاحت وركض عادل وطلع من المكان وصرخت حنين بأعلى صوتها ودخل فارس وهو شاف كل شيء قدامه وكان يفور دمه عليها وكان يحترق غيرة ركض ورفعها لمستواه وصرخ بوجهها : حننيينن وش مطلعتتسس هننااا !!
حنين بألم كانت ماسكه دموعها وقالت : كنت انتظرك
فارس بحدة : وشش اللي شففت قبلل شويي !
حنين بقرف : مدري واحد م اعرفه الله ياخذه
فارس : الله ياخذني انا اذا طلعتي سالمة !
حنين دفت فارس منها وقالت : مرييضض انتت ! تتهمني وانا مالي دخل
فارس رجع بسرعة ومسك فكها وقال : ايييه حيلتس علي ولا النكرة اللي قبل شوي استسلمتي له !
حنين انفجرت وصفقت فارس ع وجهه بقوة وقالت : اصصححى ع نفسسك يمريضض لك كم يووم م انت ع بعضضك لا اله الا الله والمرض والتفكيير العقييم
فارس لف لها وابتسم وقال : انا تصفقيني ؟
حنين ضحكت : ايه انت
فارس سحبها ودخلها المقلط وقال بحدة : الااان تلبسين عبايتتس وتطلعين لي ووالله يحنين انها خمس دقايق واذا م طلعتي لا تلوميين الا نفستس !
حنين بعدت يده ودخلت وتجاهلت كلام فارس اللي كان كل عرق وشريان فيه يغللي من حرارة الغيرة اللي كان يحس فيها وطلع وركب سيارته ووقف عند باب الحريم ينتظر حنين تطلع ومرت الدقيقة والثنتين وصارت خمس دقايق ونزل فارس ودق باب الحريم وردت لين : مين ؟
فارس م فرق بين صوتها وصوت حنين وقال بحدة : حننييين اططللعيي
لين فزت : فارس انا لين بس بنادي لك حنين
فارس توسعت عيونه وقال : هيي م لبسست ؟
لين استغربت : لا جالسة معنا
فارس بحدة : ااافتتححييي الباااابب
لين خافت وفتحت الباب وضربه فارس ودخل وهو م يشوف الا حنين اللي وقفت اول م شافته متجهة لها قدام البنات كلهم وصفقها كف دوى صوته فكل زاوية فالبيت وشهقت هيام وغطت راسها بشيلتها وقالت : وكسسسرر يكسسسر يددك
اما حنين كانت ترجف برعب وقالت : ف..فا..فاررس شفيك !
فارس رجع يلف وجهها بقوة وقال بصوت هز البيت : اناااا وشش قللتت لتتسس !!!
سلمى بحدة : جعلهمم يقولون لك صلاة موتك يحييوواان تمد يددك علييهاا وتسترجل عليها !!
فارس لف لها وهو يرجف من العصبية وقال : ارككدييي لا اجيتتسس واعلمتتس !
اما لين كانت واقفة ومصدومة وشافت سيارة رعد وفزت ركض لهم ونط كاسر وغطاها وقال : ووششفييتتسس طاللعة كذذااا !!!
لين برعب : فارس ضرب حنين
فز رعد وقال : يععقبب وانا ولد محمد
انطلقوا كاسر ورعد ودخلوا داخل وقال رعد بصوت الثقييل : فااررس
فارس لف لرعد بقوة وقال : خييير !
رعد بحدة : تمد يدك علييها تحسب م وراها سند !
فارس ضحك : توك قبل شوي كنت بتكسر وجه هيام خل مني المرجلة الحين !
رعد ابتسم ومسك فكه وقال : انت ناويها تخرب ولا وش !
فارس بعد يد رعد بقوة وقال : م قلته لكن م عندي في لحيتك حنين زوجتي وانا اعرف لها
كاسر تقدم وبقس خشم فارس وقال بحدة : تععقببب يالكلبب حنييين وراهااا اخوانهااا
رعد لف لكاسر ومسكه وقال : لا تكسررني في فارس يالكاسسر
كاسر بحدة همس : الا بكسسرك اجل اخليه يضربها وانا ساكت !
اما البنات صرخوا اول م طاح فارس ونزف خشمه وانكتم مع الربو وقال بصوت مكتوم : علاجي علااجي
حنين لفت له برعب وصرخت : كاااسسر وش سسوييتت
كاسر ورعد لفوا بقوة وكان فارس وجه اسسود وم يتنفس ابدًا وفزوا له ومسكه رعد واخذ علاجه من جيبه وحطه بين شفايف فارس اللي كانت زرقاء وشكله مرعب وبخ في فمه وشهق فارس وطلع من فمه دم وكان يكح بشكل مرعب وقال بصوت مبحوح : ذبحتوني يعيال عمي
رعد صرخ : فااررس شفيييك
حنين انهارت وحضنته وقالت : فارس تكفى لاتخليني تكفى يفارس
ام فارس فزت ع صوت رعد وجات تركض وشافت الدم ع الارض وكان فارس يرجف واطرافه بنفسجية وشكله يحزن وقالت : يوييلليي ع ولدديي
كاسر فز ومسكها وقال : انتظظرري يعمة خليه يتنفس
ام فارس كانت تبكي بشكل هستيري وتقول : يفااارس لاتخليينيي مثلل ابوكك تكففىى يفاارس
حنين شّدت ع فارس وهي تبكي وقالت : لاتخلي عمتي ولاتخليني يالفارس
فارس سكر عيونه وطاح بين يدين حنين اللي زادت شهقاتها وهي تصارخ بأسمه وتقول : وشش سووييتت يكااسسرر كسسرتننيي بفااررس
ام فارس فزت وقالت وهي تبكي : كااسسر وش سسويتت !!
كاسر تلطم وشل فارس مع رعد وطلعوه برا ونزلوه ع الارض ورجع رعد يحط بخاخ الربو عن فارس ويبخ مره مرتين ثلاث واربع ووصلت لعشر وفز فارس وكح بقوة وقال بصوت مبحوح : ررعععدد م اتتنفسس يالرععد
رعد قرب وحط البخاخ ع شفايفه ومسكه فارس وهو يرجف وضغط بقوته وتنفس بسرعة وسحبه وقال : خلوني شوي خلونني
رعد كان راكد وساكت وهو للحين زعلان ع فارس بس م هان عليه يخليه كذا وسدحه ع فخذه وقال بهدوء : فارس م فيك الا العافية تنفس وهد
فارس مسك ذراع رعد وكان يتنفس بهدوء وجاب كاسر مويه له ومناديل وغسلوا خشمه من الدم وشرب من المويه وكان هادئ وقال رعد : كيفك الحين ؟
فارس ابتسم بتعب : حمدلله احسن
رعد قرب وباس راسه وقال : جعله بضلوعي يالفارس عنك
فارس نزلت دموعه بحرقة وكان يبكي بهدوء وفز رعد وحضنه وقال : لييييهه يالفارس لاتكسرننيي بدمووعك !
فارس وسط انهياره : لأني رخمة وماني رجال يوم امد يدي ع حنين ولا اني استاهلها يالرعد بس والله اني اعشقها واحترق غيرة عليها وكله من عادل الله ياخذ نفسه
رعد شّد عليه وقال بحدة : جعل العرب كلهم فداك من اولها حنين واخرهم انا وتكلم وش سووا عادل من اول م شفته وانا م ارتحت له
فارس حكى السالفة لهم وقال كاسر : طيب وشدخل حنين !
رعد بحدة : كاااسرر تعال حب راسه تراه اخوك الكبير !
كاسر قرب وباس راس فارس وخشمه وقال : اسف يالفارس جعلني الكسر بغيت اخسرك يخوي عشان سبب ان شاءالله انه تافهه
فارس ابتسم وقال بهدوء : حصل خييير ولو اني رحت بروح للي ارحم مني ومنكم
رعد بحدة : الله لايقوله والله يطول بعمرك !
ام فارس طلعت ركض وحضنت فارس وقالت : كييفك يولدي ؟
فارس حاوطها وباس راسها وقال : بخييير يجنتي
ام فارس فزت وصرخت بوجهه كاسر اللي قرب منها يبي يسلم عليها وقالت : ابععدد منيي
رعد بحدة : صلي على النبي يعمة !
ام فارس : وش سووا لكم فارس عشان تعادونه مع بعض
رعد : ضرب حنين كف ولا م شفتي خدها
ام فارس بعصبية : فارس م يضرب الا اللي يستاهل
رعد فز : احلفيي !
فارس : خلاص يمه خلاص يالرعد
حنين طلعت ركض وحضنت فارس اللي حاوطها وباس اذنها بهدوء وهمس وقال : توها تجددت روحي
حنين كانت تبكي وقالت : كنت بخسرك يالفارس
فارس ابتسم وشّد عليه وقال : جعلني فداتس يحنين الفارس وجعلني كسر م يجبر اذا عاد مديت يدي عليتس
حنين ابتسمت : لا والله جعله بضلوعي عنك
فارس : ماشاءالله رعد معطيتس الردود ولا وش ؟
رعد ضحك : يرجال وخر م تستاهل انت
حنين بعدت وابتسمت وقالت : تكفون خلاص معاد ابي اشوفكم كذا ع بعض انتوا اخوان !
كاسر ابتسم : يعني انتي اخت فارس ؟
رعد وفارس لفوا له بأستحقار وقالوا : يشييينك
حنين : يع ي كاسر يع
ضحك كاسر وقال : خلاص عاد ادخلي داخل وبعدين نتفاهم معتس
حنين مسكت يد ام فارس ودخلوا بعد م شافت ان فارس بخيير
فارس : وش بتسوي ؟
رعد مسك ذراع كاسر وقال : ابد بس بندغدغه شويتين ونرجع لك
فارس : اجل ع القوة
كاسر ضحك : الله يقويك
وقبل يروحون تقدم فارس وقال : يالرعد
رعد لف له وباس فارس خشم رعد وقال : لاتشيل بخاطرك علي تراني عارف وش بخاطرك
رعد ابتسم : قلت لك اول وارجع اقول جعلني فداك يالفارس
فارس ابتسم وجلس فالحوش يتنفس ودخلوا رعد وكاسر وقال كاسر : عاادل الحقق
عادل فز وجاه يركض ومسك يده كاسر وطلعه برا واول م طلع برا انصفق من يد رعد اللي يحلف عادل ان فكه تهشم بعد يد رعد وسحبه رعد مع رقبته ووداه وراء السيارات وكمل عليه وحط حرته اليوم فيه وقال بحدة : مااهوو انتت اللي تلممس خووات الرععد وتحسسب انهاا بتعديي ع خييير !!!
عادل ارتعد وهو توه يدري ان حنين اخت رعد ولو يرجع فيه الزمن مستحيل يقرب منها وقال بصوت مبحوح من الالم : والله م كنت ادري انها اختك
وم حس الا برجل كاسر اللي ضربت ببطنه وقال : حتتتى لو انهااا ماهيي اختنااا تحسسب تقدر تلمس كل من هب ودب وتحسسب انك م بتتحاسب !!
كح عادل وقال : خلاااص والله اتوب والله
رعد رفعه بيد وحده وقال بصوت هز روح عادل : وقسم بالله لو تشوفك عيني مره ثانية ومعك فرصة وحدة اللي هي زواج اختك من زايد غيرها تطلع من حياتنا فاااهم !
عادل هز راسه بنعم وتركه رعد وطلع عادل ركض لسيارته وركب واختفى من الانظار وقال كاسر : العن ابوه الخكري
رعد ابتسم : العن والدينه صدق سعد من كسر وجهه
كاسر : سعده ؟ انت كسرت وجه يعني اذا م تدري
رعد : والله م برد قلبي الا ضربتك
كاسر ابتسم : ابشربي
رعد راح للمغاسل وغسل يده من دم عادل وقال : كاسر لاتكلم ذيب ولا محمد و زايد ولا حتى ضاري
كاسر ابتسم : الله يصبرني ع ذيب بس ابشر
قاطعهم دخول ذيب : عيال
محد رد منهم وضحك ذيب وقال : افوووه مسوين زعلانين الله يمغثكم
رعد : الله يمغثنا ؟ طيب يحبيبي احلم بلين كويس لأنك تخسى تاخذها
شهقوا كاسر وذيب وضحك رعد وقال : شفيكم تراني سمعتكم ذاك اليوم !
ذيب فز وباس خشم رعد وقال : ابششرر والله لا اسوي اي شيء تطلبه
رعد اشتغل عرق النذالة وقال : اي شيء ؟
ذيب : اييي شيء
رعد : ادخل واضرب سلمى وقل لعاد تدعين ع فارس
ذيب فز وراح يركض وناداها وطلعت له
سلمى : خير ؟
ذيب ضرب راسها بقوة وقال : لعاااد تدعيين دعاوي شينة ع فارس !
سلمى بألم : الله يسكر يدك نععم !
منصور جاء ولف ذراع ذيب ورا ظهره وقال بحدة : منن انتت عشااان تمد يدك عليهاا !
ذيب بألم : اعنبوك اخوها اخوها وامززح معها
منصور ناظر بسلمى اللي ضحكت وقالت : يمزح معي
منصور ترك ذيب اللي راح ركض عشان يقول لرعد انه ضربها وتقدم منصور وباس راسها وقال : توو شفتتس واشتقت علطول
سلمى ابتسمت : يكذاب
منصور بحب : اموت ع البسمة واموت ع المنطوق كامل !
سلمى ضحكت ودخلت وسكرت الباب وراح منصور لرعد وقال : رعد وينك من اليوم ؟
رعد لف له : موجود امرني
منصور : م يامر عليك عدو بس شفت هوشتكم فالظهر وجيت اسأل تراضيتوا ؟
رعد ابتسم : ترا مزح م نشيل ع بعض معليك
( كان رعد م يبي يوري الغريبين انهم يكرهون بعض او ممكن يشيلون ع بعض )
وفز ذيب اول م فهم رعد وقال : اييه مزح عاد محمد لازم يمثل انه جد
كاسر ضحك : تشووف
منصور ابتسم : والله من وجه محمد احسبه جد
رعد ضحك : لا لا معلييك
ودخلوا المجلس وجلس رعد جنب محمد وقال : شخبار اخو الحُب ؟
محمد لف له : طاح الحطب ؟
رعد : ايه جعله يطيح ع راسك
محمد ضحك بقوة : يخي احبببك والله
رعد ابتسم : غصب عنك يعيوني
محمد : موافقين دام سمعنا يعيوني منك
رعد ضربه بخفه : الله يقرفك
محمد ضحك : وش سويت مع هيام
فز رعد : نسيييت منها والله
محمد : تكفى لاتزعلها
رعد ابتسم : م عاش من يزعلها
محمد ارتاح وطلع رعد ركض ووقف عند الباب وقال : يوللدد هياام اطلعيي فالحوش ورا
هيام سمعته ووقفت عند المراية وضبطت شكلها وتعطرت وطلعت وثواني وجاها رعد وقالت : لبيه
رعد ابتسم وتقدم وقال : لبيه الحين ؟
هيام ضحكت : يووه عاد لاتصير بعير م تنسى !
انفجر رعد يضحك ع كلمتها وقال : فوق م اني زعلان تقولين لي بعير !
هيام بملل : وش بيرضيك ؟
رعد ابتسم بخبث وقال : توقفين ولا تتحركين
هيام عرفت وش يبي وقالت : فاضي انت وبعدين الروج حقي م يروح لازم مزيل
رعد قطب : شدخل الروج ؟
شهقت هيام : ووش كنت تبيي
رعد استوعب وقال بخبث : ااهاااااااا تبييين مبسمي ع مبسمتس ؟
هيام رجعت ورا وقالت : لا لا والله لاااا م كنتت ادرري وش تبيي واول م قلت لا تتحركين وكذا
رعد ضحك : طيب اكيد انها بخاطرتس تعالي وابشري بها
هيام بحدة : لااااا يحبيببيي م ابييهاا
فز رعد ومسك هيام مع خصرها ورفعها من الارض وقال : امسكي رقبتي
هيام نفذت كلامه وكانوا قريبين من بعض وقال : يالله عطيني مبسمتس
هيام حطت يدها ع شفايف رعد وقالت : يرحم اهلك لا
رعد ابتسم وباس يدها وقال : خلصيني
هيام قالت : نزلني لا اطيح وانا حامل
رعد : وانا بطيحتس ؟
هيام : م تدري
رعد : الا ادري انتس تتهربين
هيام حضنته وقالت : لا يحبيبي م اتهرب
رعد نزلها وقال : خلاص ابعدي طيب زعلت
هيام ضحكت وقالت : طيب معسلامة
رعد سحبها وباسها في نحرها بقوة وعلّمت علطول وقال : يالله تصرفي الحين
هيام نطت وقالت : ررعععدد
رعد ضحك وراح اما هيام حطت شيلتها ع نحرها وهي تدعي ع رعد وجلست مع الحريم وهي متفشلة ووجهها احمر وكل شوي تتذكر وجه رعد اللي يشّدها وتنسى كل شيء اول م يجي ببالها
::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت مليان اكشن صدق وعادل م خلص وباقي وراه اشياء يعني لا تنبسطون 🤣 ، رعد وهيامه اخذوا عقلي صدق وم قدرت اخليهم زعلانين من بعض 💞😋 )