يهزمني الحُب وانا جاهل بدرب المُحبين

البارت الثامن والاربعين

فارس ضحك ودخل البيت ومشى رعد متجهة لبيته والكل مصدوم من فعلة شوق واتهاماتها الباطلة للين
....................
قدام بيت ابو محمد
ذيب كان لابس ثوبه وبدون شماغه وبشته وكان مشمر اكمامه وقرب لكاسر وقال : تكفى ي العضيد تخاويني ؟
كاسر فز ومسك ذراعه وباس خشمه وقال : ابشر والله باللي يطيب خاطرك يالذيب
ذيب ابتسم وهو يحمد ربه ان عنده واحد مثل كاسر وقال : تبشر بالجنة يروحه
كاسر : علامك اهرج !
ذيب : لا لا مو الحين بركب معك ونروح لنا في مكان بعيد عن العالم كله
كاسر ابتسم : ابشر اركب
ذيب : لا يحبيبي اقولك تخاويني
كاسر توسعت عيونه وقال : انت ناسي اني متزوج ولا وش ؟
انفجر ذيب يضحك وقال : وقسم بالله اني نسيييت
طاح كاسر يضحك : والله العظييييم ي عليك عقل !!
ذيب : عموم بتخاويني غصب
كاسر : ووعد ولين ؟
ذيب : احشرهم مع محمد
كاسر : اسمعني الحقني بموترك وبنزلهم وبنزل سيارتي واخاويك
ذيب : تم
كاسر ابتسم وراح لسيارته وماهي الا ثواني وطلعت وعد تهاوش لين ولين صوتها مرتفع وتهاوش بحرقة
كاسر بحدة : وجع انتي وياها !
وعد ركبت وسكرت الباب بقوة وقالت : وشفييك تدعي انت بعد ماني ناقصتك اختك تكفي !!
كاسر توسعت عيونه واحتد صوته وهو يقول : البااااااب وكسسسر
لين بصراخ ركبت وسكرت الباب بقوة وقالت : يحييوانه ماهو انا اللي تخليني وراتس !!
كاسر مسك راسه وقال : الباااب يززفتت انتي وياااها
ذيب كان يتأمل كل شيء من سيارته وقال : الله يعينك يخوي تصبر ولك الاجر
لين نزلت الشباك وهي خلاص تبيها من الله وقالت : وانتت وراا م تذلفف م عندك حياااة ولا راحت شوق وبتنشب لأخوي !!
ذيب توسعت عيونه ونزل من سيارته ونزل لشباك لين وقال بحدة : نععمم فيي راستس حرش ؟؟
لين تجاهلت ذيب وقفلت الشباك وقف يضحك وقالت بهمس وهي تبتسم : متخلف بس حلو !
ذيب : وعدنا بعد شوي يبو محمد
كاسر ابتسم وقال : الله يحيني يارب ذاك الوقت هذا اذا م قتلوني المجانين ذول
وعد شهقت : نععمم انا مجنونة !!
لين ضحكت : تراك اخوي يعني طالعة لك
كاسر صرخ : بسسس خلااااص
عم الصمت وصوت انفاسهم هي اللي كانت واضحة مشى كاسر وهو سيطر عليهم وم يبيهم يسيطرون عليه ابدًا اما ذيب كان ماهو قادر يوقف ضحك وراحم كاسر وقال بأبتسامة عذبه : عقبال م اخذ لين وابعد عنك الحمل اللي شايله 
......................
في بيت ابو رعد
ابو رعد : لين وش سالفتها ؟
ام رعد : وش مسيكينه ملت من البيت اللي في سنة فضى ومعاد فيه الا هي
ابو رعد ضحك بحزن : جعله يسقى يوم اقوم رعد للصلاة ويصارخ ويقلب البيت فوق تحت ولا يوم اهاوش كاسر اذا رجع متأخر هو وذيب ولا قبل سنتين ونص تخرج لين من الثانوي وفرحتنا بقبولها فالطب ولا حنين وريحة طبخها اللي كانت تملى ارجاء بيتنا
ام رعد نزلت دموعها وقالت : اه الله لايحرمني من عيالي وعساهم من اعلى لأعلى المناصب والله يفرحنا بولد الرعد قريب
ابو رعد حضنها وابتسم وقال بصوت مهزوز : اللهم امين ويخليتس لي ولهم يارب
مسكوا يدين بعض ومروا ع البيت اللي يسمعون اصوات عيالهم فيه وكل زاوية كانت تضم ذكرى لهم
....................
في بيت منصور
منصور : وش العلم يبنت ؟
سلمى ابتسمت : حمدلله اللي بين لأخوي الغلط من البداية ولا يأخذها وينصدم بعدين منها
منصور استغرب وقال : علميني وش السالفة
سلمى : تخونه مع واحد اسمه هادي
منصور قطب وقال : ايوه ؟
سلمى سردت لمنصور كل شيء كانت تعرفه وقالت : وبس والله
منصور : طيب وهادي ذا هي ضامنه انه يتزوجها !
سلمى : لعنتها هي وياه
منصور ابتسم وسحب سلمى لحضنه وقال بهمس : وانتي تراتس واحشتني جدًا
سلمى بخجل : م يوحشك غالي ي منصور قلببيي
منصور بخبث : انتي ثلاثي مع هيام وحنين صح ؟
سلمى استغربت وهزت راسها بنعم وقالت : ليه ؟
منصور : ثنتينهم حوامل ورا م تلحقين ع حنين قبل يكبر بطنها
سلمى شهقت وقالت : نعممم !!
منصور طاح يضحك ع السرير وقال : بس خلاص بدلي وتعالي
سلمى فزت وراحت للحمام وطار منصور وراها ومسكها قبل تسكر الباب وقال : سلمى تروشي بعدها
سلمى كان قلبها يدق وقالت : وش جاك انت ملزم تسويها !
منصور سحبها مع خصرها له وقال بحدة : كم صارلي معتس ؟ وكم صارلي معطيتس كل راحتتس ؟
سلمى : طيب بس مو الحين
منصور سحب سلمى لمبسمه وو🌚..
.................
في بيت رعد
رعد : هيامي
هيام لفت له بهدوء وقالت : عيوني
رعد : كيفتس الحين تبين تروحين لبيت اهلتس ولا تقعدين معي ؟
هيام كانت م تبي تخلي رعد وخصوصًا انها تعرفه م يتحمل بعدها عنه واي شيء يصير لها يطيح رعد يبكي عندها وهو اللي م يهزه كلام الرجال بس قالت وهي داعسة ع مشاعرها : لا ماني مرتاحة معك ابي بيت اهلي
كان رعد مبتسم متأمل ان هيامه بتوافق ع القعدة معه بس تلاشت البسمة من وجه رعد وصد وقال بصوت مهزوز : ليه شيء يوجعتس والله لا احطتس بعيوني
هيام كانت تشوف صحتها وصحة ولدها اهم بمليون مره من رعد وقالت : م ابي بنام اليوم هنا وبكرا بكلم محمد يجي يأخذني
رعد لف لها بحزن وقال : ليه ليه محمد انا اوديتس
هيام تخصرت : لأني لو اقولك توديني م وديتني
رعد لف يده ورا خصرها وقال : طيب يومتس عارفه اني م اقوى بعدتس لييه تروحين مني !
كانت عيون رعد ترجف وكان متمسك بهيامه بكل قوته وكأنها اخر مره يشوفها فيها واللي صدمه اكثر كان رد هيام اللي بعدته منها وقالت : اصلاً انت ماش مستحيل تتقبل المهم جيت معك عشان اخذ اغراضي واطلع لمحمد برا
رعد تكهرب بعد كلمتها وقال بحدة وهو ماسك نفسه م ينهار عندها وقال : انااا تروحييين وتخليينيي بالطريييقة ذي ؟؟
كان رعد خايف معاد يشوف هيام خصوص انه للحين علاقته بعمة ماهي كويسة ابدًا ويعرف ان هيام ومحمد وام هيام م يقوون ع ابوهم وبينصاغون له وكانت حركات ام هيام فالفترة الاخيرة ماهي عاجبة رعد ابدًا
هيام بحدة : شفيييك تصارخ والله لو اني بسافر لأخر العالم ترا بيت اهلي !
رعد مسك فكها بقوة وقال : طلعة من البيت بدون اذني م فيه !
كان محمد واقف عند باب البيت وسمع كل شيء بحكم انهم فالحوش ودق الباب بقوة وهو يقول : ررععد افتحح الباابب !
رعد مسح وجهه ولف وهو يستغفر وفتح الباب وقال : نعم ؟
محمد بحدة : وين هيام !
هيام : حمود شوي واطلع تعال اخذ اغراضي
كانت كلمات هيام سكاكين وسيوف تضرب بقلب رعّودها اللي كان واقف ولا هو قادر يسوي شيء يخاف يتكلم وتنحسب ضده بحكم ان محمد موجود ويخاف يسكت وتبدأ لعبة عمة سيف الثانية ويخلي هيام تتطلق من رعد وياخذ ولدها معهم
محمد فز لهيام وقال : يالله امشي ضايقتس مد يده شيء ؟
رعد بحدة : محمد خيير ان شاءالله !
محمد لف لرعد بقوة وقال : تستهبل ولا م كنت تسمع صوتك كيف كان مرتفع وتتأمر علييها !!
رعد : بيني وبينها انت وشتبي حاشر نفسك !
هيام بحدة : خيير اخوي ترا !!
رعد انفجر عصبية وقال : ههييااااام وبعديييين !؟!
هيام ارتعدت ورجعت ورا محمد اللي قال : لااا طاللت وشمخخت اذا انت تسوي فيها كذا قدامي ولا حشمت اني اخوها وش تسوي ورانا ؟
رعد : اححللف ههييه انت وياااها وشفييكم استخفيتوا !
هيام همست بأذن محمد وقالت : خلصت يحمود اصلاً اغراضي جاهزة مشينا بركب السيارة واخذها وتعال
محمد هز راسه ومشى داخل البيت ولفت هيام من وراه وخالفت طريقة واتجهت للباب وفز رعد لها ومسك يدها وقال بهمس وهو يصر ع اسنانه : هياامي تكفيين لاتخلييني تكفيين
هيام ناظرت داخل عيونه كان رعد يستنجد فيها وانه مستحيل يعيش ببيتهم بدونها بس هيام كانت تعيش صراع مع نفسها وقالت : م بخليك تعال شوفني عند اهلي وشفيك خايف احد قايل لك شيء
رعد طاح ع ركبه قدامها وقال بصوت مهزوز : تكفييين انا عارف عمي وش بيسوي تكفييين بسوي اللي اسوي بس لاتروحيين
هيام فزت له ومسكت كتوفه وقالت : رعد قمم شفيييك !!
رعد كان طول هيام وهو جالس ع ركبته ومد يدينه ورا ظهرها وحاوطها وحضنها بكل قوته وقال بهمس : لاتروحين لاتخلين رعّودتس وراتس
هيام ابتسمت وحاوطت راسه وقالت : م بروح بس امي تبيني عندها وبرجع اول م اولد
رعد قام وقال : يعني ٣ شهور ؟
هيام هزت راسها بنعم وقالت : ايه بس ثلاث شهور حتى ممكن مو كاملة
رعد لف بقوة وتلطم علطول وهو سبقته دموعه وغدرت فيه وم كان يبي احد يشوف ضعفه تجاه هيامه وكيف انها صارت اكبر نقاط ضعفه
هيام انصدمت وقالت بهمس : تبكييي !!!
رعد كان حاط يدينه ع عيونه وقال بصوت باكي : لا
هيام كانت متجهة له واستوقفها صوت محمد وهو يقول : وش باقي تسوين
هيام لفت له ومسك يدها قدام رعد اللي لف لها بهدوء وكانت دموعه تطيح قدام هيام اللي مصدومة ولا هي قادرة تروح له طلعت من البيت تحت انظار حبيبها اللي م يهزمه احد وهزمه حب هيامه وكان رافع يده لهيام عشان تمسكها وتجدد فيه شعور الامل انها بتجلس ببيته وبينه وحوله وحوالينه بس هيام م تعبت نفسها ابدًا ولا شابكت يدها بيده كانت تمشي مع محمد ووصلها للسيارة
محمد : اركبي بسرعة !
ركبت هيام وهي ترجف ومصدومة وقالت بصوت مهزوز : بكلم رعد شوي
محمد تجاهلها وركب ومشى لبيتهم وهو م حب حركة وكلام رعد ابدًا وكان اكبر غلط سواه محمد انه دق ع ابوه وحكى له اللي صار كله وفعلاً كان فالجهة الثانية ابتسامة ع وجه ابو هيام وهو يقول بنفسه ( بدأت الخطة الثانية بنجاح )
هيام بحزن : كنت بكلمه شفييك انت !
محمد بحدة : بسس عاااد وش تقوليين له هااه !!
هيام صدت وهي م فيه شيء كسرها الا رعد اول م مد يده لها وم مسكتها ونزلها بكسرة
اما عند رعد كان يشوف السيارة حتى اختفت من انظاره وكان مصدوم وقال بحدة : كيف راحت من يديني كذا كييف انصاغت لمحمد وكييف تركت يدي متفقيين علي ذول !!
سكر باب بيته واتجهة لغرفته وكانت الفجعة اضعاف ع رعد اللي م حصل ولا شيء لهيام كانت الغرفة فاااضية من مكياجها وعطوراتها وملابسها !
رعد شهق وقال : رااحتتت منن يدييننيي !!!
اتجهة لجواله علطول ودق ع كاسر وهو يحتاج سند وراه ..
...................
في بيت كاسر نزلوا كلهم وطفى سيارته وقال : انتبهوا لأنفسكم بروح انا وذيب شويات وارجع
وعد : ابشر
لين بأستهزاء : ابششر
وعد لفت لها بقوة وطارت وراها ولين تصارخ ودخلوا داخل البيت
كاسر بقهر : اااه الله يخلف علي صدق
طلع لذيب اللي كان يدخن ومطلع راسه من السيارة
كاسر ركب وقال : معك دخان ؟
ذيب ضحك : شكلنا كلنا نحتاجه
كاسر : انشهد
ذيب مد له البوكيت واخذ منه حبه وشغلها واستقرت بين شفايفه وقال بصوت هادئ : ذيب جوالك الان
ذيب ابتسم وهي طقوس اذا بيفضفضون كاسر وذيب كل اغراضهم تكون بدرج السيارة
ذيب : سبقتك يحبيبي
كاسر لف له وضحك ونزل كل اغراضه من مفاتيح ومسواك وجوال كل شيء حرفيًا واستقرت سيارة ذيب في طعس
كاسر : اخذت حطب ؟
ذيب : بسيارتي م انزله اصلاً
كاسر اتجهة للشنطة حقت ذيب وفتحها واخذ احطب والولعة والولاعة وشب لهم نار وجنبها براد شاهي وفصفص وبوكيت دخانهم وولاعتهم
جلسوا وقال كاسر : اسلم
ذيب بقهر : اااه يالكاسر انا ينلعب علي انا انخان !!
كاسر تكى ع المركى وقال : والله مدري وش اقولك الكل انصدم بس حمدلله انها راحت ع كذا !
ذيب : اي والله الحمدلله يخي شعور يقرف اني كنت بعيش معها طول حياتي كنت بملك عليها مستوعب !
كاسر : يالله اول م تجيني السالفة اتذكر كل شخص فينا كيف عانوا عشان يأخذون حريمهم
ذيب اشر بيده بمعنى " كذاب " وقال : امحق صدق يقول عانوا وانا عانيت وللحين م اخذت لين
كاسر : والله اقوله وانا صادز يعني الحين رعد ضاع بدوامة بين هيام وبشرى لمدة شهر ونص وغير كذا كانت بداية حياته مع هيام غير موفقة ابدًا وكان تكه ويتزوج بشرى عليها اما محمد انصغى لكلام رعد واخذ بشرى وهي اصغر منه بثمان سنين بس احسهم م عانوا يعني وفارس كانوا بيزوجونه عهود ولا ناسي ؟
ذيب ابتسم : صادز والله وانت ؟
كاسر قعد وقال بحماس : يوووه عاد انا حففلللة صدق
انصرع ذيب ع الارض يضحك وقال : اشههد بالله
كاسر : اعنبوها م بغت تجي ولا بغيت اجتمع معها
ذيب : والحين دوري
كاسر خبط ع كتفه وقال : الله يكون بعونك اخوي ذيب
ذيب : لا الحسد تدري وين ؟
كاسر قطب وهو ماسك الضحكة وقال : وين ؟
ذيب : ضاري اخوي وزايد وسالم
انفجر كاسر يضحك وقال : يووييللي والله صددقق افلحوا علطول
ذيب : ايه وربي
كاسر : ايه متى بتخطب في لين ؟
ذيب : خلك مني الحين ترا الزفت سعود مو مطمني
كاسر : لااا ويييين معليك م اظن بيرجع يخطب
ذيب : الا بيرجع خالي اليوم كان يكلم واحد وسمعته يقول سعود
كاسر استغرب وقال : ابوي ؟
ذيب هز راسه بنعم وهو ياكل الفصفص
كاسر : لا يولد مستحيييل ابوي يوافق ومستحيل لين توافق
ذيب ابتسم وقال : تحبني ؟
كاسر فهمها بس قال بقرف : الله يقرفك وش احبك !
ذيب توسعت عيونه وقال : وووللددد ارررفعع علوومك !!
طاح كاسر بحضن ذيب يضحك وقال : اييه تمووت ع طاررييك
ذيب فز ومسك قلبه وقال : اسألك بالله !
كاسر : ورب الكعبة اني صادق
ذيب : ااااه يويييلل قلببيي ويلاااه
كاسر ضحك : اثثقل يبو عبدالله ماله داعي تصير خفيييف عند اختي قدامي !
ذيب : سم
اثناء سوالفهم كان رعد محرق جوال كاسر اتصالات بس م وصله رد ابدًا وانتهى رعد من التفكير وهو يسأل نفسه نفس الاسئلة ( مستحيل يحرموني منها ومن ولدي مستحيل !! )
وقف رعد ع حيله المنهد واتصل ع رفيق دربه وصديقه بالضيق قبل الفرج " فارس قلبي " ووصله صوته النايم
فارس بنعاس : لبيه يالرعد
رعد بخوف : تككففىى يالفاااررسس
فارس فز من سريره بقوته وقال : وووش الععللمم !!!
رعد طاح بطوله ودموعه اخذت مجراها ع عيونه وقال : خذذوهاا خذوو هياااميي !
فارس انفجع وقال : منن اللعنن ابووكك تكللمم مننن ؟؟
رعد انفجر وقال : ابووها وامهاا ناوويينها علي حسبتها شهرين يالفارس واول م طلعت م حصلت ولا شيء يذكرني فيها بغرفتنا الغرفة فاااضييية !!
فارس مشى ولبس ثوبه وقال : احتزم واضرب الارض ولاتسمي يولد عمي والله م ياخذونها منك
رعد قام وهو اشتد بعد عزوة وكلام فارس له وقال بحدة : وش بنسوي تمرني ؟
فارس : ايه دقايق وانا عندك ماهو كلامنا ولا افعالنا ولا سلومنا الحركات ذي !
رعد ابتسم وقال : عساني م اخلى منك يالفارس
فارس ابتسم وطلع برا بيت جده وكانت الصدمة اكبر عليه اول م شاف بيت ابو هيام ظلام وطافي ولا عنده ولا سيارة قال بحدة : يالررعدد
رعد شاش بعد اسمه وقال : احتتززمم
فارس : البييت فاااضي !!
رعد صرخ : ننععممم كييفف فاااضي !!
فارس : مدرري مدرريي
رعد : لا تجي انا بجييك
فارس هز راسه بنعم وقال : ابشر ابشر
سكر رعد ووقف فارس مصدوم من فعلة عمه وقال : خير الشايب انصفق ولا وش !
انفجع فارس من ضربة جده له بالعصا وهو يقول : وشو اللي مطلعك تالي ذا الليل !
فارس حك راسه بألم وقال : يججدي م يصلح كذا جعلني افداك
ابو محمد : وشفيك طيب ؟ تعبان مكتوم ؟
فارس ابتسم وباس راسه وقال : لا لا بخييير ابشرك
ابو محمد : انطق طيب
فارس كان يبي يسحب كلام من جده وقال : جدي عمي سيف قالك شيء ؟
ابو محمد قطب وقال : زي ايش ؟
فارس اشر بيده ع بيت عمه وقال : وين الناس ؟
ابو محمد توسعت عيونه وهو تعود ع ولده جنبه بعد وفاة نادر اللي سببت فجوة كبيرة داخله وقال بحزن : سواها اللي م يستحي
فارس قطب وقال : وش سووا يجدي
ابو محمد ابتسم بضيق وقال : امش نشوف خزنتي باقي فيها فلوس نادر وفلوسي ولا لا
فارس توسعت عيونه وقال بحدة : هااااه ورث ابوي !!!
ابو محمد استوجع من كلمة فارس اللي كان يشبه ابوه ونفس نبرة صوته حتى وقال : ادع يولدي انه م سواها
لفوا اثنينهم ع صوت سيارة رعد اللي نزل وهو لابس حزامه وسلاحه وقال : فااارس وش صااار ؟
ابو محمد : رعد يولدي وش جابك ؟
فارس : خذوا هيامه معهم
ابو محمد بعصبية : وشووو !!
رعد تقدم لجده وقال : وش العلم ؟
فارس رفع ثوبه وطار لخزانة جده وفعلاً اللي خافوا منه صار راحت فلوس وورث نادر وتعب سنينه ع الفاضي وفلوس تقاعد الجد قاضي وشهق فارس بقوة وطاح منكتم وقال بصوته المبحوح : سواها يجدي سواها اللي م يخاف ربه !
طار ابو محمد ورعد اللي ماهو فاهم شيء وبس قلبه وعقله مع هيامه وعطوه علاجه وانسدح ع الكنب اللي كان بمكتب جده القديم وقال : رعد تقدر تشيل فارس ؟
رعد م كان فاهم شيء حرفيًا وقال وهو يبي يلطف الجو : شليتك انت م تبيني احتال اشيل فارس ؟
ابو محمد ابتسم وقال : ماهو وقتك والله فلوسنا طارت مع واحد حرام فيه كلمة ولدي وانت تنكت شل فارس يولدي ورح ادع لي ابوك
رعد توسعت عيونه وهو وضح له كل شيء وقال : ابششر
تقدم لفارس وشاله بين يدينه وطار فيه للصالة وفتح الشبابيك الكبيرة اللي كانت تطل ع الحديقة ولف بقوة وصدم بجسم انثى وكانت حنين مفجوعة وقالت : ررعد وجع م تشوف
رعد نزل لها وباس خدها وقال : صح النوم
مشى من جنبها تحت صدمتها وطارت لفارس وقالت : فارس شفييك ؟
فارس ابتسم بحزن ونزلت دموعه وقال : طار حلال ابوي وطارت اوراقه وكل ممتلكاته وكل شيء ممكن يذكرني فيه
حنين بصدمة وهي بكت علطول : ييمه شفييك تبكي ووش اللي تقوله ووش صااييير !!
فارس حضن حنين بكل قوته وحاوطته وهي تبكي بحرقة من دموع فارسها
......
في بيت ابو رعد
رعد دق الباب بكل قوته وماهي الا دقايق وفتح ابوه الباب وهو منخرش ويقول : ررععد ؟؟
رعد : يبه عمي سيف سرق فلوس جدي وعمي نادر الله يرحمه يبه الحق جدي
ابو رعد توسعت عيونه وقال : وش تقوول انتت ؟!
طاروا اثنينهم لبيت الجد قاضي ودخل ابو رعد وهو يزهم في ابوه وشاف فارس يبكي وحنين محاوطته وكان الليل فجعة بالنسبة لهم
ابو محمد : الله ياخذه وين بيروح من يديني والله لا اطلعه لو انه تحت سابع ارض !
ابو رعد : معليه يبه هونها وتهون
رعد كان يتفحص كل شيء واستوقفه خزنة ثانية وكانت مفتوحة وفتحها وحصل كل الفلوس اللي يتكلمون عنها فيها وضحك وقال : جد تستهبل !
ابو محمد بحدة : اعقب !!
رعد : الفلوس هنا
ابو محمد توه يتذكر انه حاط الفلوس فالخزنة اللي م كان عليها قفل وضحك وقال : شفت ذكاء جدك كيف تعلم بس
رعد طاح يضحك وقال : والله ذكائك فجعنا كلنا وبغى يموت فارس بروح اقوله عشان يموت صدق
ابو محمد مسك قلبه براحة وقال : حمدلله م وصلت بسيف كذا
( والحقيقة كان ابو هيام وده ياخذ بريك طويل من اهله والعزيمات والروحات والجيات عشان كذا خذاهم وسافروا لجزر فرسان مع بعض )
ابو رعد بعصبية : خرشتوني الرجال قايل لي انه بيروح مع اهله عطلة وانتوا هنا تتهمونه وش انتوا ووش بقيتوا لكلمة اهل !
ابو محمد : تلايط لا تجيك العصا تعدي م في طبلونها
رعد غص بالموية وقال وهو يضحك : ااببلعع اشهد يبه انه جاتك وحده تمشي مليونييين
وم حس رعد الا بزبيرية ابوه تمشي مليون وتصفق بوجهه بكل قوتها وطاح رعد منهار يضحك وفارس طاح ع الباب يضحك وقال : احسسن تستاااهل
ابو رعد : فارس تسكت ولا تبي تجربها ؟
فارس بضحك : اتوب والله
ابو رعد : تمسوا ع خير وانت يرعد والله لا اذبحك اذا عاد عدتها
رعد بمزح : يبه ناسي اني اعرض واطول منك ؟
ابو رعد : تعال طيب يالطويل والعريض
قام رعد ووقف قدام ابوه وعم الصمت وكسره رعد اللي باس خشم ابوه وقال : تمون ع راسي يبه
ابو رعد ابتسم وطلع وقال : اصلاً مصدوم اني م سمعت صراخ كاسر قبلك
رعد ضحك : م يرد والله مدري وينه
فارس : اكيد في سابع نومة
ابو محمد سكر المكتب وقال : رعد فارس اذلفوا برا لو سمحتوا
فارس : لا بدري عليك يجدي وش الجحدة ذي ترا باقي اسكن معك
ابو محمد ضحك واتجهة لغرفته وطلعوا فارس ورعد برا البيت
فارس : ايه ؟ فلم اكشن للتاريخ
رعد : انشهد بالله ومن قوة الاكشن اخذت حزامي وسلاحي معي
فارس : م تخلي الهياط انت
رعد ضحك : مشكلة والله
فارس : تمس ع خيير يالرعد
رعد : انتبه لنفسك وللبيت
طلع رعد بسيارته وطفت انوار بيت ابو محمد معلنه نوم الجميع بعد ليلة مرعبة ومضحكة بنفس الوقت
.............
في البر
ذيب بنعاس : نرجع البيت ؟
كاسر : اي والله مشينا
قاموا وركبوا السيارة ومحد فيهم مفكر انه ممكن تصير زي الليلة اللي صارت ع رعد وفارس وابو محمد وابو رعد وحنين
وصلوا بعد مدة طويلة لبيت كاسر ونزل واخذ جواله وكل شيء الا مفاتيح بيته ونزل وكان بيطلع المفتاح من جيبه بس انفجع من الباب اللي كان مردود وفتحه وقال : يولد عمي افزع
ذيب نزل من سيارته وهو متشمر وثوبه حاضن وبارز ملامح وعرض جسم ذيب اللي دخل ورا ذيب واستوقفه كاسر وهو يقول : اصبر صوت وعد ارجع ولا صد
صد ذيب وطلعت وعد وهي كانت تسقي اشجارها اللي ورا البيت وسمعت صوت كاسر وفتحت له الباب وقال : جيتوا ؟
كاسر بحدة : ادخلي
دخلت وعد وهي تضحك ولحقها كاسر وقال : ذيب استودعتك الله انتبه لك واذلف ارقد
ضحك ذيب وقال : ابشر
طلع ذيب بعد م سكر باب البيت ومشى لسيارته وركب وشاف الدرج مفتوح وسكره بدون م يفكر ان مفتاح كاسر فيه واتجهة لبيتهم ووصل بعد فترة ودخل البيت وطلع لغرفته واخذ دش سريع ولبس بدلته وهو يتثاوب وقال بتعب : يالله كلها ساعتين وارجع ارقد الله ياخذ المناوبة
طلع لدوامه طيران عشان م يتأخر ووصل ع الوقت بالضبط
..................
في بيت كاسر
كاسر : وين كنتي رايحة ؟
وعد : اسقي ليه ؟
كاسر : الباب كان مفتووح
وعد ضحكت : احلف ؟ انا اللي فاتحته اول م سمعت صوتك
كاسر ابتسم : تعااالي
فز وشالها بين يدينه وهو يضحك وقال : وحشتييننيي حمدلله انتس صاحية
لين من باب المطبخ وهي كانت تاكيه عليه وقالت : الله يقرفكم يشيخ
وعد حمر وجهها وقالت : ليييين !
كاسر ضحك وبعد عن وعد وقال : يختي يختي متزوجيين افهمي !
لين شربت كل المويه اللي بالكاسه ونزلتها وقالت : يخي يخي محد مهتم
ضحك كاسر وقال : توكلي بس
راحت لين لغرفتها وشغلت سماعاتها في اذنها وصارت تتمايل ع انغامها وهي لابسة شورت وبجامة طقم رمادية اللون وقطنية وشعرها البني الطويل منسدل ع ظهرها بشكل فاااتن
..................
في سيارة ذيب
بعد م طلع من دوامه فتح الدرج ومد يده يبي يرجع سلاحه وسحب مفتاح وشاف مفتاح كاسر وضرب راسه بخفه وقال : الله يلعن كاسر
سحب جواله ودق عليه ووصله رده وهو يقول : خييير يخوي م طفشت مني انت ؟
ذيب : تلايط بس مفتاحك معي
كاسر : افتح الباب فيه ودخله وحرك
ذيب : تم نص ساعة وانا عندك
كاسر بتعب : م بنزل يخوي
ذيب بحدة : مححدد قااالك تنززل يخووي !
ضحك كاسر وسكر جواله ورجع لحضن وعد وكمل نومته
وماهي الا عشرين دقيقة ووصل ذيب قدام بيت كاسر ونزل وفتح الباب بس م انفتح وانصدم وقال بحدة وهو يهمس : يستهبل ذا !
وفجأة تذكر الباب اللي تحت شرفة لين واتجهة له بدون اي انذار ودخل المفتاح بهدوء ولفه وانفتح الباب وتوسعت عيون ذيب وهو يشوف درج صغير وبعدها جناح كبير وفيه غرفة نوم ونورها الخافت شغال وجزمة البيت الوردية اللي كانت ملكية لين وبطانيتها اللي عرفها ذيب اول م شافها مع اللابتوب حقها وتقدم خطوتين وهو طويل وعريض ولابس بدلة العسكر وسلاحه باقي في مكانه كان يفتن بكل م تعنيه الكلمة طاحت عيونه ع الشرفة اللي الهواء يحرك ستارتها الشفافة البيضاء وفجأة دخلت لين وشاف جسمها وفخوذها وخصرها اللي كان يتمايل ع السماعة اللي كانت ع اذنيها كان المنظر كله قادر انه ينهي اي رجل ولو كان من اشد واقسى الرجال لفت لين وطيحت كتابها ع الارض وكانت بتصرخ بس فجعها ذيب اللي طار لها وكتمها وقال : ااصصص بططلعع لا تفضحيييننا
لين كانت ترجف وهي م كان ببالها انها ممكن تشوف ذيب يوم من الايام بغرفتها او حتى ببدلة العسكرية وقالت بهمس : وش تسسووي هنااا !!
ذيب تكلم وهو ماسك نفسه بصعوبة وقال بحدة وهو يتعرق : لييين لا تتكلمييين
لين فزت وقالت بخوف : وش ناوي علييه
ذيب تكلم بقوة وقال : ياتبن لاا م تفكرييين فيني كذا !!
لين بحدة : وش كانت ناوي عليييه وكيف دخللتت اصلاً !
ذيب كان جسمه يلامس جسم لين وكان هالشيء مميت بالنسبة له وفز وابتعد عنها وقال بصوت تعبان وهو تعب من كل شيء ويبي يحضنها بشكلها ذا وينام بحضنها : اااه ي ليّيين الذييب اهلكتني الدنيا واهلكني بعدتس عني
لين بخوف : ذيب اطلع لا اصرخ بكاسر الحين
ذيب اتجهة لبابها وقال : جيت اعطيه مفتاحه وليتني م جيت ليتني م شفتتس بالشكل ذا ليتني م دخلت وطاوعت فضولي
عرفت لين علطول انه بشكلها ذا عفست ولعبت بموازين ذيب وشهقت وقالت : ذيب اطلع خلاص تكفى
ذيب طلع وهو منهار ويدق قلبه بسرعة ومعرق وحالته حالة وقال : اعنبووتس كييف اطلع وانتي بكمالتس والكمال لخالقتس !
طلع وركب سيارته وطلع دخانه وولعه وزفر بتعب وقال : ياااارب اجمعني فيها بحلالك واغنني عن حرامك يالله يارب
مشى متجهة لبيته وباقي شكل لين وانحناءات جسمها في عقله وانهلك ذيب ليلتها ونام بتعب وهو يحلم ب لين الذيب ...
::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( اهلييييين القاطعة جاتكم ببارت جديد 😋 ، ابو هيام فجعكم بس معليكم م بخليه يصير زفت ع اخر البارتات 😔😭 " الكلمة توجع " وبس والله استمتعوا احبكم ولا تنسون تعطوني رايكم بكل جزء 🫦 )