حمامتي السمراء

البارت السابع عشر

حمامتي السمراء ل شفاء ال سالم 🕊️💚

زينب

من الفشله گمت ومكعدت يمهم من البدايه الوص مره خاله مره عمه سويت كوكتيل اذا اكعد يمها اخرب الدنيا اني مش اني واني مستحيه  من راحت اجتي ماما عليه للغرفه

- زينب تعرفين هاي المريه ؟!
- ها
- تعرفيها
- يي توي عرفتها
- شون عرفتيها
- ام حسام غير
- اها يعني تعرفين هي ليش جايه
- يي اعرف ليش جايه بس مجنت اعرف راح تجي
- احجيلي بسرعه كلشي ومن البدايه

حجيتلها على كلشي منو هو ويصير ابن من وشون عرفته وشوكت وشگد وگف وياي وسندني بالاخص بأيام مرضها وشون جان يخاف عليه ويحبني لحد مجتي امه تطلبني هسه

- تدرين هي مجايه تطلبج ؟!
- لعد شنو  ليش جايه ماما !؟
-  يا ماما هي جايه حتى تحجزج ع بين متخلصين سادس وياخذوج لان كالت بعدها صغيره ومتتحمل دراسه وزواج وعيله واني كتلها احنه هم مننطيها هسه بس ماكو شي اسمه حجز

- يي ماما وبعد
- وحجتلي عن حالتهم هسه وانو ميمهم راتب وكل ولدها يشتغلون الي يشتغل عماله والي بالسوك والي بالمحلات بس يعني معدهم حال بين قوسين كالت بلكت ع بين متنجح من السادس للجامعه يتعدل حالنه ونزوجهم ونفرح بيهم بس مقتنعت بالكلام اني يعني شغلة الحجز وهيج ؟!   انتي شنو رأيج ماما انتي متأكده من مشاعرج وتحبي يعني مو اعجاب ومراهقه؟!

- زينب : يي ماما احبه واريده ومتأكده هم لان بهواي مواقف اثبتلي هالشي وبالاخص هسه من دز امه اثبتلي  زياده انه يحبني بعد شريد
- ماما بس هم معدهم حال بين قوسين فقراء

- زينب : الفلوس تروح وتجي وبعدين هو ابن خير اعرف حالتهم قبل ليموت ابوه ما شاءالله جانوا زناگين بس من توفى ابوهم راح الراتب ومروا بضروف صعبه ومحد وكف وياهم ف اضطروا يبيعون سيارتهم ومن قطع الاراضي مالتهم بعدين اني رايدته اله مرايده فلوسه ومدام هو يحبني وشاريني شسوي بفلوسه لتقدم ولا تأخر وهم خوش ولد واخلاقة كل المنطقه تشهدله بيها

- بس هو ممكمل دراسه
- هو من توفى ابوه وصارت الضروف مكدر يكمل واذا على دراستي معنده مانع اكمل وبالعكس هو من الثالث جان وياي ويساعدني ويسندني بكلشي ومتأكده مراح يعارض دراستي وراح يضل وياي حتى اكمل واوصل

- بس معنده وظيفة شون راح يعيشج
- يي بس هو يشتغل يمه وانتي تعرفين الوظايف الا بواسطه وفلوس وهم معدهم لا واسطه ولا فلوس واني اعرفه ومتأكدة منه مراح يخليني احتاج شي

- هاا واختج الاكبر منج شون ازوجج واعوفها
- هم مراح ياخذوني هسه انوبه ٣ سنين والله كريم منا لذاك الوقت
- يعني انتي موافقه على شغلة الحجز ؟!
- يي يمه اني ما اريد ازوج هسه لان بعد اريد اكمل سادس ع الاقل ووراها الله كريم
- اني هالشغله مداخله ببالي مال يحجزوج ويعوفوج ماكو هيج  حجي يمي
- هسه اعتبريهم محاجزيني بس اني هم مموافقه ازوج قبل السادس يعني اي احد يجي ارفضوه من يمكم
- الله كريم نشوف شون عود