ကျောင်းမသွားတာလည်း ကြာပြီ ဖြစ်ပြီး
ရူးရူးမူးမူးတွေပဲ လျှောက်လုပ်မိတာ
၁ လ ကျော်ပြီ ဖြစ်သည်။
တကယ်ဆို ကျောင်းထွက်စာကို သေချာစစ်သင့်တာ၊ cancel လုပ်သင့်တာ။
ဒါဆို ယုန်လေး နဲ့ သူနဲ့ ဝေးရမှာ မဟုတ်ဘူး ။
အတွေးတွေ စုံအောင်လျှောက်တွေးမိပေမယ့်
ညဘက်ဆို သော့ခတ်ထားတဲ့ အိမ်လေးရှေ့ကို
ညတိုင်း ရောက်ဖြစ်သည်။
ကံကြမ္မာက ဆန်းကြယ်သား။
ဒီအိမ်လေးမှာ သူ့ယုန်လေးက နေခဲ့တာတဲ့။
ပြီးတော့
ယုန်လေးက သူ့ကို ချစ်နေခဲ့တာကို
သူ လုံးဝမသိခဲ့ဘူး။
ဘယ်လောက် တုံးလိုက်သလဲ။
ဘယ်လောက် နှလုံးသား မရှိလိုက်တဲ့ ကောင်လဲ။
ယုန်လေးကို ငိုအောင် လုပ်တာ ဘယ်သူမှ မဟုတ်ဘူး ၊
သူကိုယ်တိုင်ပဲ။
ဘယ်လောက် စောက်သုံးမကျလိုက်တဲ့ ကောင်လဲ။
ဒီရက်ပိုင်းမှာ ဒိုင်ယာရီလေး တစ်အုပ်ကို
တွေ့လို့သာ သိခဲ့တာ။
မဟုတ်ရင် ဒီတစ်သက် သိမယ် မထင်ဘူး ။
သူ ကိုယ်တိုင် ဆန်းစစ်မိလို့ အဖြေထွက်တဲ့ အချိန်ကျ
အချိန်တွေက နှောင်းသွားပြီ။
တကယ်ကို ဘာမှ ပြင်ဆင်လို့ မရတော့ဘူး ။
သူ ယုန်လေးကို ချစ်တယ် ။
ရင်ထဲ အသည်းထဲကနေကို ချစ်တာ ။
နက်နက်ရှိုင်းရှိုင်းကို ချစ်မိတာ။
မဟုတ်ဘူး.. ချစ်နေခဲ့တာဆို ပိုမှန်မယ်။
ဒါပေမယ့်.. အခု ဒီစကားတွေကို ပြောဖို့ သူ့မှာ အခွင့်အရေးမရှိတော့ဘူး။
ယုန်လေးက သူ့ကို ထားသွားပြီ။
သူနဲ့ အဝေးကို ထွက်သွား ပြီ။
သူ့ဘဝကြီး က မုန်တိုင်းဝင်မွှေထားသလို စုတ်ပြတ်သတ်နေတာပဲ။
အခု ဝမ်ရိပေါ် က ဟန်ရှင်းနဲ့ တောင် ဘဝတူသွားပြီ။
လွန်ခဲ့တဲ့... ၁လ>>>>>
ခရီးဆောင်အိတ်တွေ ကို ကိုယ်တိုင်သယ်ချပေးသည့်
ဖန်ရှင်းက ဝမ်ရိပေါ်ကို မြင်တော့
မျက်စိတစ်ချက်မှိတ်ပြကာ သူ့ဘေးက ကောင်မလေးကို တစ်ချက်ရှိုးခိုင်းသည်။
သြော်..ဒါက သူ့နောက်ဆုံး ပစ်မှတ်လား။
ရွက်ကြမ်းရေကြိုရုပ်၊ ဘာမှ လည်း မထူးခြားဘူး ။
ဝမ်ရိပေါ်က မလှုပ်တော့ ချန်ဖန်းက တွန်းရသည်။
"ဝမ်ရိပေါ် သူက ကွင်းပိုင်ရှင်လေ အန်ဂျလာ တဲ့။"
YOU ARE READING
Oh my crush...
Romanceတစ်စုံတစ်ယောက် ကို ဘယ်လောက်ထိ သဘောကျမိတဲ့ အကြောင်း မေးတယ့် အခါ ရှိုက်သံ တွေ မပါဘဲ ဖြေကြည့်ပါ...။ one side love.
