يهزمني الحُب وانا جاهل بدرب المُحبين

البارت السابع عشر

طلع لدوامه وهيام وراه تفووووور
هيام : اه يارب انا متأكدة اننا مسحورين مو طبيعي كل م حاولت اقرب منه يصير شيء اول شيء المشكلة اللي صارت وطلقتني رعد منها وبعدها اول م تصاوب والحين مشاعل !! جد جد مو طبيعي !
كانت هيام تكلم سلمى وصارت تشكي لها وش قاعد يصير لها
سلمى بعصبية : بنت انتي مو مسحورة ولا شيء انتي تزوجتي جدار حرفيًا م عنده مشاعر وطول الوقت دمه يفور واذا مره حبتس وحب يقرب منتس عشان نفسه وعشان شهوته !
هيام فزت : تكفين ي سلمى لاتقولين كذا يارب انه يحبني حب نقي وبعييد ع الامور ذي كلها
سلمى : في شيء يحدد اذا كان يحبتس عشانتس هيام او يحبتس عشانتس انثى وحلاله
هيام بتمعن : اسمعتس
سلمى : سمحتي له يلمستس ؟ يعني نام معتس شيء ؟
هيام بخجل : لا الصراحة
سلمى بعصبية : والله م الومه اذا لف ودار ع مليون بنت غيرتس يالدبشة احد يجلس مع رجل خمس شهور بدون م يسمح له ؟
هيام : اف سلمى تكفييين مو وقتتس انا احاول اقنع نفسي بس عجزت
سلمى : طيب خلي النوم وذيك الاشياء ع خير بسألتس رعد قد شاف جسمتس ؟
هيام هزت راسها بنفي : لا برضو
سلمى : يالله انك تعجل عليها وانا استغفر الله يملعونه بيضطر انه يتزوج عليتس ي مسيار ي زواج رسمي !
هيام : ليييه طييب
سلمى انفجرت تصارخ : رعد يحبتس وجالس صابر عليتس عشان حبه ولا لو انه ملعون كان قد اعرس وسحب ع ابو شكلتس
هيام : اه شجعيني تكفيين مقدر
سلمى : لازم تقدرين عشان تحافظين عليه بصفتس بس مو الحين لأنتس كذبتي عليه وقلتي عندتس عذر شرعي
هيام : طيب متى ؟
سلمى ضحكت : اذا بدأ يتغير عليتس ويكلم او يراسل مشاعل بكثرة احرقيي اوراقها كلها وكوني الورقة الرابحة العبي بذكاء انتي وجهه وعندتس اجممملل م خلق ربي بسم الله عليتس وجسم وتبارك الرحمن تفتننييين الجنسين ابيتس تناديني ذاك اليوم الموعود وبكشختس انا وحننين وبنوقف ضد مشاعل تمام ؟
هيام : تمم معليتس بتجهز نفسيًا لليوم الموعود ع قولتتس
سلمى : واذا جاتس قبلها لاتمنعيننه حرام عليتس ذنب ترا واذا راح وسواها بالحرام الذنب عليتس
هيام : يالله والله ودي اخليه بس مقدر رعد مرعب ترا انتي م تشوفيينه من قرييب
سلمى ضحكت : انا من بعيييد واشوفه مرعب اجل انتي ؟ بس عادي زوجتس يعني مو واحد غريب
هيام : يالله بسكر انا
سلمى ابتسمت وسكرت
اما هيام صارت تفكر مع نفسها وتقنع نفسها انه شيء عاااادي بين الزوجين بس في شيء داخلها يقول لااا
قامت تفكر وش تسوي سحور بحكم انهم ٣٠ شعبان وخلاص بكرا رمضان
_____••_____
مشاعل دخلت المكتب وهي مستعجلة وقالت في نفسها ( حمدلله حطوني مع رعد بدون اي مجهود مني )
نزلت عبايتها وطرحتها وراحت تضبط شكلها فالمراية اللي موجودة بالمكتب كان المكتب متوسط الحجم بس يعتبر كويس
رعد دخل وانصدم ورجع يطلع علطول وهو يستغفر ودمه يفور
منصور : صباح الخييير
رعد : وش صباحه انت !
منصور قطب : شفييك ؟
رعد بعصبية : في وحدة في مكتبي م يسترها شيء !
منصور ضحك : اها هذي مشاعل من الامارات هي كذا تجي الدوام بدون نقاب بحكم انها من الامارات
رعد كانت جنون الارض ع راسه : تسستهبببلل من الامارات ولا من جهنم تتغطى اذا هي عندي سامع !
منصور : ودي اخدمك بروحي يالرعد بس قوانين الشغل الجديد والمكتب الجديد م تسمح لنا نتدخل فالجنس اللطيف
رعد زفر بعصبية وقال : الله يصبرنا
منصور خبط كتفه وقال : عاد لاتقرب منها تذكر انك متزوج وتذكر اننا ع ابواب رمضان
رعد ابتسم : محد مطمني الا رمضان لأنه بيكون اجازة كامل وبنرجع العيد
منصور : اي والله صادق اجل اسمع تراني جاي اخطب سلمى اليوم وانت رجلك برجلي بتوديني لبيتهم لأني م ادل
رعد اعتلى صوته بفرحة وحضن منصور وقال : ع البركة ي حبيبي والله اسسعد من بيجي نسيبنا
منصور ابتسم وسط احضانهم وقال : والله اني اسعد منك يالرعد
رعد : اجل بدخل اخلص شغلي واطلع
منصور : ابد متى م خلصت تعال عندي بخليك توقع خروجك وتطلع
رعد ابتسم ودخل مكتبه
رعد : سلام عليكم
مشاعل ابتسمت : هلا عليك السلام عقيد رعد
رعد لف ليدها اللي مدتها عشان تصافحه وانهبل صدق وقال : اسمعيني زين م ابي منتس شيء اشتغلي وشغلتس يكون ع اكمل وجه وخلاص الله يستر علينا وعليتس
مشاعل ضحكت وهي اول مره تسمع احد يتكلم باللهجة ذي وقالت : شلون جذيه تتكلم
رعد قطب : كيف يعني ؟
مشاعل : تقول شخبارك شخبارتس
رعد ابتسم وقال : ايه ذي لهجتي والله
مشاعل ابتسمت : م قصدي اضايقك والله بس غريبة علي واول مره اسمعها بس حلووه مره
رعد جلس وبدأ يشتغل بدون اي رد
مرت ساعة ونص ورعد منكب ع وجهه يشتغل قامت مشاعل وحطت يدينها ع مكتبه وقالت : رعد تبي اصلح لك قهوة معي ؟
رعد كان حاط يده ع لحيته ويعض ع شفايفه وقال : رعد ؟ وين العقيد اختفى ؟
مشاعل ضحكت وقالت : لا لأننا اصدقاء عمل وجذيه تعرف بس خلاص العقيد رعد تبي قهوة معي ؟
رعد هز راسه بنفي وهو يأشر ع الثلاجة اللي صلحتها هيام له وقال : قهوتي معي بالعافية عليتس
مشاعل كبتت الصرخة وهي ودها تكب القهوة كاملة فوق راسه وطلعت من المكتب وصادفت امل صديقتها
امل : مشاااعلل صرتي سكرتيرة رعد !
مشاعل بأبتسامه : اييه شفتي كيف
امل : والله وسويتيها
مشاعل : امل بسألج الحين رعد متزوج شيء ؟
امل قطبت : وانا وش عرفني
مشاعل مشت وهي تتأفف
امل : وي شفيها ذي
وصلت مشاعل للمطبخ وسوت لها قهوة وهي تفكر وتذكرت يد رعد اللي كان حاطها ع لحيته وشافت دبلة وشهقت : لا يااارب م يكون متزوج يااارب
رجعت ركض للمكتب وقالت : رعد انت متزوج ؟
رعد بدأ ينفذ صبره من اسألتها اللي خارج نطاق العمل وقال : مشاعل متى بتبدأين تشتغلين ؟
مشاعل : بس اسأل طيب
رعد م رد عليها بحكم انه مالها دخل في حياته الشخصية
مشاعل ركزت فالخاتم وكان دبلة زواج منجد وقالت : اوهو العقيد متزوج !
رعد رفع راسه لها وقال : هاه ؟
مشاعل اشرت بأصبعها ع الدبلة وقالت : طلعت متزوج
رعد نزل عينه لدبلته وتذكر كل شيء يخص هيام وقال : ايه متزوج ناقصتس شيء تبين تعرفين شيء جديد ؟
مشاعل جلست ع مكتبها وحطت رجل ع رجل وقالت : ايه ابي اعرف شيء الحين انت متزوج من متى ؟
رعد لو يبي يعترف بيعترف انه ذاب وتخدر لشكل مشاعل وكلامها وجلستها كانت تشد الواحد غصب وقال : ٥ شهور تقريبًا
مشاعل ضحكت : اوه قرييب توك عريس
رعد التفت لجواله اللي دق وكانت هيام قفل جواله وهو داخل ع وجهه لمشاعل
مشاعل شافته يسكر وقالت : شفيك رد يمكن زوجتك قلقانة عليك
رعد ابتسم : لا معليتس مو هي اللي تدق اصلاً
مشاعل : اوه كويس اصبر عندي كم معاملة ابيك توقع وتختم عليها
رعد بدون م يناظر : جيبيها طيب
دخلت مشاعل تحت مكتبها وفتحت شنطتها وحطت عطرها ع نحرها وعلى اماكن جس النبض بيدينها واخذت المعاملات ومشت ووصلت لكرسي رعد ونزلت المعاملات قدامه وقالت : هذي هي كلها
رعد كان هيمان فيها وفي جرأتها وريحة عطرها كان ممكن لأي رجل يفُتن بسرعة من مشاعل وقال بصوته الرخّيم : مشاعل
مشاعل ابتسمت : لبيه
رعد وقف من كرسيه وبان فرق الطول كانت مشاعل اطول بشوي من هيام بس اللي رفعها كان الكعب اللي صوته يدوي بالغرفة وقال : وخري شفيتس انتي بطلع اجيب الختم
مشاعل حطت يدها ع صدره وقالت : لا لا والله م تروح انا اجيبها
رعد انصدم وذاب فعلاً بس علطول رجع خطوتين ورا وهو يتعوذ من ابليس اللي كان شاااطر في الامور ذي
طلعت مشاعل وزفر رعد براحة وقال : ييهووه اصحى ع نفسك !!
ومد جواله وم زالت اتصالات هيام م توقف فتح وقرب الجوال ع اذنه وقال : لبيه يهيامي
هيام بعصبية : لبك زرب ان شاءالله ( الزرب يعني الشبك حق الغنم الشائك ذاك يارب عرفتوه 😭 )
ضحك رعد وقال : وشفييتس افا صدق
هيام : انت اصنج ويينك من الجوال !
رعد : والله اشتغل
هيام كان قلبها يوجعها وهي تحس ان مشاعل عنده بس م سألت وقالت : اسمع البيت فاضي جيب اغراض معك عشان السحور الليلة طيب ؟
رعد : ابد ابشري بس ارسلي لي كل شيء ع الواتس
هيام كانت بتتكلم بس وصلها صوت مشاعل وهي تقول : رعد خذ الختم
رعد اخذه وقال : شكرًا بس ليتتس خليتيني اروح
هيام علطول نزلت دموعها وقالت : يالرعد
رعد م كان يسمعها وكان منزل الجوال ع الطاولة ونزل الختم ورجع يرفع الجوال لأذنه وقال بهمس : هيام خليتس معي
طلع رعد من المكتب واتجهة للساحة الخارجية
رعد : هيامي ؟
هيام كانت تمسح دموعها بقوة وبعنف وقالت : هلا
رعد كان حاس الا متأكد انها متضايقة بعد م سمعت صوت مشاعل وقال : هياامي
هيام م تحملت وبعدت الجوال وانهارت
رعد ابتسم بضيق اول م وصل صوتها الباكي لمسامعه وقال : هيام تسمعيني
هيام اخذت الجوال وحطت ع اذنها وهمهمت له : ههمم
رعد : انطقي طيب وشفيتس ؟
هيام تنحنحت وقالت : م فيني شيء
رعد ابتسم : جهزي نفستس ربع ساعة وانا عندتس ونطلع نتغدى برا
هيام ابتسمت وقالت : ابشر
رعد سكر وطار لمكتب منصور وسلمه المعاملات وقال : خلصت اطلع ؟
منصور شاف الساعة ٤ العصر وقال : وقع ودربك خضر
وقع رعد وطلع ركض لسيارته ومشى متجهة لبيته
_______••_______
عند عراسننا فارس وحنين كانوا فالقاعة
فارس كان مشبك يده بيدها وقال : خلاص نأخذها ؟
حنين بفرح : ايه تجنن مرره
فارس ابتسم : والله م يجنن الا انتي خلي مني القاعة
حنين ضحكت بخجل : يالفارس ارحمني تكفى
فارس قرب منها وقال : لا والله يحنيني انتي اللي ارحمي فارستس
حنين شدت ع يده وقالت : الله لايحرمني منك يروح حنينك
فارس ابتسم : ولامنتس يارب نطلع ؟
حنين هزت راسها بنعم وطلعوا يجهزون لزواجهم اللي بعد رمضان وكان تحديدًا ثاني ايام العيد
_____••____
قرييب جدًا في بيت محمد وبشرى
بشرى شهقت فجأة : محححمممدد
محمد جاء ركض من الصالة : وشفيييتتس !!
بشرى وسط دموعها : انناا حاامملل
محمد : حلفتتس بالله !!!
بشرى فتحت يدينها له وجاء محمد وحضنها وقال : يارب لك الحمد ياارب
بشرى ضحكت : وااه كنت حاسه والله
محمد ابتسم وباس راسها بقوة : الله يبشرنا فييه يارب
بشرى : اميين يارب
محمد بمزح : نروح نشتري اغراضه ؟
بشرى : خير محمد اول شيء نروح نحلل نشوف كم صار لي وبعدين شفيك تتكلم بصيغة ولد انا ابيها بنت
محمد حاوطها بيده وهو يضحك : ولد بنت م يفرق اهم شيء امهم انتي
بشرى ذابت فيه وحبت محمد من كل قلبها وقربت منه وحطت راسها ع صدره وقالت : الله لايخليني منك يارب
محمد مسح ع شعرها : ولامنتس اسمعي خلينا نروح لأهلي ونفاجئهم
بشرى ناظرت بعيونه وقالت : لا عندي فكرة احسن
محمد : هاتي
بشرى : اذا رحنا للشالية نسوي حفلة بسيطة ؟
محمد ابتسم : والله اهنيتس ع الفكرة تم والله انه تم
بشرى ضحكت : الله يتمم لنا يارب ونشوفها بين يدينا
محمد : اميين
لبست بشرى عبايتها وراحوا للعيادة
______••_____
عند ابطالنا وصل رعد البيت مستعجل ودخل
رعد : ياهيام الرعد
هيام كانت فالغرفة : لبيه شوفني فوق تعال
رعد طلع لها ودخل وقال : تكفين ارفقي بي يالهيام تكفين
قرب منها وحاوط خصرها بيدينه وقال : اشهد بالله م ذبحني الا خصرتس
هيام بخجل كانت تلبس حلقاتها وقالت : رعد خلاص ابعد
ضحك رعد وقال : بدخل اخذ شور سرييع البسي وانتظريني تحت
هيام هزت راسها بموافقة وراح رعد يتروش
قامت ووقفت ومسكت خصرها بيدينها وقالت : شفيه ذا ع خصري مو من زينه
وصارت تلف وتدور بعدين قالت : الصراحة حلو والله يعني م الومه وضحكت وطلعت للدولاب وطلعت ثوب لرعد وملابس داخلية وراحت للشماعة و اخذت شنطتها وعبايتها ونزلت تحت تنتظر رعد
رعد خلص وطلع يلبس ووقف عند المراية وشاف اثار الطلقات وجلس يتححسها بيده وقال : يالله يارب لك الحمد انا كيف نجوت
كمل يطلع له ملابس وقال بصوت عالي : هيام وين ملابسي ؟
هيام طلعت ودخلت : خير رايح الدولاب شوفني مجهزتها لك
رعد حك راسه وضحك : يوه معليش والله م شفتها
هيام ضحكت ولمست صدره بيدينها وقالت : تصدق انك تفتن بدون شيء يغطي صدرك
( رعد تكهرب جسمه وكانت لمسة هيام له جددت داخله شعور الحب لها وكانت لمستها تشّد اكثر من مشاعل ع انها كانت نفس المكان )
ابتسم رعد وحط يده ع يدها وقال بخبث : تبيني اكنسل الغداء ؟
هيام فهمته ونزلت راسها بخجل وقالت : معاد صار غداء تأخرت علي
رعد قرب وحط راسه ع كتفها وقرب من رقبتها واستنشق عطرها وهمس : قسم بالله اني احبتس واهيمتس يهيامي
هيام حاوطت رقبته بيدينها وقالت : ها قسم بالله مو كثري
رعد ابتسم وقرب اكثر لهيام لدرجة انها جلست ع السرير وقلبها يدق برعب وقالت : وشفيك تناظرني كذا !
رعد ضحك وقال : وشفيتس كيف تبيني اناظرتس ؟
هيام وقفت وقطعت المسافة بينهم كانوا لاصقين ببعض ورفعت راسها وقالت : اخلص انا تحت انتظرك
بعدته وهو يضحك بصوت عالي بعد م احرجها وقال : هو بعد حركاتتس ذي والله انه قريب جدًا
هيام : اخللص بس
ضحك رعد واخذ ملابسه ولبس وتعطر بالعود وعطر شعره ببخاخ عود واخذ الجمر اللي جهزته هيام وحط العوده عليه وتبخر ولبس ساعته وشماغه ورجع ياخذ المبخر وبخر شماغه ولبس الكبك حقه وطلع لهيام
رعد : جاهزة ؟
هيام كانت عند المراية تضبط نقابها وقالت : ايه
اخذت شنطتها وطلعت وراه
ركب السيارة واول م ركبت هيام قال رعد : هيامي وين مكان يدتس دايم ؟
هيام م فهمت وقالت : ايش ؟
رعد كان فاتح يده عشان يشابك يده بيدها وقال : يدتس هاتيها
هيام للحين مفهية وقالت : انطق وش تبي بيدي !
رعد مد يده وسحب يدها وشد عليها بقوة وقال : يدي مكانها !
هيام ضحكت وقالت : اها طيب شوي لاتكسرها
رفعها رعد وباسها بقوة وقال : جعلني الكسر م اكسرتس يبنت سيف
هيام ابتسمت بحب وقالت : بسم الله علييك ياكُل رعّودي
رعد شد على يدها وناظرها وفتح عيونه لوهلة وكانت عينه تشّد الواحد وقال : ياحظ رعوُدتس فيتس
هيام ضحكت وكملوا طريقهم للمطعم اللي حاجزة رعد لهم
_______••______
ام محمد : خلصتوا جهزتوا كل شيء
ام رعد : ايه يخالة يالله مشينا
ركبوا السيارات العايلة كاملة متجهين للخبر مع بشرى ومحمد
اما في بيت ابو ضاري
دق الباب منصور وكان مع اهله وفارس معه بحكم ان رعد اعتذر وم جاء
فتح زايد وقال : ارحببووا يالشيوخ
ابو منصور كان فريق اول متقاعد وله هيبته حتى من الشكل وقال : البقى
زايد ارتعد من صوته كان مرعب
""""""""""""""""""""""""""""""""""
تعريف بسسيط
ابو منصور ( عبدالرحمن )
كان شديد وصلب شخصيًا وحتى في قرارته خدم الوطن حتى وصوله لسن ٦٠ وتقاعد قبل سنه عمره " ٦١ "
ام منصور ( منى )
كانت لطيفة مع الكل الا اللي يمس عيالها او زوجها بشيء مو كويس علطول تقلب شيطان وتدمره كانت من عايلة ثرية عمرها " ٥٤ "
منصور ( البطل الثالث )
منصور البكر واكبر عيال ابو منصور صلب نفس ابوه بس كان يلين علطول ويتفهم كان يملك شخصية مرحه وروح حيوية ويحب من قلبه ودليل ع ذلك خطوبته ع سلمى وهو م شافها الا مره عمره " ٢٩ "
ليلى
اطيب قلب فالبيت كله وكانت متحمسة لزواج منصور من سلمى بعد م اخذت رقمها وصارت تكلمها وتخطط معها عسسووله بمعنى الكلمة عمرها " ٢٥ "
ثابت
اخر العنقود وحبيب الكل ثابت جاء بعد ليلى بـ٩ سنوات وكان روح البيت واحياه بعد تعب ام منصور واجهاضها المستمر ربي رزقها بثابت وسموه كذا لأنه ثبت في بطن امه عمره " ١٦ "
"""""""""""""""""""""""""""""""
ابو ضاري رحب بضيوفه وجلسوا كلهم
ابو منصور : والله جايين نخطب بنتكم سلمى لولدي منصور
ابو ضاري ابتسم : ابد والله انها الساعة المباركة يبو منصور
ابو منصور ابتسم : الله يبارك فيك يارب
ابو ضاري : والله انا موافق والبنت موافقة ورأيها من رأيي
ابو منصور بحدة : تسلم يبو ضاري بس ودنا نسمع موافقة البنت
( منصور كلم ابوه قبل يدخلون عليهم انه موافق والبنت رأيها من رأي ابوها وخاف ابو منصور يظلمون سلمى عشان كذا يبي يسمعها توافق )
ابو ضاري ضحك بعد م فهم وقال : ابشر
دخل زايد ومعه ابو منصور وابو ضاري وقال زايد : سلمى موافقة ؟
سلمى : شوركم يأخواني وابوي وهداية الله
ابو منصور بصوته الثقيل : يبنتي خلي شورهم انتي تبين منصور
سلمى فزت من صوته وقالت في نفسها ( اعنبو ابليستس ي سلمى طحتي ع ضباط وفرق يويلي ويلاه يالصوت )
تنحنحت وقالت : ايه ياعم موافقة
ابو منصور ابتسم : اجل ع البركة
طلعوا بعد م حددوا الملكة والزواج بعد شهرين يعني في شهر ١١
_______••______
سلمى دخلت غرفتها بسرعة وهي صارت لحالها بعد م طلعت بشرى ودقت مكالمة ثلاثية فيديو ع هيام وحنين
سلمى بملل : ولعنه ردوا والله تزوجتوا وسحبوا علي ترا حتى انا انخطبت !
حنين ردت : هلا والله سلومتي
سلمى : هلا فيتس حنيني
ردت هيام وهي فالسيارة بحكم ان المطعم بعيد وقالت : يوهه ي سلمى مو وقتتس
سلمى بصوت عالي : ليييه يحبيبتي ولا اشغلتس رعد وبعديين وينتس رايحه ؟
حنين وهيام ضحكوا ولفت هيام الجوال بهدوء ع رعد وهمست : شوفي
رعد كان يناظر فالشباك وكان وقت غروب وشكله مُثيييير
سلمى بمزح همست : اعنبوه اشهد انه ششققق
هيام كانت ماسكه الجوال بيد وحدة عشان رعد ماسك يدها الثانية وقالت : رعد شوي لو سمحت
رعد : وشفيتس ؟
هيام بصوت عالي : وجعع يوجعتتس ياللي م تستحيين زوجي ترااه !
انفجروا حنين وسلمى ورعد كان مصدوم وقال : بنت صاحية انتي ؟
سحبت هيام يدها وقالت : ايه شفيك اكلم البنات
رعد ابتسم : اوووه ومين اللي تتكلم فيني ووش تقول
سلمى انفجرت ضحك وقالت : انا انا اللي تكلمت فيك
رعد : ايه سلمى وافقتي ؟
سلمى : ايه ابشرتس ياهيام خذيت لي لواء مو عقيد زيتس
رعد ابتسم وقال : عن الغلط وبعدين هيام خذت لها عميد مو عقيد العقيد قديم الحين ترقيت
هيام فزت هي وحنين وقالوا : والله؟
رعد ابتسم وقال : اجل ليه موديتتس مطعم عشان نحتفل انا وانتي
هيام صفقت وقالت : ع البركة يحبيبي انت تستاهل كل خير والله
رعد مسك يدها وباسها وقال : يبارك فيتس يعيون حبيبتس
سلمى بمزح : افوووه ريحة حبيبّة ابعدوا مني
حنين : اح تحسست
سلمى : ليه وشدخلتس انتي
حنين ضحكت : انا مع فارس
سلمى : اه يحظي المخيس انا حط الملكة مع الزواج بعد شهرين
هيام : احسن اعقلي قبل تاخذينه وينجلط ويطلقتس
سلمى : خفي علينا ياهيام المهم بنات بس جيت اقولكم اني انخطبت وابيكم اول من يعرف ومني بعد
هيام : ع البركة يعيوني الله يتمم لكم ويجمعكم ع خير
حنين : واه ي سلوم والله وانخطبتي الله يوفقتس يعيون خواتتس
سلمى ردت عليكم وسكرت
رعد ابتسم : يحلو علاقتكم ببعض الله لايغير عليكم
هيام : خلك مننا والله اني اعششق علاقتك بفارس
رعد ضحك : والله ؟
هيام ضحكت : اي والله مو طبيعي كل م اشوفكم مع بعض اتأملكم بحب
رعد قرب ومسك خشمها من ورا النقاب وقال بحدة : تأمليني انا وش لتس بفارس !
هيام ضحكت بقوة : يووه وغيرة الرجل السعودي
رعد ضحك : عششنا اي اكيد بغار ع مرتي
هيام شهقت : رععدد فووتت مدخل المطعم
رعد : كله منتس ضيعتي بي وسرقتي عقلي
هيام ضحكت وقالت : ادخل من هنا
رعد وهيام نزلوا وعطاهم رعد مفتاح السيارة ودخلوا للمطعم
هيام بحب : يالله يجنن !!
رعد شد ع يدها وقال : مو مثلتس
هيام ضحكت بخجل
ودخل رعد داخل المطعم ووقف ملازم كان يعرف رعد ودق التحية لرعد وقال : حي الله العميد رعد ومبروك الترقية
رعد ضحك ورجع هيام وراه وتقدم وقال : استرح وحي الله نباك ي عيد وعقبالك
عيد : انا مطول والله المهم م ودي ازعجك واخذ من وقتك
سلموا ع بعض وقال رعد : انشهد اني مشغول مع الاهل تسلم والله وشوفتك اسعدتني
عيد ابتسم : والله انا اسعد يالرعد
راح رعد ومسك يد هيام وقال : اذا شفتي احد يناديني ارجعي وراي طيب ؟
هيام استغربت وقالت : خير تتفشل مني !
دخلوا الغرفة وقال رعد بجدية : اعقلي واسمعيني انا وراي اعداء كثيير وم يقدرون يأذوني عشان كذا بيجونتس انتي فهمتي !
هيام نزلت عبايتها وضبطت شعرها وقالت بخوف : يمه انا وش زوجني عميد
رعد كان يتأملها وقال بحب : العميد ذا انتي في وجهه وشنبه والله محد يقرب منتس وراسي يشم الهوا
هيام ابتسمت وقالت : يالله وشكثر الحب يالرعد
جلسوا وطلب رعد ووصل الاكل واكلوا
كانت ليلة لطيفة ع كل الاطراف الا طرف واحد بعيد
مشاعل بعصبية في بيتها : انا يتجاهلني ويطلع !!
دخل سعود وكان حبيب مشاعل وقال : مين اللي يتجاهلك ؟
مشاعل لفت له بحدة : م يخصك !!
سعود ابتسم وقرب منها ودفها ع السرير واعتلاها وقال : انا اعلمك شلون يخصني
صرخت مشاعل وخاف سعود منها وطلع يركض وطلعت وراه وقالت : والله لعاد اشوفك جاي هنييه تسمعع
ودخلت تتكشخ ولبست عبايتها وطرحتها وطلعت بعد م عرفت وين مكان رعد
_______••______
طلع رعد يحاسب ورجع للغرفة وم حصل هيام ولا حتى اغراضها فز وقال في نفسه ( اه ياهيام م ترتاحيين الا وانتي ضايعة !! )
هيام كانت ضايعة بس كانت تتأمل المطعم بحب وتشوف تفاصيله والقُبب اللي فالسقف كان كبيير وحق كبار الشخصيات
موظف هندي : ماما كيف يساعد انتا ؟
هيام تذكرت موقف الهنود وشهقت وقالت : ابععد مني !
الموظف انخرش وقال : اوكي
وراح واختفى من انظارها وقالت : الله ياخذكم يارب وكملت مشي وجوالها تفجر من مكالمات رعد
طلعت جوالها وهي توها تحس بأهتزازه وردت
رعد بعصبية : ياهيامي وينتس !!!
هيام ضحكت : مدري بس موجودة فالمطعم
رعد ضرب راسه وقال : طيب اطلعي انا برا والله لا احاسبتس ع الجوال اللي م تردين عليه
كانت هيام بترد بس قفل رعد وقالت : عمى وشفيه ذا
طلعت هيام وشافت سيارة رعد بس م كان فيها وقالت : وينه ذا
م اهتمت كثير وركبت السيارة وقفلتها عليها وثواني ودق الشباك حق رعد ولفت وحصلته يأشر عشان تفتح ضحكت وفتحتها وركب رعد
رعد : ايه يعيون رعد وين كنتي
هيام : مدري والله اقولك كنت امشي وضيعتك
رعد ابتسم : يالله يالله نمشي ؟
هيام اشرت بيدها كذا 👍🏻
رعد كان بيمشي بس لمح مشاعل ووقف علطول قربت مشاعل من السيارة وفتح لها رعد بدون م يحس وقالوا في نفس الوقت
مشاعل : ررععدد !
رعد : مششااعلل
مشاعل ضحكت : واااي يالصدفة
رعد ابتسم : ايه والله صدفة
مشاعل : شكلك ماشي ؟ ( وكانت تناظر هيام بقرف )
رعد : انشهد الحين طالع
مشاعل شهقت : معليشش والله هذي زوجتك ؟
رعد لف لهيام اللي اقل م كان ينقال عنها نار تحترق وقال : ايه زوجتي
مشاعل : ااممم تصدق عاد انت اجمل
رعد انصدم وقبل يرد ردت هيام وقالت بعصبية ودمها يفوورر : حبيبتي استحي ع وجهتس وامشي قبل انزل والعن ابو جدانتس !
مشاعل ضحكت بغنج وقالت : وي شفيها هاذي مسترجلة حبيبي انثى انتي تعلمي شوي المهم رعد ممكن تنزل ابي اكلمك بموضوع
رعد م كان مع هيام كثر م خطفت بصره مشاعل وقال : الحين جايتس
هيام بعصبية : ننعععمم !!! وانت ويين اذلف
رعد لف لها : هييااام شفيتس تصارخيين دقايق وارجع
هيام بجدية : وقسم بالله لا تنزل من السيارة انك معاد تشوفني !
رعد ضحك : وين بتروحين يعني ؟
هيام : قلت كلامي وم بعيد فيه
رعد ضحك وطنش هيام ونزل يحسب مشاعل بتكلمه عن الشغل
هيام شهقت وقالت قبل يسكر الباب : رععد !!
رعد لف لها : روحه وعيونه
هيام : انا اتعزوى فيك يالرعد اركب يرعد اركب ولاتخليني عشانها !
رعد : اعنبوتس تحززمميي والله م اروح مكان
ركب رعد وباس راسها بقوة وضحكت وهامت فييه اكثر واكثر وحمدت ربها ع وجود رعد بقربها
:::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم🤍
( البارت بداية جيدة لمشاعل بحياة رعد استمتعوا فيه لأنكم بتزعلون بعدين😭😭😭🤌🏻)