حمامتي السمراء

البارت التاسع

حمامتي السمراء ل شفاء آل سالم
""""""""""""""""
"وبكيتُ في غيابك
‏كما لم أفعل من قبل،
‏بكيتُ من كل الحواس،
‏بكيتُ كأني لا أبكي بل أذوب دفعًة واحدة، وأُمطر."

‏ـ  ل محمود درويش
"""""""""""""""""
زينب

الاسبوع الاول بعد غياب حسام

مر اول اسبوع بعد ما التحق حسام  جنت  اكتبله كل يوم بيومه شيصير صح اشتاقيتله بس جان  اكو امل بداخلي يگلي حسام راح يرجع يخلص اسبوع هناك ويرجع بديت اعد واسقط الايام يوم يوم احسبها بدقايقها بس اريد اليوم يخلص  ويجي الليل حتى اروح انام ويبدا يوم جديد  ويخلص اليوم حتى يجي حسام بس خلص الاسبوع وحسام ما ااجه ومو بس هيج ما دز اي شي ولا سمعنه عنه شي سمر من يوم راح حسام مرحت لبيتهم جانت بس هي تجيني نكعد شوي وتروح تتفهم وضعي وتعرف مالي خاك احجي ومرات جانت تبقى وباي نبقى ساكتين بس هيج كاعدين سوا كل وحده فكرها بمكان وبس الاجسام ملتقيه احس نفسي ما بيه حيل ولا الي خلگ اگعد اضحك واجامل اذا راحت سمر ارجع لغرفتي ٢٤ ساعه بيها على كد الوجبه وارجع امدد بفراشي حبيبي كلشي مو حلو وانت غايب كلشي ما اله طعم ولا لون ارجع بسرعه مشتاقتلك ترا
اما بالنسبه للوضع العام من سيىء الى اسوء زادت الهجمات والقصف جانوا كل ميتحاصرون اكثر يأذونا اكثر

الاسبوع الثاني

صار  اسبوعين وانت ماكو  ١٤ يوم بدقايقها ولياليها حسام كافي يلا ارجع ارجع بس طمني عليك ع الاقل سوي اي شي حتى اعرف انك موجود وبخير  اني احس بوجودك بس خايفه يخيب احساسي مثل كل مره  القلق اكلني اكل ومبقه الي نفس بشي لا اكل لا نوم ولا حتى كعده وي اهلي تعبت حسام الله يخليك حس بيه وارجع كافي طولت هواي ترا اني ممتعوده هيج تغيب وتعوفني كلش متأذيه بغيابك واحس روحي راح تطلع بس ارجع شتريد اسويلك وما ازعلك ابد ولا اعاندك واخليك تعصب ابد ارجعلي وخلي العافيه تردلي

الاسبوع الثالث
٢١ يوم مرت بكل لحظه وثانيه جانت شي اثكل من شي الانتظار متعب والخوف والقلق ياخذن الحيل
ال٢١ يوم اخذت من طاقتي وروحي مؤذيه بكل معنى الكلمه الامل الي جان بداخلي خلص وتلاشى والاصح مات مبقى عندي ذرة امل وطاقتي صارت تحت الصفر والبعد موتني والاكثر من هاذ كله لا حس ولا خبر منك هالشي يفوق صبري وتحملي وصلت مرحله اكوم من النوم بعد مية فزة والف كابوس اكعد تعبانه وعيوني ذبلانه عبالك جنت بحرب وارجع انام مرت الايام هيج بغيابك حسيت حياتي خلصت ماعندي شي اسويه غير النوم اهرب من افكاري ونفسي للنوم وحتى النوم يأذيني

بعد مرور شهر

خلال هالشهر الي مر اشترت ماما بقره جديده النا حتى نعيش منها لان كل مديتقدمون بالتحرير تقل الموارد والاكل حتى الحطب الي جنا نتدفى بيه ونطبخ عليه بدا يقل صارت شحه بكلشي الاكل الحطب اما الغاز والنفط والكهرباء مشفناهن من بداية الحصار   .....