حمامتي السمراء

البارت الرابع

حمامتي السمراء ل شفاء ال سالم
حسام
"""""""""""""""""
‏ "كيفَ أُفرِّقُ بينها،
وبينَ النُّجُومِ؟
إنَّها تُضيءُعليَّ الليل."
- أحمد هويدي

""""""""""""""""
ماصدگت ارجع هاي اول مره احس مغصوب ع الالتحاق ومااريد التحق واول مره احس طولت هناك رغم مره من المرات بقيت شهرين بس هيچ متلهف اشوفها وكل ما يتصاوب واحد او ينجرح اخاف يجي دوري ومااشوفها ومتكون الي اني شسويت بنفسي وبيها اني وضعي ممعروف شنو وارجع ماارجع شيصير مااعرف بس والله مو بيدي حبيتها وهي تنحب غصب وتدخل الگلب بسرعه يعني الخلل بيها شدعوه هالگد حلوه .......
يارب تعدي هالفتره على خير ونخلص ...مصدگت من نزلونا على اهلنا وطلبت منهم ينزلوني بالمنطقه يم بيت خالتي مو يم بيت اهلي وفتت ركض مشتاگ اشوفها وگعد وياي الحظ ولگيتها هناك بس چان مبين عليها العتب والزعل ولا باوعتلي اصلاً بس مدنگه عبالك دتعاقبني وتحرمني من نظرتها وشوفة عيونها ...طلبت من سمر تطلع وهي مچانت موافقه تبقى وياي مو خايفه مني بگد مچانت عتبانه عليه وزعلانه مني حاولت ارضيها واعرف مو بهالسهوله وبالاخص صار اسبوع لا حس ولا خبر الشبكة زفت بالمناطق الي بيها داعش حاولت وياها والله وشوي احس بدا گلبها يلين وبس بدت تتجاوب وياي گتلها

- لا متكفيني هاي اريد اكثر...........

گلت هيج ووجها گام ينطي الوان عرفتها خافت

- زينب : هاااااااااا
- سمعتيني مووو
- هاااا شنووو
- حسام : ههههه مثل احبك مشتاقتلك
- هااا هيج
- ههههه وين راح بالچ وغمزتلها
- هااا ولا شي لتغمز عيب عليك وبعدين تحلم تسمعها وانت بعد مكملت اختباراتك
- شتردين هالمره !؟
- اثبات قوي انه انت تحبني

مااجه بالي شي هالمره بس باوعت والرشاش چانت بظهري سحبتها وخليتها على گلبي هي من شافت هيچ رجعت ورا وگامت ترجف

- اذا تشكين انه اني مااحبج ونيتي وياچ لعب هاچ اضغطي الزناد
- شدسوي مخبل انت وخرها
- ييلا شبيج مو تردين اثبات قوي
- مو هيج لخاطر الله وخرها
- مو وكتها اذا مضغطتي ع الزناد معناها موافقه وانتي حبيبتي
گعدت ع الچربايه وغمضت عيونها وحضنت نفسها وگامت تعيط وترجف اني خفت عليها لتفقد بس هالمره لازم انهي الموضوع وتصير الي
- وخره الله يخليك مو هيج
- يعني موافقه عليه
- موافقه موافقه بس وخره هسه يطگ
- اخر كلام ماكو تراجع مو
- ييي شنو جاي نلعب وخره
- يعني تحبيني مو
- يي بس وخره
- مااريد اييي اريد اسمعها
- ااااانييي ااا احبك
سحبت الامان وذبيته بالگاع رحت گعدت بالگاع يم اديها لزمتها من ايدها چان جاي بالي كلش احضنها واخليها تهدأ بس خفت اتسرع وتلاگيها حجه وتبطل

- حسام : اهدأي ذبيته ومصار شي
- زينب : شنو هالخبال كل عقلك تسوي هيج
- انتي تردين اثبات
- بس مو بالسلاح
- الكلام ميفيد الحلف والقران ميفيد مبقت بس هالطريقه وهسه صرتي حصتي
- دوخر وخر عني
- يلا كافي ماكو هديه منا منا حتى نبدي بداية حلوه
- هدية شنو
- الي اجه بالج
- كلشي متحصل يلا اننننننننننننننننننننن
- المهم وافقتي وصرنا بعلاقه رسمي
- اذا معجبتني تصرفاتك واذا سويت شي غلط واذا رحت التحقت بدون متجي وتكلي اعتبرها ماكو
- ههههههه تهديد
- لا دااحجي صدك
- فديت القوي المعصب اني

ابتَسمتَ واحس الشمس طلعت بنص الليل

- لضحكين كدام احد ضحكتچ تخطف الگلب
- هاااا ترااااا تأخرت لازم اروح
- بس من اجي واريد احجي وياج تتأخرين ووي سمر تبقين لنص الليل
- لا والله مو هيج بس هسه تجي خاله ام سمر من يمنا وتفتقدني امي
- اذا هيچ تمام اوصلج
- ميحتاج
- صرتي الي بعد مو طلب امر هاذ
- اني مااحب الاوامر
- بس مني راح تحبيها وغمزتلها
- لتكثرها عود
- افكر عود

فتحت سمر الباب بسرعه وبقوة دفعته

-حسام : سمر ليش مااخليج ويانا بالحشد من نروح نهجم خوش تكسرين ابواب
- سمر : انجب صوجي فوك ما خايفه عليكم امي اجت
- زينب : عزااا يلا اني رايحه
- تمام جاي اوصلچ
- ميحتاج
- شحچينا
- سمر : هاا هااا زينب بس عليه مسويه نفسچ شخصيه وقويه
- زينب : انجبي مو هيج
- حسام : معليج اثنين يحبون بعض شدخلچ بينهم
- سمر : احم احم صايره تطورات بالغرفه من وراي
- زينب : اني اروح هسه وبعدين اعلمج
- حسام : امشي خلي اوصلج
- زينب : تمام

راحت تمشي واني وراها حد مدخلت حديقتهم
- زينب
- هاا
- واني هم احبج ابتسمت وخلت ايدها على حلگها يعني فهمت قصدي بقت كل شوي تلتفتت حد مااختفت راحت تمشي واحسها تدوس بگلبي مشيتها بهذاك اليوم اني الطير الي محد يلزمني من الفرح احسها حمامه وين متروح تنشر الحب والفرح مو بس بگلبي سوت هيج طلعت للمناوبه واني ادندن لعبد الحليم

اول مره تحب يا قلبي
واول يوم اتهنى
ياما على نار الحب قالولي....
ولقيتها من الجنه
ليه بيقولوا الحب اسيه
ليه بيقولوا شجن ودموع
اول حب يمر عليا
قاد لي الدنيا
فرح وشموع
اولــ مــره اولــ مــره