حمامتي السمراء

البارت الثاني

حمامتي السمراء ل شفاء ال سالم
حسام

اليوم دزيت سمر عليها تحاچيها لان من صدك مااتحمل بعد بلكت توافق واذا موافقت راح ارجع ادزها مره الخ واذا موافقت اروح اني بنفسي عليها واحاجيها لحد متوافق دزيتها وطلبت منها تگعد بالحديقه حتى اصعد للطابق الثاني بالبيت اباوعلها راحت سمر والله مچذبت خبر صعدت ركض وگفت بالشباك
اباوعلها ومركز كلش عليها مره تعگد حاجبها ومره الاخ تبتسم مره خجوله ومره متعصبه چانت كل شوي بتعبير
على وجهها

شكد حلو لو عرفتج قبل هالوقت شكد حلو لو مچان وطنا ينزف شكد حلو لو چنا بمكان بعيد عن كل هالخراب والحروب شگد حل.... فجأه صوت هاون وچان مو بعيد كلش بدون وعي فتحت الشباك وصحت عليها حتى تفوت جوا هي وسمر
لمحت ابوها من بعيد سديت الشباك ورجعت ليورا عرفته هو الي حيدخلهم جوا
بقيت واگف حد مفاتوا جوا للبيت ونزلت اني ح

هاذ اول هجوم صار بعد فترة هدوء وگع الثاني وچنت توي نازل يم عمتي وراها ردت اطلع لمن وگعت القذيفه الثالثه بحوشهم طلعت اركض عليهم اسمع صوت صياح يمهم.....
وصلت لگيت ابوها بالگاع مدد وفوگاه اخوانه والنسوان والجهال شفتها وهي عيونها مغورگه دموع ووجها شاحب جانت عيونها معلگه بأبوها ومبين عليها الصدمه رغم ابوها چانت حالت زينه كلش بس لان چان واگف يم الشباك مضروب راسه بالشباك ومچان عنده لا جروح ولااصابات ....... والحمدلله انه بطرف حوشهم وبعيد مو قريب كلش على بيتهم خلال الهوسه وگعت القذيفه الرابعه بس چانت بعيده مشفنا بس الدخان
حاول ابوها يگوم نفسه سندوه عمامها وگام
وهي من الخوف وگعت بالگاع وحاروا اهلها بيمن يلتهون اني من يمي صحت
-هبط سكرها موجود اي شي حلو چكليت شكر اي شي.
عمامها ملتهين بأبوها وخواتها ما يعرفن شيسون رفعت راسها من الگاع على ايدي جابت الي اختها چكليت فتحت اختها حلگها واني صفنت بملامحنها سبحان الي خالقها چانت ملاك ونايم ولا عبالك بشر سبحانك ربي
حاولت اصحيها اطبطب على وجهها ماكو رشيت على وجها ماي ومسحت وجها وخليت چكليته بحلكها بالگوه
شوي بدت تصحصح فتحت عيونها وصاحت
-بابا وين
- ابوچ زين حمدلله شون صرتي انتي محاوبتني جانت عيونها تباوع بكل مكان تدور لابوها حطت ايدها بأيد اختها وعافت ايدي وبدت تسحل بنفسها سحل راحت شافت ابوها مگعدي ع القنفه ومغسليله شافته وگامت تبجي اخذها بحضنه
- مابيه شي بابا لتخافين بس من الاعصار والضربه قويه صار هيج
- -خفت عليك بابا
- مابيه شي يابنتي
- يعني هسه انت زين
- وعيونج بابا كلشي مبيه

حاولوا عمامها يلطفون الجو ورا الهبطه الي صارت بيهم گامو يضحكون عليها ويقلدون حتى يثولون الموضوع

صفنت عليها من كل عقلب بحضن ابوها عبالك طفله رقيقه وحنينه هم كلش نيالي بيها لو صارت الي
سحبت نفسي وطلعت اخذت سمر وياي قبل ليصير قصف انوب وصلت البيت واني مو بوعيي اتذكر شون جانت فاقده وعلى ايدي نايمه مشايف بشر شايل هالملامح هاي والرقه والنزاكة كلها مبينه بيها ......

هدا القصف والحمدلله ماكو شهداء بس جرحى من الاهالي لان كل البيوت جانت فارغه مبينه ٣٠ بيت الي بقينا بالمنطقه الفقراء والي معدهم امكانيه يطلعون والي ما الهم احد يروحوله ..... وچنا ساكنين قريب واحد ع الاخ يعني اخاف احد يحتاج شي او يصير قصف هجوم نكون قريبين ع بعض ومسوين حراسات ليليه من شباب والزلم الي بالبيوت يبقى بس الرجال الجبير بالبيت وي العيله الباقي كلها تطلع مناوبه التحقت اني بالحشد متطوع لان جانوا يحتاجون عناصر حتى يسدون النقص اني من النوع الي احب شغل الجيش والشرطه والاسلحه عندي الها عشق فضيع بس الضروف مسمحت حتى اكمل دراستي والتحق بيهن ف من جتي فرصة الحشد تطوعت گبل بدون

اجه الليل وقبل لااطلع للمناوبه سألتها لسمر
- شكالتلج ؟؟!
- منو
- زينب منو يعني
- اهااا بعد الي صار بعدك تذكر الموضوع
- مانسيته اختصري شگالت
- گالت لا
- والله وليش
- مااعرف گالت ممستعده
- يي مطاير وراها على راحتها ترى چان كتيلها فكري
- يي مو بعد مكملتلك وكتلها فكري
- يي وشكالت
- هم لا
- محچيتيلها عني
- يي بلي بس بعد مكملتلك
- تكملين لا هسه ارتكب بيج جريمه لتلعبين بأعصابي
- گالت اجربه واختبره واذا نجح اني موافقه
- يييييييي گولي هيج من البدايه بدل متلعبين بأعصابي
- اوي معرفتك رقيق
- يلااااااا مو شغلج
- خلصت مصلحتك مو
- لا شعندي غيرچ بنت خالتي واختي
- هااا عبالي وين هديتي
- الهديه بالعرس والحنه اخذچ للصالون من تصير
- اممممم خ نشوف

طلعت للمناوبة الليليه واني احس نفسي طاير مو بالدنيا هاي ولا بالخراب والحرب بس بشنو راح تختبرني اني مستعد لكلشي اذا گالت موت نفسك اموت على مودها ممصدك اول مره گلبي يدگ لبنية وتلفتني رغم شايف كوم بنات بس مو مثلها ولا احد يشبهه حوريه وواگعه من الجنه متأكد انجح بأختباراتها وافوز بيها وبگلبها
جنت داحجي وي نفسي واجه رائد دنطلع للمناوبه سوا
- هايول تخبلت تحاجي نفسك
- يي غير مشفت عيونها
- عيون من ؟!
- خالتك
- هاا ع الخير وگعت
- وگعت والله ومحد سمة عليه
- شوفلنا اختها بنت عمها
- انجب مو مال هاي سوالفك التعبانه
- يمعود نتونس هي الدنيا شبيها غير البنات والاكل والنوم
- بيها حظك الطايح
- شكلنه هسه متتحاجه على كيفك
- احجيلي وين لكيتها وين شفتها تعرفت عليها
- هسه نوصل واحجيلك
رائد مو غريب هو ابن خالتي الي ربته امي وعاش ويانا يعني اخوي الي مجابته امي ووسندي بوكت الشده شراح احجي لرائد عنج شكله وشحجيله عنج شون اوصفج مااعرف شكله سمره وعيونها صغيره وعليها نظره تموت لو اكله على شعرج الي منازل عن جتفج لو اكله على طولج الي مبي شبرين مراح اكدر اكله على هذني كلهن لان حتى لو جان اخوي بس انتي الي ومالتي راح اكله شي واحد وبس راح اختصرها بأغنية محمد انور

مختلفه على عباد اللة
مختلفه على عباد الله
الشمس تنور بظله
بعينه عود الماصله
من تمر هالناگه
مابي نقص الله مكمله