حمامتي السمراء

البارت الثالث

حمامتي السمراء ل شفاء ال سالم
زينب

بعد الي صار قبل يومين مضل بيه حيل لأي شي كل اليوم بس صافنه وافكر وخايفه الدور الجاي على منو بابا مره الاخ لو ماما لو منو ياربي بلكت اني احسن شي حتى لا اتأذى مااتحمل صار بيه واهس من الخوف والقلق احس روحي دتتآكل من الخوف والوضع الي احنه بي .... اريد اطلع من الحاله هاي راح اتخبل صارلي يومين لا رحت لسمر ولا جتي هي عليه مااعرف شبيها اول مره تسويها انتظرتها ماكو مجتي اروحلها اني نشرب چاي العصر سويه واعلمها شون متجي صار يومين

اول مدخلت الهم شفته چان گاعد من شافني فز على طوله
- شدعوه شايف جنيه
- لا والله چنت افكر بيچ وشفتچ عبالي داتخيل
- بنت الحلال بذكرها
- قصدچ بنت گلبي بذكرها
- هه باوع الحچي الحلو وهاي السوالف متوكل خبز عندي تريدني اثبتلي ولا الحجي الحلو كلها تكدر تحجي واني اول وحده تقدم عليه واني ارجع ليورا حد مصار ضهري بالباب همس بأذني
- يعني حلوه وتحچين حلو شيصير بالسكر مالتنا
- كلشي ميصير وخر عني دفعته ورحت بالجهه الاخرى
- كتلك اثبتلي غير هيج معندي
- اؤمري واني حاضر بالي تؤمرين
- اني اريدك تثبتلي وهسه
- ......
.........
صفن وطولت صفنته بعدها راح ورجع بيده قرأن
- شراح تسوي
- حالياً هذا الشي الوحيد الي اگدر اثبتلج بيه
- يي
- والله العظيم وحق هذا القرآن وغلاة امي وبروح ابوي انه حبيتچ من اول نظره ونيتي وياچ شريفه يابنت الناس ومناوي لعب ابد وبس الله يقدرني وينتهي هالوضع رايدچ مريتي

انصدمت من حط ايده ع القرآن وحلف مامعقوله يچذب ولا مجبور اصلاً

- ليش سكتي !؟
- هااا ولا شي بس ترى هاذ حلف مو لعبه
- ومنو گلچ اني داالعب
- بس هاذ اول اختبار بعد گدامك كومه ترا مو عبالك ضمنتني
- واني مستعد بالي تردي وتطلبي
- الله كريم نشوف شلون
- صار يومين انتظرج وعرفتچ راح تجين
- شلون عرفت ؟؟!
- مخليت سمر تجي عليكم
- ياا يعني بسببك
- شون اشوفج لعد واحجي وياج
- عزااا واكول ليش مجتي طلع من وراك
- من وراج حتى اشوفج
- هلوووو واني شعليه
- غير متعلق بيج ومااكدر اذا مااشوفج
- كتلك بعد كدامك كومه نننننننننننننن

مخليته يحجي عفته وفتت لسمر على غرفتها لگيتها نايمه
- سمر خاتون ....ست سمر عيني ....گعدي راح يأذن المغرب وجع تگومين لو شلون
- هااا شبيج
- كومي جعلج بالوجع صارلج يومين ماكو
- مو اني حسام مقبل
- وخطيه انتي مطيعه وتسمعين الكلام ام لسان
- غير دااضحي على مود حبكم العظيم
- دنچبي وسكتي گومي اجيت نشرب جاي العصر سوا
- مو كلتي راح يأذن مغرب
- يي واذا يأذن مغرب منشرب چاي يعني يلا گومي

گامت سمر تجيب الچاي واني بقيت بغرفتهه لان حسام برا ومردت اشوفه بعدني مصدومه من حلف وخله ايده ع القرآن معقوله يحبني وهو بعده مشايفني غير شكم مره ياربي اني بغير شي بالي مشغول ناقصني هاي الشغله......