يهزمني الحُب وانا جاهل بدرب المُحبين

البارت الخامس والاربعين

رمت شماغه عليه ودخلت وهي دموعها بعيونها والمثل عند ذيب اللي قال : والله لو بيدي م تروحين لهم بالشكل ذا لكن حيل الله اقوى وكلها خمس اشهر وانتي بين يديني
طلع للرجال وهو مكسور ع لينه ولين مكسورة من حركة ذيبها ومحد منهم قادر يسعف الثاني ابدًا 
دخلت لين مستعجلة واستوقفها صوت شوق في احد غرف بيت ابو منصور وهي تقول : هادي حبيبي اسمعني انا بحاول قد م اقدر اخرب بين لين وذيب وبعدها بخلعه غصب عن خشمه !
ارتعد قلب لين من الكلام اللي سمعته وفزت اول م سمعت صوت هادي يقول : ي حبيبي والله اهم شيء م يتم الزواج
شوق ضحكت : شدعوة خطتي تغيرت الحين ابي اتزوجه وبعدها اضمنه بصفي وانتظر لين تتزوج غيره وبعدها اخلعه لأنها قاهرتني
هادي ضحك : حلوويييين وهادي يحترق يعني ؟
شوق ابتسمت وقالت بكل غنج وقرف : شلون تحترق وانا اشوفك واحضنك وابوسك ؟
هادي : اااه ي شوقي ودي انك بين احضاني الحين
شوق : قريب ان شاءالله متى م فضى البيت من حمد وسامي دقيت عليك
هادي : اشوفك ع خير ي بعدهم
شوق : احبك
سكر هادي بدون اي رد ولا اي اهتمام لكلمة احبك ولفت شوق تبي تطلع وتوزت لين ورا الجدار وطلعت ولين ماسكه فمها وكاتمه شهقاتها كانت لين تتعذب اذا شافت احد تحبه يتعذب وخصوصًا اذا كان ذيبها كانت منهارة وعيونها تذرف الدموع وهي صامته وتشهق بس وقالت بحرقة في نفسها ( ااااه حسيييت اننه فييه شيء ولا شووق م كاانت حول ذييب ااه ي ذيبي وش بتسوي اذا عرفت ياارب يعرف قبل لا يصير شيء رسمي لازم اعلمه لازم ) اتجهت للحمامات تمسح دموعها وكانت صدق منهارة وقفت تطالع نفسها وقالت بصوت خفيف : الله وش سوا فيني ذا الذيب اللي منهارة عشان لايخرب بيته وهو اصلاً مرادي انه يخرب بس يارب م يتعب م ابي اشوفه تعبان
طلعت وعد من الحمام وقالت بحدة : تعالي تعالي وش يخرب بيته ! ولييه تبكييين ؟؟
لين انصدمت من وعد بحكم انها اخت شوق وقالت : لا لا ولا شيء
وعد حضنت لين وقالت : لين مستحييل اخذلتس مستحيل قولي لي وش صاير وبعدين انتي عارفه ان علاقتي بشوق محدودة ولا اسميها اخت اصلاً
انهارت لين تبكي في حضن وعد وقالت : امشي برا بقولتس كل شيء
طلعت وعد مع لين وهي واثقة ان وعد مستحيل تخذلها بحكم انها زوجة اخوها
.......
في مجلس الحريم
ام منصور : سلمى جات ؟
ليلى : لا اخذها منصور لبيته وقال م بيتعشى معنا
هيام بحدة : كويس خلوها ترتاح
ام منصور بضحك : اجل تفضلوا ع العشاء
الكل كان مصدوم من ضحكتها بس تجاهلوها ودخلوا يتعشون
حنين : هيام وين لين ؟
هيام استغربت وقالت : مدري ووين وعد برضو ؟
بشرى : فالحوش شفتهم مين تناديهم ؟
شوق : انا انا
هيام : يالله طيب
طلعت شوق وشافتهم يسولفون بهدوء وقالت : بنااات العشاء
لين لفت بكل حقد وقرف وقالت : حمدلله م ابي كثر خيرهم
وعد قامت : ليني شوي واجيتس
لين دق قلبها وهي تذكرت نطق ذيب لأسمها وقالت : تمام
شوق ضحكت : وعد تعاللي بسسرعة
وعد مشت وقالت : عيوني
شوق : ابوسهم اسمعي الحين انتي لييه خفيفة ؟
وعد استغربت : كيف يعني ؟
شوق همست : انتي واضحة مرره يعني عند كاسر هدي شوي الولد مو حولتس ترا
ع انه علاقة وعد وشوق متزعزعة كأخوات لكن كان لشوق تأثيير كبييير ع وعد وقالت وعد : وش اسوي طيب احبه
شوق : حتى انا احب ذيب لكن م التفت له حتى وصدقيني اذا ناداتس كاسر قولي نعم او هلا واكتفي فيها وبرضو اذا حضنتس لا تحاوطينه واذا تغزل فيتس لا تعلقين وبس قولي ادري او طيب ؟ كذا بيجيتس كاسر ع وجهه
كانت وعد ملاحظة كاسر متغير وصاير ينشغل فحسبت انه شوق تقول كذا من حب لها وانه فعلاً كاسر بيرجع زي اول يوم زواج لهم وقالت : تمام تمام يعيونها
شوق ابتسمت بكلافة : امشي نتعشى
دخلوا الغرفة مع بعض واستوقفهم صوت حنين وهي تقول : وين لين ؟
وعد : تقول م تبي تتعشى
حنين قامت وطلعت للين فالحوش وقالت : خير ؟
لين ابتسمت : وشو ؟
حنين جلست ومسكت يد لين وقالت : باقي م تخطيتي ذيب صح ؟
لين نزلت دموعها علطول وقالت : ومستحيل اتخطاه
حنين عبست وحضنت لين بكل قوتها وقالت : خلاص يعيوني بعيدًا عن هذا كله لا تحرمين نفستس من الاكل ماهو زين اللي تسوينه ترا
لين وسط دموعها قالت : مقدر مقدر اكل ولعاد اقدر اعيش وانا اشوفه يمشي بالطريق الغلط وانا احبه ولا اقدر اساعده ولا اقدر اخليه يرجع لي وربي يوجعني قلبي ي حنيني
حنين قطبت وقالت : وش طريقة وليه غلط ؟ الولد خاطب لايكون شوق مسوية شيء ؟؟
لين توترت وقالت : لا لا بس غلط م احسهم يحبون بعض
حنين ضحكت : يالله ي لين خلاص امشي اكلي لتس كم لقمة ولا والله م اكل اذا م جيتي
قامت لين مع حنين عشان خاطرها اللي يعتبر كبيير عند لين
............
في مجلس الرجال
كان رعد ماخذ الاهتمام كله في سواليفه اللي الكل يحبها وكان يقص عليهم معاملة سعود ال******
ابو محمد وهو ياكل : طيب وش صار ؟
رعد : والله مدري يجدي للحين ضايعة والرجال اختفى ولا كأنه كان حي اصلاً
فارس برعب : بسم الله اللهم سكنهم مساكنهم
محمد مسك خصر فارس وصرخ بأعلى صوته : جيييتتكك
فارس فز برعب وصرخ : الله ياااخخذذك
رعد بحدة : ووجعع انتت وياااه !!
فارس دق قلبه بقوة وانكتم وقال بصوت مبحوح : رعد رعد علاجي عطني ياه من عند جدي
رعد لف بقوة لجده واخذه من جيبه وطار لفارس وعطاه علاجه
رعد : انبسطت الحين !
محمد ضحك : سم
فارس طاح يضحك بحضن كاسر اللي كان يشرب عصير وبحكم ان كاسر م يمسك الضحكة غص وطرطش عليهم من العصير وطاح على فارس وزاد ضحكهم الاثنين
ذيب بقرف : الله ياخذك ي كاسر
رعد بصراخ : لعععنهه يكللبب
محمد كان مصروع ضحك معهم
قام الجد قاضي ومعه عصاه وضرب اول ضربة بمحمد اللي فز وانكتم علطول واتجهة لفارس وضربه وضرب كاسر وصار صمت ولحد تكلم بعد ضرباته
محمد بهمس : اه يعيال حفر جنبي
رعد : تستاهل
كاسر كان كاتم الضحكة وقال : تكفون خلاص
فارس بألم : اي والله اص خلاص
تعشوا وعم الهدوء تحت نظرات ابو محمد للعيال ..
...........••..........
انتهى العشاء وطلعوا كلهم من بيت ابو منصور
وفي سيارة رعد كان ينتظر هيام تطلع
طلعت هيام وهي ماسكة بطنها بألم وهي صارت م تتحمل الم الشهر السادس اللي كان ينهيها وركبت مع رعد وقالت : وين بنروح ؟
رعد : البيت
هيام توسعت عيونها وقالت : رععد والمستشفى !
رعد ابتسم : امزح معتس يالله بنروح اصلاً
مشوا الاثنين للمستشفى وكان المستشفى العسكري ومحد يدخله الا ببطاقته بس رعد نسى يجيبها ووصلوا للبوابة وطلع العسكري ونزل رعد شباك سيارته
رعد : سلام عليكم
العسكري : هلا عليكم السلام كيف اقدر اخدمك يغالي ؟
رعد ابتسم : بدخل الطوارئ
العسكري : هذا مستشفى عسكري م تدخله كمواطن حرك قبل تصير مشكلة
هيام قطبت وقالت : شسالفة
رعد م لف لها وقال بحدة : معك العميد رعد بن محمد بن قاضي ال ********
العسكري م صدق رعد وقال له : بطاقتك لو سمحت م ابي اتعرض للمسائلة
رعد انصعق وضرب عرق العناد وبيدخل غصب وقال بحدة : م يحتاج بطاقة معقولة م تعرف انه ممنوع تطلبني واني انا اللي بعرضك للمسائلة !
العسكري : اعرف العميد رعد بس وش يضمني انه انت اخاف ادخلك
رعد بحدة وكأنه يأمر : ناد لي احد من اللي داخل طيب
العسكري استحقر رعد ودخل وسكر البوابة بشكل محكم ودخل داخل تحت غضب رعد اللي كان يفور
هيام : وش لازم بطاقة ؟
رعد كان شاد ع الدركسون بيده وقال : لا
هيام استغربت عصبيته بس سكتت وهي ماهي ناقصته يعصب عليها
" داخل المستشفى "
العسكري : فيه واحد برا ازعجني الا غصب ادخله
العسكري ٢ : سليمان تجي تعلمني ليه سكر البوابة وانتظره واذا راح ارجع افتحها
سليمان : ناصر هذا يقول انه العميد رعد
فز ناصر من مكانه وكان بيطيح كوب قهوته وقال بحدة : ااايششش !!
سليمان انفجع وقال : ووش م عطاني بطاقته وش يضمني انه هو
ناصر بحدة : تستهبل ممنوع تطلب العقيد او العميد او اللواء او الفريق بطايقهم !!
سليمان برعب : اسألك بالله !!!
ناصر فز ركض للبوابة وطلع لرعد اللي كان واقف برا سيارته ويمشي بهيبته وشموخه
ناصر عرف رعد من ظهره ودب الرعب داخله وقال : لو سمحت
رعد لف له بقوة وقال بعصبية : بتدخلني ولا كيف ؟؟
ناصر فز اول م شاف وجهه وتأكد انه رعد ودق تحية بكل رعب وقال : حضرة العميد
رعد : افتح البوابة
ناصر م استراح وقال : ابشر طال عمرك
رعد ناظر فيه بحدة وقال : استرح يعسكري
استراح ناصر وطار للبوابة وفتحها لرعد اللي دخل بسيارته وكانت معروفة والكل يعرف انه سيارة رعد وفزوا العساكر والقادة والضباط لدخولية رعد والكل دق تحية له تحت حب واعجاب هيام بالمنظر ذا وكيف انه رعد منجد له هيبته بكل مكان يتواجد فيه
............
في سيارة كاسر
وعد فتحت الباب اللي جنب كاسر وقالت : يالليل ذيب بيجي معنا ؟
كاسر ضحك : لا م اظن م قال لي شيء
وعد استحقرت وركبت وقالت : يالله مشينا
كاسر : ولين ؟
وعد تجاهلت كاسر تحت نظراته وقال : بنت لين وين ؟
وعد بحدة : يووه مدري عنها انتظر يمكن تحس ع دمها وتطلع
كاسر مسك رسغها بقوة وقال : وععد خيير !!
وعد بألم تأكدت ان كاسر مو نفس اول وعصبت وقالت : انت اللي خيير وش سويت عشان تمسكني كذا !
كاسر ترك يدها ونزل من السيارة وهو متأكد مليون فالمية ان شوق هي اللي لاعبة براسها وقال بحدة : لييين
لين ضحكت وركضت : يووه معاد خلتني ليلى اطلع جيت جيت
ليلى : يالله اشوفكم ع خير لاتطولون
لين لفت لها وهي تنزل مع الدرج : حتى انتي سيري علينا
ليلى ضحكت : ابشري
لين م كانت تشوف طريقها وكان ذيب وكاسر ينتظرون كان كاسر ابعد شوي من الدرج عكس ذيب اللي كان واقف عليه وكان يناظر في رجول لين وخلخالها وكعبها وماهي الا ثواني وصرخت لين وتعثرت وفز ذيب لها ومسكها مع خصرها وشّدها عليه وقال : بسم الله عليتس
لين تمسكت بظهره وقالت : يممه يممه
كان كل شيء يصير قدام عيون كل من كاسر وشوق واثنينهم كانوا يحترقون غيرة كاسر ع اخته وشوق ع خطيبها اللي م كانت تكن له حب بس كانت تتصنع الغيرة
ذيب كان قلبه يدق بقوة وهو تحقق حلمه ومسك خصر لين اللي كان منحوت وقال بهمس : ااااه يويلي عليتس
لين كانت م تبي تتركه بس بعدت منه تحت ملامسات ذيب لخصرها وتركها بشويش وبهدوء وقال بهمس لها : العن ابليسها والخصر !!
لين كانت ترجف ومصدومة من اللي صار قالت بهمس : ذيب ليتك م لمستني
ذيب بحدة : ليه ان شاءالله اجل اخليتس تطيحين ؟
لين بزعل : لا بتخليني اتمناك اكثر من اي وقت ثاني
صدت لين عنه واتجهت لكاسر اللي مسكها وقال : فيتس شيء ؟
لين بصوت عالي : لا يروحي يسلم ذيب م خلاني اطيح
ذيب ابتسم ع جنب وقال : ولو م سوينا شيء
كاسر ناظر فيه وضحك وقال : ايييه م سويت شيء ابدد
ذيب ضحك وفز ع ضربة شوق له وقال : اح وشفيتس !
شوق تصنعت الزعل وقالت : خييير وش اللي صار قبل شوي !!
لين ناظرت في ذيب اللي حتى وشوق تكلمه كان يطالع فيها وابتسمت بحب وهي تشوفه يناظرها ومتجاهل شوق اللي م تستحق ذيب ابدًا واللي انجبر عليها من قبل امه بحكم ان ام شوق وام ضاري خوات كانوا سلطتهم ع ذيب اقوى وكسروا ظهره في لين
شوق بعصبية : ذيييب اكلمك انا !!
ذيب لف لها وقال : يبنت الحلال وش تبين !
شوق : خييير وشذا الاسلوبب ؟؟
ذيب : هاتس ذا باقي المهر وترا حمد ينتظرتس
شوق : م بتوديني انت ؟
ذيب ضحك : لا يروحي باقي م ملكت عليتس
شوق ضحكت : صح بس متى ؟
ذيب بهمس : هانت كلها يومين وانكسر للأبد
شوق : يومين واو قريب مره
ذيب مشى وراح لكاسر اللي ناداه
ذيب جاء من شباك وعد وقال : هلا وعد شخبارتس
وعد : اهلين بخير وانت ؟
ذيب ناظر في لين وقال : توي قبل دقايق صرت بخير
لين كانت تحلف ان قلبها يتفجر من الحب اللي يعطيها ذيب وهو باقي م ملكها وقالت : وعد عطيني المناديل
ذيب : لين
لين فزت وناظرت فيه وقالت : هلا
ذيب ابتسم : م جاتس شيء صح ؟
لين : لا لا يعطيك العافية يارب م قصرت
ذيب : شدعوة واجبنا
كاسر : يولد اسمع
ذيب : لبيه
كاسر : لبيت حاج متى بتملك ؟
ذيب بزعل : ااااه ي كاسر م ابي بس بعد يومين
وعد احتدت نظرتها وقالت : خيير !!
ذيب ضحك : يووه نسينا ان اختها معكم
كاسر ضحك : معليك م بتتكلم واذا تكلمت بتعرف وش بيصير لها
وعد ناظرت بكاسر وقالت بقرف : تخسي تسوي لي شيء
لين بحدة : ههييه انتي انهبلتي
كاسر ابتسم بخبث وقال : لين معليتس كلها ثواني وهي معي بغرفتي
لين انصدمت وناظرت بذيب اللي كان تاكي ع الباب ويناظرها بحدة وقال : ليتني اكلمها مع بعض الناس
قال كلمته تحت صدمة لين ومشى لسيارته وقالت وعد : وجع يكاسر وجع
كاسر مسك فكها وقال بحدة وهو يصر ع اسنانه : بسس عاااد شفييتس انقلبتتيي ولا تبيين من يروضتس !!
لين لبست سماعتها وشغلت اخر محاضرتها في مشوار الطب والجراحة
وعد برعب استوعبت ع نفسها وقالت : ووش م سويت شيء !
كاسر بحدة دف وجهها بعيد منه وقال : سدي حلقتس وطبتس عندي اذا لعبت شوق براستس انا اهجدتس بطريقتي
وعد انصدمت ككيف عرف كاسر عن شوق وقالت بهدوء : اسفه طيب
كاسر م رد عليها ومشى متجهين لبيتهم
..............
في سيارة فارس بعد م كلمته امه يستخير ويشتري بيت بعيد عن اهله كان يمشي بين البيوت اللي معروضه للبيع وقال : حنيني شرايتس ؟
حنين طفت جوالها وقالت : في ايش يعيوني
فارس : اختاري بيت
حنين توسعت عيونها وقالت : يممه انااا !!
فارس ابتسم : ايه انتي اجل من غيرتس ؟
حنين لفت بتطالع الشارع وطاحت عينها ع بيت رمادي ومتزين بالخشب البني اللي كان يجذب واشجاره اضافت جمال لأطراف البيت واشرت عليه بدون اي مجهود وقالت : ذاااك ذاااك
ضحك فارس وقال : تم ابشري به
تقدموا له بالسيارة واخذ الرقم منه ومشى لبيت جده تحت صرخات وحماس حنين ومسكاتها ليده وكان فارس مبتسم وقلبه يدق لحنينه
..............
في بيت منصور
منصور : هاك اشربي موية
سلمى ناظرته بحدة وقالت : وبعدييينن واللهجة كانك تكلم لك ولد !
منصور ضحك : هاتس طيب بعدين اعذريني طول حياتي اتكلم بالكاف
سلمى : انا حياتك وانا اللي اغير كلامك وانا اللي اغير كل شيء فيك
منصور نزل لمبسمها تحت صدمة سلمى اللي كانت عيونها متوسعة وبعد منها وقال : كلي لتس من ساسي لراسي
سلمى ابتسمت بخجل : عطني الموية
منصور ضحك بقوة وهو عرف انه احرجها وتقدم وعطاها مويتها وشربتها سلمى بهدوء وهي تطالع بمنصور اللي كان طويل وعريض وهيبة وجمال ورجولة وقالت بتخدر : بسم الله عليك الرحمن صرت اخاف اعطيك عين من كمالك والكمال لله
منصور ابتسم : الله ياخذني عادتس حية ي سلومتي
سلمى مسكت يده وقالت : بسم الله علييك يعيونها تعال احضني
انسدح منصور وحضن سلمى وم جلسوا ثواني الا وناموا اثنينهم
..............
في المستشفى العسكري
هيام : رعد وين اروح ؟
رعد اشر ع النساء والولادة وقال : هناك
هيام مدت يدها له وقالت : تعال معي خايفة
رعد ناظر بيدها الصغيرة مقارنة بيده وبحجمها بحجمه كان فارق كبير بينهم بس كانوا اثنينهم يشوفون كل واحد فيهم امان لثاني وحصن له وقال : روحي لحالتس مقدر اجي هناك
هيام استغربت : ليه ؟ تكفى تعال معي
رعد صد واخذ جواله اول م سمع اتصال من فارس واتجهة للمخرج تحت نظرات الحزن من هيام اللي باقي يدها فالجو وم مسكها رعد ولفت بحزن وهي كاتمة البكية وتقدمت للقسم ودخلت وناظرت فيها السستر وقالت : هلا ماما كيف اساعد انتي ؟
هيام والعبرة خانقتها : انا حامل وابي افحص
السستر مسكتها بيدها وهي كانت تحسب هيام حامل بالحرام وانها خايفة اهلها يدرون عشان كذا جات لحالها وقالت : انتي خوف عشان م فيه بابا ليش انتي م فيه زواج ؟
هيام توسعت عيونها وقالت : هاااه لا لا الله ياخذتس زوجي معي
السستر تفشلت وراحت تنادي الدكتورة السعودية وجات وقالت : اهلين كيف اساعدك
هيام برعب : ابي اكشف فيني الم مو طبيعي
الدكتورة ابتسمت : تعالي معي وش اسمك ؟
هيام من التوتر قالت : هيام الرعد
والدكتورة م قصرت وسجلت اسمها كذا وهيام م استوعبت هي وش قالت ودخلتها غرفة الكشف وقالت لها : ماشاءالله الجنين بخير وكويس وتراه ولد
هيام ابتسمت : ايه ادري
الدكتورة : طيب ي هيام الحين بدري عليك وعلى الولادة ولكن نبيك تهتمين بنفسك وتروحين بيت اهلك عشان م تشتغلين ويهتمون فيك لأنك مهددة بولادة الخديج
هيام توسعت عيونها وقالت : كيف يعني ولادة السابع ؟؟
الدكتورة : بالضبط
هيام : لا يارب باقي م جهزت له
الدكتورة ضحكت وقالت : اول حمل صح ؟
هيام هزت راسها بنعم وقالت : ايه بس م فيه مخاطر صح واسباب الالم وشهي ؟
الدكتورة : ايه م فيه مخاطر واسباب الالم قلت لك انك تشتغلين كثير وتضغطين ع الجنين و ع رحمك
هيام : خلاص تمام ان شاءالله خير
الدكتورة : ان شاءالله وبصرف لك ادوية وين زوجك ضابط هو صح ؟
هيام : ايه العميد رعد
الدكتورة ضحكت وقالت : مو ابوك رعد ؟
هيام استغربت وقالت : هاه لا زوجي
الدكتورة : طيب ليه قلتي لي اسمك هيام الرعد ؟
هيام تفشلت وضحكت وقالت : يمه مدري والله اسمي هيام سيف قاضي
الدكتورة : وزوجك رعد محمد قاضي ؟
هيام هزت راسها بنعم وقامت مع الدكتورة ومسحت لها المرهم اللي حطته له عشان السونار ولبست هيام عبايتها وطلعت معها وقالت : وينه ؟
هيام لفت يمين ويسار وم كان لرعد اثر وقالت : مدري والله
الدكتورة : لولو روحي ناديه لي
السستر : تمام دكتور
راحت تنادي رعد وجلست هيام ع كرسي جابته الدكتورة لها
السستر بصوت عالي : رعد محمد ؟
رعد لف لها وهو يكلم وقال : فارس خلاص استخير وشوف واذا ناقصك فلوس كلمني شوي وارد عليك
فارس : ابشر م تقصر يعيون اخوك
سكر رعد واتجهة للسستر وقال بحدة : نعم ؟
السستر كانت تناظر فيه بصدمة وانه كيف ذا زوج هيام وقالت بخوف : انت زوج مس هيام ؟
رعد حط يدينه ع خصره وقال : ايه وشفيها هيام ؟
السستر مشت برعب وقالت : تعال معي
مشى رعد وراها وشاف هيام جالسة جنب الدكتورة بغرفة من الغرف ودخل ودق الباب وقال : ادخل ؟
الدكتورة ابتسمت : ايه تفضل حضرة العميد
رعد دخل ووقف ورا هيام ومسك كتوفها وقال : امريني
الدكتورة : ابي اطلب منك طلب
رعد : امريني
الدكتورة : هيام ع مشارف الشهر السابع ولازم ترتاح واذا م حصلت الراحة ببيتك ضروري توديها بيت اهلها وكلمتها انا فالموضوع وقالت لي عن امها ولازم توديها لها
رعد بحدة : خلاص تقدر تجلس ببيتي وم تشتغل صح ؟
الدكتورة : صح بس مين بيعتني فيها حضرة العميد ؟
رعد اشر ع نفسه وقال : انا من يعني
الدكتورة ضحكت : وانت بدوامك ؟ لازم تكون معها بكل ثانية من الاشهر الثلاث الاخيرة عشان نبعد عن ولادة الشهر السابع
رعد احتدت نظرته وقال : وبعدين ؟ خلاص بتصرف انا
هيام كانت متفشلة من اسلوب رعد المسيطر وقالت بهدوء : خلاص يدكتورة انا بكلم اهلي معليتس
الدكتورة ابتسمت لهيام وقالت : اجل بالسلامة وعندك موعد تعالي بعد شهر اشوف الجنين
رعد انفجر بعصبية وتقدم واخذ الورقة من يده الدكتورة وقال : هذي ادوية ؟
الدكتورة : ايه نعم
رعد : يعطيتس العافية
طلع ومسك هيام بيدها وقال : والله لا احاسبتس ع الكلام اللي داخل
هيام بحدة : اص فشلتنا م تعرف تتكلم انت وش اسلوب السيطرة ذا !
رعد شّد عليها وقال : سدي حلقتس اكيد بسيطر انا الرجال وانتي ملكي فكري فيها لو سمحتي !
هيام تركت يده ومشت قدامه وطلعت من المستشفى وركبت السيارة واتجهة رعد للصيدلية اللي فالمستشفى واخذ الادوية ورجع للسيارة وقال : هيامي هذي علاجاتتس وبقولتس فالبيت اوقاتها
هيام بعتب واضح : اللي هو م يحتاج اصلاً بقدر اخلص كل شيء بنفسي مثل م خليتني اروح للقسم لحالي
رعد ابتسم ولف عنها ومشى لبيتهم
..............
في بيت ابو محمد
ام فارس فتحت الباب لحنين وفارس وقالت : شفيكم تأخرتوا خفت عليكم !
فارس باس راسها وقال : موجودين والله بس اخذنا فرة ندور بيت
ام فارس ابتسمت : ماشاءالله ع البركة يارب
حنين : يارب
دخلت ام فارس لغرفتها وطلعوا حنين وفارس لغرفتهم وقال فارس : بديت اتحسف الصدق
حنين نزلت عبايتها وقالت : من وش ؟
فارس نزل ثوبه وقال : من كل شيء م كنت ابيتس تحملين علطول وم كنت ابي تحملين قبل م استمتع معتس
حنين طلعت لسانها وقالت : اححسسنن تستااهل قد قلت لك امش نطلع بيت لحالنا بس احسن احسن
فارس انسدح ع السرير وهو يضحك وقال : وربي ي حنيني م امزح تمنيت اني اجيتس وانتي تشتغلين واحضنتس من وراتس واشيلتس وافر فيتس بالبيت وابوستس بكل مكان بس ماش
حنين وقفت قدام باب الحمام وقالت : احسن احسن خلك محرووم
فارس ضحك بخبث وقال : م يضحكني الا انتس تحسبين اني محروم اقول ادخلي لا اجيتس احشرتس
حنين توسعت عيونها ودخلت بسرعة وسكرت الباب تحت ضحكات فارس عليها
وماهي الا ثواني وطلعت حنين ببجامتها وقالت : نمت ؟
فارس فتح عينه : لا تعالي
حنين اتجهت له وحضنته ونامت وهي ودها م تروح من حضن فارسها وبالمثل كان فارس اللي باس راسها ونام بحب معها
....................
في بيت كاسر
كاسر بحدة : ليين !!
لين نزلت سماعتها وقالت : وجع وشفيه
كاسر : انزلي ويوجعتس ان شاءالله
لين نزلت بحدة من السيارة وسكرت بابها بقوة وقالت : احسسسن يحيوانن
كاسر رفع ثوبه وركض ورا لين اللي صرخت وطلعت للبيت وقالت بصوت عالي : تكفييين يالوعد
وعد طلعت من الصالة وقالت : اففاا ابششرري بي تعالي وراي
وزت لين وراها ودخل كاسر وقال : وش يعني اشتغلت الحمية ؟
وعد فتحت يدينها تحمي فيها لين وقالت : ايه ابعد
كاسر ابتسم بخبث واتجهة لوعد وشالها بين يدينه وحاوط رجلينها ع خصره وقال : م عندي نظام البعد وباقي م عاقبتتس ع سالفة شوق
لين صدت بسرعة وركضت للجناح حقها ودخلت وسكرت الباب وراها ومسكت قلبها اول م تذكرت ذيب بدون اي سبب وقالت ودموعها تنزل : يعني بيملك بعد يومين وبشوفه يلمسها قدام عيوني يارب صبر قلبي يارب صبره وعطه القوة ويارب بعد بين شوق وذيب مثل م بعدت بين المشرق والمغرب وقربه لي يارب اني احبه ولا اتحمل بعده وفرقاه وتمنيت لمساته وكلامه المعسول لي م ينتهي وخوفه علي اااه يارب اطفي نار غيرتي وحريقة قلبي عليه
دخلت لين بعد م خلصت محاضرتها وطاحت تبكي ع السرير وهي تتمنى انها تشوفه بعيد عن شوق
" عند وعد وكاسر "
وعد بصدمة : كاااسسر !!
كاسر اتجهة فيها لغرفتهم وقال : عيونه
وعد : نزلني
كاسر ابتسم وقال : ترا يد وحدة وراتس يعني انتي اللي شاده علي يحلوه
دققت وعد وكان كاسر تاركها بس هي متمسكة برقبته وقالت بفشلة : اووه يمه
نزلت وعد ودفها كاسر ع السرير واعتلاها وقال : اييه ؟ وين الهياط الحين ولا اذا صرتي تحتي تنسين كل شيء
وعد بحدة : اققووول لاتخليني اقلبها !
ضحك كاسر وهمس لها : تبين تعتليني ؟
وعد توسعت عيونها ودفت كاسر واتجهت للحمام تحت ضحكاته وقال : بترجعين طيب طيب
وعد : انكتم طيب !
دخلت وعد الحمام وسكرت الباب وراها واتجهة كاسر للدولاب وبدل ملابسه ودخل فالفراش وبدا النوم يسيطر عليه بس كاسر كان ينتظر وعد ومستحيل ينام بدونها وماهي الا دقايق وطلعت وعد من الحمام بمنشفتها وقالت بهمس : يارب انه نايم
فتح كاسر عيونه وقال : لا يروحه تعالي بس
وعد فزت وقالت : وجعع خرشتتتنيي
ضحك كاسر وحط وجهه ع المخدة وطاح مستسلم للنوم تحت صدمة وعد وقالت : اما عاد نمت !
م وصلها رد من كاسر اللي انهد حيله طول اليوم من المخيمات والعزيمة والدوام
لبست بجامتها واتجهت له وحضنته وقالت : تعال عندي قرب
كاسر رفع يده وحاوطها وشّدها عليه ونامت وعد وهي تلعب بشعره وانتهت ليلتهم وهم بأحضان بعضهم بعيد عن شهقات لين وتعبها ومرضها ع ذيب اللي صارت حالتها صعبة وهي تشوفه وكيف يلعب فيها بكلامه ونظراته كانت هايمة فيه وفي تفاصيله كانت تبكي بحرقة وبالجهة الثانية كان ذيب يدخن بهدوء وتاكي ع باب سيارته قدام بيت كاسر ويتأمل جناح لين وشرفتها ونورها اللي للحين م طفى وقال : عيوني للحين صاحية تنتظرتس ياليّن الذيب يالله عساني م انحرم منتس ولا تروحين من يديني وعسى زواجي من شوق ينتهي قبل يبدأ اذا كان فيه شر لي ولها وتحصل اللي احسن مني ولا اكمل معها وتصبرين وتصيرين الثانية اذا كان فيه خير لي ولشوق
انهى كلامه وهو م يدري عن انهيار لين اللي تعبت حالتها وصارت م تاكل كويس وبدا النحف يسيطر عليها والحب اهلكها بعد م كانت جاهلة فيه ..
...........•••..........
في صباح اليوم الثاني تحديدًا بيت رعد
رعد لبس بدلته وقال : هيامي وين الرتب ؟
هيام فالمطبخ قالت بصوت عالي : في مكانها المعتاد
رعد : لا م حصلتها
هيام استغربت ومشت وطلعت مع الدرج ودخلت الغرفة وقالت : احلف ؟
رعد : والله م حصلتها
هيام : ييويلي وينها طيب !
رعد بحدة : هياامي لاتضيعينها
هيام فتحت الدولاب ورفعت المنشفة وحصلتها وقالت : الله لا يعمينا
رعد توسعت عيونه وقال : حصلتيها ؟؟
هيام طلعتها وقالت : ذي ايش ؟
رعد ابتسم وباس راسها وقال : هاتيها
هيام خبتها وراها وقالت : اننن لا بلبسك انا
رعد ضحك : وكيف بتوصلين لكتوفي ؟
هيام استحقرته وراحت جابت كرسي تسريحتها وتقدمت وركبت فوقه ومسك رعد خصرها وقال : الحين ترضين نفستس كذا ؟
هيام : ايه
رعد : طيب يالله ابدي
هيام قربت من وجه رعد وكان يتأملها ويشوف كيف ربي ابدع بخلقتها كانت هيام جميييلة بشكل يوجع كان جمالها مهيب وكانت تفاصيلها تنهي قلوب اللي يطالعونها وقال بهمس : سبحان الله م اعظم صنعه
وقرب وباس خدها بقوة تحت ابتسامة هيام اللي برزت غمازاتها ع خدينها وقالت : خلصت
بعد رعد ورجعت هيام بالغلط وتعثرت وفز رعد ومد يده ورا ظهرها وشالها من الارض وكان رعد قوي وم تأثرت هيام ولا كأنها تعثرت وقال : بسم الله عليتس انتبهي يعيون رعّودتس
هيام بخوف وبحب قالت : يعيوني يالرعد
رعد نزلها بهدوء وقال : توصين شيء ؟
هيام هزت راسها بنفي وباست لحيته وابتسم رعد وطلع لدوامه
:::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( هاااااي يحلويينني وحشتوونيي ان شاءالله انكم بخيير ويعجبكم البارت بكرا ويكندي يبدأ وببدأ اكتب لكم بارت طويييل ومليياان احداث 😢 ، اييوه شرايكم بشوق اللي اكتشفنا انها تحب واحد غير ذيب تحت جهل ذيب بمصيره معها وانهيار لين فالجهة الثانية ورانا اكشن في قصتهم احبكم اشوفكم بكرا 🔥 )