حمامتي السمراء

البارت السادس

حمامتي السمراء ل شفاء آل سالم

زينب

خلصت ايام الفاتحه وجانت من اصعب الايام الي مرت بيها سمر لذلك مگدرت اعوفها وحدها چانت منهاره من منظر موت جدتها وبيتهم  اكثر من موت جدتها نفسه صارت بيها صدمه وواهس جانت تخاف ومتخلي احد يطلع برا ولا هي تحب تطلع برا وگعدت البيت زادت الطين بله كل ميقصفون جانت تكعد تبجي وتصرخ حد ميخلص القصف تأزمت نفسيتها ماكو مدرسه هالسنه بسبب الاوضاع وماكو لا العاب ولا مطاعم ولااقارب مايمنا بس البيت وبالاخص جوا الدرج تعبت نفسيتها ونفسيتي وياها لان مچنت متعوده اشوفها هيج مكسوره واول مره اشوفها هيج ذابله وشاحبه كلش انقهر عليها بس مجان بيدي شي اسوي غير اكون يمها وادعيلها .......

توي گعدت من النوم داشرب جاي حتى اروح  لسمر ولگيت علي يمنا شفته ابتسمتله  وسويتله هلو من بعيد ومشيت مچان الي واهس احجي او اكعد وياه جنت  احاول اتهرب منه وماانطي مجال حتى يحس ويبتعد حتى جنت اعامله ببرود بس مجان يحس ابد  كل مره يعيد ويزيد بنفس الموضوع
دااصب بالچاي واجه
علي : يابه وياچ جاي
زينب : صباح النور
- ميصير نكول صباح  الخير وانتي الخير كله
-  اهاااا شكراً
- فكرتي بالموضوع
- يا هو بيهم
- قابل شكم موضوع بينا
- ميحتاج افكر نطيتك جوابي
- يولي تذكرين ايام نزوحنا على ******* شون جنا متونسين سوا رغم كلشي
- الله هذيج الايام وهاي المنطقه بالذات اخذت مكان بكلبي
- يي حتى اني لان هناك بديت احبج
- ...........
- تذكرين من جنه نلعب سباق واخليج تفوزين لان انتي عبالك نمله خطوتين وتتعبين
- لا عيني اني جنت افوز عليك مو انت جنت تفوزني
- ههههههه وبالدعبل من جنه نلعب واكسبچ وارجعلج اياهم وارجع اكسبچ وارجعهم
- ههههه يي مجنت اعرف العب شسوي يعني
- شفتي شون جنه متونسين سوا وهاذ دليل على اني اكدر اسعدج
- ماانكر احنه جنا متونسين وانت جنت واحد من الاسباب  بس هاذ مو مقياس ولا الشغله بيدي
- مستعد كلشي اسوي بس طلبي
- اريد سلامتك واريدك تنسى الموضوع وتعوفني
- بس اني كتلج مااعوفج حد متوافقين
- مو كلت بس طلبي
- الا هالطلب مااكدر احبج والله صدكيني
- بس علي انت مثل اخويه ومستحيل افكر هيج بيك
- اكلج خواتي الي يمي شالعات كلبي اني اريد حبيبه مو اخت
- واني مااريد
- وراج وراج والزمن طويل صح احنه رايحين  للشمال لان ابوي صحته تعبانه وميتحمل اكثر هنا بس راجعين واول ماارجع راح اتقدملج
- عنده العافيه يارب وترجعون بالسلامه ان شاء الله

ابتسمتله مجاملةً ومشيت وعفته  علي ابن عمي هو جان ساكن بغير منطقه ومنشوفهم بس بالمناسبات بس من اجو الدواعش وصار النزوح صرت كل يوم اشوفه لان سكنا سوا ومن ذاك اليوم لزك بالموضوع ويلح بي ......بس هسه الحمدلله راح يروحون ويعوفني من الملحة مالتة
لحد اليوم مناسيه  يوم الي اعترفلي بي قبل ٤ اشهر بالضبط  من رحنا لغير منطقه ...........