حمامتي السمراء

البارت الثالث والعشرين

حمامتي السمراء ل شفاء ال سالم 💚🕊️

زينب

من رجعت للبيت لكيت يمنا خطار اني من نوع استحي كلش وما احب اطلع اسلم ولا اكعد وي الخطار لان كلمتين سوا ما اكدر اجمعهن اذا كعدت وي الخطار بس سألت سرى كالت انو جايين مشايه .........

جانت المشايه لاختي رايه الي جانت بهاي السنه راح تتخرج من الجامعه والي تقدملها مجان خريج بس جان صاحب محل ومعيش اهله يعني ناس على گد حالهم  ولان هم يحبون بعض محد اعترض على شي لان جانوا متفاهمين ف مشت الرسميات بشكل حلو وسهل وصارت الخطوبه بعيد الحب حسب مجانوا ممتفقين طلعوا يجننون بدون مبالغه وكلش لايگين لبعض بس اني طول الحفله جنت اتخيل نفسي مع وحسام بتلبيس الحلقات بالصور بالرگص وبكلشي دعيت من كل گلبي انه يجي يوم النا ونفرح هيج........

انتظروا حتى تتخرج رايه ويتزوجون لان جانت صعبه عليها تداوم وتزوج وبس خلصت امتحانات وتخرجت كملت تجهيزات الزواج واجه اليوم اللي راح تتزوج بي وتطلع من البيت جان شعور حلو شعور الفرحه انو راح تتزوج الشخص الي تحبه بس اكو شعور مزعج انه اكو شخص راح يطلع من البيت ويكون البيت ناقص شخص ......

اجه اليوم المنتظر ماما من بداية اليوم جانت متوتره كلش ومبينه الدموع بعينها بس ما جانت تبين أنها مضايقه حتى متخرب فرحة رايه واني هم ما جنت اريد اخرب فرحتها بس داخلي جان أكو شي مضوجني انه مكانها راح يبقى فارغ بالغرفة وجودها ويانا ضحكاتنا سوا وكومة شغلات بس بالآخر كلنا راح نتزوج ونطلع من بيتنا حاولت ما افكر بهاي الطريقه وما اضوج  وافكر بشي حلو انو هي اخذت اللي تحبه لازم أفرحلها ........

رحنا الصالون من الصبح وياها اني ما جنت أريد أروح بس محد جان راح يروح وياها بس اني وسرى
طلعنا من الصالون جابوها للبيت اول موصلت سيارة الزفة اني اول وحده صعدت بيها انهزمت ما اريد اشوف اللحظه الي تطلع بيها من البيت واللطم والبجي الي راح يصير وراها من تطلع  ف رحت كعدت بالسياره وراسلت حسام حتى اشوفه قبل لا اروح جنت لابسه فستان اسود بف طويل فاتحه شعري يوصل لنهاية ظهري بدون سحب خليت فيونكة حمرا بشعري على لون الحمره والحذاء والشال وذبيت شال احمر من لون الفيونكة والحذاء حسام ع اساس جان جاي لبيت سمر فات بصف السيارة مالتي جان الشال نازل عن شعري اشرلي وفات للبيت وراها دزلي رساله

- طالعة تموتين ولج شدعوه كل هالجمال ع كيفج بيه وبالعالم الي راح تشوفج الف اية فلق تحفظج بنيتي بس لتنسين شالج اريدج تتحجبين بي حجاب حد متوصلين القاعه وويضلون بس البنات يلا تفتحيه ميحتاج اوصيج وهم لتنسين تدزيلي صورة وتذكري اني احبج كلش اهتمي بنفسج ولضلين بدون اكل ليهبط سكرج

- عيونك الحلوه حبيبي، ان شاءالله روحي واني اموت بيك

جنت اعدل بشالي وطلعوا من بيتنا ووراها طلعنا للقاعه
طبعاً القاعه مجانت مختلطه جانت بس نسوان تونسنا كلش صورنا ورگصنا واكلنا بس خلص العرس حسيت بغصه انو رايه مراح ترجع ويانا للبيت طول الطريق واني دمعتي بعيني بس احد يكلي بخ ابجي رجعنا لگينا ماما تنتظرنا حتى تسألنا عليها جانت ماما عيونهم مورمة من البجي بس ما بجت گدامنا سألتنا عنها وطمناها وفاتت حتى تنام بقيت اني ومن فتت للغرفه شفت فراشها جان فارغ شبعت بجي بقيت ابجي حد ما نمت واني ما ادري بنفسي .......
‏