حمامتي السمراء

البارت السابع

حمامتي السمراء ل شفاء آل سالم
حسام

چانت هي الصح الوحيد من بين كومه اغلاط
جانت هي البياض الي نور حياتي من بعد كومه سواد وظلام 
جانت مميزه ومختلفه جانت الشي وعكسه
شون مااعرف شايله تناقض الدنيا كله بيها والجاذبيه الي يمها مشايفها ببشر 
اول مره اشوف بنت سمره مملوحه وحلوه بنفس الوقت سبحان الي سواها بهالتناقض كله وبهالجمال........

لليوم اذكر نظراتها البارده والحاده اول مره شفتها چانت راجعه من منطقة ******  وي الاهالي الي رحنا نجيبهم حتى نرجعهم  للمنطقه  جانت مخليه جنطه على جتف والجهه الاخرى منزلتها والشال بس ذابته على شعرها واجذب اذا اكول نص شعرها طالع لان كله جان طالع شعرها اسود ليل ويادوب واصل  لنهاية جتفها

اللامبالاة الي جانت بعيونها والبرود حرگتني وحرگت اعصابي تباوع لكلشي الا عليه ولا عبالك اكو بشر كدامها  حجت وياها بنيه يمها ضحكت واختفت عيونها خلت ايدها على حلگها حرمتنا من شوفة ضحكتها الحلوه راح گلبي ووگع بتفاصليها الناعمه وبطولها الي جان شبر ونص بس ياخوفي من الشبر ونص شراح تسوي بيه......
 
بقيت امشي وياهم حد موصلت هي لبيتها ومن حسن حظي وصدفتي الحلوه طلعت جيران عمتي  البيت ع البيت بس ابد  مشايفها  شعجب مااعرف  ..........

مرت يومين ضبط جنت كاعد بالحديقه بيت عمتي   ادخن نرگيله اسمع صوت يادوب ينسمع  ناعم كلش وترف نادت اكثر من مره واخر شي گالت
- ولج سمر  جبتلج چكليت اخضر  الي تحبي                        بالصدفه باوعت جنت لابس طاگية وتشيرت اخضر هه ضحكت وكلت جني والله جابها مااعرف شنو سر هالصدف بس جانت من صالحي طلعت عليها هي مشافتني لان جنت گاعد بالضلمه وماابين  بس ردت حجه حتى احجي وياها  والفت انتباهها

- شبي الاخضر

مردت عليه بس فتحت عيونها متفاجئه ومصدومه متعرف مين طلعتلها عبالها جني

جتي سمر وقاطعتنا ملحكت اخذ وانطي بالحجي وياها
حاولت كل شوي ادور الحجي عليها بس مجانت ناطيه اهميه لوجودي او جانت خجلانه مااعرف بس نفسها نظراتها البارده موتنني بيها جانت مستعجله وبسرعه راحت وبقيت اني احقق وي سمر عنها اريد اعرف كلشي يخصها دخلت بالي كلش واكثر شي نظرتها مجانت عيونها كبار بس جانت عليها نظره تموت بيها برائه بيها قوه بيها تحدي كلشي بيها واكثر شي بيها برود ......

بالفتره الي توفت بيها جدة سمر جانت زينب اغلب الوكت يمها وتحاول تواسيها وتطلعها من حالتها وعمتي جانت تتهرب ومتحب تكعد بالبيت ابد  من توفت ام زوجها ف جانت يم ام زينب اغلب وكتها تقضي برا البيت

جنا كاعدين بالمطبخ وسمر جابتلنا الجاي صافن عليها وشون حاضنه الجاي بيدها ولازمته
- ترا الجاي هم عنده اهل.                                                    ردت ببرود  وابسامتها على وجها                 
-  هاااا
- الجاي الي حاضنته وتبوسين بي عنده اهل
هي جانت تشرب جاي من الضحكة غصت وطلع الجاي من خشمها راحت  للحمام تغسل
واني اصيح
-  اسم الله اسم الله ان شاءالله بعدوينك يحلو 
- سمر : بايخه متضحك
- شبيها الارمله السوداء
- مبيه شي بس سخيفه كلش ومتضحك
- لا والله صايره نفسيه انتي
اجت زينب وعيونها حمره
- شبيج يول فطيره بس تردين حجه
-  والله منقصه ضحك بس هسه عوفني خليني اشرب الجاي
- سمر : شبيج صايره فد مره بايخه متضحك لو لان من حبيب الگلب
- لا يولي مو هيج بس صدك تضحك
- حسام : عوفيها الارمله السوداء نفسيه ديربالج تصيرين مثلها
- زينب : شبيها بالعكس لتحجي عليها
- حسام : اني احبج هيح فرفوشه مو باجر نزوج وارجع من الشغل تعبان وبوزج متر ومتتحاجين مثل هذيج الوحده
- سمر : تقصدني ادري بيك عود تحصل وحده مثلي 
- زينب : عوفها بحالها ولتضل تتحارش
- حسام : يعني دتگولين عوفها واتحارش بيه مو وغمزتلها
- زينب : عزا بعينك شوكت كلت هيج لتتبلى  عيب بابا عيب الي بعمرك صارو اباء
- اني مستعجل وبودي هسه اصير اب بس غير انتي الله مهاديج عليه
حجيت هيج ووجها صار احمر وسكتت مردت عليه

- غمزتلها ها شكلتي ونخلي سمر شاهده
- على شنو
- على حبنا
- هي اصلاً شاهده وتعرف
- لا مو اريد اصير اب
- شوكت  تريد تصير اب وغمزتلي
اني مصدكها ممصدك بس كلت خ اشوف وين توصل
- هسه اذا معندج مانع
- ولو مانع شنو بس خليني اسوي شكم شغله وراجعتلك
-  على راحتج ممستعجل يا بعد بالي وفِكري

راحت تتمشى رايحه راجعه ضحكت  ونادت سمر حجوا شوي سوا اشوف سمر تتبوسم وممرتاح الها بس ردت اشوف شتسوي

بس درت وجهي عنهم مااحس اني الا الماي مغطيني كلي ملحكت احجي بس شهكت الجو جان بارد ثلج والماي بعد اكثر متت بمكاني لزمتني الرجفه جابت سمر البطانيه وغطتني
- لج لل لج  زينب ليشش هي هيج
- هااي حتى تصحى من احلام اليقظه وتتأدب وتعرف شتحجي
- لجج متت من البردد
- تستاهل انت بديت
والله شفتها شوي تندمت بس حاولت متبين كلت  بكلبي اني اعلمج بالغت بالموضوع وكم ارجف وسويت نفسي فقدت بس حتى اشوفها  شتسوي اجوي عليه وخلتني بحضنها وتضرب على  وجهي بكل رقه واني گوة لازم ضحكتي  عود بهاي الضربه تريد تصحيني وهي نملة  متموتها
- زينب : حسام حسام
- سمر : حسام صاير رقيق من الماي يفقد
- مو وكتج سمر الولد راح يموت
- يمعوده مسوينالة شي هو ماي من شوكت الماي يموت
- ولج باعي مديتحرك والجو بارد خاف صارله شي
- هسه يصحى
- خاف صارله شي شنسوي سمر

كامت تبجي زينب وهي تطبطب على وجهي متحملت  تبجي بسببي وكعدت 
- ها خفتي علية
- شبيك ولك شنو يوجعك
- اشرتلها على كلبي هنا يوجعني
- سلامتك ليش ولك شوي لو حيل يوجع
- حيل يوجعني
- تروح ع الطبابه
- لا علاجي هنا بس انطيني اياه
- ووو وينه بس گلي
- همستلها اني بحضنج هسه بقى بس شي واحد  اريد اصير اب

فتحت عيونها من الصدمه ودفعتني من حضنها
- صوجي خايفه عليك متستحي مو عيب عليك المفروض مو بس سطل ماي اذب عليك المفروض خزان المي كله اسبحك بي
- غمزتلها شكلتي
- تبطل سوالفك لو تريد سطل اخر
ضحكت وغمزتلها
- ماادري بنفسي حاب ضابط تعذيب
- انننننننننن حولت عيونها وطلعت سنونها وتعيب
- حاب خبله اني
وهي مستمره تعيب
- سميره اني رايحه
- حسام : يلا امشي اوصلج
- ضابط التعذيب مو بحاجة احد يوصله
- ههههه ضحكت من كل كلبي ترا نشاقه
- واني طباكات مااتشاقه
- توي تعيبين وتسوين نفسج ممهتمه
- كيفي ومزاجي
-   يلا  امشي كدامي
- سمر توصلني
- دمشي امشي ماكو غيري يوصلج

مشت واني امشي وراها حد موصلت بيتهم
- انتبهي لنفسج 
- وانت هم تصبح على خير
- وانتِ الخير كله

راحت تتمشى على كيفها هي مشيتها الطبيعيه نازكة  كلش تمشي ع كيفها  اني اباوعلها حد موصلت باب البيت طارت حمامتي من بيت گلبي لبيت اهلها  راحت وبقيت احجي وي نفسي يجي هاليوم يجي وتبقين يمي وبيتنا.......

"أدعو أن نجتمع أنا وأنت في بيتٍ واحد.. فيختفي ثِقل يومي ويكون خفيفًا، فتنتهي كل أزمات أو نتشاركها سويًا، تضع يدك على جُرحي فيهدأ ألمي.. تقبل رأسي فأنسى كوابيس الليلة الماضية، أن تكون معي.. وأن تكون أول الأشياء التي أراها صباحًا كافيٍ بالنسبة لي.⁣"
⁣-نيرمين القصبي