حمامتي السمراء

البارت العشرين

حمامتي السمراء ل شفاء ال سالم 🕊️

رَغْم جميع ماجَرى و الصِعاب التي مضَتٍ
ما زال حُبك في قلبي كما هوَ،
كـ المرّة الأولى الَتِي نبض فِيهَا مِن أجلك،
لم يذبُل،بل أصبح أَكْثَر نداوة

زينب

مرت الايام بسرعه واني اليوم سادس اعدادي جنت محصله كل الدعم من اهلي وبالاخص من حسام جان وياي خطوه بخطوه جان يعرف عني اكثر من اهلي حتى دائماً يتطمن عليه ويعرف اذا بيه شي من صوتي ومرات من طريقة الرد مالتي بالرساله يعرفني اذا زعلانه او تعبانه واذا محتاجه شي جان اقرب الي من نفسي عليه مخله شي بنفسي ابد من كل النواحي على عدا الهدايا الي بدون مناسبه من تعرفنا لليوم دائماً جان يجيبلي هديه بدون مناسبه ومن اسأله ليش يكلي تخيلتها  تجنن عليج او من شفتها ذكرتني بيج وجبتها

الا مره وحده اجه عيد ميلادي انتظرت منه معايدة بس مر اليوم بدون ميتذكره ولا عايدني لان جان ناسي واني صاحبة الميلاد جنت ناسيه اصلاً لان جان عيد ميلادي بالجنسيه يختلف عن الحقيقه وهو بالاثنين ما اتذكرهن بس اني جنت اسوي ع الي بالحقيقه بالليل جانوا جايبيلي كيكة وسوولي حفله عائليه صغيره بصراحه اني جنت ناسيه وتفاجئت بس هو ماله حق ينسى اجه وكت الي نحجي بي مثل كل يوم اتصل مرديت اتصل ورفضته بقى يتصل وارفض حد محسيت نفسي راح انفجر لازم افرغ فتحت خط

- صار ساعه اتصل ليش ترفضين
- اهااا متعرف ليش
- لا ليش
- اسأل نفسك شمسوي
- ممسوي شي والله وعيونج العصر كلشي مجان بيج
- العصر وهسه ليل
- يعني هرمونات لو صاير شي صدك
- مو كلشي تحطوه براس الهرمونات وافعالكم شنو دورها
- هسه بس فهميني شصاير
- اليوم شنو
- الخميس
- لا يعني شكد بالشهر
- ٢٨
- زين يا شهر
- تردين تعدلين تقويم موبايلج كولي هيج من البدايه
- يا شهر جاوبني
- مايو
- يعني ؟!
- يي يعني ؟!
- شنو يعني ؟! جاوبني
- ٥/٢٨ يوم الخميس الونيس نهاية الاسبوع
- حسام لتطلعها لروحي يعني متعرف اليوم شنو
- اعرف مو هسه كتلج التاريخ واليوم شبيج
- يي مبين تعرف ولك اليوم ميلادي

سديته بوجهه يخابر وماارد سويته صامت حتى رفض مرفضته اخر شي نمت وسديت الانترنت وسويت تلفوني طيران صح مكملت النكد بس ع الاقل فرغت شوي

كعدت الصبح لكيته حارك التلفون وداز كوم رسايل ويعتذر بيهن ودازلي معايده وخاتمها  ب ( ان شاء الله السنه الجاية يمي واسويلج عيد ميلاد  والي وراها بنتنه ويانا تحتفل ) ووياها اغنية

—غنو لحبيبي وقدموله التهاني
في عيد ميلاده عساها مية عام
افرح حبيبي واطلب اغلى الاماني
الليله ياعمري تناديك الاحلام

حبيت الاغنية والمعايده كلش بس لا بعد وكت مخلصت نكد شون ينسى عيد ميلادي قريتهن وطلعت بدون لا اجاوب صارت  الساعه ب١١ الصبح دزلي رساله