يهزمني الحُب وانا جاهل بدرب المُحبين

البارت الثامن والعشرين

ركبوا كلهم وراحوا متجهين لموقع هيام وكانت كل خلية في رعد ترجف وتدعي م يصير لهيامه شيء وهو منكسسسرر ويدعي وعيونه حاضنه دموعها عشان م تنزل ويعلن انهياره 
منصور بخوف : رعد وشفييك !
رعد كان متلطم وقال : سعيد ابن الكلب خاطف هيام
شهق منصور وقال : تستهبل انت ؟؟؟
رعد بضيق : ليتني استهبل ليتنننيي
منصور خبط ع كتفه وقال : معلييه ان شاءالله نحصلها بس هو ولد خالها صح ؟
رعد لف له بقوة : ولد خالتها مو خالها
منصور ابتسم : كلها واحد
رعد : تكفى خل عينك ع الموقع
منصور بعد ٢٠ دقيقة قال : وقققفف فالمخازن ذي
وقف رعد وفز واخذ سلاحه وراح ركض وكسر باب المخزن وطلع عليه اثنين مسلحيين وقال بصوت عالي : وققف انت وياااه معككم العميد رعد !
منصور قال بصوت حااد : ووقفوا معكم اللواء منصور واي صوت ولا حركة بقدر اقلبها ضدك
استسلموا علطول ونزلوا اسلحتهم وركض رعد وقال : تكلللمم وييين هياام !
الخاطف ١ : وش هيام ؟
رعد ضربه في بطنه وقال : البنت اللي خطفتوها
الخاطف ١ بألم : والله مدري اخذها سعيد داخل
رعد ربطه وقال : منصور خلك عندهم
منصور هز راسه بنعم ودخل رعد ركض للغرف وكانت كأنها سجون وصرخ : سععيييدد
سعيد سمعه وهو تحت الارض في قبو قديم وضحك وقال : والله وحصلتس
( اما هيام اللي صحت ولقتها بغرفة مظلمة واشتغل نور قوي وطلع سعيد وقالها تسكت لأنه مستحييل احد يسعفها هنا
هيام بدوخة : وقسم بالله م اعديها لك والله لا افضحك عند خالتي وزوجها ياللي م تنتخي !
سعيد صفقها كف وقال : هذا اذا طلعتي حية
هيام بحدة : نسييت اني زوجة الرعد !!
سعيد ضحك بصوت عالي : ووش بيسوي الرعد ؟ هو حتى للحين م درا انتس مختفييية
هيام خافت وقالت : اعنبوك رعد يدري وبيجي بعد نص ساعة بالكثير
سعيد بأستفزاز : نشوف وبما ان معنا نص ساعة خليني استمتع
هيام شهقت وقالت : تععقبب يالكللبب
سعيد بحدة : انتي اللي تعقبييين !
هيام خافت اول م قرب منها سعيد وهي مربوطة م تقدر تسوي شيء وباس خدها وقال : اااااه مسك مسسسك يحظ رعد فيتس صدق
هيام تفلت عليه وقالت بقرف : اببععدد مننييي يالوقحح
سعيد رجع وصفقها ونزف خشمها وقالت : سوو اللي تسويه والله م تلمسني !
سعيد قرب وباعد بين رجلينها وقال : اص بس خليني اشوف شغلي
شهقت هيام وسحبت رجلها لحضنها ودفتها بقوة وطار سعيد وشهق بألم وقال : اعنبوتس يكلبه !
هيام بكت وقالت : سععييد تكففىى ي سععيد تكفى يولد خالتي لا تضيعننيي ي سععييد !!
سعيد قرب وقال : ليه الدموع طيب
وقرب اكثر وكان ناوي مبسمها بس لفت علطول وباس خدها بقوة وقال : م بسوي لتس شيء اذا م عاندتي
هيام تذكر كلام رعد وبكت اكثر وخاف سعيد وقالت بصوت عالي وكان صراخها يوجع وقالت : ياللررععدد تكففىى اررععدد فييهمم ولاتخلييهم يضيعوون هيااامك تكففى يارعوود هيااامك تكفى انت قلتت اني فيي وجههك وشنببك تكفىى يالرععد لا يقرببونن منيي !! )
وشهقت اول م سمعت سعيد يقول انه جاء وصرخت اعلى وقالت وصوتها بدا يصير مبحوح : اااااه يالررعدد لايلمسووونيي تكففىى يالرععدد
كان رعد يسمعها بس م يدري هي وين وقال وهو يتلفت بجنون : هييااااميي وينتتسس !!
هيام سمعته وكان صوته بعيييد بس عالي وقالت بصراخ : رررعععدد الحقنننيي
ضربها سعيد بقس وطاحت الكرسي بهيام اللي فقدت الوعي وركض يجيب السوط وبدا يجلدها وتصحى ع ضرب قوي وتصارخ وترجع تفقد الوعي اما سعيد م رحمها ضربها ضرب مبرح وانتهى منها ورشها بموية باردة وفززت وهي تبكي بحرقة وقالت : ااااه حسبيي الله علييك
قرب سعيد وباسها بقوة وقال : معسلامة يالهيام
هيام شهقت اول م صب عليها تراب وعرفت انه بيدفنها وقالت بصراخ : ياللررععدد بيدفننووننيي الحققننيي
سعيد رفسها في بطنها وقال : بسسس خلااصص صدعتتيي فيني !!
اما هيام شهقت واستفرغت دم ونزلت دموعها بحرقة وقالت : الله ينتقم منك يحثاالة !
سعيد كمل ودفنها وطلع ركض وركب سيارة اخوياه ورجعوه للمزرعة بسرعة قصوى ودخل للخيمة ونام ومن حسن حظه محد شافه
اما هيام كانت تبكي وتقول : تكفى يولدي لاتخليني وتخلي ابوك تكفى يولد الرعد خلك قوة لأمك وخلك معي تكفى لاتروح مني انا وابوك وهو للحين م عرف انك موجود ببطني تكفى لاتخليني
وكانت ماسكه بطنها وجنينها اللي كمل شهر ببطنها وكانت تزفرر التراب وتبعده من خشمها وقدرت تتنفس بس كانت ساكته عشان م يدخل في فمها وكانت تبكي بحرقة
اما رعد م ترك زاوية الا ودور فيها وم حصل هيامه وكان يبكي بحرقة وقال بصوت عالي : منصصوور
منصور جاء يركض وقال : حصلتتهاا ؟
رعد كانت عيونه حمراااء وتطلع شرار وقال : لااا هاك مفتاح سيارتي وعطني جوالي واتجهه للقسم وارسل لي فرقة وامسك اللي برا وودهم معك
منصور م استوعب شيء بس ركض وركب السيارة واخذ الخاطفين معه واسرع وطلع من الموقع واتجهه للقسم ونسى يعطي رعد جواله اما رعد شافه طلع وقال : طزز بالجواال قلبي دليلي ويااارب ساعدني احصلها يارب طمني بقربها
هيام كانت تتنفس ببطىء عشان م يدخل التراب بصدرها وكان يدخل بس بشويش وهي م تحس وكل شوي تكح وقررت تتحرك ولفت وصارت تتصرع وقدرت تجلس وهي م تحس بنفسها كان كل انش من جسمها يصرخ بألم والدم ينزف بشكل مرعب كانت الغرفة حمرااء من دم هيام وقال بصراخ : ياللررعععدد ويييننكك !
رعد لف بقوة وقال بصراخ : هييااامميي انا مووجودد والله بس انتيي ويينتسس تكفييين علميننيي قلببي يحتتررقق يالهيياام
هيام بكت وقالت : انا في ظلاام م اشوف شيء
رعد كان يسمع صوتها من كل جهة بس عرف من الظلام انه تحت وطلع برا المخرن وركض في كل زواية منها يبي يحصل المدخل ولقاه بعد ربع ساعة وفتحه وكان ظلاااام وم معه كشاف ولا شيء بس كان مصّر ان قلبه دليله ودخل وهو م يشوف شيء ودور ع هيام وكان يصارخ بس للأسف اختفى صوت هيام وعرف انها اغمى عليها وكان يصارخ برعب ويحاول يحصلها ومر اكثر من مره عليها بس م كان يشوفها وهي كانت مغمى عليها وطاح ع ركبه وقال : ااااه يالهيياام لاتكسرينيي وتكلمي
كمل ساعتين يدورها وللأسف م كان قادر يحصلها وقرر ينتظر اول م تطلع الشمس او لحتى تصحى هيام
_____
فالمزرعة
بدر جاء يركض خايف من تهديد رعد وقال : يبه م ابي وعد يبه وعد طالق بالثلاث
ضحك حمد : زيين انها جات منك وبعدين وش طالق م بينكم عقد يحمار
ابو سعيد عصب : اعنبوك وش جااك !
بدر كان مرتعب من رعد واصلاً اخذ وعد حقد في كاسر ولا م حبها ولا شيء وقال : يبهه م ابييهها
ابو سعيد : الله والبنت تحسبها بتموت عليك واللعنة فضحتنا
سامي بعصبية : لأنه ماهو برجال
كاسر كان قلبه يدق وقال : اجل دامها كذا فأنا اتقدم لوعد من اخوانها واخطبها ع سنة الله ورسوله
حمد بحب : وعطيناك وعد
كاسر م كان مستوعب وكان يتمنى لو رعد موجود وقال : جعلكم تسلمون وابشروا والله بكل علم طيب وانا ولد عمها
سامي ابتسم : واففيي يولد الخال 
حمد ضحك : عزز شااش راسي يالكاسر
ابو رعد : كاسر متأكد ؟
كاسر ابتسم : والله اني متأكد ومعليك يبه انا شاريها قبل بدر
الكل فزوا يباركون له ووصل الخبر للحريم
ام شوق ضحكت : وعد تفركشت الخطوبة
وعد شهقت : ايييشش
ام شوق : اصبري وكاسر تقدم لتس
وعد دق قلبها بفرح وقالت : والله ؟
ام شوق : ابشرتس بس انتي موافقة ؟
وعد بهدوء : خطبة بس ؟
ام شوق : لا والله قالوا لي بيملك بعد
وعد ابتسمت : شفيه مستعجل المهم انا موافقة
ام شوق حضنتها وهمست : والله وسواها الكاسر الله يسخره لتس يارب
وعد شّدت ع امها وقالت : اميين بس بسألتس يمه متى بيخطب ويملك
ام شوق : الان
وعد شهقت : شلوون بدون شيخ ؟
ام شوق ضحكت : جابوا شيخ اصلاً
وعد خافت من عجلة كاسر وقالت : اها طيب
دخل حمد بالكتاب وقال : تراه عقد زواج يعني بتصيرين حلاله اذا وقعتي
وعد ابتسمت : وش رايك فيه ؟
حمد ابتسم : فخر ورجال وعزوة وفزعة وطيب راس ومعرب الجد والخال والعم اشهد بالله انه اخو الرعد
وعد انزاح الهم بعد رد اخوها وقالت : تمام الله يتمم
ووقعت واعلنها كاسر حلاله وقال : وقعت ؟
حمد : ايه
فز كاسر وحضن محمد وقال : ااااه يالراحة الحمدلله
محمد ضحك : الله يتمم ع خيير ومبروك يالشيخ
كاسر ابتسم : الله يبارك فيك
لف كاسر وقال : بدخل اشوفها
حمد لف بقوة : لا لا ممنوع
كاسر بضيق : احلف !
حمد بجدية : والله
كاسر صد بضيق بس تذكر انه يشوفها كل شوي وقال في نفسه ( اطلعي الان قدامي وشوفي وش اللي بيفكتس مني )
.............••.............
اما رعد اللي كان شخص بلا روح وم يدري وين هيامه وكان يتمنى لو معه شيء ينور طريقه ويشوفها وينقذها بس م حالفه الحظ وم كان معه شيء عشان يقدر يشوف هيام وكان جالس فالبرد لحاله ويقول في نفسه ( اذا انا تعبت وبردت هيامي كيف ؟ ) كان يفكر فيها ومرت ساعة ورعد فاتح عيونه ومسامعه عشان هيام اذا تكلمت يسمعها بس للأسف رعد كان جنب هيام وكانت تتنفس جنبه بس م كان يدري ومن اصوات الرياح والحديد برا م كان يسمع اصلاً وفز اول م سمع صوت سيارته معلنه وصول منصور مع الفرقة حقته وقام ومشى ودعس ع طرف فستانها وتعثر وطاح وقال بصوت عالي : بسسم الله وشذاا !!
بعدها صار يتلمس بيدينه ومسك قماش وفز علطول يتحسس بين التراب والدم حصل هيام ومسك وجهها فالظلام وصرخ : هيياااممميي
هيام فزت من صوته وقالت بصوت باكي ومبحوح : اااااه ابطييت ع هيامك يالرعد
رفعها رعد لحضنه وانهار يبكي ويبوس كل انش بوجهها كانت هيام تشهق وتبكي وقالت بصوتها اللي يهيمه رعد : رعّودي خلاص انا بخيير وتوو صرت بخيير بحضنك وحولك
رعد تكلم وصوته مبحوح وقال : الله يكسر يدينهم الله ياخذهم اللي م يرحمون اااه ياهيام الرعد كييف يصير لتس كذا وانتي بوجهي وشنبي ااااه ياهيام الرعد في قلبي حسسرة وحررقة عليتس !
هيام قدرت ترفع يدها وتحاوط رقبته وقالت : الحقني وودني المستشفى ولاتخليني افقدك وافقد ول..
طاحت هيام وم كان رعد يدري انها حامل واخذها وحطها بين يدينه وغطاها بشماغه وركض لمنصور اللي كان مجهز الشرطة والاسعاف معه واخذوها المسعفين من يدينه وركض منصور له وقال : حمدلله ع سلامتها وان شاءالله انها خفايف
رعد بضيق : الله يسلمك وان شاءالله
منصور : ترا فارس دق علي واول م شاف جوالك معي خاف وركض للمطار ورجعوا والحين فالجو متجهين للرياض
رعد ابتسم وقال : يالله يالفارس اشهد بالله اني محتاجة
منصور ابتسم : يالله نمشي ؟
رعد : ايه بس وين جوالي
منصور مد جوال رعد له ودق ع محمد وعلمه انه فالمستشفى وانه يحتاجه وقاله يجي مع كاسر وحمد وسامي وابوه وقال محمد بتوتر : طيب ابشر بس وشفييك
رعد بضيق : محمد تكفى لاتسأل وتعال
سكر محمد وهو توه صاحي من النوم وراح يصحي عمه محمد عشان يجي معه
.........••........
داخل المزرعة
وعد حلفت ترجع وتشوف القصيدة اللي كان فيها اسمها بحكم انها متأكدة ان اللي قالها كاسر لها ماهي نفسها وراحت للونيت وكان كاسر نايم فيه وجات من جهة اليمين للصندوق ومدت يدها تبي تشوف وين جواله وشافته تحت يده وقالت بهمس : يارب انه م يصحى
كانت وعد لابسة قميص روز لونه احمر ومزينه الذهبي ع اطرافه وكان ماسك ع جسمها وشعرها الاسود المفكوك م يغطي اطرافه الا شيلتها وريحة عطرها فايحة وطلعت ع الصندوق بهدوء تام وقربت من كاسر اللي تحرك وفزت وغطت عيونها بيدينها وفتحت فتحة صغيرة وشافته نايم وكان داعس جواله بجسمه وضربت راسها : شلون باخذه الحين !
كاسر فعلاً كان نايم بس كان يشم ريحة عطرها وغط بنومته بحب
وعد : اعنبوك دعست الجوال
بدر جاء وقال : لا لا مافيه احد هنا
فزت وعد وانسدحت جنب كاسر وقالت بهمس : يااارب م يجي للونيت يااارب
كاسر كان قلبه يدق بقوة وهو يسمع صوت وعد بس م يبي يلتفت ومد يده ولمس كفها وتأكد ان وعد جنبه ولف بهدوء وفتح عينه وقال بصوته الضخم : امداتتس تشتاقين وجيتي تنامين معي
فزت وعد وكتمته وكانوا قريبين من بعض بشكل كبير وقالت بهمس : كاااسر اسكت مو وقتك بدر هنا
كاسر فز : يعقب والله م يشوف محارمنا
وعد ضربت راسها وقالت : حمااار انت تووه شافني امس !
كاسر ناظر فيها وهي كانت متلثمه ومد يده بسرعة وسحب شيلتها من وجهها وطاح شعرها الاسود ع وجهها وقال : اعنبوتس والزييين ذا كله
وعد توسعت عيونها وقالت : هات شيلتي !
كاسر ابتسم ووقف وشاف محمد جاي يركض وينادي بأعلى صوته : يالككااااسسسسرر الحححققق
كاسر ارتعد وفز وراح له ركض ومسكه بقوة وقال برعب : وشفففيييككك انننططقق !!
محمد كان يلهث وقال : رععد رععد
كاسر انفجر عليه : وشففيييهه !
محمد سحبه وهمس له عشان محد يسمع وشوي ومسك كاسر يد محمد وركض متجهين للسيارة
اما وعد كانت تراقب برعب وقالت : يمه وشفييه رعد وشسالفة !
وركضت للحريم ودخلت وشافت لين وسلمى صاحيين يصلون الفجر وقالت برعب : بنااات
لين استغربت : وشوو !
سلمى لفت بقوة : بسم الله شفييتس !
وعد : رعد فييه شيء طلعوا الرجال يركضون له ويصارخون وركبوا السيارات
لين شهقت وبكت : يويللليي ع اخووي
وركضت للأمهات ودخلت الغرفة بقوة وقالت : يميمتي تكفيين الحقيينني رععد فييه شيء
فزت ام رعد ونزلت دموعها علطول وارتفع صراخها : وششففيييهه رععدد !
وعد جات تركض : الله يصلحتتس ياليين !!
وكملت تهديهم : ان شاءالله م فيه شيء ان شاءالله خلااص يخالة خلااص
شهقت ام هيام : ويينن هيااام قولوا لها !
سلمى صاحت : ههيياااامم وييننهااا !!!
الكل استنفر يدورون لهيام وطاحت ام هيام تبكي بحرقة وهي الحين استوعبت ان الرجال فازعين لهيام مو لرعد وقالت وسط انهيارها : ااااه ياارربب لا يصييير شيء لبنتتيي بنتيي الوحيدة ياارب احفظهاا بحفظك
ام رعد كانت حاضنتها وتبكي : ادععيي لهاا ي رههف وانا عاررفه وواثقه انها مع رعدد وم بيصير لها شيء خلاص
سلمى كانت تبكي واخذت جوالها ودقت ع منصور ورد علطول وقالت وهي تشاهق : مننصور ويين هياام
منصور تضاايق بعد صوتها وقال : لبيه يعيون منصور هيام موجودة وطيبة بعدي بنقولكم السالفة
سلمى انفجرت : لا لااا لاتسسكرر وين رعد ؟
منصور : رعد موجود
سلمى بخوف : عطنني اكلممه
منصور احتد صوته : خير سلمى ؟
سلمى : بعطي الجوال لين اخته عطني ياه
منصور جاء عند رعد وقال : لين تكلمك
رعد لف بقوة : كييفف جبت رقمهاا ؟؟
منصور ضربه بخفه : حتى وانت بأسوء حالاتك تغار يساتر صدق دقت علي سلمى امسك
رعد ابتسم وقال بصوته التعبااان : هلا لين
لين بكت : يممهه رعدد يمهه تعاالليي
ام رعد فزت واخذت الجوال وهي تبكي : يالرعد ويينك يروح امك
رعد بعد الجوال ونزل راسه يبكي بحرقة وهو م يدري وش اللي صار فالليلة ذي وقال بصوت متقطع ومبحوح : يمه انا بخيير يميمتي بس صارت سالفة طويلة بقولها لتس بعدين ولا والله اني بخيير وطمني خالتي رهف ان هيام بيني وبين روحي والله م يمسها شيء وانا حي وهي على ذمتي
تكلمت ام هيام بصوت مسموع : م نخاف يالرعد وانت وراها م نخاف شهادتنا فيك مجروحة
رعد ابتسم وقال : يالله بروح اصلي انا
سكر منصور ووقف وقال : انا صليت بجلس انتظر الدكتور يطلع
رعد هز راسه بنعم وراح للمسجد اللي قريب من المستشفى وتوضىء وصلى وهو يدعي ربه لهيامه ويسأل ربه انه يخفف عليها وتطلع سالمه لأنه مستحيييل يفكر انه يخسرها
اما منصور طلع له الدكتور وقال : حمدلله ع سلامتها اولاً
منصور لف له : الله يسلمك
الدكتور : من بدلتك واضح انك زوجها
منصور ابتسم : لا والله زوجها راح يصلي
الدكتور كان يحسب منصور زوجها بحكم انه يناسب مع حجم هيام الصغير وقال : اوه اسف والله كنت حاسبك زوجها
منصور : عادي والله
وقف الدكتور متفشل وينتظر زوج هيام اللي كان مجهول وم يعرفه بحكم انه م شافه وبس شاف منصور
............••............
في مطار النمسا
حنين برعب : تكفى علمنيي وش صاااييرر
فارس مسكها وركبوا الطيارة وقال بهدوء يعكس الرعب والخوف اللي داخله : رعد فيه شيء وانا مدري وشهو بس بنرجع ونتطمن
حنين بكت ومسكت قلبها : ياااررب لاتفجعنني في رعد يااارب لا تكسرني في اخوي وسندي ياارب
فارس حضنها وقال : ان شاءالله انه طيب خلاص يحنيني
حنين شّدت ع فارس وبكت بحرقة وهي اصلاً صار لها يومين ماهي مرتاحة بس م كانت تشكي لفارس
فارس مد يده لجواله ودق ع رعد
سلم رعد من صلاته وهو مرتااااح جدًا واخذ جواله وقال : ارحب يالفارس
فارس فز : جععل من يرحب يبقى يارب
رعد ابتسم : واحشنا يالوسخ !
فارس بحدة : وشفيييك يولد تكفى طمنني
رعد قال كل السالفة لفارس تحت صدمة فارس اللي ماهو مصدق ان ولد خالته مسوي ذا كله وقال بعصبية : وشش سووييتت فييه انتت
رعد بحدة : م بعد قابلته الله ياخذ نفسه
فارس : وهيام وش صار عليها ؟؟
رعد كان يمشي متجهة للعناية وقال : فالعناية والله
فارس بحزن وضح على صوته وهو يشوف هيام اخته الصغيرة ومحمد اخوه الكبير وقال : ااااه الله ينقمم منهه يارب وين حمود ؟
رعد : جايين فالطريق
فارس : خلاص طمني عنك بس روح شوفها
رعد : ابشر والله
سكر رعد وحكى فارس لحنين السالفة وهي تبكي بحرقة ع هيام وتشاهق وتحاول تمسك نفسها بس مررره تعبت وانهاارت وقالت : ياارربي وشذذاا ياررب لذي الدرجة صار الامان عند اهلك معددوم يااارب اكفيينها شرهم
فارس بضيق : اميين يارب خلاص يحنين هونيها وتهوون
سكتت حنين بعد صعوبة كبيرة ونامت ع كتف فارس اللي كان منهار من حالة حنين وم يبي يشوف حالة اهله وخالته ام هيام
............••............
دخل رعد بشموخ وبهيبة لسيب المستشفى وتكلم منصور : يادكتور هذا هو زوجها
الدكتور لف بقوة وشاف دخوليته كان مرعب ومهيب وتقدم له وقال بصدمة : انت زوجها ؟؟
رعد ابتسم وصافحه وقال بصوته الرخّيم : ايه نعم
الدكتور كان مصدوم كيف هيام زوجة لرعد وقال : طيب نحتاج دم لأنها نزفت كثييير وفصيلتها AB-
رعد بضيق : طيب غيره ؟
الدكتور : فيها ضربات موجعة وكدمات ولازم تروح للشرطة وتقولهم وش السبب
رعد بحدة : معلييك انا الشرطة
الدكتور م فهم وقال : ايش ؟
رعد ابتسم : معك العميد رعد محمد قاضي ال******
الدكتور فز من فخامة اسمه وقال : حي الله عميدنا
رعد : الله يحيك
الدكتور بأبتسامه : الحين بنجي للأخبار الكويسة
رعد : اسلم
الدكتور : الضربات وكل شيء م بتعلم وبتتعالج منها الانسه هيام بسرعة
رعد ابتسم : الحمدلله
الدكتور : والجنين بخير وم اجهضته يعني تحمل معها وكان سبب قوتها
رعد سكت شوي وبعدها فز وقال : جنننييننن !!!!
الدكتور انصدم من ردة فعله وقال : ايه جنين شفيك ؟
رعد مسك ياقته وقال بصراخ : اي جننيينن زوجتتي ماهي حااممل !!
الدكتور برعب : استهدي بالله يارجال استهدي بالله
منصور فز ومسك رعد وقال : ررععد خييرر انت موظف فالبلد تمد يدك ع موظف حكومي !!
الدكتور : لا والله عادي مقدر صدمته
رعد بحدة وهو يصر ع اسنانه : ككمم عمرره !!
الدكتور : والله مدري بس ارسلناها للطب الشرعي يفحصونهم وبتجي بعد ربع ساعة
رعد مسك راسه وقال : ااااه لاييكوونن من سععييد
منصور شهق وفز : تتسستههببلللل !!!
رعد برعب : مدري مدري
منصور بشك : م سويتها انت !
رعد لف له بقوة وقال : سلامات زوجتي اكيد سويتها بس م حملت !
منصور خاف وقال : الله يستتر
ماهي الا ثواني ودخلوا كاسر ومحمد ووراهم حمد وسامي وابو رعد
ابو رعد بحدة : رررعدد يولديي
رعد فز لأبوه وباس راسه وقال : ارحب يتاج راسي
ابو رعد : وش صاارر ويين هيااام ؟؟
رعد : بخييير والله بس اجلس يبه اعلمك السالفة
ابو رعد جلس وتقدم كاسر وحضن رعد بقوة وقال : خطااااك الشر يبو محمد
رعد شّد عليه : خطاااك اللاااش
تقدم محمد وسلم ع رعد وقال : هيامنا وينها يالرعد ؟
رعد ابتسم : فعيون رعّودها
محمد ابتسم : الله يخليك لها سند يبو محمد
رعد خبط كتفه وجلس معهم وحكى لهم السالفة وفز محمد وهو يفورر وقال : وقسسم بالله لا اذببحههه والله م يروووح من يدييننيي
رعد وقف ومسكه : لو هي على كذا كان قد مات مني
كاسر بحرقة : المشكلة اني شفته قبل نطلع من المزرعة
محمد لف له : اايييه حتى انا شفتته
رعد احترق : اعنببووه م يسستحييي !!
كاسر فز وقال : رعد تراني ملكت
رعد لف له بقوة وقال : ايششش !!
كاسر ضحك وحكى له السالفة وطلعه من الضيق شوي وتقدم رعد وباس راس كاسر وقال : قلت لك احتزم والله ان تجيك وعدك يالكاسر
كاسر بحب : جعلني م اخلا ولا اعدم منك يالرعد
رعد ابتسم : مبروك والله يعيون اخوك والله يتمم لكم
ابو رعد ابتسم وهو يشوف علاقة عياله ببعض وقال : الله يتمم لك يالكاسر ويبشرك يالرعد بسلامة هيامك
رعد تقدم وباس يد ابوه وقال : اللهم اميين
وكاسر باس راسه وقال : الله يسمع منك يبو قاضي
ابو رعد ابتسم وجلسوا عياله جنبه وشوي واستدعوا رعد
وطلع ركض ولبسوه ملابس المستشفى عشان الجراثيم وعقموه ودخلوه وكانت هيام صاحية وعليها الاجهزة وقال : هيااامي
هيام لفت له وقالت بحب : ارحب والله يادهر هيامك ودهر قلبها ورجعانه
رعد تقدم وحضنها بقوة وتألمت وقالت : ليتني احس بالألم ذا دايم اذا كنت بتحضني كذا
رعد ابتسم وباس راسها وقال : حمدلله ع سلامتتس يعيون الرعد وكل اهله طمنيني عليتس
هيام ابتسمت وقالت : حمدلله انا بخييير وولدك بخيير
فز رعد وقال : ولدي ؟؟
هيام ضحكت : ايه ولدك
رعد م كان مستوعب وقال : شلوون ؟
هيام مسكت يده وشباكتها بيدها وقالت : يحلو انت حامل من المره الثانية بس كان جهاز الحمل خربان وقت كنا فالمالديف وبعدها تعبت وحسيت بشيء غريب ببطني واخذت من بشرى جهاز حمل بدون م تدري هي بعد ودخلت الحمام وفحصت وطلعت حامل
رعد بكى وكانت اول مره يبكي وتشوف هيام وجهه وقالت : لاا يالرععدد لاتكسررنيي
رعد وسط انهياره نزل وسجد لربه وكان يدعي من كل قلبه وقام وحضن هيام وقال بصوت مبحوح : الله لايحرمني منتس ولامنه او منها
ضحكت هيام وسط دموعها وقالت : احس انه ولد
رعد ابتسم : هو منتس ؟ هذا اللي يهم
هيام حضنته من جديد وقالت : خطاانا الشر يحبيبي
رعد ابتسم وشّد عليها : خطااتس اللاش ياهيام حبيبتس
هيام بتعب : احتاج دم قلت لأهلنا ؟
رعد فز : الان
وطلع ركض وقال لمحمد
محمد بخوف : لا والله انا ماني نفسها
رعد بحدة : شلوون انت اخوها
محمد ضربه : طيب يغبي !
كاسر دق ع لين وسألها : اسألي اللي عندتس احد فصيلة دمه AB - ولا B -
لين برعب : ابششر
راحت لين تسأل وكاسر للحين معها وفزت وعد : انا B -
لين عطتها الجوال وقالت : كلمي كاسر
وعد فزت وقالت : كاسر
كاسر بحب : روحه
وعد : انا فصيلتي B -
كاسر ابتسم بعد م سمع صوتها وقال : طيب خليتس جاهزة بجي اخذتس
وعد بخوف : طيب
سكر كاسر وقال : وعد
رعد فز : يالله طييرااان جبها وتعال
كاسر م سأل اخوانها حتى وهو ناوي ينفرد معها وركب السيارة وطااار للمزرعة عشان ياخذ وعد
.............••..............
عند سعيد كان يمثل التعب ويقول : يبه خلاص مشينا
ابو سعيد بملل : الله يزعجك قم طيب
قام سعيد وجمع اغراضهم ودعى امه وخواته وطلع وركبوا كلهم وطلعوا من المزرعة وكان سعيد اللي يسوق
ووقف عن البوابة اول م شاف كاسر داخل بسيارته
وقف كاسر عند البوابة عشان م يطلع واسترجل منها وركض وفتح باب سعيد وسحبه ونزله وطاح فيه ضرب وقال بصوت هز المزرعة وطلعوا الكل بعده : ياااااببنن الككللببب م تتلمسس بنتت عمميي وزوجة اخووي واسسكتت عننكك والله لا نجرركك فالمحااككمم يالحقيييرر
سعيد كان يرجف رعب وقال : وش تقوول انت
ام هيام عرفت انه سعيد وركضت له وصفقته كف دوى صوته في ارجاء المزرعة وصرخت : تلممس بنننتت خاللتتكك ياللي م تستححيي ولا تنتتخيي
ابو سعيد نزل بعصبية وقال : يالكاااسر وش السالفة !!
كاسر لف له : السالفة ياعم انك م ربييت لك كلب م يسوى مواطي رعد
وقف كاسر وقال السالفة كاملة قدام الكل وكانت الصدمة واضحة ع ملامح الكل وفز ابو هيام ع سعيد وضربه لحد م اغمى عليه وقال بصوت عالي : والله ياظافر اني م اعديها لولدك والله لا اخذ حق بنتي منه
ابو سعيد كان مصدوم ومتفشل من فعايل ولده وقال : ابد حقك وابسط حقوقك
ام سعيد بصوت عالي : حسبيي الله علييك ياسعييد حرقت كبدي وسويتها في بنت اختي اسفه يارهف
ام هيام فزت لأختها الكبيرة وقالت : لا والله محشومة ياختي ذا واحد كلب ولا لتس دخل فيه
ام فارس حضنتهم بحكم انها اختهم وقالت : خلاص ي نوره هونيها وتهون يعيون اختتس
ام سعيد كانت منهارة وماهي مصدقة وش اللي قاعد يصير لها بس ارتاحت شوي عشان خواتها وقفوا معها رغم تأذي رهف لبنتها هيام
كاسر ارتفع صوته : ووععد
وعد فزت واخذت عبايتها وطلعت له من ورا البيت وشافها وراح لها : جاهزة ؟
وعد ابتسمت بخوف ومدت له شنطتها ومسكها كاسر وقالت : شوي البس
لبست عبايتها واخذت شنطتها ومد كاسر يده لها وقالت : وشفيك م بضيع ترا !
كاسر ضحك ومسك يدها وطلع قدامهم وهو يعلن ان وعد صارت حلاله
ركبوا وركبت ام هيام وام رعد وسلمى ولين معهم
كاسر تحطم وهو م قدر ينفرد فيها بس استسلم وشافها راكبه ورا بدال م تكون جنبه وقال في نفسه ( يالله ياقلبي سريييينا )
مشوا متجهين للمستشفى اللي يبعد ٢٠ دقيقة من المنطقة اللي المزرعة فيها
ونزلوا مسرعين ووصلوا للسيب حق غرفة هيام وحصلوهم كلهم ركضت ام هيام لمحمد وحضنها وباس راسها وقال : يمه هيام طيبة معليتس بخييير وتسلم عليتس
ام هيام وسط دموعها : الحمدلله يارب الحمدلله وين رعد ؟
محمد اشر وكان رعد يكلم عند باب غرفتها واتجهت له ام هيام ومسكت يده لف لها رعد بقوة وقال : ارحبي يخالتي
ام هيام ابتسمت وقالت : كيف هيامك يالرعد
سكر رعد وقال : ابشرتس طيبه بس تحتاج دم وين وعد ؟
ام هيام نادتها : وعد
جات وعد وقالت وعيونها بعيون رعد : خطاك الشر انت وهيام
رعد ابتسم : خطاتتس اللاش ياوعد الكاسر ومبروك لتس انتي وكاسر والله يتمم ع خيير
وعد ابتسمت وقالت : الله يبارك فييك اسمع الحين ادخل ؟
رعد ضحك : ليه خايفة ؟
وعد بخوف : تبي الصدق اي والله خايفة
كاسر جاء وحاوطها من وراها وقال : م تخافين والكاسر معتس
وعد فزت وبعدت بسرعة وقالت : وجع انت م تستحي
ضحكوا رعد وكاسر وقال رعد : م يحتاج اخو رعد
كاسر ضحك : يالله تعالي
دخلت وعد الغرفة ورفعوا كُم عبايتها وجابت الابرة وكانت كبييرة وقالت وعد برعب : تككفى يالكاااسر
كاسر فز : ابششرري والله بسعدتس
وعد برعب : م ابيي م ابيييهااا
حضنها كاسر وشّدت عليه وعد ودخلت الابرة وعضت وعد يد كاسر وقال بألم : تمونين يالوعد
وعد كانت ترجف : خلصصتت ؟
النيرس ضحكت : ايوه ماما كلاس
كاسر ابتسم : خلاص خلاص الله يجزاتس خييير
وعد تركته وكانت معلمه بيدينه اظافرها واسنانها وقالت بفشلة : هه اسفه والله
كاسر : شدعوة تموننييين ع رقبتي
طلعوا بكيسين دم وكان كاففي جدًا واعطوها هيام وخدروها ونامت بتعب والكل كان يراقب رعد وكيف كان مرتعب وخايف عليها والكل يدعي لهم
قام رعد وقال وهو مبتسم : ابشرتس يمه انتي وابوي بتصيرون جدان
محد استوعب وشهق كاسر : هيااام حااممل ؟؟؟؟
رعد ضحك : ايه ابشركم
الكل فزوا يضحكون ويباركون لهم
ابو رعد بفخر : ماشاءالله جعلني دايم اصير جد دام انه ولدك يالرعد
رعد : الله لايحرمني منكم ي اهلي
سلمى ضحكت : الله يعني هيام بتصير ام
بشرى بفرح : اييييه
الكل كانوا فرحانين وينتظرون هيام تطلع بفارغ الصبر
::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( شرايكم فالبارت وجهزوا عقوبة لسعيد ابي افكار ، وهيااام بتصيير ام وبتشيل بين يدينها ولد الرعد احبكم واستمتعوا 🫶🏻 )