حمامتي السمراء

البارت الخامس والعشرين

حمامتي السمراء ل شفاء ال سالم 💚🕊️

زينب

٢٠٢٢/٢/٢٢

كاعدين اني وحسام بالكوشة مالتنا بالقاعه والعالم تركص وتهوس الهوسة الوحيده الي جنت بودي اهوسها وياهم واركص عليها

- جان صاحبها وخذاها

جانت الفرحه مواسعتنه احنا الاثنين جنا طايرين ومو بالدنيا اصلاً جنا كاعدين والعالم تركص فرحانه بينا والنا اني جنت بمكاني ما اعرف اركص بس جنت احرك بأيدي اقوى شي اعرفه بس جانت بيه طاقة ركص رهيبه ولازم افرغها اجه دورنه جنه متفقين نشغل اغنية بتمون بس شغلناها وركصنا عليها بالعقد ف شغلنا اغنية الرقصه الاولى

-هلأ عمري تزين فيكي
تزين فيكي
اهلي واهلك فرحوا فيه
فرحوا فيكي
اسمحيلي من الرقصه الاولى
اسمحيلي من الرقصه الاولى
وصلي احساسي فيكي
تسلميلي ما احلاكي
توب الابيض شو محلاكي
رح كمل حياتي معاكي
وقضي عمري غنج فيكي
رح بتصيري ام اولادي
ونعمر بيت السعاده
من فرحة قلبي راح نادي
خليكي بعمري خليكي

احس جنا طايرين ملامسين عالكاع محد جان يكدر يشتت التجاذب الي جان بينا ولا يلفت انتباهنا غير بعض حسام جان يغني بعلو صوته واغلب الحفله جان شايلني ويفتر بيه جنت خجلانه بس الفرح جان مغطي ع الخجل رغم مجنت اعرف بس ركصت ركص حد متعبت رجليه واني افتر وادبج .........اجت اللحظه الي لازم نطلع بيها للبيت ودخل علينا علي سكران ووياه شلته اني جنت خايفه انه راح يسوي مشكله بس صار الي اكثر من هيج ...........

الساعه ٤:١٤ دقيقه العصر
المكان :حديقة بيتنا
التاريخ والزمان ٢٠٢١/١١/١٤

بعد حب سبع سنوات اجه اليوم المنتظر يوم فرحتي او اليوم الي كل بنت تنتظره راح تجي للمره الثالثه امه وهم واح تجي هالمره خالاته وعمته ام سمر وياها اختلطت عليه المشاعر فرح وخوف وسعاده وقلق واذا احد يجي يحط ايده على صدري حرفياً راح يلزم گلبي لان چان يريد يطلع من صدري ما اعرف احس هالمره مختلفه بكلشي حتى بمشاعري احس قرب يتحقق حلمنا وراح نكون لبعض جنت صافنه وافكر فجأه تلفوني اجت رساله رسالتين خمسه عشره ماعرف شكد صارو

حسام : 

- تحضري راح تجي امي وخالاتي
- لتلبسين قصير
-  لتخلين حمرتج الحمرا
- ولتكشخين هواي
- مراح اكون موجود المن تكشخين اصلاً
- اني هسه طلعت قبلهم راح اجي لبيت عمتي قبلهم انتظرهم يجون 
- وصلوا يلا طلعي استقبليهم
- انتبهي على نفسج
- احبج كومه
- وها ديري بالج ع عمتج
- طولت عليج هاي اخر رساله مشتاقلج كومه نيالهم راح يشوفوج
- هالمره صدك اخر رساله احبج كد الكون كله

كلشش ضحكت بوقتها وتوترت زياده اجذب اذا كلت اريد انهزم واصير العروس الهاربه احس هالمره تختلف عن كل مره جان كلبي يريد يطلع من مكانه فرح وخوف بنفس الوقت .....